TITUS
Johannes Chrysostomus, Commentary on St. Matthew
Part No. 36
Previous part

Chapter: 35  
Line: 4  თავი კე


Part: T  
Line: 5       სიტყუაჲ ესე: "ნუ ჰგონებთ, ვითარმედ მოვედ მოფენად
Line: 6    მშჳდობისა ქუეყანასა ზედა; არა მოვედ მოფგენად მშჳდობისა, არამედ
Line: 7    მახჳლისა" (10,34 Link to adisnt Link to cinant Link to giornt).

Line: 8       კუალად მძიმეთა და ფიცხელთა სიტყუათა წინა-უყოფს და, რომელ\სა
Line: 9    მათ ეგულებოდა თქუმად, წინაჲსწარვე მიუთხრა მათ, რაჲთა არა,
Line: 10    ესმოდის რაჲ ესევითარი ესე ყოველივე ძნელოვანი, ჰრქუან იმას, ვი\თარმედ:
Line: 11    რაჲ არს სიტყუაჲ ესე? ამისთჳს მოხუედა, რაჲთა ჩუენცა მო\საკლავად
Line: 12    მიგუცნე და იგინიცა, რომელნი მერჩდენ ჩუენ, და ბრძოლითა
Line: 13    აღავსო სოფელი?

Line: 14       ამისთჳს პირველვე თავადი ეტყჳს ამას, ვითარმედ: "არა მოვედ მი\ფენად
Line: 15    მშჳდობისა ქუეყანასა ზედა". ვითარ უკუე ამცნო მათ მშჳდობისა
Line: 16    მიცემად, რომელსაცა სახლსა შევიდენ? ანუ ვითარ იტყოდეს ანგელოზ\ნი:
Line: 17    "დიდებაჲ მაღალთა შინა ღმერთსა, ქუეყანასა ზედა მშჳდობაჲ?"
Line: 18    და ვითარ ყოველნივე წინაჲსწარმეტყუელნი ამას ქადაგებდეს? არამედ
Line: 19    გულისჴმა-ყავთ, ვითარმედ არარაჲ არს აქა წინააღმდგომი. გამოვიძიოთ
Line: 20    უკუე, თუ რომელი არს იგი მშჳდობაჲ, რომელსა უფალმან უბრძანა მო\ციქულთა,
Line: 21    რაჲთა მისცემდენ მორწმუნეთა, და ანგელოზნი ქადაგებდეს
Line: 22    და წინაჲსწარმეტყუელნი გუახარებდეს.

Line: 23       განდგომილნი ვიყვენით და განვრდომილნი ღმრთისაგან, მტერ
Line: 24    ვიყვენით და მბრძოლ, რამეთუ დამონებულ ვიყვენით მძლავრსა მას
Line: 25    ბოროტსა. მოვიდა უფალი და დაჰჴსნა მტერობაჲ იგი, რომელი იყო
Line: 26    შორის ღმრთისა და კაცთა, ვითარცა იტყჳს პავლე მოციქული: "რამეთუ
Line: 27    იგი თავადი არს მშჳდობაჲ ჩუენი, რომელმან შექმნა ორივე ერთად და
Line: 28    შუა კედელი ზღუდისაჲ მის დაჰჴსნა, მტერობაჲ იგი ჴორცითა მისითა,
Line: 29    შჯული იგი მცნებათაჲ მათ ბრძანებითა განაქარვა, რაჲთა ორივე იგი
Line: 30    დაჰბადოს მას შინა ერთად ახლად კაცად, ყოფად მშჳდობისა; და და\აგნეს
Line: 31    ორნივე იგი ერთითა ჴორცითა ღმერთსა ჯუარისაგან, მოკლა
Line: 32    მტერობაჲ მას შინა, და მოვიდა და გახარა მშჳდობაჲ თქუენ შორიელთა,
Line: 33    და მშჳდობაჲ მახლობელთა, რამეთუ მის მიერ მაქუს ჩუენ მიახლებაჲ
Page: II-234   Line: 1    იგი ურთიერთას ერთითა სულითა მამისა მიმართ". ამის ესევითარისა
Line: 2    მშჳდობისათჳს ეტყოდა უფალი მოწაფეთა, მი-რაჲ-ვიდოდა ცხოელსამყო\ფელსა
Line: 3    მას ვნებასა: "მშჳდობასა დაგიტევებ თქუენ, მშჳდობასა ჩემსა
Line: 4    მიგცემ თქუენ". ხოლო ესევითარი ესე მშჳდობაჲ ამით მახჳლითა წარე\მართებოდა,
Line: 5    რომლისათჳს აწ იტყჳს უფალი, ვითარმედ: "მოვედ მოფე\ნად
Line: 6    ქუეყანასა ზედა". რამეთუ ვიდრემდის იყო მშჳდობაჲ შორის ჩუენსა
Line: 7    და ვნებათა, ვიდრემდის კაცნი შეთქუმულ იყვნეს ბოროტთა ზედა, ჭეშ\შარიტი
Line: 8    იგი მშჳდობაჲ არა იპოებოდა, არამედ -- უფროჲსად მტერობაჲ
Line: 9    და განდგომილებაჲ ღმრთისაგან. ვინაჲგან უკუე მოვიდა უფალი და
Line: 10    მოჰფინა მახჳლი, განმკუეთელი ესევითარისა მის ბოროტთა ზედა შეთ\ქუმულობისა
Line: 11    და ეშმაკთა მიმართ და ვნებათა მშჳდობისაჲ, ყო ჭეშმარიტი
Line: 12    იგი მშჳდობაჲ კაცთა შორის და შეაერთნა ქუეყანისანი ზეცისათა; ხოლო
Line: 13    რომელთაცა არა ინებეს დაჴსნად მშჳდობისა მის ბოროტისა, რომელი
Line: 14    აქუნდა მორჩილებად ეშმაკთა და მონებად ცოდვისა, იგინი განწვალნა
Line: 15    ღმრთის-მოყუარეთაგან, უფროჲსღა მათ განიწვალნეს თავნი თჳსნი.

Line: 16       ესე არს უკუე მშჳდობაჲ ჭეშმარიტი. ოდეს ჴორცნი იგი დამპალნი
Line: 17    მოიკუეთნენ გუამისაგან და გუამი იგი სრულიად განიკურნოს, ოდეს
Line: 18    მოლალენი იგი და შფოთისმოქმედნი განვიდენ კრებულისაგან, მაშინ
Line: 19    იყოს მუნ ყოველივე მშჳდობაჲ. ეგრეთვე მკურნალმან ჴელოანმან ყვის,
Line: 20    ჰნებავნ რაჲ კეთილად განკურნებაჲ გუამისაჲ, რომელიცა პოის ჴორცი
Line: 21    დამპალი, მოჰკუეთის და განაგდის, რამეთუ, ცნის, ვითარმედ მისი კურ\ნებაჲ
Line: 22    არა არს და სხუასაცა გუამსა ავნებს. ეგრეთვე ერისთავმან გონი\ერმან
Line: 23    პოის რაჲ შეთქუმულებაჲ და ერთობაჲ ერისაჲ ბოროტსა რასმე
Line: 24    ზედა, ისწრაფის განქარვებაჲ მისი.

Line: 25       ეგრეთვე იქმნა შენებასა მას გოდლისასა, რამეთუ ბოროტი იგი
Line: 26    მშჳდობაჲ განწვალებამან მან კეთილმან დაჰჴსნა და იქმნა მშჳდობაჲ.
Line: 27    ეგრეთვე აქა იხილვების, რამეთუ მოვიდა უფალი, რაჲთა ყოველნი მო\აქცინეს
Line: 28    მონებისაგან ეშმაკისა მონებად ღმრთისა. ხოლო რომელთა
Line: 29    ესე არა ინებეს, მათ თჳთ განწვალნეს თავნი თჳსნი ღმრთის-მოყუარე\თაგან.
Line: 30    არამედ იტყჳან ვიეთნი, ვითარმედ სახარებაჲ არა ეგრეთ იტყჳს,
Line: 31    თუ მათ განწვალნეს თავნი თჳსნი, არამედ მე მოვედო, იტყჳს უფალი, ესე\ვითარისა
Line: 32    ამის განყოფილებისა ქმნად; ხოლო ესე ნუგეშინისცემისათჳს
Line: 33    მოციქულთაჲსა ესრეთ თქუა, ვითარმცა ეტყოდა, ვითარმედ: ნუ ჰგო\ნებთ,
Line: 34    თუ შფოთისა მის და ურთიერთას განყოფიდა კაცთაჲსა თქუენ ხართ
Line: 35    მიზეზ. მე ვარ ამის საქმისა მოქმედი და ამისთჳს მოვედ, რაჲთა, რომე\ლნიცა
Page: II-235   Line: 1    არა ერჩდენ სიტყუასა ჩემსა და არა მოიქცენ მონებისაგან ეშმა\კისა,
Line: 2    განვყვნე მათგან მორჩილნო ჩემნი დამოყუარენი სახელისა ჩემისანი,
Line: 3    რაჲთა განეშორნენ რაჲ ბოროტნი იგი, მაშინ კეთილნი შევაერთნე ზეცი\სა
Line: 4    ძალთა. რამეთუ მოვედ მე მიფენად მახჳლისა შორის კაცთა და ეშმა\კისა.
Line: 5    აწ უკუე განწვალებასა მას ეშმაკთასა მორწმუნეთაგან, რომელნიცა
Line: 6    მათისა მის ნაწილისა მოყუარე იპოვნენ, მათ თანა მივიდენ. ესრეთ რაჲ
Line: 7    გულისჴმა-უყო, მეყსეულად თითოსახეობაჲ ბრძოლისაჲ მის და განყო\ფისაჲ
Line: 8    მიუთხრა:

Part: s  
Line: 9       სახარებაჲ: მოვედ განყოფად კაცისა მამისაგან თჳსისა და
Line: 10    ასული -- დედისაგან თჳსისა და სძალი -- დედამთილისაგან თჳსისა. და
Line: 11    მტერ იყვნენ კაცისა სახლეულნი თჳსნი" (10,35-86 Link to adisnt Link to cinant Link to giornt).

Part: t  
Line: 12       თარგმანი: არა თუ უფალი იყო მიზეზ ესევითარისა მის განწვა\ლებისა,
Line: 13    არამედ მათი იგი უკეთურებაჲ. ვითარცა რაჲ იყვნიან თუ მრა\ვალნი
Line: 14    შეწყუდეულ სახლსა შინა ბნელსა უკუნსა, და შეიწყალნის იგინი
Line: 15    სახიერმან ვინმე, აღანთის ლამპარი და განუღის კარი და მოუწოდის
Line: 16    ნათლად, რომელნიმე განვიდიან და შეუდგიან ნათელსა მას და განეშორ\ნიან
Line: 17    ბნელისა მისგან წყუდიადისა, ხოლო რომელიმე არა შეუდგიან,
Line: 18    არამედ დაშთიან ბნელსა შინა. აწ ვინ იქმნა მიზეზ განყოფისა მის მათი\სა?
Line: 19    რომელმან-იგი მიუპყრა ნათელი და მოუწოდა ბნელისაგან, ანუ
Line: 20    რომელნი-იგი არა შეუდგეს მას? ჰე, ჭეშმარიტად იგინი იქმნეს მიზეზ
Line: 21    სიბნელისა და წარწყმედისა თჳსისა. გარნა ესე ჩუეულება არს წერი\ლისაჲ
Line: 22    ამის ესევითარისა სახისა თქუმად, ვითარცა იტყჳს: "მისცნა მათ
Line: 23    ღმერთმან თალნი არა ხედვად" არა თუ ღმერთმან დაუყვნა თუალ\ნი,
Line: 24    -- ნუ იყოფინ! -- არამედ მათმან უკეთურებამან, ეგრეთვე აქა გან\ყოფილებისა
Line: 25    მის მიზეზ უკეთურებაჲ იგი უშჯულოთაჲ მათ იქმნა. არა\მედ
Line: 26    ამისთჳს უფალმან ესრეთ მიუთხრა მოციქულთა, რაჲთა ოდეს
Line: 27    საქმე იქმნებოდის და მრავალნი მაცთურით ხადოდინ მათ და განმყოფე\ლად
Line: 28    მამა-დედათა შვილთაგან და მეუღლეთა ერთმანერთისაგან, არა
Line: 29    შეშფოთნენ, არამედ გულისჴმაყონ, ვითარმედ პირველვე უთხრა ესე
Line: 30    უფალმან. ეგრეთვე სახედ იქმნა ძუელსაცა შინა შჯულსა, რაჲთა სცნა,
Line: 31    ვითარმედ ესევე იყო მისცა შჯულისა განმგებელი.

Line: 32       რამეთუ ოდეს-იგი ჰურიათა ქმნეს ჴბოჲ დს თაყუანი-სცეს, და უბრ\ძანა
Line: 33    მოსე სიტყჳთა უფლისაჲთა ურთიერთას მოწყუედაჲ მახჳლითა ლე\ვიტელთა
Line: 34    მათ, და მაშინღა იქმნა მშჳდობაჲ; ეგრეთვე, ოდეს იგი ბელ\ფეგორეს
Line: 35    ჰმსახურეს, იქმნა, დაღაცათუ უკუე სისხლნი მრავალნი დაი\თხინეს
Page: II-236   Line: 1    მაშინ. არამედ ვიცით, ვითარმედ კაცთმოყუარებისათჳს იყო
Line: 2    ბრძანებაჲ იგი, რაჲთა შეთქუმულებაჲ ბოროტისაჲ დაიჴსნას. ხოლო
Line: 3    რაჲთა აჩუენოს, ვითარმედ ესე იყო, რომელმან-იგი მაშინ სათნო\იჩინა,
Line: 4    ამისთჳს წინაჲსწარმეტყუელებაჲცა აჴსენა, დაღაცათუ არა ამას ზედა
Line: 5    თქუმული, არამედ ესევითარისავე საქმისა მომასწავებელი: "და მტერ
Line: 6    იყვნენ კაცისა სახლეულნი თჳსნი"; რამეთუ იყო ჰურიათაცა შორის
Line: 7    ესევითარი საქმე: იყვნეს წინაჲსწარმეტყუელნი ჭეშმარიტნი და იყვნეს
Line: 8    სხუანი ცრუ-წინაჲსწარმეტყუელნი, და ერი იგი განწვალებულ იყო და
Line: 9    სახლნი -- განყოფილ. რომელთამე მათი ჰრწმენა და რომელთამე -- მა\თი.
Line: 10    ამისთჳს თქუა წინაჲსწარმეტყუელმან, ვითარმედ "მტერ იყვნენ
Line: 11    კაცისა სახლეულნი მისნი". ეგრეთვე აქა აღესრულა: რომელთამე შეი\ყუარეს
Line: 12    ქრისტე და სხუათა -- ეშმაკი; და იქმნენ იგინი მტერ ქრისტეს\მოყუარეთა
Line: 13    მათ. იხილეთ, ვითარ განეყო თეკლა დედასა თჳსსა და ქმარ\სა
Line: 14    და შეუდგა ქრისტესა. ხოლო იგინი იქმნეს მტერ მისა და ძჳრ-ძჳრად
Line: 15    ტანჯეს. და სხუანი ესევითარნი მრავალნი გამოჩნდეს, რომელთა შეი\ყუარეს
Line: 16    ქრისტე და თჳსთა მათთაგან იგუემნეს და მოიკლნეს. ამისთჳსცა
Line: 17    იტყოდა უფალი, ვითარმედ: "ცეცხლისა მოვედ მოფენად", რაჲთა
Line: 18    გამოსახოს მჴურვალებაჲ იგი სიყუარულისაჲ, რომელი მოიგეს მრავალ\თა
Line: 19    მისა მიმართ. ხოლო ამათ სიტყუათა მიერ გონებასაცა მორწმუნე\თასა
Line: 20    განამტკიცებდა და მოციქულთაცა განაკრძალებდა და უმაღლეს
Line: 21    ჰყოფდა, ვითარმედ, უკუეთუ რომელთა თქუენ მიერ ჰრწმენეს, ესრეთ
Line: 22    ეგულების ყოფად, რაჲთა შვილნი და მშობელნი და მეუღლენი
Line: 23    შეურაცხ-ყვნენ სიყუარულისა ჩემისათჳს; გულისჴმა-ყავთ, თუ თქუენ
Line: 24    ვითარ გიღირს ყოფაჲ, რომელნი-ეგე მოძღუარნი ხართ სოფლისანი.

Line: 25       ესევითარი ესე სიტყუაჲ შემოიღო რაჲ, უმეტესად განავრცელებს
Line: 26    ამას პირსა, რაჲთა განაცხადოს საქმე მახჳლისა მის, რომელი თქუა, თუ:
Line: 27    "მოვედ მიფენად ქუეყანასა ზედა". ამისთჳსცა იტყჳს:

Part: s  
Line: 28       სახარებაჲ: რომელსა უყუარდეს მამაჲ ანუ დედაჲ უფროჲს
Line: 29    ჩემსა, იგი არა არს ჩემდა ღირს; და რომელსა უყუარდეს ძე ანუ ასული
Line: 30    უფროჲს ჩემსა, იგი არა არს ჩემდა ღირს. და რომელმან არა აღიღოს
Line: 31    ჯუარი თჳსი და შემომიდგეს მე, იგი არა არს ჩემდა ღირს" (10,37-38 Link to adisnt Link to cinant Link to giornt).

Part: t  
Line: 32       თარგმანი: იხილეა ჴელმწიფებაჲ მეუფისაჲ? იხილეა, ვითარ გუ\ლისჴმა-უყო,
Line: 33    ვითარმედ იგი არს მხოლოდშობილი ძე ღმრთისაჲ, თანა\არსი
Line: 34    და თანამოსაყდრე მამისაჲ? რამეთუ, აჰა, ესერა, ბრძანებს განცხა\დებულად,
Line: 35    რაჲთა ყოველივე შეურაცხ-ვყოთ და იგი მხოლოჲ შევიყუა\როთ
Page: II-237   Line: 1    და რად ვიტყჳ სხუასა რასმე? უკუეთუ თჳსსაცა სულსა უმეტეს
Line: 2    სიყუარულისა მისისა პატივ-სცეს ვინ, იტყჳს: "არა ღირს არს ჩემდა".

Line: 3       თქუეს ვიეთმე, ვითარმედ: ესე სიტყუაჲ არა წინააღმდგომ არსა ძუე\ლისა
Line: 4    შჯულისა, რომელი იტყჳს: "პატივ ეც მამასა შენსა და დედასა
Line: 5    შენსა?" ნუ იყოფინ! არა წინააღმდგომ არს, არამედ უფროჲსად ფრი\ად
Line: 6    შეერთებულ, რამეთუ ძუელსა შჯულსა შინა ესრეთ განაწესებს,
Line: 7    რაჲთა, უკუეთუ ქმნიან მშობელთა კერპთმსახურებაჲ, არა თუ ხოლო
Line: 8    მოიძულნენ შვილთა, არამედ ქვაჲცა დაჰკრიბონ. და მეორესა შჯულსა
Line: 9    იტყჳს: "რომელმან ჰრქუას მამასა თჳსსა და დედასა: არა გიცნი თქუენ,
Line: 10    და ძმანი თჳსნი არა იცნნეს, და ძენი თჳსნი განწირნეს, მან დაიმარხნეს
Line: 11    სიტყუანი შენნი". ხოლო უკუეთუ პავლე განაწესებს დამორჩილებასა
Line: 12    მშობელთასა, ნუ გიკჳრს სიტყუაჲ მისი, რამეთუ მათ საქმეთა ზედა
Line: 13    იტყჳს მორჩილებასა მათსა, სადა-იგი არა ევნებოდის ღმრთის-მსახურე\ბასა,
Line: 14    რამეთუ სამართალ არს და კეთილ სხუასა ყოველსა ზედა პატივ\ცემაჲ
Line: 15    მათი, ხოლო უკუეთუ უმეტეს წესსა ეძიებდენ მორჩილებასა,
Line: 16    რაჲთამცა უფროჲს ღმრთისა პატივ-ვეცით მათ, მაშინ ყოვლადვე არა
Line: 17    ჯერ-არს სმენაჲ მათი. ამისთჳს ლუკაჲს თავსა შინა ესრეთ იტყჳს:
Line: 18    "რომელი მოვალს ჩემდა და არა მოიძულოს მამაჲ თჳსი და დედაჲ თჳსი
Line: 19    და ცოლი და შვილნი და ძმანი და დანი და მერმე კუალად სულიცა
Line: 20    თჳსი, ვერ ჴელ-ეწიფების მოწაფე ყოფად ჩემდა". არა თუ ესრეთ ცუ\დად
Line: 21    ბრძანა მოძულებაჲ, რამეთუ ესე უშჯულოება არს, არამედ ოდეს
Line: 22    გეტყოდისო მშობელი, ანუ, შვილი, ანუ მეუღლე, რაჲთამცა უფროჲს
Line: 23    ჩემსა შეიყუარე იგი, მას საქმესა ზედა მოიძულე, რამეთუ ესევითარი
Line: 24    სიყუარული ორთავე წარწყმედისა მიზეზ ექმნების. ხოლო ესე სიტყუ\ანი
Line: 25    განაწესნა, რაჲთა შვილნიცა უმეტესად განაძლიერნეს და მშობელთა
Line: 26    ასწაოს არა დაყენებად, რაჟამს ღმრთისა მივიდოდინ. ხოლო თქუა რაჲ:
Line: 27    "რომელმან არა მოიძულოს მამაჲ და დედაჲ", რაჲთა არა ესე სიტყუაჲ
Line: 28    სამძიმარ უჩნდეს მშობელთა, ამისთჳს შესძინა: "მერმე კუალად სული\ცა
Line: 29    თჳსი". რაჲსათჳს მშობელთა და შვილთა და ცოლსა ახსენებო? სუ\ლისა
Line: 30    თჳსისა არარაჲ არს პატიოსან კაცთა და მასცა გიბრძანებ მოძუ\ლებად,
Line: 31    უკუეთუ გნებავს მოწაფე ყოფად ჩემდა.

Line: 32       და არა თუ ესრეთ ადვილად ბრძანა მოძულებად სულისა თჳსისა,
Line: 33    არამედ მიცემად იგი სიკუდილად; ამისთჳს თქუა: "რომელმან არა აღი\ღოს
Line: 34    ჯუარი თჳსი და შემომიდგეს მე, ვერ ჴელ-ეწიფების მოწაფე ყო\ფად
Line: 35    ჩემდა".

Page: II-238  
Line: 1       არა თქუა, თუ: სიკუდილისა მიიმართ ხოლო ჯერ-არს განწყობაჲ,
Line: 2    არამედ -- სიკუდილისა მიმართ მიმძლავრებულისა და საყუედრელისა;
Line: 3    რამეთუ ესე მოასწავა ტჳრთვითა მით ჯუარისაჲთა, რაჲთა უკუეთუ იგი\ცა
Line: 4    შეემთხჳოს, რომელ ჯუარსა დამოეკიდოს, ნუმცა ჰრიდებს მას სახე\ლისა
Line: 5    ჩემისათჳს.

Line: 6       ამათ ყოველთა ძნელოვანთა ზედა არა განჰკრთეს მოციქულნი, არცა
Line: 7    განეშორნეს, რამეთუ დიდ იყო ძალი მეტყუელისაჲ მის სახიერისაჲ
Line: 8    და მათი იგი მისა მიმართ სიყუარული, ამისთჳსცა კუალად ძნელოვანთა
Line: 9    და ფიცხელთა სიტყუათა ეტყჳს:

Part: s  
Line: 10       სახარებაჲ: რომელმან პოოს სული თჳსი, წარიწყმიდოს იგი;
Line: 11    და რომელმან წარიწყმიდოს სული თჳსი ჩემთჳს, მან პოვოს იგი"
Line: 12    (10,89 Link to adisnt Link to cinant Link to giornt).

Part: t  
Line: 13       თარგმანი: ესე იგი არს, რომელმან ჰრიდოს სულსა თჳსსა
Line: 14    ჩემთჳს სიკუდილად მიცემაჲ, მან წარიწყმიდოსო იგი გეჰენიასა შინა
Line: 15    ცეცხლისასა; ხოლო რომელმან მოსცეს სული თჳსი სიკუდილდ სახელი\სა
Line: 16    ჩემისათჳს, მან ჭეშმარიტად პოოს იგი სასუფეველსა შინა ცათასა.
Line: 17    ჰხედავა, ვითარ სავნებელ არს უწესოჲ და უჯეროჲ სიყუარული და
Line: 18    ვითარ სარგებელ არს ჟამსა თჳსსა სიძულილი? რამეთუ ვინაჲგან მცნე\ბანი
Line: 19    ესე მძიმედ ჩნდეს, რომელ-იგი უბრძანა ბრძოლად განწყობაჲ
Line: 20    მშობელთა მიმართ და შვილთა, და თჳსთა, და მეგობართა, და ყოვლისა\ვე
Line: 21    სოფლისა, და მერმეღა სულისაცა თჳსისა მიმართ, რაჟამს მისცეს იგი
Line: 22    სიკუდილდ, ამისთჳს სარგებელიცა დიდი მიუთხრა ესევითარისა ამის
Line: 23    სიძნელისაჲ, ვითარმედ: რომელმან დადვას სული თჳსი ჩემთჳს სიკუ\დილდ,
Line: 24    მან პოოს იგი ჭეშმარიტად, ესე იგი არს, აცხოვნოს იგი მკჳდრო\ბით
Line: 25    მის სასუფეველისაჲთა. ვითარცა იგი მარადის იქმს, რომელი სა\წადელად
Line: 26    უჩნნ, მისი პოვნაჲ წინა-უყვის; ეგრეთცა აწ ეტყჳს: რაჲსათჳს
Line: 27    არა წადიერ ხარო, კაცო, მიცემად სული შენი სიკუდილდ? ამისთჳს,
Line: 28    რამეთუ, გიყუარსა იგი? აწ უკუეთუ გულისსიტყუაჲ ესე შენი ჭეშმარიტ
Line: 29    არს და გიყუარს სული შენი, ნუ ჰრიდებ მას ჩემთჳს სიკუდილად და\დებად.
Line: 30    ესე თუ ჰქმნე, მაშინ აჩუენო მას ჭეშმარიტი სიყუარული, რაჟამს
Line: 31    აცხოვნო და შეიყვანო სასუფეველსა ცათასა და მოატყუა ცხორებაჲ იგი
Line: 32    წარუვალი. ხოლო უკუეთუ მას ხოლო საწუთროსა შეიყუარო იგი და
Line: 33    აღირჩიო ცხორებაჲ ესე წარმავალი უფროჲს ჩემსა და ჰრიდო სიკუდი\ლად
Line: 34    მიცემაჲ სულისა შენისაჲ სახელისა ჩემისათჳს, იგი იყოს წარწყ\მედაჲ
Line: 35    ჭეშმარიტი სულისა მის შენისაჲ. რამეთუ, მოიწიოს რაჲ ჟამი იგი
Line: 36    სიკუდილისაჲ თანამდები, მიგეღოს თჳნიერ ნებისაცა შენისა სული იგი,
Line: 37    რომელი არა ინებე ჩემთჳს მიცემად, და მიეცეს წარწყმედასა მას საუ\კუნესა
Page: II-239   Line: 1    გეჰენიასა შინა ცეცხლისასა. მაშინ სტიროდი უგუნურებასა მას
Line: 2    შენსა ფრიადსა, ოდეს სარგებელი არღარაჲ იყოს.

Line: 3       და იხილე სიბრძნე იგი გამოუთქუმელი: პირველად აჴსენა დატევე\ბაჲ
Line: 4    და მოძულებაჲ მშობელთა და შვილთაჲ სახელისა მისისათჳს, გარნა
Line: 5    ესრეთ გამოწულილვით და ზედა-მიწევნით არა თქუა მუნ; ხოლო შემო\იღო
Line: 6    რაჲ, რომელი-იგი უფროჲს ყოვლისა თჳსებით და სურვილით გუ\აქუს,
Line: 7    რომელ არს სული, მაშინღა თქუა ესრეთ განმარტებულად და
Line: 8    განჩინებულად: რომელმან ჰრიდოსო სულსა თჳსსა ჩემთჳს სიკუდილად
Line: 9    მოცემად და მიჰყვეს წუთ ერთსა მას ნებასა მისსა, რაჟამს მძიმედ უჩნნ
Line: 10    მას სიკუდილი და განყოფაჲ იგი ჴორცთაგან, მან წარიწყმიდოს იგი
Line: 11    საუკუნოჲთა მით წარწყმედითა; ხოლო რომელმან აქა არა ჰრიდოს მას
Line: 12    ჩემთჳს მიცემად სიკუდილად, -- რომელსაცა წარწყმედად სახელ-სდვა
Line: 13    ჩუეულებისაებრ კაცთა სიტყჳსა, რამეთუ ფრიადისა მის სიმძიმისათჳს
Line: 14    სიკუდილისა წარწყმედად უწესენ მას, -- რომელმან ამას კაცთა მიერ
Line: 15    წარწყმედად წოდებულსა სიკუდილსა არა ჰრიდოს მიცემად ჩემთჳს
Line: 16    სული თჳსი, არა თუ წარწყმიდოს იგი, -- ნუ იყოფინ! -- არამედ მაშინ\ღა
Line: 17    იჴსნას საუკუნოჲსა მის წარწყმედისაგან და აცხოვნოს მოპოვნებითა
Line: 18    უკუდავისა მის ცხორებისაჲთა. ამისთჳს უკუე აჴსენა რაჲ სული, ესრეთ
Line: 19    განავრცელა ამას ზედა სიტყუაჲ თჳსი, რაჲთა მშობელთა და შვილთა და
Line: 20    სხჳსა ყოვლისავე შეურაცხყოფისათჳს არცა თუ სიტყუაჲ ვის აქუნდეს
Line: 21    ყოვლადვე, არამედ ცნან, ვითარმედ, უკუეთუ სულისაცა სიკუდილდ
Line: 22    დადებაჲ ბრძანებულ არს, სხჳსა ამის ყოვლისაჲვე რაჲმცა ვის აქუნდა
Line: 23    მიზეზი? ხოლო დაღაცათუ სიკუდილი ბუნებით ჴორცთაჲ არს, არამედ,
Line: 24    ვინაჲთგან განყოფაჲ იგი შეერთებისაჲ მის ბნელ უჩნს სულსა და იგი
Line: 25    არს, რომელი ჟამსა სიკუდილისასა შეურვებულ იქმნების, არა თუ
Line: 26    ჴორცნი (ვითარცა ჰრქუა უფალმან ჟამსა მას ვნებისასა მოწაფეთა, ვი\თარმედ:
Line: 27    "შეწუხებულ არს სული ჩემი სიკუდილდმდე"), ამისთჳს არა
Line: 28    ჴორცთაჲ თქუა სიკუდილდ მიცემაჲ, არამედ სულისაჲ, რაჲთა უაღრესი\სა
Line: 29    მიმართ იყოს სიტყუაჲ მისი, ჯეროვნად და შუენიერად. რამეთუ
Line: 30    წარწყმედასაცა გეჰენიისასა დაღაცათუ მერმესა მას აღდგომასა ჴორც\ნიცა
Line: 31    სულსა თანა მიეცემიან, არამედ სულისა ხოლო სახელი აჴსენა,
Line: 32    რაჲთა უაღრესისა მის კერძისაგან უდარესიცა საცნაურ-ყოს; რამეთუ,
Line: 33    დაღაცათუ ჴორცნი მიეცემიან სიკუდილად და სული უკუდავ არს, არა\მედ
Line: 34    მარადის სულისათჳს ითქუმის სიკუდილად დადებაჲ, რამეთუ დი\დად
Line: 35    ელმის მას ჴორცთაგან განსლვაჲ და სასუმელისა მის მიღებაჲ.
Page: II-240   Line: 1    ამისთჳსცა იტყჳს უფალი იოვანეს თავსა შინა: "მწყემსმან კეთილმან
Line: 2    სული თჳსი დადვას ცხოართათჳს"; არა ჴორცნი თქუა, არამედ სული.
Line: 3    ხოლო დადებაჲ სულისაჲ, უწყით ვითარმედ სიკუდილისათჳს თქუა. და
Line: 4    კუალად იტყჳს, ვითარმედ: "სულსა ჩემსა დავსდებ ცხოვართათჳს". და
Line: 5    კუალად იტყჳ: "მე დავსდებ სულსა ჩემსა, რაჲთა კუალად მოვიღო
Line: 6    იგი", ნეფსითსა რაჲ მოასწავებდა სიკუდილსა და კუალად აღდგომასა.
Line: 7    ესრეთ უკუე ყოველსა ადგილსა სიკუდილად დადებაჲ სულისაჲ ჩუეულ
Line: 8    არს წერილთა შინა თქუმად, რაჲთა უაღრესისა მისგან უდარესი მოეს\წაოს.
Line: 9    ამისთჳს აქაცა ესრეთ თქუა უფალმან: "რომელმან პოოს სული
Line: 10    თჳსი", -- ესე იგი არს, რომელმან ჰრიდოს მას მიცემად სიკუდილდ,
Line: 11    "მან წარიწყმიდოს იგი"; "და რომელმან წარიწყმიდოს სული თჳსი
Line: 12    ჩემთჳს", -- ესე იგი არს, რომელმან მისცეს იგი სიკუდილდ, -- "მან
Line: 13    პოოს იგი", რაჟამს განარინოს საუკუნოჲსა მის წარწყმედისაგან, რომელ\იგი
Line: 14    არს ჭეშმარიტი პოვნაჲ, და მკჳდრ-ყოს სასუფეველსა ცათასა.

Line: 15       აწ უკუე, ძმანო, ვინაჲთგან უკუეთუ სიკუდილი წინამდებარე იყოს
Line: 16    და ელმოდის სულსა ჩუენსა და არა ენებოს, ბრძანებაჲ მოგჳღიეს, რა\ჲთა
Line: 17    არა თუმცა მივერჩდით ამას ზედა, არამედ სრულიად მოვიძულოთ
Line: 18    იგი ბოროტისა მის ზრახვისათჳს და ურიდად მივსცნეთ სიკუდილდ
Line: 19    უფლისათჳს. არა უფროჲსად აწ თანამდებ ვართა, ოდეს არცა თუ სიკუ\დილი
Line: 20    წამებისაჲ არს წინამდებარე, არამედ ცხორებასა შინა ვართ
Line: 21    ადვილსა, რაჲთა ბოროტთამცა ნებათა მისთა არა მივერჩდით, ვითარცა\იგი
Line: 22    იტყჳს იოვანეს თავსა შინა: "რომელსა უყუარდეს სული თჳსი, წა\რიწყმიდოს
Line: 23    იგი; და რომელსა სძულდეს სული თჳსი ამას სოფელსა,
Line: 24    ცხორებად საუკუნოდ დაჰმარხოს იგი". ესე უკუე სიტყუაჲ გულისჴმა\იყოფების
Line: 25    სიკუდილად დადებისათჳსცა, ვითარცა მათეს თავსა და ლუ\კაჲსსა
Line: 26    შინა წერილიცა, გარნა კუალად ამასცა მოასწავებს, ვითარმედ:
Line: 27    "რომელსა უყუარდეს სული თჳსი, მან წარიწყმიდოს იგი". ესე იგი არს:
Line: 28    რომელი გულისთქუმათა მისთა ბოროტთა იქმოდის და უჯეროებისა
Line: 29    საქმეთა ზედა მიერჩდეს მას. ამისთჳს წერილ არს: "ნუ შეუდგები გუ\ლისთქუმათა
Line: 30    სულისა შენისათა, რამეთუ ესე არს წარმწყმედელი მისი".
Line: 31    და კუალად: "რომელსა სძულდეს სული თჳსი, მან აცხოვნოს იგი";
Line: 32    ესე იგი არს, რომელი არა ჰმორჩილობდეს ბოროტსა ნებასა მისსა. და არა
Line: 33    თქუა: რომელი არა ჰმორჩილობდეს მას, არამედ -- "რომელსა სძულ\დეს
Line: 34    იგი", რაჲთა ვითარცა საძულელთა ჩუენთა ჴმისა სმენაჲცა არა
Line: 35    გუნებავს, არცა პირისა მათისა ხილვად წადიერ ვართ, ეგრეთვე რაჟამს
Page: II-241   Line: 1    სული წინააღმდგომსა ნებისა ღმრთისასა ეძიებდეს, სრულიად გარემიქ\ცევაჲ
Line: 2    მისგან ჯერ-არს.

Part: s  
Line: 3       სახარებაჲ: რომელმან შეგიწყნარნეს თქუენ, მე შემიწყნარა;
Line: 4    და რომელმან მე შემიწყნაროს, შეიწყნაროს მომავლინებელი ჩემი. რო\მელმან
Line: 5    შეიწყნაროს წინაჲსწარმეტყუელი სახელად წინიჲსწარმეტყუე\ლისა,
Line: 6    სასყიდელი წინაჲსწარმეტყუელისაჲ მიიღოს; და რომელმან შეი\წყნაროს
Line: 7    მართალი სახელად მართლისა, სასყიდელი მართლისაჲ მიიღოს.
Line: 8    და რომელმან ასუას ერთსა მცირეთაგანსა სასუმელი" ერთი წყალი გრი\ლი
Line: 9    სახელად ხოლო მოწფისა, ამენ გეტყჳ თქუენ, არა წარუწყმდეს სას\ყიდელი
Line: 10    მისი" (10,40-42. Link to adisnt Link to cinant Link to giornt).

Part: t  
Line: 11       თარგმანი: კმა იყო ზემოთქუმული იგი ყოველივე დარწმუნებად
Line: 12    კაცთა, რაჲთა შეიწყნარებდენ და ჰმსახურებდენ მოციქულთა; რამეთუ
Line: 13    ვინმცა იხილნა ახოანნი იგი მჴედარნი ქრისტესნი, ლომებრ მორბედნი
Line: 14    სოფელსა შინა, შეურაცხისმყოფელნი ყოვლითურთ თავთა თჳსთანი,
Line: 15    რაჲთა სხუანი აცხოვნნენ, და არამცა გულსმოდგინედ შეიწყნარნა იგი\ნი?
Line: 16    გარნა ვინაჲთგან ზემო დიდი სასჯელი თქუა არაშემწყნარებელთა
Line: 17    მათთათჳს, ვითარმედ: "უმოლხინეს იყოს ქუეყანაჲ სოდომისა და გომორი\საჲ
Line: 18    დღესა მას სასჯელისასა, ვიდრეღა რომელთა-იგი არა შეგიწყნარნენ
Line: 19    თქუენ, აწ კუალად შემწყნარებელთა მათთა სასყიდელსა წარმოიტყჳს,
Line: 20    რაჲთა ცნან, ვითარმედ მათ უმეტესი კეთილი მოეტყუების შეწყნარე\ბითა
Line: 21    მით, ვიდრეღა მოციქულთა. ამისთჳსცა იტყჳს: "რომელმან შეგი\წყნარნეს
Line: 22    თქუენ, მე შემიწყნარა; და რომელმან მე შემიწყნაროს, შეი\წყნაროს
Line: 23    მომავლინებელი ჩემი". რაჲმცა უკუე შეესწორებოდა ამას
Line: 24    პატივსა და ამას დიდებასა, შეწყნარებასა მამისა და ძისასა, რომელთა\გან
Line: 25    სული წმიდაჲ განუშორებელ არს? ხოლო სხუაჲცა აღუთქუა: სას\ყიდელი
Line: 26    წინაჲსწარმეტყუელთა და მართალთაჲ მიიღონო შემწყნარე\ბელთა
Line: 27    მათ. ხოლო არა თქუა მარტივად: რომელმან შეიწყნაროს წინა\ჲსწარმეტყუელი
Line: 28    და მართალი, მიიღოს მან სასყიდელი ესევითარი, არა\მედ
Line: 29    ესეცა შესძინა: "სახელად წინაჲსწარმეტყუელისა და სახელად მარ\თლისა";
Line: 30    ესე იგი არს, უკეთუ არა ჴორციელისა შეწევნისა და ჴელის\აპყრობისათჳს,
Line: 31    არცა სხჳსა რაჲსმე კაცობრივისა გულისსიტყჳსათჳს
Line: 32    შეიწყნაროს, არამედ ამისთჳს ხოლო, რომელ წინაჲსწარმეტყუელი არს,
Line: 33    ანუ მართალი, და მცნებისათჳს ღმრთისა, მიიღოს მან სასყიდელი წინა\ჲწარმეტყუელისა
Line: 34    და მართლისაჲ; ესე იგი არს -- ვითარი შეჰგავს წინა\ჲსწარმეტყუელისა
Line: 35    და მართლისასა, გინა თუ ვითარი წინაჲსწარმეტყუ\ელსა
Line: 36    მას ანუ მართალსა ეგულების მოღებად.

Line: 37       ხოლო რაჲთა არავინ გლახაკობასა მიზეზობდეს, ამისთჳს ესეცა შეს\ძინა:
Page: II-242   Line: 1    "რომელმან ასუას ერთსა მცირეთაგანსა სასუმელ ერთ წყალი
Line: 2    გრილი სახელად ხოლო მოწფისა, ამენ გეტყჳ თქუენ, არა წარუწყმდეს
Line: 3    სასყიდელი მისი", დაღაცათუ ვინ სასუმელ ერთ წყალი გრილი ასუას
Line: 4    ერთსა ვინმე ყოველთა უმცირესსა სახელისა ჩემისათჳს, მიიღოს სასყი\დელი
Line: 5    საქმისა მისთჳს უშრომელისა და წარუგებელისა. ხოლო რომელ
Line: 6    აქა თქუა: "სახელად ხოლო მოწფისა", მარკოზ განმარტებულად-რე
Line: 7    გჳთხრა: "სახელისა ჩემისათჳსო, რამეთუ ქრისტესნი ხართ".

Line: 8       იხილეა, რავდენითა სახითა განაწესა გულსმოდგინედ შეწყნარებაჲ
Line: 9    მათი და უჩუენა ყოველთა, ვითარმედ თანანადები არს საქმე ესე? პირ\ველად
Line: 10    თქუა: "ღირს არს მუშაკი სასყიდლისა თჳსისა"; მეორედ, რო\მელ-იგი
Line: 11    უპოვრებით წარავლინნა; მესამედ, რომელ უბრძანა ბრძოლათა
Line: 12    და განსაცდელთა შესლვაჲ; მეოთხედ, რომელ მისცა მათ საქმე სასწა\ულთაჲ;
Line: 13    მეხუთედ, რომელ მშჳდობისა მოცემად განუწესა შემწყნარე\ბელთა
Line: 14    მათთა; მეექუსედ, რომელ არაშემწყნარებელნი მათნი უძჳრეს
Line: 15    სოდომელთასა განაჩინნა; მეშჳდედ, რომელ თქუა, ვითარმედ: შემწყნა\რებელნი
Line: 16    მათნი მას შეიწყნარებენ თანა მამით და სულით წმიდითურთ;
Line: 17    მერვედ, რომელ სასყიდელი წინაჲსწარმეტყუელისა და მართლისა
Line: 18    აღუთქუა მიცემად; მეცხრედ, რომელ გრილისათჳსცა წყლისა მადლი
Line: 19    განუმზადებიეს.


Part: S  
Line: 20  სწავლაჲ ლე

Line: 21  მოწყალებისათჳს


Line: 22       ხოლო აწ, მორწმუნენო, ვისმინნეთ სიტყუანი ესე უფლისანი და
Line: 23    განვეკრძალნეთ შეწყნარებად უცხოთა და შეწყალებად გლახაკთა. და
Line: 24    ნუვინ იტყჳს, თუ: სადა არს აწ მოციქული და წინაჲსწარმეტყუელი;
Line: 25    რაჲთა შევიწყნარო? რამეთუ დაღაცათუ ამას ადგილსა სიტყუაჲ მისი
Line: 26    იქმნა მოციქულთათჳს, არამედ სხუასა ადგილსა ყოველთავე უნდოთა და
Line: 27    დავრდომილთა შეწყნარებასა გჳბრძანებს და იტყჳს: "რავდენსა არა
Line: 28    უყავთ ერთსა მცირეთაგანსა, მე არა მიყავთ". და კუალად მართალთა
Line: 29    იგივე ჰრქუა: "რავდენსა ზედა ჰყავთ ერთსა ამას მცირეთაგანსა ძმათა
Line: 30    ჩემთასა, იგი მე მიყავთ", რასა ეძიებ უკუე, კაცო, წინაჲსწარმეტყუელთა
Line: 31    და მოციქულთა? რავდენიცა უყო გლახაკსა, ქრისტე თჳსად მიიჩემებს;
Line: 32    შენ სხუათა მართალთა რასა ეძიებ?

Page: II-243  
Line: 1       გლახაკი იგი, რომელი მოგიჴდეს და გევედრებოდეს, კაცი არს
Line: 2    მსგავსი შენი, შენ თანავე დამკჳდრებული სოფელსა ამას; მისვე მეუფი\სა
Line: 3    მონაჲ, რომლისაჲ შენ ხარ; მათვე საიდუმლოთა ზიარებულ არს,
Line: 4    რომელთა შენ ეზიარე; მასვე სასუფეველსა წოდებულ არს, სადა შენ;
Line: 5    აქუს დიდი სამართალი შეწყნარებისაჲ -- იწროებაჲ მისი და სიგლახაკე;
Line: 6    სხუასა უმეტესსა რასა ეძიებ? ჵ საკჳრველი! მსახიობელნი და მემღერე\ნი
Line: 7    და მოკიცხარნი თუ მოგიჴდენ, მრავლითა ნიჭითა განავლინებ, ხოლო
Line: 8    გლახაკი თუ მოვიდეს თხოად პურისა, ბევრეულსა ბრალობასა დასდებ
Line: 9    უქმებისასა და მრავლითა შეურაცხებითა განუტეობ და არა იგონებ
Line: 10    თავით თჳსით, ვითარმედ შენცა უქმობასა შინა გარდაიჴდი დღეთა და
Line: 11    ღმერთი არა მიგიღებს ნიჭთა მისთა. რამეთუ მითხარღა, თუ რომელსა
Line: 12    კეთილისა საქმესა შინა აღასრულებ შენ ცხორებასა შენსა: გინა თუ
Line: 13    მოწყალებასა, ანუ ლოცვასა, ანუ თუ შეწევნასა გლახაკთასა? ამის ყოვ\ლისაგან
Line: 14    უქმ ვართ ყოველნი და არაოდეს გურქუა ღმერთმან: ვინაჲთგან
Line: 15    უქმ ხარ, არღარა აღმოგიბრწყინებ მზესა, ანუ არა მოვავლენ წჳმასა;
Line: 16    არამედ ყოველივე უხუებით მოუცემიეს ჩუენ ცოდვილთა და უდებთადა.
Line: 17    შენ უკუე, ოდეს იხილო გლახაკი ჭირვეული, რაჲსათჳს უქმობასა
Line: 18    აბრალებ და შეურაცხ-ჰყოფ თავსა შენსა? რად არა ეტყჳ: ჵ, უბადრუ\კო
Line: 19    თავო ჩემო, ვითარ არარას იქმ მცნებათაგან უფლისათა, არამედ
Line: 20    აღასრულებ დღეთა შენთა შუებასა შინა და მთრვალობასა, მტაცებლო\ბასა
Line: 21    და ანგაჰრებასა და სხუათა უძჳრესთა?

Line: 22       ხოლო ამათ სიტყუათა არა თუ ამისთჳს ვიტყჳ, თუმცა უქმობასა
Line: 23    განვაწესებდი, -- ნუ იყოფინ! -- უფროჲსად მნებავს, რაჲთა ყოველნი
Line: 24    იქმოდესმცა, რამეთუ ყოველი ბოროტი უქმობამან ასწავა კაცთა; არა\მედ
Line: 25    გევედრები, რაჲთა არა უწყალო ვიყვნეთ და ულმობელ, რამეთუ
Line: 26    არა ბრძანებულ არს შენდა, მორწმუნეო, განკითხვაჲ უქმთა და მოქმედ\თაჲ,
Line: 27    არამედ დაუყენებელად ყოფად წყალობისა. ისმინე პავლესი, რო\მელმან
Line: 28    მრავალი ბრალობაჲ თქუა უქმობისაჲ და განაწესა, ვითარმედ:
Line: 29    "რომელსა არა უნდეს საქმის, ნუცა ჭამნ", ვითარი ხოლო შეუდგინა
Line: 30    სიტყუაჲ: "ხოლო თქუენ, ძმანო, ნუ გეწყინების კეთილისყოფაჲო".
Line: 31    არა შენ გიბრძანა, თუ: რომელი გლახაკი არა იქმოდის, ნუ მისცემ
Line: 32    პურსა, არამედ მას ეტყჳს საქმისა ქმნად, ხოლო შენ გეტყჳს: ნუ გეწყი\ნებისო
Line: 33    კეთილისა ყოფაჲ.

Line: 34       გარნა შენ ფრიად გეწყინების; უკუეთუ სადმე მიგეპყრას პური ანუ
Line: 35    დანგი ერთი და კუალად მოვიდის თხოად ჭირვეული იგი, მეყსეულად
Page: II-244   Line: 1    აყუედრი: არა გუშინ მოხუედო და წარიღე? რაჲ არს სიტყუაჲ ესე,
Line: 2    უბადრუკო უკუეთუ გუშინ ანუ ძუღუან მიიღო, სხუაჲ არღარა ეჴმა\რებისა
Line: 3    საზრდელი?

Line: 4       რად არა შენსაცა მუცელსა დაუწესებ წესსა ამას და ეტყჳ: გუშინ
Line: 5    და ძუღან განსძეღ, აწ ნუღარა ეძიებ! არამედ იგი დღითი-დღე უმეტეს
Line: 6    ზომისა ჭამითა განსთქდების და გლახაკი გეწყინების, რომლისაჲ უმე\ტეს
Line: 7    თანა-გედვა წყალობაჲ, რომელ-იგი დღითი-დღე, იძულებული შიმ\შილისაგან
Line: 8    და ნაკულევანებისა, მოგიჴდების და გევედრების. არამედ
Line: 9    აწ აბრალებ და სირცხჳლეულ-ჰყოფ და უნდოსა მას ქველისსაქმესა აყუ\ედრებ,
Line: 10    რაჲთა არცა მისი გაქუნდეს სასყიდელი; რამეთუ ქრისტემან
Line: 11    ფარულად ბრძანა ქველის-საქმისა ყოფად, ხოლო შენ ჰქადაგებ და გლა\ხაკსა
Line: 12    მას შეარცხუენ და ურცხჳნოდ სახელ-სდებ; და არა უწყი, ვითარ
Line: 13    მრავალგზის შენ ურცხჳნო ქმნილ-ხარ საქმეთა შინა ბოროტთა? და აწ
Line: 14    ჭირვეულსა მას ვითარ იკადრებ კდემად და ყუედრებად? ნუ, ძმანო,
Line: 15    ღმრთისმოყუარენო, ნუ ვინ არს უწყალო და გლახაკთა შეურაცხისმყო\ფელ
Line: 16    თქუენ შორის, არამედ სიტყუაჲ იგი მოციქულისაჲ ყურად იღეთ
Line: 17    და ნუ გეწყინების კეთილის-ყოფაჲ.

Line: 18       ისმინეთ მეუფისა ქრისტესიცა რასა იტყჳს: "ყოველსა, რომელი
Line: 19    გთხოვდეს, მიეც"; და "იყვენით მოწყალე, ვითარცა მამაჲ თქუენი
Line: 20    მოწყალე არს". გულისჴმა-ყავთ, რავდენნი მცნებანი წარმოთქუნა, და
Line: 21    არასადა თქუა ესე სიტყუაჲ, არამედ მოწყალებისათჳს ხოლო, რამეთუ
Line: 22    არარაჲ ესრეთ მსგავს ღმრთისა გუყოფს ჩუენ, ვითარ მოწყალებაჲ. აწ
Line: 23    უკუე ნუმცა უდებ ვართ კეთილსა ამას ზედა, ნუმცა გამოვეძიებთ, თუ
Line: 24    იგი ვინმე გლახაკი ცოდვილი არს და იგი ვინმე -- უწესოჲ. უფროჲსღა
Line: 25    თჳსთა ცოდვათა გულისჴმა-ვჰყოფდეთ, და ვპოვნეთ თავნი ჩუენნი უფ\როჲს
Line: 26    ყოველთასა შეცოდებულ. დაღაცათუ არა თანამდებ ხარ მრავალ\თა
Line: 27    ცოდვათა, ჵ, კაცო, რომელ-ესე არა უწყი, თუმცა იყო, გარნა ეგ\რეთცა
Line: 28    არა ჯერ-არს შენდა სხუათა განკითხვაჲ და ბრალობაჲ, რაჲთა
Line: 29    არა შეგემთხჳოს განსაცდელი იგი ფარისეველისაჲ. ნუ იქმნები უწყალო,
Line: 30    უყუარულ, უწირავ, მიმსგავსებულ მჴეცთა. რამეთუ ესეცა მჴეცებრივი
Line: 31    წესი ვიხილე ვიეთთანამე: მოვიდა გლახაკი მშიერი თხოად პურისა და
Line: 32    იგი ეტყოდა: არა არს აქა მონაჲ ჩემი, რაჲთა მოგცეს შენ პური; და
Line: 33    მცონარებისაგან ანუ თუ ანპარტავანებისა თავ-იდიდა აღდგომად და
Line: 34    მიცემად მისა ანუ პური, ანუ წულილი ერთი. ჵ, ულმობელობაჲ ესე და
Line: 35    გულფიცხელობაჲ! კაცო, მჴეცის მსგავსო, შენისა ზუაობისათჳს ჭირვე\ული
Page: II-245   Line: 1    იგი ცარიელი განავლინეა, მომყმარი შიმშილითა? უკუეთუმცა
Line: 2    ათისაცა უტევნისა გიჴმდა სლვაჲ, არა ჯერ-იყოა სიხარული, რაჲთა უმე\ტესი
Line: 3    სასყიდელიმცა მიიღე? რამეთუ ოდეს მისცეს კაცმან ქველის\საქმე,
Line: 4    მოცემისა მისთჳს ხოლო აქუს სასყიდელი; ხოლო თავით თჳსით
Line: 5    თუ მივიდეს ყოფად ქველის-საქმისა, შრომისა მისთჳს ორკეცი მიიღოს
Line: 6    სასყიდელი ღმრთისაგან.

Line: 7       მითხარღა, შენ უპატიოსნეს ხარა მამათმთავრისა მის, რომელმან შეი\წყნარნა
Line: 8    რაჲ სახითა უცხოჲთა მისდა მისრულნი იგი, თავით თჳსით
Line: 9    მირბიოდა არვედ და მოიქუა ჴბოჲ და უქმნა ჭამადი, რომელსა სამას
Line: 10    ათრვამეტი ჰყვეს სახლეულნი? და აწ შენ, უბადრუკო, ვითარ თავ-გედი\დების
Line: 11    მსახურებაჲ გლახაკისაჲ, რომლისა მიერ ქრისტეს ჰმსახურებ?
Line: 12    არამედ მონასა უბრძანებ. გარნა იყავნ ესე ესრეთ; უკუეთუ ესოდენ
Line: 13    მზუაობარ ხარ, ბარე მონისა ჴელითა მისცემდი, ოდენ იქმოდე ქველის\საქმესა,
Line: 14    ოდენ ნუ სრულიად უნაყოფო იქმნები და გულქვაჲ, ოდენ ნუ
Line: 15    აყუედრებ და აბრალებ ჭირვეულსა, რამეთუ წამალი საკურნებელი
Line: 16    უჴმს მას, არა სასიკუდინე; წყალობაჲ ეჴმარების, არა მახჳლი. ნუ იკად\რებ
Line: 17    გლახაკისა მიმართ სიტყჳსა ფიცხლისა და შეურაცხისა თქუმად,
Line: 18    რაჲთა არა ბრალად დიდად შეგერაცხოს, რამეთუ წერილ არს: "უმჯო\ბეს
Line: 19    არს სიტყუაჲ სახიერი, ვიდრე მიცემაჲ". უკუეთუ სიტყუაჲ მწუხა\რებისაჲ
Line: 20    ჰრქუა გლახაკსა, მახჳლი განგიწონიეს გულსა შენსა. ოდეს იგი
Line: 21    წარვიდეს შენგან შეწუხებული სულთქუმით და ცრემლით, რომელ-იგი
Line: 22    ღმერთსა მოევლინა შენდა, გულისჴმა-ყავ, რაჲ იყოს შენდა. ღმერთმან
Line: 23    მოავლინა იგი შენდა და შენ გიბრძანა მიცემად ქველის-საქმისა, ხოლო
Line: 24    შენ არა თუ უწყალო ოდენ იპოე და არარაჲ მიეც, არამედ აგინეცა და
Line: 25    განსდევნე. გულისჴმა-ყავ, რაბამისა სასჯელისა თანამდებ-ჰყავ თავი შენი,

Line: 26       უკუეთუ წარავლინო შენ მონაჲ შენი სხჳსა მიმართ მონისა შენისა,
Line: 27    რომლისა თანა ძენ საფასე შენი, და მიუმცნო მიცემად მისა რავდენიმე
Line: 28    საფასე, ხოლო მან არა თუ ხოლო არარაჲ მისცეს, არამედ გინებით და
Line: 29    შეურაცხებით მოავლინოს შენდავე, არამცა დიდად განჰრისხენა? ეგრე\თვე
Line: 30    ღმრთისათჳს გულისჴმა-ყავ: იგი მოგივლენს გლახაკსა და, თუ მის\ცე,
Line: 31    მისსა მისცემ, არა შენსა; უკუეთუ კუალად შეურაცხად განავლინო,
Line: 32    რომელისამცა სასჯელისა არა ღირს იყავ? რომლისა მეხის-ტეხისა არამ\ცა
Line: 33    თანამდებ იყავ ესევითარისა სიფიცხისათჳს?

Line: 34       ამისთჳს გევედრები, ძმანო, ენასა აღჳრ-ვასხნეთ, და ჴელნი განვჰმარ\ტნეთ
Line: 35    მოწყალებად, და გულნი ჩუენნი მოვდრიკნეთ ლმობიერებად, და
Line: 36    ნუ ხოლო საფასითა, არამედ სიტყჳთაცა სახიერებისაჲთა ნუგეშინის\ვსცემდეთ
Page: II-246   Line: 1    გლახაკთა და ჭირვეულთა, რაჲთა ვპოოთ ჩუენ კურთხევაჲ
Line: 2    ღმრთისაგან და წყალობაჲ და მკჳდრ სასუფეველისა გამოვჩნდეთ მად\ლითა
Line: 3    და კაცთმოყუარებითა უფლისა ჩუენისა იესუ ქრისტესითა, რომ\ლისა
Line: 4    თანა მამასა სულით წმიდითურთ შუენს დიდებაჲ, პატივი და
Line: 5    სიმტკიცე, აწ და მარადის და უკუნითი უკუნისამდე, ამენ.


Next part


This text is part of the TITUS edition of Johannes Chrysostomus, Commentary on St. Matthew.

Copyright TITUS Project, Frankfurt a/M, 21.11.2023. No parts of this document may be republished in any form without prior permission by the copyright holder.