TITUS
Rg-Veda: Rg-Veda-Samhita
Part No. 478
Previous part

Hymn: 37_(478) 
Verse: 1 
Halfverse: a    अ॒र्वाग्रथं॑ वि॒श्ववा॑रं त उ॒ग्रेन्द्र॑ यु॒क्तासो॒ हर॑यो वहन्तु ।
   अ॒र्वाग्रथं॑ वि॒श्ववा॑रं त उग्र
   अ॒र्वाक् रथ॑म् वि॒श्ववा॑रम् ते उग्र
   अ॒र्वाग् रथं वि॒श्ववा॑रं त उग्र

Halfverse: b     इन्द्र॑ यु॒क्तासो॒ हर॑यो वहन्तु ।
   इन्द्र यु॒क्तासः हर॑यः वहन्तु ।
   इन्द्र यु॒क्तासो हर॑यो वहन्तु ।

Halfverse: c    की॒रिश्चि॒द्धि त्वा॒ हव॑ते॒ स्व॑र्वानृधी॒महि॑ सध॒माद॑स्ते अ॒द्य ।।
   की॒रिश्चि॒द्धि त्वा॒ हव॑ते॒ स्व॑र्वान्
   की॒रिः चि॑त् हि त्वा हव॑ते स्व॑र्वान्
   की॒रिश् चिद् धि त्वा हव॑ते सुव॑र्वान्

Halfverse: d    ऋधी॒महि॑ सध॒माद॑स्ते अ॒द्य ।।
   ऋ॑धी॒महि सध॒मादः ते अ॒द्य ।।
   ऋ॑धी॒महि सध॒माद॑स् ते अ॒द्य ।।


Verse: 2 
Halfverse: a    प्रो द्रोणे॒ हर॑यः॒ कर्मा॑ग्मन्पुना॒नास॒ ऋज्य॑न्तो अभूवन् ।
   प्रो द्रोणे॒ हर॑यः॒ कर्मा॑ग्मन्
   प्र उ द्रोणे हर॑यः कर्म अग्मन्
   प्र ऊ द्रोणे हर॑यः कर्म अग्मन्

Halfverse: b    पुना॒नास॒ ऋज्य॑न्तो अभूवन् ।
   पु॑ना॒नासः ऋज्य॑न्तः अभूवन् ।
   पु॑ना॒नास ऋजि॑यन्तो अभूवन् ।

Halfverse: c    इन्द्रो॑ नो अ॒स्य पू॒र्व्यः प॑पीयाद्द्यु॒क्षो मद॑स्य सो॒म्यस्य॒ राजा॑ ।।
   इन्द्रो॑ नो अ॒स्य पू॒र्व्यः प॑पीयाद्
   इन्द्रः नः अ॒स्य पू॒र्व्यः प॑पीयात्
   इन्द्रो नो अ॒स्य पू॑र्वि॒यः प॑पीयाद्

Halfverse: d    द्यु॒क्षो मद॑स्य सो॒म्यस्य॒ राजा॑ ।।
   द्यु॒क्षः मद॑स्य सो॒म्यस्य राजा ।।
   द्यु॒क्षो मद॑स्य सोमि॒यस्य राजा ।।


Verse: 3 
Halfverse: a    आ॑सस्रा॒णासः॑ शवसा॒नमछेन्द्रं॑ सुच॒क्रे र॒थ्या॑सो॒ अश्वाः॑ ।
   आ॑सस्रा॒णासः॑ शवसा॒नमछ
   आसस्रा॒णासः शवसा॒नम् अछ
   आसस्रा॒णासः शवसा॒नम् अछ

Halfverse: b     इन्द्रं॑ सुच॒क्रे र॒थ्या॑सो॒ अश्वाः॑ ।
   इन्द्र॑म् सुच॒क्रे र॒थ्या॑सः अश्वाः ।
   इन्द्रं सुच॒क्रे र॒थिया॑सो अश्वाः ।

Halfverse: c    अ॒भि श्रव॒ ऋज्य॑न्तो वहेयु॒र्नू चि॒न्नु वा॒योर॒मृतं॒ वि द॑स्येत् ।।
   अ॒भि श्रव॒ ऋज्य॑न्तो वहेयुर्
   अ॒भि श्रवः ऋज्य॑न्तः वहेयुः
   अ॒भि श्रव ऋजि॑यन्तो वहेयुर्

Halfverse: d    नू चि॒न्नु वा॒योर॒मृतं॒ वि द॑स्येत् ।।
   नु+ चि॑त् नु वा॒योः अ॒मृत॑म् वि द॑स्येत् ।।
   नू चि॑न् नु वा॒योर् अ॒मृतं वि द॑स्येत् ।।


Verse: 4 
Halfverse: a    वरि॑ष्ठो अस्य॒ दक्षि॑णामिय॒र्तीन्द्रो॑ म॒घोनां॑ तुविकू॒र्मित॑मः ।
   वरि॑ष्ठो अस्य॒ दक्षि॑णामियर्ति
   वरि॑ष्ठः अस्य दक्षि॑णाम् इयर्ति
   वरि॑ष्ठो अस्य दक्षि॑णाम् इयर्ति

Halfverse: b     इन्द्रो॑ म॒घोनां॑ तुविकू॒र्मित॑मः ।
   इन्द्रः म॒घोना॑म् तुविकू॒र्मित॑मः ।
   इन्द्रो म॒घोनां तुविकू॒र्मित॑मः ।

Halfverse: c    यया॑ वज्रिवः परि॒यास्यंहो॑ म॒घा च॑ धृष्णो॒ दय॑से॒ वि सू॒रीन् ।।
   यया॑ वज्रिवः परि॒यास्यंहो
   यया वज्रिवः परि॒यासि अंहः
   यया वज्रिवः परि॒यासि अंहो

Halfverse: d    म॒घा च॑ धृष्णो॒ दय॑से॒ वि सू॒रीन् ।।
   म॒घा च धृष्णो दय॑से वि सू॒रीन् ।।
   म॒घा च धृष्णो दय॑से वि सू॒रीन् ।।


Verse: 5 
Halfverse: a    इन्द्रो॒ वाज॑स्य॒ स्थवि॑रस्य दा॒तेन्द्रो॑ गी॒र्भिर्व॑र्धतां वृ॒द्धम॑हाः ।
   इन्द्रो॒ वाज॑स्य॒ स्थवि॑रस्य दा॒ता
   इन्द्रः वाज॑स्य स्थवि॑रस्य दा॒ता
   इन्द्रो वाज॑स्य स्थवि॑रस्य दा॒ता

Halfverse: b     इन्द्रो॑ गी॒र्भिर्व॑र्धतां वृ॒द्धम॑हाः ।
   इन्द्रः गी॒र्भिः व॑र्धताम् वृ॒द्धम॑हाः ।
   इन्द्रो गी॒र्भिर् वर्धतां वृ॒द्धम॑हाः ।

Halfverse: c    इन्द्रो॑ वृ॒त्रं हनि॑ष्ठो अस्तु॒ सत्वा ता सू॒रिः पृ॑णति॒ तूतु॑जानः ।।
   इन्द्रो॑ वृ॒त्रं हनि॑ष्ठो अस्तु॒ सत्वा
   इन्द्रः वृ॒त्रम् हनि॑ष्ठः अस्तु सत्वा
   इन्द्रो वृ॒त्रं हनि॑ष्ठो अस्तु सत्वा

Halfverse: d     आ ता सू॒रिः पृ॑णति॒ तूतु॑जानः ।।
   आ ता सू॒रिः पृ॑णति तूतु॑जानः ।।
   आ ता सू॒रिः पृ॑णति तूतु॑जानः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.