TITUS
Rg-Veda: Rg-Veda-Samhita
Part No. 476
Previous part

Hymn: 35_(476) 
Verse: 1 
Halfverse: a    क॒दा भु॑व॒न्रथ॑क्षयाणि॒ ब्रह्म॑ क॒दा स्तो॒त्रे स॑हस्रपो॒ष्यं॑ दाः ।
   क॒दा भु॑व॒न्रथ॑क्षयाणि॒ ब्रह्म
   क॒दा भु॑वन् रथ॑क्षयाणि ब्रह्म
   क॒दा भु॑वन् रथ॑क्षयाणि ब्रह्म

Halfverse: b    क॒दा स्तो॒त्रे स॑हस्रपो॒ष्यं॑ दाः ।
   क॒दा स्तो॒त्रे स॑हस्रपो॒ष्य॑म् दाः ।
   क॒दा स्तो॒त्रे स॑हस्रपो॒षियं दाः ।

Halfverse: c    क॒दा स्तोमं॑ वासयो ऽस्य रा॒या क॒दा धियः॑ करसि॒ वाज॑रत्नाः ।।
   क॒दा स्तोमं॑ वासयो ऽस्य रा॒या
   क॒दा स्तोम॑म् वासयः अस्य रा॒या
   क॒दा स्तोमं वासयो अस्य रा॒या

Halfverse: d    क॒दा धियः॑ करसि॒ वाज॑रत्नाः ।।
   क॒दा धियः करसि वाज॑रत्नाः ।।
   क॒दा धियः करसि वाज॑रत्नाः ।।


Verse: 2 
Halfverse: a    कर्हि॑ स्वि॒त्तदि॑न्द्र॒ यन्नृभि॒र्नॄन्वी॒रैर्वी॒रान्नी॒ळया॑से॒ जया॒जीन् ।
   कर्हि॑ स्वि॒त्तदि॑न्द्र॒ यन्नृभि॒र्नॄन्
   कर्हि स्वित् तत् इन्द्र यत् नृभिः नॄन्
   कर्हि स्वित् तद् इन्दर यन् नृभि॑र् नॄन्

Halfverse: b    वी॒रैर्वी॒रान्नी॒ळया॑से॒ जया॒जीन् ।
   वी॒रैः वी॒रान् नी॒ळया॑से जय आ॒जीन् ।
   वी॒रैर् वी॒रान् नी॒ळया॑से जया॒जीन् ।

Halfverse: c    त्रि॒धातु॒ गा अधि॑ जयासि॒ गोष्विन्द्र॑ द्यु॒म्नं स्व॑र्वद्धेह्य॒स्मे ।।
   त्रि॒धातु॒ गा अधि॑ जयासि॒ गोष्व्
   त्रि॒धातु गाः अधि जयासि गोषु
   त्रि॒धातु गा अधि जयासि गोषु

Halfverse: d    इन्द्र॑ द्यु॒म्नं स्व॑र्वद्धेह्य॒स्मे ।।
   इन्द्र द्यु॒म्नम् स्व॑र्वत् धेहि अ॒स्मे ।।
   इन्द्र द्यु॒म्नं सुव॑र्वद् धेहि अ॒स्मे ।।


Verse: 3 
Halfverse: a    कर्हि॑ स्वि॒त्तदि॑न्द्र॒ यज्ज॑रि॒त्रे वि॒श्वप्सु॒ ब्रह्म॑ कृ॒णवः॑ शविष्ठ ।
   कर्हि॑ स्वि॒त्तदि॑न्द्र॒ यज्ज॑रि॒त्रे
   कर्हि स्वित् तत् इन्द्र यत् जरि॒त्रे
   कर्हि स्वित् तद् इन्दर यज् जरि॒त्रे

Halfverse: b    वि॒श्वप्सु॒ ब्रह्म॑ कृ॒णवः॑ शविष्ठ ।
   वि॒श्वप्सु ब्रह्म कृ॒णवः शविष्ठ ।
   वि॒श्वप्सु ब्रह्म कृ॒णवः शविष्ठ ।

Halfverse: c    क॒दा धियो॒ न नि॒युतो॑ युवासे क॒दा गोम॑घा॒ हव॑नानि गछाः ।।
   क॒दा धियो॒ न नि॒युतो॑ युवासे
   क॒दा धियः न नि॒युतः युवासे
   क॒दा धियो न नि॒युतो युवासे

Halfverse: d    क॒दा गोम॑घा॒ हव॑नानि गछाः ।।
   क॒दा गोम॑घा हव॑नानि गछाः ।।
   क॒दा गोम॑घा हव॑नानि गछाः ।।


Verse: 4 
Halfverse: a    स गोम॑घा जरि॒त्रे अश्व॑श्चन्द्रा॒ वाज॑श्रवसो॒ अधि॑ धेहि॒ पृक्षः॑ ।
   स गोम॑घा जरि॒त्रे अश्व॑श्चन्द्रा
   स गोम॑घाः जरि॒त्रे अश्व॑श्चन्द्राः
   स गोम॑घा जरि॒त्रे अश्व॑श्चन्द्रा

Halfverse: b    वाज॑श्रवसो॒ अधि॑ धेहि॒ पृक्षः॑ ।
   वाज॑श्रवसः अधि धेहि पृक्षः ।
   वाज॑श्रवसो अधि धेहि पृक्षः ।

Halfverse: c    पी॑पि॒हीषः॑ सु॒दुघा॑मिन्द्र धे॒नुम्भ॒रद्वा॑जेषु सु॒रुचो॑ रुरुच्याः ।।
   पी॑पि॒हीषः॑ सु॒दुघा॑मिन्द्र धे॒नुम्
   पीपि॒हि इषः सु॒दुघा॑म् इन्द्र धे॒नुम्
   पीपि॒हीषः सु॒दुघा॑म् इन्द्र धे॒नुम्

Halfverse: d    भ॒रद्वा॑जेषु सु॒रुचो॑ रुरुच्याः ।।
   भ॒रद्वा॑जेषु सु॒रुचः रुरुच्याः ।।
   भ॒रद्वा॑जेषु सु॒रुचो रुरुच्याः ।।


Verse: 5 
Halfverse: a    तमा नू॒नं वृ॒जन॑म॒न्यथा॑ चि॒च्छूरो॒ यच्छ॑क्र॒ वि दुरो॑ गृणी॒षे ।
   तमा नू॒नं वृ॒जन॑म॒न्यथा॑ चिच्
   तम् आ नू॒नम् वृ॒जन॑म् अ॒न्यथा चित्
   तम् आ नू॒नं वृ॒जन॑म् अ॒न्यथा चिच्

Halfverse: b    छूरो॒ यच्छ॑क्र॒ वि दुरो॑ गृणी॒षे ।
   शूरः यत् शक्र वि दुरः गृणी॒षे ।
   छूरो यच् छक्र वि दुरो गृणी॒षे ।

Halfverse: c    मा निर॑रं शुक्र॒दुघ॑स्य धे॒नोरा॑ङ्गिर॒सान्ब्रह्म॑णा विप्र जिन्व ।।
   मा निर॑रं शुक्र॒दुघ॑स्य धे॒नोर्
   मा निः अ॑रम् शुक्र॒दुघ॑स्य धे॒नोः
   मा निर् अरं शुक्र॒दुघ॑स्य धे॒नोर्

Halfverse: d    आङ्गिर॒सान्ब्रह्म॑णा विप्र जिन्व ।।
   आ॑ङ्गिर॒सान् ब्रह्म॑णा विप्र जिन्व ।।
   आ॑ङ्गिर॒सान् ब्रह्म॑णा विप्र जिन्व ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.