TITUS
Johannes Chrysostomus, Commentary on St. Matthew
Part No. 14
Previous part

Chapter: 13  
Part: T  
Line: 1       სიტყუაჲ ესე: "მაშინ იესუ აღმოიყვანა უდაბნოდ სულისაგან
Line: 2    გამოცდად ეშმაკისაგან" (4,1 Link to adisnt Link to cinant Link to giornt),

Line: 3       რომელ არს ჟამი იგი აღყვანებისა მისისაჲ უდაბნოდ, როლისათჳს
Line: 4    იტყჳს, ვითარმედ: "მაშინ იესუ აღიყვანა უდაბნოდ სულისაგან?" შემ\დგომად
Line: 5    გარდამოსლვისა მის ზედა სულისა წმიდისა, შემდგომად ჴმისა
Line: 6    მის ზეცით მოსრულისა, რომელი წამებდა: "ესე არს ძე ჩემი საყუარე\ლი,
Line: 7    რომელი მე სათნო ვიყავ", აღმოიყვანა იგი უდაბნოდ სულმან
Line: 8    წმიდამან; რამეთუ გესმას რაჲ, ვითარმედ აღმოიყვანა უდაბნოდ სული\საგან,
Line: 9    გულისჴმაყავ, ვითარმედ სულსა წმიდასა იტყჳს აღმყვანებელად
Line: 10    იესუსსა უდაბნოდ, რამეთუ, ვინაჲთგან ყოველსავე სწავლად ჩუენდა
Line: 11    იქმოდა და თავს იდებდა, თავს იდვა აღსლვაჲცა უდაბნოდ სულითა წმი\დითა,
Line: 12    რომელი-იგი მარადის იყო მის თანა და არს და იყოს, ვითარცა
Line: 13    ერთ არსებით განუშორებელი. და ესრეთ გულისჴმაყავ: იშვებოდა რაჲ
Line: 14    ქალწულისაგან, მოვიდა ქალწულსა მას ზედა და ძალითა მადლისა თჳსი\საჲთა
Line: 15    შეჰმზადა ტაძარი იგი ჴორცთა უფლისათჳს, ვითარცა ახარებდა
Line: 16    გაბრიელ, ვითარმედ: "სული წმიდაჲ მოვიდეს შენ ზედა". ნათელს\იღებდა
Line: 17    რაჲ, იხილვა სახითა ტრედისაჲთა წამებად ღმრთეებისა მისისა
Line: 18    და ჩუენებად ყოველთა, ვითარმედ ესე არს, რომლისათჳს ჴმაჲ ისმის
Line: 19    მამისაჲ მეტყუელი ძედ საყუარელად. ეგრეთვე აღვიდოდა რაჲ უდაბ\ნოდ,
Line: 20    აღიყვანა, ვითარცა, ესერა, აღმოვიკითხეთ, ვითარმედ:"მაშინ
Line: 21    აღმოიყვანა უდაბნოდ სულისაგან". კუალად აღასრულებდა რაჲ ნიშებსა
Line: 22    და სასწაულებსა, მის თანა იქცეოდა, რაჲთა ყოვლითურთ გულისჴმა\ვყოთ
Line: 23    განუშორებელობაჲ მამისა და ძისა და სულისა წმიდისაჲ. ხოლო
Line: 24    რაჲსათჳს აღვიდა უდაბნოდ გამოცდად ეშმაკისაგანო? რამეთუ თავს\იდვა,
Line: 25    ვითარცა ვთქუ ესეცა ჩუენთჳს და სწავლად ჩუენდა: აღსლვაჲ
Line: 26    უდაბნოდ და ბრძოლად ეშმაკისა ბუნებითა მით კაცობრივითა, რაჲთა
Line: 27    ჩუენცა, რაჟამს შემდგომად ნათლისღებისა შეგუემთხჳნენ უმეტესნი
Line: 28    განსაცდელნი ბრძოლათანი, არა შევშფოთნეთ, ვითარცა მოულოდე\ბელიმცა
Line: 29    რაჲმე მოწევნულ იყო ჩუენ ზედა, არამედ ახოვნად ყოველივე
Line: 30    მოვითმინოთ და უწყოდით, ვითარმედ წესისაებრ თჳსისა იქმნების საქმე
Line: 31    იგი, რამეთუ ამისთჳს მოგეცა შენ საჭურველი, ჵ, ნათელღებულო,
Line: 32    რაჲთა ჰბრძოდი, არათუ რაჲთა უქმად სდგე შენ. და ამისთჳს არა და\აყენებს
Line: 33    ღმერთი ზედა მოსლვასა მას ბრძოლათა და განსაცდელთასა:
Page: I-208   Line: 1    პირველად -- რაჲთა სცნა, ვითარმედ აწ უძლიერეს იქმენ ფრიად, ვიდ\რე
Line: 2    პირველ, ოდეს-იგი, არღა მოგეღო მადლი ნათლისღებისაჲ; მეო\რედ
Line: 3    რაჲთა არა აღსზუავნე მოღებითა დიდებულისა მის ნიჭისაჲთა,
Line: 4    არამედ ბრძოლითა მით განსაცდელთაჲთა სიმდაბლესა შინა ეგო; მესა\მედ --
Line: 5    რაჲთა ბოროტი იგი ეშმაკი, რომელი იჭუეულ არს ჯერეთ ჯმნისა
Line: 6    შენისათჳს მისგან, გამოცდითა მით, ბრძოლათაჲთა გულსავსე იქმნეს,
Line: 7    ვითარმედ ჭეშმარიტად სრულიად გიჯმნიეს მისგან, დაგიტევებიეს იგი
Line: 8    და ბრძოლად მისა განწყობილ ხარ; მეოთხედ -- რაჲთა გამოჴურვებითა
Line: 9    მით განსაცდელთაჲთა იწდო და უმტკიცეს რკინისა გამოსჩნდე და
Line: 10    უმკუეთელეს მახჳლისა მწყობრსა მას ვნებათასა; მეხუთედ -- რაჲთა
Line: 11    გულსავსე იქმნე შენ, ვითარმედ ჭეშმარიტად საუნჯენი დიდნი გერ\წმუნნეს
Line: 12    შენ და პატივი მაღალი მოგეცა. რამეთუ უკუეთუმცა არა ეცნა
Line: 13    ეშმაკსა, ვითარმედ დიდად პატივცემულ იქმენ, არამცა მოვიდა ბრძო\ლად
Line: 14    შენდა, არამედ შეშურდა წარმატებაჲ შენი, ვითარცა-იგი ოდესმე
Line: 15    ადამისი, რამეთუ იხილა რაჲ იგი ესრეთ დიდისა პატივისა ღირსქმნუ\ლად
Line: 16    და ამისთჳს აღიჭურა ბრძოლად მისა მოშურნე იგი მტერი. ამის\თჳს
Line: 17    იობსაცა ზედა განიწყო, იხილა რაჲ იგი წარმატებული მცნებათა
Line: 18    შინა ღმრთისათა და ესმა მისთჳს წამებაჲ ღმრთისა მიერ სიმართლისა და
Line: 19    ჭეშმარიტებისაჲ. ამათ ესევითართა საქმეთათჳს არა დააყენებს ღმერთი
Line: 20    მოსლვასა ბრძოლათა და განსაცდელთასა, რაჲთა წინააღუდგე მტერისა
Line: 21    ზედა მოსლვასა და მოიღო გჳრგჳნი იგი ძლევისაჲ ბრწყინვალე. ამის\თჳსცა
Line: 22    თავსიდებს იგი გამოცდად ეშმაკისაგან, რაჲთა სცნა, ვითარმედ
Line: 23    ჯერ არს შენდაცა გამოცდად და გამოჴურვებად განსაცდელთაგან ახოვ\ნებით;
Line: 24    და ვითარ იტყჳს სხუასა ადგილსაო, ვითარმედ: "ილოცევდით,
Line: 25    რაჲთა არა შეხჳდეთ განსაცდელსა?" -- მეტყჳან ვიეთნიმე. არამედ
Line: 26    გულისჴმაყავთ, ვითარმედ ესე ამისთჳს ბრძანა, რაჲთა გულისჴმაჰყოთ,
Line: 27    ვითარმედ არა ჯერ არს თავით თჳსით შთაგდებაჲ თავთა ჩუენთა გან\საცდელად,
Line: 28    არამედ ოდეს მოიწინენ და ვიწოდნეთ გამოცდად, მაშინ
Line: 29    ახოვნად დავდგეთ. ამისთჳსცა არა თქუა, თუ აღვიდა იესუ, არამედ
Line: 30    "აღმოიყვანაო სულისაგან", წესითა მით და სახითა განგებულებისაჲთა
Line: 31    და ბუნებითა ჴორცთა მათ კაცობრივთაჲთა, რომელნი ცხორებისა ჩუ\ენისათჳს
Line: 32    შეიმოსნა. და იხილე, თუ სადა აღიყვანა იგი სულმან წმიდა\მან,
Line: 33    არა ქალაქად და სოფლად, არამედ უდაბნოდ, რამეთუ ვინაჲთგან
Line: 34    ენება ეშმაკისა ბრძოლად მოხდად, აღიყვანა უდაბნოდ, რაჲთა არა შიმ\შილისაგან
Line: 35    ხოლო, არამედ უდაბნობისაგანცა ადგილისა მის მიეცეს მას
Page: I-209   Line: 1    მიზეზი ბრძოლად მოსლვისაჲ, რამეთუ წეს არს ესე ეშმაკისა, მაშინ
Line: 2    უმეტესად ბრძოლისა აღდგინებად, ოდეს უდაბნოს თჳსაგან ვიყვნეთ.
Line: 3    ხოლო ოდეს ზოგად ვიყოფებოდით, არა ესრეთ ცხარედ მოვალს ბრძო\ლად;
Line: 4    და ამისთჳს წეს არს, რაჲთა, რომელნი არა იყვნენ საზომსა ძლი\ერისა
Line: 5    ახოვნებისასა მიწევნულ და არა ესწაოს ჴელოვნად ბრძოლაჲ
Line: 6    ეშმაკისაჲ და არა მძლე ქმნილ იყვნენ მძლავრებისა მის ვნებათაჲსა,
Line: 7    არა განვიდენ მარტოდმყოფებისა ასპარეზსა, რაჲთა არა ძლეულ იქმნენ
Line: 8    მტერისაგან, არამედ უჴმს მათ კრებულსა შორის მოღუაწეთასა ყოფაჲ,
Line: 9    ვიდრემდის მიიწინენ საზომსა მას ვნებათა ძლევისასა. ხოლო რაჲთა
Line: 10    სცნა, ვითარმედ უდაბნოსა უვალსა განვიდა მაშინ უფალი, ისმინე, ვი\თარ
Line: 11    იტყჳს მარკოზ, ვითარმედ: "იყო მჴეცთა თანა". და იქცეოდა რაჲ
Line: 12    იგი უდაბნოსა მას, იხილე, ვითარითა უკეთურებითა და მზაკუვარებითა
Line: 13    მოუჴდა მას ეშმაკი და ვითარი ჟამი ძიება ყო, რამეთუ იტყჳს მახარე\ბელი:

Part: s  
Line: 14       სახარებაჲ: და იმარხა ორმეოც დღე და ორმეოც ღამე და მერ\მე
Line: 15    შეემშია" (4,2 Link to adisnt Link to cinant Link to giornt).

Part: t  
Line: 16       თარგმანი: ვინაჲთგან ყოველსავე ცხორებისა ჩუენისათჳს იქმო\და,
Line: 17    ამისთჳს იმარხულა, რაჲთა შენ ისწაო, ვითარ კეთილ არს მარხუაჲ
Line: 18    და ვითარ საჭურველი არს დიდი ბრძოლად ეშმაკისა, რაჲთა გულისჴმა\ჰყო,
Line: 19    ვითარმედ შემდგომად ნათლისღებისა არა შუებასა და მთრვალო\ბასა,
Line: 20    დაგებასა ტაბლათა ბრწყინვალეთასა ჯერ არს შექცევაჲ, არამედ
Line: 21    მარხვისა წეს არს შეტკბობაჲ. ამისთჳსცა არა თუ მისდა საჴმარ იყო
Line: 22    მარხვაჲ, არამედ სწავლად ჩუენდა აღასრულა იგი; რამეთუ ვინაჲთგან
Line: 23    ცოდვანი იგი პირველ ნათლისღებისა მოწევნულნი ჩუენ ზედა მონება\მან
Line: 24    მუცლისამან მოაწინა, ამისთჳს თავადმან შემდგომად ნათლისღებისა
Line: 25    მარხვაჲ დააწესა; ვითარცა მკურნალმან, პოის რაჲ უძლური სენითა მწა\რითა
Line: 26    შეპყრობილი, და ჴელოვნებით და წყალობით განკურნის იგი და
Line: 27    განკურნის რაჲ, ამცნის არღარა შთავრდომად მიზეზთა მათ, რომელთა\გან
Line: 28    სენი იგი მოიწია მის ზედა, ესრეთ უფალმანცა სახითა მით, რომელი
Line: 29    აღასრულა, გჳბრძანა ჩუენ, რაჲთა ვინაჲთგან ნათლისღებისა მიერ
Line: 30    წყლულებანი იგი ცოდვათა ჩუენთანი განიკურნენ, არღარა მივაქციოთ
Line: 31    შუებად და მთრვალობად, რომლისაგან წყლულებანი იგი შეგუემთხჳ\ნეს,
Line: 32    არამედ მარხვითა და მოღუაწებითა ვისწრაფოთ სიმრთელისა მის
Line: 33    ჩუენისა უვნებელად დამარხვაჲ; რამეთუ ადამცა უკრძალველობამან ჭა\მადისამან
Line: 34    გამოჴადა სამოთხით და წყლითრღუნაჲ იგი ნოეს ზე შუებამან
Page: I-210   Line: 1    და ნაყროვანებამან მოაწია და სოდომელთა ზედა ცეცხლი და წუნწუ\ბაჲ
Line: 2    ამანვე ვნებამან აწჳმა. რამეთუ დაღაცათუ სიძვისა და მამათმავლო\ბისა
Line: 3    ბრალი იყო მათ ზედა, არამედ ორისავე მის ბოროტისა ძირი შუ\ებისა
Line: 4    და ნაყროვნებისაგან იყო, რომელსაცა წინაწარმეტყუელი ეზე\კიელ
Line: 5    მოასწავებს და იტყჳს: "გარნა ესე ურჩულოებაჲ სოდომელთაჲ
Line: 6    არს, რამეთუ ანპარტავნებითა და სიმაძღრითა პურისაჲთა და ფუფუნე\ბითა
Line: 7    სანოაგეთაჲთა იშუებდეს". ეგრეთვე ჰურიათა მაშინ ქმნნეს დიდ\ნი
Line: 8    იგი ბოროტნი, ოდეს შუებითა და მთრვალობითა ურჩულოებად
Line: 9    მიდრკეს. ამისთჳსცა იმარხა უფალმან ორმეოც დღე, რაჲთა გჳჩუენოს
Line: 10    ჩუენ წამალი ცხორებისაჲ და არა გარდაჰმატა უმეტეს ამისა, რაჲთა
Line: 11    არა გარდამატებულებითა მით საკჳრველებისაჲთა ურწმუნო იქმნენ
Line: 12    ვიეთნიმე ჭეშმარიტებასა მას განკაცებისა და განგებულებისა მისისასა.
Line: 13    რამეთუ ორმეოცისა მის დღისათჳს არა შემოვიდოდა ურწმუნოებაჲ
Line: 14    ესე, ვინაჲთგან პირველ ამისაცა მოსე და ელია იმარხეს ორმეოც დღე
Line: 15    განმტკიცებულთა ძალითა მით ღმრთისა მიერითა. ხოლო უკუეთუმცა
Line: 16    უმეტეს ამისსა ქმნა მარხვაჲ იგი, ურწმუნომცა ვიეთნიმე იქმნეს, ვი\თარცა
Line: 17    ვთქუ ჴორცთშესხმისა მისისათჳს. ხოლო იმარხა რაჲ ორმეოც
Line: 18    დღე და ორმეოც ღამე, მერმე შეემშია, რაჲთა ადგილსცეს ეშმაკსა
Line: 19    მოსლვად და ბრძოლად მისდა, რაჲთა ჰბრძოდის მას და გჳჩუენოს, თუ
Line: 20    ვითარ ჯერ არს ბრძოლაჲ და ძლევაჲ, ვითარცა იქმან მორკინალთა.
Line: 21    მთავარნიცა, ენების რაჲ სწავლად მოწაფეთა თჳსთა, თუ ვითარ უჴმს
Line: 22    რკინობაჲ, შევიდიან სარკინობელად ნეფსით თჳსით და აღასრულებ\დიან
Line: 23    ღუაწლსა მას რკინობისასა, რაჲთა ხედვიდენ მოსწავლენი იგი და
Line: 24    ისწაონ, ვითარ ჯერ არს რკინობაჲ და ძლევაჲ წინააღმდგომთაჲ; ეგ\რეთვე
Line: 25    მაცხოვარმანცა ქმნა: ენება ჩუენებად წესი ბრძოლისაჲ ეშმაკი\საჲ,
Line: 26    ამისთჳს ადგილსცემს მას, რაჲთა მოუჴდეს ბრძოლად და შიმშილი
Line: 27    იგი აუწყა მას; და მო-რაჲ-უჴდა, არა მეყსეულად უჩინო ყო, რომელი-იგი
Line: 28    ადვილ იყო წინაშე მისა, არამედ ადგილსცა მას და ვითარმცა ვინ
Line: 29    თქუა, თუ შეიტყუვა და მიუშუა, ვიდრემდის ეკუეთა მას ერთგზის და
Line: 30    ორგზის და სამგზის და მერმეღა დააკუეთა იგი, ვითარცა შეჰგვანდა.
Line: 31    დააკუეთა და შემუსრა უძლური იგი და საწყალობელი, რომელი შე\ეკუეთა,
Line: 32    ვითარცა პირველსა ადამს და დაეცა დაცემითა მით აღუდგო\მელითა,
Line: 33    საცინელ იქმნა და საკიცხელ, საძლეველ და ფერჴისსაცემელ
Line: 34    მონათა უფლისათა, ანპარტავანი იგი და მზაკუვარი. გარნა ნუმცა ეს\რეთ
Line: 35    ზედამოსლვით თანაწარვჰხდებით ბრძოლასა მას და ძლევასა, რო\მელი
Page: I-211   Line: 1    იქმნა უფლისა მიერ, რაჲთა არა დაგაკლნეთ თქუენ სარგებელი\საგან,
Line: 2    არამედ თითოეული იგი ძლევაჲ კეთილად განვიცადოთ, ვითარცა
Line: 3    ესე მოგჳთხრობს მახარებელი:

Part: s  
Line: 4       სახარებაჲ: "და მერმე შეემშია. მოუჴდა მას გამომცდელი იგი და
Line: 5    ჰრქუა: უკუეთუ ძე ხარ ღმრთისაჲ, თქუ, რაჲთა ქვანი ესე პურ იქმნენ"
Line: 6    (4,2-3 Link to adisnt Link to cinant Link to giornt),

Part: t  
Line: 7       თარგმანი: ვინაჲთგან ესმა ჴმაჲ იგი ზეცით მოსრული, რომელი
Line: 8    იტყოდა: "ესე არს ძე ჩემი საყუარელი" და ესმა იოვანესიცა იგი მის\თჳს
Line: 9    წამებაჲ, ვითარმედ: "აჰა, ტარიგი ღმრთისაჲ, რომელმან აიხუნეს
Line: 10    ცოდვანი სოფლისანი" და სხუაჲ იგი მსგავსი ამისი და მერმე იხილა
Line: 11    იგი, ვითარ შეემშია, განცჳბრებულ იყო და ვერცა ამისი ეძლო დარ\წმუნებად,
Line: 12    თუ კაცი არს ლიტონი, წამებისა მისთჳს, რომელი ასმიოდა
Line: 13    მისთჳს ზეცით და იოვანესგან. ვერცა ამას დაამტკიცებდა, თუ ძე
Line: 14    ღმრთისაჲ არს, რაჟამს-იგი ხედვიდა მას მშიერად. ამისთჳსცა განკჳრვე\ბულ
Line: 15    რაჲ იყო მლევანისა მის საქმისათჳს, მოუჴდა მას და იჭუეულნი
Line: 16    სიტყუანი წინაუყვნა, ვითარცა-იგი ოდესმე ადამს ჰრქუა სიტყუაჲ მო\პოვნებული
Line: 17    არაარსი, რაჲთა ცნას არსი იგი. ეგრეთვე აქა ვინაჲთგან
Line: 18    არა იცოდა ცხადად მიუწთომელი იგი განგებულებისა ქრისტეს საიდუმ\ლოჲ,
Line: 19    და თუ ვინ არს, რომელსა ხედავს, მრავალღონეთა იწყო ბადეთა
Line: 20    თხზვად, რომლითა ჰგონებდა დაფარულისა მის საიდუმლოჲსა ცნობად.
Line: 21    და ისმინეთ, ვითარი სიტყუაჲ წინა-უყო: "უკუეთუ ძე ხარ ღმრთისაჲ,
Line: 22    თქუ, რაჲთა ქვანი ესე პურ იქმნენ". არა თქუა თუ, ვინაჲთგან გშიის,
Line: 23    თქუ, რაჲთა ქვანი ესე პურ იქმნენ, არამედ: "უკუეთუ ძე ხარ ღმრთი\საჲ",
Line: 24    რამეთუ ამისა ცნობად იყო მოსწრაფებაჲ მისი. ამისთჳს ესრეთ
Line: 25    ჰრქუა, რამეთუ ჰგონებდა სიტყჳთა მით საქებელითა ლიქნად მისა და
Line: 26    შიმშილი იგი არა აჴსენა, რაჲთა არა ვითარცა მაყუედრებელად ჩნდეს.
Line: 27    რამეთუ არა იცოდა სიმაღლე იგი განგებულებისა მის და ჰგონებდა,
Line: 28    თუ შეურაცხება არს მისა შიმშილი იგი. ამისთჳსცა არა აჴსენა სიტყუ\ასა
Line: 29    მას შინა ლიქნისასა შიმშილი, არამედ ძეობაჲ ღმრთისაჲ შორის შე\მოიღო.
Line: 30    ხოლო ქრისტემან პირველსავე სიტყუასა ზედა დაამჴუა მისი
Line: 31    იგი ზუაობაჲ და გამოაჩინა, ვითარმედ არა სირცხჳლისა ღირს არს საქ\მე
Line: 32    იგი, არცა სიბრძნისა მისა უღირს. და რომელი-იგი მან, ვითარცა
Line: 33    შეურაცხი რაჲმე დაიდუმა, ესე შორის შემოიღო თავადმან და ჰრქუა
Line: 34    მას:

Part: s  
Line: 35       სახარებაჲ: წერილ არს: "არა ხოლო თუ პურითა ცხონდების
Page: I-212   Line: 1    კაცი, არამედ ყოვლითა სიტყჳთა, რომელი გამოვალს პირისაგან
Line: 2    ღმრთისა" (4,4 Link to adisnt Link to cinant Link to giornt).

Part: t  
Line: 3       თარგმანი: იხილე მანქანებაჲ უკეთურისა მის ეშმაკისაჲ, ვინაჲ
Line: 4    ყო დასაბამი ბრძოლისაჲ მის და ვითარ არა დაივიწყა თჳსი იგი ჴელოვ\ნებაჲ.
Line: 5    რამეთუ რომლითა სახითა პირველი იგი კაცი გამოჴადა სამოთ\ხით
Line: 6    და ბევრეულთა მათ ბოროტთა შთააგდო, მისვე საქმისაგან აქაცა
Line: 7    ყო დაწყებაჲ ბრძოლისაჲ. მონებასა მას ვიტყჳ მუცლისასა, ვითარცა
Line: 8    აწცა ჩუეულება არს სოფელსა შინა უმეცართაცა მიერ ესევითარისა
Line: 9    სიტყჳსაჲ: ბევრეული ბოროტი მუცლისათჳსო. ხოლო ქრისტემან გამო\აჩინა,
Line: 10    ვითარმედ მოყუარეთა ღმრთისათა და მოქმედთა სათნოებისათა
Line: 11    ვერცათუ ესევითარი იგი მძლავრობაჲ აიძულებს უჯეროჲსა რაჲსამე
Line: 12    ქმნად; ამისთჳსცა დაღაცათუ შიოდა, არავე ერჩდა სიტყუასა მას, რაჲთა
Line: 13    გუასწაოს ჩუენ არარასა ზედა მორჩილებაჲ ეშმაკისაჲ. რამეთუ ვინაჲთ\გან
Line: 14    პირველი იგი კაცი ამით სახითა გარდაჰჴდა რჩულსა და შესცოდა
Line: 15    ღმერთსა, ამისთჳს გუასწავლის უფალი, რაჲთა დაღაცათუ არა გარდა\სლვაჲ
Line: 16    მცნებისაჲ იყოს, რომელსა ეშმაკი გუაწუევდეს ქმნად, არავე მი\ვერჩდეთ
Line: 17    მათ და უფროჲსად დაღაცათუ კეთილსაცა რასმე გუეტყოდის
Line: 18    მტერი, არა ჯერ არს ყოვლადვე სმენაჲ მისი. და იხილე, ვითარ ოდეს
Line: 19    ძედ ღმრთისა ეტყოდეს უფალსა ეშმაკნი, პირსა დაუყოფდა მათ, და
Line: 20    პავლეცა შეჰრისხნა, ამას ესევითარსავე ღაღადებდეს რაჲ, დაღაცათუ,
Line: 21    რომელსა-იგი იტყოდეს, არა ბოროტ იყო, არამედ უფროჲსად კეთილ
Line: 22    და საჴმარ; არამედ რაჲთა სრულიად შეურაცხყვნეს იგინი და შორს
Line: 23    ყოს ჩუენგან ზრახვაჲ მათი და გუასწაოს ჩუენ სრულიადი მათა მიმართ
Line: 24    მტერობაჲ, ამისთჳს სდევნიდა მათ და პირსა დაუყოფდა და დუმილსა
Line: 25    უბრძანებდა. ამისთჳსვე წესისა და ამისვე სახისათჳს არცა აქა თავსიდვა
Line: 26    სიტყუაჲ მისი, არამედ ჰრქუა მას: "არა ხოლო თუ პურითა ცხონდების
Line: 27    კაცი, არამედ ყოვლითა სიტყჳთა, რომელი გამოვალს პირისაგან ღმრთი\სა".
Line: 28    ხოლო ესე ესრეთ არს, ვითარმედ: ძალუც ღმერთსა თჳნიერ პური\საცა
Line: 29    სიტყჳთა თჳსითა გამოზრდად მშიერისა. ძუელისა წერილისაგან
Line: 30    მოართუა მას წამებაჲ, რაჲთა ჩუენ ვისწაოთ, გინათუ გუშიოდის, გინა\თუ
Line: 31    სხუასა რასმე ძნელოვანსა მივეცნეთ, არაოდეს განყენებად სასო\ებისაგან
Line: 32    ღმრთისა. ხოლო იტყჳან ვიეთნიმე, ვითარმედ: რად არა რო\მელი-იგი
Line: 33    ვითარცა შეუძლებელი მტერმან წინაუყო გამოსაცდელად --
Line: 34    გარდაქცევაჲ ქვათაჲ პურად -- ქმნა ესე უფალმან, რაჲთამცა უმეტესად
Line: 35    ჰრცხუენა მას? ვჰრქუა ესევითარისა მეტყუელთა მათ, ვითარმედ, რაჲ\სათჳსმცა
Line: 36    ქმნა ესე: არათუ ეშმაკსა სარწმუნოებად მოსლვად ეგულე\ბოდა
Line: 37    და ამისთჳს ეძიებდა სასწაულისა მის ხილვად, არამედ რაჲთა
Page: I-213   Line: 1    უკუეთუ ქმნას სასწაული იგი, ანუ შეუძლოს ცნობად, უკუეთუ ნან\დჳლვე
Line: 2    ჭეშმარიტად ძე ღმრთისაჲ არს, ანუ -- უკუეთუ არა ბუნებითი
Line: 3    იგი ძე ღმრთისაჲ არს, არამედ ესრეთ ხოლო ეწოდა, რაჲთა ამხილოს
Line: 4    მას ურწმუნოებაჲ, რომელ არა ჰრწმენა, თუ ძალუც ღმერთსა გამო\ზრდად
Line: 5    მისა. ამისთჳსცა უფალმან ბოროტისა მის მზაკვარებისა მისისა
Line: 6    დაჴსნად ესევითარი მიუგო პასუხი, რომლითა ვერცა, რასა-იგი ეძიებდა
Line: 7    ცნობად, უძლო, ვერცა, რომელსა ზედა ისწრაფდა მხილებად მისა,
Line: 8    მიემთხჳა, ვითარ-იგი პირველქმნულთა მათ უყო და რომელნი-იგი ამით
Line: 9    ესევითარითა სახითა აცთუნნა და ამხილა, ვითარმედ არა აქუს ღმრთი\სა
Line: 10    მიმართ სასოებაჲ მტკიცე. ამისთჳსცა წინააღმდგომ სიტყუათა
Line: 11    ღმრთისათა აღუთქუა მათ ეშმაკმან და რომლისაგან ებრძანა ღმერთსა,
Line: 12    ვითარმედ: "უკუეთუ შჭამოთ ხისა მისგან, სიკუდილითა მოსწყდეთო",
Line: 13    მან უფროჲსად ჭამითა მისითა უქადაგა მათ უკუდავებაჲ და გან\ღმრთობაჲ
Line: 14    და ესრეთ ამაოჲთა სასოებითა აცთუნნა და ურწმუნოებად
Line: 15    შთაყარნა და მერმე კეთილთა მათგან სამოთხისათა განჴადნა; ეგრეთვე
Line: 16    ენება აქაცა ქმნად, არამედ იძლია და გამოაჩინა ქრისტემან, ვითარმედ
Line: 17    არცა მაშინ სიტყჳსათჳს ეშმაკისა, არცა უკუანაჲსკნელ, ოდეს თანა\მზრახველნი
Line: 18    ეშმაკისანი მზაკუვარნი ჰურიანი ეძიებენ სასწაულსა, ჯერ
Line: 19    არს თანამიყოლაჲ სიტყჳსა მის და ამაოჲსა მის გამოსაცდელად თქმუ\ლისა
Line: 20    სათხოელისა, რაჲთა ვითარცა ყოვლისა კეთილისა სახე გუჱქმნა,
Line: 21    ესეცა გუასწაოს, რაჲთა დაღაცათუ ძალგუედვას სასწაულისა ანუ
Line: 22    სხჳსა რაჲსამე დიდებულისა საქმისა ქმნად, ოდეს ვხედვიდეთ, ვითარ\მედ
Line: 23    არარაჲ არს სარგებელი საქმისა მისგან, არამედ ცუდად და ამაოდ
Line: 24    იქმნების, არა ვინებოთ ქმნად საქმისა მის და არცა კუალად თავს-ვიდ\ვათ
Line: 25    რასავე ზედა სმენაჲ განძრახვათა ეშმაკისა, დაღაცათუ კეთილსა
Line: 26    რასმე გუაწუევდეს, დაღაცათუ ჭირსა და იწროებასა შინა ვიყვნეთ,
Line: 27    ყოვლადვე არა ვერჩდეთ მას. ესრეთ უკუე იძლია რაჲ ბილწი იგი და
Line: 28    მედგარი და ვერ უძლო დარწმუნებად, რაჲთამცა ქმნა უფალმან, რო\მელსა-იგი
Line: 29    ეტყოდა და უფროჲსად ვიდრეღა შიმშილითა წინამდებარე
Line: 30    იყო მაწუეველად საქმისა მის, სხუაჲ სახე ბრძოლისაჲ შემოიღო სარ\თულსა
Line: 31    მას ზედა ტაძრისასა და ჰრქუა:

Part: s  
Line: 32       სახარებაჲ: უკუეთუ ძე ხარ ღმრთისაჲ, გარდაიგდე თავი შენი
Line: 33    ამიერ ქუეყანად, რამეთუ წერილ არს, ვითარმედ: ანგელოზთა მისთა
Line: 34    უბრძანებიეს შენთჳს და ჴელთა ზედა აღგიპყრან შენ, რაჲთა არა წარ\სცე
Line: 35    ქვასა ფერჴი შენი" (4,6 Link to adisnt Link to cinant Link to giornt).

Page: I-214  
Part: t  
Line: 1       თარგმანი: ვინაჲთგან ერთგზის ადგილსცა უფალმან მოსლვად
Line: 2    ეშმაკისასა და ბრძოლად მისა, რაჲთა ჩუენ სახე წანააღდგომისა მისისაჲ
Line: 3    გუასწაოს, არა ინება ყოვლადვე ჩუენებად მისა ძალი ღმრთეებისა მი\სისაჲ
Line: 4    და უჩინოყოფაჲ მისი, ანუ ქუესკნელთა შთაჴდაჲ და გეჰენიასა
Line: 5    ცეცხლისასა შეყენებაჲ, რომელ-იგი ადვილ იყო წინაშე მისა, ვიდრეღა
Line: 6    დაკამკამებაჲ თუალისაჲ. არამედ ენება, რაჲთა ყოველივე ღონე ბრძო\ლისა
Line: 7    მისისაჲ წარმოიღოს მის ზედა და ყოველსა ზედა მძლე ექმნეს
Line: 8    ბუნებითა მით კაცობრივითა, რამეთუ ვითარცა ვიტყჳთ, ვითარმედ ბუ\ნებითა
Line: 9    მით ჴორცთაჲთა ჭამა და სუა და დაიძინა და დაშურა, ეგრეთვე
Line: 10    ბრძოლაჲცა ეშმაკისაჲ თავსიდვა, რაჲთა ჩუენ ძლევისა მისისა სახე მო\გუეცეს
Line: 11    და ძლეულებაჲ იგი ადამისი განკურნოს. ამისთჳს ადგილსცა
Line: 12    ყოვლითავე ღონითა კუეთებად მისა, რაჲთა ყოვლით კერძო შეიმუსროს
Line: 13    ძალი მტერისაჲ. ხოლო რაჲსათჳს თჳთოეულსა მას ბრძოლასა ზედა ამას
Line: 14    სიტყუასა ჰყოფს მტერი დასაბამად: "უკუეთუ ძჱ ხარ უფლისაჲ?" რაჲ\იგი
Line: 15    პირველთა მათ კაცთა ზე ქმნა, მასვე ჰბრძავს აქა ქმნად, რამეთუ
Line: 16    ვითარცა მაშინ შეასმინა ღმერთი მათა მიმართ და ჰრქუა: "იცოდა
Line: 17    ღმერთმან, რამეთუ რომელსა დღესა შჭამოთ ხისა მისგანი, აღგეხილნენ
Line: 18    თუალნი თქუენნი და იყვნეთ თქუენ, ვითარცა ღმერთნი, მეცნიერ
Line: 19    კეთილისა და ბოროტისა", რაჲთამცა დაარწმუნა, ვითარმედ არარაჲ
Line: 20    კეთილი უყო მათ ღმერთმან, არამედ აცთუნნა და არაარსი ამცნო, ეგ\რეთვე
Line: 21    აქა ესევითარსავე გულისსიტყუასა მოასწავებს, ვითარმცა
Line: 22    ეტყოდა, ვითარმედ: გამოაჩინე და საქმით დამარწმუნე, უკუეთუ გაქუს
Line: 23    ძალი შემსგავსებული ძესა ღმრთისასა. უკუეთუ არა, ცან, ვითარმედ
Line: 24    ცუდად გიწოდა ძედ საყუარელად და გაცთუნა, აღგითქუა რაჲ ესევი\თარი
Line: 25    იგი ნიჭი და არა მოგცა. უკუეთუ კულა მიუცემიეს, საქმით გულ\სავსე
Line: 26    მყავ. ესევითარი ჴელოვნებაჲ იჴმარა მზაკუვარმან მან და საძა\გელმან,
Line: 27    ბოროტმან მან მონამან და განდგომილმან, რაჲთამცა ცნა, თუ
Line: 28    ნანდჳლვე იგი არს ძე ღმრთისაჲ, რამეთუ განგებულებითა ღმრთისაჲთა
Line: 29    დაეფარა მას საქმე იგი დიდებული და საღმრთოჲ. ამისთჳს ღონისძი\ებით
Line: 30    მოიპოვნა სიტყუანი იგი და წამებაჲ წერილთაგან მოიღო სიტყჳსა
Line: 31    თჳსისა დასამტკიცებელად. ხოლო უფალმან ჩუენმან იესუ ქრისტე არა\ვე.
Line: 32    შეჰრისხნა, არცა დაწუა ცეცხლითა გულისწყრომისა მისისაჲთა, რა\მეთუ
Line: 33    ენება, რაჲთა ყოველივე ღონე ბრძოლისა თჳსისაჲ შემოიღოს გა\მომცდელმან
Line: 34    მან, არამედ ფრიადითა სიმშჳდითა კუალადცა სიტყუაჲ
Line: 35    წერილისაჲ წინაუყო და ჰრქუა:

Page: I-215  
Part: s  
Line: 1       სახარებაჲ: წერილ არს: არა განსცადო უფალი ღმერთი შენი"
Line: 2    (4,7 Link to adisnt Link to cinant Link to giornt).

Part: t  
Line: 3       თარგმანი: რაჲთა გუასწაოს ჩუენ, ვითარმედ ბრძოლაჲ ეშმაკი\საჲ
Line: 4    და ძლევაჲ არა სასწაულთმოქმედებითა გჳღირს, არამედ სიმდაბ\ლითა,
Line: 5    სიმშჳდითა და სულგრძელებითა და რაჲთა არარას ვიქმოდით მა\ჩუენებლობით
Line: 6    და ზუაობით. ხოლო იხილე მზაკუვარებასა თანა და
Line: 7    უკეთურებასა წარწყმედილისა მის და შეჩუენებულისა, ფრიადიცა იგი
Line: 8    უგუნურებაჲ მისი სიტყუათა მათგანცა, რომელნი შემოიხუნა წამებად
Line: 9    თჳსა, რამეთუ ესმა რაჲ, ვითარ მოიღო უფალმან წამებად წერილთაგან
Line: 10    სიტყუანი ჯეროანნი და შემსგავსებულნი, მოიღო მანცა წამებაჲ ცუდი
Line: 11    და შეუმსგავსებელი წინამდებარისა მის პირისა. რამეთუ არათუ წერი\ლი
Line: 12    იგი, ვითარმედ: "ანგელოზთა მისთა უბრძანებიეს შენთჳს", ამას
Line: 13    აწუევს: შთაგდებად თავისა სიღრმედ ანუ გარდაგდებად სიმაღლეთაგან,
Line: 14    და არცა უფლისათჳს თქუმულ არს სიტყუაჲ ესე, ვითარ სხუანი იგი
Line: 15    უფლისათჳს თქუმულნი სიტყუანი. ხოლო უფალმან არავე ამხილა, არცა
Line: 16    შეჰრისხნა ესევითარისა უგუნურისა და ამაოჲსა სიტყჳსათჳს და ფრიად
Line: 17    წინააღმდგომისა, რამეთუ არა არს საქმე ესე ძისა ღმრთისაჲ გარდაგ\დებაჲ
Line: 18    თავისაჲ, არამედ ეშმაკისაჲ და მსახურთა მისთაჲ, ხოლო ღმრთისა
Line: 19    საქმე არს უფროჲსად დაცემულთაცა და ქუემდებარეთა აღდგინებაჲ,
Line: 20    რამეთუ დაღაცათუმცა სასწაულისა ჯერ იყო ჩუენებაჲ, არა გარდაგდე\ბაჲ
Line: 21    თავისაჲ ჯერ იყო, რომელ-იგი ეშმაკთა ბანაკისა საქმე იყო, არა\მედ
Line: 22    სხუათაცა ცხორებისა მინიჭებაჲ. ესრეთ უგუნურებითა სავსე
Line: 23    იყვნეს სიტყუანი იგი მტრისანი. ხოლო ამას ყოველსა ზედა არა გამო\აჩინა
Line: 24    ქრისტემან თავი თჳსი, არამედ ვითარცა კაცი ეტყოდა მას, ვი\თარმედ:
Line: 25    "არა პურითა ოდენ ცხონდების კაცი", და "არა განსცადო
Line: 26    უფალი ღმერთი შენი", და ბუნებითა მით ჩუენითა სძლო მას, რომლი\სათჳსცა,
Line: 27    ვითარ-იგი მოუჴდის რაჲ უძლური ვინმე მჴედარსა ახოვანსა
Line: 28    ბრძოლად და მოიწყლის მის მიერ ძლიერად და ტკივილსა მისგან და
Line: 29    სისხლისა დაბნელებული აქა და იქი ეკუეთებინ, ეგრეთვე უძლურსა მას
Line: 30    და უბადრუკსა შეემთხჳა, შებმა უყო რაჲ უფალსა და იძლია ერთგზის
Line: 31    და ორგზის და მოიწყლა ძლიერად, ცნობამიღებული წარჰრევდა და
Line: 32    ჴელყო სხვასაცა მესამესა სახესა ბრძოლისასა, ვითარცა იტყჳს მახარე\ბელი:

Part: s  
Line: 33       სახარებაჲ: კუალად წარიყვანა იგი მთასა მაღალსა და უჩუენნა
Line: 34    ყოველნი სუფევანი სოფლისანი და დიდებაჲ მათი და ჰრქუა მას: ესე
Page: I-216   Line: 1    ყოველი მიგცე, უკუეთუ დაჰვარდე და თაყუანისმცე მე. მაშინ ჰრქუა
Line: 2    მას იესუ, "წარვედ ჩემგან მართლუკუნ, ეშმაკო, რამეთუ წერილ არს:
Line: 3    "უფალსა ღმერთსა შენსა თაყუანისსცე და მას მხოლოსა ჰმსახურებ\დე"
Line: 4    (4,8-10 Link to adisnt Link to cinant Link to giornt).

Part: t  
Line: 5       თარგმანი: ვინაჲთგან სიტყუაჲ გმობისაჲ თქუა და იკადრა თჳსად
Line: 6    წოდებად, რომელსა ზედა არაჲ აქუს ჴელმწიფებაჲ, რამეთუ ყოველივე
Line: 7    ჴელმწიფებასა შინა ღმრთისასა არს, და ენება ურცხჳნოსა მას და და\წყეულსა
Line: 8    ჩემებად თავისა თჳსისა პატივსა მას საღმრთოსა, მერმეღა
Line: 9    შეჰრისხნა და არავე რისხვით, არამედ მიუგო სიმშჳდით: "წარვედ
Line: 10    მართლუკუნ ჩემგან, ეშმაკო", რომელ-იგი ბრძანებაჲ იყო უფროჲსად,
Line: 11    ვიდრეღა შერისხვაჲ. რამეთუ ჰრქუა რაჲ: "წარვედ ჩემგან მართლ\უკუნ",
Line: 12    მუნქუესვე იოტა იგი და განდევნა და ვერღარა უძლო განცდად.
Line: 13    ხოლო ვითარ იტყჳს ლუკა, ვითარმედ: "აღასრულნა ყოველნი განსაც\დელნი?".
Line: 14    ესე ამისთჳს, რამეთუ თავნი რაჲ და დასაბამნი ყოველთა
Line: 15    ბრძოლათა და განსაცდელთანი თქუნა, ამისთჳს დაურთო, ვითარმედ:
Line: 16    "ყოველნი განსაცდელნი". სამთა ამათ ყოველთა სახელი უწოდა, რამე\თუ
Line: 17    ესენი არიან შესაკრებელნი ყოველთა ბრძოლათა და ყოველთა
Line: 18    განსაცდელთანი: მონებაჲ მუცლისაჲ და ცუდადმზუაობრობაჲ და სი\ყუარული
Line: 19    საფასეთა და საჴმართაჲ, რომელ-ესე ვითარცა უძლიერესი
Line: 20    ბრძოლაჲ უკუანაჲსკნელ წინაუყო, რამეთუ ესრეთ არს წესი ბრძოლისა
Line: 21    მისისაჲ, რაჲთა რომლითა ჰგონებდეს ძლევად, იგი უკუანაჲსკნელ ყოვ\ლისა
Line: 22    შემოიღოს, ვითარცა იობის ზე ქმნა; ეგრეთვე აქა უდარესთაგან
Line: 23    იწყო და უძლიერესთა მიმართ აღვიდა. ვითარ უკუე ჯერ არს ძლევაჲ
Line: 24    ბრძოლათა მისთაჲ? ესრეთ, ვითარცა უფალმან გუასწავა, რაჲთა მარა\დის
Line: 25    ღმრთისა მივივლტოდით და არცა ჟამსა სიყმილისასა დავიჴსნებო\დით,
Line: 26    არამედ გურწმენეს მისი, რომელსა ჴელეწიფების სიტყჳთ ოდენ
Line: 27    გამოზრდად ჩუენდა. არცა ნიჭთა მათ ზედა მოცემულთა ღმრთისაგან
Line: 28    გამოვსცდიდეთ მას, არამედ ზეცისა დიდებასა ვეძიებდეთ და კაცობრი\ვი
Line: 29    ყოვლადვე შეურაცხ იყოს წინაშე ჩუენსა. არცა კუალად საფასეთა
Line: 30    და საჴმართათჳს მეტთა და გარდარეულთა მეძიებელ ვიყვნეთ, რამეთუ
Line: 31    არარაჲ ესრეთ დაამორჩილებს კაცსა ეშმაკისა, ვითარ ანგაჰრებაჲ და
Line: 32    უმრავლესისა ძიებაჲ, და ესე საცნაურ არს აწინდელთაცა საქმეთაგან,
Line: 33    რამეთუ აწცა მრავალნი არიან, რომელნი იტყჳან, ვითარმედ: "ესე ყო\ველი
Line: 34    მიგცე, უკუეთუ დაჰვარდე და თაყუანისმცე", რომელნი-იგი კაც\ნი
Line: 35    არიან ბუნებითა, არამედ ჭურჭელ ეშმაკისა უქმნიან თავნი თჳსნი.
Page: I-217   Line: 1    და მაშინცა არა თავით თჳსით ხოლო ჰბრძოდა ეშმაკი უფალსა, არამედ
Line: 2    კაცთა მიერცა, რომელნი ჭურჭელ მისისა მის უკეთურებისა ქმნილ
Line: 3    იყვნეს და ამას მოასწავებს ლუკა, რომლისათჳსცა იტყჳს, ვითარმედ:
Line: 4    "განეშორა მას ვიდრე ჟამ რავდენმე", რაჲთა გამოაჩინოს, ვითარმედ
Line: 5    ამისა შემდგომად ეგულებოდა კუალადცა ბრძოლად მისა, არა თავით
Line: 6    თჳსით, არამედ მსახურთა მათ და ჭურჭელთა მისთა მიერ, რომელ იყვნეს
Line: 7    ჰურიანი. ხოლო აწ ძლეული ივლტოდა, ვითარცა ესერა აღმოვიკითხეთ:

Part: s  
Line: 8       სახარებაჲ: მაშინ დაუტევა იგი ეშმაკმან მან და ანგელოზნი
Line: 9    მოვიდეს და ჰმსახურებდეს მას" (4,11 Link to adisnt Link to cinant Link to giornt).

Part: t  
Line: 10       თარგმანი: ვიდრემდის ბრძოლაჲ იგი აღესრულებოდა, არა შე\უნდო
Line: 11    ანგელოზთა გამოჩინებად, რაჲთა არ განაფრთხოს ნადირი იგი,
Line: 12    რომლისა მონადირებაჲ ენება. ხოლო ვინაჲთგან ყოვლით კერძო არ\ცხჳნა
Line: 13    მტერსა მას და იოტა, მაშინღა გამოჩნდეს ანგელოზნი, რაჲთა სცნა
Line: 14    შენ, ღმრთისმოყუარეო, ვითარმედ: ოდეს მძლე ექმნა ბრძოლასა ეშმა\კისასა
Line: 15    მადლითა ქრისტესითა, შენ ზედაცა ანგელოზნი მოვიდენ მაქე\ბელად
Line: 16    და გჳრგჳნოსანმყოფელად. ეგრეთ წერილ არს ლაზარესთჳსცა,
Line: 17    ვითარმედ შემდგომად გამოჴურვებისა მის საჴუმილითა გლახაკობისა და
Line: 18    სიყმილისა და იწროებისაჲთა წარიყვანეს იგი ანგელოზთა და მიიყვანეს
Line: 19    წიაღთა აბრაჰამისთა. რამეთუ ვითარცა მითქუამს, უმრავლესთა მათ საქ\მეთა
Line: 20    სამოძღურებელად ჩუენდა იქმოდა უფალი, რაჲთა გჳჩუენოს, ვი\თარმედ
Line: 21    ჩუენ ზედაცა ესრეთ იქმნების.


Part: S  
Line: 22  სწავლაჲ იგ

Line: 23  რაჲთა არა პირსა მეტყუელთასა ვხედვიდეთ, არამედ სიტყუათა
Line: 24  მათთა გულისჴმავჰყოფდეთ; და სასუფეველისათჳს და
Line: 25  სატანჯველთა მათთჳს მერმეთა


Line: 26       აწ უკუე ვინაჲთგან ესე ყოეელი შენთჳს იქმნა, ჰბაძევდი შენცა,
Line: 27    მორწმუნეო, სახესა მას ძლევისასა. დაღაცათუ მოგიჴდეს ვინ მონათა\განი
Line: 28    მის ეშმაკისათა და გეტყოდის, ვითარმედ: უკუეთუ ძალუც სარ\წმუნოებასა
Line: 29    შენსა, არქუ მთასა ამას, რაჲთა იცვალოს ამიერ, ნუ შეშ\ფოთნები,
Line: 30    ნუცა შეორგულდები, არამედ არქუ მას, რაჲ-იგი გესმა მე\უფისაგან
Line: 31    შენისა: "არა განსცადო უფალი შენი". დაღათუ წინაგიყოს
Line: 32    შენ გამომცდელმან მან დიდებაჲ და ძლიერებაჲ და სიმრავლე საფასეთა
Line: 33    და გეტყოდის, ვითარმედ: "ესე ყოველი მიგცე შენ უკუეთუ დაჰვარდე
Page: I-218   Line: 1    და თაყუანისმცე მე", დადეგ ახოვნებით და წინააღუდეგ და არქუ:
Line: 2    "წარვედ ჩემგან მართლუკუნ, ეშმაკო", რამეთუ არათუ ხოლო მეუფე\სა
Line: 3    ჩუენსა წინაუყო ეშმაკმან ესევითარნი განსაცდელნი, არამედ დღი\თიდღეცა
Line: 4    მონათა მისთა ესევითარითა სახითა ებრძვის არა მთათა შინა
Line: 5    ხოლო და უდაბნოთა, არამედ სოფელთაცა შინა და ქალაქთა და სადაცა
Line: 6    პოოს მონაჲ უფლისაჲ. რაჲმე უკუე ჯერ არს ქმნად? გარემიქცევაჲ
Line: 7    ყოვლადვე ზრახვათა მისთაჲ და მოძულებაჲ მისი ყოვლითა გულითა და
Line: 8    დაყოფაჲ ყურთაჲ არა სმენად სიტყუათა მისთა, და რაოდენ უმეტესსა
Line: 9    რასმე გჳქადებდეს, უმეტესად სივლტოლაჲ მისგან, რამეთუ ევასცა
Line: 10    ოდეს უმეტესი უქადა, მაშინ სრულიად წარწყმიდა. რამეთუ მტერი არს
Line: 11    დაუგებელი და მბრძოლი არს ჩუენი სამარადისოჲ, და არა მოსწრაფე
Line: 12    ვართ ჩუენ ესრეთ ცხორებად, ვითარ მოსწრაფე არს იგი წარწყმედად.
Line: 13    გარემივიქცეთ უკუე მისგან და განვეშორნეთ მას ნუ სიტყჳთა ხოლო
Line: 14    და გონებითა, არამედ საქმითაცა, და ნუმცა რას ვიქმთ ყოვლადვე ნე\ბასა
Line: 15    მისსა, არამედ ნებასა მეუფისა ჩუენისასა შეუდგეთ; რამეთუ
Line: 16    გჳქადებს იგი მრავალსა, რაჲთა უმრავლესი წარგჳღოს და ჩუენ არცა
Line: 17    ერთი რაჲ მოგუცეს. გჳქადებს ანგაჰრებისა მიერ სიმდიდრესა, რაჲთა
Line: 18    გამოგუყარნეს სასუფეველისაგან და განგუაშორნეს სიმართლისაგან,
Line: 19    დაგჳრწყავს მახეთა და ბადეთა საუნჯეთა მიერ სოფლისათა, რაჲთა სა\უნჯეთა
Line: 20    მათგან ზეცისათა გამოგუახუნეს. ჰნებავს აქა სიმდიდრე ჩუენი,
Line: 21    რაჲთა მუნ გლახაკ ვიპოვნეთ, და ოდეს ვერ უძლოს სიმდიდრისა მიერ
Line: 22    წარტყუენვაჲ ჩუენი, სხუასა ღონესა მოიპოებს და სიგლახაკითა ჴელ\ჰყოფს
Line: 23    ბრძოლად, ვითარცა-იგი ქმნა იობის ზე. რამეთუ იხილა რაჲ,
Line: 24    ვითარმედ სიმდიდრისაგან არა ევნების, სიგლახაკისა მიერ ენება შეყე\ნებაჲ
Line: 25    ბადეთა თჳსთა; და რაჲმცა იყო ამის საქმისა უცოფეს, რომელ
Line: 26    ესეცა ვერ გულისჴმაყო, თუ რომელმან-იგი სიმდიდრე ღმრთისმოშიშე\ბით
Line: 27    წარიჴადა. არა უფროჲსად სიგლახაკესა შინამცა აჩუენა სიკეთე
Line: 28    მისი? უკუეთუ სიძნელემან მან სიმდიდრისამან ვერ ავნო, ვითარმცა
Line: 29    ავნო სიგლახაკემან, რომელი-იგი უფროჲსად თანაშემწე არს სათნოები\საჲ?
Line: 30    ამისთჳსცა დაღაცათუ სიმდიდრესა შინა მართალ და ჭეშმარიტ
Line: 31    იყო ნეტარი იგი და განშორებულ ყოვლისავე ბოროტისაგან, არამედ
Line: 32    ფრიად უბრწყინვალესად გამოჩნდა სიგლახაკესა შინა, რამეთუ საფასე\თა
Line: 33    მისთა უძლო უკეთურმან მან წარტაცებად, ხოლო სიყუარულსა
Line: 34    ღმრთისასა, არათუ წარტაცებად ვერ უძლო, არამედ უფროჲსად გან\მრავლებულსა
Line: 35    და აღორძინებულსა ხედვიდა. და რაოდენ ჴორციელისა
Page: I-219   Line: 1    სიმდიდრისაგან განაშიშულა, უმეტეს შეიმკო იგი სიმდიდრითა მით
Line: 2    სულიერითა, და რავდენცა უმეტესნი წყლულებანი დასხნა მის ზედა,
Line: 3    იხილა იგი უმეტესად განძლიერებული. ამისთჳს ვითარცა ყოველი ღო\ნე
Line: 4    მანქანებისა თჳსისაჲ აღძრა და ყოვლით კერძო იძლია, ძუელი იგი
Line: 5    ღონე თჳსი მოიპოა: დედაკაცი, რომლისა მიერ ადამი აცთუნა; და შეჰმოსა
Line: 6    მას სახე წყალობისაჲ, რომელი-იგი მოუჴდა მეუღლესა და სალმობათა
Line: 7    მათ მისთა და მწუხარებათა საწყალობელად წარმოიტყოდა. მერმე გან\რომისათჳს
Line: 8    ესევითართა მათ და ესოდენთა ბოროტთაგან შემოიღო გან\ზრახვაჲ
Line: 9    იგი ბოროტი. არამედ ცუდ იქმნა ღონე იგი მზაკუვარისაჲ, რა\მეთუ
Line: 10    გულისჴმაყო საკჳრველმან მან კაცმან მახეთა მათ მისთა მალული
Line: 11    და სიტყუანი იგი სავსენი ფრიადითა სიბრძნითა წინაუყვნა დედაკაცსა
Line: 12    მას, რომელთა მიერ სირცხჳლეულ იქმნა მტერი. ეგრეთ გჳღირს ჩუენცა
Line: 13    ყოფად, რაჲთა გინათუ ძმაჲ, გინათუ მეგობარი, გინათუ მეუღლე ბირე\ბითა
Line: 14    ეშმაკისაჲთა გუეტყოდის რასმე სავნებელსა სულისასა, არა პირსა
Line: 15    მას მეტყუელისასა ვხედვიდეთ, არამედ ძალსა მას სიტყუათასა გულის\ჴმავჰყოფდეთ
Line: 16    და უკუეთუ სავნებელ სულისა იყვნენ სიტყუანი იგი,
Line: 17    გარემივაქცევდეთ ჩუენგან და ყოვლადვე ნუმცა ვისმენთ მათ, რამეთუ
Line: 18    აწცა მრავალსა ესევითარსა იქმს ეშმაკი და წყალობისათჳს შვილთა და
Line: 19    თჳსთაჲსა მიგჳზიდავს შუებად და სიმდიდრედ და ჩანს იგი, ვითარცა
Line: 20    ერთგული განმზრახი, არამედ არს ფრიად ორგულ და მბრძოლ, რამეთუ
Line: 21    მისი არს ესე საქმე, რაჲთა ღონისძიებით შთაგუყარნეს შუებათა და
Line: 22    გულისთქუმათა. ნუმცა უკუე მივერჩდებით მას, ნუცა შევიყუარებთ
Line: 23    შუებასა და განსუენებასა სოფლისასა, არამედ უფროჲსად ჭირი შევი\ყუაროთ
Line: 24    სოფელსა ამას, რაჲთა მუნ ვპოოთ განსუენებაჲ, რამეთუ
Line: 25    ღმერთიცა მრავალგზის ცხორებისათჳს ჩუენისა მოავლენს სოფელსა
Line: 26    ამას ჭირსა რასმე, რაჲთა ღირსმყვნეს საუკუნესა მას განსუენებასა, ვი\თარცა
Line: 27    წერილ არს: "რომელი უყუარნ ღმერთსა, სწავლის; და ტანჯის
Line: 28    ყოველი შვილი, რომელი შეიყუარის". აწ უკუე ოდეს შუებით და
Line: 29    განსუენებით ვიყვნეთ, უფროჲსად მაშინ გუელმოდენ და ვძრწოდით,
Line: 30    რამეთუ უკუეთუ თანამდებ ცოდვათა მრავალთა ვიყვნეთ და არარაჲ
Line: 31    შეგუემთხჳოს ჭირი, ანუ განსაცდელი სოფელსა ამას შინა, შიშისა
Line: 32    ღირს არს ესე და ძრწოლისა ფრიადისა: ნუუკუე მერმესა მას კუალად\გებასა
Line: 33    დამარხულ არს ჩუენდა ნაცვალი ბოროტთა ჩუენთაჲ? რამეთუ
Line: 34    ოდეს აქავე მცირედ რაჲმე მიგუეჴადოს სასჯელი, მუნ აღგჳსუბუქდების
Line: 35    განმზადებული იგი მოსაგებელი ცოდვათა ჩუენთაჲ. ხოლო ოდეს ყო\ველსავე
Page: I-220   Line: 1    ზედა სულგრძელ გუექმნებოდის ღმერთი და ჩუენ უნანელო\ბასა
Line: 2    და ცოდვასა ზედა ვეგნეთ, დიდი სასჯელი დამარხულ არს ჩუენ\თჳს;
Line: 3    რამეთუ უკუეთუ ღირსთა და სათნოთა ღმრთისათა დიდად სარ\გებელ
Line: 4    ექმნებიან მწუხარებანი და ჭირნი, რავდენ უფროჲს ცოდვილთა
Line: 5    სარგებელ ექმნენ? ხოლო ცოდვილისა კაცისაჲ უტანჯველად და განუ\წურთელად
Line: 6    ყოფაჲ მერმეთა მათ სატანჯველთა მომატყუებელ არს.
Line: 7    იხილე ფარაო და ნაბუქოდონოსორ, ვითარ სულგრძელ ექმნა ღმერთი
Line: 8    და რაჟამს თჳსსავე უკეთურებასა ზედა ეგნეს, უკუანაჲსკნელ უძჳრესი
Line: 9    პატიჟი მიეჴადა. და მდიდარსა მას, ვინაჲთგან აქა არარაჲ ძჳრი შეემ\თხჳა,
Line: 10    ამისთჳს მუნ უსაწყალობელეს ყოველთასა იპოა, რამეთუ წარვლო
Line: 11    საწუთროჲსა ამის ცხორებაჲ შუებით და მუნ მიეჴადა სასჯელი ყოვ\ლისაჲვე,
Line: 12    სადა-იგი არღარაჲ იპოებოდა ნუგეშინისცემაჲ მიწევნულთაჲ
Line: 13    მათ მის ზედა ბოროტთაჲ. გარნა არიან ვიეთნიმე ესოდენ უგუნურ და
Line: 14    ცოფ, რომელ ყოველსავე ამის საწუთროჲსასა ხოლო ეძიებენ და სი\ტყუათა
Line: 15    მათ უგულისჴმოებისათა იტყჳან: ვიშუებდე წუთღა საშუებელი\თა
Line: 16    ამით წინაშე თუალთა ჩემთა მდებარითა და მერმე განვიზრახო უხი\ლავისა
Line: 17    მისთჳს და უცნაურისა, რამეთუ საწადელ არს აღვსებაჲ მუც\ლისაჲ,
Line: 18    აღსრულებაჲ გულისთქუმათაჲ, განცხრომაჲ და სიხარული;
Line: 19    დღეს ვიშუებდე და ხვალე რაჲცა იქმნას. ჵ, უგუნურებაჲ ამათ სიტყუ\ათაჲ!
Line: 20    ჭეშმარიტად არარაჲთა განყოფილ არიან ღორთაგან მეტყუელნი
Line: 21    იგი ესევითარისანი. თქუ შენ, მეტყუელო და მოქმედო ამაოებისაო,
Line: 22    ურწმუნო ხარა უხილავთა მათთჳს? იჭუელ ხარა სატანჯველთა მათთჳს
Line: 23    ჯოჯოხეთისათა? ჵ, შენდა, რამეთუ უურწმუნოეს იქმენ ეშმაკთასაცა.
Line: 24    იგინი აღიარებდეს, ვითარმედ ჯოჯოხეთი განმზადებულ არს მათთჳს.
Line: 25    ამისთჳსცა განასხმიდა რაჲ უფალი, ეტყოდეს: "მოხუედ პირველ ჟამისა
Line: 26    ტანჯუად ჩუენდა", რომლითა შეიწამეს, ვითარმედ განმზადებულ არს
Line: 27    მათთჳს სატანჯველი იგი საუკუნე; და შენ, რომელი ესევითარსა პატივსა
Line: 28    ღირსქმნილ ხარ და მიუთხრობელთა მათ საიდუმლოთა ზიარებად ჩინებულ
Line: 29    ხარ, მათსაცა უუგუნურეს და უურწმუნოეს ხარა? და ვინ მოვიდაო
Line: 30    ჯოჯოხეთით და გჳთხრა ჩუენ ესე ყოველი, მეტყჳან ცნობაწარწყმე\დულნი
Line: 31    იგი, რომელთაცა ვჰკითხო მე: ვინ მოვიდა ზეცით და გჳთხრა,
Line: 32    ვითარმედ არს ღმერთი შემოქმედი ყოველთაჲ, ვინაჲ გუეუწყა, ვითარ\მედ
Line: 33    არს ჩუენ თანა სული ცხოელი? რამეთუ უკუეთუ ხილულნი ოდენ
Line: 34    გრწამს და უხილავთა ყოველთათჳს იჭუეულ ხარ, იჭუეულ ვიდრემე
Line: 35    იქმნე შენ ღმრთისათჳსცა და ანგელოზთათჳს და სულისთჳსცა შენისა
Page: I-221   Line: 1    და ესრეთ სრულიად ოჴერ და წარწყმედილ იპოო. არამედ გულისჴმა\ყავ,
Line: 2    ვითარმედ უფროჲსად უხილავთა სარწმუნოებაჲ მტკიცე არს და
Line: 3    ჭეშმარიტ, ვიდრეღა ხილულთაჲ. დაღაცათუ საკჳრველად გიჩნს სი\ტყუაჲ
Line: 4    ესე, არამედ ჭეშმარიტ არს ესე და სარწმუნო. რამეთუ თუალნი
Line: 5    ფრიად სცთებიან, არათუ უხილავთა მათ ზედა ოდენ, რამეთუ იგინი
Line: 6    ყოვლადვე არა უხილვან, არამედ ხილულთაცა ამათ საქმეთა ზედა მრა\ვალსა
Line: 7    სცთებიან, ანუ სიშორისაგან ადგილისა, ანუ სიბნელისაგან ჰა\ერისა,
Line: 8    ანუ გონებისა სხუად შექცევისაგან და სხჳსა მრავლისა საქმისა\გან
Line: 9    შემაშფოთებელისა თუალთაჲსა. ხოლო გონებამან შეიწყნაროს რაჲ
Line: 10    ნათელი იგი ზეცისაჲ, არა იქმნების ყოლადვე ცთომაჲ. აწ უკუე წმი\დათა
Line: 11    მათ წინაწარმეტყუელთა და მოციქულთა განწმიდნეს რაჲ გონე\ბანი
Line: 12    თჳსნი, ყოველივე უცთომელად იხილეს, ეგრეთვე ჩუენ, უკუეთუ
Line: 13    განვიწმიდნეთ ვნებათაგან და განვნათლდეთ წურთითა წმიდათა წერილ\თაჲთა,
Line: 14    ვიხილოთ ყოველივე ჭეშმარიტებით და უცთომელად, თუ რა\ბამნი
Line: 15    კეთილნი განმზადებულ არიან მართალთათჳს, ანუ ვითარნი სა\ტანჯველნი
Line: 16    ელიან ცოდვილთა. ამისთჳს გევედრები, საყუარელნო, ნუ
Line: 17    ვაცთუნებთ თავთა ჩუენთა, ნუცა ბოროტთა მათ ზრახვათა შემოვიღებთ,
Line: 18    რაჲთა არა ცეცხლისა მის საუკუნოჲსა საჴუმილი უძჳრესად დავიკრი\ბოთ
Line: 19    თავთა ჩუენთა ზედა. რამეთუ უკუეთუ არა არს სასჯელი და სა\ტანჯველნი
Line: 20    ცოდვილთათჳს,არცა მართალთათჳს ვიდრემე განმზადებულ
Line: 21    არს განსასუენებელი. იხილეთღა, სადა მიიწევის სიტყუაჲ იგი გმობი\საჲ
Line: 22    თქუმად, ვითარმედ უგულებელსყვნეს ღმერთმან ოფლნი იგი და
Line: 23    შრომანი მონათა თჳსთანი. და ვითარმცა შესაძლებელ იყო ესე? რამეთუ
Line: 24    უკუეთუ კაცმან რაოდენცა უწყალო იყოს და ფიცხელ, არა უგულე\ბელსყვის
Line: 25    მონაჲ ერთგული და დიდად დამაშურალი მსახურებასა შინა
Line: 26    მისსა, არამედ ცხორებასაცა თჳსსა კეთილი უყვის მას, და აღესრულე\ბინ
Line: 27    რაჲ, აზნაურებითა პატივი სცის და საფასე დაუტევის, და შვილთა
Line: 28    თჳსთა, ანუ ვინცა შემდგომად მისა დაშთებინ ამცნის საურავი მისი და
Line: 29    კეთილისყოფაჲ. უკუეთუ კაცმან ესე ყვის, ღმერთმანცა სახიერმან და
Line: 30    მოწყალემან, წყარომან მან სიტკბოებისა და კაცთმოყუარებისამან,
Line: 31    უგულებელ-მცა-ყვნა მონანი თჳსნი პეტრე და პავლე და იაკობ და
Line: 32    იოვანე და სხუანი მსგავსნი მათნი, რომელნი სახელისა მისისათჳს მო\სწყდეს
Line: 33    და მიეცნეს სიყმილსა, საპყრობილესა, მჴეცთა, მახჳლსა და
Line: 34    ესოდენი თავსიდეს ჭირი, რომელ არცათუ რიცხჳ არს ღუაწლთა მათ\თაჲ?
Line: 35    იგინი არა გჳრგჳნოსან ყვნეს, არამედ დაივიწყნესა ღუაწლნი მათ\ნი
Line: 36    და ესოდენი იგი შრომაჲ მათი ცუდ იქმნესა? ვითარ შესაძლებელ
Line: 37    არს ესე, ანუ რომელმანცა უგუნურმან მოიგონა ესევითარი ცუდი და
Page: I-222   Line: 1    ამაოჲ ზრახვაჲ? რამეთუ ამას გულისსიტყუასა გამოაჩინებენ ზემო\თქუმულნი
Line: 2    იგი სიტყუანი; და უკუეთუ არა არს მისაგებელი ცოდვილ\თაჲ
Line: 3    მას საუკუნესა, არცა ვიდრემე მართალთაჲ არს; და იპოვნენ ამით
Line: 4    წესითა მოქმედნი იგი ურჩულოებისანი, უმჯობეს ღმრთისმსახურთა მათ
Line: 5    და სანატრელთა კაცთა, რამეთუ მათ წარვლეს საწუთროჲ ესე შუებით
Line: 6    და განცხრომით, ხოლო წმიდათა ჭირით და ურვით, და მერმე წარვი\დეს
Line: 7    რაჲ მას საუკუნესა, არცა რაჲ მათ მიიღეს მისაგებელი შუებისა
Line: 8    მის და უწესოებისაჲ, არცა ამათ შრომისა მის თჳსისა და მოღუაწები\საჲ.
Line: 9    რომელმანმცა მძლავრმან და უწყალომან კაცმან ქმნა ესევითარი
Line: 10    უსახური განკითხვაჲ მონათა შორის თჳსთა? ხედავა, ვითარსა ძნელსა
Line: 11    და უჯეროსა საქმესა მიიწევის სიტყუაჲ იგი უგუნურებისაჲ? კუალად
Line: 12    ესე ყოვლადვე მოუგონებელ არს, უკუეთუმცა ვინ თქუა, თუ მართალ\თა
Line: 13    მიიღონ სასყიდელი შრომათა მათთაჲ, ხოლო ცოდვილნი დაშთენ
Line: 14    უტანჯველად; რამეთუ უკუეთუ მართალთა სასყიდელი მიეცემის უეჭ\უელად,
Line: 15    ცოდვილნიცა იტანჯვიან, ვითარცა გურწამს და ვიცით, ვითარ\მედ
Line: 16    ესე ესრეთ არს და არა ეგების სხუაჲ რაჲმე ყოფად, გარნა მიღებაჲ
Line: 17    კაცადკაცადისა საქმეთაებრ თჳსთა კეთილი, გინა ბოროტი. აწ უკუე
Line: 18    თითოეულმან ესე გულისჴმაყავნ და ჰრწმენენ და ნუვინ აცთუნებნ
Line: 19    თავსა თჳსსა, თუმცა ამას საწუთროსა შინამცა ხოლო იყო ცხორებაჲ
Line: 20    ჩუენი და არამცა საუკუნოჲცა წინაგუედვა მოსაგებელი; არამედ ივ\ლტოდენ
Line: 21    ყოვლისაგან ცოდვისა და შეუდეგინ გზასა მას მცნებათა
Line: 22    ღმრთისათასა, რაჲთა მას საუკუნესა არა ცეცხლად მიეცეს, არამედ
Line: 23    სასუფეველი ცათაჲ დაიმკჳდროს. უკუეთუ ვინმე თქუას, თუ ვინ მო\ვიდა
Line: 24    და გჳთხრა მის საუკუნოჲსათჳს, გჰრქუათ მას: კაცი არავინ მოს\რულ
Line: 25    არს, რამეთუ დაღაცათუმცა მოვიდა, არამცა ვინ შეიწყნარა სი\ტყუაჲ
Line: 26    მისი, არამედ მოვიდა მეუფე იგი და უფალი ანგელოზთა და
Line: 27    კაცთაჲ, შემოქმედი ხილულთა და უხილავთაჲ. მან ყოველივე ჭეშმა\რიტებით
Line: 28    გუაუწყა; რასა უკუე ვეძიებთ კაცისა მიერ მოსლვასა, მი\თხარღა?
Line: 29    თავადი იგი ღმერთი და მსაჯული ყოველთაჲ დღითიდღე
Line: 30    ჴმობს ჩუენდა მომართ, ვითარმედ სასუფეველი განმზადებულ არს
Line: 31    მართალთათჳს და ცეცხლი გეჰენიისაჲ აღტყინებულ არს ურჩულოთა
Line: 32    და ცოდვილთათჳს. და ესე საცნაურ არს ამისგანცა, რომელ ვხედავთ,
Line: 33    ვითარმედ მრავალნი ურჩულოთაგანნი აქავე იტანჯნეს, რამეთუ ესე
Line: 34    შეუძლებელ არს, რაჲთამცა რომელნიმე ცოდვილნი იტანჯებოდეს და
Line: 35    რომელნიმე უტანჯველადმცა დაშთეს. ვინაჲთგან ჭეშმარიტად თუალ\უხუავ
Line: 36    არს ღმერთი და მართლმსაჯული, ვითარ ეგების ესე ყოვლადვე?
Page: I-223   Line: 1    ვითარ უკუე რომელნიმე უკეთურნი იტანჯებიან აქა და რომელნიმე
Line: 2    უტანჯველად წარვლენ? ესე ამისთჳს, რამეთუ არცა ყოველნი აქა მი\იღებენ
Line: 3    მისაგებელსა, რაჲთა არავინ თქუას, თუ არღარა არს აღდგომაჲ
Line: 4    მკუდართაჲ და სასჯელი, არამედ ყოველთა მიუღებიეს აქავე მისაგებე\ლი
Line: 5    მათი, არცა ყოველთა დაუტეობს უტანჯველად წარსლვად, რაჲთა
Line: 6    ვერვინ მოიგონოს, თუ არა არს მისაგებელი ცოდვათაჲ, არამედ ესრეთ
Line: 7    განუგებელად არს ყოველივე. ამისთჳსცა რომელთამე სტანჯავს აქავე
Line: 8    და რომელთამე არა, რაჲთა სცნა, ვითარმედ ჭეშმარიტად განმზადებულ
Line: 9    არს შემდგომად ამიერ წარსლვისა მისაგებელი და სამსჯავროჲ საშინე\ლი,
Line: 10    ამისთჳსცა ვხედავთ აქავე სახეთა კეთილისათაცა და სატანჯველი\სათა.
Line: 11    ჰხედავა, ვითარი ცაჲ გარდაართხა ჩუენთჳს, მზე აღმოაბრწყინვა,
Line: 12    ქუეყანაჲ დაამყარა და ზღუაჲ განჰფინა, ჰაერი შეჰმზადა, მთოვარე და
Line: 13    ვარსკულავნი შექმნნა, ჟამთა წელიწდისათა უცთომელი განუწესა წესი\ერებაჲ
Line: 14    და ყოველთა წამისყოფითა მისითა შეუცვალებელად უპყრიეს
Line: 15    წესი თჳსი. რამეთუ ბუნებაჲ ჩუენი და პირუტყუთაჲ, მჴეცთა და
Line: 16    მფრინველთაჲ, თევზთა და ქუეწარმავალთაჲ, მდინარეთა და ზღუათა
Line: 17    და წყაროთაჲ, მცენარეთაჲ მთათა შინა და ველთა, უნაყოფოთა და ნა\ყოფიერთაჲ
Line: 18    ყოველნივე ყოვლად ძლიერითა მით ჴელითა მისითა
Line: 19    დამტკიცებულნი შემამკობელად სოფლისა და მსახურებად ცხორებისა
Line: 20    ჩუენისა განწესებულ არიან და საჴმრად და პატივად ჩუენდა განგე\ბულ
Line: 21    არიან და არცათუ აურაცხელისა მისგან მცირედ რაჲმე მით\ქუამს.
Line: 22    აწ უკუე რომელი-ეგე ესოდენსა ამას წესიერებასა ჰხედავ, იკად\როა
Line: 23    თქუმად, ვითარმედ რომელმან გარეწარი ესე ესრეთ შუენიერად
Line: 24    განაგო ჩუენთჳს და ესრეთ დიდებულად განაწესა წარმავალი ესე ცხო\რებაჲ
Line: 25    ჩუენი, ჭეშმარიტსა და საუკუნესა მას ცხორებასა შინა ესრეთ
Line: 26    განუგებელადმცა დაუტევა ბუნებაჲ ჩუენი, რაჲთამცა მსგავსად პი\რუტყუთა
Line: 27    წარვჴედით თჳნიერ მოსაგებელისა და თჳნიერ სასყიდელისა
Line: 28    და სიმრავლისა ნიჭთაჲსა? ვითარ შესაძლებელ არს ესე? დაღაცათუ
Line: 29    ჩუენ დავიდუმოთ, ქვანი ღაღადებდენ, რამეთუ ცხად არს ესე და მზი\სა
Line: 30    უბრწყინვალეს. ესე ყოველი გულისჴმავყოთ და ვცნათ უეჭუელად,
Line: 31    ვითარმედ შემდგომად ამიერ წარსლვისა თანაგუაც წარდგომაჲ წინაშე
Line: 32    საყდრისა მის საშინელისა და მიგებაჲ სიტყჳსაჲ ყოველთათჳს საქმეთა
Line: 33    ჩუენთა და მოღებაჲ მოსაგებელისაჲ ღირსად საქმეთა მათ: გინათუ კე\თილთაჲ,
Line: 34    გინათუ ბოროტთაჲ. ამას ზედა უკუეთუ ვინ სიტყვაგჳგებდენ,
Line: 35    პირი დაუყოთ მათ და ჩუენ დაუცხრომელად გზასა მას სათნოებისასა
Line: 36    ვიდოდით, რაჲთა კადნიერებით წარვიდეთ საუკუნეთა მათ მიმართ სა\ვანეთა
Page: I-224   Line: 1    და მივემთხჳნეთ კეთილთა მათ გამოუთქუმელთა მადლითა და
Line: 2    კაცთმოყუარებითა უფლისა ჩუენისა იესუ ქრისტესითა, რომლისაჲ
Line: 3    არს დიდებაჲ და სიმტკიცე თანა მამით და სულით წმიდითურთ, აწ და
Line: 4    მარადის და უკუნითი უკუნისამდე, ამენ.


Next part


This text is part of the TITUS edition of Johannes Chrysostomus, Commentary on St. Matthew.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.