TITUS
Johannes Chrysostomus, Commentary on St. Matthew
Part No. 15
Previous part

Chapter: 14  
Part: T  
Line: 5       სიტყუაჲ ესე: "ვითარცა ესმა იესუს, რამეთუ იოვანე მიეცა,
Line: 6    განეშორა და წავიდა გალილეად. და დაუტევა ნაზარეთი და მოვიდა,
Line: 7    დაემკჳდრა კაპერნაუმს, საზღვართა ზაბულონისთა და ნეფთალემისთა"
Line: 8    (4,12-13 Link to adisnt Link to cinant Link to giornt).

Part: t  
Line: 9       თარგმანი: რაჲსათჳს წარვიდა და განეშორა კერძოთა მათგან?
Line: 10    კუალადცა გუასწავებს ჩუენ, რაჲთა არა წარმდებებით და ცხარედ შთა\ვაგდებდეთ
Line: 11    თავთა ჩუენთა განსაცდელთა, არამედ ადგილვსცემდეთ და
Line: 12    ვეკრძალებოდით, რამეთუ არა საბრალობელ არს რიდობაჲ განსაცდელ\თაგან
Line: 13    და არამიცემაჲ თავთა თჳსთაჲ, არამედ ოდეს მივეცნეთ განსაც\დელად,
Line: 14    უკუეთუ არა ახოვნად დავდგეთ, იგი არს საბრალობელ. ამის
Line: 15    უკუე წესისა სწავლად და შურისა მისგან ჰურიათაჲსა ნუგეშინისცემად
Line: 16    წარვიდა კაპერნაუმს, და მუნ მისლვაჲცა მისი ჯეროვან იყო და კეთილ,
Line: 17    რამეთუ მივიდა კაპერნაუმს: ერთად -- რაჲთა სიტყუანი იგი წინაწარ\მეტყუელთანი
Line: 18    აღესრულნენ, და მეორედ -- რაჲთა მოძღუარნი იგი
Line: 19    ყოვლისა სოფლისანი მოინადირნეს; და მუნ იქცეოდეს იგინი ჴელოვ\ნებისა
Line: 20    მის მათისა საქმედ. იხილეთ უკუე, ვითარ ოდესცა მახლობელად
Line: 21    კერძოთა მათ წარმართთასა მივიდოდის, ჰურიათაგან მიიღებს მიზეზსა,
Line: 22    რამეთუ აქაცა აღდგეს რაჲ წინამორბედსა ზედა და მისცეს იგი სა\პყრობილედ,
Line: 23    მომატყუებელ იქმნეს უფლისა წარსლვად გალილეად
Line: 24    წარმართთა. ამისთჳსცა წინაჲთვე ქადაგებდა ესაია წინაწარმეტყუელი
Line: 25    მისლვასა მისსა და იტყოდა:

Part: s  
Line: 26       სახარებაჲ: ქუეყანაჲ ზაბულონისი და ქუეყანაჲ ნეფთალემისი,
Line: 27    გზაჲ ზღჳსაჲ წიაღ იორდანესა, გალილეაჲ წარმართთაჲ, ერი რომელი
Line: 28    სხდა ბნელსა, იხილა ნათელი დიდი და რომელნი სხდეს ბნელსა და
Line: 29    აჩრდილთა სიკუდილისათა, ნათელი გამოუჩნდა დიდი (4,15-16 Link to adisnt Link to cinant Link to giornt).

Part: t  
Line: 30       თარგმანი: ბნელსა არა ხილულსა იტყჳს, არამედ ბნელსა მას
Line: 31    საცთურისასა და არმურსა უღმრთოებისასა, ამისთჳსცა თქუა: "რომელ\ნი
Line: 32    სხდეს ბნელსა და აჩრდილთა სიკუდილისათა, ნათელი გამოუჩნდა
Line: 33    დიდი", რამეთუ, რაჲთა სცნა, ვითარმედ არცა ნათლისა ხილულისათჳს
Page: I-225   Line: 1    იტყჳს, არცა ბნელისა ამისთჳს, ოდეს-იგი ნათლისათჳს იტყოდა, ესრეთ
Line: 2    თქუა: "ნათელი გამოუჩნდა დიდი", რომელ-იგი სხუასა ადგილსა "ნა\თელი
Line: 3    ჭეშმარიტი" თქუა მახარებელმან, ხოლო ბნელი რაჲ აჴსენა,
Line: 4    "აჩრდილად სიკუდილისა" სახელსდვა მას. ხოლო რაჲთა გამოაჩინოს,
Line: 5    ვითარმედ არა მათ ძიება ყვეს ხილვად ნათელი იგი ბრწყინვალე, არა\მედ
Line: 6    თჳსით აღმოუბრწყინდა მათ სიმართლისა მზე, ამისთჳს ღაღადყო,
Line: 7    ვითარმედ: "ნათელი გამოუჩნდა მათ დიდი". არა იგინი მირბიოდეს
Line: 8    ნათლისა, არამედ ნათელი წყალობით გამოუბრწყინდა. და ნანდჳლვე
Line: 9    სრულად განწირულ იყო ნათესავი კაცთაჲ პირველ ქრისტეს მოსლვისა,
Line: 10    რამეთუ არცათუ ვიდოდეს ბნელსა, არამედ სხდეს ბნელსა სასოწარკუ\ეთილნი
Line: 11    და განწირულნი ესოდენ, რომელ ყოვლადვე ვერ ეძლო ზე
Line: 12    აღხილვაჲ, ანუ აღდგომაჲ, რამეთუ უკუნი იყო ბნელი იგი, უკუნი და
Line: 13    "აჩრდილი სიკუდილისაჲ". რაჲ არს "აჩრდილი სიკუდილსაჲ" ? ჴელ\მწიფებაჲ
Line: 14    და უფლებაჲ მისი, რამეთუ დაღაცათუ ქუეყანასა ზედა
Line: 15    იყვნეს, არამედ მისსა უფლებასა ქუეშე იქცეოდეს შეწყუდეულნი ბნელ\სა
Line: 16    შინა, ვინაჲცა ჴელმწიფებაჲ აქუნდა მას კაცადკაცადისა წარტაცებად
Line: 17    და დილეგსა მას ჯოჯოხეთისასა შეყენებად, რომლისათჳს იგივე წინა\წარმეტყუელი
Line: 18    ესაია ღაღადებს და იტყჳს: "ვყავთ აღთქუმაჲ ჯოჯოხე\თისა
Line: 19    თანა და სიკუდილისა თანა ნაძლევი", რომლითაცა მოასწავებს
Line: 20    ჩუენსა მას სიკუდილისადა დამორჩილებასა, რომელსა აქა აჩრდილად
Line: 21    უწოდა. არამედ გამობრწყინდა რაჲ დიდი იგი და მიუაჩრდილებელი
Line: 22    ნათელი, განქარდა წყუდიადი, ბნელი სიკუდილისაჲ, რამეთუ მოვიდა
Line: 23    უფალი, მოვიდა ცხორებაჲ, მოვიდა და მაცხოვნნა ჩუენ.

Part: s  
Line: 24       სახარებაჲ: მიერითგან იყო იესუ ქადაგებად და სიტყუად:
Line: 25    "შეინანეთ, რამეთუ მოახლებულ არს სასუფეველი ცათაჲ" (4,17 Link to adisnt Link to cinant Link to giornt).

Part: t  
Line: 26       თარგმანი: "მიერითგან იწყო"; ოდითგან? ვინაჲთგან მიეცა
Line: 27    იოვანე საპყრობილედ. და რაჲსათჳს პირველითგან არა ქადაგებდა, ანუ
Line: 28    რად საჴმარ იყო მისა ქადაგებაჲ იოვანესი? ვინაჲთგან აქუნდა თანა\მსრბოლად
Line: 29    ქადაგებაჲ იგი საქმეთა მისთაჲ, რაჲთა მისიცა დიდებაჲ
Line: 30    უმეტესად ბრწყინვიდეს და საცნაურ იქმნას, ვითარმედ მისთჳს ქადა\გებდეს
Line: 31    სხუანიცა წინაწარმეტყუელნი და ვითარმედ იგი არს უფალი
Line: 32    ყოველთაჲ; ვითარცა ეტყოდა ზაქარია იოვანეს: "და შენ, ყრმაო, წინა\წარმეტყუელ
Line: 33    მაღლის იწოდო, რამეთუ წარსძღუე შენ წინაშე პირსა
Line: 34    უფლისასა განმზადებად გზათა მისთა", და რაჲთა არცა ერთი რაჲ
Line: 35    მიზეზი აქუნდეს ურცხჳნოთა მათ და მედგართა ჰურიათა, ვითარცა
Page: I-226   Line: 1    უფალმან ბრძანა, ვითარმედ: "მოვიდა იოვანე, არცა ჭამდა, არცა სუ\მიდა,
Line: 2    და იტყჳან, ვითარმედ: ეშმაკეულ არს. მოვიდა ძე კაცისაჲ,
Line: 3    ჭამს და სუამს, და იტყჳან: აჰა, კაცი მჭამელი და ღჳნის მსუმელი, მე\გობარი
Line: 4    მეზუერეთა და ცოდვილთაჲ. და განმართლდა სიბრძნე შვილ\თაგან
Line: 5    თჳსთა". და კუალად შუენიერცა იყო და ჯეროვან სხჳსა მიერ
Line: 6    წამებაჲ და ქადაგებაჲ მისთჳს, და უფროჲსად ესევითარისა საკჳრვე\ლისა
Line: 7    კაცისაგან, რამეთუ უკუეთუ ესოდენთა და ესევითართა წამებათა
Line: 8    ზედა ეტყოდესვე ურჩულონი იგი, ვითარმედ: "შენ თავისა შენისათჳს
Line: 9    სწამებ, წამებაჲ შენი არა არს ჭეშმარიტ", უკუეთუმცა ყოვლადვე
Line: 10    არარაჲ ეთქუა იოვანეს, არამედ თავადსამცა ეწყო პირველითგანვე თა\ვისა
Line: 11    თჳსისათჳს ქადაგებად, რავდენ უმეტესიმცა და უძჳრესი თქუეს,
Line: 12    სავსეთა მათ ყოვლითავე საეშმაკოჲთა საქმითა. ამისთჳს არა ქადაგა
Line: 13    პირველ მისა, არცა სასწაული ქმნა, ვიდრემდის მიეცა იგი საპყრობი\ლედ,
Line: 14    რაჲთა არა იქმნას განწვალებაჲ ერისაჲ, არამედ ყოველნი მივი\დოდინ
Line: 15    იოვანესა და ისმენდენ ქადაგებასა, რომელსა ქადაგებდა და წა\მებდა
Line: 16    უფლისათჳს და ეტყოდა ყოველთა, ვითარმედ იგი არს ჭეშმარი\ტად
Line: 17    ქრისტე, ძე ღმრთისაჲ, რაჲთა უკუანსაჲსკნელ არა აქუნდეს სი\ტყუაჲ
Line: 18    თქუმად, ვითარმედ არავინ წამებს მისთჳს. რამეთუ ამისთჳს
Line: 19    არცა ერთი სასწაული ქმნა იოვანე, რაჲთა უაღრესი იგი საქმე უფლისა
Line: 20    მიერ აღესრულოს და ცნან ყოველთა, ვითარმედ უზეშთაეს არს
Line: 21    იოვანესა. რამეთუ უკუეთუ ამას ყოველსა ზედა მოშურნედ იყვნეს მისა
Line: 22    მიმართ მოწაფენი იოვანესნი და მრავალნი ჰგონებდეს იოვანესთჳს,
Line: 23    თუ იგი არს ქრისტე, უკუეთუმცა არა ესრეთ განგებულ იყო საქმე
Line: 24    იგი, არამცა უძჳრესსა წარემატნესა უგულისჴმონი იგი? ამისთჳსცა
Line: 25    აცადა, რაჲთა ვიდრემდის იქცეოდის იოვანე, იგი ქადაგებდეს და წა\მებდეს
Line: 26    მისთჳს. ხოლო მიეცა რაჲ იგი, ვითარცა მათე გუასწავებს,
Line: 27    "მიერითგან იწყო იესუ ქადაგებად"; და იწყო რაჲ, იგივე ყო დასაბა\მად
Line: 28    ქადაგებისა, ვინაჲცა იოვანე იწყო, რაჲთა ცნან, ვითარმედ ამის\თჳს
Line: 29    წამებდა იგი და ვითარმედ ამისი მონაჲ იყო და მსახური. ხოლო
Line: 30    დაწყებასა სიტყჳსა თჳსისასა არარაჲ თქუა ფიცხელი და მძიმე, ვითარ\-იგი
Line: 31    მან აჴსენა ცული და მოკუეთაჲ ხისაჲ და ნიჩაბი და კალოჲ და
Line: 32    ცეცხლი უშრეტი, არამედ სიტკბოებისა ქადაგება წინაუყო: "შეინანე\თო,
Line: 33    რამეთუ მოახლებულ არს სასუფეველი ცათაჲ"; ვინაჲთგან ჴსნად
Line: 34    ცოდვილთა მოსრულ იყო და შეწყნარებად მონანულთა, ამისთჳს სინა\ნულისათჳს
Line: 35    ყო დასაბამი ქადაგებისაჲ.

Page: I-227  
Part: s  
Line: 1       სახარებაჲ: და იქცეოდა რაჲ იესუ ზღჳს კიდესა მას გალილეა\ჲსასა,
Line: 2    იხილნა ორნი ძმანი: სიმონ, რომელსა ეწოდა პეტრე და ანდრეა,
Line: 3    ძმაჲ მისი, ისათხევლიდეს რაჲ სათხევლითა ზღუასა მას, რამეთუ იყვნეს
Line: 4    მესათხევლე. და ჰრქუა მათ: მოვედით, შემომიდეგით მე, და გყვნე
Line: 5    თქუენ მესათხევლე კაცთა. ხოლო მათ მეყსეულად დაუტევეს ბადე იგი
Line: 6    და შეუდგეს მას" (4,18-20 Link to adisnt Link to cinant Link to giornt).

Part: t  
Line: 7       თარგმანი: ვითარ უკუე იოვანე სხჳთა სახითა იტყჳს წოდებასა
Line: 8    მათსა, ვითარმედ: ანდრეას, ძმასა პეტრესსა, ესმა წინამორბედისაგან,
Line: 9    ვითარ იტყოდა იესუსთჳს, ვითარმედ: "აჰა, ტარიგი ღმრთისაჲ" და
Line: 10    მისდევდა მას; და მან პოვა ძმაჲ თჳსი სიმონ და მოიყვანა იგი იესუჲსა.
Line: 11    ხოლო აწ ესერა ამან მახარებელმან ესე თქუა, ვითარცა გესმა. საცნაურ
Line: 12    არს უკუე, ვითარმედ მეორე არს წოდებაჲ ესე და ესე ცხად არს
Line: 13    მრავალკერძო, რამეთუ ოდეს იქმნა იგი, რომელსა იოვანე იტყჳს, არღა
Line: 14    მიცემულ იყო ნათლისმცემელი საპყრობილედ. ხოლო ესე წოდებაჲ,
Line: 15    მათეს მიერ აღწერილი, შემდგომად იოვანეს წინამორბედისა მიცემისა
Line: 16    იქმნა და მუნ ანდრეა უწოდა პეტრეს, ხოლო აქა ორთავე -- იესუ, და
Line: 17    კუალად იოვანე იტყჳს, ვითარმედ: "მიხედნა იესუ სიმონს და ჰრქუა:
Line: 18    შენ ხარ სიმონ, ძე იონაჲსი, შენ გეწოდოს კეფა, რომელი ითარგმანე\ბის
Line: 19    "კლდე". ხოლო ვითარცა აქა მათე გუაუწყებს, პირველვე წოდე\ბულ
Line: 20    იყო პეტრე, რომელ არს კლდე, რამეთუ იტყჳს: ვითარმედ: "იხილ\ნა
Line: 21    ორნი ძმანი: სიმონ, რომელსა ეწოდა პეტრე და ანდრეა, ძმაჲ მისი".
Line: 22    და კუალად იგი წოდებაჲ სხუასა ადგილსა იყო და ესე -- სხუასა. და ეს\რეთ
Line: 23    მრავლით სახით საცნაურ არს, ვითარმედ ესე წოდებაჲ მეორე
Line: 24    იყო. რამეთუ მაშინ ესმნეს სიტყუანი უფლისანი და შეუდგეს და მერ\მე,
Line: 25    იხილეს რაჲ იოვანე საპყრობილეს შეყენებული, და იესუ განეშორა
Line: 26    მათ ადგილთაგან, დაუტევეს იგი და კუალად თჳსსა ჴელოვნებასა მიექ\ცეს.
Line: 27    ამისთჳს პოვნა იგინი, ისათხევლიდეს რაჲ. და იხილე მორჩილებაჲ
Line: 28    მათი და სარწმუნოებაჲ, რამეთუ ჴელთა რაჲ შინა მათთა იყო საქმე
Line: 29    იგი და უბრძანა მათ, მეყსეულად დაუტევეს და შეუდგეს მას. არა
Line: 30    დრო სცეს, არცა თქუეს, წარვიდეთ სახედ ჩუენდა და ვეზრახნეთ
Line: 31    თჳსთა ჩუენთა, არამედ ყოველივე დაუტევეს, ყოველივე უგულებელს\ყვეს
Line: 32    და შეუდგეს მას. რამეთუ ესევითარსა მორჩილებასა ეძიებს ჩუ\ენგან
Line: 33    ქრისტე, რაჲთა არცათუ წამსა თუალისასა ვადროებდეთ შედგო\მასა
Line: 34    მისსა, დაღაცათუ რაჲმე საჭიროჲ საქმე მიგჳზიდვიდეს, ყოველივე
Page: I-228   Line: 1    უგულებელს-ვყოთ და შეუდგეთ უფალსა. ამისთჳსცა სხუაჲ ვინმე ეტ\ყოდა
Line: 2    წარსლვად და დამარხვად მამისა თჳსისა და ესრეთ მოსლვად
Line: 3    მისა, და არა შეუნდო ამისაცა ქმნად, რაჲთა გჳჩუენოს, ვითარმედ უფ\როჲს
Line: 4    ყოვლისა საქმისა შედგომაჲ უფლისაჲ თანანადებ არს ჩუენდა
Line: 5    და პატიოსან, ვითარცა ესერა ნეტართა ამათ ქმნეს: ყოველივე დაუტე\ვეს
Line: 6    და მისდევდეს მას. დაღაცათუ, რომელი-იგი დაუტევეს, არა დიდ
Line: 7    იყო, არცა მრავალ, არამედ გულსმოდგინებაჲ მათი და სიკეთე გონება\თაჲ
Line: 8    ესევითარი იყო, რომელ დაღაცათუმცა ყოვლისა სოფლისა უფალ
Line: 9    იყვნეს, ესრეთ დაუტეობდეს ყოველსა, ვითარცა სათხეველნი იგი და
Line: 10    თევზობაჲ დაუტევეს. იტყჳან ვიეთნიმე, ვითარმედ: დიდი იყო აღთქუ\მაჲ
Line: 11    იგი, რომელი აღუთქუა, ვითარმედ: "გყვნე თქუენ მესათხევლე
Line: 12    კაცთა". არამედ უმეტესად ამისთჳს საკჳრველ არს სარწმუნოებაჲ მათი
Line: 13    და სიკეთე გონებათაჲ, რომელ არღა ეხილვა ერთიცა სასწაული და ეს\რეთ
Line: 14    ჰრწმენა სიმაღლეცა იგი სიტყჳსაჲ მის და ყოველივე შეურაცხ\ყვეს.
Line: 15    რამეთუ ვითარცა იგინი სიტყჳთა ხოლო უფლისაჲთა მოინადირ\ნეს,
Line: 16    ესრეთ ჰრწმენა, ვითარმედ მათ მიერცა მოინადირნენ კაცნი და
Line: 17    ეგრეთცა იქმნა მადლითა უფლისა ჩუენისა იესუ ქრისტესითა.

Part: s  
Line: 18       სახარებაჲ: და წარვიდა მიერ და იხილნა ორნი ძმანი: იაკობ
Line: 19    ზებედესი და იოვანე, ძმაჲ მისი, ნავსა შინა, ზებედეს თანა მამისა მათი\სა,
Line: 20    გან-რაჲ-აგებდეს ბადეთა მათთა, და უწოდა მათ. ხოლო მათ და\უტევეს
Line: 21    ნავი იგი და მამაჲ მათი და მისდევდეს მას" (4,21-22 Link to adisnt Link to cinant Link to giornt).

Part: t  
Line: 22       თარგმანი: პეტრეს და ანდრეას ჰრქუა: "შემომიდეგით მე და
Line: 23    გყვნე თქუენ მესათხევლე კაცთა"; ხოლო ამათ არარაჲ ესევითარი აღუ\თქუა,
Line: 24    არამედ უწოდა ხოლო და მეყსეულად დაუტევეს ნავი იგი და
Line: 25    მამაჲ თჳსი და მისდევდეს მას. უმეტესიღა აჩუენეს მჴურვალებაჲ, რო\მელ
Line: 26    არცა მესათხევლე ყოფაჲ კაცთა ესმა, არცა სხუაჲ რაჲ ესევითარი
Line: 27    და არავე ჰრიდეს, არცა მცონარ იქმნეს მამისა თჳსისა დატეობად, არა\მედ
Line: 28    მეყსეულად მძლედ ბუნებისა გამოჩნდეს. ხოლო იხილე, ვითარ
Line: 29    წარმოიტყჳს მახარებელი ჴორციელსა სიგლახაკესა მათსა და სულიერსა
Line: 30    სიმდიდრესა: განაგებდესო ბადეთა, დაძუელებულთა და დახეულთა,
Line: 31    რამეთუ არცათუ ახალნი აქუნდეს; ხოლო მდიდარ იყვნეს სათნოებითა.
Line: 32    ამისთჳსცა საქმითა ჴელთა მათთაჲთა მოირეწდეს საზრდელსა და შეკ\რულ
Line: 33    იყვნეს სიყუარულითა ურთიერთას კეთილნი იგი ძმანი და იქცე\ოდეს
Line: 34    განუშორებელად მამისაგან თჳსისა; ჰმსახურებდეს და ჰფუფუ\ნებდეს
Line: 35    მას. ამისთჳსცა ღირსი მოქალაქობისა მის საღმრთოჲსა აქუნდა
Line: 36    გონებაჲცა, წმიდაჲ და განათლებული, არა შეშფოთებული და დაბნე\ლებული
Page: I-229   Line: 1    ვნებათა მიერ, არამედ განწმედილი ყოვლისაგან ბიწისა, შრო\მითა
Line: 2    მით ჴორცთაჲთა და სიყუარულითა და მორჩილებითა მამისაჲთა.
Line: 3    ვინაჲთგან უკუე ესევითარი აქუნდა წმიდაჲ და სიბრძნითა სავსე გონე\ბაჲ,
Line: 4    ამისთჳს, იხილეს რაჲ უფალი და ესმნეს სიტყუანი მისნი, მეყსე\ულად
Line: 5    შევიდა მადლი მისი გულად მათდა. რამეთუ არა იყო ნისლი
Line: 6    ვნებათაჲ გარემოხუეულ, რაჲთამცა არა შეუნდო მადლსა მას შინაგან
Line: 7    შესლვად; არამედ პოა ნათელმან მან საღმრთომან გზაჲ წრფელი და
Line: 8    განწმედილი და შევიდა გულად მათდა. და მეყსეულად ცნეს, ვითარმედ
Line: 9    ესე არს, რომლისათჳს წამებდა იოვანე, ეს არს, რომლისათჳს ცანი
Line: 10    განეხუნეს და სული წმიდაჲ გარდამოჴდა და ჴმაჲ მამისაჲ ზეცით ის\მოდა.
Line: 11    ცნეს გონიერად და ჰრწმენა, ვითარმედ ესე არს ქრისტე, ძე
Line: 12    ღმრთისაჲ, და მეყსეულად დაუტევეს მამაჲ თჳსი ნავსა შინა, არცა თა\ნაშემწე
Line: 13    უზრუნეს, არცა თქუეს, თუ წარვიყვანოთ მამაჲ ჩუენი სახედ
Line: 14    თჳსა და ეგრეთ მოვიდეთ, არამედ ვიდრე არღა ეხილვა უფალი, მორ\ჩილებით
Line: 15    ჰმსახურებდეს და განუსუენებდეს მას. ხოლო ვინაჲთგან უაღ\რესი
Line: 16    იგი იხილეს და წოდებაჲ მისი ესმა, გულისჴმაყვეს, ვითარმედ
Line: 17    არცაღა მამისაჲ ჯერ არს რიდობაჲ, არცა -- დედისაჲ. ამისთჳს მსწრაფლ
Line: 18    დაუტევეს ყოველივე და მისდევდეს მას.

Part: s  
Line: 19       სახარებაჲ: და მოჰვლიდა იესუ ყოველსა გალილეასა და ასწა\ვებდა
Line: 20    შესაკრებელთა შორის მათთა და ქადაგებდა სასუფეველსა და
Line: 21    განჰკურნებდა ყოველსა უძლურებასა ერისასა. და განითქუა ჰამბავი
Line: 22    მისი ყოველსა მას ასურეთსა. და მოჰგურიდეს მას ყოველთა ბოროტად
Line: 23    სნეულთა თითოსახეთაგან სენთა და გუემითა შეპყრობილთა და ეშმაკე\ულთა
Line: 24    და ცისადცისად გუემულთა და განრღუეულთა და განკურნნა იგი\ნი.
Line: 25    და მისდევდა მას ერი მრავალი გალილეაჲთ და ათქალაქით და იერუ\სალჱმით
Line: 26    და წიაღ იორდანისაჲთ და განკურნნა იგინი" (4,23-25 Link to adisnt Link to cinant Link to giornt).

Part: t  
Line: 27       თარგმანი: ვინაჲთგან მოძღუარნი იგი და მეთევზურნი ყოვლისა
Line: 28    სოფლისანი მოინადირნა, მიერითგან იწყო ქმნად სასწაულთა, რაჲთა
Line: 29    წამებაჲცა იოვანესი დაამტკიცოს და ერი იგი სარწმუნოებად მოიყვა\ნოს.
Line: 30    ხოლო ზედაჲსზედა მოჰვლიდა ქალაქებსა და სოფლებსა და შე\საკრებელთა
Line: 31    მათთა შორის ასწავლიდა, რაჲთა უჩუენოს, ვითარმედ არა
Line: 32    წინააღმდგომ არს მამისა, არცა ცთუნებად ერისა მოსრულ არს, არამედ
Line: 33    ჭეშმარიტებისა გამოჩინებად. ამისთჳსცა სასუფეველსა ქადაგებდა, რომ\ლისა
Line: 34    ქადაგებასა უმეცარღა იყვნეს, და სიტყუათა თჳსთა სასწაულთა
Line: 35    მიერ დაამტკიცებდა, რამეთუ ესრეთ იქმს მარადის ღმერთი: ოდეს
Line: 36    უცხოჲ რაჲმე იქმნებოდის და ახლისა რაჲსამე მოქალაქობისა დაწყებაჲ
Line: 37    შემოვიდოდის, სასწაულთა საქმესა აჩუენებს დასამტკიცებელად ყოფა\დისა
Page: I-230   Line: 1    მის საქმისა და გულისჴმისსაყოფელად ძლიერებისა მისისა. ესრეთ
Line: 2    უკუე, პირველვე, ოდეს-იგი ეგულებოდა დაბადებაჲ კაცისაჲ, ყოველივე
Line: 3    სოფელი დაჰბადა და მერმეღა ქმნა კაცი და მისცა რჩული იგი, რომელი
Line: 4    განაწესა სამოთხესა შინა. და კუალად ოდეს ნოესდა ეგულებოდა რჩუ\ლისდებაჲ,
Line: 5    დიდნივე საკჳრველებანი ქმნნა და ნივთნი სოფლისანი შეც\ვალნა
Line: 6    და უცხოჲ იგი ზღუაჲ საშინელად წელიწად ერთ ქუეყანასა ზედა
Line: 7    მოჰფინა და აღჴოცა ყოველივე აღმდგომი ქუეყანით, ხოლო მართალი
Line: 8    იგი და მისთანანი ესოდენსა მას სიმძაფრესა შინა ღელვათასა უვნებე\ლად
Line: 9    დაიცვნა. და კუალად აბრაჰამის ზე ეგულებოდა რაჲ რჩულისდე\ბად,
Line: 10    დიდნივე სასწაულნი უჩუენნა: ძლევაჲ იგი მბრძოლთაჲ, წყლულე\ბაჲ
Line: 11    ფარაოჲსი, განრინებაჲ მისი განსაცდელთაგან, ჩუენებანი თითოსა\ხენი
Line: 12    და საკჳრველნი. და რაჟამს-იგი მოსეს მიერ შჯულს უდებდა ჰუ\რიათა,
Line: 13    ნიშები იგი საკჳრველები და სასწაულნი მიუთხრობელნი აღას\რულნა
Line: 14    და მერმეღა მოსცა რჩული მთასა მას ზედა მკმოლვარესა და
Line: 15    მოტყინარესა. ეგრეთვე აქაცა, ეგულებოდა რაჲ დიდისა მის და მაღლისა
Line: 16    მოქალაქობისა და ახლისა რჩულისა სოფლად შემოღებად და სწავლად
Line: 17    კაცთა, რაჲ-იგი არღასადა ასმიოდა, სასწაულთა ჩუენებითა დაამტკი\ცებს
Line: 18    სიტყუათა თჳსთა და ახლისა მის შჯულისა წესსა. რამეთუ ვინაჲთ\გან
Line: 19    სასუფეველსა მას, რომელსა ქადაგებდა, უხილავ იყო, ხილულთა
Line: 20    მათგან საკჳრველებათა უხილავსა მას გულისჴმაუყოფს და დაარწმუ\ნებს.
Line: 21    ხოლო შენ იხილე მახარებელისა მის გონიერი და შემოკლებული
Line: 22    სიტყუაჲ, ვითარ არა თითოეული იგი სენთა კურნებაჲ და სასწაულთა
Line: 23    საქმე წარმოთქუა, რამეთუ სიგრძე სიტყჳსაჲ აღურაცხელი უჴმდა თი\თოეულისა
Line: 24    თქუმად, არამედ მოკლითა სიტყჳთა ურიცხუთა მათ სასწა\ულთა
Line: 25    თანა წარჰჴდა და თქუა: "მოჰგურიდეს ყოველთა ბოროტად სნე\ულთა
Line: 26    თითოსახეთაგან შენთა და გუემითა შეპყრობილთა და ეშმაკე\ულთა
Line: 27    და ცისადცისად გუემულთა და განრღუეულთა და განკურნნა
Line: 28    იგინი". და არავისგან ძებნა მაშინ სარწმუნოებაჲ, არცა ვის ჰრქუა,
Line: 29    ვითარ-იგი ამისა შემდგომად ეტყოდა: "გრწამსა, ვითარმედ ძალმიც
Line: 30    ესე ყოფად?", რამეთუ არღა ეჩუენა მათდა სახე ძლიერებისა თჳსი\საჲ.
Line: 31    არამედ იგი მისლვაჲ და მოგურაჲ უძლურთაჲ სარწმუნოებად
Line: 32    შეჰრაცხა, რომელნი შორით მოვიდოდეს, რამეთუ ყოველსა მას ქუეყა\ნასა
Line: 33    განისმა ჰამბავი მისი "და მისდევდა მას ერი მრავალი გალილეაჲთ
Line: 34    და ათქალაქით და იერუსალჱმით და წიაღ იორდანისაჲთ და განკურნნა
Line: 35    იგინი".


Page: I-231  
Part: S  
Line: 1  სწავლაჲ იდ

Line: 2  ვითარმედ ჯერ არს მარადის ჴსენებაჲ ცოდვათა ჩუენთაჲ და
Line: 3  ვედრებაჲ ღმრთისაჲ, რაჲთა შეგჳნდოს; და საუკონოჲსა
Line: 4  მისთჳს სასჯელისა


Line: 5       და აწ ჩუენცა, მორწმუნენო, მივსდევდეთ მას, რამეთუ მრავალნი
Line: 6    გუქონან სნეულებანი და უძლურებანი სულიერნი და ჰნებავს სახიერსა
Line: 7    მას ყოველთა განკურნებაჲ. მოუჴდეთ მას, შეუვრდეთ და ვევედრებო\დით,
Line: 8    ნუმცა რას ჴორციელსა ვითხოვთ, არამედ მოტევებაჲ ცოდვათაჲ
Line: 9    ვითხოოთ, რამეთუ მზა არს მოცემად, უკუეთუ მჴურვალედ ვითხოოთ.
Line: 10    მაშინ განისმა ჰამბავი მისი ასურეთსა და ყოველნი შემოკრბებოდეს
Line: 11    კურნებად, ხოლო აწ ყოველსა სოფელსა ქადაგებულ არს დიდებაჲ მისი
Line: 12    და ყოველთა გურწამს ძალი მისი და სახიერებაჲ, ვითარ არა მოსწრა\ფებით
Line: 13    შეუვრდები მას, არამედ უდებ ხარ და სდროებ? იგინი ჴორცი\ელთა
Line: 14    სენთა კურნებად შორით მოვიდოდეს, ხოლო შენ სულიერთა
Line: 15    სენთა კურნებისათჳს არა გიჴმს გზათა შორთა წარსლვაჲ, არამედ ჩუ\ეულებანი
Line: 16    ბოროტნი მოიწყჳდენ და კეთილისა ქმნად იწყე და ესრეთ
Line: 17    შეუვრდი მას მჴურვალედ და სცხონდე. არა ჰხედავა, ოდეს ჴორციელი
Line: 18    რაჲმე სენი შეგემთხჳოს, რავდენთა ღონეთა ეძიებ განკურნებად?
Line: 19    ხოლო სულისა სნეულებათათჳს ესრეთ უდებ ხარ და არა ეძიებ კურნე\ბასა.
Line: 20    და შინაგანი იგი გაქუს გარეწარად და გარეწარი იგი შინაგანად.
Line: 21    დაუტეობ წყაროსა მას ბოროტთასა და ჴევნებსა სწმენდ. არა უწყია,
Line: 22    ვითარმედ ჴორციელთაცა სნებათა მიზეზ ცოდვანი სულისანი არიან?
Line: 23    და ესე გულისჴმაყავ განრღუეულისა მისგან ოცდაათრვამეტისა წლისა,
Line: 24    და პირველ მისა კაენისაგან და სხუათა მრავალთაგან; განკურნენ უკუე
Line: 25    სენნი სულისანი და ყოველივე მდინარე ბოროტთაჲ განჴმეს და მერმე
Line: 26    დაღაცათუ ჴორცნი უძლურ იყვნენ, მომატყუებელ გჳრგჳნისა გექმნას,
Line: 27    რამეთუ ჭეშმარიტი სნებაჲ უძლურებაჲ იგი სულისაჲ არს, რომელი
Line: 28    იქმნების ცოდვათაგან. ხოლო ჴორცთა ამათ უძლურებაჲ არცა ბოროტ
Line: 29    არს, არცა საბრალობელ ჩუენდა. შეუვრდეთ უკუე სახიერსა მას სულ\თა
Line: 30    და ჴორცთა მკურნალსა, ვევედრნეთ, რაჲთა განკურნოს განრღუ\ეულებაჲ
Line: 31    იგი სულთა ჩუენთაჲ, დაუტეოთ ჴორციელი ყოველივე და
Line: 32    სულიერსა ვზრუნვიდეთ, სულთვითქუნეთ და ვცრემლოოდით ცოდვათა
Line: 33    ჩუენთათჳს. ნუ ამისთჳს უზრუნველ ვიქმნებით, რომელ არა გუელმის
Line: 34    ცოდვათა ჩუენთათჳს, არამედ ამისთჳს უფროჲსად ვიგლოვდეთ, რო\მელ
Line: 35    ფრიადისა სიზრქისაგან სალმობასა მასცა ბოროტსა უმეცარ ვართ.
Line: 36    არა თუ ულმობელობაჲ იგი ამისთჳს არს, რამეთუ არა შემაურვებელ
Page: I-232   Line: 1    არს ცოდვაჲ, არამედ ამისთჳს, რამეთუ უგულისჴმო არნ სული. გულის\ჴმაყვენღა
Line: 2    იგინი, რომელნი მეცნიერ არიან ცოდვათა თჳსთა, თუ ვითარ
Line: 3    უმწარეს მათსა გოდებენ, რომელნი ცეცხლითა იწუვიედ, ანუ იჭრებო\დიედ
Line: 4    მახჳლითა. რაოდენ იგლოენ, რაოდენთა ცრემლთა დასთხევენ,
Line: 5    რაჲთამცა მწიკულევანებაჲ იგი ბრალთაჲ განიბანეს, რომელი-იგი დი\დისა
Line: 6    მწუხარებისა და გლოისაგან იქმნების. უმჯობეს არს და უაღრეს,
Line: 7    რაჲთა არა შთავარდეს კაცი ყოვლადვე ცოდვასა, ხოლო ამისა შემდგო\მად
Line: 8    კუალად ესე არს, რაჲთა შეემთხჳოს რაჲ ცოდვაჲ, შეინანოს და
Line: 9    ცრემლითა განიწმიდოს და ცნას წყლულებაჲ იგი თჳსი და ისწრაფოს
Line: 10    განკურნებად იგი; უკუეთუ კულა არა გულისჴმაყოს, ვითარ ევედროს
Line: 11    სახიერსა მას მკურნალსა ლხინებისა მიღებად? აწ უკუე, საყუარელო,
Line: 12    გულისჴმაყვენ ცოდვანი შენნი, მოიჴსენენ იგინი და აღიარენ, რაჲთა
Line: 13    მიიღო შენდობაჲ. არა უწყია, ვითარმედ უკუეთუ ვინმე მთავართაგანი
Line: 14    სოფლისათა განარისხი, მეხუაჲშნენი აღადგინნი და საკუთარნი მისნი
Line: 15    მოიქრთამნი შუამდგომელ ყოფად და მრავალი ხარკებაჲ აჩუენი, მრა\ვალი
Line: 16    შრომაჲ და ჭირი თავს იდვი დაგებად მისა. ხოლო ოდეს ყოველ\თა
Line: 17    მეუფე განვარისხით ცოდვათა სიმრავლითა, არარაჲ გუელმინ, არა\მედ
Line: 18    უზრუნველად ვიშუებთ, და ვითრვებით და გუძინავს. ვითარ უკუე
Line: 19    უძლოთ დატკბობად მისა, ანუ ვითარ არა უმეტესად შემრისხნეს? რა\მეთუ
Line: 20    ვიდრეღა შეცოდებაჲ შეცოდებასა ზედა, ულმობელობაჲ უმეტე\სად
Line: 21    განარისხებს მას. ამისთჳს ღირს არს, რაჲთამცა მღჳმესა რასმე შინა
Line: 22    და ბნელსა შევაწყუდიენით თავნი ჩუენნი, რაჲთა არცაღა მზესამცა
Line: 23    ვხედევდით, რომელ ესრეთ სახიერი მეუფე გუაქუს და ფრიად ტკბილი
Line: 24    და უკეთურებითა ჩუენითა განვარისხებთ მას და განვარისხოთ რაჲ,
Line: 25    არცათუ ვინანით, რაჲთამცა კუალად დაგჳტკბა იგი; განრისხნეს რაჲ,
Line: 26    არავე გუტანჯავს, არცა ღირსად საქმეთა ჩუენთა მოგუაგებს, არამედ
Line: 27    მოელის სინანულსა და მიმიწოდს სახიერებით მოქცევად მისა და
Line: 28    ჩუენ არა შევიგონებთ. გარნა ნუმცა ესევითარსა მას გულფიცხელობასა
Line: 29    ზედა დავადგრებით, ჰე, გევედრები, არამედ ვაჩუენოთ სინანული
Line: 30    მჴურვალე, ვიდრეღა არა მოწევნულ არს დღე იგი, ოდეს არღარაჲ
Line: 31    იყოს სარგებელი სინანულისაჲ. რამეთუ აწ ყოველივე ჩუენსა ჴელმწი\ფებასა
Line: 32    შინა არს, ხოლო მაშინ მსაჯული იგი საშინელი უფალ არს გან\ჩინებისა
Line: 33    მიცემად, ვითარცა ჯერ იყოს. ვისწრაფოთ წინასწრობად დღი\სა
Line: 34    მის და აღსარებითა კეთილად განვაგოთ ცხორებაჲ ჩუენი, ვტირო\დით
Line: 35    და ვიგლოვდეთ! უკუეთუ ვევედრნეთ მსაჯულსა მას პირველ მო\წევნადმდე
Line: 36    დღისა მის, ყოვლადვე არა გამოცხადნენ დაფარულნი ბრალნი
Line: 37    ჩუენნი. ხოლო ესე თუ არა იქმნას და ვიპოვნეთ უნანელნი, განცხადე\ბულად
Page: I-233   Line: 1    წინაშე ყოვლისა სოფლისა განვიქიქნეთ და არღარა იყოს სასო\ებაჲ
Line: 2    მოტევებისაჲ, რამეთუ არავინ არს, რომელმანმცა აქა არა შეინანა
Line: 3    ცოდვაჲ თჳსი და შეუძლომცა მუნ მისაგებელისა მათისაგან განრომად;
Line: 4    არამედ ვითარცა სოფლიოთა ამათ სამსჯავროთა შინა დასასჯელნი იგი
Line: 5    და შეცოდებულნი ჯაჭჳთა შეკრულნი მიიყვანებიან საპყრობილით სამ\სჯავროდ,
Line: 6    ეგრეთვე სულნი ცოდვილთანი, გან-რაჲ-ვიდენ ამიერ თითო\ფერითა
Line: 7    მით ცოდვათა საკრველითა შეკრულნი, მიიყვანებიან სამსჯავ\როსა
Line: 8    მას საშინელსა. რამეთუ ჭეშმარიტად საპყრობილე არს და დი\ლეგი
Line: 9    ბნელი საწუთროჲ ამაოჲ. და ვითარცა შევიდით რაჲ დილეგსა
Line: 10    მას ძჳრისმოქმედთა და კაცისმკლველთასა, ვიხილნით მუნ თითოსახითა
Line: 11    საკრველითა შეკრულნი ყოველნივე, ეგრეთვე აქა, უკუეთუმცა უცნე\ბაჲ
Line: 12    ესე გარეშე განაქარვა ვინ და კაცადკაცადისა ცხორებასა, კაცად\კაცადისა
Line: 13    სულსა შეგიყვანა ვინ, იხილენმცა ჯაჭჳსა და ბორკილისა
Line: 14    უძჳრესითა საკრველითა შეკრულნი, და უფროჲსად, უკუეთუმცა მდი\დართა
Line: 15    და დიდებულთა სულებსა ვინ შეგიყვანა, რამეთუ რავდენ-იგი
Line: 16    უმეტესი შეუმოსიეს დიდებაჲ, ეგოდენ უძჳრესითა შეკრულ არიან საკ\რველითა;
Line: 17    და ვითარცა პყრობილი, იხილი რაჲ, ჴელით და ფერჴით შე\ბორკილებული
Line: 18    და ყელსა ჯაჭჳ მოდებული, რავდენცა უმეტესნი საკ\რველნი
Line: 19    იყვნიან მის ზედა, ეგოდენ უმეტესად საწყალობელად გიჩნნ,
Line: 20    ეგრეთვე მდიდარნი, რავდენცა უმდიდრეს იხილნე და უმრავლესითა დი\დებითა
Line: 21    შემოსილ, ეგოდენ უსაწყალობელეს გიჩნდინ, რამეთუ ამათ
Line: 22    საკრველთა ზედა, საპყრობილესა, რომელსა შეწყუდეულ არს, მესაპ\ყრობილეთმთავარიცა
Line: 23    აქუს სასტიკი: ბოროტი იგი ტრფიალებაჲ საფა\სეთაჲ,
Line: 24    რომელი არა შეუნდობს საკრველთა მათ განჴსნად, არამედ დღი\თი
Line: 25    დღე უძჳრესად შეჰკრავს და შინაგანსა მას დილეგსა შეაყენებს. და
Line: 26    უძჳრესი ესე არს, რომელ უცხოჲთა რაჲთმე მანქანებითა უფროჲსღა
Line: 27    დაუტკბობს საკრველთა მათ, ვიდრე დღემდე ოდეს ეგულებინ სამსჯავ\როდ
Line: 28    განყვანებაჲ. მაშინღა ცნის სიმწარე მათი, მაშინღა იხილის უბად\რუკებაჲ
Line: 29    თჳსი, ვითარ არა შეკრულ ოდენ არნ, არამედ სავსე ბაყლითა
Line: 30    და ტილითა და მრავლითა მით სიმყრალითა დილეგისაჲთა. და ჭეშმარი\ტად
Line: 31    უძჳრეს ყოვლისავე ბაყლისა და სიმყრალისა არიან გულისთქუმანი
Line: 32    და საშუებელნი სოფლისანი. აწ უკუე, მორწმუნენო, განვიფრთხოთ
Line: 33    ძილისა მისგან მცონარებისა და შეუვრდეთ მჴსნელსა მას და მაცხო\ვარსა
Line: 34    სულთა ჩუენთასა, რაჲთა საკრველნიცა იგი განხეთქნეს და ბო\როტი
Line: 35    იგი მცველი განგუაშოროს და ტვირთი მძიმეთა მათ ბორკილთაჲ
Line: 36    აღგჳსუბუქოს, რაჲთა შეუძლოთ სლვად გზასა მცნებათა მისთასა. ხოლო
Line: 37    ვედრებასა თანა მოღუაწებაჲცა ვაჩუენოთ და მოსწრაფებაჲ კეთილი,
Page: I-234   Line: 1    რაჲთა ესრეთ განვერნეთ სრულიად ბოროტთა მათ ჩუენთაგან და მწა\რისა
Line: 2    მის წილ მონებისა ვნებათაჲსა ვპოოთ აზნაურებაჲ იგი სრული და
Line: 3    ჭეშმარიტი, რომელსა ღირსმცა ვართ ყოველნი მიმთხუევად მადლითა
Line: 4    და კაცთმოყუარებითა უფლისა ჩუენისა იესუ ქრისტესითა, რომლისა
Line: 5    არს დიდებაჲ და სიმტკიცე თანა მამით და სულით წმიდითურთ, აწ და
Line: 6    მარადის და უკუნითი უკუნისამდე, ამენ.


Next part


This text is part of the TITUS edition of Johannes Chrysostomus, Commentary on St. Matthew.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.