TITUS
Flavius Iosephus, Antiquitates Iudaicae I-II
Part No. 33
Previous part

Section: 11  
Line: 1   თ. 11


Paragraph: 1  
Line: 11        1) ხოლო იგინი, რომელთაგან ცხონდეს მოჳსის მიერ, ამათგან მისა მი\მართსა
Line: 12     სიძულილსა მიიღებდეს და ჯერ-უჩნდა უმჴურვალესად შეხებაჲ მის
Line: 13     ძლითთა განზრახვათაჲ, მეჭუელად ვიდრემე, ნუსადა კეთილბედნიერობისათჳს
Line: 14     განჭაბუკნეს ეგჳპტესა ზედა. და ასწავებდეს მეფესა მოკლვისათჳს. ხოლო მას
Line: 15     და თავით თჳსითცა აქუნდა განზრახვაჲ საქმისაჲ, თანად შურისათჳსცა მოჳ\სის
Line: 16     მჴედართმყვანებლობისაჲ და შიშისათჳსცა სიდაბლისა. ხოლო მოსწრა\ფექმნილი
Line: 17     მღდელმეწიგნეთა მიერ, შემძლებელ იყო ჴელთგდებად მოკლვასა
Line: 18     მოჳსისსა, არამედ მსწრობელი სწავლად განზრახვასა, ფარულად განვიდა.
Line: 19     და გზათა დაცვულებასა, უდაბნოჲთ მოქმედ-იქმნა ლტოლვასა და სადაჲთ
Line: 20     იყო საეჭჳ არა მიმთხუევად მტერთა. და უღონოდ მყოფი საზრდელისაგან,
Line: 21     განეშორებოდა მოთმინებით, შეურაცხისმყოფელი სიყმილისაჲ. და ქალაქად
Line: 22     მადიინიდ მიწევნული, ერჳთრაჲსა ვიდრემე ზღჳსა მახლობელად მდებარესა,
Line: 23     ხოლო თანმოსახელე არს ერთისა ავრამოჲსდა ძეთაგან ქმნილთაჲსა, ქეტურა\ჲსგან,
Line: 24     და მჯდომარე რომელსამე ჯურღუმულსა ზედა, შრომისაგან და ძჳრხი\ლობისა
Line: 25     შუადღისა მყოფობასა განისუენებდა, არა შორს ქალაქისაგან. აქა
Line: 26     უკუე შეემთხჳა მას საქმე, წარმომაჩინებელი სათნოებისა მისისაჲ და უმჯობე\სისა
Line: 27     მიმართ მიზეზსა მიმნიჭებელი.

Paragraph: 2  
Line: 28        2) რამეთუ ადგილთა ურწყულად მყოფობასა, წინა-იპყრობდის მწყემ\სნი
Line: 29     ჯურღუმულთა, რაჲთა არა წინაწარაღლელობასა წყალისასა სხუათა მიერ,
Line: 30     დაკლებულ იქნენ სასუმლისაგან ცხოვარნი. მიიწევიან უკუე ჯურღუმულსა
Line: 31     ზედა შჳდნი ქალწულნი, დანი, რაღუილოჲს ასულნი მღდელისანი და მრავ\ლისა
Line: 32     პატივისა ღირსქმნილისანი მსოფლიოთა მიმართ, რომელთაცა, მამისა
Line: 33     სამწყსოთა ზედმოურნეთა, რამეთუ ესე საქმე არს მსოფლიოდ და დედაკაცთა\თჳსცა
Line: 34     ტროღლოდჳტთა შორის. წინამსწრობელთა, კმასაყოფელი წყალი სამ\წყსოთათჳს
Line: 35     აღმოიღეს შემწყნარებელთა შინა, რომელნი შეწყნარები\სათჳს
Line: 36     წყალისა ქმნილ იყვნეს. ხოლო წარმოდგომილობასა წყემსთასა ქალ\წულთა
Line: 37     ზედა, ვითარ მიღებად მათგან წყალსა, მოჳსი, ბოროტად შემრაცხელ\მან
Line: 38     უგულებელს-ყოფასა უსამართლოებულთა ქალთასა და ძალსა მამაკაც\თასა
Line: 39     მიტევებად უმჯობეს-ქმნად სამრთლისა ქალწულთაჲსა, იგინი ვიდ\რე
Line: 40     დააყენნა, მნებებელნი მიხუეჭად, ხოლო მათ მიანიჭა ჯეროვანი შეწევ\ნაჲ.
Page: I-159   Line: 1     ხოლო იგინი, კეთილმოქმედებულნი, მივიდეს მამისა მიმართ, გინე\ბასა
Line: 2     მწყემსთასა მიმთხრობელნი შეწევნასა უცხოჲსასა. და ევედრებოდეს
Line: 3     არა ცუდ ქმნასა კეთილმოქდებისა მისისასა და არცა დაკლება ნაცვლის\გებისაგან.
Line: 4     ხოლო მან განიხარა მოსწრაფებაჲ ყრმათაჲ Page of ms.: 33r 
Line: 5     და მოჳსისი სახედველად მისდა ბრძანა მიყვანებაჲ, რაჲთა მიემთხჳოს მადლსა
Line: 6     ჯეროვანსა. ხოლო ვითარ მოვიდა, წამებასა ასულთასა ისწავებდა შეწევნისა\თჳს
Line: 7     და, სათნოებისა მისისათჳს განკჳრვებული, არა უგრძნობელთა მიმართ
Line: 8     ქმნად კეთილმოქმედებათასა ეტყოდა, არამედ შემძლებელთა მიმართ ნაცვ\ლისგებად
Line: 9     მადლსა და სიდიდითა ნაცვლისგებისაჲთა გარდამეტებად საზომ\სა
Line: 10     კეთილმოქმედებისასა. და ჰყოფს მას ძედ თჳსად და ერთსა ასულთაგანსა
Line: 11     ქორწილად მისცემს მას და სამწყსოთა, რამეთუ ამათ მიერ იყო ყოველი მო\ნაგები
Line: 12     ბარბაროზთათჳს ძუელად, განაჩენს ზედმოურნედ და მეუფედ.



Next part


This text is part of the TITUS edition of Flavius Iosephus, Antiquitates Iudaicae I-II.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.