TITUS
Rg-Veda: Rg-Veda-Samhita
Part No. 491
Previous part

Hymn: 50_(491) 
Verse: 1 
Halfverse: a    हु॒वे वो॑ दे॒वीमदि॑तिं॒ नमो॑भिर्मृळी॒काय॒ वरु॑णम्मि॒त्रम॒ग्निम् ।
   हु॒वे वो॑ दे॒वीमदि॑तिं॒ नमो॑भिर्
   हु॒वे वः दे॒वीम् अदि॑तिम् नमो॑भिः
   हु॒वे वो दे॒वीम् अदि॑तिं नमो॑भिर्

Halfverse: b    मृळी॒काय॒ वरु॑णम्मि॒त्रम॒ग्निम् ।
   मृ॑ळी॒काय वरु॑णम् मि॒त्रम् अ॒ग्निम् ।
   मृ॑ळी॒काय वरु॑णम् मि॒त्रम् अ॒ग्निम् ।

Halfverse: c    अ॑भिक्ष॒दाम॑र्य॒मणं॑ सु॒शेवं॑ त्रा॒तॄन्दे॒वान्स॑वि॒तार॒म्भगं॑ च ।।
   अ॑भिक्ष॒दाम॑र्य॒मणं॑ सु॒शेवं
   अभिक्ष॒दाम् अर्य॒मण॑म् सु॒शेव॑म्
   अभिक्ष॒दाम् अर्य॒मणं सु॒शेवं

Halfverse: d    त्रा॒तॄन्दे॒वान्स॑वि॒तार॒म्भगं॑ च ।।
   त्रा॒तॄन् दे॒वान् सवि॒तार॑म् भग॑म् च ।।
   त्रा॒तॄन् दे॒वान् सवि॒तार॑म् भगं च ।।


Verse: 2 
Halfverse: a    सु॒ज्योति॑षः सूर्य॒ दक्ष॑पितॄननागा॒स्त्वे सु॑महो वीहि दे॒वान् ।
   सु॒ज्योति॑षः सूर्य॒ दक्ष॑पितॄन्
   सु॒ज्योति॑षः सूर्य दक्ष॑पितॄन्
   सु॒ज्योति॑षः सूरिय दक्ष॑पितॄन्

Halfverse: b    अनागा॒स्त्वे सु॑महो वीहि दे॒वान् ।
   अ॑नागा॒स्त्वे सु॑महः वीहि दे॒वान् ।
   अ॑नागा॒स्त्वे सु॑महो वीहि दे॒वान् ।

Halfverse: c    द्वि॒जन्मा॑नो॒ य ऋ॑त॒सापः॑ स॒त्याः स्व॑र्वन्तो यज॒ता अ॑ग्निजि॒ह्वाः ।।
   द्वि॒जन्मा॑नो॒ य ऋ॑त॒सापः॑ स॒त्याः
   द्वि॒जन्मा॑नः ये ऋ॑त॒सापः स॒त्याः
   द्वि॒जन्मा॑नो य ऋ॑त॒सापः स॒त्याः

Halfverse: d    स्व॑र्वन्तो यज॒ता अ॑ग्निजि॒ह्वाः ।।
   स्व॑र्वन्तः यज॒ताः अ॑ग्निजि॒ह्वाः ।।
   सुव॑र्वन्तो यज॒ता अ॑ग्निजि॒ह्वाः ।।


Verse: 3 
Halfverse: a    उ॒त द्या॑वापृथिवी क्ष॒त्रमु॒रु बृ॒हद्रो॑दसी शर॒णं सु॑षुम्ने ।
   उ॒त द्या॑वापृथिवी क्ष॒त्रमु॒रु
   उ॒त द्या॑वापृथिवी क्ष॒त्रम् उ॒रु
   उ॒त द्या॑वापृथिवी क्ष॒त्रम् उ॒रु

Halfverse: b    बृ॒हद्रो॑दसी शर॒णं सु॑षुम्ने ।
   बृ॒हत् रोदसी शर॒णम् सुषुम्ने ।
   बृ॒हद् रोदसी शर॒णं सु॑षुम्ने ।

Halfverse: c    म॒हस्क॑रथो॒ वरि॑वो॒ यथा॑ नो॒ ऽस्मे क्षया॑य धिषणे अने॒हः ।।
   म॒हस्क॑रथो॒ वरि॑वो॒ यथा॑ नो
   म॒हः क॑रथः वरि॑वः यथा नः
   म॒हस् करथो वरि॑वो यथा नो

Halfverse: d    ऽस्मे क्षया॑य धिषणे अने॒हः ।।
   अ॒स्मे क्षया॑य धिषणे अने॒हः ।।
   अ॒स्मे क्षया॑य धिषणे अने॒हः ।।


Verse: 4 
Halfverse: a    आ नो॑ रु॒द्रस्य॑ सू॒नवो॑ नमन्ताम॒द्या हू॒तासो॒ वस॒वो ऽधृ॑ष्टाः ।
   आ नो॑ रु॒द्रस्य॑ सू॒नवो॑ नमन्ताम्
   आ नः रु॒द्रस्य सू॒नवः नमन्ताम्
   आ नो रु॒द्रस्य सू॒नवो नमन्ताम्

Halfverse: b    अ॒द्या हू॒तासो॒ वस॒वो ऽधृ॑ष्टाः ।
   अ॒द्य+ हू॒तासः वस॑वः अधृ॑ष्टाः ।
   अ॒द्या हू॒तासो वस॑वो अधृ॑ष्टाः ।

Halfverse: c    यदी॒मर्भे॑ मह॒ति वा॑ हि॒तासो॑ बा॒धे म॒रुतो॒ अह्वा॑म दे॒वान् ।।
   यदी॒मर्भे॑ मह॒ति वा॑ हि॒तासो
   यत् ईम् अर्भे मह॒ति वा हि॒तासः
   यद् ईम् अर्भे मह॒ति वा हि॒तासो

Halfverse: d    बा॒धे म॒रुतो॒ अह्वा॑म दे॒वान् ।।
   बा॒धे म॒रुतः अह्वा॑म दे॒वान् ।।
   बा॒धे म॒रुतो अहु॑वाम दे॒वान् ।।


Verse: 5 
Halfverse: a    मि॒म्यक्ष॒ येषु॑ रोद॒सी नु दे॒वी सिष॑क्ति पू॒षा अ॑भ्यर्ध॒यज्वा॑ ।
   मि॒म्यक्ष॒ येषु॑ रोद॒सी नु दे॒वी
   मि॒म्यक्ष येषु रोद॒सी नु दे॒वी
   मि॒म्यक्ष येषु रोद॒सी नु दे॒वी

Halfverse: b    सिष॑क्ति पू॒षा अ॑भ्यर्ध॒यज्वा॑ ।
   सिष॑क्ति पू॒षा अ॑भ्यर्ध॒यज्वा ।
   सिष॑क्ति पू॒षा अ॑भिअर्ध॒यज्वा ।

Halfverse: c    श्रु॒त्वा हव॑म्मरुतो॒ यद्ध॑ या॒थ भूमा॑ रेजन्ते॒ अध्व॑नि॒ प्रवि॑क्ते ।।
   श्रु॒त्वा हव॑म्मरुतो॒ यद्ध॑ या॒थ
   श्रु॒त्वा हव॑म् मरुतः यत् ह या॒थ
   श्रु॒त्वा हव॑म् मरुतो यद् ध या॒थ

Halfverse: d    भूमा॑ रेजन्ते॒ अध्व॑नि॒ प्रवि॑क्ते ।।
   भूम+ रेजन्ते अध्व॑नि प्रवि॑क्ते ।।
   भूमा रेजन्ते अध्व॑नि प्रवि॑क्ते ।।


Verse: 6 
Halfverse: a    अ॒भि त्यं वी॒रं गिर्व॑णसम॒र्चेन्द्र॒म्ब्रह्म॑णा जरित॒र्नवे॑न ।
   अ॒भि त्यं वी॒रं गिर्व॑णसमर्च
   अ॒भि त्यम् वी॒रम् गिर्व॑णसम् अर्च
   अ॒भि त्यं वी॒रं गिर्व॑णसम् अर्च

Halfverse: b     इन्द्र॒म्ब्रह्म॑णा जरित॒र्नवे॑न ।
   इन्द्र॑म् ब्रह्म॑णा जरितर् नवे॑न ।
   इन्द्र॑म् ब्रह्म॑णा जरितर् नवे॑न ।

Halfverse: c    श्रव॒दिद्धव॒मुप॑ च॒ स्तवा॑नो॒ रास॒द्वाजाँ॒ उप॑ म॒हो गृ॑णा॒नः ।।
   श्रव॒दिद्धव॒मुप॑ च॒ स्तवा॑नो
   श्रव॑त् इत् हव॑म् उप च स्तवा॑नः
   श्रव॑द् इद् धव॑म् उप च स्तवा॑नो

Halfverse: d    रास॒द्वाजाँ॒ उप॑ म॒हो गृ॑णा॒नः ।।
   रास॑त् वाजा॑न् उप म॒हः गृ॑णा॒नः ।।
   रास॑द् वाजाँ उप म॒हो गृ॑णा॒नः ।।


Verse: 7 
Halfverse: a    ओ॒मान॑मापो मानुषी॒रमृ॑क्तं॒ धात॑ तो॒काय॒ तन॑याय॒ शं योः ।
   ओ॒मान॑मापो मानुषी॒रमृ॑क्तं
   ओ॒मान॑म् आपः मानुषीः अमृ॑क्तम्
   ओ॒मान॑म् आपो मानुषीर् अमृ॑क्तं

Halfverse: b    धात॑ तो॒काय॒ तन॑याय॒ शं योः ।
   धात तो॒काय तन॑याय शम् योः ।
   धात तो॒काय तन॑याय शं योः ।

Halfverse: c    यू॒यं हि ष्ठा भि॒षजो॑ मा॒तृत॑मा॒ विश्व॑स्य स्था॒तुर्जग॑तो॒ जनि॑त्रीः ।।
   यू॒यं हि ष्ठा भि॒षजो॑ मा॒तृत॑मा
   यू॒यम् हि स्थ+ भि॒षजः मा॒तृत॑माः
   यू॒यं हि ष्ठा भि॒षजो मा॒तृत॑मा

Halfverse: d    विश्व॑स्य स्था॒तुर्जग॑तो॒ जनि॑त्रीः ।।
   विश्व॑स्य स्था॒तुः जग॑तः जनि॑त्रीः ।।
   विश्व॑स्य स्था॒तुर् जग॑तो जनि॑त्रीः ।।


Verse: 8 
Halfverse: a    आ नो॑ दे॒वः स॑वि॒ता त्राय॑माणो॒ हिर॑ण्यपाणिर्यज॒तो ज॑गम्यात् ।
   आ नो॑ दे॒वः स॑वि॒ता त्राय॑माणो
   आ नः दे॒वः स॑वि॒ता त्राय॑माणः
   आ नो दे॒वः स॑वि॒ता त्राय॑माणो

Halfverse: b    हिर॑ण्यपाणिर्यज॒तो ज॑गम्यात् ।
   हिर॑ण्यपाणिः यज॒तः ज॑गम्यात् ।
   हिर॑ण्यपाणिर् यज॒तो ज॑गम्यात् ।

Halfverse: c    यो दत्र॑वाँ उ॒षसो॒ न प्रती॑कं व्यूर्णु॒ते दा॒शुषे॒ वार्या॑णि ।।
   यो दत्र॑वाँ उ॒षसो॒ न प्रती॑कं
   यः दत्र॑वान् उ॒षसः न प्रती॑कम्
   यो दत्र॑वाँ उ॒षसो न प्रती॑कं

Halfverse: d    व्यूर्णु॒ते दा॒शुषे॒ वार्या॑णि ।।
   व्यू॑र्णु॒ते दा॒शुषे वार्या॑णि ।।
   विऊ॑र्णु॒ते दा॒शुषे वारि॑याणि ।।


Verse: 9 
Halfverse: a    उ॒त त्वं सू॑नो सहसो नो अ॒द्या दे॒वाँ अ॒स्मिन्न॑ध्व॒रे व॑वृत्याः ।
   उ॒त त्वं सू॑नो सहसो नो अ॒द्य
   उ॒त त्वम् सूनो सहसः नः अ॒द्य
   उ॒त त्वं सू॑नो सहसो नो अ॒द्य

Halfverse: b     आ दे॒वाँ अ॒स्मिन्न॑ध्व॒रे व॑वृत्याः ।
   आ दे॒वान् अ॒स्मिन् अध्व॒रे व॑वृत्याः ।
   आ दे॒वाँ अ॒स्मिन् अध्व॒रे व॑वृत्याः ।

Halfverse: c    स्याम॒हं ते॒ सद॒मिद्रा॒तौ तव॑ स्याम॒ग्ने ऽव॑सा सु॒वीरः॑ ।।
   स्याम॒हं ते॒ सद॒मिद्रा॒तौ
   स्याम् अ॒हम् ते सद॑म् इत् रा॒तौ
   सि॒याम् अ॒हं ते सद॑म् इद् रा॒तौ

Halfverse: d    तव॑ स्याम॒ग्ने ऽव॑सा सु॒वीरः॑ ।।
   तव स्याम् अग्ने अव॑सा सु॒वीरः ।।
   तव स्याम् अग्ने अव॑सा सु॒वीरः ।।


Verse: 10 
Halfverse: a    उ॒त त्या मे॒ हव॒मा ज॑ग्म्यातं॒ नास॑त्या धी॒भिर्यु॒वम॒ङ्ग वि॑प्रा ।
   उ॒त त्या मे॒ हव॒मा ज॑ग्म्यातं
   उ॒त त्या मे हव॑म् आ ज॑ग्म्यातम्
   उ॒त त्या मे हव॑म् आ ज॑ग्मियातं

Halfverse: b    नास॑त्या धी॒भिर्यु॒वम॒ङ्ग वि॑प्रा ।
   नास॑त्या धी॒भिः यु॒वम् अ॒ङ्ग वि॑प्रा ।
   नास॑त्या धी॒भिर् यु॒वम् अ॒ङ्ग वि॑प्रा ।

Halfverse: c    अत्रिं॒ न म॒हस्तम॑सो ऽमुमुक्तं॒ तूर्व॑तं नरा दुरि॒ताद॒भीके॑ ।।
   अत्रिं॒ न म॒हस्तम॑सो ऽमुमुक्तं
   अत्रि॑म् न म॒हः तम॑सः अमुमुक्तम्
   अत्रिं न म॒हस् तम॑सो ऽमुमुक्तं

Halfverse: d    तूर्व॑तं नरा दुरि॒ताद॒भीके॑ ।।
   तूर्व॑तम् नरा दुरि॒तात् अ॒भीके ।।
   तूर्व॑तं नरा दुरि॒ताद् अ॒भीके ।।


Verse: 11 
Halfverse: a    ते नो॑ रा॒यो द्यु॒मतो॒ वाज॑वतो दा॒तारो॑ भूत नृ॒वतः॑ पुरु॒क्षोः ।
   ते नो॑ रा॒यो द्यु॒मतो॒ वाज॑वतो
   ते नः रा॒यः द्यु॒मतः वाज॑वतः
   ते नो रा॒यो द्यु॒मतो वाज॑वतो

Halfverse: b    दा॒तारो॑ भूत नृ॒वतः॑ पुरु॒क्षोः ।
   दा॒तारः भूत नृ॒वतः पुरु॒क्षोः ।
   दा॒तारो भूत नृ॒वतः पुरु॒क्षोः ।

Halfverse: c    द॑श॒स्यन्तो॑ दि॒व्याः पार्थि॑वासो॒ गोजा॑ता॒ अप्या॑ मृ॒ळता॑ च देवाः ।।
   द॑श॒स्यन्तो॑ दि॒व्याः पार्थि॑वासो
   दश॒स्यन्तः दि॒व्याः पार्थि॑वासः
   दश॒स्यन्तो दिवि॒याः पार्थि॑वासो

Halfverse: d    गोजा॑ता॒ अप्या॑ मृ॒ळता॑ ।!। च॑ देवाः ।।
   गोजा॑ताः अप्याः मृ॒ळत+ च देवाः ।।
   गोजा॑ता अप्या मृ॒ळता च देवाः ।।


Verse: 12 
Halfverse: a    ते नो॑ रु॒द्रः सर॑स्वती स॒जोषा॑ मी॒ऴुष्म॑न्तो॒ विष्णु॑र्मृळन्तु वा॒युः ।
   ते नो॑ रु॒द्रः सर॑स्वती स॒जोषा
   ते नः रु॒द्रः सर॑स्वती स॒जोषाः
   ते नो रु॒द्रः सर॑स्वती स॒जोषा

Halfverse: b    मी॒ऴुष्म॑न्तो॒ विष्णु॑र्मृळन्तु वा॒युः ।
   मी॒ऴुष्म॑न्तः विष्णुः मृळन्तु वा॒युः ।
   मी॒ऴुष्म॑न्तो विष्णु॑र् मृळन्तु वा॒युः ।

Halfverse: c    ऋ॑भु॒क्षा वाजो॒ दैव्यो॑ विधा॒ता प॒र्जन्या॒वाता॑ पिप्यता॒मिषं॑ नः ।।
   ऋ॑भु॒क्षा वाजो॒ दैव्यो॑ विधा॒ता
   ऋ॑भु॒क्षाः वाजः दैव्यः विधा॒ता
   ऋ॑भु॒क्षा वाजो दैवि॑यो विधा॒ता

Halfverse: d    प॒र्जन्या॒वाता॑ पिप्यता॒मिषं॑ नः ।।
   प॒र्जन्या॒वाता पिप्यताम् इष॑म् नः ।।
   प॒र्जन्या॒वाता पिप्यताम् इषं नः ।।


Verse: 13 
Halfverse: a    उ॒त स्य दे॒वः स॑वि॒ता भगो॑ नो॒ ऽपां नपा॑दवतु॒ दानु॒ पप्रिः॑ ।
   उ॒त स्य दे॒वः स॑वि॒ता भगो॑ नो
   उ॒त स्य दे॒वः स॑वि॒ता भगः नः
   उ॒त स्य दे॒वः स॑वि॒ता भगो नो

Halfverse: b    ऽपां नपा॑दवतु॒ दानु॒ पप्रिः॑ ।
   अ॒पाम् नपा॑त् अवतु दानु पप्रिः ।
   अ॒पां नपा॑द् अवतु दानु पप्रिः ।

Halfverse: c    त्वष्टा॑ दे॒वेभि॒र्जनि॑भिः स॒जोषा॒ द्यौर्दे॒वेभिः॑ पृथि॒वी स॑मु॒द्रैः ।।
   त्वष्टा॑ दे॒वेभि॒र्जनि॑भिः स॒जोषा
   त्वष्टा दे॒वेभिः जनि॑भिः स॒जोषाः
   त्वष्टा दे॒वेभि॑र् जनि॑भिः स॒जोषा

Halfverse: d    द्यौर्दे॒वेभिः॑ पृथि॒वी स॑मु॒द्रैः ।।
   द्यौः दे॒वेभिः पृथि॒वी स॑मु॒द्रैः ।।
   दि॒यौर् दे॒वेभिः पृथि॒वी स॑मु॒द्रैः ।।


Verse: 14 
Halfverse: a    उ॒त नो ऽहि॑र्बु॒ध्न्यः॑ शृणोत्व॒ज एक॑पात्पृथि॒वी स॑मु॒द्रः ।
   उ॒त नो ऽहि॑र्बु॒ध्न्यः॑ शृणोत्व्
   उ॒त नः अहिः बु॒ध्न्यः शृणोतु
   उ॒त नो अहि॑र् बु॒ध्नियः शृणोतु

Halfverse: b    अ॒ज एक॑पात्पृथि॒वी स॑मु॒द्रः ।
   अ॒जः एक॑पात् पृथि॒वी स॑मु॒द्रः ।
   अ॒ज एक॑पात् पृथि॒वी स॑मु॒द्रः ।

Halfverse: c    विश्वे॑ दे॒वा ऋ॑ता॒वृधो॑ हुवा॒ना स्तु॒ता मन्त्राः॑ कविश॒स्ता अ॑वन्तु ।।
   विश्वे॑ दे॒वा ऋ॑ता॒वृधो॑ हुवा॒ना
   विश्वे दे॒वाः ऋ॑ता॒वृधः हुवा॒नाः
   विश्वे दे॒वा ऋ॑ता॒वृधो हुवा॒ना

Halfverse: d    स्तु॒ता मन्त्राः॑ कविश॒स्ता अ॑वन्तु ।।
   स्तु॒ताः मन्त्राः कविश॒स्ताः अ॑वन्तु ।।
   स्तु॒ता मन्त्राः कविश॒स्ता अ॑वन्तु ।।


Verse: 15 
Halfverse: a    ए॒वा नपा॑तो॒ मम॒ तस्य॑ धी॒भिर्भ॒रद्वा॑जा अ॒भ्य॑र्चन्त्य॒र्कैः ।
   ए॒वा नपा॑तो॒ मम॒ तस्य॑ धी॒भिर्
   ए॒व+ नपा॑तः मम तस्य धी॒भिः
   ए॒वा नपा॑तो मम तस्य धी॒भिर्

Halfverse: b    भ॒रद्वा॑जा अ॒भ्य॑र्चन्त्य॒र्कैः ।
   भ॒रद्वा॑जाः अ॒भि अ॑र्चन्ति अ॒र्कैः ।
   भ॒रद्वा॑जा अ॒भि अ॑र्चन्ति अ॒र्कैः ।

Halfverse: c    ग्ना हु॒तासो॒ वस॒वो ऽधृ॑ष्टा॒ विश्वे॑ स्तु॒तासो॑ भूता यजत्राः ।।
   ग्ना हु॒तासो॒ वस॒वो ऽधृ॑ष्टा
   ग्नाः हु॒तासः वस॑वः अधृ॑ष्टाः
   ग्नाअ हु॒तासो वस॑वो अधृ॑ष्टा

Halfverse: d    विश्वे॑ स्तु॒तासो॑ भूता यजत्राः ।।
   विश्वे स्तु॒तासः भूत+ यजत्राः ।।
   विश्वे स्तु॒तासो भूउता यजत्राः ।।



Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.