TITUS
Rg-Veda: Rg-Veda-Samhita
Part No. 479
Previous part

Hymn: 38_(479) 
Verse: 1 
Halfverse: a    अपा॑दि॒त उदु॑ नश्चि॒त्रत॑मो म॒हीम्भ॑र्षद्द्यु॒मती॒मिन्द्र॑हूतिम् ।
   अपा॑दि॒त उदु॑ नश्चि॒त्रत॑मो
   अपा॑त् इ॒तः उत् उ नः चि॒त्रत॑मः
   अपा॑द् इ॒त उद् उ नश् चि॒त्रत॑मो

Halfverse: b    म॒हीम्भ॑र्षद्द्यु॒मती॒मिन्द्र॑हूतिम् ।
   म॒हीम् भर्षत् द्यु॒मती॑म् इन्द्र॑हूतिम् ।
   म॒हीम् भर्षद् द्यु॒मती॑म् इन्द्र॑हूतिम् ।

Halfverse: c    पन्य॑सीं धी॒तिं दैव्य॑स्य॒ याम॒ञ्जन॑स्य रा॒तिं व॑नते सु॒दानुः॑ ।।
   पन्य॑सीं धी॒तिं दैव्य॑स्य॒ याम॑ञ्
   पन्य॑सीम् धी॒तिम् दैव्य॑स्य याम॑न्
   पन्य॑सीं धी॒तिं दैवि॑यस्य याम॑ञ्

Halfverse: d    जन॑स्य रा॒तिं व॑नते सु॒दानुः॑ ।।
   जन॑स्य रा॒तिम् वनते सु॒दानुः ।।
   जन॑स्य रा॒तिं व॑नते सु॒दानुः ।।


Verse: 2 
Halfverse: a    दू॒राच्चि॒दा व॑सतो अस्य॒ कर्णा॒ घोषा॒दिन्द्र॑स्य तन्यति ब्रुवा॒णः ।
   दू॒राच्चि॒दा व॑सतो अस्य॒ कर्णा
   दू॒रात् चित् आ व॑सतः अस्य कर्णा
   दू॒राच् चिद् आ व॑सतो अस्य कर्णा

Halfverse: b    घोषा॒दिन्द्र॑स्य तन्यति ब्रुवा॒णः ।
   घोषा॑त् इन्द्र॑स्य तन्यति ब्रुवा॒णः ।
   घोषा॑द् इन्द्र॑स्य तन्यति ब्रुवा॒णः ।

Halfverse: c    एयमे॑नं दे॒वहू॑तिर्ववृत्यान्म॒द्र्य॒गिन्द्र॑मि॒यमृ॒च्यमा॑ना ।।
   एयमे॑नं दे॒वहू॑तिर्ववृत्यान्
   आ इ॒यम् एनम् दे॒वहू॑तिः ववृत्यात्
   एयम् एनं दे॒वहू॑तिर् ववृत्यान्

Halfverse: d    म॒द्र्य॒गिन्द्र॑मि॒यमृ॒च्यमा॑ना ।।
   म॒द्र्य॑क् इन्द्र॑म् इ॒यम् ऋ॒च्यमा॑ना ।।
   मद्रिअग् इन्द्र॑म् इ॒यम् ऋ॒च्यमा॑ना ।।


Verse: 3 
Halfverse: a    तं वो॑ धि॒या प॑र॒मया॑ पुरा॒जाम॒जर॒मिन्द्र॑म॒भ्य॑नूष्य॒र्कैः ।
   तं वो॑ धि॒या प॑र॒मया॑ पुरा॒जाम्
   तम् वः धि॒या प॑र॒मया पुरा॒जाम्
   तं वो धि॒या प॑र॒मया पुरा॒जाम्

Halfverse: b    अ॒जर॒मिन्द्र॑म॒भ्य॑नूष्य॒र्कैः ।
   अ॒जर॑म् इन्द्र॑म् अ॒भि अ॑नूषि अ॒र्कैः ।
   अ॒जर॑म् इन्द्र॑म् अभ्य् अ॑नूषि अ॒र्कैः ।

Halfverse: c    ब्रह्मा॑ च॒ गिरो॑ दधि॒रे सम॑स्मिन्म॒हांश्च॒ स्तोमो॒ अधि॑ वर्ध॒दिन्द्रे॑ ।।
   ब्रह्मा॑ च॒ गिरो॑ दधि॒रे सम॑स्मिन्
   ब्रह्म+ च गिरः दधि॒रे सम् अस्मिन्
   ब्रह्मा च गिरो दधि॒रे सम् अस्मिन्

Halfverse: d    म॒हांश्च॒ स्तोमो॒ अधि॑ वर्ध॒दिन्द्रे॑ ।।
   म॒हान् च स्तोमः अधि वर्धत् इन्द्रे ।।
   म॒हांश् च स्तोमो अधि वर्धद् इन्द्रे ।।


Verse: 4 
Halfverse: a    वर्धा॒द्यं य॒ज्ञ उ॒त सोम॒ इन्द्रं॒ वर्धा॒द्ब्रह्म॒ गिर॑ उ॒क्था च॒ मन्म॑ ।
   वर्धा॒द्यं य॒ज्ञ उ॒त सोम॒ इन्द्रं
   वर्धा॑त् यम् य॒ज्ञः उ॒त सोमः इन्द्र॑म्
   वर्धा॑द् यं य॒ज्ञ उ॒त सोम इन्द्रं

Halfverse: b    वर्धा॒द्ब्रह्म॒ गिर॑ उ॒क्था च॒ मन्म॑ ।
   वर्धा॑त् ब्रह्म गिरः उ॒क्था च मन्म ।
   वर्धा॑द् ब्रह्म गिर उ॒क्था च मन्म ।

Halfverse: c    वर्धाहै॑नमु॒षसो॒ याम॑न्न॒क्तोर्वर्धा॒न्मासाः॑ श॒रदो॒ द्याव॒ इन्द्र॑म् ।।
   वर्धाहै॑नमु॒षसो॒ याम॑न्न॒क्तोर्
   वर्ध अह एनम् उ॒षसः याम॑न् अ॒क्तोः
   वर्धाहै॑नम् उ॒षसो याम॑न् अ॒क्तोर्

Halfverse: d    वर्धा॒न्मासाः॑ श॒रदो॒ द्याव॒ इन्द्र॑म् ।।
   वर्धा॑न् मासाः श॒रदः द्यावः इन्द्र॑म् ।।
   वर्धा॑न् मासाः श॒रदो द्याव इन्द्र॑म् ।।


Verse: 5 
Halfverse: a    ए॒वा ज॑ज्ञा॒नं सह॑से॒ असा॑मि वावृधा॒नं राध॑से च श्रु॒ताय॑ ।
   ए॒वा ज॑ज्ञा॒नं सह॑से॒ असा॑मि
   ए॒व+ ज॑ज्ञा॒नम् सह॑से असा॑मि
   ए॒वा ज॑ज्ञा॒नं सह॑से असा॑मि

Halfverse: b    वावृधा॒नं राध॑से च श्रु॒ताय॑ ।
   वा॑वृधा॒नम् राध॑से च श्रु॒ताय ।
   वा॑वृधा॒नं राध॑से च श्रु॒ताय ।

Halfverse: c    म॒हामु॒ग्रमव॑से विप्र नू॒नमा वि॑वासेम वृत्र॒तूर्ये॑षु ।।
   म॒हामु॒ग्रमव॑से विप्र नू॒नम्
   म॒हाम् उ॒ग्रम् अव॑से विप्र नू॒नम्
   म॒हाम् उ॒ग्रम् अव॑से विप्र नू॒नम्

Halfverse: d    आ वि॑वासेम वृत्र॒तूर्ये॑षु ।।
   आ वि॑वासेम वृत्र॒तूर्ये॑षु ।।
   आ वि॑वासेम वृत्र॒तूरि॑येषु ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.