TITUS
Flavius Iosephus, Antiquitates Iudaicae I-II
Part No. 24
Previous part

Section: 2  
Line: 1   თ. 2


Paragraph: 1  
Line: 13        1) ხოლო იაკოვოს შეემთხჳა მოწევნაჲ დიდისა კეთილბედნიერობისაჲ,
Line: 14     რომელი არავის სხუასა შეემთხჳა ადვილად, რამეთუ თანად სიმდიდრითა
Line: 15     გარდაემატა Page of ms.: 20r  და ყრმათა სათნოებითა საშურველ და საჩინო-იქმნა,
Line: 16     რამეთუ არარაჲს ნაკლულევან იყვნეს, არამედ და საქმეთა მიმართ ჴელთაჲსა
Line: 17     და მოთმინებისა შრომათაჲსა იყვნეს სულკეთილ და ბრძენნი განგონებად.
Line: 18     ესეოდენი სადმე წინგანგებაჲ მისი აქუნდა ღმერთსა და კეთილბედნიერობისა
Line: 19     ზედმოურნეობაჲ, ვიდრე და საგონებელთაცა მისდა საწუხელთაგან გარდა\მატებულებასა
Line: 20     კეთილთასა მინიჭებად და ქმნად მიზეზსა მშობელთა ჩუენთა
Line: 21     ეგჳპტით გამოსლვისასა მისსა და მისგან ქმნილთასა ესევითარითა მიზეზითა:

Line: 22        იოსიპოს, რაქილაჲს შვილმოქმედი, იაკოვოსს სიკეთისათჳს სხეულისა
Line: 23     და სათნოებისათჳს სულისა, რამეთუ ჰმატდა გონიერებითა სხუათა ძეთასა,
Line: 24     უმეტეს უყუარდა. ამას ძმათა მიმართ მამისა სიყუარულმან შური აღუდგინა
Line: 25     და სიძულილი, და ჩუენებათა მიერ მანცა კეთილბედნიერობამან, აღმთქუმელ\მან
Line: 26     მისდა კაცთაგან საშურველთა მიმთხუევასა და კეთილისმოქმედებასაცა
Line: 27     თჳსთასა, რომელთა მხილველმან მამასა და მათ მიუთხრნა. ხოლო ჩუენებანი,
Line: 28     რომელნი ძილსა შინა იხილნა იოსიპოს, ესევითარნიმე იყვნეს:

Paragraph: 2  
Line: 29        2) წარვლინებული მამისა მიერ ძმათა თანა შეკრებისათჳს ნაყოფთაჲ\სა
Line: 30     მკისა მოწევნულობასა, ხედვიდა მრავლად განყოფილობასა ჩუენებისასა
Line: 31     ჩუეულებისაებრ ძილსა შინა მომავალთა სიზმართაჲსა, რომელიცა, აღდგო\მილმან,
Line: 32     ძმათა, ვითარცა განმსჯელთა მის მიერ უწყებულისათა, მიუთხრა,
Line: 33     მეტყუელმან ხილვად წარსრულსა ღამესა მისსა ვიდრემე მჭელეულსა იფქლ\თასა
Line: 34     მართლიად დგომად, რომლისა ადგილისა ზედა დადვა, ხოლო მათთასა --
Line: 35     სრბად და თაყუანისცემად მისდა, ვითარ მონათა მეუფისა მიმართ. ხოლო
Line: 36     მათ, გულისჴმისმყოფელთა ჩუენებასა, წინამაუწყებელსა მისდა ძალსა და
Line: 37     სიდიდესა საქმეთასა და ძჳნად მათდა ჴელმწიფებისა ქმნულებასა, იოსიპოსს
Line: 38     ვიდრემე ამათგანი არარაჲ განუცხადეს, ვითარ უცნაურ მათდა ყოფითა ჩუე\ნებისაჲთა.
Line: 39     ხოლო ლოცვათა მოქმედებდეს არა რომელსა დასასრულად მიწევ\ნად
Page: I-132   Line: 1     მისთჳს, რომელნი მათ გულისჴმა-ყვნეს. და მის მიმართ მერმეცა უფ\როჲს
Line: 2     სიძულილით მქონებელნი, დადგრომილ იქმნნეს.

Paragraph: 3  
Line: 3        3) ხოლო შურისა მათისა შურისსაგებელად ღმერთმან მეორე ჩუენე\ბაჲ
Line: 4     მოუვლინა იოსიპოსს, უმეტეს პირველისასა უსაკჳრველესი, რამეთუ
Line: 5     ჰგონა, ვითარმედ მზემან მიიყვანა მთოვარე და ნეშტნი ვარსკულავნი და,
Line: 6     ქუეყანად შთამოსრულთა, თაყუანის-სცეს მას. ესე ჩუენებაჲ მამასა განუცხა\და,
Line: 7     არარას ბოროტჩუეულებასა ძმათაგან მეცნიერმან მათსაცა თანდამთხუე\ულებასა
Line: 8     და რაჲსა ეგულების მოსწავებაჲ, თქუმად ევედრებოდა. ხოლო იგი,
Line: 9     განმხიარულებული ჩუენებასა ზედა, რამეთუ წინაწართქუმისა მისისა გონე\ბასა
Line: 10     შინა შემკრებელი და სიბრძნისა თანა არა უგონებოდ განმცდელი, იხა\რებდა
Line: 11     დიდთა ზედა მოსწავებადთა, რამეთუ კეთილედნიერობასა აღუთ\ქუმიდა
Line: 12     ყრმასა და ჟამსა მოსლვასა ღმრთისა მომცემელისგან, რომელსა შინა
Line: 13     პატიოსან იქმნეს იგი და მშობელთა მიერ და ძმათა ღირს-იქმნეს თაყუანისცე\მასა,
Line: 14     მთოვარესა და მზესა დედისა და მამისა მიმმსგავსებელი. ერთსა ვიდ\რემე
Line: 15     -- აღმაორძნებელსა ყოვლისსა და მზრდელსა, ხოლო მეორესა -- გა\მომსახველსა
Line: 16     და სხჳსაცა ძალსა შთამდებელსა; ხოლო ვარსკულავთათჳს --
Line: 17     ძმათა მიმმსგავსებელი და რაეთუ ესენიცა ათერთეტნი იყვნეს, ვითარ ვარ\სკულავნი,
Line: 18     მზისა და მთოვარისაგან ძალსა მიმღებელნი. Page of ms.: 20v 

Paragraph: 4  
Line: 19        4) და იაკოვოს ვიდრემე არა უგულისჴმოდ-ყო განსჯაჲ ჩუენებისაჲ.
Line: 20     ხოლო ძმანი იოსიპოჲსნი ფრიად შეაწუხნეს წინათქუმულთა და დადებულ\იქმნნეს,
Line: 21     ვითარ უცხოჲსა ვისმე ზედა გულსავსებადისა მოსლვად მოსწავე\ბულთა
Line: 22     კეთილთა ჩუენებათა მიერ და არა ძმისაჲ და რომელთაჲ მის თანა
Line: 23     მიღებაჲ ჯერ-იყო, ვითარ შობისა ზიართაჲ, ეგრეთვე კეთილბედნიერობისა\თჳს
Line: 24     ქმნილთაჲ. მოკუდინებად ყრმისა მიიმართეს და მის განზრახვისა და\მამტკიცებელნი,
Line: 25     ვინაჲთგან შეკრებისათა დასასრულ აქუნდა მათდა, სიკიმოდ
Line: 26     მიქცეულნი, ხოლო სოფელი არს ესე ცხოვართ საძოვნელად კეთილი და გამო\საზრდელად
Line: 27     სამწყსოთა, მუნ სამწყსოთა მოურნე იყვნეს, არა მაუწყებელნი
Line: 28     მამისათჳს მუნ წარსლვასა. ხოლო მან, უმეცრებისაგან და არცა რომლისავე
Line: 29     მისლვისა ძლით მისა მიმართ სამწყსოთაგან შემძლებელისა ჭეშმარიტისა
Line: 30     უწყებად მისდა ყრმათათჳს, უმჭმუნვარესსა მათ ძლით გონებასა მიმღებელმან
Line: 31     და უღონოქმნილმან, წარავლინა იოსიპოს სამწყსოთა მიმართ სწავლად ძმა\თათჳს
Line: 32     და რასა მოქმედებენ, უწყებად.



Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.