TITUS
White Yajur-Veda: Brhad-Aranyaka-Upanisad
Part No. 8
Previous part

Paragraph: 2    {= ŚBM 14.5.2}    {= ŚBK 16.4.2}
Verse: MK1 
Sentence: a    यो॒ ह वै शि॒शुँ सा॒धानँ स॒प्रत्याधानँ स॒स्थूणँ स॒दामं वे॒द,
   य॒स् ह वै शि॒शुम् सा॒धानम् स॒प्रत्याधानम् स॒स्थूणम् स॒दामम् वे॒द

Sentence: b          सप्त॒ ह द्विषतो भ्रा॒तृव्यान॒वरुणद्धि.
         सप्त ह द्विषत॒स् भ्रा॒तृव्यान् अ॒वरुणद्धि

Verse: M2/K1 
Sentence: a    अयं वाव शि॒शु॒र्यो ऽयं॒ मध्यमः॒ प्राण॒स्;
   अय॒म् वाव शि॒शुस् य॒स् अय॒म् मध्यम॒स् प्राण॒स्

Sentence: b       त॒स्येद॒मे॒वाधा॒नम्,
      त॒स्य इद॒म् एव आधा॒नम्

Sentence: c          इदं॒ प्रत्याधा॒नं,
         इद॒म् प्रत्याधा॒नम्

Sentence: d          प्राणः॒ स्थूणा॒न्नं दा॒म.
         प्राण॒स् स्थूणा अ॒न्नम् दा॒म

Verse: M2/K2 
Sentence: a    त॒मेताः॒ सप्ता॒क्षितय उ॒पतिष्ठन्ते:
   त॒म् एता॒स् सप्त अ॒क्षितयस् उ॒पतिष्ठन्ते

Verse: M3/K2 
Sentence: a    तद्या॒ इमा॒ अक्षँल्लो॒हिन्यो रा॒जयस्,
   त॒द् या॒स् इमा॒स् अक्ष॒न् लो॒हिन्यस् रा॒जयस्

Sentence: b          ता॒भिरेनँ रु॒द्रो ऽन्वा॒यत्तो;
         ता॒भिस् एनम् रुद्र॒स् अन्वा॒यत्तस्

Sentence: c       ऽथ या॒ अक्षन्ना॒पस्,
      अ॒थ या॒स् अक्ष॒न् आ॒पस्

Sentence: d          ता॒भिः पर्ज॒न्यो;
         ता॒भिस् पर्ज॒न्यस्

Sentence: e       या क॒नीनका,
      या क॒नीनका

Sentence: f          त॒यादित्यो;
         त॒या आदित्य॒स्

Sentence: g       य॒च्छुक्लंK कृष्णं,
      य॒द् शुक्ल॒म् K कृष्णं

Sentence: h          ते॒नाग्नि॒र्;
         ते॒न अग्नि॒स्

Sentence: i       य॒च्कृष्णंK शुक्लं,
      य॒द् कृष्ण॒म् K शुक्लं

Sentence: j          तेनेन्द्रो.
         ते॒न इ॒न्द्रस्

Sentence: k    ऽधरयैनं वर्तन्या॒ पृथि॒व्यन्वा॒यत्ता,
   अ॒धरया एनम् वर्तन्या पृथिवी अन्वा॒यत्ता

Sentence: l          द्यौरु॒त्तरया.
         द्यौ॒स् उ॒त्तरया

Sentence: m    नास्या॒न्नं क्षीयते,
   न अस्य अ॒न्नम् क्षीयते

Sentence: n          य॒ एवं वे॒द.
         य॒स् एव॒म् वे॒द

Verse: M4/K3 
Sentence: a    त॒देष श्लो॒को भवत्य्:
   त॒द् एष श्लो॒कस् भवति

Sentence: b    अर्वा॒ग्बिलश्चमस॒ ऊर्ध्व॒बुध्नस्;
   अर्वा॒ग्बिलस् चमस॒स् ऊर्ध्व॒बुध्नस्

Sentence: c    त॒स्मिन्य॒शो नि॒हितं विश्व॒रूपं.
   त॒स्मिन् य॒शस् नि॒हितम् विश्व॒रूपम्!!

Sentence: d    त॒स्यासत ऋ॒षयः सप्त ती॒रे;
   त॒स्य आसते ऋ॒षयस् सप्त ती॒रे

Sentence: e    वा॒गष्टमी ब्र॒ह्मणा संविदाने॒ति.
   वा॒क् अष्टमी ब्र॒ह्मणा संविदाना इ॒ति

Verse: M5/K3 
Sentence: a    अर्वा॒ग्बिलश्चमस॒ ऊर्ध्व॒बुध्न इ॒तीदं तच्छ॒रीर,
   अर्वा॒ग्बिलस् चमस॒स् ऊर्ध्व॒बुध्नस् इ॒ति इद॒म् त॒द् श॒रीरस्

Sentence: b          एष॒ ह्यर्वा॒ग्बिलश्चमस॒ ऊर्ध्व॒बुध्नस्.
         एष हि अर्वा॒ग्बिलस् चमस॒स् ऊर्ध्व॒बुध्नस्

Sentence: c    त॒स्मिन्य॒शो नि॒हितं विश्व॒रूपमि॒ति,
   त॒स्मिन् य॒शस् नि॒हितम् विश्व॒रूपम् इ॒ति

Sentence: d          प्राणा वै य॒शो नि॒हितं विश्व॒रूपं,
         प्राणा॒स् वै य॒शस् नि॒हितम् विश्व॒रूपम्

Sentence: e          प्राणा॒नेत॒दाह.
         प्राणा॒न् एत॒द् आह

Sentence: f    त॒स्यासत ऋ॒षयः सप्त ती॒र इ॒ति,
   त॒स्य आसते ऋ॒षयस् सप्त ती॒रे इ॒ति

Sentence: g          प्राणा वा ऋ॒षयः,
         प्राणा॒स् वै ऋ॒षयस्

Sentence: h          प्राणा॒णेत॒दाह.
         प्राणा॒ण् एत॒द् आह

Sentence: i    वा॒गष्टमी ब्र॒ह्मणा संविदाने॒ति,
   वा॒क् अष्टमी ब्र॒ह्मणा संविदाना इ॒ति

Sentence: j          वा॒ग्घ्यष्टमी ब्र॒ह्मणा संवित्ते.
         वा॒क् हि अष्टमी ब्र॒ह्मणा संवित्ते

Verse: M6/K4 
Sentence: a    इमा॒वेव॒ गोतमभरद्वाजा॒व्:
   इमौ एव गोतमभरद्वाजौ

Sentence: b       अय॒मेव गो॒तमो,
      अय॒म् एव गो॒तमस्

Sentence: c          ऽयं भ॒रद्वाज.
         अय॒म् भ॒रद्वाजस्

Sentence: d    इमा॒वेव॒ विश्वामित्रजमदग्नी:
   इमौ एव विश्वामित्रजमदग्नी

Sentence: e       अय॒मेव॒ विश्वा॒मित्रो,
      अय॒म् एव विश्वा॒मित्रस्

Sentence: f          ऽयं॒ जमद॒ग्निर्.
         अय॒म् जमद॒ग्निस्

Sentence: g    इमा॒वेव॒ वसिष्ठकश्यपा॒व्:
   इमौ एव वसिष्ठकश्यपौ

Sentence: h       अय॒मेव व॒सिष्ठो,
      अय॒म् एव व॒सिष्ठस्

Sentence: i          ऽयं॒ कश्य॒पो.
         अय॒म् कश्य॒पस्

Sentence: j    वा॒गेवा॒त्रिर्:
   वा॒क् एव अ॒त्रिस्

Sentence: k       वाचा ह्य॒न्नमद्यते,
      वाचा हि अ॒न्नम् अद्य॒ते

Sentence: l          ऽत्तिर्ह वै ना॒मैतद्यद॒त्रिरि॒ति.
         अ॒त्तिस् ह वै ना॒म एत॒द् य॒द् अ॒त्रिस् इ॒ति

Sentence: m    स॒र्वस्यात्ता॒ भवति,
   स॒र्वस्य अत्ता भवति

Sentence: n          स॒र्वमस्या॒न्नं भवति,
         स॒र्वम् अस्य अ॒न्नम् भवति

Sentence: o          य॒ एवं वे॒द.
         य॒स् एव॒म् वे॒द

Next part


This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.