TITUS Texts: Rg-Veda: Rg-Veda-Samhita

TITUS
Rg-Veda: Rg-Veda-Samhita
Part No. 497

Hymn: 56_(497)
Verse: 1
Halfverse: a    य ए॑नमा॒दिदे॑शति कर॒म्भादिति॑ पू॒षण॑म् ।
   य ए॑नमा॒दिदे॑शति
   यः ए॑नम् आ॒दिदे॑शति
   य ए॑नम् आ॒दिदे॑शति

Halfverse: b    कर॒म्भादिति॑ पू॒षण॑म् ।
   क॑र॒म्भात् इति पू॒षण॑म् ।
   क॑र॒म्भाद् इति पू॒षण॑म् ।

Halfverse: c    न तेन॑ दे॒व आ॒दिशे॑ ।।
   न तेन॑ दे॒व आ॒दिशे॑ ।।
   न तेन दे॒वः आ॒दिशे ।।
   न तेन दे॒व आ॒दिशे ।।

Verse: 2
Halfverse: a    उ॒त घा॒ स र॒थीत॑मः॒ सख्या॒ सत्प॑तिर्यु॒जा ।
   उ॒त घा॒ स र॒थीत॑मः
   उ॒त घ+ स र॒थीत॑मः
   उ॒त घा स र॒थीत॑मः

Halfverse: b    सख्या॒ सत्प॑तिर्यु॒जा ।
   सख्या सत्प॑तिः यु॒जा ।
   सखि॑या सत्प॑तिर् यु॒जा ।

Halfverse: c    इन्द्रो॑ वृ॒त्राणि॑ जिघ्नते ।।
   इन्द्रो॑ वृ॒त्राणि॑ जिघ्नते ।।
   इन्द्रः वृ॒त्राणि जिघ्नते ।।
   इन्द्रो वृ॒त्राणि जिघ्नते ।।

Verse: 3
Halfverse: a    उ॒तादः प॑रु॒षे गवि॒ सूर॑श्च॒क्रं हि॑र॒ण्यय॑म् ।
   उ॒तादः प॑रु॒षे गवि
   उ॒त अ॒दः प॑रु॒षे गवि
   उ॒तादः प॑रु॒षे गवि

Halfverse: b    सूर॑श्च॒क्रं हि॑र॒ण्यय॑म् ।
   सूरः च॒क्रम् हिर॒ण्यय॑म् ।
   सूर॑श् च॒क्रं हि॑र॒ण्यय॑म् ।

Halfverse: c    न्ऐ॑रयद्र॒थीत॑मः ।।
   न्ऐ॑रयद्र॒थीत॑मः ।।
   नि ऐ॑रयत् र॒थीत॑मः ।।
   नि ऐ॑रयद् र॒थीत॑मः ।।

Verse: 4
Halfverse: a    यद॒द्य त्वा॑ पुरुष्टुत॒ ब्रवा॑म दस्र मन्तुमः ।
   यद॒द्य त्वा॑ पुरुष्टुत
   यत् अ॒द्य त्वा पुरुष्टुत
   यद् अ॒द्य त्वा पुरुष्टुत

Halfverse: b    ब्रवा॑म दस्र मन्तुमः ।
   ब्रवा॑म दस्र मन्तुमः ।
   ब्रवा॑म दस्र मन्तुमः ।

Halfverse: c    तत्सु नो॒ मन्म॑ साधय ।।
   तत्सु नो॒ मन्म॑ साधय ।।
   तत् सु नः मन्म साधय ।।
   तत् सु नो मन्म साधय ।।

Verse: 5
Halfverse: a    इ॒मं च॑ नो ग॒वेष॑णं सा॒तये॑ सीषधो ग॒णम् ।
   इ॒मं च॑ नो ग॒वेष॑णं
   इ॒मम् च नः ग॒वेष॑णम्
   इ॒मं च नो ग॒वेष॑णं

Halfverse: b    सा॒तये॑ सीषधो ग॒णम् ।
   सा॒तये सीषधः ग॒णम् ।
   सा॒तये सीषधो ग॒णम् ।

Halfverse: c    आ॒रात्पू॑षन्नसि श्रु॒तः ।।
   आ॒रात्पू॑षन्नसि श्रु॒तः ।।
   आ॒रात् पूषन् असि श्रु॒तः ।।
   आ॒रात् पूषन्न् असि श्रु॒तः ।।

Verse: 6
Halfverse: a    आ ते॑ स्व॒स्तिमी॑मह आरेअघा॒मुपा॑वसुम् ।
   आ ते॑ स्व॒स्तिमी॑मह
   आ ते स्व॒स्तिम् ईमहे
   आ ते सुअ॒स्तिम् ईमह

Halfverse: b    आरेअघा॒मुपा॑वसुम् ।
   आरेअघाम् उपा॑वसुम् ।
   आरेअघाम् उपा॑वसुम् ।

Halfverse: c    अ॒द्या च॑ स॒र्वता॑तये॒ श्वश्च॑ स॒र्वता॑तये ।।
   अ॒द्या च॑ स॒र्वता॑तये
   अ॒द्य+ च स॒र्वता॑तये
   अ॒द्या च स॒र्वता॑तये

Halfverse: d    श्वश्च॑ स॒र्वता॑तये ।।
   श्वः च स॒र्वता॑तये ।।
   शु॒वश् च स॒र्वता॑तये ।।

This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.