TITUS
Rg-Veda: Rg-Veda-Samhita
Part No. 477
Previous part

Hymn: 36_(477) 
Verse: 1 
Halfverse: a    स॒त्रा मदा॑स॒स्तव॑ वि॒श्वज॑न्याः स॒त्रा रायो ऽध॒ ये पार्थि॑वासः ।
   स॒त्रा मदा॑स॒स्तव॑ वि॒श्वज॑न्याः
   स॒त्रा मदा॑सः तव वि॒श्वज॑न्याः
   स॒त्रा मदा॑सस् तव वि॒श्वज॑न्याः

Halfverse: b    स॒त्रा रायो ऽध॒ ये पार्थि॑वासः ।
   स॒त्रा रायः अध ये पार्थि॑वासः ।
   स॒त्रा रायो अध ये पार्थि॑वासः ।

Halfverse: c    स॒त्रा वाजा॑नामभवो विभ॒क्ता यद्दे॒वेषु॑ धा॒रय॑था असु॒र्य॑म् ।।
   स॒त्रा वाजा॑नामभवो विभ॒क्ता
   स॒त्रा वाजा॑नाम् अभवः विभ॒क्ता
   स॒त्रा वाजा॑नाम् अभवो विभ॒क्ता

Halfverse: d    यद्दे॒वेषु॑ धा॒रय॑था असु॒र्य॑म् ।।
   यत् दे॒वेषु धा॒रय॑थाः असु॒र्य॑म् ।।
   यद् दे॒वेषु धा॒रय॑था असु॒र्य॑म् ।।


Verse: 2 
Halfverse: a    अनु॒ प्र ये॑जे॒ जन॒ ओजो॑ अस्य स॒त्रा द॑धिरे॒ अनु॑ वी॒र्या॑य ।
   अनु॒ प्र ये॑जे॒ जन॒ ओजो॑ अस्य
   अनु प्र ये॑जे जनः ओजः अस्य
   अनु प्र ये॑जे जन ओजो अस्य

Halfverse: b    स॒त्रा द॑धिरे॒ अनु॑ वी॒र्या॑य ।
   स॒त्रा द॑धिरे अनु वी॒र्या॑य ।
   स॒त्रा द॑धिरे अनु वी॒रिया॑य ।

Halfverse: c    स्यू॑म॒गृभे॒ दुध॒ये ऽर्व॑ते च॒ क्रतुं॑ वृञ्ज॒न्त्यपि॑ वृत्र॒हत्ये॑ ।।
   स्यू॑म॒गृभे॒ दुध॒ये ऽर्व॑ते च
   स्यूम॒गृभे दुध॑ये अर्व॑ते च
   स्यूम॒गृभे दुध॑ये अर्व॑ते च

Halfverse: d    क्रतुं॑ वृञ्ज॒न्त्यपि॑ वृत्र॒हत्ये॑ ।।
   क्रतु॑म् वृञ्जन्ति अपि वृत्र॒हत्ये ।।
   क्रतुं वृञ्जन्ति अपि वृत्र॒हत्ये ।।


Verse: 3 
Halfverse: a    तं स॒ध्रीची॑रू॒तयो॒ वृष्ण्या॑नि॒ पौंस्या॑नि नि॒युतः॑ सश्चु॒रिन्द्र॑म् ।
   तं स॒ध्रीची॑रू॒तयो॒ वृष्ण्या॑नि
   तम् स॒ध्रीचीः ऊ॒तयः वृष्ण्या॑नि
   तं स॒ध्रीची॑र् ऊ॒तयो वृष्णि॑यानि

Halfverse: b    पौंस्या॑नि नि॒युतः॑ सश्चु॒रिन्द्र॑म् ।
   पौंस्या॑नि नि॒युतः सश्चुः इन्द्र॑म् ।
   पौंसि॑यानि नि॒युतः सश्चुर् इन्द्र॑म् ।

Halfverse: c    स॑मु॒द्रं न सिन्ध॑व उ॒क्थशु॑ष्मा उरु॒व्यच॑सं॒ गिर॒ आ वि॑शन्ति ।।
   स॑मु॒द्रं न सिन्ध॑व उ॒क्थशु॑ष्मा
   समु॒द्रम् न सिन्ध॑वः उ॒क्थशु॑ष्माः
   समु॒द्रं न सिन्ध॑व उ॒क्थशु॑ष्मा

Halfverse: d    उरु॒व्यच॑सं॒ गिर॒ आ वि॑शन्ति ।।
   उ॑रु॒व्यच॑सम् गिरः आ वि॑शन्ति ।।
   उ॑रु॒व्यच॑सं गिर आ वि॑शन्ति ।।


Verse: 4 
Halfverse: a    स रा॒यस्खामुप॑ सृजा गृणा॒नः पु॑रुश्च॒न्द्रस्य॒ त्वमि॑न्द्र॒ वस्वः॑ ।
   स रा॒यस्खामुप॑ सृजा गृणा॒नः
   स रा॒यः खाम् उप सृज+ गृणा॒नः
   स रा॒यस् खाम् उप सृजा गृणा॒नः

Halfverse: b    पु॑रुश्च॒न्द्रस्य॒ त्वमि॑न्द्र॒ वस्वः॑ ।
   पु॑रुश्च॒न्द्रस्य त्वम् इन्द्र वस्वः ।
   पु॑रुश्च॒न्द्रस्य तु॒वम् इन्द्र वस्वः ।

Halfverse: c    पति॑र्बभू॒थास॑मो॒ जना॑ना॒मेको॒ विश्व॑स्य॒ भुव॑नस्य॒ राजा॑ ।।
   पति॑र्बभू॒थास॑मो॒ जना॑नाम्
   पतिः बभूथ अस॑मः जना॑नाम्
   पति॑र् बभूथ अस॑मो जना॑नाम्

Halfverse: d    एको॒ विश्व॑स्य॒ भुव॑नस्य॒ राजा॑ ।।
   एकः विश्व॑स्य भुव॑नस्य राजा ।।
   एको विश्व॑स्य भुव॑नस्य राजा ।।


Verse: 5 
Halfverse: a    स तु श्रु॑धि॒ श्रुत्या॒ यो दु॑वो॒युर्द्यौर्न भूमा॒भि रायो॑ अ॒र्यः ।
   स तु श्रु॑धि॒ श्रुत्या॒ यो दु॑वो॒युर्
   स तु श्रु॑धि श्रुत्या यः दु॑वो॒युः
   स तु श्रु॑धि श्रुति॑या यो दु॑वो॒युर्

Halfverse: b    द्यौर्न भूमा॒भि रायो॑ अ॒र्यः ।
   द्यौः न भूम अ॒भि रायः अ॒र्यः ।
   दि॒यौर् न भूम अ॒भि रायो अ॒र्यः ।

Halfverse: c    असो॒ यथा॑ नः॒ शव॑सा चका॒नो यु॒गेयु॑गे॒ वय॑सा॒ चेकि॑तानः ।।
   असो॒ यथा॑ नः॒ शव॑सा चका॒नो
   असः यथा नः शव॑सा चका॒नः
   असो यथा नः शव॑सा चका॒नो

Halfverse: d    यु॒गेयु॑गे॒ वय॑सा॒ चेकि॑तानः ।।
   यु॒गेयु॑गे वय॑सा चेकि॑तानः ।।
   यु॒गेयु॑गे वय॑सा चेकि॑तानः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.