TITUS
Rg-Veda: Rg-Veda-Samhita
Part No. 489
Previous part

Hymn: 48_(489) 
Verse: 1 
Halfverse: a    य॒ज्ञाय॑ज्ञा वो अ॒ग्नये॑ गि॒रागि॑रा च॒ दक्ष॑से ।
   य॒ज्ञाय॑ज्ञा वो अ॒ग्नये
   य॒ज्ञाय॑ज्ञा वः अ॒ग्नये
   य॒ज्ञाय॑ज्ञा वो अ॒ग्नये

Halfverse: b    गि॒रागि॑रा च॒ दक्ष॑से ।
   गि॒रागि॑रा च दक्ष॑से ।
   गि॒रागि॑रा च दक्ष॑से ।

Halfverse: c    प्रप्र॑ व॒यम॒मृतं॑ जा॒तवे॑दसम्प्रि॒यम्मि॒त्रं न शं॑सिषम् ।।
   प्रप्र॑ व॒यम॒मृतं॑ जा॒तवे॑दसम्
   प्रप्र व॒यम् अ॒मृत॑म् जा॒तवे॑दसम्
   प्रप्र व॒यम् अ॒मृतं जा॒तवे॑दसम्

Halfverse: d    प्रि॒यम्मि॒त्रं न शं॑सिषम् ।।
   प्रि॒यम् मि॒त्रम् न शं॑सिषम् ।।
   प्रि॒यम् मि॒त्रं न शं॑सिषम् ।।


Verse: 2 
Halfverse: a    ऊ॒र्जो नपा॑तं॒ स हि॒नायम॑स्म॒युर्दाशे॑म ह॒व्यदा॑तये ।
   ऊ॒र्जो नपा॑तं॒ स हि॒नायम॑स्म॒युर्
   ऊ॒र्जः नपा॑तम् स हि॒न अ॒यम् अस्म॒युः
   ऊ॒र्जो नपा॑तं स हि॒नायम् अस्म॒युर्

Halfverse: b    दाशे॑म ह॒व्यदा॑तये ।
   दाशे॑म ह॒व्यदा॑तये ।
   दाशे॑म ह॒व्यदा॑तये ।

Halfverse: c    भुव॒द्वाजे॑ष्ववि॒ता भुव॑द्वृ॒ध उ॒त त्रा॒ता त॒नूना॑म् ।।
   भुव॒द्वाजे॑ष्ववि॒ता भुव॑द्वृ॒ध
   भुव॑त् वाजे॑षु अवि॒ता भुव॑त् वृ॒धः
   भुव॑द् वाजे॑षु अवि॒ता भुव॑द् वृ॒ध

Halfverse: d    उ॒त त्रा॒ता त॒नूना॑म् ।।
   उ॒त त्रा॒ता त॒नूना॑म् ।।
   उ॒त त्रा॒ता त॒नूनाअ॑म् ।।


Verse: 3 
Halfverse: a    वृषा॒ ह्य॑ग्ने अ॒जरो॑ म॒हान्वि॒भास्य॒र्चिषा॑ ।
   वृषा॒ ह्य॑ग्ने अ॒जरो
   वृषा हि अ॑ग्ने अ॒जरः
   वृषा हि अ॑ग्ने अ॒जरो

Halfverse: b    म॒हान्वि॒भास्य॒र्चिषा॑ ।
   म॒हान् वि॒भासि अ॒र्चिषा ।
   म॒हान् वि॒भासि अ॒र्चिषा ।

Halfverse: c    अज॑स्रेण शो॒चिषा॒ शोशु॑चच्छुचे सुदी॒तिभिः॒ सु दी॑दिहि ।।
   अज॑स्रेण शो॒चिषा॒ शोशु॑चच्छुचे
   अज॑स्रेण शो॒चिषा शोशु॑चत् शुचे
   अज॑स्रेण शो॒चिषा शोशु॑चच् छुचे

Halfverse: d    सुदी॒तिभिः॒ सु दी॑दिहि ।।
   सु॑दी॒तिभिः सु दी॑दिहि ।।
   सु॑दी॒तिभिः सु दी॑दिहि ।।


Verse: 4 
Halfverse: a    म॒हो दे॒वान्यज॑सि॒ यक्ष्या॑नु॒षक्तव॒ क्रत्वो॒त दं॒सना॑ ।
   म॒हो दे॒वान्यज॑सि॒ यक्ष्या॑नु॒षक्
   म॒हः दे॒वान् यज॑सि यक्षि आनु॒षक्
   म॒हो दे॒वान् यज॑सि यक्षि आनु॒षक्

Halfverse: b    तव॒ क्रत्वो॒त दं॒सना॑ ।
   तव क्रत्वा उ॒त दं॒सना ।
   तव क्रत्वो॒त दं॒सना ।

Halfverse: c    अ॒र्वाचः॑ सीं कृणुह्य॒ग्ने ऽव॑से॒ रास्व॒ वाजो॒त वं॑स्व ।।
   अ॒र्वाचः॑ सीं कृणुह्य॒ग्ने ऽव॑से
   अ॒र्वाचः सीम् कृणुहि अग्ने अव॑से
   अ॒र्वाचः सीं कृणुहि अग्ने अव॑से

Halfverse: d    रास्व॒ वाजो॒त वं॑स्व ।।
   रास्व वाजा उ॒त वं॑स्व ।।
   रास्व वाजो॒त वं॑सुव ।।


Verse: 5 
Halfverse: a    यमापो॒ अद्र॑यो॒ वना॒ गर्भ॑मृ॒तस्य॒ पिप्र॑ति ।
   यमापो॒ अद्र॑यो॒ वना
   यम् आपः अद्र॑यः वना
   यम् आपो अद्र॑यो वना

Halfverse: b    गर्भ॑मृ॒तस्य॒ पिप्र॑ति ।
   गर्भ॑म् ऋ॒तस्य पिप्र॑ति ।
   गर्भ॑म् ऋ॒तस्य पिप्र॑ति ।

Halfverse: c    सह॑सा॒ यो म॑थि॒तो जाय॑ते॒ नृभिः॑ पृथि॒व्या अधि॒ सान॑वि ।।
   सह॑सा॒ यो म॑थि॒तो जाय॑ते॒ नृभिः
   सह॑सा यः म॑थि॒तः जाय॑ते नृभिः
   सह॑सा यो म॑थि॒तो जाय॑ते नृभिः

Halfverse: d    पृथि॒व्या अधि॒ सान॑वि ।।
   पृ॑थि॒व्याः अधि सान॑वि ।।
   पृ॑थि॒व्या अधि सान॑वि ।।


Verse: 6 
Halfverse: a    आ यः प॒प्रौ भा॒नुना॒ रोद॑सी उ॒भे धू॒मेन॑ धावते दि॒वि ।
   आ यः प॒प्रौ भा॒नुना॒ रोद॑सी उ॒भे
   आ यः प॒प्रौ भा॒नुना रोद॑सी उ॒भे
   आ यः प॒प्रौ भा॒नुना रोद॑सी उ॒भे

Halfverse: b    धू॒मेन॑ धावते दि॒वि ।
   धू॒मेन धावते दि॒वि ।
   धू॒मेन धावते दि॒वि ।

Halfverse: c    ति॒रस्तमो॑ ददृश॒ ऊर्म्या॒स्वा श्या॒वास्व॑रु॒षो वृषा श्या॒वा अ॑रु॒षो वृषा॑ ।।
   ति॒रस्तमो॑ ददृश॒ ऊर्म्या॒स्वा
   ति॒रः तमः ददृशे ऊर्म्या॑सु आ
   ति॒रस् तमो ददृश ऊर्मि॑यासु आ

Halfverse: d    श्या॒वास्व॑रु॒षो वृषा
   श्या॒वासु अरु॒षः वृषा
   श्या॒वासु अरु॒षो वृषा

Halfverse: e     आ श्या॒वा अ॑रु॒षो वृषा॑ ।।
   आ श्या॒वा अ॑रु॒षः वृषा ।।
   आ श्या॒वा अ॑रु॒षो वृषा ।।


Verse: 7 
Halfverse: a    बृ॒हद्भि॑रग्ने अ॒र्चिभिः॑ शु॒क्रेण॑ देव शो॒चिषा॑ ।
   बृ॒हद्भि॑रग्ने अ॒र्चिभिः
   बृ॒हद्भिः अग्ने अ॒र्चिभिः
   बृ॒हद्भि॑र् अग्ने अ॒र्चिभिः

Halfverse: b    शु॒क्रेण॑ देव शो॒चिषा॑ ।
   शु॒क्रेण देव शो॒चिषा ।
   शु॒क्रेण देव शो॒चिषा ।

Halfverse: c    भ॒रद्वा॑जे समिधा॒नो य॑विष्ठ्य रे॒वन्नः॑ शुक्र दीदिहि द्यु॒मत्पा॑वक दीदिहि ।।
   भ॒रद्वा॑जे समिधा॒नो य॑विष्ठ्य
   भ॒रद्वा॑जे समिधा॒नः य॑विष्ठ्य
   भ॒रद्वा॑जे समिधा॒नो य॑विष्ठिय

Halfverse: d    रे॒वन्नः॑ शुक्र दीदिहि
   रे॒वत् नः शुक्र दीदिहि
   रे॒वन् नः शुक्र दीदिहि

Halfverse: e    द्यु॒मत्पा॑वक दीदिहि ।।
   द्यु॒मत् पावक दीदिहि ।।
   द्यु॒मत् पवाक दीदिहि ।।


Verse: 8 
Halfverse: a    विश्वा॑सां गृ॒हप॑तिर्वि॒शामसि॑ ।?। त्वम॑ग्ने॒ मानु॑षीणाम् ।
   विश्वा॑सां गृ॒हप॑तिर्वि॒शामसि
   विश्वा॑साम् गृ॒हप॑तिः वि॒शाम् असि
   विश्वा॑साअं गृ॒हप॑तिर् वि॒शाम् असि ?

Halfverse: b    त्वम॑ग्ने॒ मानु॑षीणाम् ।
   त्वम् अग्ने मानु॑षीणाम् ।
   त्वम् अग्ने मानु॑षीणाअम् ।

Halfverse: c    श॒तम्पू॒र्भिर्य॑विष्ठ पा॒ह्यंह॑सः समे॒द्धारं॑ श॒तं हिमा॑ स्तो॒तृभ्यो॒ ये च॒ दद॑ति ।।
   श॒तम्पू॒र्भिर्य॑विष्ठ पा॒ह्यंह॑सः
   श॒तम् पू॒र्भिः य॑विष्ठ पाहि अंह॑सः
   श॒तम् पू॒र्भिर् यविष्ठ पाहि अंह॑सः

Halfverse: d    समे॒द्धारं॑ श॒तं हिमा
   समे॒द्धार॑म् श॒तम् हिमाः
   समे॒द्धारं श॒तं हिमा

Halfverse: e    स्तो॒तृभ्यो॒ ये च॒ दद॑ति ।।
   स्तो॒तृभ्यः ये च दद॑ति ।।
   स्तो॒तृभ्यो ये च दद॑ति ।।


Verse: 9 
Halfverse: a    त्वं न॑श्चि॒त्र ऊ॒त्या वसो॒ राधां॑सि चोदय ।
   त्वं न॑श्चि॒त्र ऊ॒त्या
   त्वम् नः चि॒त्रः ऊ॒त्या
   तु॒वं न॑श् चि॒त्र ऊ॑ति॒या

Halfverse: b    वसो॒ राधां॑सि चोदय ।
   वसो राधां॑सि चोदय ।
   वसो राधां॑सि चोदय ।

Halfverse: c    अ॒स्य रा॒यस्त्वम॑ग्ने र॒थीर॑सि वि॒दा गा॒धं तु॒चे तु नः॑ ।।
   अ॒स्य रा॒यस्त्वम॑ग्ने र॒थीर॑सि
   अ॒स्य रा॒यः त्वम् अग्ने र॒थीः अ॑सि
   अ॒स्य रा॒यस् तु॒वम् अग्ने र॒थीर् असि

Halfverse: d    वि॒दा गा॒धं तु॒चे तु नः॑ ।।
   वि॒दाः गा॒धम् तु॒चे तु नः ।।
   वि॒दा गा॒धं तु॒चे तु नः ।।


Verse: 10 
Halfverse: a    पर्षि॑ तो॒कं तन॑यम्प॒र्तृभि॒ष्ट्वमद॑ब्धै॒रप्र॑युत्वभिः ।
   पर्षि॑ तो॒कं तन॑यम्प॒र्तृभि॒ष्ट्वम्
   पर्षि तो॒कम् तन॑यम् प॒र्तृभिः त्वम्
   पर्षि तो॒कं तन॑यम् प॒र्तृभि॑ष् टु॒वम्

Halfverse: b    अद॑ब्धै॒रप्र॑युत्वभिः ।
   अद॑ब्धैः अप्र॑युत्वभिः ।
   अद॑ब्धैर् अप्र॑युत्वभिः ।

Halfverse: c    अग्ने॒ हेळां॑सि॒ दैव्या॑ युयोधि॒ नो ऽदे॑वानि॒ ह्वरां॑सि च ।।
   अग्ने॒ हेळां॑सि॒ दैव्या॑ युयोधि॒ नो
   अग्ने हेळां॑सि दैव्या युयोधि नः
   अग्ने हेळां॑सि दैवि॑या युयोधि नो

Halfverse: d    ऽदेवानि॒ ह्वरां॑सि च ।।
   अदे॑वानि ह्वरां॑सि च ।।
   अदे॑वानि ह्वरां॑सि च ।।


Verse: 11 
Halfverse: a    आ स॑खायः सब॒र्दुघां॑ धे॒नुम॑जध्व॒मुप॒ नव्य॑सा॒ वचः॑ ।
   आ स॑खायः सब॒र्दुघां
   आ स॑खायः सब॒र्दुघा॑म्
   आ स॑खायः सब॒र्दुघां

Halfverse: b    धे॒नुम॑जध्व॒मुप॒ नव्य॑सा॒ वचः॑ ।
   धे॒नुम् अजध्वम् उप नव्य॑सा वचः ।
   धे॒नुम् अजध्वम् उप नव्य॑सा वचः ।

Halfverse: c    सृ॒जध्व॒मन॑पस्पुराम् ।।
   सृ॒जध्व॒मन॑पस्पुराम् ।।
   सृ॒जध्व॑म् अन॑पस्पुराम् ।।
   सृ॒जध्व॑म् अन॑पस्पुराम् ।।


Verse: 12 
Halfverse: a    या शर्धा॑य॒ मारु॑ताय॒ स्वभा॑नवे॒ श्रवो ऽमृ॑त्यु॒ धुक्ष॑त ।
   या शर्धा॑य॒ मारु॑ताय॒ स्वभा॑नवे
   या शर्धा॑य मारु॑ताय स्वभा॑नवे
   या शर्धा॑य मारु॑ताय स्वभा॑नवे

Halfverse: b    श्रवो ऽमृ॑त्यु॒ धुक्ष॑त ।
   श्रवः अमृ॑त्यु धुक्ष॑त ।
   श्रवो अमृ॑त्यु धुक्ष॑त ।

Halfverse: c    या मृ॑ळी॒के म॒रुतां॑ तु॒राणां॒ या सु॒म्नैरे॑व॒याव॑री ।।
   या मृ॑ळी॒के म॒रुतां॑ तु॒राणां
   या मृ॑ळी॒के म॒रुता॑म् तु॒राणा॑म्
   या मृ॑ळी॒के म॒रुताअं तु॒राणाअं

Halfverse: d    या सु॒म्नैरे॑व॒याव॑री ।।
   या सु॒म्नैः ए॑व॒याव॑री ।।
   या सु॒म्नैर् एव॒याव॑री ।।


Verse: 13 
Halfverse: a    भ॒रद्वा॑जा॒याव॑ धुक्षत द्वि॒ता ।
   भ॒रद्वा॑जा॒याव॑ धुक्षत द्वि॒ता ।
   भ॒रद्वा॑जाय अव धुक्षत द्वि॒ता ।
   भ॒रद्वा॑जाय अव धुक्षत द्वि॒ता ।

Halfverse: b    धे॒नुं च॑ वि॒श्वदो॑हस॒मिषं॑ च वि॒श्वभो॑जसम् ।।
   धे॒नुं च॑ वि॒श्वदो॑हसम्
   धे॒नुम् च वि॒श्वदो॑हसम्
   धे॒नुं च वि॒श्वदो॑हसम्

Halfverse: c    इषं॑ च वि॒श्वभो॑जसम् ।।
   इष॑म् च वि॒श्वभो॑जसम् ।।
   इषं च वि॒श्वभो॑जसम् ।।


Verse: 14 
Halfverse: a    तं व॒ इन्द्रं॒ न सु॒क्रतुं॒ वरु॑णमिव मा॒यिन॑म् ।
   तं व॒ इन्द्रं॒ न सु॒क्रतुं
   तम् वः इन्द्र॑म् न सु॒क्रतु॑म्
   तं व इन्द्रं न सु॒क्रतुं

Halfverse: b    वरु॑णमिव मा॒यिन॑म् ।
   वरु॑णम् इव मा॒यिन॑म् ।
   वरु॑णम् इव मा॒यिन॑म् ।

Halfverse: c    अ॑र्य॒मणं॒ न म॒न्द्रं सृ॒प्रभो॑जसं॒ विष्णुं॒ न स्तु॑ष आ॒दिशे॑ ।।
   अ॑र्य॒मणं॒ न म॒न्द्रं सृ॒प्रभो॑जसं
   अर्य॒मण॑म् न म॒न्द्रम् सृ॒प्रभो॑जसम्
   अर्य॒मणं न म॒न्द्रं सृ॒प्रभो॑जसं

Halfverse: d    विष्णुं॒ न स्तु॑ष आ॒दिशे॑ ।।
   विष्णु॑म् न स्तु॑षे आ॒दिशे ।।
   विष्णुं न स्तु॑ष आ॒दिशे ।।


Verse: 15 
Halfverse: a    त्वे॒षं शर्धो॒ न मारु॑तं तुवि॒ष्वण्य॑न॒र्वाण॑म्पू॒षणं॒ सं यथा॑ श॒ता ।
   त्वे॒षं शर्धो॒ न मारु॑तं तुवि॒ष्वण्य्
   त्वे॒षम् शर्धः न मारु॑तम् तुवि॒ष्वणि
   त्वे॒षं शर्धो न मारु॑तं तुवि॒ष्वणि

Halfverse: b    अन॒र्वाण॑म्पू॒षणं॒ सं यथा॑ श॒ता ।
   अ॑न॒र्वाण॑म् पू॒षण॑म् सम् यथा श॒ता ।
   अ॑न॒र्वाण॑म् पू॒षणं सं यथा श॒ता ।

Halfverse: c    सं स॒हस्रा॒ कारि॑षच्चर्ष॒णिभ्य॒ आँ आ॒विर्गू॒ऴा वसू॑ करत्सु॒वेदा॑ नो॒ वसू॑ करत् ।।
   सं स॒हस्रा॒ कारि॑षच्चर्ष॒णिभ्य॒ आँ
   सम् स॒हस्रा कारि॑षत् चर्ष॒णिभ्यः आ
   सं स॒हस्रा कारि॑षच् चर्ष॒णिभ्य आँ

Halfverse: d    आ॒विर्गू॒ऴा वसू॑ करत्
   आ॒विः गू॒ऴा वसु+ करत्
   आ॒विर् गू॒ऴा वसू करत्

Halfverse: e    सु॒वेदा॑ नो॒ वसू॑ करत् ।।
   सु॒वेदा नः वसु+ करत् ।।
   सु॒वेदा नो वसू करत् ।।


Verse: 16 
Halfverse: a    आ मा॑ पूष॒न्नुप॑ द्रव॒ शंसि॑षं॒ नु ते॑ अपिक॒र्ण आ॑घृणे ।
   आ मा॑ पूष॒न्नुप॑ द्रव
   आ मा पूषन् उप द्रव
   आ मा पूषन्न् उप द्रव

Halfverse: b    शंसि॑षं॒ नु ते॑ अपिक॒र्ण आ॑घृणे ।
   शंसि॑षम् नु ते अपिक॒र्णे आ॑घृणे ।
   शंसि॑षं नु ते अपिक॒र्ण आ॑घृणे ।

Halfverse: c    अ॒घा अ॒र्यो अरा॑तयः ।।
   अ॒घा अ॒र्यो अरा॑तयः ।।
   अ॒घाः अ॒र्यः अरा॑तयः ।।
   अ॒घा अ॒र्यो अरा॑तयः ।।


Verse: 17 
Halfverse: a    मा का॑क॒म्बीर॒मुद्वृ॑हो॒ वन॒स्पति॒मश॑स्ती॒र्वि हि नीन॑शः ।
   मा का॑क॒म्बीर॒मुद्वृ॑हो॒ वन॒स्पति॑म्
   मा का॑क॒म्बीर॑म् उत् वृहः वन॒स्पति॑म्
   मा का॑क॒म्बीर॑म् उद् वृहो वन॒स्पति॑म्

Halfverse: b    अश॑स्ती॒र्वि हि नीन॑शः ।
   अश॑स्तीः वि हि नीन॑शः ।
   अश॑स्तीर् वि हि नीन॑शः ।

Halfverse: c    मोत सूरो॒ अह॑ ए॒वा च॒न ग्री॒वा आ॒दध॑ते॒ वेः ।।
   मोत सूरो॒ अह॑ ए॒वा च॒न
   मा उ॒त सूरः अह॑र् ए॒व+ च॒न
   मा उ॒त सूरो अह ए॒वा च॒न

Halfverse: d    ग्री॒वा आ॒दध॑ते॒ वेः ।।
   ग्री॒वाः आ॒दध॑ते वेः ।।
   ग्री॒वा आ॒दध॑ते वेएः ।।


Verse: 18 
Halfverse: a    दृते॑रिव ते ऽवृ॒कम॑स्तु स॒ख्यम् ।
   दृते॑रिव ते ऽवृ॒कम॑स्तु स॒ख्यम् ।
   दृतेः इव ते अवृ॒कम् अस्तु स॒ख्यम् ।
   दृते॑र् ऽव % ते अवृ॒कम् अस्तु स॒ख्यम् ।

Halfverse: b    अछि॑द्रस्य दध॒न्वतः॒ सुपू॑र्णस्य दध॒न्वतः॑ ।।
   अछि॑द्रस्य दध॒न्वतः
   अछि॑द्रस्य दध॒न्वतः
   अछि॑द्रस्य दध॒न्वतः

Halfverse: c    सुपू॑र्णस्य दध॒न्वतः॑ ।।
   सुपू॑र्णस्य दध॒न्वतः ।।
   सुपू॑र्णस्य दध॒न्वतः ।।


Verse: 19 
Halfverse: a    प॒रो हि मर्त्यै॒रसि॑ स॒मो दे॒वैरु॒त श्रि॒या ।
   प॒रो हि मर्त्यै॒रसि
   प॒रः हि मर्त्यैः असि
   प॒रो हि मर्ति॑यैर् असि

Halfverse: b    स॒मो दे॒वैरु॒त श्रि॒या ।
   स॒मः दे॒वैः उ॒त श्रि॒या ।
   स॒मो दे॒वैर् उ॒त श्रि॒या ।

Halfverse: c    अ॒भि ख्यः॑ पूष॒न्पृत॑नासु न॒स्त्वमवा॑ नू॒नं यथा॑ पु॒रा ।।
   अ॒भि ख्यः॑ पूष॒न्पृत॑नासु न॒स्त्वम्
   अ॒भि ख्यः पूषन् पृत॑नासु नः त्वम्
   अ॒भि ख्यः पूषन् पृत॑नासु नस् तु॒वम्

Halfverse: d    अवा॑ नू॒नं यथा॑ पु॒रा ।।
   अव+ नू॒नम् यथा पु॒रा ।।
   अवा नू॒नं यथा पु॒रा ।।


Verse: 20 
Halfverse: a    वा॒मी वा॒मस्य॑ धूतयः॒ प्रणी॑तिरस्तु सू॒नृता॑ ।
   वा॒मी वा॒मस्य॑ धूतयः
   वा॒मी वा॒मस्य धूतयः
   वा॒मी वा॒मस्य धूतयः

Halfverse: b    प्रणी॑तिरस्तु सू॒नृता॑ ।
   प्रणी॑तिः अस्तु सू॒नृता ।
   प्रणी॑तिर् अस्तु सू॒नृता ।

Halfverse: c    दे॒वस्य॑ वा मरुतो॒ मर्त्य॑स्य वेजा॒नस्य॑ प्रयज्यवः ।।
   दे॒वस्य॑ वा मरुतो॒ मर्त्य॑स्य वा
   दे॒वस्य वा मरुतः मर्त्य॑स्य वा
   दे॒वस्य वा मरुतो मर्ति॑यस्य वा

Halfverse: d     ईजा॒नस्य॑ प्रयज्यवः ।।
   ई॑जा॒नस्य प्रयज्यवः ।।
   ई॑जा॒नस्य प्रयज्यवः ।।


Verse: 21 
Halfverse: a    स॒द्यश्चि॒द्यस्य॑ चर्कृ॒तिः परि॒ द्यां दे॒वो नैति॒ सूर्यः॑ ।
   स॒द्यश्चि॒द्यस्य॑ चर्कृ॒तिः
   स॒द्यः चि॑त् यस्य चर्कृ॒तिः
   स॒द्यश् चिद् यस्य चर्कृ॒तिः

Halfverse: b    परि॒ द्यां दे॒वो नैति॒ सूर्यः॑ ।
   परि द्याम् दे॒वः न एति सूर्यः ।
   परि द्याअं दे॒वो न एति सूरि॑यः ।

Halfverse: c    त्वे॒षं शवो॑ दधिरे॒ नाम॑ य॒ज्ञिय॑म्म॒रुतो॑ वृत्र॒हं शवो॒ ज्येष्ठं॑ वृत्र॒हं शवः॑ ।।
   त्वे॒षं शवो॑ दधिरे॒ नाम॑ य॒ज्ञिय॑म्
   त्वे॒षम् शवः दधिरे नाम य॒ज्ञिय॑म्
   त्वे॒षं शवो दधिरे नाम य॒ज्ञिय॑म्

Halfverse: d    म॒रुतो॑ वृत्र॒हं शवो
   म॒रुतः वृत्र॒हम् शवः
   म॒रुतो वृत्र॒हं शवो

Halfverse: e    ज्येष्ठं॑ वृत्र॒हं शवः॑ ।।
   ज्येष्ठ॑म् वृत्र॒हम् शवः ।।
   ज्ययि॑ष्ठं वृत्र॒हं शवः ।।


Verse: 22 
Halfverse: a    स॒कृद्ध॒ द्यौर॑जायत स॒कृद्भूमि॑रजायत ।
   स॒कृद्ध॒ द्यौर॑जायत
   स॒कृत् ह द्यौः अ॑जायत
   स॒कृद् ध द्यौर् अजायत

Halfverse: b    स॒कृद्भूमि॑रजायत ।
   स॒कृत् भूमिः अजायत ।
   स॒कृद् भूमि॑र् अजायत ।

Halfverse: c    पृश्न्या॑ दु॒ग्धं स॒कृत्पय॒स्तद॒न्यो नानु॑ जायते ।।
   पृश्न्या॑ दु॒ग्धं स॒कृत्पय॑स्
   पृश्न्याः दु॒ग्धम् स॒कृत् पयः
   पृश्न्या दु॒ग्धं स॒कृत् पय॑स्

Halfverse: d    तद॒न्यो नानु॑ जायते ।।
   तत् अ॒न्यः न अनु जायते ।।
   तद् अ॒न्यो नानु जायते ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.