TITUS
Mikael Modrekili, Hymnography
Part No. 17
Previous part

Part: XVII  
Type: kurtx.  
         კხრ̃სსა -:-

Line of ed.: 16    * Ⴑაჴუმილსა რაჲ ცეცხლისასა შეითხინეს სამნი იგი ყრმანი : ცეცხლი ცუარად გარდააქციეს : და
Line of ed.: 17    ძლევა შემოსილთა ესრეთ ღაღად ყვეს : კურთხეულ ხარ შენ უფალო : საუკუნითგან უკუნისამდე -:-

Line of ed.: 18    Ⴁუნებით განუყოფელსა აღვიარებთ სარწმუნოვებით : მამასა დაუსაბამოსა : ძესა მიუწ\დომელსა
Line of ed.: 19    სულით წმიდითურთ სარწმუნოვებით ვიტყჳთ : მამათა ღმერთო კურთხეულ ხარ შენ -:-

Line of ed.: 20    * Ⴗრმათა ბაბილონს : საჴუმილსა მას შინა ცუარი ეცურია ზე_გარდამო : ღმრთისა მიერ ღა\ღადებდეს
Line of ed.: 21    და იტყოდეს : კურთხეულ ხარ უფალო : მამათა ჩუენთაო : ღმერთო უკუნისამდე -:-

Line of ed.: 22    Ⴂიხაროდენ შენ : ასულო ადამისო გიხაროდენ სძალო ღმრთისაო : გიხაროდენ მშობელო მაც\ხოვრისაო :
Line of ed.: 23    რომელმან დაიტიე : შემოქმედი შენი : მეოხ გუეყავ მარადის -:-

Line of ed.: 24    * Ⴀბრამეანნი პირველად : რაჲჟამს იყვნეს ბაბილონს : შეურაცხ ყვეს ბრძანებაჲ მძლავრისაჲ მის
Line of ed.: 25    სარწმუნოვებით და ღაღად ყვეს : კურთხეულ ხარ შენ მჴსნელო : და ღმერთო მამათა ჩუენთაო -:-

Line of ed.: 26    Ⴇავყუანის-ვსცეთ მორწმუნენო : ანგელოზთა თანავე : კეთილად მსახურებითა ნათელსა : სა\მებისასა
Line of ed.: 27    და ღაღად ვყოთ : კურთხეულ ხარ შენ მჴსნელო : და ღმერთო მამათა ჩუენთაო -:-

Line of ed.: 28    * Ⴕერობინთა ზედა მჯდომარეო : მაცხოვარო : რომელმან ყრმანი იჴსნენ საჴუმილისაგან
Line of ed.: 29    კურთხეულ ხარ შენ უკუნისამდე : უფალო ღმერთო მამათა ჩუენთაო -:-

Line of ed.: 30    Ⴅადიდებთ მამასა და უგალობთ ძესა და სულსა : წმიდასა თავყუანის ვსცემთ ჩუენ : და
Line of ed.: 31    ვღაღადებთ კურთხეულ ხარ შენ უკუნისამდე : უფალო ღმერთო მამათა ჩუენთაო -:-

Line of ed.: 32    .:. Ⴑაჴუმილსა შინა : ქალდეველთასა აბრამეანნი ყრმანი წმიდანი : გალობით ანგელოზთა თანა : იტ\ყოდეს :
Line of ed.: 33    მამათა ჩუენთაო : ღმერთო კურთხეულ ხარ მარადის -:-

Line of ed.: 34    Ⴋამისა და სულისა წმიდისა თანამფლობელსა : სიტყუასა ძესა : ღმრთეებით მიუწდომელსა :
Line of ed.: 35    უგალობდეთ : სამგუამოვნებით ერთარსებით : დიდებულსა მარადის -:-

Page of ed.: 26  
Line of ed.: 1    * Ⴑაჴუმილი მოტყინარეჲ : შეაცურიე მაცხოვარ : და ყრმანი იჴსნენ : მგალობელნი : რომელნი
Line of ed.: 2    შესხმით : ესრეთ იტყოდეს : კურთხეულ ხარ შენ უფალო : ღმერთო მამათა ჩუენთაო -:-

Line of ed.: 3    Ⴘენ ხარ ღმრთის მშობელო : სასოჲ : და მყუდროჲ ნავთსაყუდელი : და ზღუდე შეურყეველი :
Line of ed.: 4    მოსავთა შენთაჲ : მეოხ გუეყავ ჩუენ : მადიდებელთა შენთა : წინაშე ძისა შენისა და ღმრთისა ჩ̃ნისა

Line of ed.: 5    * Ⴋძლავრსა მას ქალდეველთასა : არაჲ დაემორჩილნეს ღირსნი ყრმანი : რამეთუ მოსავ იყვნეს :
Line of ed.: 6    ძალსა მას მაღლისასა : და ცეცხლსა შეითხინეს : და ცუარითა სხურებულნი იტყოდეს კურ\თხეულ
Line of ed.: 7    ხარ შენ მჴსნელო : და ღმერთო მამათა ჩუენთაო -:- გიხაროდენ ბჭეო ჭეშმარიტი\სა
Line of ed.: 8    ცხოვრებისაო : რომლისაგან ჩუენ გამოგჳბრწყინდა : მზეჲ სიმართლისაჲ ქრისტეჲ : გიხარო\დენ
Line of ed.: 9    წყაროო : ცხოვრებისა აღმომაცენებელო : გიხაროდენ ქალაქო : სულიერო მეუფისაო -:-

Line of ed.: 10    + * Ⴈხილვა უცხოჲ და დიდებული სასწაული : ბაბილონს საჴუმილსა შინა : რამეთუ ალისაგან : ცუა\რი
Line of ed.: 11    ეცურია ღმერთ შემოსილთა მათ ყრმათა : ხოლო ქალდეველნი : შეიწუნეს საშინელებით :
Line of ed.: 12    რაჲჟამს ყრმათა ღაღადყვეს : კურთხეულ ხარ შენ მჴსნელო : საუკუნითგან უკუნისამდე -:-

Line of ed.: 13    Ⴅითარცა გჳსწავიეს წერილთაგან საღმრთოთა : ჭეშმარიტი აღსარებაჲ : ვჰმონებთ ჩუენ მორწ\მუნენი :
Line of ed.: 14    სარწმუნოვებით დაუსაბამოსა ღმერთსა : მამასა მხოლოსა : ძისა მხოლოჲსა : მშობელ\სა :
Line of ed.: 15    და სულსა ჭეშმარიტსა : სამებასა წმიდასა : ერთარსებით განუყოფელსა -:-

Line of ed.: 16    + * Ⴋეუფეთა მეუფისა ღმრთისა : მაქებელნი სამნი ყრმანი : შესთხინეს რაჲ უღმრთოთა საჴუმილ\სა
Line of ed.: 17    შინა : არაჲ აღედვა მათ ცეცხლი იგი მგზებარეჲ : რამეთუ თჳთ მგზნებარჱ იყვნეს : სულისა
Line of ed.: 18    მიერ წმიდისა : საღმრთოჲთა მით შურითა : და ვითარცა : ერთისა პირითა : უგალობდეს აკ\ურთხევდეს :
Line of ed.: 19    საკჳრველმოქმედსა ღმერთსა მაღალსა -:-

Line of ed.: 20    Ⴋორწმუნენი აღვიარებთ ერთსა : ღმერთსა გამოუკულეველსა : ერთსა არსებასა ერთსა მთავრო\ბასა :
Line of ed.: 21    მამასა ძისა თანა სულით : წმიდითურთ : ღმრთეებით დაუსაბამოსა : ბუნებით მიუწდო\მელსა :
Line of ed.: 22    ერთარსებით ცნობილსა : მორწმუნენო : მართალ აღსაარებით : ვაკურთხევდეთ უ\გალობდეთ :
Line of ed.: 23    აწ და უკუნითი უკუნისამდე -:-

Type: akurtx.  
         აკხდ̃თსა -:-

Line of ed.: 24    * Ⴘეუწუველმან მაყუალმან სინას აუწყა : ღმერთი მოსეს ჴმითა წულილსა : ენა მძიმესა
Line of ed.: 25    და შურმან საღმრთომან : ყრმანი იჴსნნა საჴუმილისაგან : და გალობით ღაღადებდეს : ყო\ველნი
Line of ed.: 26    საქმენი : აკურთხევდით დღეს : ღმერთსა და უფალსა უგალობდით : და აღამაღლებდით მას უკ̃ე -:-

Line of ed.: 27    Ⴑამთა ყრმათა ბაბილონს საჴუმილსა შინა : სამებასა თავყუანის სცეს : და შეურაცხყვ\ეს
Line of ed.: 28    მათ ხატი ოქროჲსაჲ : და ცუარითა სხურებულნი : გალობით ღაღადებდეს : ყოველ -:-

Line of ed.: 29    * Ⴕრისტესა რომელიცა : ჭეშმარიტად ღმერთ არს და უფალი : ყოველთა ბუნებათაჲ : აღ\ვამაღლებდეთ
Line of ed.: 30    მას აწ და უკუნისამდე -:- ქალწულო უბიწოო : გიხაროდენ
Line of ed.: 31    მშობელო ღმრთისაო : თჳნიერ ბუნებათა : რომელსა ვაკურთხევთ აწ და უკუნისამდე -:-

Line of ed.: 32    Ⴀრაჲ შეიწუა პირველი მაყუალი აღგზებული ცეცხლითა : და ყრმათა ღმრთის მსახურთა : სა\ჴუმილი
Line of ed.: 33    ქალდეველთაჲ : ნიავითა შეაცურიეს : და ღაღადებით იტყოდეს : საქმენი უფლისა\ნი
Line of ed.: 34    აკურთხევდით უფალსა -:- ბოჳნებაჲ კაცთაჲ პირველ : ცოდვისაგან განხრწნილი შენ
Line of ed.: 35    მიერ : განახლდა ღმრთის მშობელო : რამეთუ შენ მხოლომან : უშევ ქრისტეჲ მაცხოვარი : ყო-

Page of ed.: 27  
Line of ed.: 1    Ⴑიტყუაო ღმრთისაო : შობილო პირველ საუკუნეთა : დაუსაბამოჲსაგან მამისა : სიმდაბლით +
Line of ed.: 2    მოხუედ ქუეყანად : და ვითარცა კაცი : იშევ ჴორცითა ქალწულისაგან : და იჴსენ სოფე\ლი :
Line of ed.: 3    საცთურისაგან კაცთ-მოყუარე -:-

Line of ed.: 4    Ⴑაიდუმლოჲ უცხოჲ : და სასწაული გამოუთ\ქუმელი :
Line of ed.: 5    შენ შორის იხილვა ღმრთის მშობელო : რამეთუ ცეცხლი უსხეულოჲ : საშოსა იტჳრ\თე :
Line of ed.: 6    და შეუწუველად დაიცევ მის მიერ : რაჲჟამს გჳშევ ჴორცითა მჴსნელი თჳსთა დაბადებულთაჲ -:-

Line of ed.: 7    * Ⴥ გამოუთქუმელსა მას : სიმდაბლესა შენსა ქრისტეჲ : რამეთუ უხილავი ღმერთი განჰკაცენ : +
Line of ed.: 8    და იხილვე ჴორცითა : ქალწულისა წიაღთა ვითარცა კაცი : რომელი არაჲ დააკლდი : წი\აღთა
Line of ed.: 9    საღმრთოთა : ღმრთისა მამისათა : სუფევასა მიუწდომელსა -:-

Line of ed.: 10    Ⴥ გამოუკულეველსა : ბუნებათა უაღრესსა : საიდუმლოსა შობისა შენისასა : ღმრთის\მშობელო
Line of ed.: 11    ქალწულო : რამეთუ ქალწულმან უთესლოდ მუცლად იღე : გაბრიელის ხა\რებითა :
Line of ed.: 12    ძეჲ და სიტყუაჲ ღმრთისაჲ : და გჳშევ ჴორცითა მჴსნელი თჳსთა დაბადებულთაჲ -:-

Line of ed.: 13    * Ⴅითარ გამოუთქუმელ არს განგებაჲ სიბრძნეთა შენთაჲ : ქრისტეჲ სიტყუაო ღმრთისაო : +
Line of ed.: 14    რამეთუ მოწყალებით : გარდამოჰჴედ : ზეცით ქუეყნად სიმდაბლით : და იშევ ჴორცი\ელად
Line of ed.: 15    უსძლოჲსაგან : რომლითა მაცხოვნენ ყოველნი -:- სიტყუაჲ მამისაჲ ქალწულ\მან :
Line of ed.: 16    მუცლად იღო : გაბრიელ ახარებდა : საყდარო ზეცისაო : სიხარულო ყოველთაო გიხა\როდენ :
Line of ed.: 17    შენ მთაო წმიდაო და : მშობელო ქრისტესო : მეოხ გუეყავ შემსხმელთა შენთა -:-

Line of ed.: 18    * Ⴋოვედით მორწმუნენო : განათლებულნი სულითა ყოველნი ვიხარებდეთ : რამეთუ დაუ\საბამოჲ :
Line of ed.: 19    სიტყუაჲ დამბადებელი : ყოველთა დაბადებულთაჲ : სიმდაბლით : გარდამოჴდა
Line of ed.: 20    ქუეყანად : და შევიდა ტაძარსა მას შინა ჴორცთასა : უვრცელესსა ცათასა ქალწული\სა
Line of ed.: 21    საშოსა : რომელსა შინა : მიიღო ბუნებაჲ კაცობრივი : ბუნებით : გარეშეუწერელმან
Line of ed.: 22    ღმერთმან : და იშვა ჴორცითა : ვითარცა კაცი : უჴორცოთა მფლობელი : და ღმერთ-ყო ბუ\ნებაჲ :
Line of ed.: 23    კაცობრივი სახიერებით : რომელსა აქუს დიდი წყალობაჲ -:-

Line of ed.: 24    Ⴋოვედით მორწმუნენო : მშობელსა მაცხოვრისასა : ყოველნი შევამკობდეთ : შესხმასა გაბ\რიელისსა :
Line of ed.: 25    მის მხოლოჲსა შევსწირავდეთ : გიხაროდენ უბიწოო : ტაკუკო : მანანაჲსა მტჳ\რთველო :
Line of ed.: 26    გიხაროდენ : ბჭეო აღმოსავლისაო : გიხაროდენ ეტლო და საყდარო ღმრთისაო :
Line of ed.: 27    გიხაროდენ შენ : დამჴსნელო ევაჲს ყუედრებისაო : რომელმან : უშევ კაცთა მაცხო\ვარი :
Line of ed.: 28    გიხაროდენ მიზეზო : კაცთა ჴსნისაო : გიხაროდენ მფარველო : ქრისტეანეთაო :
Line of ed.: 29    ევედრე შენგან შობილსა : რაჲთა აცხოვნნეს სულნი ჩუენნი -:-

Line of ed.: 30    * Ⴐომელმან გარდაართხნა ცანი : ვითარცა კამარანი : და დააფუძნა : ქუეყანაჲ წყალთა
Line of ed.: 31    ზედა : სიბრძნით დამბადებელმან ღმერთმან : დაჰბადნა დაბადებულნი : ჴელმწიფებითა :
Line of ed.: 32    გამოუთქუმელითა : ხოლო რაჲჟამს მოიწია ჟამი წყალობისა ჩუენისაჲ : მოდრიკნა
Line of ed.: 33    სამყარონი ცათანი და გარდამოჴდა : ძეჲ და სიტყუაჲ ღმრთისაჲ : ნებითა მამისა და სუ\ლისა
Line of ed.: 34    წმიდისაჲ : თა და შეიმოსნა ჴორცნი : წმიდანი და ყოლად უცოდველნი : ქალწულისა
Line of ed.: 35    საშოსა : რომლითა ღმერთ-ყო ბუნებაჲ ჩუენი -:-

Line of ed.: 36    Ⴐომელნი სამოთხით საშუებლისაჲთ პირველვე განვისხენით : ევაჲს ცთომითა : სიკუდილად
Page of ed.: 28   Line of ed.: 1    გვეტყნით : აჰა ესერა კუალად მუნვე : დავემკჳდრენით შენ მიერ : ყოლად წმიდაო : ქა\ლწულო
Line of ed.: 2    უსძლოო : რამეთუ მან მტერისა მიერ ზაკუვით ხრწნილებაჲ პოვა : ხოლო შენ
Line of ed.: 3    ანგელოზისა მიერ უხრწნელად ჰშევ : ძჱ და სიტყუაჲ ღმრთისაჲ : რომელ არს ქრისტეჲ მა\ცხოვარი
Line of ed.: 4    ჩუენ მორწმუნეთაჲ : მას ევედრე მარიამ : რაჲთა მიჴსნნეს ცოდვათა ჩუენთა\გან :
Line of ed.: 5    და ღირს მყვნეს დამკჳდრებად : სასუფეველსა უკუნისამდე -:-

Line of ed.: 6    Ⴐომელმან დაუტევნელი ღმერთი : საშოსა დაიტია : და უზეშთაეს : ბუნებათა გჳშვა : ყოლად
Line of ed.: 7    წმიდასა ქალწულსა : ეტლსა სიწმიდისასა : და ტაძარსა მას : ცათა უვრცელესსა : საყდარსა
Line of ed.: 8    ღმრთისა მაღლისასა ქერაბინთა უზეშთაესსა : კიდობანსა სულიერსა ღმრთისა განსუე\ნებისასა :
Line of ed.: 9    და შეუხებელსა მაყუალსა მას საღმრთოჲსა ცეცხლისა დამტევნელსა : სასოსა [მაყუალსა]
Line of ed.: 10    ყოველთასა : წმიდასა წმიდათასა მარიამს : მორწმუნენო ვაქებდეთ : და სარწმუნოებით ვადიდებდეთ -:-

Line of ed.: 11    + * Ⴍჳპირატჱსი : ყოველთა არსებათაჲ : უხილავი არსებაჲ გამოუთქუმელი : მხოლოჲსა მა\მისა
Line of ed.: 12    მხოლოდ შობილი : ძეჲ და სიტყუაჲ უჟამოჲ : ჟამსა მას აღსასრულთასა სახიერებით
Line of ed.: 13    ქუეყანად მოვიდა ჴსნისათჳს ჩუენისა : და ქალწულისა საშოსა : უჴორცომან ჴორცნი
Line of ed.: 14    შეისხნა რომლითა დაფარა თუალთშეუდგამი : უხილავი არსებაჲ ღმრთეებისაჲ : და გა\მოჩნდა
Line of ed.: 15    სახილველად უხილავთა მათ : ზეცისა დასთა უჴორცოთასა : და ქუეყა\ნისა
Line of ed.: 16    ნაშობთა : რომლითაცა მოანიჭა : სოფელსა დიდი წყალობაჲ -:-

Line of ed.: 17    Ⴂიხაროდენ შენ : ყოველთა უმეტესო : დაბადებულთა შორის ქუეყანისათა : და ზეცისა მთავ\რობათა
Line of ed.: 18    უაღრეს : უსძლოო სძალო ქალწულო : გაბრიელ მთავ\არანგელოზმან
Line of ed.: 19    გახარა შენ : მიდგომილებაჲ საღმრთოჲ უბიწოო : და შობაჲ მიუწდომელი : ენმანუველისა რომელ
Line of ed.: 20    არს : ჩუენთანა ღმერთი და კაცი სრული : ქადაგებული ესაია ჴმა მაღლისაჲ : ხოლო მგალო\ბელთ
Line of ed.: 21    მთავარი დავით გეტყოდა შენ ისმინე : ასულო რამეთუ ეგე არს : უფალი ღმერთი
Line of ed.: 22    შენი : მეუფეჲ და შემოქმედი ცათა და ქუეყანისაჲ -:-

Line of ed.: 23    + * Ⴅითარცა სახიერ ხარ მჴსნელო : მოხუედ მოძიებად : კრავისა მის ურჩებით წარწყმედულისა
Line of ed.: 24    მწყემსი ყოლად ძლიერი : და იშევ ქალწულისაგან : ჭეშმარიტად ჴორცითა : ღმერთი სრული
Line of ed.: 25    შემოსილი კაცებითა : მხოლოჲ ორითა ბუნებითა : რომლითა მოჰკალ მკლველი ჩუენი მჴეცი
Line of ed.: 26    ბოროტი : და განმარინენ : კბილთაგან მისთა კაცთ მოყუარეო -:-

Line of ed.: 27    Ⴋამათ მთავარნი ქადაგებდეს : განცხადებულად : საიდუმლოთა შენთა სძალო ღმრთისაო : და
Line of ed.: 28    წინაწარმეტყუელნი : სულისა მიერ წმიდისა : წინაჲსწარვე ჰხედვიდეს : შენგან ჴორცითა
Line of ed.: 29    შობასა ქრისტესსა : ესაია გჳქადაგა : სიწმიდით საიდუმლოდ : მიდგომილებაჲ შენი : ძესა და
Line of ed.: 30    ღმერთსა რომლისა სახელი ენმანუველ -:-

Line of ed.: 31    + * Ⴈხარებენ დღეს ცანი ცათანი : და განსცხრების აწ : ქუეყანაჲ საფუძველითურთ : რამეთუ
Line of ed.: 32    გარდამოჴდა ზეცით სიმდაბლით : ძეჲ და სიტყუაჲ ღმრთისაჲ : და იშვა უსძლოჲსაგან სძ\ლისა :
Line of ed.: 33    ჴსნისათჳს ყოვლისა სოფლისა : რომელი მოუკლებელ არს : საყდართაგან დიდებისათა
Line of ed.: 34    სუფევასა დაუსრულებელსა -:-

Line of ed.: 35    Ⴕერაბინთა : ზ̃ა : მჯდომარეო : ამას ზ̃ა -:-

Line of ed.: 36    Ⴕერობინთა საყდართა უმაღლეს : გამოშჩნდი ღმრთისა დედაო უსძლოო : და ცათა მაღალთა
Page of ed.: 29   Line of ed.: 1    უმაღლეს იქმენ : რამეთუ დაუტევნელი მათი დაიტიე და გჳშევ : ჩუენ ღმერთი ღმრთი\საგან
Line of ed.: 2    შობილი : ნათელი ნათლისაგანი : ხატი და ბრწყინვალებაჲ დაუსაბამოჲ : დაუსაბამოჲ\სა
Line of ed.: 3    უხილავისა მამისაჲ : ამისთჳს ღირსად : ყოველი მეტყუელებაჲ : ქებით გადიდებს -:-

Line of ed.: 4    * Ⴜარწმედულთათჳს : მოძიებად მოხუედ : ზეცით ქუეყნად სიმდაბლით : ქრისტეჲ სიტყუაო
Line of ed.: 5    ღმრთისაო : თანაგანზრახვითა : მამისა და სულისაჲთა : და ჯერ იჩინე შობაჲ სახიერო : ჴორ\ცითა
Line of ed.: 6    ჩუენთჳს : ვითარცა კაცმან : უჴორცომან ღმერთმან : რაჲთა ღმერთ ჰყო ბუნებ\აჲ
Line of ed.: 7    ჩუენი : შენ ხარ ყოველთა : დაბადებულთა მჴსნელი : რომელმან მოეც დიდი წყალობაჲ -:-

Line of ed.: 8    Ⴘენ უქორწინებელო ქალწულო : ყოველთა შორის თესლთა : მხოლოჲ გამოშჩნდი ღმრთის\მშობლად :
Line of ed.: 9    რამეთუ სული წმიდაჲ : მოვიდა მაღლით შენზედა : და გფარვიდა : ძალი მა\დლისაჲ
Line of ed.: 10    უბიწოო : საშოსა იტჳრთე უთესლოდ სიტყუაჲ ღმრთისაჲ : რომელსა სიტყჳთ : უპყ\რიან
Line of ed.: 11    დაბადებულნი : და უშევ სოფელსა : მჴსნელი და მაცხოვარი ყოველთაჲ -:-

Line of ed.: 12    * Ⴇანამფლობელი : დაუსაბამოჲსა : მამისაჲ : უწინარეს : ყოველთა : საუკუნეთა სიტყუაჲ : უ\დედოდ
Line of ed.: 13    შობილი ზეცას : უკუანაჲსკნელ აღსასრულსა ჟამთასა ჩუენთჳს : დედისაგან იშ\ვა
Line of ed.: 14    უმამოდ : ვითარცა კაცი : რამეთუ ღმრთეებაჲ : შეზავებულყო : ბუნებასა მოკუ\დავსა
Line of ed.: 15    კაცობრივსა მიწისაგანსა : და უსხეულოჲ იგი : სხეულოვან იქმნა : ჴორცთ შესხ\მითა
Line of ed.: 16    თჳსითა და ჰგავს სიტყუაჲ ღმრთისა : ორითა ბუნებითა : ღმრთად და კაცად სრულად -:-

Line of ed.: 17    Ⴑიბრძნით სოლომონ : ბრძენთ მთავარმან წინაჲსწარვე : მოგასწავა : საიდუმლოდ უსძლოო
Line of ed.: 18    სძალო მაცხოვრისაო : რამეთუ : ქებასა : შინა ქებათასა : სახელს გდვა ყუავილად ვე\ლისა :
Line of ed.: 19    და გიწოდა შროშანად ღელეთა : რომელმან გამოიღე ნაყოფი იგი : უკუდავებისაჲ
Line of ed.: 20    სიტყუაჲ ღმრთისაჲ : რომლისა : გემოჲსხილვითა განცხოველდა : ურჩებით : მომწყდარი
Line of ed.: 21    ადამ ყოვლითურთ ნაშობით თჳსით : რომლისათჳსცა მეტყუელებაჲ : ყოველთა მეტყუელე\ბათაჲ :
Line of ed.: 22    საღმრთოჲთა შესხმითა ღირსებით შეგამკობენ -:-


Type: ugal.  
      უგალობდ̃ითსა -:-

Line of ed.: 23    * Ⴄტლთა მფლობელი ფარავო : დაანთქა საკჳრველთმოქმედმან კუერთხმან : მოსესმან რო\მელმან :
Line of ed.: 24    გამოსახა სახეჲ ჯუარისაჲ და განუპო ზღუაჲ მეწამული : და ისრაელი იჴსნა
Line of ed.: 25    განმავალად მეტყუელი გალობასა : უფლისასა რამეთუ : დიდებით დიდებულ არს -:-

Line of ed.: 26    Ⴃიდებულნი ითქუნეს შენთჳს : თესლით თესლადმდე ქალწულო რომელმან : შეიწყნარე
Line of ed.: 27    სიტყუაჲ ღმრთისაჲ : საშოსა შენსა და დაადგერ ქალწულად ღმრთისმშობელო მარიამ : ამის\თჳს
Line of ed.: 28    ყოველნი გადიდებთ : რომელი შემდგომად ღმრთისა მჴსნელად : ჩუენდა იპოვე რამეთუ : დიდებით დიდებულხარ -:-

Line of ed.: 29    + Ⴕუეყანასა წყურნებსა ვითარცა ჴმელსა : განვიდა და შრომათაგან ეგჳპტისათა განერა :
Line of ed.: 30    ერი ისრაელთაჲ ღაღადებდა : მჴსნელსა ჩუენსა და უფალსა უგალობდეთ -:-

Line of ed.: 31    Ⴉრებული ანგელოზთა და კაცთაჲ : დედაო უქორწინებელთ გიგალობენ შენ : რამეთუ და\მბადებელი
Line of ed.: 32    მათი ღმერთი : ვითარცა ყრმაჲ უშევ დაბადებულთა -:-

Line of ed.: 33    * Ⴂანუკუეთელი განკუეთა მოკუეთილმან : და მზის თუალმან : იხილა ქუეყანაჲ უხილა\ვი
Line of ed.: 34    მჴდომი იგი მტერი დაანთქა ზღუასა ერითურთ : ხოლო ისრაელი განვიდა : გზასა
Line of ed.: 35    მას დაუთრგუნველსა : და უგალობდა ღმერთსა : მაცხოვარსა დიდებულსა -:-

Page of ed.: 30  
Line of ed.: 1    Ⴋამათ მთავართა მიერ აღმოგჳცენდი : წყაროჲ დაუწყუედელი ღმრთის მშობელო ქალწუ\ლო :
Line of ed.: 2    შემ მიერ მოვიღეთ მდინარეჲ უკუდავებისაჲ რომლისაგან აღვივსენით : წყური\ელნი
Line of ed.: 3    მადლისაგან ამისთჳს გევედრებით : მეოხ გუეყავ ჩუენ მარადის -:-

Line of ed.: 4    * Ⴂალობაჲ შევწიროთ მორწმუნენო ღმრთისა საკჳრველთ მოქმედისა რომელმანცა იჴსნა :
Line of ed.: 5    ისრაელი ეგჳპტით ძლევისა გალობითა : უგალობდეთ და ვიტყოდით : გიგალობთ შენ
Line of ed.: 6    ღმერთსა სახიერსა -:- გიხაროდენ უქორწინებელო : მარადის ქალწულო მარიამ : წმი\დაო
Line of ed.: 7    ღმრთისმშობელო : დედათა დიდებაო : სასოო სოფლისაო : ყოველთა უმეტესო : შენ ხარ
Line of ed.: 8    საფარველი მორწმუნეთაჲ -:- დიდებაჲ მამასა და ძესა : სულით წმიდითურთ მარად\ის :
Line of ed.: 9    უკუნისამდე ამენ : სამებასა წმიდასა : მას ვესავთ და ვღაღადებთ : წმიდა
Line of ed.: 10    ხარ შენ უფალო : ღმერთო ჩუენო : ყოვლისა მპყრობელო -:-

Line of ed.: 11    * Ⴈსრაელი მონა ქმნული : გამოიჴსენ უფალო : მკლავითა შენითა მტკიცითა : ამისთჳსცა
Line of ed.: 12    გიგალობთ : რომელიცა დიდებულხარ -:- გევედრებით : უბიწოო : ღმრთის მშობელო ქა\ლწულო :
Line of ed.: 13    მეოხ გვეყავ ძისა და ღმრთისა : რომელი ჰშევ უთესლოდ : მაცხოვარი სულთა ჩ̃თჲ -:-

Line of ed.: 14    * Ⴍჳგალობდეთ უფალსა მორწმუნენო : რომელმან დაანთქა პირველ ფარაო ზღუასა
Line of ed.: 15    მეწამულსა : ძლევისა გალობითა : რამეთუ დიდებით დიდებულ არს -:-

Line of ed.: 16    Ⴍჳსხეულთა ბუნებანი შეძრწუნდეს : რაჲჟამს ცათა შემოქმედი შენ უსძლოო მუც\ლად
Line of ed.: 17    იღე : და შიშით ადიდებდეს : შობასა შენსა გამოუკულეველსა -:-

Line of ed.: 18    * Ⴍჳფალსა ღმერთსა უგალობდეთ ერნო : მოქმედსა საკჳრველებათასა : ზღუასა მას მეწა\მულსა :
Line of ed.: 19    რამეთუ დიდებულარს -:- ქალწულსა დედოფალსა რომელმანცა : შემდგომად
Line of ed.: 20    შობისა დაიცვა : ქალწულებაჲ უბიწოვებით ყოველნი უგალობდეთ -:-

Line of ed.: 21    * Ⴍჳგალობდეთ უფალსა : რომელმან განიყვანა ერი თჳსი : ზღუასა მას მეწამულსა : მას
Line of ed.: 22    მხოლოსა რომელიცა დიდებულ არს -:- შენ უქორწინებელო : ღმრთის მშობელო რომელმან
Line of ed.: 23    გჳშევ სიტყუაჲ : დაუსაბამოი ჴორცითა : უზეშთაესი ბუნებათაჲ გიგალობთ -:-

Line of ed.: 24    * Ⴑიღრმე მეწამულისაჲ : პირველვე განუპო : ისრაელთა ერსა ქრისტემან : და მას შინა განიყ\ვანნა :
Line of ed.: 25    ხოლო რაჲჟამს განკაცნა : ყოველთა მოუწოდა და აღუშენა მათ : ეკლესიაჲ მობ\აძავად :
Line of ed.: 26    ზეცისა ძალთა ამისთჳსცა უგალობთ : მას დაუცხრომელად რამეთუ დიდებულ არს -:-

Line of ed.: 27    Ⴖირსად და ჭეშმარიტად : შენ მხოლოჲ ქებულხარ : ყოველთა ნათესავთაგან : ვითარცა სთქუ
Line of ed.: 28    ღმრთისმშობელო : რამეთუ შენ მხოლომან : გჳშევ ღმერთი ჴორცითა : და ქალწულად
Line of ed.: 29    ეგე : ამისთჳსცა გიგალობთ შენ : ზეცისა ძალთა თანა ძესა შენსა ევედრე : დაუცხრო\მელად
Line of ed.: 30    ჩუენ მოსავთა შენთათჳს -:-

Type: usx.  
         ოჳცხონი -:-

Line of ed.: 31    * Ⴐომელმან დაანთქა : ზღუასა მეწამულსა : მძლავრი ფარაო : და ისრაელსა წარუძ\ღუა
Line of ed.: 32    ჴმელად : უგალობდეთ : ქრისტესა ღმერთსა : რამეთუ დიდებულ არს უკუნისამდე -:-

Line of ed.: 33    Ⴘენ გნატრის ქალწულო : სიმრავლჱ ენათაჲ : და ღირსად გაქებს : რამეთუ ღმერთი : და\უსაბამოჲ :
Line of ed.: 34    უშევ კაცთა : ვითარცა კაცი : მას ევედრე ჴსნად სულთა ჩუენთათჳს -:-

Line of ed.: 35    * Ⴂალობით შევასხმიდეთ ღმერთსა რომელმან ფარავოჲს : მონებისაგან იჴსნა ისრაელი :
Page of ed.: 31   Line of ed.: 1    და უძღოდა მათ უდაბნოდ : სუეტითა ცეცხლისაჲთა : და ღრუბლით მით ნათლისაჲთა : უ\გალობდეთ
Line of ed.: 2    მას : რამეთუ დიდებით დიდებულ არს -:- გიხაროდენ ჴსნაო ადამისო : გიხაროდენ
Line of ed.: 3    ევაჲს : სიქადულო : გიხაროდენ წმიდაო : ღრუბელო ნათლისაო რომლისაგან გამოგჳბრწყინ\და
Line of ed.: 4    ნათელი დაუღამებელი : ქრისტეჲ ღმერთი : ჩუენი რომელი დიდებულ არს -:-

Line of ed.: 5    + Ⴆღ̃ჳსა სიღრმენი : განიპნეს ბრძანებითა : შენითა მჴსნელო : და დადგეს ორკერძო : და იხილნა მზე\მან
Line of ed.: 6    საუნჯენი თჳსნი : და ერი რჩეული განვიდა : და ძლიერსა ღმერთსა გალობით გიგალობდეს -:-

Line of ed.: 7    Ⴆეცისა ძალთა : მთავარი ცეცხლის ფერი : გაბრიელ მაღლით : მოივლინა შენდა : უქორწინებელო
Line of ed.: 8    დედაო ღმრთისაო : და გეტყოდა გიხაროდენ შენ : საყდარო მაღლისაო : უფალი შენთანა -:-

Line of ed.: 9    * Ⴔარაო მძლავრი : ეტლებითურთ დაანთქა : მეწამულსა მას ზღუასა : ძლიერმან უფალ\მან :
Line of ed.: 10    რაჲჟამს განვიდა : წყალნი ექმნნეს ქუეყანა : და გზა წრფელ : განსლვად ერისა ის\რაელისა :
Line of ed.: 11    უგალობდეთ ყოველნი ქრისტესა : რამეთუ დიდებულ არს უკუნისამდე -:-

Line of ed.: 12    Ⴔესუებითა მით : ოქროვანითა შემკულ არს : ტაძარი ღმრთისაჲ წმიდაჲ : უბიწოჲ ქალწული :
Line of ed.: 13    რომელი ცათა მაღალთა უმაღლესად : იპოვა : და სიტყუაჲ პირველ ჟამთა შობილი : გჳშ\ვა
Line of ed.: 14    ჴორცითა : ვითარცა კაცი : და ქალწულადვე ეგო სამარადისოდ :

Line of ed.: 15    + Ⴆღჳსა ღელვანი : განძჳნებულნი : დააცხრენ ქრისტეჲ : რაჲჟამს მოსეს მიერ : იჴსნენ ისრაელნი :
Line of ed.: 16    მეგჳპტელთაგან : და აჩუენე მათ : ძალი ღმრთეებისა შენისაჲ : და აქებდეს : სასწაულთა შენთა უფალო -:-

Line of ed.: 17    Ⴆეცით მოვიდა : სიტყუაჲ უჴორცოჲ : და იშვა შენგან : ჴორცითა უსძლოო : ვითარცა ყრმაჲ ჩჩჳ\ლი :
Line of ed.: 18    რომლისათჳსცა : ზარგანჴდილ იქმნნეს : ზეცისა უჴორცოთა ძალნი : და აქებდეს : შობასა შენსა ყ̃დ წ̃ო -:-

Line of ed.: 19    + Ⴑაღმრთოჲთა ბრძანებითა : და ზეგარდამო შერისხვითა განიპნეს სიღრმენი იგი : საშინელთა
Line of ed.: 20    უფსკრულთანი : და იხილვა უხილავი ქუეყანაჲ : საუკუნითგან განსასუენებელი წყალ\თაჲ :
Line of ed.: 21    განვიდა ერი რჩეული ისრაელთაჲ : ფერჴითა დაულტოლველითა ზღუასა მეწამულსა :
Line of ed.: 22    ხოლო მდევარი ფარავო : დაანთქა ერთურთ : ამისთჳს უგალობთ : ღმერთსა ჩუენსა ძლიერსა
Line of ed.: 23    და უძლეველსა : რომელიცა დიდებულ არს -:-

Line of ed.: 24    Ⴂარდამოჴდა შენზედა : მდუმრიად სიტყუაჲ დამბადებელი უქორწინებელო სძალო : დაბადებულ\თა
Line of ed.: 25    ჴსნისათჳს : და სიმდაბლით დაემკჳდრა შენთანა : ცეცხლი ღმრთეებისაჲ მიუახლებელი : და არაჲ
Line of ed.: 26    შეწუა საშოჲ შენი უსძლოო : არამედ დაგიცვა უვნებელად უბიწოჲ : და გამოუბრწყინ\და
Line of ed.: 27    კაცთა : ღმერთი ჴორცშესხმული : ამისთჳს უგალობთ ღმერთსა ჩ -:- მხლ̃ჱსა -:-

Line of ed.: 28    Ⴈხილეთ იხილეთ : რამეთუ მე ვარ ღმერთი მჴსნელი თქუენი : რომელი პირველ საუკუნეთა -:-
Line of ed.: 29    მამისაგან ვიშევ უდედოდ : და აღსასრულსა ჟამთასა : განვკაცენ ქალწულისაგან : რაჲთა
Line of ed.: 30    დავჰჴსნა : წყევაჲ პირველი ადამისი : ვითარცა კაცთმოყუარე ვარ -:-

Line of ed.: 31    Ⴍჳპირატესო შენ : ყოველთა ბუნებათაო მხოლოო : და სრულებაო ყოველთა არსთაო : მიზეზო
Line of ed.: 32    ყოველთა კეთილთაო : სამგუამოვნებით ცნობილო : მამაო ღმერთო მშობელო : ძეო შობილო : და
Line of ed.: 33    სულო განმაცხოველებელო გუაცხოვნენ მორწმუნენი შენნი -:-

Line of ed.: 34    Ⴑასწაულად იხილვებოდა : მოსე მსახური ღმრთისაჲ ვინაჲთგან : იხილა ღმერთი უხილავი : რომ\ელსა
Line of ed.: 35    ერნი ისრაელთანი ვერ შეუძლებდეს თუალთა შედგმად : ხატსა პირისა მისისასა : ვითა\რცა
Page of ed.: 32   Line of ed.: 1    ნათელსა მზის თუალისასა -:- წესნი ბუნებათანი შესცვალენ : შობისანი მარიამ : ვინაჲ\თგან :
Line of ed.: 2    სიტყუაჲ სიტყჳთა მუცლად იღე : რომელ არს ღმერთი დაუსაბამოჲ : და კაცთა უშევ ჴო\რცშესხმული :
Line of ed.: 3    ნათელი ხარ ქრისტეანეთაჲ : და შენ მიერ აღვიარეთ სამებაჲ -:-

Line of ed.: 4    + Ⴍჳცებმან ერმან : ცოფმან : ურჩმან და მაცილობელმან : ითხოვნა მოსესგან : ღმრთად ჴელით\ქმნულნი
Line of ed.: 5    კერპნი : ხოლო მოსე ითხოვა : სასწაული ღმრთისა მაღლისაგან : და განბრწყინდა
Line of ed.: 6    პირი მისი ვითარცა მზეჲ : და კრებულსა მას : უგუნურთასა ზარ სცემდა : სასწაულად ხილვაჲ მისი -:-

Line of ed.: 7    Ⴉარავსა მზისა თჳთ მნა : თობისა ბუნებისასა : სოფლისა მფარველსა : ღრუბელსა ბრწყინვალესა
Line of ed.: 8    ცხოვრებისა საყდარსა : დედასა და ქალწულსა წმიდასა : მშობელსა ნათლისა ღმრთისა სიტყჳ\სასა :
Line of ed.: 9    დაუცხრომელად : ჩუენ მორწმუნენი შევამკობდეთ : სასოსა და მეოხსა ჩუენსა -:-

Line of ed.: 10    + Ⴄჩუენა ღმერთი მოსეს : მთასა ზედა აეროვანსა : უხილავად და მისთანა შჯულსა ზრახვიდა
Line of ed.: 11    რაჲთა ამცნოს დამარხვად : ერსა უგულისხმოსა : ურჩსა და მახლობელსა -:-

Line of ed.: 12    Ⴂეჩუენა უბიწოო : გაბრიელ მთავარი უჴორცოთაჲ : და გეტყოდა ყოლად წმიდაო გიხარო\დენ :
Line of ed.: 13    შენ ღირსო შეიწყნარე : სიტყუაჲ დაუსაბამოჲ : და გჳშევ ღმერთი დაბადებულთაჲ -:-

Line of ed.: 14    + Ⴋოსე წინაწარმეტყუელმან : განპყრობითა ჴელთაჲთა : ამალეკი იგი : მტერი უკუნაქცია :
Line of ed.: 15    ხოლო ქრისტეს ჯუარითა : მორწმუნენი განძლიერდეს -:-

Line of ed.: 16    Ⴋოგასწავებდა უსძლოო : პირველ ესაია : წინაწარმეტყუელი : ღრუბლად სულმცირედ
Line of ed.: 17    ღირსო : რამეთუ შეიწყნარე : საშოსა ცუარი ცხოვრებისაჲ -:-

Line of ed.: 18    + Ⴋოსე დიდმან : წინაწარმეტყუელმან : იხილა რაჲ ღმერთი უხილავი : განბრწყინდა პირი მისი
Line of ed.: 19    საღმრთოჲთა ნათლითა უსხეულოჲთა : რომლითა შეძრწუნდეს : ძენი ისრაელისანი : და დაეცნეს მეგჳპტელნი -:-

Line of ed.: 20    Ⴑიბრძნეჲ ბრძენთა : და მეტყუელთა სიტყუაჲ : მოუძლურდების ქებად შენდა : ყოლად უსძლოო სძალო :
Line of ed.: 21    რამეთუ სიბრძნე და სიტყუაჲ მამისაჲ : უთესლოდ გჳშევ ჩუენ : და ქალწულადვე დაადგერ :
Line of ed.: 22    მითხოვე მისგან წყალობაჲ -:-

Line of ed.: 23    + Ⴅითარცა წჳმაჲ : გარდამოჴდა : ზეცით სიტყუაჲ ღმრთისაჲ : მდუმრიად საწმისსა ზედა საღმრ\თოსა :
Line of ed.: 24    საშოსა ქალწულისასა : და ვითარცა ცუარი ცხოვრებისაჲ : ღრუბელმან სულმცირე\მან :
Line of ed.: 25    შეიწყნარა საიდუმლოდ : რომლითა გუესხურა : მორწმუნეთა მადლი გამოჴსნისაჲ -:-

Line of ed.: 26    Ⴅითარცა პირველ : ქადაგებდეს : წინაწარმეტყუელნი : დაფარულთა მათ საიდუმლოთა : აღ\ესრულნეს
Line of ed.: 27    აწ შენ ზედა : ჭეშმარიტად ღმრთისა დედაო : რამეთუ შენ მხოლომან : გჳშევ
Line of ed.: 28    ჩუენ ღმერთი ჴორცითა : და ქალწულად ეგე : მას ევედრე ჴსნად სულთა ჩუენთათჳს -:-

Line of ed.: 29    Ⴖრუბლითა მით ნათლისაჲთა ეჩუენა ღმერთი მოსეს : მთასა ზედა სინასა : და ასწავა მას
Line of ed.: 30    შჯული საღმრთოჲ : და განბრწყინდა პირი მისი ვითარცა მზეჲ : ხილვითა ღმრთისა უხი\ლავისაჲთა :
Line of ed.: 31    და კრებულსა მას უღმრთოსა და ცოფსა : ზარსცემდა : საშინელი ხილვაჲ მისი -:-

Line of ed.: 32    Ⴘორის შენსა დაემკჳდრა : ქალწულო უბიწოო : ცეცხლი იგი ღმრთეებისაჲ : და არაჲ შეწუა
Line of ed.: 33    საშოჲ შენი : არამედ დაგიცვა უვნებელად ღირსო : ვითარცა მთასა სინასა მაყუალი :
Line of ed.: 34    რომელი ეგზებოდა მოტყინარედ : და არაჲ : შეიწუებოდა მისგან -:-

Line of ed.: 35    + Ⴍჳდაბნოსა მას სიცხისასა : ღრუბელი ნათლისაჲ : აგრილობდა ძეთა ისრაელისათა : და უძღო\და
Page of ed.: 33   Line of ed.: 1    და მათ სუეტი ცეცხლისაჲ : ხოლო : მოსე შჯულისმდებელი იგი მათი : ბუნებითთა მათ
Line of ed.: 2    შჯულთა სრბასა დააცადებდა : და უზეშთაესსა მას ბუნებათასა : საიდუმლოსა მისწ\უდებოდა :
Line of ed.: 3    რამეთუ ღრუბელსა მას : საღმრთოსა ღირს იქმნა შესლვად : და ესმეს უს\მენელნი
Line of ed.: 4    იგი სიტყუანი : ღმრთისა უხილავისაგან : და მოიხუნა : მცნებანი : საღმრთოჲსა მის შჯულისანი -:-

Line of ed.: 5    Ⴍჳზეშთაესი ბუნებათაჲ : შესაძრწუნებელი : საიდუმლოჲ იხილა რაჲ მოსე : მაყუალი მო\ტყინარჱ
Line of ed.: 6    ცეცხლითა : განჰკრთა : ბუნებითა და ვერ იკადრებდა განცდად : ხოლო შენ უ\სძლოო
Line of ed.: 7    სძალო მაცხოვრისაო : უნივთოჲ შანთი ღმრთეებისაჲ : საშოსა იტჳრთე უთეს\ლოდ :
Line of ed.: 8    უზეშთაეს ცნობათა : და არაჲ შეიწუ მის მიერ : რამეთუ ცუარი სულისა წმიდისაჲ :
Line of ed.: 9    გაგრილობდა ზეგარდამო : და გფარვიდა : უსძლოო : დედაო ძისა ღმრთისაო -:-


Next part


This text is part of the TITUS edition of Mikael Modrekili, Hymnography.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.