TITUS
Rg-Veda: Rg-Veda-Samhita
Part No. 490
Previous part

Hymn: 49_(490) 
Verse: 1 
Halfverse: a    स्तु॒षे जनं॑ सुव्र॒तं नव्य॑सीभिर्गी॒र्भिर्मि॒त्रावरु॑णा सुम्न॒यन्ता॑ ।
   स्तु॒षे जनं॑ सुव्र॒तं नव्य॑सीभिर्
   स्तु॒षे जन॑म् सुव्र॒तम् नव्य॑सीभिः
   स्तु॒षे जनं सुव्र॒तं नव्य॑सीभिर्

Halfverse: b    गी॒र्भिर्मि॒त्रावरु॑णा सुम्न॒यन्ता॑ ।
   गी॒र्भिः मि॒त्रावरु॑णा सुम्न॒यन्ता ।
   गी॒र्भिर् मि॒त्रावरु॑णा सुम्न॒यन्ता ।

Halfverse: c    त आ ग॑मन्तु॒ त इ॒ह श्रु॑वन्तु सुक्ष॒त्रासो॒ वरु॑णो मि॒त्रो अ॒ग्निः ।।
   त आ ग॑मन्तु॒ त इ॒ह श्रु॑वन्तु
   ते आ ग॑मन्तु ते इ॒ह श्रु॑वन्तु
   त आ ग॑मन्तु त इ॒ह श्रु॑वन्तु

Halfverse: d    सुक्ष॒त्रासो॒ वरु॑णो मि॒त्रो अ॒ग्निः ।।
   सु॑क्ष॒त्रासः वरु॑णः मि॒त्रः अ॒ग्निः ।।
   सु॑क्ष॒त्रासो वरु॑णो मि॒त्रो अ॒ग्निः ।।


Verse: 2 
Halfverse: a    वि॒शोवि॑श॒ ईड्य॑मध्व॒रेष्वदृ॑प्तक्रतुमर॒तिं यु॑व॒त्योः ।
   वि॒शोवि॑श॒ ईड्य॑मध्व॒रेष्व्
   वि॒शोवि॑शः ईड्य॑म् अध्व॒रेषु
   वि॒शोवि॑श ईडि॑यम् अध्व॒रेषु

Halfverse: b    अदृ॑प्तक्रतुमर॒तिं यु॑व॒त्योः ।
   अदृ॑प्तक्रतुम् अर॒तिम् युव॒त्योः ।
   अदृ॑प्तक्रतुम् अर॒तिं यु॑व॒त्योः ।

Halfverse: c    दि॒वः शिशुं॒ सह॑सः सू॒नुम॒ग्निं य॒ज्ञस्य॑ के॒तुम॑रु॒षं यज॑ध्यै ।।
   दि॒वः शिशुं॒ सह॑सः सू॒नुम॒ग्निं
   दि॒वः शिशु॑म् सह॑सः सू॒नुम् अ॒ग्निम्
   दि॒वः शिशुं सह॑सः सू॒नुम् अ॒ग्निं

Halfverse: d    य॒ज्ञस्य॑ के॒तुम॑रु॒षं यज॑ध्यै ।।
   य॒ज्ञस्य के॒तुम् अरु॒षम् यज॑ध्यै ।।
   य॒ज्ञस्य के॒तुम् अरु॒षं यज॑ध्यै ।।


Verse: 3 
Halfverse: a    अ॑रु॒षस्य॑ दुहि॒तरा॒ विरू॑पे॒ स्तृभि॑र॒न्या पि॑पि॒शे सूरो॑ अ॒न्या ।
   अ॑रु॒षस्य॑ दुहि॒तरा॒ विरू॑पे
   अरु॒षस्य दुहि॒तरा विरू॑पे
   अरु॒षस्य दुहि॒तरा विरू॑पे

Halfverse: b    स्तृभि॑र॒न्या पि॑पि॒शे सूरो॑ अ॒न्या ।
   स्तृभिः अ॒न्या पि॑पि॒शे सूरः अ॒न्या ।
   स्तृभि॑र् अ॒न्या पि॑पि॒शे सूरो अ॒न्या ।

Halfverse: c    मि॑थ॒स्तुरा॑ वि॒चर॑न्ती पाव॒के मन्म॑ श्रु॒तं न॑क्षत ऋ॒च्यमा॑ने ।।
   मि॑थ॒स्तुरा॑ वि॒चर॑न्ती पाव॒के
   मि॑थ॒स्तुरा वि॒चर॑न्ती पाव॒के
   मि॑थ॒स्तुरा वि॒चर॑न्ती पवा॒के

Halfverse: d    मन्म॑ श्रु॒तं न॑क्षत ऋ॒च्यमा॑ने ।।
   मन्म श्रु॒तम् नक्षतः ऋ॒च्यमा॑ने ।।
   मन्म श्रु॒तं न॑क्षत ऋ॒च्यमा॑ने ।।


Verse: 4 
Halfverse: a    प्र वा॒युमछा॑ बृह॒ती म॑नी॒षा बृ॒हद्र॑यिं वि॒श्ववा॑रं रथ॒प्राम् ।
   प्र वा॒युमछा॑ बृह॒ती म॑नी॒षा
   प्र वा॒युम् अछ+ बृह॒ती म॑नी॒षा
   प्र वा॒युम् अछा बृह॒ती म॑नी॒षा

Halfverse: b    बृ॒हद्र॑यिं वि॒श्ववा॑रं रथ॒प्राम् ।
   बृ॒हद्र॑यिम् वि॒श्ववा॑रम् रथ॒प्राम् ।
   बृ॒हद्र॑यिं वि॒श्ववा॑रं रथ॒प्राम् ।

Halfverse: c    द्यु॒तद्या॑मा नि॒युतः॒ पत्य॑मानः क॒विः क॒विमि॑यक्षसि प्रयज्यो ।।
   द्यु॒तद्या॑मा नि॒युतः॒ पत्य॑मानः
   द्यु॒तद्या॑मा नि॒युतः पत्य॑मानः
   द्यु॒तद्या॑मा नि॒युतः पत्य॑मानः

Halfverse: d    क॒विः क॒विमि॑यक्षसि प्रयज्यो ।।
   क॒विः क॒विम् इयक्षसि प्रयज्यो ।।
   क॒विः क॒विम् इयक्षसि प्रयज्यो ।।


Verse: 5 
Halfverse: a    स मे॒ वपु॑श्छदयद॒श्विनो॒र्यो रथो॑ वि॒रुक्मा॒न्मन॑सा युजा॒नः ।
   स मे॒ वपु॑श्छदयद॒श्विनो॒र्यो
   स मे वपुः छदयत् अ॒श्विनोः यः
   स मे वपु॑श् छदयद् अ॒श्विनो॑र् यो

Halfverse: b    रथो॑ वि॒रुक्मा॒न्मन॑सा युजा॒नः ।
   रथः वि॒रुक्मा॑न् मन॑सा युजा॒नः ।
   रथो वि॒रुक्मा॑न् मन॑सा युजा॒नः ।

Halfverse: c    येन॑ नरा नासत्येष॒यध्यै॑ व॒र्तिर्या॒थस्तन॑याय॒ त्मने॑ च ।।
   येन॑ नरा नासत्येष॒यध्यै
   येन नरा नासत्या इष॒यध्यै
   येन नरा नासतियेष॒यध्यै

Halfverse: d    व॒र्तिर्या॒थस्तन॑याय॒ त्मने॑ च ।।
   व॒र्तिः या॒थः तन॑याय त्मने च ।।
   व॒र्तिर् या॒थस् तन॑याय त्मने च ।।


Verse: 6 
Halfverse: a    पर्ज॑न्यवाता वृषभा पृथि॒व्याः पुरी॑षाणि जिन्वत॒मप्या॑नि ।
   पर्ज॑न्यवाता वृषभा पृथि॒व्याः
   पर्ज॑न्यवाता वृषभा पृथि॒व्याः
   पर्ज॑न्यवाता वृषभा पृथि॒व्याः

Halfverse: b    पुरी॑षाणि जिन्वत॒मप्या॑नि ।
   पुरी॑षाणि जिन्वतम् अप्या॑नि ।
   पुरी॑षाणि जिन्वतम् अपि॑यानि ।

Halfverse: c    सत्य॑श्रुतः कवयो॒ यस्य॑ गी॒र्भिर्जग॑त स्थात॒र्जग॒दा कृ॑णुध्वम् ।।
   सत्य॑श्रुतः कवयो॒ यस्य॑ गी॒र्भिर्
   सत्य॑श्रुतः कवयः यस्य गी॒र्भिः
   सत्य॑श्रुतः कवयो यस्य गी॒र्भिर्

Halfverse: d    जग॑त स्थात॒र्जग॒दा कृ॑णुध्वम् ।।
   जग॑तः स्थातर् जग॑त् आ कृ॑णुध्वम् ।।
   जग॑त स्थातर् जग॑द् आ कृ॑णुध्वम् ।।


Verse: 7 
Halfverse: a    पावी॑रवी क॒न्या॑ चि॒त्रायुः॒ सर॑स्वती वी॒रप॑त्नी॒ धियं॑ धात् ।
   पावी॑रवी क॒न्या॑ चि॒त्रायुः
   पावी॑रवी क॒न्या चि॒त्रायुः
   पावी॑रवी क॒निया चित्रआयुः

Halfverse: b    सर॑स्वती वी॒रप॑त्नी॒ धियं॑ धात् ।
   सर॑स्वती वी॒रप॑त्नी धिय॑म् धात् ।
   सर॑स्वती वी॒रप॑त्नी धियं धात् ।

Halfverse: c    ग्नाभि॒रछि॑द्रं शर॒णं स॒जोषा॑ दुरा॒धर्षं॑ गृण॒ते शर्म॑ यंसत् ।।
   ग्नाभि॒रछि॑द्रं शर॒णं स॒जोषा
   ग्नाभिः अछि॑द्रम् शर॒णम् स॒जोषाः
   ग्नाभि॑र् अछि॑द्रं शर॒णं स॒जोषा

Halfverse: d    दुरा॒धर्षं॑ गृण॒ते शर्म॑ यंसत् ।।
   दु॑रा॒धर्ष॑म् गृण॒ते शर्म यंसत् ।।
   दु॑रा॒धर्षं गृण॒ते शर्म यंसत् ।।


Verse: 8 
Halfverse: a    प॒थस्॑पथः॒ परि॑पतिं वच॒स्या कामे॑न कृ॒तो अ॒भ्या॑नळ॒र्कम् ।
   प॒थस्॑पथः॒ परि॑पतिं वच॒स्या
   प॒थस्॑पथः परि॑पतिम् वच॒स्या
   प॒थस्॑पथः परि॑पतिं वच॒स्या

Halfverse: b    कामे॑न कृ॒तो अ॒भ्या॑नळ॒र्कम् ।
   कामे॑न कृ॒तः अ॒भि आ॑नट् अ॒र्कम् ।
   कामे॑न कृ॒तो अ॒भि आ॑नळ् अ॒र्कम् ।

Halfverse: c    स नो॑ रासच्छु॒रुध॑श्च॒न्द्राग्रा॒ धियं॑धियं सीषधाति॒ प्र पू॒षा ।।
   स नो॑ रासच्छु॒रुध॑श्च॒न्द्राग्रा
   स नः रासत् शु॒रुधः च॒न्द्राग्राः
   स नो रासच् छु॒रुध॑श् च॒न्द्राअग्रा

Halfverse: d    धियं॑धियं सीषधाति॒ प्र पू॒षा ।।
   धियं॑धियम् सीषधाति प्र पू॒षा ।।
   धियं॑धियं सीषधाति प्र पू॒षा ।।


Verse: 9 
Halfverse: a    प्र॑थम॒भाजं॑ य॒शसं॑ वयो॒धां सु॑पा॒णिं दे॒वं सु॒गभ॑स्ति॒मृभ्व॑म् ।
   प्र॑थम॒भाजं॑ य॒शसं॑ वयो॒धां
   प्र॑थम॒भाज॑म् य॒शस॑म् वयो॒धाम्
   प्रथम॒भाजं य॒शसं वयो॒धां

Halfverse: b    सु॑पा॒णिं दे॒वं सु॒गभ॑स्ति॒मृभ्व॑म् ।
   सु॑पा॒णिम् दे॒वम् सु॒गभ॑स्तिम् ऋभ्व॑म् ।
   सु॑पा॒णिं दे॒वं सु॒गभ॑स्तिम् ऋभ्व॑म् ।

Halfverse: c    होता॑ यक्षद्यज॒तम्प॒स्त्या॑नाम॒ग्निस्त्वष्टा॑रं सु॒हवं॑ वि॒भावा॑ ।।
   होता॑ यक्षद्यज॒तम्प॒स्त्या॑नाम्
   होता यक्षत् यज॒तम् प॒स्त्या॑नाम्
   होता यक्षद् यज॒तम् प॒स्तिया॑नाम्

Halfverse: d    अ॒ग्निस्त्वष्टा॑रं सु॒हवं॑ वि॒भावा॑ ।।
   अ॒ग्निः त्वष्टा॑रम् सु॒हव॑म् वि॒भावा ।।
   अ॒ग्निस् त्वष्टा॑रं सु॒हवं वि॒भावा ।।


Verse: 10 
Halfverse: a    भुव॑नस्य पि॒तरं॑ गी॒र्भिरा॒भी रु॒द्रं दिवा॑ व॒र्धया॑ रु॒द्रम॒क्तौ ।
   भुव॑नस्य पि॒तरं॑ गी॒र्भिरा॒भी
   भुव॑नस्य पि॒तर॑म् गी॒र्भिः आ॒भिः
   भुव॑नस्य पि॒तरं गी॒र्भिर् आ॒भी

Halfverse: b    रु॒द्रं दिवा॑ व॒र्धया॑ रु॒द्रम॒क्तौ ।
   रु॒द्रम् दिवा व॒र्धय+ रु॒द्रम् अ॒क्तौ ।
   रु॒द्रं दिवा व॒र्धया रु॒द्रम् अ॒क्तौ ।

Halfverse: c    बृ॒हन्त॑मृ॒ष्वम॒जरं॑ सुषु॒म्नमृध॑ग्घुवेम क॒विने॑षि॒तासः॑ ।।
   बृ॒हन्त॑मृ॒ष्वम॒जरं॑ सुषु॒म्नम्
   बृ॒हन्त॑म् ऋ॒ष्वम् अ॒जर॑म् सुषु॒म्नम्
   बृ॒हन्त॑म् ऋ॒ष्वम् अ॒जरं सुषु॒म्नम्

Halfverse: d    ऋध॑ग्घुवेम क॒विने॑षि॒तासः॑ ।।
   ऋध॑क् हुवेम क॒विना इषि॒तासः ।।
   ऋध॑ग् घुवेम क॒विने॑षि॒तासः ।।


Verse: 11 
Halfverse: a    आ यु॑वानः कवयो यज्ञियासो॒ मरु॑तो ग॒न्त गृ॑ण॒तो व॑र॒स्याम् ।
   आ यु॑वानः कवयो यज्ञियासो
   आ यु॑वानः कवयः यज्ञियासः
   आ यु॑वानः कवयो यज्ञियासो

Halfverse: b    मरु॑तो ग॒न्त गृ॑ण॒तो व॑र॒स्याम् ।
   मरु॑तः ग॒न्त गृ॑ण॒तः व॑र॒स्याम् ।
   मरु॑तो ग॒न्त गृ॑ण॒तो व॑र॒स्याम् ।

Halfverse: c    अ॑चि॒त्रं चि॒द्धि जिन्व॑था वृ॒धन्त॑ इ॒त्था नक्ष॑न्तो नरो अङ्गिर॒स्वत् ।।
   अ॑चि॒त्रं चि॒द्धि जिन्व॑था वृ॒धन्त
   अचि॒त्रम् चित् हि जिन्व॑थ+ वृ॒धन्तः
   अचि॒त्रं चि॑द् धि जिन्व॑था वृ॒धन्त

Halfverse: d    इ॒त्था नक्ष॑न्तो नरो अङ्गिर॒स्वत् ।।
   इ॒त्था नक्ष॑न्तः नरः अङ्गिर॒स्वत् ।।
   इ॒त्था नक्ष॑न्तो नरो अङ्गिर॒स्वत् ।।


Verse: 12 
Halfverse: a    प्र वी॒राय॒ प्र त॒वसे॑ तु॒रायाजा॑ यू॒थेव॑ पशु॒रक्षि॒रस्त॑म् ।
   प्र वी॒राय॒ प्र त॒वसे॑ तु॒राय
   प्र वी॒राय प्र त॒वसे तु॒राय
   प्र वी॒राय प्र त॒वसे तु॒राय

Halfverse: b     अजा॑ यू॒थेव॑ पशु॒रक्षि॒रस्त॑म् ।
   अज+ यू॒था इ॑व पशु॒रक्षिः अस्त॑म् ।
   अजा यू॒थेव पशु॒रक्षि॑र् अस्त॑म् ।

Halfverse: c    स पि॑स्पृशति त॒न्वि॑ श्रु॒तस्य॒ स्तृभि॒र्न नाकं॑ वच॒नस्य॒ विपः॑ ।।
   स पि॑स्पृशति त॒न्वि॑ श्रु॒तस्य
   स पि॑स्पृशति त॒न्वि श्रु॒तस्य
   स पि॑स्पृशति त॒नुवि श्रु॒तस्य

Halfverse: d    स्तृभि॒र्न नाकं॑ वच॒नस्य॒ विपः॑ ।।
   स्तृभिः न नाक॑म् वच॒नस्य विपः ।।
   स्तृभि॑र् न नाकं वच॒नस्य विपः ।।


Verse: 13 
Halfverse: a    यो रजां॑सि विम॒मे पार्थि॑वानि॒ त्रिश्चि॒द्विष्णु॒र्मन॑वे बाधि॒ताय॑ ।
   यो रजां॑सि विम॒मे पार्थि॑वानि
   यः रजां॑सि विम॒मे पार्थि॑वानि
   यो रजां॑सि विम॒मे पार्थि॑वानि

Halfverse: b    त्रिश्चि॒द्विष्णु॒र्मन॑वे बाधि॒ताय॑ ।
   त्रिः चि॑त् विष्णुः मन॑वे बाधि॒ताय ।
   त्रिश् चिद् विष्णु॑र् मन॑वे बाधि॒ताय ।

Halfverse: c    तस्य॑ ते॒ शर्म॑न्नुपद॒द्यमा॑ने रा॒या म॑देम त॒न्वा॒ तना॑ च ।।
   तस्य॑ ते॒ शर्म॑न्नुपद॒द्यमा॑ने
   तस्य ते शर्म॑न् उपद॒द्यमा॑ने
   तस्य ते शर्म॑न्न् उपद॒द्यमा॑ने

Halfverse: d    रा॒या म॑देम त॒न्वा॒ तना॑ च ।।
   रा॒या म॑देम त॒न्वा तना च ।।
   रा॒या म॑देम त॒नुवा तना च ।।


Verse: 14 
Halfverse: a    तन्नो ऽहि॑र्बु॒ध्न्यो॑ अ॒द्भिर॒र्कैस्तत्पर्व॑त॒स्तत्स॑वि॒ता चनो॑ धात् ।
   तन्नो ऽहि॑र्बु॒ध्न्यो॑ अ॒द्भिर॒र्कैस्
   तत् नः अहिः बु॒ध्न्यः अ॒द्भिः अ॒र्कैः
   तन् नो अहि॑र् बु॒ध्नियो अ॒द्भिर् अ॒र्कैस्

Halfverse: b    तत्पर्व॑त॒स्तत्स॑वि॒ता चनो॑ धात् ।
   तत् पर्व॑तः तत् सवि॒ता चनः धात् ।
   तत् पर्व॑तस् तत् सवि॒ता चनो धात् ।

Halfverse: c    तदोष॑धीभिर॒भि रा॑ति॒षाचो॒ भगः॒ पुरं॑धिर्जिन्वतु॒ प्र रा॒ये ।।
   तदोष॑धीभिर॒भि रा॑ति॒षाचो
   तत् ओष॑धीभिः अ॒भि रा॑ति॒षाचः
   तद् ओष॑धीभिर् अ॒भि रा॑ति॒षाचो

Halfverse: d    भगः॒ पुरं॑धिर्जिन्वतु॒ प्र रा॒ये ।।
   भगः पुरं॑धिः जिन्वतु प्र रा॒ये ।।
   भगः पुरं॑धिर् जिन्वतु प्र रा॒ये ।।


Verse: 15 
Halfverse: a    नू नो॑ र॒यिं र॒थ्यं॑ चर्षणि॒प्राम्पु॑रु॒वीर॑म्म॒ह ऋ॒तस्य॑ गो॒पाम् ।
   नू नो॑ र॒यिं र॒थ्यं॑ चर्षणि॒प्राम् ।!।
   नु+ नः र॒यिम् र॒थ्य॑म् चर्षणि॒प्राम् ।!।
   नू नो र॒यिं र॒थियं चर्षणि॒प्राम् ।!।

Halfverse: b    पु॑रु॒वीर॑म्म॒ह ऋ॒तस्य॑ गो॒पाम् ।
   पु॑रु॒वीर॑म् म॒हः ऋ॒तस्य गो॒पाम् ।
   पु॑रु॒वीर॑म् म॒ह ऋ॒तस्य गो॒पाम् ।

Halfverse: c    क्षयं॑ दाता॒जरं॒ येन॒ जना॒न्स्पृधो॒ अदे॑वीर॒भि च॒ क्रमा॑म॒ विश॒ आदे॑वीर॒भ्य॒श्नवा॑म ।।
   क्षयं॑ दाता॒जरं॒ येन॒ जना॑न्
   क्षय॑म् दात अ॒जर॑म् येन जना॑न्
   क्षयं दात अ॒जरं येन जना॑न्

Halfverse: d    स्पृधो॒ अदे॑वीर॒भि च॒क्रमा॑म ।!।
   स्पृधः अदे॑वीः अ॒भि च॒क्रमा॑म !
   स्पृधो अदे॑वीर् अ॒भि च॒क्रमा॑म ।!।

Halfverse: e    विश॒ आदे॑वीर॒भ्य॒श्नवा॑म ।।
   विशः आदे॑वीः अ॒भि अ॒श्नवा॑म ।।
   विश आदे॑वीर् अ॒भि अ॒श्नवा॑म ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.