TITUS
Mikael Modrekili, Hymnography
Part No. 12
Previous part

Part: XII  
Type: ucx.  
Line of ed.: 24    * Ⴍჳცხონი -:- ესმა წინაწარმეტყუელსა მოსლვაჲ შენი უფალო : რამეთუ ქალწულისაგან განჴორ\ციელებად
Line of ed.: 25    იყავ : და გამოცხადებად კაცთა : განკჳრდა და ღაღადყო : დიდებაჲ ძალსა შენსა მაცხოარ -:-

Line of ed.: 26    Ⴕალწულმან შვა ყრმაჲ ადამის ბუნებითა : და დაიცვა ქალწულებაჲ უბიწოდ : შემდგო\მად
Line of ed.: 27    შობისა : რომელსაცა მორწმუნენი ვადიდებთ : და მისგან შობილსა თაყუანის ვსცემთ -:-

Line of ed.: 28    + * Ⴇქუმული ამბაკომისი : ჭეშმარიტად აღესრულა : ორითა მათ ცხოველთა : თანა_არსი : გამოჩნდა და
Line of ed.: 29    მიიღო : მოკუდავთა მონათა ბუნებაჲ : და თანა სიკუდილითა : მომცა უკუდავებაჲ -:-

Line of ed.: 30    Ⴟუარსა ზედა ქრისტემან : შეჰვედრა საყუარელსა მას : მოწაფესა მშობელი უბიწოჲ : ვითარ\ცა
Line of ed.: 31    ყუედრებული ჰურიათაგან შეურაცხად : რომელსა ზეცისანი : ქებით პატივს ცემენ -:-

Line of ed.: 32    + * გ̃ნკჳრდა წინაწარმეტყუელი : ხილვისაგან საშინელისა : რაჲჟამს საიდუმლოჲ ეუწყა : საშინელი\თა
Line of ed.: 33    ჴმითა ღაღადყო : ღმერთი სამხრით მოვიდეს მთით ჩრდილოჲთ რომელსა უწოდა : მთად
Line of ed.: 34    და კიბედ მოსწავებითა : მის მიერ დიდებად ჩუენდა -:- განცჳბრდა ბრძენთა მეტყუელებაჲ :
Line of ed.: 35    შემსგავსებულად ქებასა შენსა : უქორწინებელო ქალწულო : არამედ ჩუენ ერი მორწმუ\ნეთაჲ :
Line of ed.: 36    მსგავსად ძალისა ჩუენისა გადიდებთ სარწმუნოვებით : ყოლად უსძლოო მეოხ გუეყავ ჩუენ -:-

Page of ed.: 17  
Line of ed.: 1    ̃ თ ̃
Line of ed.: 2    რომელმან დაჰჴსნნა -:- პირველნი მწუხარებანი და შეცვალა წყევაჲ კურთხევად საუკუნოდ :
Line of ed.: 3    უბიწოსა ქალწულსა ღმრთს[მ]შობელსა : ცათა უვრცელესსა : მიზეზსა ცხორებისასა : ეტლსა
Line of ed.: 4    და საყდარსა ს̃წმიდისასა დედასა მეუფისასა რომლისაგან განჴორც̃ელდა : მხოლოოდ შობილი
Line of ed.: 5    სიტყუაჲ ღმრთისა და არსებითა დაჰდგრა უცვალებელად : მას მხოლოსა მე̃ხს ვყოფდეთ და
Line of ed.: 6    მისგან შობილსა ქრისტესა თავყუანის ვსცემდეთ -:-


Next part


This text is part of the TITUS edition of Mikael Modrekili, Hymnography.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.