TITUS
Rg-Veda: Rg-Veda-Samhita
Part No. 481
Previous part

Hymn: 40_(481) 
Verse: 1 
Halfverse: a    इन्द्र॒ पिब॒ तुभ्यं॑ सु॒तो मदा॒याव॑ स्य॒ हरी॒ वि मु॑चा॒ सखा॑या ।
   इन्द्र॒ पिब॒ तुभ्यं॑ सु॒तो मदा॑य
   इन्द्र पिब तुभ्य॑म् सु॒तः मदा॑य
   इन्द्र पिब तुभ्य % सु॒तो मदा॑य

Halfverse: b     अव॑ स्य॒ हरी॒ वि मु॑चा॒ सखा॑या ।
   अव स्य हरी वि मु॑च+ सखा॑या ।
   अव स्य हरी वि मु॑चा सखा॑या ।

Halfverse: c    उ॒त प्र गा॑य ग॒ण आ नि॒षद्याथा॑ य॒ज्ञाय॑ गृण॒ते वयो॑ धाः ।।
   उ॒त प्र गा॑य ग॒ण आ नि॒षद्य
   उ॒त प्र गा॑य ग॒णे आ नि॒षद्य
   उ॒त प्र गा॑य ग॒ण आ नि॒षद्य

Halfverse: d     अथा॑ य॒ज्ञाय॑ गृण॒ते वयो॑ धाः ।।
   अथ+ य॒ज्ञाय गृण॒ते वयः धाः ।।
   अथा य॒ज्ञाय गृण॒ते वयो धाः ।।


Verse: 2 
Halfverse: a    अस्य॑ पिब॒ यस्य॑ जज्ञा॒न इ॑न्द्र॒ मदा॑य॒ क्रत्वे॒ अपि॑बो विरप्शिन् ।
   अस्य॑ पिब॒ यस्य॑ जज्ञा॒न इ॑न्द्र
   अस्य पिब यस्य जज्ञा॒नः इ॑न्द्र
   अस्य पिब यस्य जज्ञा॒न इ॑न्द्र

Halfverse: b    मदा॑य॒ क्रत्वे॒ अपि॑बो विरप्शिन् ।
   मदा॑य क्रत्वे अपि॑बः विरप्शिन् ।
   मदा॑य क्रत्वे अपि॑बो विरप्शिन् ।

Halfverse: c    तमु॑ ते॒ गावो॒ नर॒ आपो॒ अद्रि॒रिन्दुं॒ सम॑ह्यन्पी॒तये॒ सम॑स्मै ।।
   तमु॑ ते॒ गावो॒ नर॒ आपो॒ अद्रि॑र्
   तम् उ ते गावः नरः आपः अद्रिः
   तम् उ ते गावो नर आपो अद्रि॑र्

Halfverse: d    इन्दुं॒ सम॑ह्यन्पी॒तये॒ सम॑स्मै ।।
   इन्दु॑म् सम् अह्यन् पी॒तये सम् अस्मै ।।
   इन्दुं सम् अह्यन् पी॒तये सम् अस्मै ।।


Verse: 3 
Halfverse: a    समि॑द्धे अ॒ग्नौ सु॒त इ॑न्द्र॒ सोम॒ आ त्वा॑ वहन्तु॒ हर॑यो॒ वहि॑ष्ठाः ।
   समि॑द्धे अ॒ग्नौ सु॒त इ॑न्द्र॒ सोम
   समि॑द्धे अ॒ग्नौ सु॒ते इ॑न्द्र सोमे
   समि॑द्धे अ॒ग्नौ सु॒त इ॑न्द्र सोम

Halfverse: b    आ त्वा॑ वहन्तु॒ हर॑यो॒ वहि॑ष्ठाः ।
   आ त्वा वहन्तु हर॑यः वहि॑ष्ठाः ।
   आ त्वा वहन्तु हर॑यो वहि॑ष्ठाः ।

Halfverse: c    त्वा॑य॒ता मन॑सा जोहवी॒मीन्द्रा या॑हि सुवि॒ताय॑ म॒हे नः॑ ।।
   त्वा॑य॒ता मन॑सा जोहवीमि
   त्वाय॒ता मन॑सा जोहवीमि
   तुवाय॒ता मन॑सा जोहवीमि

Halfverse: d     इन्द्रा या॑हि सुवि॒ताय॑ म॒हे नः॑ ।।
   इन्द्र आ या॑हि सुवि॒ताय म॒हे नः ।।
   इन्द्रा या॑हि सुवि॒ताय म॒हे नः ।।


Verse: 4 
Halfverse: a    आ या॑हि॒ शश्व॑दुश॒ता य॑या॒थेन्द्र॑ म॒हा मन॑सा सोम॒पेय॑म् ।
   आ या॑हि॒ शश्व॑दुश॒ता य॑याथ
   आ या॑हि शश्व॑त् उश॒ता य॑याथ
   आ या॑हि शश्व॑द् उश॒ता य॑याथ

Halfverse: b     इन्द्र॑ म॒हा मन॑सा सोम॒पेय॑म् ।
   इन्द्र म॒हा मन॑सा सोम॒पेय॑म् ।
   इन्द्र म॒हा मन॑सा सोम॒पेय॑म् ।

Halfverse: c    उप॒ ब्रह्मा॑णि शृणव इ॒मा नो ऽथा॑ ते य॒ज्ञस्त॒न्वे॒ वयो॑ धात् ।।
   उप॒ ब्रह्मा॑णि शृणव इ॒मा नो
   उप ब्रह्मा॑णि शृणवः इ॒मा नः
   उप ब्रह्मा॑णि शृणव इ॒मा नो

Halfverse: d    ऽथा ते य॒ज्ञस्त॒न्वे॒ वयो॑ धात् ।।
   अथ+ ते य॒ज्ञः त॒न्वे वयः धात् ।।
   अथा ते य॒ज्ञस् त॒नुवे वयो धात् ।।


Verse: 5 
Halfverse: a    यदि॑न्द्र दि॒वि पार्ये॒ यदृध॒ग्यद्वा॒ स्वे सद॑ने॒ यत्र॒ वासि॑ ।
   यदि॑न्द्र दि॒वि पार्ये॒ यदृध॑ग्
   यत् इन्द्र दि॒वि पार्ये यत् ऋध॑क्
   यद् इन्द्र दि॒वि पारि॑ये यद् ऋध॑ग्

Halfverse: b    यद्वा॒ स्वे सद॑ने॒ यत्र॒ वासि॑ ।
   यत् वा स्वे सद॑ने यत्र वा असि ।
   यद् वा सु॒वे सद॑ने यत्र वासि ।

Halfverse: c    अतो॑ नो य॒ज्ञमव॑से नि॒युत्वा॑न्स॒जोषाः॑ पाहि गिर्वणो म॒रुद्भिः॑ ।।
   अतो॑ नो य॒ज्ञमव॑से नि॒युत्वा॑न्
   अतः नः य॒ज्ञम् अव॑से नि॒युत्वा॑न्
   अतो नो य॒ज्ञम् अव॑से नि॒युत्वा॑न्

Halfverse: d    स॒जोषाः॑ पाहि गिर्वणो म॒रुद्भिः॑ ।।
   स॒जोषाः पाहि गिर्वणः म॒रुद्भिः ।।
   स॒जोषाः पाहि गिर्वणो म॒रुद्भिः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.