TITUS
Mikael Modrekili, Hymnography
Part No. 11
Previous part

Part: XI  
Type: upm.  
         ო̃ო მ̃სა -:-

Line of ed.: 8    Ⴕრისტე ღმერთი ჩემი : უფალი ძალ ჩემდა : ჴმითა მაღლითა იტყჳს ეკლესიაჲ : და ნებისაებრ ღმ\რთისა :
Line of ed.: 9    იხარებს სარწმუნოვებით : საღმრთოჲთა მით სიხარულითა -:-

Line of ed.: 10    Ⴝეშმარიტად დიდ არს : და გამოუკულეველ : საიდუმლოჲ შობისა შენისაჲ : ღმრთის მშობელო
Line of ed.: 11    ქალწულო : რომელსა ქუეყანისანი : ზეცისათა თანა გადიდებთ -:-

Line of ed.: 12    * Ⴐაჲჟამს წინაწარმეტყუელმან : იხილა საიდუმლოჲ დაფარული : განკჳრვებულმან ღაღადყო :
Line of ed.: 13    რამეთუ დასდევ : წყალობით სიყვარული მტკიცეჲ მამაო : და ძე შენი მხოლოდ შობილი მოეც :
Line of ed.: 14    ძეთა კაცთა მოტევებად ცოდვათა -:- წინაჲსწარვე გამოსახეს : მამათ მთავართა საჲდუ\მლოჲ
Line of ed.: 15    შენი : უქორწინებელო სძალო : რაჲჟამს გიწოდეს : მთად და კიბედ ტაკუკად და
Line of ed.: 16    სასაკუმევლედ : კიდობნად შჯულისა კუერთხად და ფიცრად : და ბჭედ აღმოსავალისა დაკრძალულად -:-

Line of ed.: 17    * Ⴍჳფალო სმენაჲ მესმა მე მოსლვისა შენისაჲ და შევძრწუნდი : უფალო განვიცადენ : საქ\მენი
Line of ed.: 18    შენნი საკჳრველნი : რამეთუ ღმერთი მხოლოჲ : კაცთა მიემსგავსე -:-

Line of ed.: 19    Ⴕალწულო წმიდაო ღირ : სო რომელმან ჰშევ ღმერთი შეუცავი : ძალთაგან ზეცისათა :
Line of ed.: 20    ქერობინნი ძრწიან მისგან : სერობინთა ეშინის : მისა მეოხ გუეყავ -:-

Line of ed.: 21    * Ⴋესმა სმენაჲ და შემეშინა : განვიცადენ საქმენი შენნი და დამიკჳრდა : კაცთმოყუარე უფალო -:-

Line of ed.: 22    Ⴙუენ მორწმუნენი შეურვებულნი : შენდა მოვილტით ღმრთიისა დედაო და ქალწულო : ნუ უგულე\ბელს
Line of ed.: 23    მყოფ ჩუენ -:-


Next part


This text is part of the TITUS edition of Mikael Modrekili, Hymnography.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.