TITUS
Old Georgian Hagiographical Texts, vol. VI
Part No. 13
Previous part

Text: 11_Evst.Mcx.  
Page of ed.: 208  
Line of ed.: 4   შესხმა და მოთხრობა ღუაწლთა და ვნებათა წმიდისა დიდისა
Line of ed.: 5   მოწამისა ევსტათი მცხეთელისათა, ქმნილი ანტონის მიერ
Line of ed.: 6   არხიეპისკოპოსისა ყოვლისა ზემოჲსა საქართველოჲსა,
Line of ed.: 7   დავითიან-ბაგრატოვანისა

Line of ed.: 8   ევსტათის თავი თავს ადამატინს წარჰჴდა,
Line of ed.: 9   ვინათგან აქა იპოვების საკჳრუელ.
Line of ed.: 10   სიმტკიცე სიბრძნე სხუანი მიდმოებანი.
Line of ed.: 11   ტრფიალებითნი თჳთ ზესთ-გონების მმტჳფრი.
Line of ed.: 12   ალთა გულისათ სავსედ მმცხადი ნიადაგ.

Line of ed.: 13   სიტყუა მეათერთმეტე


Line of ed.: 14        "საკჳრუელ ჰყო უფალმან ყოველივე ნებაჲ თჳსი წმიდათა
Line of ed.: 15     თჳსთა შორის მყოფთა ქუეყანასა შინა მისსა". ხოლო დაღათუ
Line of ed.: 16     განმრავლდესცა უძლურებანი მათნი, განაღა თანა წარჴდეს მათ,
Line of ed.: 17     ვითარმედ წმიდანი, რომელთა დაიცუეს უბიწოდ მთავარი იგი
Line of ed.: 18     [ Page of ms.: 168v  ] გონებაჲ, რომელი დაადგინა ღმერთმან სულსა შინა ხატად თჳსა,
Line of ed.: 19     და ჴორციელნი ორღანოთა გრძნობითთა ჴმევანი დაუმორჩილეს
Line of ed.: 20     მას, ამისთჳს ღმერთმან საკჳრუელ ჰყო ნებაჲ თჳსი მათ შორის.
Line of ed.: 21     ხოლო ვინაჲთგან კაცთათჳს ჰსწადნოის ღმერთი, რათა "ყოველნი
Line of ed.: 22     წმიდად ცნობად თჳსად მოიყუანნეს" და ჭირთაგან მაცხოვარე\ბად,
Line of ed.: 23     და წმიდანი მისნი ყოვლად წმიდასა ამას ნებასა მისსა ერჩიან,
Line of ed.: 24     ვინა საკჳრუელ-ჰყოფს უფალი ნებასა თჳსსა მათ შორის, ვითარმედ
Line of ed.: 25     მოვიდა რა შარავანდედი იგი ღმერთთმთავრისა მზისა და ყოვლად
Line of ed.: 26     წმიდისა მის ღრუბლისა სანატრელისა ქალწულისა მიმართ მოიქცა
Line of ed.: 27     და შეუმუსრუელად და განუწუალებელად სისხლთაგან მისთა, ვი\თარცა
Line of ed.: 28     ფერთა სახილავთაგან ირისე ღრუბლით წჳმიერით, ღმერთ\შარავანდედი
Line of ed.: 29     იგი ჩუენდა ჴორციელად დაიხატა და კმა მიზეზ
Line of ed.: 30     ამისა იყო კაცთმოყუარებაჲ და სახიერებაჲ იგი იმისი დიდი და კაცთ\მოყუარებით
Line of ed.: 31     და სახიერებით მოსრული "მიფენად ცეცხლისა, და\ღათუ
Page of ed.: 209   Line of ed.: 1     აღგზებად თჳნიერ დროჲსა არა ჰსწადნოოდა, მაგრა დროსა
Line of ed.: 2     შინა თჳსსა აღაგზნა". და თქმულთა მათ წმიდათა შორის აღატყინა
Line of ed.: 3     მძაფრიად, რამეთუ ვერღა შესაძლებელ იყო უზესთაეს ძალისაცა
Line of ed.: 4     კაცობრივისა დატევნად ცეცხლი იგი, რამეთუ ესრეთ ინება სახი\ერებით
Line of ed.: 5     წმიდათა თჳსთა უზესთაეს არსებისა სიტყჳერისა განმ\რავლებაჲ
Line of ed.: 6     თჳსდამი ტრფიალებისა და უფროსღა განგებით მოწამეთა
Line of ed.: 7     თჳსთა შორის.

Line of ed.: 8        [ Page of ms.: 169r  ] ეჰა, საკჳრუელ-ყოფა ნებისა უფლისა წმიდათა მოწამეთა შო\რის,
Line of ed.: 9     რამეთუ გუნდი იგი მათი ღაღადებს ტრფიალებით სიტყუასა
Line of ed.: 10     ფსალმუნისასა და ღაღადება იგი არს ნამდჳლ ჭეშმარიტ: "უფალი
Line of ed.: 11     ნაწილ არს მკჳდრობისა ჩემისა და სასმელისა ჩემისა". და წინა\დადებასა
Line of ed.: 12     ამას განმარტებს სამღუდელო ათანასი: "სასმელაღ სი\კუდილსა
Line of ed.: 13     სახელ-ჰსდებსო უფალი, ვითარმედ ნაწილ ჩემდა იქმ\ნა".
Line of ed.: 14     ხოლო საღმრთო ვასილი კესარიელი: "სასმელად სახელ\ჰსდუაო
Line of ed.: 15     ღუაწლსა მას ღმრთისმსახურებისასა, ვიდრე სისხლად\მდე".
Line of ed.: 16     ესე არს ესე, ვითარმედ მკჳდრობისა ჩემის ადგილსა ში\ნა
Line of ed.: 17     რაჲვესა ნაწილ არს ჩემდა უფალი, რამეთუ მის შორის ყოფაჲ
Line of ed.: 18     მხუდა მე წილად. ხოლო სასმელისა მისთჳს, რომელიცა მწყურის
Line of ed.: 19     შესმად უფლისათჳს, ნაწილ არს უფალი ჩემდა, ვითარმედ მისთჳს
Line of ed.: 20     სიკუდილისათჳს ჩემისა წილად მხუდა მე უფალი, ვითარ-იგი ჩემ\თჳს
Line of ed.: 21     სიკუდილმან მისმან ნაწილ მისა მყო მე. კუალად: "უფალი
Line of ed.: 22     ნათელ ჩემდა და მაცხოვარ ჩემდა, ვისა მეშინოდეს"? უფალი
Line of ed.: 23     შესავედრებელ არს ცხოვრებისა ჩემისა, ვისგან შევჰსძრწუნდი?
Line of ed.: 24     რაჲსაგანმე მეშინოდესმცა, უკეთუ მჴეცთაგან მძჳნუარეთაა? იყავნ
Line of ed.: 25     მუცელი მათი საფლავ ჩემდა, უკეთუ მახვლთაგან მრავალგუარ
Line of ed.: 26     დანაკუეთებულთაა? მეყავნ მე იგინი ვიდრე მარტივ კერძოკადმდე
Line of ed.: 27     განმწუალებელ ჴორცთა ჩემთა, რომელთა ზედა მივიღე ღმრთისა\გან
Line of ed.: 28     ამაღლებაჲ "მოახლებასა ჩემ ზედა უკეთურთასა შეჭმად ჴორც\თა
Line of ed.: 29     ჩემთაა? ესე სიხარულ ჩემდა, გარნა მაჭირუებელნი ჩემნი
Line of ed.: 30     და მტერნი [ Page of ms.: 169v  ] ჩემნი მოუძლურდეს და დაეცნეს, "გან-თუ-ეწყოს ჩემ\ზედა
Line of ed.: 31     ბანაკია, გარნა არა შეეშინოს გულსა ჩემსა, აღა-თუ-დგეს ჩემ
Line of ed.: 32     ზედა ბრძოლაა, განაღა მე უფალსა ვესავ"?

Line of ed.: 33        "ღმერთი ჩუენი შესავედრებელ და ძალ, შემწე ჭირთა შინა,
Line of ed.: 34     რომელთა მპოვნეს ჩუენ ფრიად. ამისთჳს არა მეშინოდეს ჩუენ
Page of ed.: 210   Line of ed.: 1     ძრუასა შინა ქუეყანისასა და ცუალებასა მინა მთათასა და გულსა
Line of ed.: 2     შინა ზღუათასა". სლუანი მდინარეთანი ახარებენ ქალაქსა
Line of ed.: 3     ღმრთისასა, რამეთუ ჩუენ და ყოველთა ძმათა ჩუენთა უსმინეთ
Line of ed.: 4     საღმრთოსა წინასწარმეტყუელსა მეთქუესა: "წყურიელნი წარვე\დით
Line of ed.: 5     წყლისა მიმართ" და "აღმოივსეთ წყალი მხიარულებითა
Line of ed.: 6     წყაროთაგან ცხოვრებისათა" და ჩუენ წარსრულთა ჰსრბით
Line of ed.: 7     უზესთაეს ძალისა ვჰპოვეთ წყაროჲ იგი ცხოვრებისა, რომელმან\ცა
Line of ed.: 8     მისდა მისრულთა გურქუა მხიარულითა პირითა: "რომელმან
Line of ed.: 9     ჰსუას ჩემგან, არღარა ჰსწყუროდეს". და კუალად: "რომელსა
Line of ed.: 10     ჰრწმენეს ჩემი, მდინარენი მუცლისა მისისაგან ჰსდიოდენ წყლისა
Line of ed.: 11     ცხოველისანი". ხოლო ჩუენ მიმღებელთა მისგან, რამეთუ
Line of ed.: 12     მხოლომან მან მამამან, "რომელ არს ღმერთი ყოველთა ზე\და",
Line of ed.: 13     მხოლოდ თჳსგან გამოსრული ყოვლად წმიდაჲ სული
Line of ed.: 14     თჳსი მოგუცა ძისა მიერ თჳსისა და აწ მდინარენი ჰსდიან მადლ\თანი
Line of ed.: 15     მუცლისაგან ჩუენისა, რომელთა "სულაჲ ახარებს ქალაქსა
Line of ed.: 16     ღმრთისასა".

Line of ed.: 17        ესრეთ უკუე "საკჳრუელ ჰყო უფალმან ყოველივე ნებაჲ თჳსი
Line of ed.: 18     წმიდათა თჳსთა შორის", რამეთუ მათთჳს ყოველივე, რაიცაღა
Line of ed.: 19     ინება, სახიერებით ესრეთ საკჳრუელ ჰყო თქმულისაებრ.

Line of ed.: 20        [ Page of ms.: 170r  ] "ჩემდა ფრიად სადიდებელ ესეგუარნი მეგობარნი ღმრთისა\ნი",
Line of ed.: 21     რომელთაგანთა მიმართ მოწამეთა ქრისტესთა შესხმად და
Line of ed.: 22     გალობად ყოვლად წმიდათა ღუაწლთა და ვნებათა მათთა მოვიცა\ლე
Line of ed.: 23     ყოველთაგან საქმეთა ამისთჳს, ვითარმედ თუ სადამე მშჳლდი
Line of ed.: 24     განჰჴსნილ არს საბლისაგან, რომლითა განჭიმულ არს, ოდეს-იგი
Line of ed.: 25     ენებოს ვის მოხრად და განჭიმვად, უმაგრეს იყოს და უდიდესი
Line of ed.: 26     ეჴმარებოდეს ძალი მოხრისათჳს და განჭიმისა მისისა. ეგსახედ
Line of ed.: 27     გულისხმის-ყოფაჲ ანუ გონებაჲ თუ სადამე განჴსნილ არს და თა\ვისუფალ
Line of ed.: 28     თჳსთა ბუნებითთა მოქმედებათაგან, რომელნიცა თჳს
Line of ed.: 29     ყჳან მათ, ოდეს-იგი ენებოსმცა ვის მოყუანებაჲ მათი მოქმედე\ბად
Line of ed.: 30     წინამდებარეთა ნივთთადმი, უდიდესი ეჴმარების ძალი ბუნე\ბით
Line of ed.: 31     შესაბამისა მის მოქმედებისა მათისა მიმართ მოყუანებად,
Line of ed.: 32     რამეთუ განჭიმვა გონებისა ანუ გულისხმის-ყოფისა ფრიად საჴმარ
Line of ed.: 33     არს, რათა უადჳლეს ჴმეულ ჰყუნეს იგინი სულმან წინამდებარეთა
Line of ed.: 34     ნივთთა მიმართ, დაღათუ ნიადაგ განჭიმვა ესეგუარი განუჴსნელად
Line of ed.: 35     დაასუსტებს ძალსა გულისხმის-ყოფისა ანუ გონებისასა, ვითარ\იგი
Line of ed.: 36     განუჴსნელი განჭიმა საბლითა ძალსა მშჳლდისასა.

Page of ed.: 211  
Line of ed.: 1        ხოლო ვინაჲთგან მოქმედება გონებისა ანუ გულისხმის-ყოფი\სა
Line of ed.: 2     უმრავალჯერეს ჩუენდა საჭირო და საჴმარ სადიდებელად
Line of ed.: 3     ღმრთისა ამისთჳს, რათა არა გულისხმის-ყოფა ანუ გონება სრუ\ლიად
Line of ed.: 4     განჴსნილ იყოსმცა ესეგუარისაგან განჭიმვისა, ვითარ-იგი
Line of ed.: 5     ვჰსთქუ, ამისთჳს ზიარნი ყოვლად წმიდისა სიკუდილისა [ Page of ms.: 170v  ] ღმერთ\მამაკაცისა
Line of ed.: 6     იესუ ღმრთისა ჩემისანი მოწამენი ყოვლად საგალო\ბელნი
Line of ed.: 7     გალობად და შესხმად წინა-დავიდევ, რათა ამით იდიდოსმ\ცა
Line of ed.: 8     სამებაჲ ღმერთი და გულისხმის-ყოფისა ჩემისა და გონებისა
Line of ed.: 9     დაიჴსნას უქმობაჲ.

Line of ed.: 10        სხუანი უკუე სიტყუანი ესეგუარნი ითქუნეს ჩუენგან სხუა\თათჳს
Line of ed.: 11     წმიდათა მოწამეთა და აწ ვიტყოდეთ ევსტათისათჳს -- კე\თილმდგომარისა,
Line of ed.: 12     რამეთუ ესრეთ განიმარტების ელინებრი იგი
Line of ed.: 13     ლექსი "ევსტათი".

Line of ed.: 14        სათანადო ვიდრემე არს ჩემდა არა დატევებად ევსტათი ყოვ\ლად
Line of ed.: 15     საგალობელი და ტკბილსახელი, რომელმანცა შეამკო სისხ\ლითა
Line of ed.: 16     ქალაქი, სადა-იგი ვიშევ და უნჯად პატიოსნად დადებითა
Line of ed.: 17     თჳსისა ყოვლად წმიდისა სხეულისათა ეკკლესიაჲ იგი, სძალი
Line of ed.: 18     ქრისტესი, რომლისა მართებითი წინამძღურებაჲ ანუ მწყემსობაჲ
Line of ed.: 19     მივიღე უღირსად.

Line of ed.: 20        ევსტათი კეთილმდგომარე ნამდჳლ ანუ სამყარო, რომელი
Line of ed.: 21     მდგომარებს ღმრთისა მიერ შორის წყალთა და წყალთა, ესე იგი
Line of ed.: 22     შორის სიღრმეთა ხედვისა და საქმისათა არცა ერთისა მიერ მოხუ\ეჭილი,
Line of ed.: 23     რათა მეორისა მახლობელ დგომაჲ დააკლდამცა. ესე მა\რიამს
Line of ed.: 24     და მართას მიმადლებულებათა მომღებელი ორთავე, რამეთუ
Line of ed.: 25     საქმიერებს კეთილისა მიმართ, ვითარცა მართა მსახურებისა მი\მართ
Line of ed.: 26     და ჰხედავს, ვითარმედ "გამოურჩევიეს მიუღებელად მისგან
Line of ed.: 27     ნაწილი კეთილი -- ჯდომაჲ ფერჴთა თანა იესუსთა და სმენაჲ სიტ\ყუათა
Line of ed.: 28     მისთა [ Page of ms.: 171r  ], ვითარცა მარიამს ხედვისა მიმართ".

Line of ed.: 29        ამას უკუე აღუმაღლებიეს, ვითარცა ბორცჳ, სული თჳსი სიწ\მიდითა
Line of ed.: 30     ჴორცთათა და გულისსიტყუათა გულისხმის-ყოფისა ბიწ\შემრეველთა
Line of ed.: 31     და დამაბნელებელთა არ შეწყნარებითა სიმართლითა,
Line of ed.: 32     ესე იგი ყოვლად უმანკოებითა, უბოროტობითა და სიმშჳდითა და
Line of ed.: 33     სიმჴნითა, რამეთუ არა მოეწყინა, არცა შეწუხნა ნეტარი სული მი\სი,
Line of ed.: 34     ღმრთისმსახურებასა შინა მყოფი და მოქმედებასა შინა საჭი\როებისა
Line of ed.: 35     ჴორციელებრისა ცხოვრებისასა, და ამით სულგრძელ იქმ\ნა
Line of ed.: 36     და ყოველივე "დაითმინა, რომლითა მოიპოვა სული".

Line of ed.: 37        ხოლო ბორცჳ ესე ყუავილოვან ჰყო, რამეთუ დაჰსთესნა მის
Page of ed.: 212   Line of ed.: 1     შორის სიტყუანი სახარებისანი და არა ჰსცა ადგილი დროსა აღ\მოსლჳსა
Line of ed.: 2     მათისასა "აღმოსულად ეკალთა ქუეყნიერთა ზრუნუათა,
Line of ed.: 3     რათა შეაშთუესმცა ნაყოფიერებაჲ თესლისა", არცაღა უტვენა
Line of ed.: 4     მოსულად მფრინუელნი აღკრებად და შეჭმად, "რომელნი-იგი
Line of ed.: 5     ჰფრინავნნ დღისი", ვერცაღა სიმჭირსემან სიცხისა მჴურუალე\ბისამან
Line of ed.: 6     განაჴმო, რამეთუ ქუეყანასა შინა კეთილსა დაება ძირი.

Line of ed.: 7        ყუავილ ბორცჳსა მის შუენიერისა არს წმიდა სარწმუნოებაჲ
Line of ed.: 8     ქრისტეს მიმართ, რომელ არს "მოსავთა მათ ძალ, საქმეთა მამხი\ლებელ
Line of ed.: 9     არახილულთა", რამეთუ ამას შინა იწამნეს მოხუცე\ბულნი,
Line of ed.: 10     რამეთუ კეთილმოსავმან მან თჳს შორის არა ხილულნი
Line of ed.: 11     საიდუმლონი საღმრთონი მხოლოობისათჳს და [ Page of ms.: 171v  ] სამოსისა ღმერთთ\მთავრისა
Line of ed.: 12     და ჴორციელთათჳს განგებულებათა სიტყჳსათა აღიარნა
Line of ed.: 13     და დაამტკიცნა, ხოლო აღსარებაჲ იგი და დამტკიცებაჲ ჰყო სი\ყუარულითა
Line of ed.: 14     უქცეველითა მით, რომელ ესვიდა იგი საქმეთა ჭეშ\მარიტებასა
Line of ed.: 15     და ამით უვნებელ იქმნა და უვნებელსა სულსა შინა
Line of ed.: 16     იხილა სატრფიალოჲ თჳსი, რომელ არს არსებით სიყუარული და
Line of ed.: 17     არსებით ღმერთი, ვინაჲცა მხილუელი იგი სახლსა შინა ღმრთი\სასა,
Line of ed.: 18     ესე იგი ნეტარსა შინა სულსა თჳსსა დიდებითა ღმრთისათა
Line of ed.: 19     სავსესა, "იხილა რა უფალი მჯდომარეჲ საყდარსა ზედა მაღალსა
Line of ed.: 20     და აღმატებულსა", ესე იგი წმიდასა ზედა გონებასა თჳსსა არა
Line of ed.: 21     ამაღლდა, არამედ უმწუერუალესსა შინა მდაბალ მზრახუელობასა
Line of ed.: 22     მოსრულმან სთქუა: "ჵ, უბადრუკსა მე, რამეთუ შეკდემულ ვარ,
Line of ed.: 23     რამეთუ კაცად მყოფი და არაწმიდათა ბაგეთა მქონებელი საშუალ
Line of ed.: 24     ერისა არაწმიდათა ბაგეთა მქონებელისა მკჳდრ ვარ მე და მეუ\ფეჲ
Line of ed.: 25     უფალი სავაოთ ვიხილე თუალითა ჩემითა".

Line of ed.: 26        მოსლუამან უკუე თჳს შორის სიყუარულისა ღმრთისამან ევს\ტათი
Line of ed.: 27     განანათლა ყოვლად გონებასა შინა, რამეთუ არსებისა მიმართ
Line of ed.: 28     საჭიროჲსა უზესთაეს ძალისა თქმულთასა ჰსცნობდა და ჰსთქმიდა
Line of ed.: 29     შესაბამ და ეგსახედ არსთათჳსცა შესაძლებელთა.

Line of ed.: 30        ამან უკუე ბორცუმან, იმორჩნა რა ქუეყანასა ზედა სათნობით\ნი
Line of ed.: 31     ესე ყუავილოვნებანი, მიიღო ცათა შინა კეთილმითუალულნი
Line of ed.: 32     გჳრგჳნოსნება\\ნი. [ Page of ms.: 172r  ] ამან უკუე გულისხმა-ჰყო შემდგომად მოწყნარე\ბისა
Line of ed.: 33     კეთილისა მის თესლისა აღმგებელი და აღგებაჲ თჳსი და სა\ნატრელისა
Line of ed.: 34     იობისებრ მოვიდა აღსარებად მაცხოვრისა. "სულმან
Line of ed.: 35     უფლისა ღმრთისამან შემქმნა მე, სამშჳნუელმან ყოვლისა მპყრო\ბელისამან
Page of ed.: 213   Line of ed.: 1     მასწავა მე", რამეთუ დაამტკიცებდა ამით, ვითარ\მედ
Line of ed.: 2     სულითა წმიდითა იცნა მამაჲ და ძეჲ, ესე იგი ჰრწმენა რა
Line of ed.: 3     მამისა მიმართ და ძისა და სულისა წმიდისა, ვერ შემძლებელ იყო
Line of ed.: 4     ჰრწმუნებად თჳნიერ სულითა წმიდითა.

Line of ed.: 5        უწყებულ ვართ ძუელთაგან მატიანეთა ჩუენთა, ვჰსჯიდეთ რა
Line of ed.: 6     დროსა მთავრობისა ქართლსა ზედა სტეფანოსის, ძისა გურამ კუ\რატპალატისასა,
Line of ed.: 7     ოდეს-იგი ნებსით თჳსით განუდგა სტეფანოს ბერ\ძენთა
Line of ed.: 8     და ფლობასა შინა სპარსთასა, მისცა ქართლი და თჳთ თავი\ცა
Line of ed.: 9     თჳსი და სპარსთა დადუეს ჩუენ ზედა საჴივი ფრიად მძიმეჲ,
Line of ed.: 10     მაშინ უკუე გამობრწყინდა ბნელსა შინა უღმრთოებისასა მოწამე
Line of ed.: 11     ქრისტესი ევსტათი. ხოლო ნათელი იგი ყოვლად მიუახლებელი ნა\თელთშემოქმედი,
Line of ed.: 12     რომელიცა ბრწყინვიდა მოწამისა თჳსისა შორის
Line of ed.: 13     თანამკჳდრობითა ბნელსა მსახურთა შორის მონისა თჳსისათა,
Line of ed.: 14     "ჰსჩნდა ბნელსა შინა და ბნელი იგი მას ვერ ეწევოდა".

Line of ed.: 15        "ნათელი იგი ჭეშმარიტი, რომელიცა განანათლებს ყოველსა
Line of ed.: 16     კაცსა, მომავალი სოფლად". ვითარცა სავლეს, მდევარსა თჳსსა,
Line of ed.: 17     ეგსახედ ძესა მოგჳსა და მოწაფესა მოგუობისასა არა დაშთომად
Line of ed.: 18     უტევებს [ Page of ms.: 172v  ] ბნელსა შინა კაცმოყუარებით, არამედ განაღჳძებს სულ\სა
Line of ed.: 19     მისსა მისულად ქალაქად მცხეთად, რათა წმიდა იგი და კეთილი
Line of ed.: 20     შეცუალებაჲ გუართა ბარბაროსთად ამეოროსმცა მცხეთას ესეგუ\არითა
Line of ed.: 21     ვიდრემე ცუალებითა.

Line of ed.: 22        ჭაბუკი ვინმე სპარსი, სახელით გჳრობანდაკ, მოწაფექმნილი
Line of ed.: 23     ჴელოვნებისა მიმართ მოგუობისა, მკჳდრი ქალაქსა რომელსამე
Line of ed.: 24     სპარსიისასა, სადა-იგი მკჳდრობდეს ქრისტეანენიცა, ზედმჭურეტი
Line of ed.: 25     ჩუეულებისა კეთილმსახურებითისა ქრისტიანეთასა, რამეთუ მოი\ცალის
Line of ed.: 26     რა სწავლისაგან მოიგუობისა, რომელსაცა ასწავებდის მამაჲ
Line of ed.: 27     თჳსი, მჰსმენელი წოდებითისა საეკკლესიოჲსა ბგერისა, დაუყოვნე\ბელად
Line of ed.: 28     წარვიდის ეკკლესიად.

Line of ed.: 29        ამას შინა ჭაბუკი გჳრობანდაკ თან-შეადგმიდის ქრისტეანეთა
Line of ed.: 30     ჩუეულებასა სარწმუნოებისა მიმართ ჭეშმარიტისა და საქმისა ქო\ნებულსა
Line of ed.: 31     და ჩუეულებასაცა უღმრთოებითსა სპარსთასა, რომელი
Line of ed.: 32     აქუნდათ მოსავ-ყოფითა და მსახურებითა დაბადებულთა მიმართ
Line of ed.: 33     დამტევებელუთა დამბადებელისათა და შესაბამთა მისთა ყოვლად
Line of ed.: 34     ბოროტთა ყოფა-ქცევათა, გარნა უაღრეს აღუჩნდის წესი ქრის\ტიანეთა,
Line of ed.: 35     ვითარცა მსახურთა დამბადებელისათა და გარე-მიექცე\ვოდის
Page of ed.: 214   Line of ed.: 1     უღმრთოებითთა მათ მსახურებათა და შესაბამთა მისთა
Line of ed.: 2     ბოროტ-ქცევათა ქონებულთა სპარსთაგან.

Line of ed.: 3        გჳრობანდაკ გარემიქცეული სპარსთა უღმრთოებისა ჰსჯიდა,
Line of ed.: 4     რათა წარვიდის შესაკრე\\ბელისადმი [ Page of ms.: 173r  ] იუდეანთასა და ზედმჭურეტ\მან
Line of ed.: 5     ჰსცნას, თუ ვითარმე არს მსახურებაჲ მათი.

Line of ed.: 6        ხოლო ამდევრა გულისმსიტყუელობასა ამას საქმეჲცა და მის\რული
Line of ed.: 7     შესაკრებელად იუდეანთა, გამოჰსცდიდა მათსაცა მსახურე\ბასა
Line of ed.: 8     და წესსა ლოცუათასა და იტყოდა თჳს შორის: ჵ, ვითარ ამო\ვან
Line of ed.: 9     არს სასმენელთა შინა ჴმაჲ ქრისტეანეთა გალობისა და წესი
Line of ed.: 10     იგი მათისა მეეკკლესიობისა, რამეთუ ვითარცა ანგელოსნი ღმრთი\სანი,
Line of ed.: 11     შეკრებულებაჲ იგი ქრისტეანეთა ეგრე ჰსჩანნ თუალთა ჩემთა
Line of ed.: 12     წინაშე".

Line of ed.: 13        ხოლო მოსრულმან მიზეზითა რაჲთმე ქართლად, მცხეთას ში\ნა
Line of ed.: 14     ქალაქსა, განამრავლა უმეტეს მისულაჲ ეკკლესიად, სადა-იგი
Line of ed.: 15     მისრულსა რეცა მეცნიერმან მისმან ნეტარმან სამოილ. პატივითა
Line of ed.: 16     არხიდიაკონმან, ჰკითხა გჳრობანდაკს მიზეზი ეკკლესიად მრავალ\ჯერ
Line of ed.: 17     მისულისა, მიუგო გჳრობანდაკ: "უწყებულ ხარო, უფალო
Line of ed.: 18     ჩემო, ვითარმედ არა მიყუარს მე ჰსჯული მამეული და ვჰსწადნოი
Line of ed.: 19     მეცნიერსა ქრისტეანეთა და იუდიანებრთაცა ჰსჯულთასა, რათა
Line of ed.: 20     მიჩუენოს მე საქმეთა მიერ, თუ რომელი არს უკეთეს და უაღრეს,
Line of ed.: 21     რათა შევიწყნარომცა იგი".

Line of ed.: 22        მიუგო სამოილ მეცნიერმან სამღუდელოთა წერილთა და სა\ცხოვრებელთა
Line of ed.: 23     ჩუენთა განგებულებათამან: "მეცნიერ ვარო ჩუ\ენთაცა
Line of ed.: 24     საცხოვრებელთა განგებულებათა, რომელიცა საღმრთოჲ\საგან
Line of ed.: 25     სახარებისა და სამოციქუ\\ლოთა [ Page of ms.: 173v  ] მოძღუარებათა გუეხარების
Line of ed.: 26     და მოსეანთაცა და საწინაწარმეტყუელოთა წერილთა, გარნა გა\მორჩევაჲ
Line of ed.: 27     უაღრესისა და უკეთილესისა მადლისაგან სულისა ყოვ\ლად
Line of ed.: 28     წმიდისა შესაძლებელ არს".

Line of ed.: 29        განამრავლებდა ვედრებასა სამოილის მიმართ სპარსი, რათა
Line of ed.: 30     ორთავე მიმართ მეცნიერ ჰყოს უწყებათა სარწმუნოებითთა და
Line of ed.: 31     ჰსჯულისდებითთა, რომლისათჳს იწყო მისდა სამოილ უწყებად
Line of ed.: 32     თჳთოეულად მიერით, ოდეს "ჰრწმენა აბრაჰამს ღმერთი და შე\ერაცხა
Line of ed.: 33     მას სიმართლედ" და ყოველთა უწყებათა წერილთაგან
Line of ed.: 34     მოსე ღმრთისმზრახუელისათა და წინაწარმეტყუელთასა და ყო\ველთა
Line of ed.: 35     მათ ჰსჯულთა მოცემულთა ღმრთისაგან მოსეს მიმართ
Line of ed.: 36     უთხრობდა და განუმარტებდაცა და ეკკლესიისათჳს ძუელისა არა\რაჲმე
Line of ed.: 37     დაჰშთა უთქმელად სამოილისგან სპარსისა მის მიმართ.

Page of ed.: 215  
Line of ed.: 1        ეგსახედ ახლისათჳსცა მადლისა, ვითარმედ: "ერთ არსო ღმერ\თი,
Line of ed.: 2     ვითარ-იგი უბრძანა მოსეს", გარნა სამობასა შინა გუამოვნე\ბათასა
Line of ed.: 3     სიმარტივეჲ ერთობისა განუკუეთილობს არ შემწყნარებე\ლი
Line of ed.: 4     რაიმეჲსა განკუეთისა, რამეთუ მარტივ არს და უზესთაეს
Line of ed.: 5     ყოვლისა სიმარტივისა, ხოლო განფენილ განუწუალებელად გუამ\თა
Line of ed.: 6     მიმართ, ესე იგი ერთისა და მისვე მხოლოჲსა არსებისა ნათელ\მოქმედისა,
Line of ed.: 7     განუკუეთელად არს წარმოდგომაჲ ღმერთთმთავრისა
Line of ed.: 8     მიმართ სამობისა გუამთასა და თჳთება გუამოვნე\\ბათა [ Page of ms.: 174r  ] ერთსა მხო\ლოობასა
Line of ed.: 9     შინა ცხოველთ-შემოქმედისა არსებისასა მდგომარებს
Line of ed.: 10     შე/ურევნელად.

Line of ed.: 11        მდგომარეობა უკუე თჳთებათა არა თჳთოსა ადგილსა განითჳ\სებს,
Line of ed.: 12     რათა სადაცა ერთი არს სამთაგანი, შეუძლებელ იყოსმცა
Line of ed.: 13     ორთა მათ გუამთა მუნ ყოფაჲ, რამეთუ ესე დაბადებულთა გუამთა
Line of ed.: 14     თჳსება არს, ვითარცა ყოფისა დაწყებითა და დასრულებითა გან\საზღურებულთა
Line of ed.: 15     და გარეგან განსაზღურებისა არა მყოფთა, მაგრა
Line of ed.: 16     თჳთება სამობითი გუამთა ღმერთთმთავრისა არსებისაგანთა მებრ
Line of ed.: 17     არსებისა თჳსისა განუსაზღურებელ არს და ერთი თჳთება მეორისა
Line of ed.: 18     შორის არს დატევნილ და მეორე მესამისა შორის, რომლისათჳს
Line of ed.: 19     გარე-შეუწერლობენ თჳთებანი.

Line of ed.: 20        ხოლო სამობასა მას შინა ნათელთ-შემოქმედისა აღიარებს
Line of ed.: 21     კეთილმსახურებით, რამეთუ ერთი ვიდრემე არს მიზეზ ორთა მათ,
Line of ed.: 22     ვითარ-იგი ერთსა სულსა შინა გონება არს მიზეზ სიტყჳსა და ცხოვ\ლობისა,
Line of ed.: 23     რომელსა მიზეზობისათჳს სიტყჳსა ზედწოდებულ ჰყოფს
Line of ed.: 24     ლატრია ესე საიდუმლო მამად, რამეთუ შობა არს სიტყჳსა გონები\საგან,
Line of ed.: 25     ვითარმედ იცის რა თავი თჳსი არსება განუსაზღურებელ და
Line of ed.: 26     საჭირო, რომელიცა ცნობა ესე არს სიტყუა და გონებისაგან შო\ბილ,
Line of ed.: 27     ამისთჳს გონებასა მას ღმერთთმთაეარსა ეწოდების მამა და
Line of ed.: 28     სიტყუასა ძე. და ძეობა იგი რაჲმე იყო სხუა, გარნა "ბეჭედ და ხატ,
Line of ed.: 29     რომელი ყოვლითურთ მამასა თავსა შორის თჳსსა გამოაჩინებს",
Line of ed.: 30     ვითარცა იტყჳს მოციქული ძისათჳს: "ბრწყინუალება დიდე\\ბისა [ Page of ms.: 174v  ]
Line of ed.: 31     და ხატი ყოფისა მისისა".

Line of ed.: 32        გონება არა მქონებელი სიცოცხლისა შეუძლებელ არს, რომ\ლისათჳს
Line of ed.: 33     ითქმის გონება მექონ ცხოვლობისა ანუ სულისა.

Line of ed.: 34        ესრეთ აღიარების კეთილმსახურებით: "ღმერთ-მშობელ და
Page of ed.: 216   Line of ed.: 1     წყარო ღმრთაებისა მხოლო არს მამა", სიტყჳსაებრ ნეტარისა
Line of ed.: 2     დიონჳსისა და "ღმერთი მამა უჟამოდ და დაუსაბამოდ აღიძრა
Line of ed.: 3     სიყუარულით განფენად გაყნოფილებისა მიმართ გუმათასა და ეგო
Line of ed.: 4     ბუნებით განუყოფელად და დაუკლებელად თჳსსა ყოვლადობასა
Line of ed.: 5     შინა სრულებისასა".

Line of ed.: 6        ხოლო სიტყუა იგი მამისა, რომელ არს სიბრძნე და ძალი და
Line of ed.: 7     ხატი შეუცუალებელი უხილავისა ღმრთისა, რომლისაგან "ყოველი
Line of ed.: 8     შეიქმნა და თჳნიერ მისა არცა ერთი რა იქმნა, რაოდენი რა იქმ\ნა",
Line of ed.: 9     "რომლისა მიერ დაიბადა ყოველივე ცათა შინა და ქუე\ყანასა
Line of ed.: 10     ზედა, ხილულნი და არახილულნი, ანუ თუ საყდარნი, ანუ
Line of ed.: 11     თუ უფლებანი, გინათუ მთავრობანი, გინათუ ჴელმწიფებანი: ყო\ველივე
Line of ed.: 12     მის მიერ და მისა მიმართ დაიბადა".

Line of ed.: 13        "ამას შინა დამკჳდრებულ არს ყოველივე სავსება ღმრთაე\ბისა
Line of ed.: 14     ჴორციელად", რამეთუ "რომელი ხატი ღმრთისა
Line of ed.: 15     იყო", დამდაბლდა და ხატი მონისა მიიღო და მჰსგავს კაც\თა
Line of ed.: 16     იქმნა და ხატითა იპოვა ვითარცა კაცი. დაიმდაბლა თავი თჳსი
Line of ed.: 17     და იქმნა იგი მორჩილ ვიდრე სიკუდილადმდე და სიკუდილითა მით
Line of ed.: 18     ჯუარისათა, ხოლო აღდგა საფლავით მესამესა დღესა და "ვიხილეთ
Line of ed.: 19     დიდებაჲ მისი, დიდებაჲ ვითარცა მხოლოდშობილისა [ Page of ms.: 175r  ] მამისა მიერ,
Line of ed.: 20     სავსეჲ მადლითა და ჭეშმარიტებითა" და ამაღლებული ჴორციე\ლად
Line of ed.: 21     "მჯდომარებს მარჯუენით მამისა".

Line of ed.: 22        ხოლო მიდგომილებისათჳს წმიდისა ქალწულისა და ჴორციე\ლად
Line of ed.: 23     შობისათჳს უფლისა ეგსახედ ყოველთა ღმერთმამაკაცებრთა
Line of ed.: 24     მოქმედებათა მჴსნელისა ჩუენისათა თჳთოეულად აუწყებდა და
Line of ed.: 25     სასწაულთა და საკჳრუელებათა ყოველთა და ჯუარცმისათჳს და
Line of ed.: 26     სიკუდილისა და მესამესა დღესა აღდგომისა და ზეცად ამაღლები\სათჳს
Line of ed.: 27     და დიდებით კუალად მოსლვისა უფლისა და აღდგომისათჳს
Line of ed.: 28     მკუდართასა.

Line of ed.: 29        ხოლო დაჰბეჭდვიდა გულსა ზედა მისსა, ვითარმედ: "ერთ არს
Line of ed.: 30     უფალ, ერთ სარწმუნოება, ერთ ნათლისღება". ეგსახედ ერთ
Line of ed.: 31     ეკკლესია, ერთ დიდება იგი, რომელი მოღებად არს წმიდათაგან და
Line of ed.: 32     ერთ განვრდომა ღმრთისაგან ცხოველისა.

Line of ed.: 33        ამათი უკუე მჰსმენელი სპარსი მორწმუნექმნილი ჭეშმარიტე\ბისა
Line of ed.: 34     მიმართ და ყოველთა, რომელნიცა ესმნეს სამოილის მიერ ნე\ტარისა,
Line of ed.: 35     ცნობად ჭეშმარიტებისა მოვიდა და ნათლისღებისა საბა\ნელითა
Page of ed.: 217   Line of ed.: 1     განბანილი შჳლ მამისა ზეცისათა იქმნა, ხოლო "ღმრთი\საგან
Line of ed.: 2     შობილებითა ჰსძლო სოფელსა".

Line of ed.: 3        გჳრობანდაკ ნათლისღებისა მიერ ევსტათი ზედწოდებული
Line of ed.: 4     იქმნა და "პირველისაგან კაცისა შობილი ჴორც, რომელი იყო ქუ\ეყანისაგან
Line of ed.: 5     მიწისა ანუ შობილი ჴორცთაგან, ხოლო მეორისაგან კა\ცისა,
Line of ed.: 6     რომელ არს უფალი ზეცით", განახლებული და "სულისაგან
Line of ed.: 7     შობილი სულ იქმნა".

Line of ed.: 8        [ Page of ms.: 175v  ] ეჰა, განახლებაჲ ღმერთმყოფელი, ეჰა, შვილება "ახლითა გა\ნახლებულითა
Line of ed.: 9     მეცნიერებითა შემოსილი მსგავსად ხატისა მის დამ\ბადებელისა
Line of ed.: 10     მისისა, სადა-იგი არა არს წარმართ და ჰურია, წინა\დაცუეთილება
Line of ed.: 11     და წინადაუცუეთელება, ბარბაროს, სკჳთელ, მო\ნება,
Line of ed.: 12     აზნაურება, არამედ ყოვლად ყოველსა შინა ქრისტე".

Line of ed.: 13        მტერობითი იგი ბეჭედი გულსა ზედა, რომელი მიიღო პირ\ველ
Line of ed.: 14     ევსტათი, ვითარცა ცჳლმან ბეჭდისა მიერ მამულისა გუამოვ\ნებისა
Line of ed.: 15     აღიშლების და ბეჭედი ხატისა და ბრწყინუალებისა მამუ\ლისა
Line of ed.: 16     აღმოიტჳფრების და ბეჭედი იგი ცხოველი შემოქმედი ნა\თელთა
Line of ed.: 17     ეტყჳს გულსა აღმონაბეჭდსა: "დამდუეს მე, ვითარცა სა\ბეჭდავი,
Line of ed.: 18     გულსა ზედა შენსა".

Line of ed.: 19        აღეგზნების დაბეჭდილი გული ტრფიალებითა ბეჭდისადმი,
Line of ed.: 20     რომლითა დაიბეჭდა და ვითარცა მთურალი ჴმა უყოფს ბეჭედსა:
Line of ed.: 21     "მე მძინავს და გული ჩემი მღჳძარე არს" და "წყალსა მრავალსა
Line of ed.: 22     ვერ ძალ-უცს დაშრეტა სიყუარულისა, მდინარენი ვერ წარღუნიან
Line of ed.: 23     მას. უკეთუ მისცეს კაცმან ყოველი ცხოვრებაჲ თჳსი, შეურაცხყო\ფით
Line of ed.: 24     შეურაცხ-ჰყონ იგი".

Line of ed.: 25        "ვინ არს ესე, რომელი აღმოვალს უდაბნოსაგან, ვითარცა
Line of ed.: 26     რტო, კუამლი საკმეველისა, მური და გუნდრუკი, ყოველთაგან
Line of ed.: 27     მტუერთა მენელსაცხებელთასა". ხოლო კითხჳსა ჩუენისა ნა\ცუალსა
Line of ed.: 28     მოვიღებთ საიდუმლოჲსაგან მადლისა სიტყუებითა საღმრ\თოჲსა
Line of ed.: 29     მოძღუარისა გრიგორი ნოსელისათა [ Page of ms.: 176r  ], ვითარ-იგი კითხუა
Line of ed.: 30     არს ძიება მიგებისა, ვითარმედ რტო ესე, რომელი აღაორძინებს
Line of ed.: 31     განსაკჳრუებსა მას, ერთად იხილუების, რომელი-იგი აღუალს და
Line of ed.: 32     სიჴშოსა მაღნართასა ემსგავსების, გარნა რტოდრე საგონებელ იქმ\ნების
Line of ed.: 33     სიმაღლედ აღსრულად და აღორძინებულად. ხოლო აღზრდა
Line of ed.: 34     რტოჲსა მის და ხისა არა ქუეყანა რაჲმე იქმნების პოხიერი და ნო\ტია,
Line of ed.: 35     არამედ მსოფლიოთაგან ამოვნებათა ყოვლად უდაბნო და
Line of ed.: 36     უგზოჲ, ხოლო ურწყულიცა წყალთაგან ჴორციელთა განსუენება\თასა
Page of ed.: 218   Line of ed.: 1     და სიცხითა კრძალულებითისა გუალვისათა გუალული. და
Line of ed.: 2     ვიკითხავთ კუალად: რაჲმე არს ძირი, რომელსა ზედა დანერგულ
Line of ed.: 3     არს რტო ესე და ვინა ორძის? ძირ მისა არს მტუერი ნელსაცხე\ბელთა
Line of ed.: 4     მათ უნივთოთა, ესე იგი სათნოებათა ხედჳთთა, ხოლო მპო\ხელ
Line of ed.: 5     ორთქლი საკმეველთა, ესე იგი სათნოებათა საქმითთა, რომელი\იგი
Line of ed.: 6     სუნნელებისა მიერ შეაცურევს მას.

Line of ed.: 7        ამის უკუე გამოჩინებულისა რტოჲსა არა პირუელითა სახითა,
Line of ed.: 8     არამედ სხჳთარე შესახედავითა ხილუა აღორძინება არს სათნოე\ბათა
Line of ed.: 9     სისრულედ წარმატებულებაჲ სულისა მის ნეტარისა მით,
Line of ed.: 10     რომელ პირველი იგი ხატი მისი იყო შავნათესავობისაებრ უღმრ\თოებითისა
Line of ed.: 11     და იხილუებოდა ჩუენ მიერცა შავად, განაღა განიბანა
Line of ed.: 12     რა საბანელითა მით განახლებითითა შვილებისა ღმრთისათა დაბ\ნელებული
Line of ed.: 13     იგი ხატი, აწ ვითარცა თოვლი ბრწყინავს შუენიერე\ბითა.
Line of ed.: 14     და საკჳრუელი ესე არს, რამეთუ ესევითარისა სახისა და
Line of ed.: 15     შუენიერებისა მიზეზ [ Page of ms.: 176v  ] უდაბნო არს, რომელმანცა ესრეთ აღამაღლა
Line of ed.: 16     იგი და ვითარცა ნაძჳ რაჲმე, ვითარცა შროშანი, შუენიერებითა
Line of ed.: 17     სიკეთითა შეამკო იგი, გარნა არა თუ შეხდომით რაჲმე და გარეწარ
Line of ed.: 18     ამაღლდა ესეგუარსა ზედა სიმაღლესა, არამედ თჳსთა კეთილთა
Line of ed.: 19     მიერ და სიმკაცრეთა მოიგო ესევითარი შუენიერებაჲ.

Line of ed.: 20        ესეგუარ ოდესმე სულიცა წინასწარმეტყუელისა ესევითართა\ვე
Line of ed.: 21     "ჴორცთა შინა უდაბნოთა უგზოთა და ურწყულთა" მყოფი
Line of ed.: 22     "წყურიელ იქმნა საღმრთოჲსა მის წყაროჲსა მიმართ". რომლი\საგან
Line of ed.: 23     მსმელთა არაოდეს ჰსწყუროდეს და საღმრთო იგი წყურვილი
Line of ed.: 24     თავსა შორის თჳსსა შეიწყნარა.

Line of ed.: 25        ევსტათი ჴორცითა მმოქალაქობი ქალაქსა მცხეთას და გულის\ხმისმყოფელი:
Line of ed.: 26     "არა მაქვს ჩუენ აქა საყოფელად ქალაქი, არამედ
Line of ed.: 27     მერმესა მას ეეძიებთ", ისწავებდა მოძღუართაგან ჭეშმარიტე\ბისათა
Line of ed.: 28     წარმართებითა სულისა წმიდისათა სამღუდელოთა წერილ\თა
Line of ed.: 29     და საიდუმლოთა საღმრთოჲსა ჭეშმარიტებისათა და ამით შეს\წირვიდა
Line of ed.: 30     ნიადაგ ღმრთისადმი "ნაყოფსა ბაგეთასა და აღსარებასა
Line of ed.: 31     სახელისა მისისასა", ვითარმედ რაჲ-იგი ისწავა ჭეშმარიტებისა
Line of ed.: 32     მოძღუართაგან, ასწავებდა ჴორციელად თანმენათესავეთა თჳსთა
Line of ed.: 33     ბარბაროსთა სპარსთა და ცნობად ჭეშმარიტებისა მოიყუანებდა,
Line of ed.: 34     ხოლო აღიარებდა თჳნიერ ყოვლისა, რიდობისა მძლავრთა მიმართ
Line of ed.: 35     უღმრთოთა სახელსა უფლისა ჩუენისა იესუ ქრისტესსა.

Line of ed.: 36        "არა დაივიწყებდა ევსტათი კეთილსა, საქმესა", რამეთუ
Line of ed.: 37     ყოველნი სათნოებანი, ოდეს-იგი შეეწყნარა [ Page of ms.: 177r  ] ქრისტესა მიერით არ\სებასა
Page of ed.: 219   Line of ed.: 1     ზედა თჳსსა, ხატსა ღმრთისასა შესმენილ ჰყუნა და ეზია\რებოდა
Line of ed.: 2     სიყუარულითა წმიდითა და უმანკოჲთა მორწმუნეთა ქრის\ტესთა
Line of ed.: 3     ძმათა თჳსთა, ეზიარებოდა წმიდათა ღმრთისათა, რამეთუ
Line of ed.: 4     შურსა ცხოვრებისა მათისასა აღიღებდა, ვითარმედ სხუა აბრაჰამ
Line of ed.: 5     იქმნა მორჩილი ბრძანებისა ღმრთისა, "გამოსრული ქუეყანისაგან
Line of ed.: 6     და ნათესავთა და სახლისაგან მამისა თჳსისა", ისაკს და იაკობს
Line of ed.: 7     სიწრფოებითა, იოსებს სიწმიდითა და მოსეს, რამეთუ განწმედითა
Line of ed.: 8     გონებისათა იხილა ღმერთი, მამათმთავართა და წინაწარმეტყუელ\თა
Line of ed.: 9     სჯულისა საღმრთოჲსა, რაიცა-იგი მოიღო ეკკლესიისაგან უბი\წოდ
Line of ed.: 10     დაცჳთა, პეტრეს და იოანეს ღმერთ-მამაკაცისა მოძღურისად
Line of ed.: 11     შედგომითა და ყოველთა მოციქულთა ურწმუნოთა შორის სახარე\ბისა
Line of ed.: 12     ქრისტესისა მიმოდადებითა, რომელთა თანა ზიარებულმან
Line of ed.: 13     მიიღო "გჳრგჳნი სიმართლისა".

Line of ed.: 14        ესევითარნი უკუე მსხუერპლნი, რომელნიცა სათნო იყუნეს
Line of ed.: 15     ღმრთისა, შეჰსწირნა ღმერთისა მიმართ და მათ თანა თავიცა თჳსი.

Line of ed.: 16        დღე უკუე იყო რომელიმე, ოდეს სპარსნი, დამკჳდრებულნი
Line of ed.: 17     ქალაქსა შინა მცხეთას, უზორვიდეს ეშმაკთა ღმერთთა მათთა, შემ\წირუელნი
Line of ed.: 18     ცეცხლისა მიმართ და კერპთა, ხოლო ზორვილსა მას
Line of ed.: 19     ჰსჭამდეს და ჰსმიდეს და უღმრთოებითითა მით განცხრომითა
Line of ed.: 20     იშუ/ებდეს.

Line of ed.: 21        თანახადილ ჰყუეს უკუე ამათ ევსტათიცა, [ Page of ms.: 177v  ] მეთქუეთა: "მოვედ
Line of ed.: 22     და გუეზიარე დღესასწაულსა ამას ჩუენსა და ჩუენ თანა იშუებდ,
Line of ed.: 23     ვითარცა თანმენათესავეჲ ჩუენი.

Line of ed.: 24        მიუგო ევსტათი: "მე უკუე ვდღესასწაულობ დღესასწაულსა
Line of ed.: 25     არა ბნელისა შინასა, არამედ დღესასწაულსა მას, რამეთუ მომიწო\და
Line of ed.: 26     მე უფალმან ეგჳპტით ბნელით გუემულით მუნ მისულად, სადა\იგი
Line of ed.: 27     აღუთქუა მოყუარეთა თჳსთა ადგილსა ნათლითა სავსესა, "რო\მელი
Line of ed.: 28     საუკუნითგან არა გუესმა, არცა თუალთა ჩუენთა იხილეს",
Line of ed.: 29     რომელთა განუმზადებს ღმერთი მლოდნელთა თჳსისა
Line of ed.: 30     წყალობი/სათა.

Line of ed.: 31        არა ვჰსჭამო თქუენ თანა ნაგები ღმერთთა საძაგელთა, არამედ
Line of ed.: 32     ვჰსჭამ ჴორცსა კრავისა ღმრთისასა, რომელი პასექად დაიკლა ჩემ\თჳს,
Line of ed.: 33     რათა თანა-წარმჴადოს მე მომსრუელი იგი პირმშოთა, რო\მელმანცა
Line of ed.: 34     მოსწყვდნა პირველნი მამანი ჩუენნი. აჰა, "კუერთხი
Line of ed.: 35     ჴელთა შინა ჩემთა", ნიში ქრისტესთჳს ვნებად სიმჴნისა ჩემისა,
Line of ed.: 36     და სარტყელი წელთა ჩემთა, რამეთუ მორტყმულ ვარ ჭეშმარიტი\თა
Page of ed.: 220   Line of ed.: 1     სარწმუნოებითა, და ჴამლნი ფერჴთა, რამეთუ "შემისხამნ ფერ\ჴთა
Line of ed.: 2     განმზადებულებაჲ სახარებისა მის მშჳდობისა" და ესრეთ
Line of ed.: 3     ვმეცადინობ ძალითი-ძალად შესულად ქუეყანასა მას, რომელი აღ\მითქუა
Line of ed.: 4     მაცხოვარმან ჩემმან".

Line of ed.: 5        მჰსმენელნი ევსტათის სიტყუათანი სპარსნი საძაგელმედღესას\წაულენი,
Line of ed.: 6     მთურალნი უღმრთოებითა, კუალად მთურალნი არაწმი\დათა
Line of ed.: 7     [ Page of ms.: 178r  ] ღმერთთა მათდამი ნაგებითა ღჳნითა, აღბორგდეს და ბორო\ტი
Line of ed.: 8     იგი შეკრებული ბომონით საეშმაკოჲთ სპარსისა უსტამ ვისმე
Line of ed.: 9     ზედწოდებულისად, რომელიცა განაგებდა ციხეს, მისდა მივიდეს
Line of ed.: 10     და შემასმენელთა, ვითარმედ: "ევსტათი ქრისტეანე არს და მაგი\ნებელი
Line of ed.: 11     სპარსებრისა ჰსჯულისდებისა" -- ჰამბავთა ამით უწყე\ბულ
Line of ed.: 12     ჰყუეს.

Line of ed.: 13        უწყებულქმნილმან უსტამ წარავლინა მჴედართაგან ვინმე და
Line of ed.: 14     ევსტათი წინაშე თჳსსა ბრძანა წარდგინებად.

Line of ed.: 15        იხილა რა ევსტათი მწოდებელი თჳსი, ორთა ვიდრემე წინადა\დებათა
Line of ed.: 16     ჰსჯიდა თჳს შორის, ესე იგი წარვიდეს ანუ არა წარვიდეს.
Line of ed.: 17     ხოლო დაამტკიცა ესეგუარითარე განჰსჯითა უმჯობესი და ჰსთქუა:
Line of ed.: 18     "რომელმან აღმიაროს მე წინაშე კაცთა, მეცა აღვიარო იგი წინაშე
Line of ed.: 19     მამისა ჩემისა ზეცათასა და რომელმან უარმყოს მე წინაშე კაცთა,
Line of ed.: 20     უარეჰყო იგი მეცა წინაშე მამისა ჩემისა ზეცათასა". და ნიშითა
Line of ed.: 21     ცხოველსმყოფელისა ჯუარისათა დაჰბეჭდა თავი თჳსი და ჰსთქუა:
Line of ed.: 22     "ჩუენ თანა ღმერთი, ჰსცანთ წარმართთა და იძლიენით თქუენ"
Line of ed.: 23     და წარვიდა.

Line of ed.: 24        მისრული წინაშე უსტამისა დაჰსდგა საღმრთო ევსტათი, კე\თილმდგომარე
Line of ed.: 25     იგი სუეტი, ხარისხსა ზედა წმიდისა სარწმუნოები\სასა.
Line of ed.: 26     ეტყოდეს უკუე უსტამს უღმრთონი შემასმენელნი: "ესე არს
Line of ed.: 27     ევსტათი, მაგინებელი და გარდამაქცეველი ჭსჯულისდებათა
Line of ed.: 28     ჩუ/ენთა".

Line of ed.: 29        [ Page of ms.: 178v  ] მაშინ ხატი პირმშოჲსა მაგალითისა ღმერთ-მამაკაცისა სიტყ\ჳსა
Line of ed.: 30     მონასა ზედა სახესა მეორესა გარდამოიხატვოდა რამეთუ ვი\თარ
Line of ed.: 31     ჩემი იგი იესუ უღმრთოთა ჰურიათა მოიყუანეს რა პილატესა
Line of ed.: 32     და იწყეს შესმენად მისა და ეტყოდეს: "ესე ვჰპოვეთ, რამეთუ გარ\დააქცევდა
Line of ed.: 33     ნათესავსა ჩუენსა და აყენებდა ხარკსაცა მიცემად კე\ისრისა".
Line of ed.: 34     ეგსახედ ეტყოდეს უსტამს შემასმენელნი ევსტათისნი:
Line of ed.: 35     "ესე არს ევსტათი, მაგინებელი და გარდამაქცეველი ჰჯულისდე\ბათა
Line of ed.: 36     ჩუენთა", და ესრეთ "უფალი დიდებისა მონასა
Line of ed.: 37     იზიარებ/და".

Page of ed.: 221  
Line of ed.: 1        ჰკითხვდა უკუე უსტამ ევსტათის ვინ ყოფასა და ანუ რომლისა
Line of ed.: 2     ქალაქისაგან არს სპარსთასა. მიუგო მოწამემან ქრისტესმან: "ქა\ლაქი,
Line of ed.: 3     სადა-იგი ვიშევ, ზედწოდებულ არს განძაკ, სადა-იგი უმრავ\ლესნი
Line of ed.: 4     მკჳდრობენ ქრისტეანენი, ვიდრეღა სპარსნი. და ქრისტიანე\ნი
Line of ed.: 5     იგი იმწყსებიან ეპისკოპოსისაგან კეთილმსახურისა და სამღუ\დელონი
Line of ed.: 6     საქმენი მათნი განიგებიან მღუდელთაგანვე კეთილმსახურ\თა,
Line of ed.: 7     რომელთა შორის მხილუელმან ჭეშმარიტებისამან და მერმეღა
Line of ed.: 8     მოსრულმან ქალაქსა ამას უგანცხადებულესად ვჰსცან ჭეშმარიტე\ბაჲ,
Line of ed.: 9     რომლისა გამო ქრისტიანე ვარ".

Line of ed.: 10        ეტყოდა უსტამ: "არავინ გიტევოს შენ ქრისტიანე ყოფად,
Line of ed.: 11     რამეთუ, უკეთუ არა დაუტევომცა სიცოფეჲ ეგე შენი, იტანჯო არა
Line of ed.: 12     მცირედ". მიუგო მოწამემან ქრისტესმან: "ჩემდა არარაჲმე ტან\ჯუა,
Line of ed.: 13     რამეთუ მზა ვარ სიკუდილად ქრისტესთჳს გულსმოდგინებით
Line of ed.: 14     და სიყუარულით".

Line of ed.: 15        [ Page of ms.: 179r  ] იხილა რა უსტამ უმტკიცედ ანდამატინისა მოწამეჲ იგი ჭეშ\მარიტებისა,
Line of ed.: 16     იზრახა თჳს შორის გულისმსიტყუელმან: "ვინაჲთგან
Line of ed.: 17     ვერ შემძლებელ ვარ შეპყრობად და სიკუდილად კაცისა ამისა, სა\თანადო
Line of ed.: 18     არს წარგზავნად ესე ტფილისს არვან-გუშნაპის მიმართ
Line of ed.: 19     მარზაპანისა, ვითარცა მთავრისა და ჴელმწიფისა, და ჰქმნას მან,
Line of ed.: 20     რაჲ-იგი შესაბამ იყოს, რომელსაცა ძალუცს ვითარცა მფლობელ\სა
Line of ed.: 21     ქართლისასა, ესეგუართა სიკუდილი და ცხოვრება". და ესრეთ
Line of ed.: 22     ბრძანა ორთა მჴეღართა მიმართ, რათა წარიყუანონ ევსტათი
Line of ed.: 23     ტფილისად.

Line of ed.: 24        ხოლო შემასმენელნი ევსტათისნი ეტყოდეს უსტამს: "არიანო
Line of ed.: 25     აქა სხუანიცა ჩუენგანნი ქრისტეანექმნილნი, ბრძანე, რათა წარიგ\ზავნენ
Line of ed.: 26     იგინიცა ტფილისად", რომელთა სახელებითაცა უწყებულ
Line of ed.: 27     ჰყუეს.

Line of ed.: 28        მაშინ კაცნი იგი სპარსნი ქრისტიანექმნილნი ბრძანებისაებრ
Line of ed.: 29     მისისა წარუდგინნეს უსტამს, რიცხჳთ ვიდრემე რუანი, რომელთა
Line of ed.: 30     მხილუელმან არა ინება განკითხუაჲ მათი, არამედ ბრძანა შეკრუ\ად
Line of ed.: 31     იგინი და ევსტათის თანა წარყუანებად ტფილისს. და ესეგუა\რითარე
Line of ed.: 32     ხატითა მიუწერა მას: "კაცნი ესე ნათესავით სპარსნი,
Line of ed.: 33     განსრულნი ჰსჯულისაგან სპარსებრისა და ქრისტეანექმნილნი, შე\ვიპყრენ
Line of ed.: 34     და შენდამი, ვითარცა უფლისა და მთავრისად, წარმომიგ\ზავნიეს,
Line of ed.: 35     რამეთუ შენსა ჴელმწიფებასა არს განკითხუაჲ ამათი".

Line of ed.: 36        ესენი უკუე მიყუანებულნი ტფილისს მარზაპა\\ნისა [ Page of ms.: 179v  ] წინაშე
Line of ed.: 37     წარიდგინნეს და კითხჳსაებრ მისისა თავნი თჳსნი პირველ უკუე
Line of ed.: 38     სპარსებრითა ჰსჯულითა უღმრთოებითითა შეცთომილად და აწ
Line of ed.: 39     ჭეშმარიტისა ღმრთისა მსახურად და ქრისტეანედ აღსარებითა
Page of ed.: 222   Line of ed.: 1     ჭეშმარიტითა მისდა განცხადებულ ჰყუეს. ხოლო მაგიერ ყოველთა
Line of ed.: 2     მათ კრულთა ქრისტესთჳს სიტყჳსმგებელ იყო ევსტათი.

Line of ed.: 3        მჰსმენელი ქრისტესთჳს შეკრულთაგან ჭეშმარიტისა მის აღ\სარებისა
Line of ed.: 4     განრისხდა მარზაპანი და უბრძანა მტარუალთა პირსა ცე\მად
Line of ed.: 5     იგინი და აღპარსუად თმანი და წუერნი მათნი და ცხჳრნი
Line of ed.: 6     განჴურეტად და ჯაჭუნი დადებად ქედთა მათთა, ბორკილნი შესხ\მად
Line of ed.: 7     ფერჴთა და შეყენებად საპყრობილესა. ხოლო თუ სადამე
Line of ed.: 8     მათგანი ვინმე მოიქცესმცა მამეულისა ჰსჯულისად, თავისუფალ
Line of ed.: 9     ყოფად იგი პატიჟთა მათგან და მისდა მიყუანებად, რომელთადმი
Line of ed.: 10     სიმდიდრესა აღთქმიდა მიცემად და რომელნიცა ეგნენ ქრისტეა\ნედ,
Line of ed.: 11     მოკუდენ იგინი საპყრობილესა შინა.

Line of ed.: 12        მჰსმენელნი ამათნი ორნი ცხრათა მათ კრულთაგანნი ზედწო\დებულნი
Line of ed.: 13     სახელით პირველი ბახდიად და მეორე პანაგუშნაპ, შიშ\ნეულქმნილნი
Line of ed.: 14     და მძრწოლარენი მოლოდებისაგან პატიჟთასა, რო\მელნიცა
Line of ed.: 15     ესმათ მარზაპანისაგან, "განდგეს ჟამსა მას განსაცდელი\სასა,
Line of ed.: 16     რამეთუ თესლი წმიდისა სახარებისა გონებასა მათსა ზედა
Line of ed.: 17     დავარდა, ვითარცა კლდესა ზედა", "რამეთუ დაღათუ სიხარულით
Line of ed.: 18     შეიწყნარეს მათ იგი, მაგრა ვინაჲთგან ძირი არა აქუნდა გულსა
Line of ed.: 19     [ Page of ms.: 180r  ] მათსა, არამედ საწუთო იყუნენ და რაჟამს ჭირი და დევნაჲ მოი\წია
Line of ed.: 20     მათ ზედა, სიტყჳსა მისთჳს მეყუსეულად დაბრკოლდეს".

Line of ed.: 21        ხოლო სანატრელსა ევსტათის და შჳდთა მის თანა, რომელთა\განი
Line of ed.: 22     იყო ერთი სახელით სტეფანე, წარყუანებულთა მტარუალთა\გან
Line of ed.: 23     ბრძანებისაებრ აღპარსნეს თმანი და წუერნი და ჯაჭუნი და\ედუნეს
Line of ed.: 24     ქედსა ზედა და შებორკილებულნი საპყრობილესა შეიყენ\ნეს,
Line of ed.: 25     სადაცა პყრობილნი ექუს თთუე დაითმენდეს.

Line of ed.: 26        ჰსჯდა უკუე საპყრობილესა შინა პყრობილი სიმართლისათჳს
Line of ed.: 27     მოწამე ქრისტესი, "სხუა ვინმე იოსებ ანუ დანიილ, ვერ შეხებული
Line of ed.: 28     ლომთაგან უსხეულოთა", სადა-იგი მყოფი, თქმულთა მათ ჰყრო\ბილთაებრ,
Line of ed.: 29     სიმჭირსემან საპყრობილისამან ვერ შეჰსძრა სიმტკი\ცისაგან
Line of ed.: 30     მსახურებისა მხოლოჲსა ღმრთისა.

Line of ed.: 31        წარჰჴდეს რა თთუენი ექუსი, მოიღო ბრძანებაჲ სპარსთა მე\ფისაგან
Line of ed.: 32     არვანდ-გუშნაპ მარზაპანმან, მფლობელმან ქართლისამან,
Line of ed.: 33     რათა წარვიდეს მისდა, რომლისა დროსა წარსლვისასა მთავარნი
Line of ed.: 34     ქართლისანი სამოილითურთ ქართლისა კათოლიკოსით, რომელნი\ცა
Line of ed.: 35     ჰმართებდა მაშინ საზოგადოჲსა ზედმმაზრუელობისა საქმეთა
Page of ed.: 223   Line of ed.: 1     და მვედრებელთა მარზაპანის მიმართ ითხოვეს განთავისუფლებად
Line of ed.: 2     საპყრობილით სანატრელნი იგი პყრობილნი ევსტათი და მოყუას\ნი
Line of ed.: 3     მისნი. ხოლო მასმენელმან თხოვისა მათისამან მარზაპა\\ნმან [ Page of ms.: 189v  ]
Line of ed.: 4     ბრძანა განთავისუფლებად წმიდანი იგი პყრობილნი და ჭეშმარი\ტებისათჳს
Line of ed.: 5     მოღუაწენი, დამთმენელნი ქრისტესთჳს კიცხევათა და
Line of ed.: 6     გუემათა და პყრობილებათანი. ჰმადლობდეს ღუაწლის-დამდებელ\სა
Line of ed.: 7     მათსა და სულითა მხიარულნი უკუნ-იქცეს მცხეთადვე და შე\საბამსა
Line of ed.: 8     ცხოვრებასა შემდგომსა პირველისა მიმართ მოჰკიდებდეს.

Line of ed.: 9        წელსა მეოთხესა წარსლვითგან არვანდ-გუშნაპ მარზაპანისა
Line of ed.: 10     წარმოგზავნილ იქმნა სპარსთა მეფისაგან მარზაპანად ქართლისა
Line of ed.: 11     კაცი ზედწოდებული ვეჟან ბუზმილ. ხოლო მჰსმენელნი მოსლვისა
Line of ed.: 12     ახლისა მარზაპანისანი ბარბაროსნი,მკჳდრნი ქალაქსა შინა მცხეთას,
Line of ed.: 13     წარვიდეს წინაშე მარზაპანისა ტფილისს შესმენად სანატრელისა
Line of ed.: 14     ევსტათისა და სტეფანეჲსა, ვითარ ვერ თავსმდებელნი კეთილმსა\ხურებითისა
Line of ed.: 15     ცხოვრებისა მათისანი.

Line of ed.: 16        უწყებულ ჰყუეს მთავარი იგი უბრალოთა მათ ბრალეულე\ბით,
Line of ed.: 17     ვითარცა მხოლოჲსა ღმრთისა მსახურნი და სპარსებრისა მრა\ვალღმრთაებისა
Line of ed.: 18     მოძულენი და ითხოვეს მთავრისაგან ვედრებით,
Line of ed.: 19     რათა კრულნი მოიყუანესმცა იგინი წინაშე თჳსსა და ანუ იძულე\ბით
Line of ed.: 20     უკუნ-აქცივნენ მსახურებად ცეცხლისა და ციერთა და კერპთა
Line of ed.: 21     და ანუ სიკუდილითა განიპატიჟნენ.

Line of ed.: 22        მარზაპანმან უკუე მჰსმენელმან ბრძანა ორნი მჴედარნი წარ\სლუად
Line of ed.: 23     მცხეთად და მო\\ყუანებად [ Page of ms.: 181r  ] ევსტათი და სტეფანე წინაშე
Line of ed.: 24     მისსა. მისრულნი მცხეთად წარვლინებულნი იგი მოიწოდებდეს
Line of ed.: 25     მთავრისად ევსტათის და სტეფანეს და ასწრაფებდეს წარსლუასა
Line of ed.: 26     მალიად, რომელთა მიმართ ჰსთქუეს წმიდათა მათ: "ჩუენ უკუე
Line of ed.: 27     მინდობილნი ღმრთისანი, ჵ, ბარბაროსნო, წარვიდეთ თქუენ თანა
Line of ed.: 28     არარაჲმესაგან შიშნეულნი".

Line of ed.: 29        და აჰა, იჯმნა წმიდამან ევსტათი ცოლისაგან და შვილთა და
Line of ed.: 30     სახლეულთაგან ყოველთა, რამეთუ შემდგომად ნათლისღებისა შე\ერთებულ
Line of ed.: 31     მეუღლისა თანა კეთილმსახურისა, რომელიცა იყო ასუ\ლი
Line of ed.: 32     მცხეთელისა ვისიმე მოქალაქისა. ხოლო ეტყოდა სანატრელი
Line of ed.: 33     იგი სიდედრსა, მონათა და მჴევალთა თჳსთა: "აჰა, განგეშორები
Line of ed.: 34     თქუენ და უკანასკნელსა დაგიტევებ გიხაროდენსა, რამეთუ განიგო
Line of ed.: 35     ჩემთჳს ქრისტე ჩემისაგან სიკუდილი მისთჳს და სისხლითა ჩემითა
Line of ed.: 36     შემკობაჲ ტფილისისა. ხოლო სხეული ჩემი განგებისაებრ საღმრ\თოჲსა
Page of ed.: 224   Line of ed.: 1     მოიქცეს აქავე". და ესრეთ ნებსით შედგომილი მისდევდა
Line of ed.: 2     მკულელთად ტარიგი ქრისტესი სტეფანეს თანა, მოყუსისა თჳსისა.

Line of ed.: 3        მაშინ სახლეულთაგან ევსტათისთა გოდება და ტყება გან\მრავლდებოდა
Line of ed.: 4     და იმიერ არაგვ მდინარისა განჰჴდეს თანაწარსრულ\ნი
Line of ed.: 5     ველადმდე, რომელი არს ქუეშე გორისა მის, რომლისა წუერსა
Line of ed.: 6     ზედა შენებულ არს ეკკლესია ცხოველსმყოფელისა და პატიოსნისა
Line of ed.: 7     ჯუარისა.

Line of ed.: 8        მისრულმან უკუე ველსა მას ზედა ნეტარმან ევსტათი აღი\ხილნა
Line of ed.: 9     ზეცად და დადმა პირისპირ წმი\\დისა [ Page of ms.: 181v  ] მის ეკკლესიისა და
Line of ed.: 10     უბრალონი ჴელნი თჳსნი აღიპყრნა და იტყოდა: "გმადლობ შენ,
Line of ed.: 11     უფალო იესუ ქრისტე, ძეო თანადაუსაბამოო თანადაუსაბამოჲსა
Line of ed.: 12     მამისაო, რამეთუ ღირს-მყავ მე მეორედ სახელისათჳს შენისა შეკ\რუად
Line of ed.: 13     და პყრობილებად განმზადებად წინაშე მტერთა შენთა წმი\დისა
Line of ed.: 14     სახელისა შენისა აღსარებისა, ისმინე ცოდვილისა ამის მო\ნისა
Line of ed.: 15     შენისა, ვითარცა სახიერმან და მონათა შენთა ლოცჳსა მიმ\თუალუელმან
Line of ed.: 16     და წარმართე ჰსრბაჲ ვნებისა ჩემისა და ღირს-მყავ
Line of ed.: 17     სახელისათჳს შენისა სიკუდილსა სანატრელსა და სხეული მონისა
Line of ed.: 18     შენისა უკმოაქციე მცხეთადვე ქალაქად, სადა-იგი განბანილ იქმნა
Line of ed.: 19     წმიდითა ნათლისღებითა".

Line of ed.: 20        და ესრეთ მოიდრიკნა მუჴლნი და თაყუანისცა პატიოსანსა
Line of ed.: 21     ჯუარსა და აღდგომილმან ნიში ცხოველსმყოფელისა ჯუარისა დაჰ\ხატა
Line of ed.: 22     თჳს ზედა და შეუდგა სტეფანეს თანა წარმყუანებელთა
Line of ed.: 23     თჳსთა, კუალად ჯმნილი სახლეულთაგან თჳსთა.

Line of ed.: 24        მიყუანებული ტფილისს მჴედართაგან ევსტათი და სტეფანე
Line of ed.: 25     წარჰსდგეს წინაშე მარზაპანისა კადნიერებითა დიდითა. ხოლო
Line of ed.: 26     დადგეს რა ნეტარნი იგი წინაშე მძლავრისა და იკითხჳდა მათთჳს:
Line of ed.: 27     "ესენი არიანა ახალნი ქრისტიანენი?", აღჰსდგეს უკუე მუნ მსხდო\მარეთაგანნი
Line of ed.: 28     კაცნი მთავართაგანნი, ნათესავით სირიელნი და
Line of ed.: 29     ეტყოდეს მთავარსა სტეფანესთჳს: "მეცნიერ ვართო კაცისა ამისდ,
Line of ed.: 30     ვითარმედ სირიელი არს, მამეულად ქრისტიანე", ვინაჲცა სტეფა\ნე
Line of ed.: 31     სიტყჳთა მათითა განტევებულ იქმნა.

Line of ed.: 32        [ Page of ms.: 182r  ] სდგა უკუე წინაშე მძლავრისა მოწამე ჭეშმარიტებისა და
Line of ed.: 33     აღიარა და არა უარ-ჰყო, ვითარმედ: "ქრისტეანე ვარ შეწევნითა
Line of ed.: 34     ღმრთისა ჩემისათა, რომელმან დამბადა მე და მომცა სული, არსე\ბაჲ
Line of ed.: 35     უკუდავი და უხრწნელი და გონიერი, რომელიცა დააბნელა
Line of ed.: 36     პირველ წინაპართა მშობელთა შეცთომილებამან, განაღა აწ განათ\ლებული
Line of ed.: 37     ერთითა ნათლითა ჰსტრფის ერთისა მის მიმართ ნათელთ\შემოქმედისა
Line of ed.: 38     არსებისა, რომელმანცა განანათლა ესე.

Line of ed.: 39        გრწმენინ ჩემი, ჵ, მძლავრო, ვითარმედ მე სხუათაცა უკუე
Page of ed.: 225   Line of ed.: 1     განმიკითხეს მძლავრთა და რომელიცა-იგი მომიღიეს მადლი წინა\შე
Line of ed.: 2     მათსა კადნიერებისა და ქრისტესთჳს ტანჯუათა და სიკუდილი\სა
Line of ed.: 3     უშიშობისა, არა წარმიწყმედიეს.

Line of ed.: 4        მე უკუე აღვიარებ ერთსა მამასა მხოლოდშობილითურთ ძით
Line of ed.: 5     და ყოვლად წმიდით სულით. "ვერვინ განმაშოროს მე სიყუარულ\სა
Line of ed.: 6     მას ქრისტესსა, ჭირმან ანუ იწროებამან, დევნამან ანუ სიყმილ\მან,
Line of ed.: 7     შიშლოებამან ანუ ურუამან, ანუ მახჳლმან", არცა გუემათა,
Line of ed.: 8     არცა პყრობილებამან, არცა დაჭრამან ასოთამან, არცა რკინათა
Line of ed.: 9     სხუადასხუაგუარ დანაკუეთებულთა საშინელებამან, არცა მძჳვნუ\არებამან
Line of ed.: 10     მჴეცთამან, რამეთუ საწადელ ჩემდა ესე ყოველნი ქრის\ტესთჳს
Line of ed.: 11     ჩემისა".

Line of ed.: 12        ჰრქუა მთავარმან ლიქნით მებრ ჩუეულებისა სპარსთა მზაკუა\რებისა
Line of ed.: 13     და მებრ ფრასისაცა ენისა სპარსებრისა: "ისმინე, შვილო,
Line of ed.: 14     განზრახუაჲ ესე მამობრივი, ანუ ამცირებ დღეთა ტკბი\\ლისა [ Page of ms.: 182v  ] სი\ცოცხლისათა
Line of ed.: 15     და ნუ ჰსწადნოჲ ქურივ-ყოფასა ცოლისა და სიობ\ლესა
Line of ed.: 16     შვილთა შენთასა".

Line of ed.: 17        მიუგო მოწამემან ქრისტესმან: "ჩემდა განზრახუათა მაგათ
Line of ed.: 18     შენთა, რომელთაცა მაზრახებ, ესგუარ ჰრაცხავს გონებაჲ ჩემი,
Line of ed.: 19     ვითარცა ბგერასა ქართა უჴმართასა. დაჰსცხერინ ჴმანი ცუდნი,
Line of ed.: 20     დაირღუედ წინადადებანი გმობითა სავსენი, შეუძლებელ არს
Line of ed.: 21     მტერთაგან ჭეშმარიტებისათა გარდაქცევაჲ ჩემი
Line of ed.: 22     ჭეშმარიტებისა/გან".

Line of ed.: 23        მხილუელმან სიმტკიცესა ქრისტეს მოწამისამან მძლავრმან,
Line of ed.: 24     ვითარმედ ვერცა აღთქმითა დიდებათა და სიმდიდრეთა, ვერცა ქა\დებითა
Line of ed.: 25     სატანჯუელთა და სიკუდილისათა არწმუნა მას ქმნად ნე\ბაჲ
Line of ed.: 26     თჳსი, უბრძანა მონათა თჳსთა ხუაშიადად წარყუანებაჲ ევსტა\თისი
Line of ed.: 27     საპყრობილედ და იდუმალ წარკუეთად ყოვლად პატიოსანი
Line of ed.: 28     თავი მისი მით, რომელ ნუსადა აღიღონ ქრისტიანეთა ყოვლად პა\ტიოსანი
Line of ed.: 29     სხეული მისი და პატივ-ჰსცენ მას ჩუეულებისაებრ, არა\მედ
Line of ed.: 30     განგდებად გარე შეჭმად მფრინუელთა და მჴეცთა.

Line of ed.: 31        წარიყუანეს მოწამე ქრისტესი ბრძანებისაებრ მტარუალთა
Line of ed.: 32     მძლავრისათა საპყრობილედ და, ვითარცა ჰსცნა მოწამემან ქრის\ტესმან,
Line of ed.: 33     ვითარმედ აღმობრწყინდა მისდა დღე ცხოვრებისა და მო\იწია
Line of ed.: 34     მისულაჲ ჴელთა შინა მამისა ღმრთისათა ყოვლად განწმედი\ლისა
Line of ed.: 35     სულისა მისისა, ევედრა მტარუალთა მცირედ დაცადებად
Line of ed.: 36     ბრძანებულისა, ხოლო მტარუალთა მათ აცადეს თხოვისებრ.

Page of ed.: 226  
Line of ed.: 1        [ Page of ms.: 183r  ] მაშინ მოიდრიკნა მუჴლნი და აღიხილნა ზეცად და განმპყრო\ბელმან
Line of ed.: 2     ჴელთამან ჰსთქუა: "მეუფეო უფალო ყოვლისა მპყრობე\ლო,
Line of ed.: 3     მამაო უფლისა ჩუენისა იესუ ქრისტესო, მნებებელო ყოველ\თა
Line of ed.: 4     კაცთა ცხოვრებად და ცნობად ჭეშმარიტებისა შენისა მოსლუ\ად,
Line of ed.: 5     შენ უკუე, მეუფეო, რომელმანცა მიითუალენ სიკუდილი წმი\დათა
Line of ed.: 6     შენთა მოწამეთა, ვითარცა მსხუერპლი და პატიოსანი იგი სისხ\ლი
Line of ed.: 7     მათი, ვითარცა სუნნელი შესაბამი შეწირუად შენსა ზეცისა სა\კურთხეველსა
Line of ed.: 8     და გჳრგჳნოსან ჰყუენ იგინი იესუ ქრისტეს თანა
Line of ed.: 9     მხოლოდშობილისა ძისა შენისა და უფლისა ჩუენისა, ღირს-მყავ
Line of ed.: 10     მეცა, უფალო, ზიარებასა წმიდათა შენთა მოწამეთასა და შერთუ\ლად
Line of ed.: 11     გუნდსა, იესუ, შენისათჳს მოკლულთასა მე, უნარჩევესი ყო\ველთა
Line of ed.: 12     წმიდათა მათ შენთა მოწამეთა შორის. შენ უწყი, უფალო,
Line of ed.: 13     ვითარცა ყოვლისა მეცნიერმან, რამეთუ უფროს მშობელთა, ძმათა
Line of ed.: 14     და ნათესავთა ჩემთა შეგიყუარე შენ და სახელისათჳს შენისა მი\ვიღებ
Line of ed.: 15     სიკუდილსა და შენდამი შევჰსწირავ ცხოვრებასა ჩემსა
Line of ed.: 16     "სულისა მიერ შემუსრვილისა და მბერვისა სიმდაბლისასა, შემი\წყნარე.
Line of ed.: 17     ვითარცა ყოვლადდასაწუელებისა მიერ ვერძთა კურო\თასა
Line of ed.: 18     და ვითარცა ბევრებისა მიერ კრავთა პოხიერთასა, ესრეთ
Line of ed.: 19     იქმენინ მსხუერპლი ჩემი წინაშე შენსა, უფალო, დღეს და სრულ\ჰყავ
Line of ed.: 20     შემდგომად შენსა, რამეთუ არა არს სირცხჳლი მოსავთა შენ\დამი
Line of ed.: 21     და აწ შეგიდგ ყოვლისა მიერ გულისა და ვეშიშვი შენ და
Line of ed.: 22     ვეძიებ პირსა შენსა". კუალად ვითხოვ შენ სახიერისაგან ღმრთისა
Line of ed.: 23     ჩემისა არა დატევებად სხეულისა [ Page of ms.: 183v  ] ჩემისა აქა, არამედ უკუნ-ქცე\ვად
Line of ed.: 24     მცხეთად, სადა-იგი გამომიჩნდი მე და რათა აქუნდეს მადლი
Line of ed.: 25     და კურნებაჲ ძუალთა ჩემთა, ვითარცა პირველთა ჩემთა მოწამეთა
Line of ed.: 26     შენთა".

Line of ed.: 27        მომზრახობენ ძუელნი ისტორიკოსნი საღმრთოჲსა ევსტათის
Line of ed.: 28     ყოვლად საგალობელთა ღუაწლთანი, ვითარმედ: "ესმაოჴმაჲ, რომე\ლი
Line of ed.: 29     ეტყოდა ევსტათის: "არა უნაკლულეს იყო შენ მადლითა კურ\ნებისათა
Line of ed.: 30     პირუელთა მათ შენთაგან, რომელთა ჰსწამეს ჩემთჳს, ხო\ლო
Line of ed.: 31     ნურარაჲმე გაქუს ზრუნუაჲ ჴორცთათჳს, რამეთუ ვჰყო თხო\ვისაებრ
Line of ed.: 32     შენისა".

Line of ed.: 33        მჰსმენელი უკუე ამათი მოწამე ჭეშმარიტებისა მხიარულ იქმ\ნა
Line of ed.: 34     სულითა წმიდითა და მმადლობელმან ღმრთისამან მიუპყრა ქე\დი
Line of ed.: 35     მახჳლისა მიმართ და ესრეთ წარიკუეთა თავი იგი მისი ყოვ\ლად
Line of ed.: 36     პატიოსანი და შესუა ესრეთ "სასმელი ცხოვრებისა და მოი\ღო"
Page of ed.: 227   Line of ed.: 1     გჳრგჳნი სიმართლისა და "შარავანდედი სიკეთისა ჴელისა\გან
Line of ed.: 2     უფლისა", რამეთუ "მოიღუაწა ღუაწლი კეთილი, აღასრულა
Line of ed.: 3     ჰსრბაჲ და დაიმარხა სარწმუნოებაჲ".

Line of ed.: 4        განაგდეს უკუე მტარუალთა ღამე სხეული მოწამისა, რომე\ლიცა
Line of ed.: 5     იხილეს რა ვიეთმე ქრისტეანეთა, აღიღეს იგი და წარიღეს
Line of ed.: 6     მცხეთას, რამეთუ ესრეთ ემცნო მათდა სტეფანეს, მეგობარსა და
Line of ed.: 7     ზიარსა ევსტათი დიდისა ყოვლად საქებელთა ღუაწლთასა, ვითარმედ
Line of ed.: 8     "რაჟამს მიიღოსო ქრისტესთჳს სიკუდილი მოწამემან ევსტათი,
Line of ed.: 9     აღიღეთ იდუმალ ყოვლად პატიოსანი ჴორცი მისი და წარმოიღეთ
Line of ed.: 10     მცხეთას, რათა დაიდუას კათო\\ლიკე [ Page of ms.: 184r  ] ეკკლესიასა შინა ქართუელ\თასა
Line of ed.: 11     სადიდებელად ღმრთისა, რამეთუ ესრეთ იყო თხოვაჲ წმიდი\სა
Line of ed.: 12     მის ჩემდა, რათა ნაწილნი მისნი დაიდუნეს ჩუენგან მცხეთას".

Line of ed.: 13        წარმღებელთა ქრისტესთჳს ვნებულისა სხეულისათა კეთილ\მსახურთა
Line of ed.: 14     მათ მოქალაქეთა ტფილისელთა უწინარეს მოსულისა
Line of ed.: 15     თჳსისა აუწყეს სტეფანეს ნაწილთათჳს წმიდისათა; და უწყებულმან
Line of ed.: 16     სტეფანე უწყებულ ჰყო სამოილცა ნეტარი, მაშინდელი იგი მამათ\მთავარი
Line of ed.: 17     ქართუელთა. ხოლო ვჰგონებ ამისთჳს თჳნიერ იჭვსა, ესე
Line of ed.: 18     სამოილ იგი არს, რომელმანცა დროსა მამათმთავრობისა სხჳსა სა\მოილისსა,
Line of ed.: 19     პატივითა არხიდიაკონმან, საღმრთონი საიდუმლონი
Line of ed.: 20     განუმარტნა ნეტარსა ევსტათის და ცნობად ჭეშმარიტებისა მოი\ყუანა
Line of ed.: 21     იგი.

Line of ed.: 22        მაშინ მოუწოდა თჳსდა მამათმთავარმან სამოილ კრებულსა
Line of ed.: 23     სამღუდელოსა და განუცხადა მათ ყოვლად პატიოსანი იგი ვნებაჲ
Line of ed.: 24     და სიკუდილი ქრისტესთჳს ევსტათი დიდისა და მათ თანა მიგებე\ბად
Line of ed.: 25     ქრისტესთჳს მომკუდრისა სხეულისა წარვიდა და ლიტანიო\ბითა,
Line of ed.: 26     გალობითა მოიღო დიდსა შინა ეკკლესიასა მცხეთისასა და
Line of ed.: 27     დაჰკრძალა იგი შესაბამსა ადგილსა, ახლად ქმნილსა შინა სამარტჳ\ლესა,
Line of ed.: 28     რომლისაგან აღმოეცენებოდიან მადლნი კურნებათანი. ხო\ლო
Line of ed.: 29     სამღუდელოჲსა მის კრებულისა თანა საჴსენებელი მოწამისა
Line of ed.: 30     იეკკლესია და განაწესა დღესასწაული წელიწდითი-წელიწდად
Line of ed.: 31     თთუესა [ Page of ms.: 184v  ] იულისსა კთ.

Line of ed.: 32        ხოლო მდგომარეობს ევსტათი პატიოსანი წინაშე საღმრთოჲსა
Line of ed.: 33     საკურთხეველისა და შესწირავს ყოვლად წმიდისა სამებისა მიმართ
Line of ed.: 34     მსხუერპლთა ქებისათა და მეოხ არს ყოვლისა სოფლისათჳს და
Line of ed.: 35     უფროსღა ჩუენთჳს, რომლისა ოხისა შემწირუელი უფალი დიდე\ბისა
Line of ed.: 36     დღითი-დღე კეთილმსახურებასა შინა და მეცნიერებასა "აღ\გუაორძინებს
Page of ed.: 228   Line of ed.: 1     მადლითა და მეცნიერებითა უფლისა ჩუენისა იესუ
Line of ed.: 2     ქრისტესითა. მისა დიდება აწ და დღეთა მათ საუკუნეთა უკუ\ნისამდე,
Line of ed.: 3     ამინ".



Next part


This text is part of the TITUS edition of Old Georgian Hagiographical Texts, vol. VI.

Copyright TITUS Project, Frankfurt a/M, 18.8.2015. No parts of this document may be republished in any form without prior permission by the copyright holder.