TITUS
White Yajur-Veda: Brhad-Aranyaka-Upanisad
Part No. 9
Previous part

Paragraph: 3    {= ŚBM 14.5.3}    {= ŚBK 16.4.3}
Verse: MK1 
Sentence: a    द्वे वाव ब्र॒ह्मणो रूपे:
   द्वे वाव ब्र॒ह्मणस् रूपे

Sentence: b       मूर्तं॒ चैवा॒मूर्तं च,
      मूर्त॒म् च एव अ॒मूर्तम् च

Sentence: c          म॒र्त्यं चामृ॒तं च,
         म॒र्त्यम् च अमृ॒तम् च

Sentence: d          स्थितं॒ च य॒च्च,
         स्थित॒म् च य॒त् च

Sentence: e          स॒च्च त्यं॒ च.
         स॒त् च त्य॒म् च

Verse: MK2 
Sentence: a    त॒देत॒न्मूर्तं य॒दन्य॒द्वायो॒श्चान्त॒रिक्षाच्चैतन्म॒र्त्यम्,
   त॒द् एत॒न् मूर्त॒म् य॒द् अन्य॒द् वायो॒स् च अन्त॒रिक्षाद् च एत॒द् म॒र्त्यम्

Sentence: b          एत॒त्स्थित॒म्,
         एत॒द् स्थित॒म्

Sentence: c          एतत्स॒त्.
         एत॒द् स॒त्

Verse: M3/K2 
Sentence: a    त॒स्यैत॒स्य मूर्त॒स्यैत॒स्य म॒र्त्यस्यैत॒स्य स्थित॒स्यैत॒स्य सत॒ एष र॒सो य॒ एष त॒पति;
   त॒स्य एत॒स्य मूर्त॒स्य एत॒स्य म॒र्त्यस्य एत॒स्य स्थित॒स्य एत॒स्य सत॒स् एष र॒सस् य॒स् एष त॒पति

Sentence: b       सतो॒ ह्येष र॒सः.
      सत॒स् हि एष र॒सस्

Verse: M4/K3 
Sentence: a    अथा॒मूर्तं वायु॒श्चान्त॒रिक्षश्चैत॒दमृ॒तम्,
   अ॒थ अ॒मूर्तम् वायु॒स् च अन्त॒रिक्षस् च एत॒द् अमृ॒तम्

Sentence: b          एतद्य॒द्,
         एत॒द् य॒त्

Sentence: c          एतत्त्य॒म्.
         एत॒द् त्य॒म्

Verse: M5/K3 
Sentence: a    त॒स्यैतस्या॒मूर्तस्य,
   त॒स्य एत॒स्य अ॒मूर्तस्य

Sentence: b          त॒स्यामृ॒तस्यैत॒स्य यत,
         त॒स्य अमृ॒तस्य एत॒स्य यत॒स्

Sentence: c          एत॒स्य त्य॒स्यैष र॒सो य॒ एष॒ एत॒स्मिन्म॒ण्डले पु॒रुषस्;
         एत॒स्य त्य॒स्य एष र॒सस् य॒स् एष॒स् एत॒स्मिन् म॒ण्डले पु॒रुषस्

Sentence: d       त्य॒स्य॒ ह्येष र॒स.
      त्य॒स्य हि एष र॒सस्

Sentence: e    इ॒त्यधिदेवत॒म्.
   इ॒ति अधिदेवत॒म्

Verse: M6/K4 
Sentence: a    अ॒थाध्यात्म॒म्.
   अ॒थ अध्यात्म॒म्

Sentence: b    इद॒मेव॒ मूर्तं य॒दन्य॒त्प्राणा॒च्च य॒श्चाय॒मन्त॒रात्म॒न्नाकाश:
   इद॒म् एव मूर्त॒म् य॒द् अन्य॒द् प्राणा॒द् च य॒स् च अय॒म् अन्त॒र् आत्म॒न् आकाश॒स्

Sentence: c       एतन्म॒र्त्यम्,
      एत॒द् म॒र्त्यम्

Sentence: d          एत॒त्स्थित॒म्,
         एत॒द् स्थित॒म्

Sentence: e          एतत्स॒त्.
         एत॒द् स॒त्

Verse: M7/K4 
Sentence: a    त॒स्यैत॒स्य मूर्त॒स्य,
   त॒स्य एत॒स्य मूर्त॒स्य

Sentence: b          एत॒स्य म॒र्त्यस्यैत॒स्य स्थित॒स्यैत॒स्य सत॒ एष र॒सो यच्च॒क्षुः;
         एत॒स्य म॒र्त्यस्य एत॒स्य स्थित॒स्य एत॒स्य सत॒स् एष र॒सस् य॒द् च॒क्षुस्

Sentence: c       सत॒ ह्येष र॒सः.
      सत॒स् हि एष र॒सस्

Verse: M8/K5 
Sentence: a    अथा॒मूर्तं:
   अ॒थ अ॒मूर्तम्

Sentence: b       प्राण॒श्च य॒श्चाय॒मन्त॒रात्म॒न्नाकाश,
      प्राण॒स् च य॒स् च अय॒म् अन्त॒र् आत्म॒न् आकाश॒स्

Sentence: c       एत॒दमृ॒तम्,
      एत॒द् अमृ॒तम्

Sentence: d          एतद्य॒द्,
         एत॒द् य॒त्

Sentence: e          एतत्त्यं.
         एत॒द् त्य॒म्

Verse: M9/K5 
Sentence: a    त॒स्यैतस्या॒मूर्तस्यैत॒स्यामृ॒तस्यैत॒स्य यत,
   त॒स्य एत॒स्य अ॒मूर्तस्य एत॒स्य अमृ॒तस्य एत॒स्य यत॒स्

Sentence: b          एत॒स्य त्य॒स्यैष र॒सो॒ यो ऽयं॒ दक्षि॒णे ऽक्षन्पु॒रुषस्;
         एत॒स्य त्य॒स्य एष र॒सस् य॒स् अय॒म् दक्षिणे अक्ष॒न् पु॒रुषस्

Sentence: c       त्य॒स्य॒ ह्येष र॒सः.
      त्य॒स्य हि एष र॒सस्

Verse: M10/K6 
Sentence: a    त॒स्य हैत॒स्य पु॒रुषस्य रूपं य॒था माहारजनं वा॒सो,
   त॒स्य ह एत॒स्य पु॒रुषस्य रूप॒म् य॒था माहारजन॒म् वा॒सस्

Sentence: b          य॒था पाण्ड्वा॒विकं,
         य॒था पाण्ड्वा॒विकम्

Sentence: c          य॒थेन्द्रगोपो,
         य॒था इन्द्रगोप॒स्

Sentence: d          य॒थाग्न्यर्चि॒र्,
         य॒था अग्न्यर्चि॒स्

Sentence: e          य॒था पुण्ड॒रीकं,
         य॒था पुण्ड॒रीकम्

Sentence: f          य॒था सकृद्विद्युत्तँ.
         य॒था सकृद्विद्युत्त॒म्

Sentence: g    सकृद्विद्यु॒त्तेव ह वा॒ अस्य श्री॒र्भवति,
   सकृद्विद्युत्ता एव ह वै अस्य श्री॒स् भवति

Sentence: h          य॒ एवं वे॒द.
         य॒स् एव॒म् वे॒द

Verse: M11/K6 
Sentence: a    अथा॒त आदेश:
   अ॒थ अ॒तस् आदेश॒स्

Sentence: b       ने॒ति ने॒ति,
      न इ॒ति न इ॒ति

Sentence: c    न॒ ह्येत॒स्मादि॒ति ने॒त्यन्यत्प॒रमस्त्य्.
   न हि एत॒स्माद् इ॒ति न इ॒ति अन्य॒द् प॒रम् अस्ति

Sentence: d    अ॒थ नामधे॒यँ सत्य॒स्य सत्यमि॒ति:
   अ॒थ नामधे॒यम् सत्य॒स्य सत्य॒म् इ॒ति

Sentence: e       प्राणा वै॒ सत्यं,
      प्राणा॒स् वै सत्य॒म्

Sentence: f          ते॒षामेष॒ सत्य॒म्.
         ते॒षाम् एष सत्य॒म्

Next part


This text is part of the TITUS edition of White Yajur-Veda: Brhad-Aranyaka-Upanisad.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.