TITUS
Rg-Veda: Rg-Veda-Samhita
Part No. 475
Previous part

Hymn: 34_(475) 
Verse: 1 
Halfverse: a    सं च॒ त्वे ज॒ग्मुर्गिर॑ इन्द्र पू॒र्वीर्वि च॒ त्वद्य॑न्ति वि॒भ्वो॑ मनी॒षाः ।
   सं च॒ त्वे ज॒ग्मुर्गिर॑ इन्द्र पू॒र्वीर्
   सम् च त्वे ज॒ग्मुः गिरः इन्द्र पू॒र्वीः
   सं च त्वे ज॒ग्मुर् गिर इन्द्र पू॒र्वीर्

Halfverse: b    वि च॒ त्वद्य॑न्ति वि॒भ्वो॑ मनी॒षाः ।
   वि च त्वत् यन्ति वि॒भ्वः मनी॒षाः ।
   वि च त्वद् यन्ति वि॒भुवो मनी॒षाः ।

Halfverse: c    पु॒रा नू॒नं च॑ स्तु॒तय॒ ऋषी॑णाम्पस्पृ॒ध्र इन्द्रे॒ अध्यु॑क्था॒र्का ।।
   पु॒रा नू॒नं च॑ स्तु॒तय॒ ऋषी॑णाम्
   पु॒रा नू॒नम् च स्तु॒तयः ऋषी॑णाम्
   पु॒रा नू॒नं च स्तु॒तये ऋषी॑णाम्

Halfverse: d    पस्पृ॒ध्र इन्द्रे॒ अध्यु॑क्था॒र्का ।।
   प॑स्पृ॒ध्रे इन्द्रे अधि उक्था॒र्का ।।
   प॑स्पृ॒ध्र इन्द्रे अधि उक्थअ॒र्का ।।


Verse: 2 
Halfverse: a    पु॑रुहू॒तो यः पु॑रुगू॒र्त ऋभ्वाँ॒ एकः॑ पुरुप्रश॒स्तो अस्ति॑ य॒ज्ञैः ।
   पु॑रुहू॒तो यः पु॑रुगू॒र्त ऋभ्वाँ
   पुरुहू॒तः यः पु॑रुगू॒र्तः ऋभ्वा
   पुरुहू॒तो यः पु॑रुगू॒र्त ऋभ्वाँ

Halfverse: b    एकः॑ पुरुप्रश॒स्तो अस्ति॑ य॒ज्ञैः ।
   एकः पुरुप्रश॒स्तः अस्ति य॒ज्ञैः ।
   एकः पुरुप्रश॒स्तो अस्ति य॒ज्ञैः ।

Halfverse: c    रथो॒ न म॒हे शव॑से युजा॒नो॒ ऽस्माभि॒रिन्द्रो॑ अनु॒माद्यो॑ भूत् ।।
   रथो॒ न म॒हे शव॑से युजा॒नो
   रथः न म॒हे शव॑से युजा॒नः
   रथो न म॒हे शव॑से युजा॒नो

Halfverse: d    ऽस्माभि॒रिन्द्रो॑ अनु॒माद्यो॑ भूत् ।।
   अ॒स्माभिः इन्द्रः अनु॒माद्यः भूत् ।।
   अ॒स्माभि॑र् इन्द्रो अनु॒मादि॑यो भूत् ।।


Verse: 3 
Halfverse: a    न यं हिंस॑न्ति धी॒तयो॒ न वाणी॒रिन्द्रं॒ नक्ष॒न्तीद॒भि व॒र्धय॑न्तीः ।
   न यं हिंस॑न्ति धी॒तयो॒ न वाणी॑र्
   न यम् हिंस॑न्ति धी॒तयः न वाणीः
   न यं हिंस॑न्ति धी॒तयो न वाणी॑र्

Halfverse: b    इन्द्रं॒ नक्ष॒न्तीद॒भि व॒र्धय॑न्तीः ।
   इन्द्र॑म् नक्ष॑न्ति इत् अ॒भि व॒र्धय॑न्तीः ।
   इन्द्रं नक्ष॒न्तीद् अ॒भि व॒र्धय॑न्तीः ।

Halfverse: c    यदि॑ स्तो॒तारः॑ श॒तं यत्स॒हस्रं॑ गृ॒णन्ति॒ गिर्व॑णसं॒ शं तद॑स्मै ।।
   यदि॑ स्तो॒तारः॑ श॒तं यत्स॒हस्रं
   यदि स्तो॒तारः श॒तम् यत् स॒हस्र॑म्
   यदि स्तो॒तारः श॒तं यत् स॒हस्रं

Halfverse: d    गृ॒णन्ति॒ गिर्व॑णसं॒ शं तद॑स्मै ।।
   गृ॒णन्ति गिर्व॑णसम् शम् तत् अस्मै ।।
   गृ॒णन्ति गिर्व॑णसं शं तद् अस्मै ।।


Verse: 4 
Halfverse: a    अस्मा॑ ए॒तद्दि॒व्य॒र्चेव॑ मा॒सा मि॑मि॒क्ष इन्द्रे॒ न्य॑यामि॒ सोमः॑ ।
   अस्मा॑ ए॒तद्दि॒व्य॒र्चेव॑ मा॒सा
   अस्मै ए॒तत् दि॒वि अ॒र्चा इ॑व मा॒सा
   अस्मा ए॒तद् दि॒वि अ॒र्चेव मा॒सा

Halfverse: b    मि॑मि॒क्ष इन्द्रे॒ न्य॑यामि॒ सोमः॑ ।
   मि॑मि॒क्षः इन्द्रे नि अ॑यामि सोमः ।
   मि॑मि॒क्ष इन्द्रे नि अ॑यामि सोमः ।

Halfverse: c    जनं॒ न धन्व॑न्न॒भि सं यदापः॑ स॒त्रा वा॑वृधु॒र्हव॑नानि य॒ज्ञैः ।।
   जनं॒ न धन्व॑न्न॒भि सं यदापः
   जन॑म् न धन्व॑न् अ॒भि सम् यत् आपः
   जनं न धन्व॑न्न् अ॒भि सं यद् आपः

Halfverse: d    स॒त्रा वा॑वृधु॒र्हव॑नानि य॒ज्ञैः ।।
   स॒त्रा वा॑वृधुः हव॑नानि य॒ज्ञैः ।।
   स॒त्रा वा॑वृधुर् हव॑नानि य॒ज्ञैः ।।


Verse: 5 
Halfverse: a    अस्मा॑ ए॒तन्मह्या॑ङ्गू॒षम॑स्मा॒ इन्द्रा॑य स्तो॒त्रम्म॒तिभि॑रवाचि ।
   अस्मा॑ ए॒तन्मह्या॑ङ्गू॒षम॑स्मा
   अस्मै ए॒तत् महि आङ्गू॒षम् अस्मै
   अस्मा ए॒तन् महि आङ्गू॒षम् अस्मा

Halfverse: b    इन्द्रा॑य स्तो॒त्रम्म॒तिभि॑रवाचि ।
   इन्द्रा॑य स्तो॒त्रम् म॒तिभिः अवाचि ।
   इन्द्रा॑य स्तो॒त्रम् म॒तिभि॑र् अवाचि ।

Halfverse: c    अस॒द्यथा॑ मह॒ति वृ॑त्र॒तूर्य॒ इन्द्रो॑ वि॒श्वायु॑रवि॒ता वृ॒धश्च॑ ।।
   अस॒द्यथा॑ मह॒ति वृ॑त्र॒तूर्य
   अस॑त् यथा मह॒ति वृ॑त्र॒तूर्ये
   अस॑द् यथा मह॒ति वृ॑त्र॒तूर्य

Halfverse: d    इन्द्रो॑ वि॒श्वायु॑रवि॒ता वृ॒धश्च॑ ।।
   इन्द्रः वि॒श्वायुः अवि॒ता वृ॒धः च ।।
   इन्द्रो वि॒श्वायु॑र् अवि॒ता वृ॒धश् च ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.