TITUS
Giorgi Mtavarmocame
Part No. 10
Previous part

Text: Mart._Met._2  
Line of ed.: 1    თვესა ნოენბერსა ი (10) და აპრილსა კგ (23)


Line of ed.: 2  წამებაჲ და შესხმაჲ წმიდისა და დიდებულისა ქრისტეს მოწამისა
Line of ed.: 3  გიორგისი, აღწერილი სჳმეონ ლოღოთეტის მიერ, რომელი იკი\თხვების
Line of ed.: 4  საბერძნეთისა უმრავლესთა ეკლესიათა შინა, რამეთუ
Line of ed.: 5  სიღრმისათჳს იხუმევენ ამას


Line of ed.: 6       ოდეს-იგი კერპთმსახურებისა წყუდიადსა მოეცვა სოფე\ლი
Line of ed.: 7    ესე, არა ხოლო თუ შენნი, არამედ მცირედღა უშენნიცა
Line of ed.: 8    ყოველნი აღვსებულ იყვნეს უღმრთოებითა. და კნინღა და
Line of ed.: 9    ყოველნი კაცნი მიდრეკილ იყვნეს უღმრთოებისა მიმართ,
Line of ed.: 10    რამეთუ დეოკლიტიანე და მაქსიმიანე აღმაღლებულ იყვნეს
Line of ed.: 11    საყდარსა ზედა მეფობისათა, კაცნი ოდესვე გამოჩინებული\თა
Line of ed.: 12    კერპთმსახურებითა უშჯულოესნი და უუღმრთოესნი ამით,
Line of ed.: 13    ვინაჲთგან უღმრთოებისა აღორძინებაჲ დიდად სწადოდა და
Line of ed.: 14    სიბრძნედ შეერაცხა და სიქველედ. ყოველნივე ჴელმწიფები\სა
Line of ed.: 15    თჳსისა მთავარნი შემოკრიბნეს და დღე ყოველ მათ თანა
Line of ed.: 16    ზრახვა-ყვეს ამის ჯერისათჳს და, ვინაჲთგან მათითა მითვე
Line of ed.: 17    გონებითა იპოვნეს იგინიცა, განზრახვისა მის უჯეროჲსა
Line of ed.: 18    მძლავრებითა ჴელმწიფებისაჲთა ისწრაფეს დამტკიცებაჲ.
Line of ed.: 19    ამისთჳსცა მრავლითა მოსწრაფებითა წიგნები და ებისტო\ლები
Line of ed.: 20    წარსცეს ყოველსა საბრძანებელსა თჳსსა, რაჲთა სა\ცინელთა
Line of ed.: 21    მათ და მცბიერთა ღმერთთა მსხუერპლებითა პა\ტივს-სცემენ,
Line of ed.: 22    რამეთუ ჰგონებდეს უგუნურნი იგი, ვითარმედ
Line of ed.: 23    მათ მიერ მიენიჭების და რაჲთა რომელნიცა იპოვნენ ქრის\ტეანეთაგანნი,
Line of ed.: 24    უკუეთუ შემდგომად განკითხვისა არა უვარ\ყონ
Line of ed.: 25    სარწმუნოებაჲ თჳსი, მრავალფერთა და თითოსახეთა
Line of ed.: 26    მიეცნენ სატანჯველთა. ხოლო უკანაჲსკნელ თავისა მოკუე\თითა
Line of ed.: 27    დაისაჯნენ.

Line of ed.: 28       მაშინ უკუე საკჳრველი და ჭეშმარიტად ახოვანი ქრის\ტეს
Line of ed.: 29    მჴედარი წმიდაჲ და დიდებული გიორგი, ვითარცა მთი\ები
Line of ed.: 30    განთიადისა ღამესა შინა უკუნსა, გამობრწყინდა და საქ\მით
Line of ed.: 31    გამოაჩინა ქრისტეს მიმართ სარწმუნოებაჲ თჳსი და ჭეშ\მარიტებისა
Page of ed.: 161   Line of ed.: 1    ბრწყინვალებაჲ. ხოლო იყო მამულით კაბადუკი\ისაჲ,
Line of ed.: 2    აღზრდით პალესტინისაჲ, მამა-დედათა წარჩინებულ\თაჲ
Line of ed.: 3    მშობელთა და პაპათაჲთგან ღმრთისმსახური, ჭაბუკი ჰა\საკითა
Line of ed.: 4    და სიბერითა, წრფელი გულითა, მბრძოლი
Line of ed.: 5    უღმრთოებისაჲ, მოწამე ღმრთისმსახურებისაჲ და სავსე მად\ლითა
Line of ed.: 6    ზეგარდამოჲთა, რომელი აღიზარდა სიყრმითგან ახოვ\ნებისა
Line of ed.: 7    სწავლასა შინა და კომსად საჩინოდ გუნდსა ანკიო\რელთასა
Line of ed.: 8    დაიდგინა. და ოდეს-იგი განვიდა მეფე წყობად
Line of ed.: 9    სპარსთა აღმოსავალით კერძო, მრავალი სიქველე აჩუენა და
Line of ed.: 10    იქმნა მჴნე და გამოცდილ ბრძოლათა შინა და ფრიად გა\მოცდილებაჲ
Line of ed.: 11    შემოიკრიბა და მრავალთა შინა ბრძოლათა გან\მარჯუებულ
Line of ed.: 12    იქმნა, რამეთუ იყო იგი მახჳლ გონებითა და
Line of ed.: 13    განზრახვად კეთილისა და გამორჩევად უმჯობესისა.

Line of ed.: 14       და ვინაჲთგან ესრეთ სახელოვან იქმნა და უაღრესსა ეძი\ებდა
Line of ed.: 15    პატივსა, პოვა, არა რომელსა ეძიებდა, არამედ რომლი\სა-იგი
Line of ed.: 16    ღირს იყო ჭეშმარიტად თანა-მოღუაწებითა საღმრთო\ჲსა
Line of ed.: 17    მადლისაჲთა, რამეთუ აღიღო სიმრავლე საფასეთაჲ მა\მულთა
Line of ed.: 18    მონაგებთა თჳსთაგან და მიიწია მეფისა, რაჲთამცა
Line of ed.: 19    მიიღო პატივი მის მიერ უზეშთაესისა მთავრობისაჲ. და იქმ\ნა
Line of ed.: 20    მის ზედა, რაჲ-იგი იქმნა საულის ზედა: რამეთუ იგი კა\რაულთა
Line of ed.: 21    ეძიებდა და მეფობაჲ ქუეყანისაჲ პოვა, ხოლო ესე
Line of ed.: 22    ამა სოფლისა პატივსა ეძიებდა და სასუფეველი ცათაჲ პოვა
Line of ed.: 23    და საქმისა მის გარეწარი იგი უზეშთაეს იქმნა, რამეთუ მი\რაჲ-იწია,
Line of ed.: 24    ვითარცა ვთქუ, და იხილა, ვითარ იგი ღმერთი
Line of ed.: 25    შეურაცხ იქმნებოდა და ეშმაკნი პატივ-იცემებოდეს, ვერ
Line of ed.: 26    თავს-იდვა ესე მოშურნემან მან კეთილისათჳს, არამედ სული
Line of ed.: 27    მისი შურითა ღმრთისმსახურებისაჲთა აღეტყინა და სიტყუა\ნი
Line of ed.: 28    იგი დავითისნი მოიჴსენნა, ვითარმედ: "ვიხილენ უჯერონი
Line of ed.: 29    და დავდნებოდე". და კუალად, ვითარმედ: "განმკაფა მე შურ\მან
Line of ed.: 30    შენმან, რამეთუ დაივიწყნეს სიტყვანი შენნი მტერთა ჩემ\თა".
Line of ed.: 31    და მერმე საუფლონი იგი ბრძანებანი მოიჴსენნა, ვითარ\მედ:
Line of ed.: 32    "რომელმან აღმიაროს მე წინაშე კაცთა, მეცა აღვიარო იგი
Line of ed.: 33    წინაშე მამისა ჩემისა ზეცათაჲსა". და ისწრაფა აღთქუმისა
Line of ed.: 34    მის საღმრთოჲსა მოტაცებაჲ და აღსაარებითა თჳსითა აღმ\საარებლად
Line of ed.: 35    მისა უტყუველად მოგებად მეუფისა. ესრეთ გან\ჴურდა
Line of ed.: 36    რაჲ შურითა საღმრთოჲთა და თჳსი გულისსიტყუაჲ,
Page of ed.: 162   Line of ed.: 1    ვითარცა ისარი, აღლესა, მყის წარემართა გზასა მას
Line of ed.: 2    წამე/ბისასა.

Line of ed.: 3       ხოლო ეგულებოდა რაჲ შესლვაჲ იწროსა მას ბჭესა ცხო\რებისასა,
Line of ed.: 4    რაჲთა არა ექმნას დამაბრკოლებელ სიზრქე სიმ\დიდრისაჲ,
Line of ed.: 5    არამედ რაჲთა უმეტესად ახოვან იყოს წამებაჲ
Line of ed.: 6    მისი, ყო იგი თანაშემწე კეთილსა. და ყოველივე გლახაკთა
Line of ed.: 7    განუყო და ესრეთ ლოცვითა მათითა თანაშემწედ თჳსად
Line of ed.: 8    მოიგო ღმერთი და ახოვანებით განვიდა განწყობისა მის
Line of ed.: 9    მიმართ მტერთაჲსა, რამეთუ შეიმოსა ყოვლად საჭურველი
Line of ed.: 10    იგი სულიერი, რომელსა მოციქული სარწმუნოებისა მიერ
Line of ed.: 11    შეიმოსს მორწმუნეთა, და წელნი თჳსნი ჭეშმარიტებითა მო\ირტყნა
Line of ed.: 12    და ჯაჭჳ იგი სიმართლისაჲ შთაიცუა და ჩაფხუტი
Line of ed.: 13    იგი ცხორებისაჲ დაიდგა და ფერჴნი განმზადებულებითა მით
Line of ed.: 14    საცთურებისა მის მშჳდობისაჲთა შეისხნა. ამას ყოველსა ზე\და
Line of ed.: 15    აღიღო ფარი სარწმუნოებისაჲ ჴელთა თჳსთა და მახჳლი
Line of ed.: 16    იგი სულისა, რომელ არს სიტყუაჲ ღმრთისაჲ, და ესრეთ
Line of ed.: 17    ყოვლით კერძო კეთილად აღჭურვითა მოიზღუდა თავი თჳსი
Line of ed.: 18    და ზეცათა მეუფესა შემწედ მოუწოდა. და დაიღრჭინნა,
Line of ed.: 19    ვითარცა ლომმან ახოვნებით და უღმრთოებისა მიმართ წყო\ბად
Line of ed.: 20    განვიდა და პოვნა იგი, რომელთა ზედა წოდებულ იყო
Line of ed.: 21    სახელი მეფეთაჲ. და იგინი იყვნეს მონა უღმრთოებისა, რო\მელნი
Line of ed.: 22    ჴელმწიფებასა მას ბოროტად იჴმხარებდეს მომნიჭე\ბელისა
Line of ed.: 23    მის მიმართ ღმრთისა და ურიცხუნი იგი სახენი სა\ტანჯველთანი
Line of ed.: 24    არა უღმრთოთა, არამედ ღმრთისმსახურთა და
Line of ed.: 25    უბიწოდ მავალთათჳს წინა-დადებულნი და ყოველნი ტომნი
Line of ed.: 26    და ენანი გარემოჲს დგეს შეჭურვილნი და მახჳლოსანნი
Line of ed.: 27    ზრახვიდეს და იქადოდეს, ვითარმედ: სახელ თუ ოდენ ვინ\მე
Line of ed.: 28    სდვას ქრისტესა, უწყალოებით დაიჭრას და განილიოს.

Line of ed.: 29       მაშინ აღდუღნა საღმრთოჲთა მით შურითა და შინებანი
Line of ed.: 30    იგი და სიქადულნი, ვითარცა სიზმარი და უფროჲსღა ვი\თარცა
Line of ed.: 31    ყრმათა სამღერელად შეჰრაცხნა და ვითარცა ეზრახა
Line of ed.: 32    თავსა თჳსსა და კეთილი იგი და საღმრთოჲ განზრახვაჲ
Line of ed.: 33    განაზრახა და კადნიერებისა მიმართ აღჭურა. განაპო სიმრავ\ლე
Line of ed.: 34    იგი ურიცხჳ და შორის მათსა შევიდა და თავი თჳსი
Line of ed.: 35    განცხადებულ ქადაგა, ვითარცა ქრისტიანე არს და მონა ქრის\ტესი.
Line of ed.: 36    და ესევითარი იგი კადნიერებაჲ და სამგზის სანატრე\ლი
Page of ed.: 163   Line of ed.: 1    აღსაარებაჲ ჰარემან რაჲ მიიღო, წმიდა იქმნა და ყოველ\თა
Line of ed.: 2    ძალთა ზეცისათა დაუკჳრდა. ხოლო ღმერთმან და მეუ\ფემან
Line of ed.: 3    ყოველთამან შეიწირა და ყოვლად ძლიერითა მით მარ\ჯუენითა
Line of ed.: 4    თჳსი იგი აღმსაარებელი გჳრგჳნოსან ყო, ხოლო
Line of ed.: 5    კრებული იგი უსჯულოთაჲ განცჳბრდა დსა ერისმთავარი მათი
Line of ed.: 6    ეშმაკი სასიკუდინედ მოიწყალა.

Line of ed.: 7       ხოლო ახოვანი იგი მოღუაწე დგა და ბრწყინვალითა და
Line of ed.: 8    ძლიერითა ჴმითა ქრისტესა აღიარებდა ღმერთად. ხოლო
Line of ed.: 9    კერპთა სახელ-სდვა და ბასრობითა შეურაცხ-ჰყოფდა და
Line of ed.: 10    აგინებდა და მათ მათთა მსგავსთა სიბრმესა და ამაოებასა
Line of ed.: 11    ამხილებდა, რომელნი-იგი ტყუვილით ღმერთად წამებდეს
Line of ed.: 12    არა ღმერთთა მათ და მათ ყოველთა ღმრთისა მიმართ ჭეშ\მარიტისა
Line of ed.: 13    მოუწოდა და სიტყუასა მას წერილისასა ღაღადებ\და,
Line of ed.: 14    ვითარმედ: "ღმერთთა, რომელთა ცაჲ და ქუეყანაჲ არა
Line of ed.: 15    შეუქმნიეს, წარწყმდეს".

Line of ed.: 16       მაშინ უკუე ამპარტავანსა ამას და ზუავსა მეფესა და მის\სა
Line of ed.: 17    მას ბოროტისა თანა-მზრახვალსა ესე რაჲ ესმა, საჴუმი\ლებრ
Line of ed.: 18    აღეტყინნეს და უკეთურებით და ზაკუვით ყოვლით
Line of ed.: 19    კერძო მოღუაწესა მას უძლეველსა გამოსცდიდეს, რასა არა
Line of ed.: 20    იტყოდეს, ანუ რასა არა იქმოდეს ღონეს.

Line of ed.: 21       რამეთუ ოდესმე სიტყჳსაებრ დავითისა უფროჲს ზეთისა
Line of ed.: 22    მოალბობდეს სიტყუათა მათთა და ოდესმე უფროჲს ისრის\პირთა
Line of ed.: 23    აღჰმახუვიდეს მათ და ესრეთ ესროდეს, შუენიერე\ბასა
Line of ed.: 24    მისსა აქებდეს და წარჩინებულებასა და სიმჴნესა ბრძო\ლათა
Line of ed.: 25    შინა საკჳრველ ჰყოფდეს, სიჭაბუკესა მისსა შეწყალე\ბად
Line of ed.: 26    ევედრებოდეს და ზაკუვით ეტყოდეს, ვითარმედ: "ნუ
Line of ed.: 27    აღირჩევ სიკუდილსა უფროჲს ცხორებისა". და ცხადსა წარ\წყმედასა
Line of ed.: 28    უჩინოჲსა სასოებისა და საფასეთა და პატივთა და
Line of ed.: 29    ნიჭთა დიდთა უქებდეს უსჯულოებით. ხოლო ვინაჲთგან რეცა
Line of ed.: 30    კეთილად საგონებელთა მათ ლიქნათა მიერ ვერცა თუ კნინ
Line of ed.: 31    შეარყიეს, მერმე სატანჯველთა მიერ ბოროტთა სიმრავლესა
Line of ed.: 32    უთქუმიდეს იდა გრძელისა და მწარისა სიკვდილისა მის ზედა
Line of ed.: 33    მოწევნად ექადოდეს. ვინაჲთგან კულა ამის ყოვლისა მიმართ
Line of ed.: 34    სიმტკიცე და უქცეველობაჲ მისი იხილეს, დაფუძნებული
Line of ed.: 35    მსგავსად სახლსა მას გონიერისა მის კაცისასა, რომელი არცა
Line of ed.: 36    წჳმათა მიერ, არცა მდინარეთა, არცა ქართა შერყეულ იქმნა
Page of ed.: 164   Line of ed.: 1    და რამეთუ ესრეთ ამაო იყვნეს მის თანა სიტყუანი მათნი,
Line of ed.: 2    ვითარცა რაჲ ვინ აშინებს ლომსა სიცილით, ანუ თუ ესრინ
Line of ed.: 3    ცასა ისრითა, რამეთუ ახოვანი იგი მოთმინებითა სძლევდ ღო\ნეთა
Line of ed.: 4    მათთა და ტანჯვათა და წყლულებათა მათთა ეცინებო\და,
Line of ed.: 5    ამისთჳსცა იგინი უფროჲსად იგუემებოდეს ვიდრე-ღა
Line of ed.: 6    იგი, რამეთუ იგი საწადელსა თჳსსა აღასრულებდა, ხოლო
Line of ed.: 7    იგინი თჳსსა მას ნებასა ვერ შემძლებელ იყვნეს ქმნად მის
Line of ed.: 8    ზედა. განძჳნდეს უკუე და საქმეთა მიმართ მიდრკეს და ძელ\სა
Line of ed.: 9    ზედა დამოკიდებულისაჲ ლახურითა ბრძანეს განგუმერაჲ.
Line of ed.: 10    და წმიდაჲ იგი იტყოდა: "გმადლობ შენ, მეუფეო და ღმერ\თო
Line of ed.: 11    ჩემო, რამეთუ ღირს მყავ მე ბაძვად პატიოსანთა მათ ვნე\ბათა
Line of ed.: 12    შენთა". და ლახუარი იგი, ვითარცა ტყჳვისაჲ, უკუნ\იქცა,
Line of ed.: 13    რამეთუ არა ერჩდა უსჯულოთა მათ, არამედ უფროჲსღა
Line of ed.: 14    არა ვნებად მოწამისა მორჩილ და ესრეთ უტყჳ იგი და უსუ\ლოჲ
Line of ed.: 15    პირუტყუელთა მათ უგუნურებასა ამხილებდა. და ვი\თარცა
Line of ed.: 16    ამას ზედა ნებაჲ თჳსი ვერ აღასრულეს, უმეტესად
Line of ed.: 17    რისხვად აღეგზნნეს და უძჳრესთა გუემათა მიმართ მიიცვალ\ნეს.
Line of ed.: 18    და უბრძანეს საპყრობილედ შეყენებაჲ მისი, ვიდრემდის
Line of ed.: 19    განიზრახონ სატანჯველთათჳს, ხოლო რაჲთა არა საპყრობილე
Line of ed.: 20    ხოლო იყოს ტანჯვა მისსა და თავადი მოლხინებით იყოფე\ბოდის,
Line of ed.: 21    ძელსა შინა დაჰკრძალნეს ფერჴნი მისნი და პირაღ\მართ
Line of ed.: 22    განრთხმულსა ლოდი ფრიად მძიმე დასდვეს მკერდსა
Line of ed.: 23    მისსა ზედა ღამე ყოველ, ხოლო იგი მერმეცა ჰმადლობდა-ვე
Line of ed.: 24    ღმერთსა და სატანჯველად დადებულსა მას ლოდსა ილოცვი\და,
Line of ed.: 25    რაჲთა ექმნეს სიმტკიცე გონებისა და ხარისხად სარწმუ\ნოებისა
Line of ed.: 26    და საკჳრველ წამებისა.

Line of ed.: 27       და ხვალისაგან განზრახვითა ეშმაკისაჲთა უფიცხლესი სა\ტანჯველი
Line of ed.: 28    მოიგონა დეოკლეტიანე მძლავრმან, რაჲთამცა ვერ
Line of ed.: 29    შეუძლო სიმტკიცისა მისისა შეძრვად, და ურმისთუალი რაჲმე
Line of ed.: 30    საშინელი, აღვსებული მახჳლებითა, შეჰმზადა და ბრძანა,
Line of ed.: 31    რაჲთა ღონისძიებითა მანქანებისაჲთა იქცეოდის და მას ზედა
Line of ed.: 32    დასჯილსა შემუსრვილად და დაჭრილად გამოაჩინებს და რაჲ\თა
Line of ed.: 33    ხილვა ოდენ მისი დასჯადსა მას ზედა გამოუთქუმელთა
Line of ed.: 34    შიშითა მიერ აღავსებდეს. ამას ზედა დაკრულ იქმნა წმი\დაჲ
Line of ed.: 35    იგი შიშუელი და ლოცვითა და სასოებითა ღმრთისაჲთა
Line of ed.: 36    განამტკიცა სული თჳსი და უმეტესითა ტანჯვითა, ვითარცა
Page of ed.: 165   Line of ed.: 1    უმეტესთა სასყიდელთა მომლოდებელი, ახოვნებით მოით\მენდა.
Line of ed.: 2    და ესრეთ დამსჭუალულსა რაჲ აქცევდეს უშიშსა მას,
Line of ed.: 3    გონებითა დაიბზარვოდა და დაიჭრებოდა და მოქცევასა მას
Line of ed.: 4    ურმისთუალისასა შეჭირვებული მძჳნვარედ შეიმუსრვიდა და
Line of ed.: 5    ესოდენ მძჳნვარედ, ვითარმედ გმობისაცა სიტყუათა იწყეს
Line of ed.: 6    ზრახვად უსჯულოთა მათ და იტყოდეს, ვითარმედ: "სადა აწ
Line of ed.: 7    ღმერთი გიორგისი და რად არა მოვიდა ჴსნად მისა ჴელთაგან
Line of ed.: 8    ჩუენთა?" და საგონებელ იყო, თუ მისთჳს თქუმულ არიან
Line of ed.: 9    სიტყუანი ესე საღმრთონი, ვითარმედ: "შემუსრვასა ძუალთა
Line of ed.: 10    ჩემთასა მაყუედრიდეს მე მტერნი ჩემნი, რამეთუ მეტყჳედ
Line of ed.: 11    მე მარადღე, სადა არს ღმერთი იგი მისი?" და ამას რაჲ იტყო\დეს,
Line of ed.: 12    ჰგონებდეს საწყალობელნი იგი, ვითარმედ ვერღარა სა\და
Line of ed.: 13    მიემთხჳო ჴსნასა, გინა ცხორებასა და უმეცარ იქმნნეს
Line of ed.: 14    უგუნურსა, ვითარმედ და იგიცა, რომელ დატევებულ იქმნა
Line of ed.: 15    ვნებად, არა თუ ამისთჳს იქმნა, ვითარმცა იგი ღირს იყო
Line of ed.: 16    დატევებასა, ანუ თუ არა იყო მჴსნელი, არცა მაცხოვარი,
Line of ed.: 17    არამედ მიეშვა ვნებად, რაჲთა სურვილი მისი ქრისტეს მი\მართ
Line of ed.: 18    ცხად იქმნეს და რაჲთა ვნებაჲ იგი მიზეზ გჳრგჳნთა
Line of ed.: 19    ექმნეს წინაშე მართლისა მის მსაჯულისა, რაჟამს-იგი ჴმისა\ებრ
Line of ed.: 20    სამოციქულოჲსა, "კაცადკაცადსა თჳსისაებრ შრომისა მი\აქუნდეს
Line of ed.: 21    სასყიდელი". ხოლო ჴსნით იქმნა კუალად საკჳრვე\ლად
Line of ed.: 22    ზეგარდამოჲთა მით შეწევნითა და სრულიად არა და\ტევებულ,
Line of ed.: 23    რაჲთა არა სხუათა ქრისტეანეთა მიზეზ დაჴსნი\ლობისა
Line of ed.: 24    ექმნას, არამედ რაჲთა ბნელსა შინა საცთურისასა
Line of ed.: 25    მსხდომარენი წყარომან მან სახარებისამან ნათელსა ჭეშმარიტ\სა
Line of ed.: 26    ღმრთისმეცნიერებისასა მოიყვანნეს.

Line of ed.: 27       მტარვალნი უკუე მისნი წარვიდეს ჩუეულებისამებრ მუც\ლისა,
Line of ed.: 28    ხოლო წმიდაჲ იგი დაუტევეს ურმისთუალსავე ზედა
Line of ed.: 29    დაჭრილი, ვითარცა იგი განეწესა პირველ. და ჟამსა მეათესა
Line of ed.: 30    დღისასა იქმნა ზეცით გარდამო ოხრა საშინელი და ჴმაჲ,
Line of ed.: 31    რომელი სახელით უწოდდა მოწამესა და ნუგეშინისცემითა
Line of ed.: 32    აღავსებდა, ვიდრეღა მცველნი იგი შიშით ზარგანჴდილნი ივლ\ტოდეს,
Line of ed.: 33    ხოლო ანგელოზმან უფლისამან განჴსნა იგი ორღა\ნოჲსა
Line of ed.: 34    მისგან ბოროტისა და წყლულებანი მისნი განკურნნა
Line of ed.: 35    და ყოვლითურთ უფროჲს პირველისა განაცხოველა და ვი\თარცა
Line of ed.: 36    მეგობარი და თანა-მოქალაქე თჳსი სიყუარულით მო\იკითხა,
Page of ed.: 166   Line of ed.: 1    რაჲთა აქაცა აღესრულოს სიტყუაჲ იგი საღმრთოჲ\სა
Line of ed.: 2    დავითისი, რომელსა იტყჳს, ვითარმედ: "დაიბანაკებს ან\გელოზი
Line of ed.: 3    უფლისაჲ გარემოჲს მოშიშთა მისთა, რაჲთა იჴსნას
Line of ed.: 4    იგინი". ხოლო წმიდაჲ იგი ესევითარსა რაჲ შეწევნასა მიემ\თხჳა,
Line of ed.: 5    იხარებდა და ადიდებდა ღმერთსა და იტყოდა: "აღგა\მაღლო
Line of ed.: 6    შენ, ღმერთო ჩემო და მეუფეო ჩემო, და ვაკურთხო
Line of ed.: 7    სული შენი უკუნისამდე და უკუნითი უკუნისამდე ვაქებდე
Line of ed.: 8    ღმერთსა ჩემსა მარადის, ღმერთსა რომელმან ახარა სიჭაბუ\კესა
Line of ed.: 9    ჩემსა: "არამედ წარმართენ, უფალო, სლვანი ჩემნი და
Line of ed.: 10    ნუ მეუფლებიან მე ყოველი უსჯულოებაჲ". და ვითარცა წარ\თქუა,
Line of ed.: 11    მერმე გამოუცხადა თავი თჳსი მეფესა და მისთანათა მათ
Line of ed.: 12    და შორის მათსა შევიდა,შესწირვიდესრაჲ მსხუერპლთა მსგავს\თა
Line of ed.: 13    თჳსთა უგულისხმოთა კერპთა მიმართ, და ბრწყინვალითა
Line of ed.: 14    ჴმითა ღაღად-ყო და თქუა: "გულისხმა-ყავ, ჵ მეფე, თუ ვინ
Line of ed.: 15    ვარ მე, ანუ ვინ იყო იგი, რომელი თქუენ წარსაწყმედელსა
Line of ed.: 16    მიეცით, თუ ვინ არს, რომელმან მწარისა მის სატანჯვე\ლისა
Line of ed.: 17    და სიკუდილისაგან მიჴსნა მე, იცანთ იგი და გრწმენინ
Line of ed.: 18    ძალი ქრისტესი უძლეველი და შეიკდიმეთ ღმრთად წოდებაჲ
Line of ed.: 19    მათი, რომელნი-იგი ვერცა თავთა თჳსთა და ვერცა სხუათა\და
Line of ed.: 20    შემძლებელ არიან შეწევნად, რამეთუ არცა რაჲ ოდეს
Line of ed.: 21    იყვნეს და არცა რაჲ არიან".

Line of ed.: 22       ვითარცა ესმა ესე მეფესა, მიხედა წმიდასა მოწამესა და
Line of ed.: 23    ჰკითხვიდა, თუ ვინ არს, და ხილვისა მისისათჳს ორგულებდა
Line of ed.: 24    და ვინაჲმცა ეძლო უგულისჴმოსა მას რწმუნებად სიცოცხლე
Line of ed.: 25    მებრ გიორგისი და არცა თუმცა სატანჯველთა და საკვირ\ველთა
Line of ed.: 26    დამცველთაგან განრინებაჲ და მეყსა შინა უვნებე\ლად
Line of ed.: 27    წარმოდგომაჲ და მრავალთა მათ მძჳნვარეთა წყლულე\ბათაგან
Line of ed.: 28    განკურნებაჲ, ამისთჳსცა შესულებულ იქმნნეს და
Line of ed.: 29    განცჳბრებულ.

Line of ed.: 30       ხოლო ვინაჲთგან კუალადცა აჩუენებდა თავსა თჳსსა და
Line of ed.: 31    უნებლიაჲცა დაარწმუნებდა, ვითარმედ ჭეშმარიტად იგი არს
Line of ed.: 32    გიორგი, დაღაცათუ უძნდა ცოფთა მათ, არამედ მრავალთა
Line of ed.: 33    მიზეზ ცხორებისა და სარწმუნოებისა ექმნა და პირველ
Line of ed.: 34    სხუათასა პირველთა მათცა პატივთაჲსა, ანატოლიოს ვიტყჳ
Line of ed.: 35    და პროტოლეონს სტრატილატთა, რომელთა-იგი განცხადე\ბულად
Line of ed.: 36    ქადაგეს, ვითარმედ: "ერთ არს ღმერთი ქრისტიანე\თაჲ",
Page of ed.: 167   Line of ed.: 1    და მის თანათა მათ მორწმუნეთა ბრძანებითა მეფი\საჲთა
Line of ed.: 2    გარეშე ქალაქისა, ადგილსა უდაბნოსა მახჳლისა მიერ
Line of ed.: 3    დაჭრნეს. და რაჟამს-იგი მიჰყვანდეს ადგილსა მას აღსრულე\ბისასა,
Line of ed.: 4    ვითარცა ერთითა პირითა ღაღადებდეს და იტყოდეს:
Line of ed.: 5    "უფალო იესუ ქრისტე, შეივედრენ სულნი ჩუენნი მშვიდო\ბით
Line of ed.: 6    და კნინი ესე აღსარებაჲ ჩუენი შენდა მიმართ სარწმუ\ნოებისაჲ
Line of ed.: 7    საჴსრად შეცოდებათა ჩუენთა შეჰრაცხე, ჵ მეუ\ფეო,
Line of ed.: 8    და შენსა უცვალებელსა სუფევასა შინა დაგუაწესენ".
Line of ed.: 9    და ვითარცა ესე თქუეს, წამებისა აღსასრული მიიღეს და
Line of ed.: 10    ესრეთ სრულ იქმნნეს.

Line of ed.: 11       ხოლო იპოვა დედოფალიცა ალექსანდრია მიმსგავსებულ
Line of ed.: 12    ქუეყანასა კეთილსა და მიიხურნა ქრისტეს მოწამისა გიორ\გისგან
Line of ed.: 13    თესლნი უბიწონი სწავლისა კეთილისანი და მიზეზნი
Line of ed.: 14    საღმრთოჲსა ცხორებისანი და თავწარსხმული გამოიღო ნა\ყოფი
Line of ed.: 15    წმიდაჲ ქრისტეს მიმართ სარწმუნოებისაჲ, რამეთუ
Line of ed.: 16    თავი თჳსი ქრისტიანედ აღიარა და სარწმუნოებაჲ თჳსი გა\ნაცხადა
Line of ed.: 17    და ესრეთ წარვიდა და თავსა შორის თჳსსა ზრახვი\და
Line of ed.: 18    ღმრთისმსახურებისათა მათ გულისსიტყუათა.

Line of ed.: 19       კუალად აღივსო მეფე იგი მოწამისა მიმართ რისხვითა
Line of ed.: 20    დაუპყრობელითა და სატანჯველსა მწარესა განიზრახა მი\ცემაჲ
Line of ed.: 21    მისი, რამეთუ აწღა დავსებულსა კირსა და, რაჲ\თა
Line of ed.: 22    უჭეშმარიტესი ვთქუა, აწღა აღტყინებულსა ახლადდამ\ბალსა
Line of ed.: 23    შინა დაფლვაჲ მისი უბრძანა და მცველთა მიერ დაც\ვაჲ
Line of ed.: 24    მისი განაჩინა, რაჲთა ვერ სადაჲთ პოოს კაცთმოყუა\რებაჲ,
Line of ed.: 25    გინა ღონე ლხინებისაჲ. და ესე რაჲ ესრეთ იქმნა,
Line of ed.: 26    შემდგომად სამისა დღისა უბრძანა მჴედართა წარსლვაჲ და
Line of ed.: 27    აღმოხუმაჲ ძუალთა მისთაჲ, რამეთუ გონებდა ადრევე სი\კუდილსა
Line of ed.: 28    და სრულიადსა განხრწნასა, ვითარ-იგი განეზრა\ხა.
Line of ed.: 29    და ამცნო მათ, რაჲთა მოსწრაფედ უჩინო ყონ ნეშტი
Line of ed.: 30    იგი ნაწილთა მისთაჲ, რამეთუ უწყოდა, თუ ვითარითა პა\ტივითა
Line of ed.: 31    პატივ-სცემენ მას ქრისტიანენი და რამეთუ შურდა
Line of ed.: 32    მათთჳს მრავალსასყიდლისა იგი დაულევნელი საუნჯე. ხო\ლო
Line of ed.: 33    მჴედართა მათ აღაღეს რაჲ მღჳმე იგი კირისაჲ მის, ეჰა,
Line of ed.: 34    დიდებული საკჳრველი და ღირსი, მეუფეო, შენისა დიდად
Line of ed.: 35    შუენიერებისაჲ! მეყსეულად არა ხოლო თუ ცოცხალი ოდენ
Line of ed.: 36    და სულიერი, არამედ ყოვლითურთ უვნებელი იხილვა წმი\დაჲ
Page of ed.: 168   Line of ed.: 1    იგი, რამეთუ ესრეთ მოტყინარესა და ფიცხელსა და
Line of ed.: 2    სასტიკად დამწუველსა კირისა მის დუღილსა შინა ესრეთ
Line of ed.: 3    ეგნეს ყოვლათურთ დაუწველად და განუხრწნელად იგი
Line of ed.: 4    წმიდისანი, ვითარღა ერთიცა თმაჲ არა განირყუნა, არამედ
Line of ed.: 5    ვითარცა ვარდითა და ყუავილითა სურნელითა დაბურვილი,
Line of ed.: 6    ესრეთ იყო მრთელ და შუენიერ.

Line of ed.: 7       ესე დიდებული სასწაული და კნინღა ურწმუნოჲ უმე\ცართათჳს
Line of ed.: 8    ქრისტეს საკჳრველებათაჲსა ყოველთა, რომელთა
Line of ed.: 9    იხილეს და დახუდეს მუნ, და რამეთუ მრავალნი შემოკრე\ბულ
Line of ed.: 10    იყვნეს ხილვად მოწამისა, ჴმა-ყვეს ჴმითა დიდითა,
Line of ed.: 11    ვითარმედ: "ერთ არს ღმერთი ქრისტეანეთაჲ". და ეგრეთვე
Line of ed.: 12    დედოფალმანცა ალექსანდრია იგივე ჴმაჲ აღუტევა და ძუ\ალთა
Line of ed.: 13    მათ წმიდისაჲთა განთხევად წარვლინებულნი იგი მჴე\დარნი
Line of ed.: 14    სარწმუნოებად მოვიდეს. ხოლო ეუწყა რაჲ მეფესა, გან\კვირვებამან
Line of ed.: 15    შეიპყრა და განჰკრთა, თუ ვითარ გარეშე ყოვლი\სა
Line of ed.: 16    სასოებისა ზეშთა ესევითარისა მის ბოროტისა სატანჯვე\ლისა
Line of ed.: 17    გამოჩნდა და რაჟამს წარმოუდგინეს იგი მის წინაშე,
Line of ed.: 18    ჰკითხვიდა იგი მიზეზსა ცხორებისასა მისისასა და ეტყოდა,
Line of ed.: 19    ვითარმედ: "ვინ არს, რომელმან განგაცხოველა?" ხოლო
Line of ed.: 20    მოწამე ეტყოდა, ვითარმედ: "ვინაჲთგან დაღაცათუ გითხარ,
Line of ed.: 21    არავე ირწმუნებთ, რად საჴმარ არს ამაოჲ ეგე კითხვაჲ,
Line of ed.: 22    გარნა ყოველსავე ზეცად იყავნ შენდა, მეფეო, რამეთუ ქრის\ტე,
Line of ed.: 23    ძე ღმრთისა იგი თავადი არს, რომელმან მეცა და ყო\ველთავე,
Line of ed.: 24    რომელნი ხადიან სახელსა მისა ძალითა საღმრ\თოჲთა,
Line of ed.: 25    აგრილობს და ჰფარავს და ყოველთავე ზაკულებათა
Line of ed.: 26    და ვნებათა უმაღლეს გამოაჩინებს". ესე რაჲ ესმა მეფესა,
Line of ed.: 27    ჭეშმარიტებისა მის წილ უსამართლოებაჲ მიაგო მოწამესა
Line of ed.: 28    და ჴამლთა რკინისათა, განმსჭუალულთა სამსჭულებითა
Line of ed.: 29    გრძელებითა და განჴურვებულთა ელვარედ, შესხმაჲ უბრ\ძანა
Line of ed.: 30    და სირბილი. და ვითარ-იგი სირბილად ვერ ეძლო, იწყო
Line of ed.: 31    განმჴნობად თავისი თჳსისა და იტყოდა: "რბიოდე, გიორ\გი,
Line of ed.: 32    რბიოდე სარბიელსა ღუაწლისა შენისასა ახოვნებით".
Line of ed.: 33    და ესრეთ ცრემლით შეწევნაჲ ითხოვა ქრისტესგან და ვიდ\რე
Line of ed.: 34    აღსასრულადმდე მოთმინებაჲ და თქუა, ვითარმედ: "ნუ\სადა
Line of ed.: 35    თქუას მტერმან ჩემმან -- მძლე ვეყო მას". ამისთჳს\ცა
Line of ed.: 36    მსწრაფლ მიემთხჳა შეწევნასა და ნუგეშინისცემასა, რა\მეთუ
Page of ed.: 169   Line of ed.: 1    მსგავსად საღმრთოჲსა მის აღთქუმისა მსთუად გა\მოუბრწყინდა
Line of ed.: 2    ნათელი და ადრე ეწია კურნებაჲ, რამეთუ
Line of ed.: 3    მეყსეულად ჴმისა მისებრ საღმრთოჲსა გულსმოდგინებითა
Line of ed.: 4    აღივსო და სრულიად განიკურნა.

Line of ed.: 5       ხოლო ვინაჲთგან სიმჴნისათჳს და ახოვნებისა სულისა
Line of ed.: 6    მისისა უმრავლესთა სატანჯველთა მიერ უმრავლესთა კე\თილთა
Line of ed.: 7    განუმზადებდა, ამისთჳსცა კუალად საპყრობილესა
Line of ed.: 8    შეიყენა და ხვალისაგან კუალად განკითხვად წარიდგინა. და
Line of ed.: 9    ჰრქუა მას მეფემან: "ვიდრემდის იქმნები ურჩ და უშიშ
Line of ed.: 10    ბრძანებათა ჩემთა, და უფროჲსღა, რამეთუ ჴელოვნებითა
Line of ed.: 11    ბრძანებისა შენისაჲთა აცთუნებ ერსა?" ხოლო მოწამემან
Line of ed.: 12    მიხედნა მეფესა და გარემოჲს მდგომარეთა მისთა და უშიშ\თა
Line of ed.: 13    და ახოვნითა გონებითა მიუგო, ვითარმედ: "მე მარადის
Line of ed.: 14    ღმრთისა ჩემისა მიერ შეწევნასა მოვიღებ, ვითარცა ესე
Line of ed.: 15    ხედავთ, რამეთუ აჰა ესერა, რომელი თქუენ მიერ სიკუდი\ლად
Line of ed.: 16    მივეც და სიკუდილად მწარედ და ბოროტად, ცოცხა\ლი
Line of ed.: 17    და უვნებელი შორის თქუენსა მდგომარე ვარ მოწამედ
Line of ed.: 18    პირმეტყუელად ქრისტეს ძლიერებისა და გარდასრულნი იგი
Line of ed.: 19    ტანჯვანი არარად შემირაცხიან ყოვლადვე და მერმეცა მზა
Line of ed.: 20    ვარ მოთმინებად ყოველთავე, რაოდენნი მოაწინეთ ჩემ ზე\და.
Line of ed.: 21    ხოლო თქუენდა რომელი სასოებაჲ არს ცხორებისაჲ,
Line of ed.: 22    რომელნი-ეგე უსულოთა კერპთა ჰმსახურებთ და სხუათა მი\ზეზ
Line of ed.: 23    წარწყმედისა ექმნებით და არარათა მათ ღმრთად სახე\ლისდებაჲ
Line of ed.: 24    არა გრცხუენის, რომელი-ესე ღირს არს ყოვლი\სავე
Line of ed.: 25    რისხვისა და მეხისტეხისა, რომელნი-იგი კაცნი იყვნეს
Line of ed.: 26    მცირედ ცხორებულნი და განფრდილნი ყოვლითა უსჯულო\ებითა
Line of ed.: 27    და მთრვალობითა და ბილწებისა და კაცისკლვისა და
Line of ed.: 28    სხჳსა ბევრეულისა ბოროტისა აღმასრულებელნი, ხოლო აწ
Line of ed.: 29    ცეცხლსა მას შინა დაუშრეტელსა საუკუნოდ იტანჯებიან,
Line of ed.: 30    რომელი-იგი მიელის ყოველთა მსახურთა და მოსავთა
Line of ed.: 31    მათ/თა".

Line of ed.: 32       ესე რაჲ სიტყუანი წარმოუთქუნა ახოვანმან მან ქრის\ტეს
Line of ed.: 33    მოწამემან, გულისწყრომითა აღივსო უსჯულოჲ იგი
Line of ed.: 34    მძლავრი და უბრძანა ურიდად გუემაჲ მისი. და მეყსეულად
Line of ed.: 35    ზროხისა ძარღჳთა დაიბძარნეს ჴორცნი მისნი და სისხლითა
Line of ed.: 36    მდინარითა ქუეყანაჲ მოირწყო. ხოლო წმიდაჲ იგი ესრეთ
Page of ed.: 170   Line of ed.: 1    მოითმენდა, ვითარმცა სხჳსა ჴორცნი იგუემებოდეს და არა
Line of ed.: 2    მისნი და აღესრულებოდა მის ზედა სიტყუაჲ იგი ფსალმუნ\თა,
Line of ed.: 3    ვითარმედ: "შეკრბეს ჩემ ზედა გუემანი და მე არა ვა\გრძენ".
Line of ed.: 4    და ვითარ იგი მრავალჟამ იგუემებოდა და მოთმინე\ბითა
Line of ed.: 5    სძლევდა მგუემელთა მათ, იხილვებოდა საქმე საკჳრ\ველი,
Line of ed.: 6    რამეთუ იგინი დაშურეს და დაიჴსნნეს, ხოლო წმიდაჲ
Line of ed.: 7    იგი უფროჲსად განმჴნდა და განძლიერდა და უმეტესთა ტან\ჯვათა
Line of ed.: 8    მიმართ სურვიელ იყო და წადიერ. ხოლო მეფე სასო\წარკუეთილებასა
Line of ed.: 9    თჳსსა საანჯმნო ჰყოფდა და ეტყოდა: "ვიდ\რემდის
Line of ed.: 10    არს ძჳრთა მიმართ ცილობაჲ ეგე, ყოველი ამაოჲ,
Line of ed.: 11    რამეთუ დამაშრვენ ჩუენ ურჩებითა შენითა. და ესრეთ მრა\ვალთა
Line of ed.: 12    ბოროტთა მოატყუებენ თავსა შენსა და მრავალთა
Line of ed.: 13    კეთილთა დაიჭირვებ, რამეთუ არა ისმენ კაცთმოყუარებისა
Line of ed.: 14    ჩუენისა კეთილსა ზრახებასა".

Line of ed.: 15       მიუგო წმიდამან გიორგი და ჰრქუა: "ნეტარ, თუმცა
Line of ed.: 16    თქუენ ისმინეთ უკუდავებისა ესე მოძღურებაჲ ჩემი, რაჲ\თამცა
Line of ed.: 17    იცანთ დამბადებელი და ჩემ თანაცა თაყუანის-ეცით
Line of ed.: 18    მხოლოსა ჭეშმარიტსა ღმერთსა, ანუ რასა-მე გამოეძიებთ
Line of ed.: 19    ცხოველთათჳს მკუდართაგან, ვითარცა იგი ჴმობს თქუენდა
Line of ed.: 20    მიმართ ჴმამაღალი ესაია, რამეთუ თქუენთა მათ სამსახურე\ბელთა
Line of ed.: 21    უწესს იგი მკუდრად და ყოველნივე ღმრთივ-სული\ერნი
Line of ed.: 22    წერილნი განაქიქებენ მათ და აგინებენ". მაშინ მაგნენ\ტიოს,
Line of ed.: 23    რომელი იყო მეორედ დეოკლიტიანე მეფისაჲ, აზრახა
Line of ed.: 24    მეფესა და ითხოვა ამისაგან, რაჲთა დააცადოს გუემაჲ მოწა\მისაჲ.
Line of ed.: 25    და მახლობელად თჳსსა მოუწოდა და ჰრქუა მას: "უკუ\ეთუ
Line of ed.: 26    გნებავს, გიორგი, რაჲთა გურწმენეს ღმერთი შენი,
Line of ed.: 27    გჳჩუენე ჩუენ სასწაული მისმიერი, რომელი შემძლებელ
Line of ed.: 28    იყოს რწმუნებად ჩუენდა და ერთი მახლობელი ამის სამა\რისაგან
Line of ed.: 29    აღადგინე მკუდარი", რამეთუ ცოფსა მას და ბორგ\ნეულსა
Line of ed.: 30    ყოვლადვე შეუძლებელად უჩნდა ესე. და რეცა
Line of ed.: 31    განსაცდელად წინა-უყო მოწამესა, რაჲთა მეყსეულად საქ\მით
Line of ed.: 32    მძლე ექმნეს და გამოაჩინოს, ვითარმედ: ბოროტ არს
Line of ed.: 33    სწავლაჲ მისი და სარწმუნებაჲცა და ესევითარისა ამის
Line of ed.: 34    ზაკულებისა მინდობილსა ენება უბიწოჲსა და უტყუველისა
Line of ed.: 35    სარწმუნოებისა ჩუენისა განკიცხვაჲ, რამეთუ სიტყუაჲ იგი
Page of ed.: 171   Line of ed.: 1    ჯუარისაჲ წარწყმედულთა მათთჳს სიცოფე არს, ვითარცა
Line of ed.: 2    იტყჳს საღმრთოჲ პავლე.

Line of ed.: 3       ხოლო ნეტარსა გიორგის ბრძანებულისა მის აღსრულე\ბაჲ
Line of ed.: 4    ესრეთ ადვილად შეერაცხა უფროჲს, ვიდრეღა არწივ\სა
Line of ed.: 5    -- აღფრინვაჲ და თევზსა -- ცურვაჲ, რამეთუ უწყოდა
Line of ed.: 6    ჭეშმარიტებით, ვითარმედ: "რომელმან ყოველივე არარაჲსა\გან
Line of ed.: 7    არსებად მოიყვანა, ვერარაჲ შემძლებელ არს დაბრკო\ლებად
Line of ed.: 8    მისდა, რაჲთა ძუალთა მათცა განჴმელთა შთაჰბეროს
Line of ed.: 9    ცხორებაჲ. ამისთჳსცა მყოვარ ჟამ მუჴლთმოდრეკით ილო\ცვიდა
Line of ed.: 10    და მერმე აღდგა და თუალნი ზეცად აღიხილნა და
Line of ed.: 11    ღაღად-ყო ყოვლისავე შემძლებელის მიმართ. და მეყსეუ\ლად
Line of ed.: 12    ერთი მუნ მდებარეთა მათ მკუდართაგანი აღადგინა არა
Line of ed.: 13    ახლად მომკუდარი, არამედ ძუელი და ადრინდელი, რომე\ლი
Line of ed.: 14    იხილეს რაჲ, ურიცხჳ ერი და სიმრავლე მჴედართაჲ სარ\წმუნოებად
Line of ed.: 15    მოვიდეს. ხოლო მეფე დაღაცათუ განკჳრდა,
Line of ed.: 16    არამედ ცხადად გრძნებასა მიაჩემა დიდებული იგი საკჳრ\ველი
Line of ed.: 17    და უღონოებისაგან საოცრად ინება შეცვალებაჲ, რა\მეთუ
Line of ed.: 18    დაბნელდა უგულისჴმოჲ გონებაჲ მათი და თუალნი
Line of ed.: 19    სულისა მათისანი დაიყვნეს, რამეთუ ხედვიდეს და ნათელსა
Line of ed.: 20    მას ჭეშმარიტებისასა ხილვაჲ არა ინებეს. ამისთჳსცა მამუ\ლისა
Line of ed.: 21    მის უღმრთოებისა მიმართ მიისწრაფდეს და ძალსა
Line of ed.: 22    ჭეშმარიტებისასა გრძნობისა მიერ განმტყუვნებაჲ ინებეს.

Line of ed.: 23       ვინაჲცა ათანასი ვინმე შორის შემოიყვანეს სახელოვანი
Line of ed.: 24    და განთქუმული გრძნებასა ზედა, რომელი იქადოდა და ჰგო\ნებდა
Line of ed.: 25    წინააღდგომად გიორგისა და მრავალსა საოცრებასა
Line of ed.: 26    აღუთქუმიდა, არამედ მსწრაფლ მხილებულ იქმნა და ძლე\ულ
Line of ed.: 27    ქრისტეს მოწამისა მიერ, რამეთუ არა ძნელ იქმნა ძლე\ვაჲ
Line of ed.: 28    მისი, რაჟამს ჭეშმარიტებამან ტყუვილი იგი დაარღჳა და
Line of ed.: 29    განაქიქა. და სარგებელ იქმნა მოგჳსა მის მუნ მოსლვაჲ, რა\მეთუ
Line of ed.: 30    სხუათა მათ, რომელთა იხილეს ძლევაჲ მისი, სიტყჳთ
Line of ed.: 31    ოდენ აღიარეს ღმერთი, ხოლო მან საქმით, რამეთუ მისდა
Line of ed.: 32    ჩუენებული იგი სარწმუნოებით შეიწყნარა და სიკუდილი
Line of ed.: 33    მახჳლითა თავს-იდვა ჭეშმარიტებისათჳს.

Line of ed.: 34       ამას ყოველსა საკჳრველთმოქმედებასა ზედა მოწამისასა
Line of ed.: 35    ჯერ-იყო მოქცევაჲ უღმრთოთაჲ მათ და ცნობად, თუ ვინ
Line of ed.: 36    არს მოქმედი იგი სასწაულთაჲ, და თაყუანისცემაჲ მისი.
Page of ed.: 172   Line of ed.: 1    ხოლო მათ არა თუ არა ისწავეს, არამედ თაყუანისმცემელსა
Line of ed.: 2    მისცა ჭეშმარიტებისასა თჳთოსახედ სტანჯვიდეს და საპყ\რობილედ
Line of ed.: 3    წარიყვანეს. არამედ დაღაცათუ წმიდაჲ იგი შე\აყენეს,
Line of ed.: 4    ხოლო მის თანა მყოფი იგი მადლი ვერ დააყენეს,
Line of ed.: 5    რამეთუ სიმრავლე მორწმუნეთა მარადის შეკრბებოდა და
Line of ed.: 6    ზარსა მძლავრთასა და შიშსა მცველთასა უდებ ჰყოფდეს და
Line of ed.: 7    ხილვასა მას წმიდისასა მრავლითა საფასითა მოიყიდდეს და
Line of ed.: 8    შეხებითა მისითა უსასყიდლოჲთა მადლითა აღივსებოდეს
Line of ed.: 9    ჭეშმარიტად, ხოლო უძლურნი და სნეულნი, თჳსთა მიერ ნა\თესავთა
Line of ed.: 10    საპყრობილედ მიყვანებულნი, საკჳრველსა კურნე\ბასა
Line of ed.: 11    მიემთხუეოდეს და ყოვლად ძლიერსა ღმერთსა
Line of ed.: 12    ადი/დებდეს.

Line of ed.: 13       რომელთაგანი ერთი იყო ნეტარი ღლჳკერიცა, რომელი\-იგი
Line of ed.: 14    სიკუდილისათჳს ჴარისა თჳსისა მოუჴდა წმიდასა მას და
Line of ed.: 15    ცრემლითა მჴურვალითა თჳსი სიგლახაკე ახლად მოწევნუ\ლისა
Line of ed.: 16    მის განსაცდელისა თანა ლმობიერად იტირა და მერმე
Line of ed.: 17    სარწმუნოებისათჳს არა გლახაკად გამოჩნდა, არამედ აზნა\ურ
Line of ed.: 18    და მდიდარ სულითა და მარჯუე თესლსა ღმრთისმსახუ\რებისასა
Line of ed.: 19    შეწყნარებად, რამეთუ კადნიერ იქმნა და აღიარა,
Line of ed.: 20    ვითარმედ: "ძალ-უც ქრისტესა ყოფად ამისსა" და ვითარმედ:
Line of ed.: 21    "იგი არს მხოლოჲ ჭეშმარიტი ღმერთი". ამისთჳსცა ესმა
Line of ed.: 22    წმიდისაგან, ვითარმედ: "უკუეთუ გრწამს, წარვედ და ჰპოო
Line of ed.: 23    ჴარი შენი ცოცხალი". და ვინაჲთგან წარვიდა და პოვა ეგ\რეთ,
Line of ed.: 24    არა ემსგავსა იგი ცხრათა მათ ჰურიათა უმადლოთა,
Line of ed.: 25    არამედ სამარიტელსა მას მეათესა და მკურნალისავე მოიქ\ცა
Line of ed.: 26    და ფერჴთა სლვაჲ უპყრა, ხოლო პირსა -- მადლობაჲ და
Line of ed.: 27    შემოქმედისა -- აღსაარებაჲ; ამისთჳსცა არღარა იყო გლახაკ,
Line of ed.: 28    ვითარცა იგი პირველ, არამედ სიმდიდრე მიეცა წარუპარვე\ლი
Line of ed.: 29    და ფრიადი, არცა მცირედთა და უნდოთა ხოლო ყანო\ბირთა
Line of ed.: 30    და აგარაკთაჲ აქუნდა მას უღლები, არამედ ყოველი
Line of ed.: 31    სამოთხე დაიმკჳდრა, რამეთუ ეგულებოდა რაჲ წარსლვაჲ
Line of ed.: 32    სახედ თჳსად, პოეს იგი მსახურთა მათ უღმრთოებისათა და,
Line of ed.: 33    ვინაჲთგან ქრისტეს სარწმუნოებასა ჴმამაღლად ქადაგებდა,
Line of ed.: 34    წინაშე მეფისა წარადგინეს. ხოლო მან არცაღა თუ განკითხ\ვასა
Line of ed.: 35    ღირს-ყო ნეტარი იგი, არცა თუ მიზეზი ასწავა ქრის\ტეანობისა
Line of ed.: 36    მისისაჲ, არამედ ასოეულად დაჭრაჲ მისი უბრ\ძანა
Page of ed.: 173   Line of ed.: 1    და ესრეთ აღესრულა და იქმნა მოწამე სარწმუნო და
Line of ed.: 2    თჳსითა სისხლითა ნათელ-იღო. ხოლო ცნა რაჲ მეფემან,
Line of ed.: 3    ვითარმედ მრავალი ერი შევალს საპყრობილედ დღითი-დღე
Line of ed.: 4    და შეეძინებიან სარწმუნოებასა ქრისტესსა, ელმოდა სასტი\კად
Line of ed.: 5    გულსა მისსა და განილეოდა. ამისთჳსცა მოუწოდა წმი\დასა
Line of ed.: 6    მას არა რისხვით, არამედ სიმწარე და სიფიცხე სახი\თა
Line of ed.: 7    კაცთმოყუარებისაჲთა ორგულებით დაფარა და სიმშჳდით
Line of ed.: 8    და მყუდროებით ძმაცუვით ეზრახა და ჰრქუა, ვითარმედ:
Line of ed.: 9    "ვჰფუცავ ღმერთთა, გიორგი, უკუეთუ ისმინო ჩემი და მი\უჴდე
Line of ed.: 10    და უზორო მათ, უფალ მრავალთა მონაგებთა იქმნე
Line of ed.: 11    და პირველ შენსა წინაშე ჩემსა არა ვინ იყოს, რამეთუ ფრი\ად
Line of ed.: 12    მელმის შენთჳს და შუენიერებასა სიჭაბუკისასა შენისასა
Line of ed.: 13    ვსწყალობ და მნებავს ცხორებაჲ შენი უფროჲს, ვიდრეღა
Line of ed.: 14    მწარითა სიკუდილითა წარწყმედაჲ". ხოლო ესე სიტყუანი
Line of ed.: 15    მიუთხრნა მეფემან მოწამესა განზრახვითა მანგნეტიოს მე\გობრისა
Line of ed.: 16    თჳსისაჲთა, რამეთუ განეზრახა მას, რაჲთა უკუ\ანაჲსკნელი
Line of ed.: 17    ესე განზრახვაჲ წმიდისაჲ სიტკბოებით და შე\ტყუვილით
Line of ed.: 18    იყოს. ხოლო მოწამემან პირი საქმისაჲ პასუხისა
Line of ed.: 19    წილ იჴმარა და მიუგო, ვითარმედ: "უკუეთუმცა პირველით\გან
Line of ed.: 20    მეტყოდე ესრეთ, ნუუკუე და აქუნდაცა რაჲმე ადგილი
Line of ed.: 21    სიტყუათა შენთა, ხოლო აწ შემდგომად ესეოდენისა ტანჯ\ვისა
Line of ed.: 22    დაღაცათუმცა ვისმინეთ, რაჲთამცა ჰქმენ ღირსი მო\საგებელი
Line of ed.: 23    ნაცვალად ჩუენდა?" ხოლო მან სიტყუაჲ ესე მხია\რულებით
Line of ed.: 24    ყურად-იღო, ვინაჲთგან აჩუენებდაცა რასმე სასო\ებასა
Line of ed.: 25    და ჰრქუა: "ვითარცა მამასა შვილმან საყუარელმან,
Line of ed.: 26    მომიტევე და მოვედ და უზორე ღმერთთა, რაჲთა ესრეთ
Line of ed.: 27    იგინი მოწყალე ჰყვნე და თავსა შენსა მიზეზ კეთილისა ექმ\ნა".
Line of ed.: 28    მაშინ წმიდამან მიუგო, ვითარმედ: "ვინაჲთგან ესრეთ
Line of ed.: 29    შეინანე, გუალე და წარვიდეთ მათდა". და ვითარცა ესმა
Line of ed.: 30    დეოკლეტიანეს, მეყსეულად დადვა ბრძანებაჲ მკსინვარე,
Line of ed.: 31    რაჲთა შეკრბენ ყოველნი მოსწრაფებითა მჴურვალითა ტა\ძარსა
Line of ed.: 32    ღმერთთა მთავართა თანა მჴედართა და ყოვლისა ერი\სა,
Line of ed.: 33    რაჲთა ბრწყინვალითა ჴმითა ძლიერად ჴმობდეს ქადაგი
Line of ed.: 34    ესრეთ, ვითარმედ: "გიორგი, წინამძღუარი გალილეველთაჲ,
Line of ed.: 35    მივალს ზორვად აპოლონისა". და ვითარცა ესმა ესე წარ\მართთა,
Line of ed.: 36    იწყეს განცხრომად და იტყუელვიდეს ჴელთა და
Page of ed.: 174   Line of ed.: 1    აპოლონს და დეოკლეტიანეს მძლედ და უძლეველად
Line of ed.: 2    ხადო/დეს.

Line of ed.: 3       ხოლო ვითარცა შევიდეს ტაძრად და იქმნა მყუდროებაჲ
Line of ed.: 4    და დუმილი, მიექცა წმიდაჲ იგი კერპსა აპოლონისსა, მიხე\და
Line of ed.: 5    მას და ეტყოდა: "შენ ხარ ღმერთი და შენდა ჯერ-არს
Line of ed.: 6    მსახაურებაჲ კაცთაჲ?" მაშინ სული იგი არაწმიდაჲ, რომე\ლი
Line of ed.: 7    მკჳდრ იყო მის შორის, შიშისაგან წმიდისა მის შეძრწუნ\და,
Line of ed.: 8    დაღაცათუ მტყუვარ არს, უნებლიეთ მიუთხრა ჭეშმარი\ტებაჲ
Line of ed.: 9    და თქუა, ვითარმედ: "არა ვარ მე ღმერთი და არცა
Line of ed.: 10    ესენი, რომელნი არიან ჩემ თანა, არამედ ერთ არს ღმერთი
Line of ed.: 11    ჭეშმარიტი იესუ ქრისტე". და კუალად მიუგო მოწამემან,
Line of ed.: 12    ვითარმედ: "და უკუეთუ არა ხართ ღმერთნი, ვითარცა იგი არა
Line of ed.: 13    ხართ, ვითარ იკადრებთ ცთუნებად კაცთა, რაჲთა გესვიდენ
Line of ed.: 14    თქვენ, ვითარცა ღმერთთა, ანუ ვითარ დაითმენთ აქა დგო\მასა,
Line of ed.: 15    ვინაჲთგან აქა ვარ მე მონაჲ ქრისტესი, რომელსა ზე\და
Line of ed.: 16    წოდებულ არს ყოვლად წმიდაჲ სახელი მისი?" და ვი\თარცა
Line of ed.: 17    ესე თქუა, სასწაული ჯუარისაჲ გამოსახა მათ ზედა,
Line of ed.: 18    ხოლო მათ მეყსეულად შიში და ძრწოლაჲ შეედვა და ღა\ღადებდა
Line of ed.: 19    და გოდებაჲ ფრიადი აღუტევეს და ესრეთ ივლ\ტოდეს
Line of ed.: 20    მიერ ტაძრით, ხოლო კერპნი იგი სადგურნი მათნი
Line of ed.: 21    შეირყინეს ქოთებითა ძლიერითა და ურთიერთას შეიკუეთ\ნეს
Line of ed.: 22    და შეიმუსრნეს და ვითარცა მტუერნი დაწულილდეს და
Line of ed.: 23    წარწყმდეს. და მეფე და მისთანანი იგი მწუხარებამან და
Line of ed.: 24    ურვამან ულხინებელმან აღავსნა, ხოლო მორწმუნენი -- სი\ხარულმან
Line of ed.: 25    და მხიარულებამან, რამეთუ უფროჲსად განამტ\კიცნეს
Line of ed.: 26    სარწმუნოებასა ზედა და ჭეშმარიტებისა მიმართ იქმ\ნეს
Line of ed.: 27    მოშურნე და წადიერ. და ყოველთა პირველ სანატრე\ლი
Line of ed.: 28    დედოფალი ალექსანდრია, რომელი-იგი მოსეს სასწაულ\სა
Line of ed.: 29    მიემსგავსა და სამეუფოთა ეზოთა წილ შუენიერებაჲ იგი
Line of ed.: 30    ქრისტესი აღირჩია, ამის მიერ ფრიადითა კადნიერებითა
Line of ed.: 31    აღივსო და კერპთა იგი სიცბილი სიცილითა განბასრა და
Line of ed.: 32    შეურაცხებაჲ ფრადი მიჰფინა.

Line of ed.: 33       ამას ყოველსა ზედა განცჳბრდა დეოკლეტიანე და რისხ\ვითა
Line of ed.: 34    მიუთხრობელითა აღივსო, რამეთუ ხედვიდა კერპთა
Line of ed.: 35    უჩინო-ყოფასა და სარწმუნოებისა წარმატებასა და მორწმუ\ნეთა
Line of ed.: 36    განმრავლებასა. ამისთჳსცა ორგულებით შემოკლებუ\ლი
Page of ed.: 175   Line of ed.: 1    იგი სიტკბოებაჲ აღიძარცუა და პირველივე იგი მძლავ\რი
Line of ed.: 2    და უწყალოჲ დეოკლეტიანე იყო, და რისხვითა აღვსე\ბულმან
Line of ed.: 3    სასტიკებით მიხედნა ქრისტეს მოწამესა და ჰრქუა:
Line of ed.: 4    "ბოროტო და უკეთურო თავო, ესევითართა მსხუერპლთა
Line of ed.: 5    აღმითქუ-ა შეწირვაჲ ღმერთთა მიმართ? ესევითარითა პა\ტივითა
Line of ed.: 6    მაქადე-ა პატივისცემაჲ მათი? არამედ ვერარაჲ გა\ნიხარო
Line of ed.: 7    ამისაგან და ვერცა ვკიცევდე უძლეველთა ღმერთ\თა
Line of ed.: 8    და ვერცა უძლო ძლევად ჩუენდა გრძნებითა შენითა".
Line of ed.: 9    ხოლო წმიდამან მოწამემან მრავლითა წესიერებითა და დაწყ\ნარებითა
Line of ed.: 10    მიუგო და ჰრქუა, ვითარმედ: "მე, ჵ მეფეო, არა\სადა
Line of ed.: 11    შედგომილ ვარ ტყუვილისადა და არცა ოდეს განდ\რეკილ
Line of ed.: 12    ვარ ჭეშმარიტებისაგან. ნუ იყოფინ! არამედ რაჲ-იგი
Line of ed.: 13    შევიყუარე პირველითგან, ვიდრე აქამომდე დამიმარხავნ და
Line of ed.: 14    ვიდრე სიკუდილამდე მტკიცე ვარ დამარხვად მისა, ესე იგი
Line of ed.: 15    არს, რაჲთა ვეგო ღმრთისა ჩემისა მონებასა შინა და სიტყ\ჳსა
Line of ed.: 16    მისაებრ სამოციქულოჲსა შევწირო მისა მსხუერპლი
Line of ed.: 17    წმიდაჲ ცხოველი და სათნო, ანუ რაჲ არს, არა თჳთ საქ\მენი
Line of ed.: 18    ღაღადებენა? რამეთუ სამსახურებელნი ეგე თქუენნი
Line of ed.: 19    ზღაპარ და ტყუვილ არიან და სახელი ხოლო აქუს ცუდი,
Line of ed.: 20    საქმეთაგან ოჴერი, რამეთუ ვერცა სმენად ჴელეწიფების და
Line of ed.: 21    ვერცა ზრახვად, ხოლო შექმნაჲ იგი და აღმართებაჲ მათი
Line of ed.: 22    ჴელოვნებითა კაცთაჲთა ჴმამაღლად უხარის ამაოებასა მათ\სა
Line of ed.: 23    და ფრიადსა მას სიცოფესა თაყუანისმცემელთა მათთა\სა
Line of ed.: 24    წამებს. ხოლო მე სასოებითა და საკჳრველთმოქმედებითა
Line of ed.: 25    მეუფისა ჩემისაჲთა მარადის ვიხარებ და ეშმაკთა, რომელ\თა
Line of ed.: 26    თქუენ ესავთ, ვიოტებ და გრძნებასა და მწამლველობა\სა
Line of ed.: 27    სახელისდებითა ხოლო მისითა უჩინო ვჰყოფ. ხოლო კერპ\თა
Line of ed.: 28    და ბომონთა ესრეთ შევჰმუსრავ, ვითარცა ესე თუა\ლითა
Line of ed.: 29    შენითა იხილე, და ვაქებ და ვადიდებ სამებით და ერთ\არსებით
Line of ed.: 30    დიდებულსა დაუსაბამოსა და ყოვლად ძლიერსა
Line of ed.: 31    ღმერთსა ჩემსა უკუნითი უკუნისამდე, ამინ".

Line of ed.: 32       ესე სიტყუანი რაჲ ესმნეს მოწამისაგან მძლავრსა მას,
Line of ed.: 33    წარიკუეთა ყოველივე სასოებაჲ ცხორებისა მისისაჲ და პირ\ველთა
Line of ed.: 34    მათ მწარეთა ტანჯვათა ზედა სხუათა სატანჯველთა
Line of ed.: 35    მოწევნაჲ ნამეტნავ და ურგებ შეჰრაცხა, ვინაჲთგან უმეტეს\თა
Line of ed.: 36    ტანჯვათა მიერ უმეტესსა სირცხჳლსა დაიმკჳდრებდა, რა\მეთუ
Page of ed.: 176   Line of ed.: 1    ტანჯვანი იგი წმიდასა მას ვერარას ავნებდეს, ხოლო
Line of ed.: 2    მოწამე ქრისტესი მოთმინებითა მათითა უბრწყინვალეს იქმ\ნებოდა.
Line of ed.: 3    ამისთჳსცა მისცა მისთჳს განჩინებაჲ ესრეთ და
Line of ed.: 4    თქუა, ვითარმედ: "გიორგი, ქრისტიანეთა ამაოჲსა სჯულისა
Line of ed.: 5    უჯეროდ ტრფიალი, ხოლო ღმერთთა მაცხოვარებისა შეუ\რაცხისმყოფელი,
Line of ed.: 6    რომელი არცა ძჳრთა მოწევნითა, არცა კე\თილთა
Line of ed.: 7    აღთქუმითა ყოვლადვე არა მოვიდა გულისჴმისყო\ფად,
Line of ed.: 8    არცა სინანულად, არამედ უფროჲსად ალექსანდრიაცა
Line of ed.: 9    დედოფალი აცთუნა და შემდგომად ხენეშად მსახურებისა
Line of ed.: 10    თჳსისაჲ არწმუნა, მახჳლისა მიერ მის თანავე ერთბამად
Line of ed.: 11    სიკუდილითა დაისაჯნენ".

Line of ed.: 12       ესევითარი განჩინებაჲ რაჲ გამოჴდა, მჴედართა მათ გან\წესებულთა
Line of ed.: 13    განიყვანნეს იგინი გარეშე ქალაქისა და ადგილ\სა
Line of ed.: 14    მას აღსრულებისა მათისასა წარემართნეს. ხოლო დედო\ფალი
Line of ed.: 15    ალექსანდრია ვითარ-იგი მივიდოდა, ყოველივე გონე\ბაჲ
Line of ed.: 16    მისი ღმრთისა მიმართ შემსგავსებულ იყო, ვითარცა-იგი
Line of ed.: 17    ზეცად აღხილვაჲ თუალთაჲ და აღძრვაჲ ბაგეთაჲ საცნაურ
Line of ed.: 18    ჰყოფდა. და პირველ მოწევნისა ადგილსა მას, განჩინებულ\სა
Line of ed.: 19    განგებულებითა მისითა, რომლისა-იგი განკითხვანი არიან
Line of ed.: 20    უფსკრულ მრავალ, დაჯდა ქუეყანასა ზედა და სული თჳსი
Line of ed.: 21    წმიდაჲ ჴელთა ღმრთისათა შეჰვედრა. ხოლო წმიდაჲ იგი
Line of ed.: 22    მი-რაჲ-ვიდა ადგილსა მას მოწამებისასა, ითხოვა მჴედართა
Line of ed.: 23    მათგან, რაჲთა აცადონ და, ვითარ მიეცა ფლობაჲ, აღიხილნა
Line of ed.: 24    ზეცად და სიღრმითა გულისაჲთა ღაღად-ყო ღმრთისა მი\მართ
Line of ed.: 25    და იწყო ლოცვად და თქუა: "უფალო ღმერთო ჩემო,
Line of ed.: 26    რომელსა-ეგე შევვარდი საშოჲთგან დედისმუცლის ჩემი\საჲთ
Line of ed.: 27    და რომლისა მიმართ დავსდევ სასოებაჲ ჩემი და რომ\ლისა
Line of ed.: 28    სასოებით ვიწყე ღუაწლთა ამათ წამებისათა, ტკბილო
Line of ed.: 29    სასოებაო, უტყუველო აღთქუმაო და უშურველო საუნჯეო
Line of ed.: 30    და წყაროო და ძირო ყოვლისა კეთილისაო, რომელი-ეგე
Line of ed.: 31    პირველ თხოვისა ჩუენისა მოგუფენ ნიჭთა შენთა, შენ
Line of ed.: 32    განმაძლიერე მე სრულ-ყოფად ღუაწლისა ამის, რომელი-ესე
Line of ed.: 33    აღსაარებისა შენისათჳს განვლე და შენ დაჰჴსენ მრავალ\შეთხზული
Line of ed.: 34    იგი მანქანებაჲ ხილულთა და უხილავთა წინა\აღმდგომთა
Line of ed.: 35    და მოუწყლველად დამიცევ მათგან, ვითარცა
Line of ed.: 36    გუგაჲ თუალისაჲ, რამეთუ შენ ხარ ძალი უძლეველი და სა\ფარველი
Page of ed.: 177   Line of ed.: 1    და ზღუდე ყოველთა მორწმუნეთაჲ და თაყუანის\მცემელთა
Line of ed.: 2    შენთაჲ. და აწ, მეუფეო, შეიწყნარე სული ჩემი
Line of ed.: 3    მშჳდობით და ყავ იგი ზეშთა ბოროტთა მათ და უკეთურთა
Line of ed.: 4    სულთა ჰაერისათა და საუკუნითგან სათნოთა შენთა თანა
Line of ed.: 5    აღრაცხე და ნუ შეურაცხ წარმართთა ამათ, რაოდენი რაჲ
Line of ed.: 6    ყვეს ჩემდა მომართ უმეცრებითა შენითა, და ღირსად მეც\ნიერებისა
Line of ed.: 7    შენისა გამოაჩინენ, რამეთუ კურთხეულ ხარ
Line of ed.: 8    უკუნითი უკუნისამდე, ამინ".

Line of ed.: 9       და შემდგომად ლოცვისა, მოიდრიკნა მუჴლნი თჳსნი და
Line of ed.: 10    წარუპყრა ქედი მახჳლსა და ესრეთ გჳრგჳნი წამებისაჲ და\იდგა
Line of ed.: 11    და სამგზის სანატრელი სული თჳსი ჴელთა ღმრთისათა
Line of ed.: 12    შეჰვედრა კგ (-23) აპრილისა თჳსასა. ესევითარი არს სიმჴნე
Line of ed.: 13    უძლეველისა მის ქრისტეს მოწამისაჲ და ესე არიან დიდე\ბულნი
Line of ed.: 14    იგი ნიჭნი ღმრთისანი, რომელთა მისცემს მონათა
Line of ed.: 15    თჳსთა და მოღუაწეთა ჭეშმარიტებისათა, ვითარცა-იგი მოს\ცა
Line of ed.: 16    ყოვლად დიდებულსა გიორგის, რომელნიცა იღუაწა სა\ხელისა
Line of ed.: 17    მისისათჳს ერთგულებით, რამეთუ სრბაჲ აღასრულა,
Line of ed.: 18    სარწმუნოებაჲ დაიმარხა და გჳრგჳნი იგი სიმართლისაჲ მი\იღო
Line of ed.: 19    და უფროჲს ძლევისა მბრძოლთა მათ ხილულთაჲსა
Line of ed.: 20    უბრწყინვალესი ძლევაჲ აღადგინა მბრძოლთა მათ მიმართ
Line of ed.: 21    ჭეშმარიტებისათა და ალმური იგი საცთურისაჲ განდევნა.
Line of ed.: 22    ამისთჳსცა მოიღო გჳრგჳნი არა განხრწნადი, არცა განხრწ\ნადისა
Line of ed.: 23    მარჯუენისაგან მოცემული, არამედ უხრწნელისაგან
Line of ed.: 24    უხრწნელი და არა ხოლო მიიღო, არამედ ურიცხუნი სულნი
Line of ed.: 25    ღუაწლითა თჳსითა გჳრგჳნოსან ყვნა და მიზეზ ცხორებისა
Line of ed.: 26    ექმნა და აწ იშუებს ნათელსა მას შინა მიუაჩრდილებელსა
Line of ed.: 27    დიდებითა მით გამოუთქუმელითა ქრისტეს იესუს მიერ უფ\ლისა
Line of ed.: 28    ჩუენისა, რომლისა არს დიდებაჲ თანა და დაუსაბამოჲთ
Line of ed.: 29    მამით და ცხოველსმყოფელით სულით წმიდითურთ აწ და
Line of ed.: 30    მარადის და უკუნითი უკუნისამდე, ამინ.




Page of ed.: 178  
Next part


This text is part of the TITUS edition of Giorgi Mtavarmocame.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.