TITUS
Mikael Modrekili, Hymnography
Part No. 39
Previous part

Part: 01_07  
Line of ed.: 6    თ̃ა იანვარსა : ზ : კრებაჲ ტიბერიასვე ზღჳსკიდესა დღსასწაულობაჲ ნათლისღები\სათჳს
Line of ed.: 7    უფლისა ჩუენისა : ი̃ჳ ქ̃ა დაჴსნილებაჲ ღუაწლით შემოსილისა უძლეველისა მო\წამისა
Line of ed.: 8    ჰაბო ისმაიტელ ყოფილისა ქართველისაჲ, უფალო ღაღატვყავსა, ჴმაჲ დ : რაჟამს იხილე ურ :
Line of ed.: 9    დამბადებელი დაბადებულთაჲ ღმერთი გარეშეუწერელი და მიუწდომელი უხილავი გამოუთქუმელი,
Line of ed.: 10    რომელმან სიბრძნით დაჰბადა და შექმნა წყალთაგან ქუეყანაჲ ესე ძალითურთ და სამყაროჲთა და გამოაბრწ\ყინვა
Line of ed.: 11    მას შინა ნათელი ესე მცხინვარებისა მზისაჲ და კაცთა მოჰმადლა ცხოვრებაჲ ესე ინება კუალად
Line of ed.: 12    ცხოვრებაჲ ჩუენი წყალთაგან და ქუხს ჴმითა ზე_გარდამო განახლებად სულთა ჩუენთათჳს :
Line of ed.: 13    ნათელი ნათლისაგან შობილი სიტყუაჲ მამისაგან გამოსრული, სრული ღმრთეებითა, თანა_არსი და
Line of ed.: 14    თანამოსაყდრე, სწორი მამისაჲ ბუნებით გამოჩნდა ჴორცითა წყალთაგან ნათელ იღო, აწ რაჲთა განწ\მიდნეს
Line of ed.: 15    და ყვენს იგინი განწმედელად სულთა კაცთასა და განამანათლებელ განმათავისუფლებელ
Line of ed.: 16    ცოდვათაგან და მოსცეს მადლნი დათრგუნვად მანქანებათა ბოროტთა მტერისათა და შეჰმოსოს ძალი ღმრთეებისაჲ უძლეველი :
Line of ed.: 17    სული ღმერთ არს ვითარცა იტყჳს წერილი თჳთ ჴელმწიფეჲ და შემოქმედ ვითარცა იგი დაჰბადებდა რაჲ დაბადებულთაჲ
Line of ed.: 18    იქცეოდა ზედა წყალთა დღეს იორდანესა, სახითა ტრედისაჲთა გარდამოჴდა რაჲთა უჩუენოს რომლისათჳს
Line of ed.: 19    მამაჲ ზე_გარდამო წამებს ჴმითა რამეთუ ესე არს რომელმან მოსცეს პირველი იგი წარწყმედული კაცთა ცხოვრე\ბაჲ
Line of ed.: 20    წყალთა მიერ აღსარებიტა სამებისა წმიდისაჲთა : აბოჲსნი :
Line of ed.: 21    განიკაფე გუამი შენი წმიდაო მარხვითა და განსწმიდე სული შენი მაშინ მადლითა ღმრთისათა მიერითა აღი\ვსე
Line of ed.: 22    და მიჰრბიოდე წამებად, ვითარცა ზუარაკი შესაწირავად ღმრთისა მრგულიად დასაწუველად და აღი\არე
Line of ed.: 23    კადნიერად მძლავრთა წინაშე და სახელს იდევ ქეანედ და სთქუ : არაჲ მეშინის ტანჯვათაგან თუენ\თა
Line of ed.: 24    უღმრთონო და თაყუანის ვსცემ ღმერთსა ჩემსა სამებით ცნობილსა და ერთარსებით დიდებულსა :
Line of ed.: 25    რაჟამს გეუწყა განსრულებაჲ ღუაწლთაჲ მათ შენთაჲ წმიდაო და განსლვაჲ საკრველთა მათგან ჴორც\თაჲსა
Line of ed.: 26    და მისლვაჲ უფლისა, მაშინ უფროჲს განსძლიერდი და იწყე გალობად, ვითარცა რაჲ იგი გალობნ მკუ\დარსა
Line of ed.: 27    ზედა და ავაზაკისა თანა ჰჴმობდი : მომიხჴსენე უფალო მოსვლასა მეორედ დიდებით და შესწირევდი
Line of ed.: 28    თავსა თჳსსა მსხუერპლად ვითარცა მღდელი ჯერისაებრ და ღირს იქმენ სუფევასა დაუსრულებელსა :
Line of ed.: 29    დიდ არს მადლი ნიჭთა შენთაჲ მეუფეო, როემლნი ჰყვენ წმითადათჳს, რომელნი ესე სათნო გეყვნეს შენ ღირსები\თა,
Line of ed.: 30    რამეთუ გამოაცხადე დღეს მოწამე შენი აბო ზეცით ცეცხლისა მოვლინებითა და უჩუენე ყოველთა კაცთა
Line of ed.: 31    დიდებაჲ რომლითა შენთჳს იღუაწონ აწ გევედრებით მეოხებით მათითა მოგუმადლე მშჳდობაჲ და წყალობაჲ
Line of ed.: 32    შენ მიერი, რაჲთა მარადის უგალობდეთ სახელსა შენსა, რომელსა ქადაგებ : ოხითაჲ ჴმაჲ ა გ̃ი :
Line of ed.: 33    გიხაროდენ გამორჩეულო მაღლისა მიერ ღმრთისა მამისა და ძისა მხოლოდ შობილისა მიერ წოდებულო სული\სა
Line of ed.: 34    წმიდისა განბრწყინვებულო ზეცას უჴორცოთა გუნდსა თანა შეერთებულო მოწამეთა და
Line of ed.: 35    მართალთა შორის ქებულო ეკლესიათა შუენიერო სამკაულო, მარტჳლთა სიქადულო მეფეთა სიხა\რულო,
Page of ed.: 177   Line of ed.: 1    მორწმუნეთა შემწეო, ახოვანო მოღუაწეო აბო და ევედრე აწ მონიჭებად სულთა
Line of ed.: 2    ჩუენთა დღეს დიდი წყალობაჲ : ცისკრად ნეტარარიანთა დასდებელნი : სუფევს ღმერთი წა :
Line of ed.: 3    აღმსარებელნი სამებისანი მორწმუნენი ადამეანნი აღმასრულებელნი საუფლოსა ამას დღესა ნათლითა
Line of ed.: 4    შემოსილსა საღმრთოჲთა შესხმითა უგალობდეთ ჴსენებასა აბო ახლისა მოწამისასა :
Line of ed.: 5    ბუნებათა უზეშთაეს შეიმოსე ბუნებაჲ ჩემი ღმრთისა სიტყუაო მხოლოდ შობილო და ნათელს-იღე ჴორცითა : ბ
Line of ed.: 6    უცოდველო რომელსა მსგავსებითა ნათელს იღო მჴნემან აბო წყლითა და სისხლითა დათხევითა :
Line of ed.: 7    უვარსმყოფელთა ქრისტესთა უშჯულოთა ისმაიტელთა ნაშობთა შორის ბნელისათა ვარსკულავად მნათო\ბად
Line of ed.: 8    გამოჰბრწყინდი მჴნეო მოწამეო აბო და საღმრთოჲთა ნათლითა განანათლენ ქართლისა
Line of ed.: 9    მყოფნი : საღმრთოსა ტაკუკსა წ : უგალობდითსა : ივანე ქონქოზისძისანი : ზღუაჲ უვალი :
Line of ed.: 10    რომელმან იორდანეს ნათლისღებითა განმანათლე, აწცა სული სიბრძნისაჲ განიახლე ჯეროვნად შემამკო\ბელად
Line of ed.: 11    გამოჴსნისა კრებასა და მოწამისა ღირსებით პატივცემასა :
Line of ed.: 12    მჴსნელო ნათლისღებითა შენითა წმიდითა გუესწავა შეერთებაჲ წყალთაგან სულისაჲ რომლითაცა
Line of ed.: 13    აღვსებულმან დღეს ყოვლად ქებულმან აბო სიკუდილისა სასუმელი შენთანა შესუა :
Line of ed.: 14    შეგინებულისა მის სარწმუნოვებისა მოძღუართა სამშჯავროდ მიგცეს ღირსო, ვითარცა პავლე
Line of ed.: 15    ჰრომედ ჰურიატა მათ და უშჯულომან მძლავრმან განაჩინა შენთჳს სიკუდილი საწადელი :
Line of ed.: 16    სასაკუმევლეჲ ოქროჲსა :

Type: moix.  
         მოიხილესა : გალობაჲ სულიერი აღ : რომელი ნისლსა შინა ეჩუენა
Line of ed.: 17    მოსეს უცნაურად ღმერთი მაღალი გამოჩნდა იორდანეს და საცნაურ იქმნა ჴმითა ოხრიტა მამისაჲთა,
Line of ed.: 18    რომლითა ვიცანთ მხოლჲ ძეჲ, ღმრთისაჲ თანასწორი მამისაჲ : შეუძლებელ იყო შეუხებელისა უნივთოჲ\სა
Line of ed.: 19    მის შანთისა ღმრთეებისა შეხებაჲ : ამისთჳს განჴორციელდა ძეჲ ღმრთისაჲ მხოლოდ შობილი განბანად უცოდ\ველი,
Line of ed.: 20    რომლისა შეიწირა დღეს ჰაბო : შეერთებულ იქმენ სულითა ნეტარო შვილთა თანა აღთქუ\მისათა
Line of ed.: 21    და ჰრბიოდე ბანსა მას ზეცისა ჩინებისასა, რომლისათჳსცა გჳრგჳნი ძლევისაჲ მოგანიჭა მაღლით
Line of ed.: 22    მაცხოვარმან მჴნეო ჰაბო : იცვალნეს ბუნებანი :

Type: gandzl.  
         განძლიერდასა : ბუნებით ლმობიერ ექმენ მჴსნელო :
Line of ed.: 23    თავისუფალ იყვნეს ცოდვისაგან ჴორცნი შენნი შეერთებულნი ღმრთეებასა სიწმიდით, არამედ ნათლისღე\ბითა
Line of ed.: 24    განაგე კაცთაჲ წყალთაგან განძარცუვაჲ ცოდვისა მჴსნელო :
Line of ed.: 25    ჴმითა მამისაჲთა და სულისა მოსლვითა და იორდანისა კუალად ქცევითა გქადაგა წინამორბედ\მან
Line of ed.: 26    ძედ ღმრთისა, რომლისა მოისწრაფა დღეს სიკუდილი ნეტარმან ჰაბო :
Line of ed.: 27    ვითარცა მსგავსი მამათმთავრისაჲ ქალდეველთა ქუეყანისაგან გამოსლვითა და მოწამეჲ ქრისტეს ვნებათაჲ
Line of ed.: 28    ღირსებით იდიდები მორწმუნეთაგან შესხმითა ყოვლად ქებულო : გამოშჩნდი უფალო მესმასა განზრახვჲსაი :
Line of ed.: 29    რომელნი ქრისტეჲს თანა დავეფლენით ნათლსღებითა ვემსგავსენით მას განზრახვათაგან განხრწნადთა
Line of ed.: 30    განვეშორნეთ და ესრეთ დავიცვეთ ბეჭედი ნათლისაჲ დამჴსნელი სიკუდილისაჲ :
Line of ed.: 31    რომელმან შინაგანნი სახედველნი საღმრთოჲთა ხილვითა წმიდა ჰყვენი წინამორბედო შენგან ნათელსღბულსა
Line of ed.: 32    დღეს მოსწრაფედ შეუდგა ჰბაო და მისთჳს სიკუდილი დაითმინა :
Line of ed.: 33    ტრფიალ იქმენ შჯულსა მას სულიერსა, რომემან განგათავისუფლა შენ საშჯელისა მისგან სიკუდილისა
Line of ed.: 34    და ქრისტეს ნათლისღებისა მსგავსებითა ჭეშმარიტად შვილექმენ აბრაჰამს : შენ მარდის ქალწულსა :
Line of ed.: 35    ღამითგანსა, ნაწილ ჩემდა ხარ ქრისტჱ : სრბაჲ ბუნებისა შჯულთაჲ დასცხრა რაჟამს შეუწე\რელმან
Page of ed.: 178   Line of ed.: 1    ღმერთმან ნათლისღებითა მდინარეთა მიანიჭა დაფარულთა მწინკულევანებათა განბანაჲ
Line of ed.: 2    კაცთაჲ და კუალად ნეტარებაჲ მოგუეცა ემბაზისაგან წმიდისა :
Line of ed.: 3    ჴმაჲ სიტყჳსა საღმრთოჲსაჲ სინანულისა მქადაგებელი იხარებს ღმერთსა განკაცებულსა აღსრულებად
Line of ed.: 4    ჴსნისა ჩუენისა საიდუმლოსა, რომლისათჳს მოწამე ჰაბო მეორედ შობასა მოიგებს სისხლითა თჳსითა :
Line of ed.: 5    გონებაჲ შენი ღირსო ღმრთისა კეთილთა მცნობელ ჰყავ და სიტყუაჲ შენი ქრისტეს ქადაგ ჰყავ და სულისა
Line of ed.: 6    განწმედითა შეამკვე ხატებაჲ ღმრთისაჲ, რომლისათჳს იხარებს განშუენებული გჳრგჳნითა დაუჭნობელითა :
Line of ed.: 7    აღესრულნეს შენ ზედა წ :

Type: ghagh.  
         ღღტყსა : ცოდვისა სიღრმეთა და : ძემან ღმრთისამან ბუნებით
Line of ed.: 8    ძმად გჳწოდა ჩუენ მადლით, რჟამს იგი ბუნებაჲ ჩუენი მიიღო და განწმედისა ჩუენისათჳს განწმედაჲ თავს
Line of ed.: 9    იდვა უცოდველმან წინამორბედისაგან : ჭეშმარიტად სოფლისა ჴსნისა დასაბამ არს დღსას\წაული
Line of ed.: 10    ესე მამისა ჴმაჲ და სულისა მოსლვაჲ განკაცებულსა მას ღმრთად გუაუწყებს, რომლისათჳს
Line of ed.: 11    აბო სიკუდილსა თავს იდებს : რომელი იქმენ პირმშო მკუდართა და გზაჲ სიკუდილისაჲ წყარო ცხოვ\რების
Line of ed.: 12    ჰყავ მორწმუნეთათჳს დღეს შენთჳს მიიღო სასუმელი იგი განმაცხოველებელი მახჳლითა
Line of ed.: 13    მოწამემან ჰაბო : იქმენ სამკჳდრებელ : კურთხეულარსსა : არაჲ ჰმსახურეს დაბადებულსა :
Line of ed.: 14    ემბაზისა მას გამოჴსნისასა დღეს მდინარესა განმაცხოველებელსა იორდანესა უსხეულოთა განწყო\ბილებაჲ
Line of ed.: 15    გარე მოადგეს, რომელნი ნათელ ღებულსა შეასხმენ საუკუნეთა მფლობელო, უფალო, კურთხეულ ხარ შენ :
Line of ed.: 16    ნათლისღებაჲ წყალთა და სულითა შენთანა აღასრულა მოწამემან და სასუმელიცა ვნებათა
Line of ed.: 17    შენთაჲ შესუა და გალობით ღაღდყო : ამაღლებულო ღმერთო მამათა ჩუენთაო უფროჲსად კურთხეულ ხარ შენ :
Line of ed.: 18    გონებითა მიიცვალე შენ უზეშთაესსა ცხოვრებასა წმიდათა შეერთებასა და ბოროტთა შეიძინებაჲ სიცო\ფედ
Line of ed.: 19    შეჰრაცხე და სთქუ აღმაღლებულად : სიტყუათაგან სუ : აკურთხევდითსა : ყრმანი ბრწყინვალენი საჴ\უმილსა :
Line of ed.: 20    საჴუმილისა იგი შემწუველობაჲ ღმრთისა სიტყუამან შემაცურეველ-ყო ყრმათათჳს, ხოლო დღეს ნათლის\ღებითა
Line of ed.: 21    წყალთა ბუნებასა მისცა ცოდვათა შემწუველობაჲ ნათელმღებელთა ძალნი : ჴმობენ აღმაღ :
Line of ed.: 22    ეჰა სახიერებაჲ შემოქმედისაჲ, რამეთუ დაბადებულთათჳს უსწრო და გზაჲ ცხოვრებად მიმყვანებელი პირ\ველად
Line of ed.: 23    აღასრულა, რათა, რომელნი ნათლისღებითა განახლდენ ცხოვრებასა ზიარ იყვნენ ამისთჳს მჴუ\რვალედ
Line of ed.: 24    მოისწრაფა მისთჳს სიკუდიდ მოწამემან ჰაბო : გუამი შენი შრომითა განწმედილი საღ\მრთოჲსა
Line of ed.: 25    ცეცხლისა შეერთებითა ღირსო, მარადის ეგზებოდა, არამედ მოშურნეთა მათ ცეცხლითა დაწუეს, რომელსა
Line of ed.: 26    პატივ ვსცემთ მეტყუელნი : უფალო უგა : არსებაჲ პირველი : ადიდებდითსა : ყოველნი ტომნი ქუეყანისანი :
Line of ed.: 27    აღმოცენებით აღმოჰჴედ ძირთაგან იესესთა სიწმიდით, ხოლო დღეს იორდანეს ძლევით შეჰმუსრე თავი
Line of ed.: 28    ვეშაპისაჲ და აღმოჰჴედ მიერ, ვითარცა ლომი წერილისაებრ, რომელსა გაქუს მთავრობაჲ ნათესავთაჲ, რომელთა
Line of ed.: 29    ემსგავსე განკაცებითა : ქრისტჱს აღთქუმულთა საშუებელთა სიკუდილი სიხარულით შეიწყნარე
Line of ed.: 30    და მიხუედ მისთანა სუფევად, ვითარცა ზიარი ვნებათა მისთაჲ მოწამეო, ჭეშმარიტად გუაუწყებს ღირ\სებასა
Line of ed.: 31    შენსა ნათელი იგი ზეცისაჲ პატივად შენდა მოსრული : აღგიარებ უფალო უძლურებასა ჩემსა,
Line of ed.: 32    რამეთუ უღირს ვარ შეწყნარებად შენდა, ღმრთისა სიბრძნეო, არამედ სიტყჳთ განდევნე წყლულე\ბაჲ
Line of ed.: 33    გულისაჲ და მაქებელად მიჩინე დღეს საუფლოსა კრებასა და მოწამისა აბოჲს დღესასწაულსა :
Line of ed.: 34    სურვილითა შენითა აღძრულ არს გონებაჲ ჩუენი მოწამეო, ამისთჳს შეიწირე კნინი ესე ძღუენი, რომელი
Line of ed.: 35    მსგავსად ძალისა ჩუენისა მოგჳრთუამს, მოგჳტევე კადნიერებაჲ და გჳთხოვე დღეს ქრისტესგან გამოჴსნაჲ :
Page of ed.: 179   Line of ed.: 1    რომელნი გალობით ღირსად გადიდებთ, ნუ შეურაცხჰყოფ : აქებდითსა თანა სწორმან მამისამან :
Line of ed.: 2    რომლისათჳს გუახარებდა ესაია ღმრთსმეტყუელი და სულითა წმიდით პირველვე იტყოდა მოსვლისათჳს
Line of ed.: 3    ღმრთისა ჴორცითა, ცხოვრებად მორწმუნეთა, რომელნმანცა იტჳრთნა უძლურებანი ძეთა კაცთანი, დღეს იორდა\ნეს
Line of ed.: 4    მოვიდა ნათლისღებად თჳთ მნათობი, ნათელი თუალთშეუდგამი, სულისა განმანათლებელი :
Line of ed.: 5    წინაჲსწარვე მოგუასწავა დავით წინასწარმეტყუელმან მოსლვაჲ მჴსნელისაჲ იორდანისა წყალთა იტყო\და
Line of ed.: 6    რაჲ განცხადებულად საღმრთოჲთა მით სიბრძნითა : მთანი იხარებდით, წინაშე პირსა უფლისასა, რომელი მო\ვალს
Line of ed.: 7    დღეს ნათლისღებად სიმდაბლით იორდანეს, რომლისაგან შიშით ძრწიან უსხეულონი ზეცისანი :
Line of ed.: 8    ნაშობნო იქედნეთანო, ვინ გიჩუენა თქუენ სივლტოლაჲ მოწევნადისა მისგან საუკუნოჲსა რისხ\ვისა
Line of ed.: 9    მის მომავალისა, რამეთუ არაჲ ჰყავ თქუენ ნაყოფი სიმართლისაჲ, ეტყოდა წინამორბედი მომავა\ლთა
Line of ed.: 10    მისა, მაშინ მოვიდა მჴსნელი გალილეაჲთ იორდანეს ნათლისღებად განამანათლებელი ყოველთაჲ :
Line of ed.: 11    სურვილითა სულისაჲთა და ფრიად სიყუარულითა შენითა დიდებულო მოწამეო ჰაბო, აღიძრვის დღეს გო\ნებაჲ
Line of ed.: 12    ჩუენი ქებად ღუაწლთა მათ შენთა ბრწყინვალითა ქებითა პირველად წამებისა შენისა, ვითარ
Line of ed.: 13    მჴნედ ჰშურებოდე ძლიერად ეწყვე მტერსა, რაჟამს წარსდეგ მძლავრთა წინაშე განდიდნა სახელი წამებისა შენისაჲ :
Line of ed.: 14    მოვედით დღეს მორწმუნენო, იხილეთ მენელსაცხებლე, რომელმან შეწირა თავი თჳსი მსხუერპლად მისთჳს რომელმან
Line of ed.: 15    ივნო ჩუენთჳს და სისხლითა დათხევითა სულნელყო ეკლესიაჲ უფროჲს ყოველთა ნელსაცხებელთა და აწ ევედ\რების
Line of ed.: 16    ყოველთა მეუფესა ღმერთსა ჩუენსა სულთა ჩუენთა ჴსნისათჳს ყოვლისაგან განსაცდელისა :
Line of ed.: 17    განზრახვითა კეთილითა შესცვალე შუებაჲ სოფლისაჲ და დიდებაჲ მისი შეჰრაცხე ნაგევად, რაჲთა ქრისტე შეიძინო :
Line of ed.: 18    და სრულად იღუაწე და აწ არაჲ სარკითა, ვითარცა სახედ ჰხედავ მას, არამდ პირისპირ იხილავ საწადელსა :
Line of ed.: 19    მეოხ გუეყავ, რომელნი აღვასრულებთ ჴსენებასა შენსა ნეტარო :
Line of ed.: 20    ადგილი იგი სამსუერპლოჲ რომელსა ზედა დაიწუა ყოვლად წმიდაჲ გუამი შენი ნეტარო, დიდებაო მოწამეთაო,
Line of ed.: 21    ემსგავსა საკურთხეველსა წმიდისა აჰრონისსა, ზეცით ცეცხლისა დადგრომითა განგრძობილად ღირსო,
Line of ed.: 22    ნათლითა ბრწყინვალითა ჰხედვიდეს რაჲ ურწმუნოთა დაუკჳრდა და მორწმუნენი იხარებდეს : საღმრთოთა წე :
Line of ed.: 23    დასდებელნი ნათლისღებისა და წმიდისა მოწამისა ჰაბოისნივე, უფალო ღაღატვყავსა ჴმაჲ დ : ცათა და :
Line of ed.: 24    ცეცხლი რომელი სინას ეჩუენა შჯულისმდებელსა მგზებარე მაყულოვანსა მას, უფროჲს ცნობისა
Line of ed.: 25    და ზეშთა სიტყჳსა შეეზავა წყალთა მათ იორდანისათა, შემწუველად ნივთსა მას ცოდვისასა მო\ვედით
Line of ed.: 26    ერნო მივისწრაფოტ საღმრთოსა მას საბანელსა, რაჲთა განვწმიდნეთ ჴორცითა და განვნათლდეთ ჩუენ სულითა :
Line of ed.: 27    აღსრულებად მოხუედი ყოვლისა სიმართლის სიტყუაო მხოლოდ შობილო, შემმოსელი ცათაჲ ღრუბლითა
Line of ed.: 28    განშიშულდი იორდანეს ნათლისღებად სიმდაბლით მოხუედ თჳთ მნათობი შეუქმნელი ნათელი :
Line of ed.: 29    რომლისა მსგავსებითა განშიშულდა მოწამე შენი აბო და სისხლისა დათხევითა შეიწირა მსხუერპლად შენდა :
Line of ed.: 30    აგარის ნათესავთა ძირთა მათ უნაყოფოთა ნერგთა მათგან ეკლოვანთა, ვითარცა ვარდი შუენიერი ფე\რითა
Line of ed.: 31    მეწამულითა გამოჩნდა ნეტარი აბო და სულნელყო ეკლესიაჲ ნელსაცხებელთა წილ სხუ\რებითა
Line of ed.: 32    სისხლისაჲთა : ამას შინა მორწმუნენო ვაქებდეთ ღუაწლთა მათ მისთა : მოვედით ვადიდებდეთ :
Line of ed.: 33    უგალობდითსა ზღჳსა მის მეწამულისა : უფალო ღვთისა სიტყუაო, მასწავე ჩუენ სიტყუაჲ სიბრძნისაჲ ქე\ბად
Line of ed.: 34    ნათლისღებასა წმიდასა სენსა და გალობად უძლეველთა ღუაწლთა მოწამისა აბო კეთილად
Line of ed.: 35    მოღუაწისათ, რომელიც განშიშულდა დღეს იორდანეს შინა ჴორცითა, სანატრელმან მოწამემან
Line of ed.: 36    სტეფანე ჭყონდიდელისა ნეტარისანი სანანოჲსძისანი : ქრისტე დიდებულ ყავ სული მათი :
Page of ed.: 180   Line of ed.: 1    აბო მისთჳს განიძარცუა ძუელი კაცი საქმითურთ : და შეიმოსა ძალი ქრისტეჲსი :
Line of ed.: 2    ყოველნი თესლნი მოვედით მკჳდრთა თანა ქართლისათა დღეს და იხილეთ ღუაწლისა მძლე აბო განშუე\ნებული
Line of ed.: 3    ბრწყინვალედ სისხლითა წამებისაჲთა, ღირსად გალობით მას უგალობდეთ : მიდგომილ იქ :
Line of ed.: 4    მხოლოსა ისმენდინ ქუეყანაჲ სიტყუასა : შეჰმუსრე მაცხოვარ იორდანეს თავები ვეშაპისაჲ და\მალული
Line of ed.: 5    წყალთა შინა პირველითგან, რომელმან ჴმაჲ საღმრთოთა მქადაგებელთაჲ აღასრულე განგე\ბულებით
Line of ed.: 6    ღმრთისა სიტყუაო, რაჟამს მონისაგან ნათელსიღე მჴსნელო და განანათლე სოფელი :
Line of ed.: 7    მაცხოვრისა თანა ნათელსიღე ღუაწლისა მძლეო ჰაბო, რაჟამს შთაჰჴედ ემბაზსა ღუაწლისასა,
Line of ed.: 8    ვითარცა მჴსნელი ჩუენი იორდანესა და სისხლისა დათხევითა განჰბანე გუამი შენი, რაჟამს დაიკალ უწ\ყალოდ
Line of ed.: 9    მახჳლითა მტერთაჲთა : სისხლითა დათხევითა მეწამულ ჰყავ ღუაწლი სანატრე\ლო,
Line of ed.: 10    ყოვლად ქებულო მოწამეო ჰაბო და შეამკვე ვითარცა ძოწეულითა ეკლესიაჲ წარმართთაჲ
Line of ed.: 11    და შეჰკრიბენ მას შინა ერთობით ყოველნი მგალობლად ღუაწლთა მათ შენთა ქირსტეს მოწამეო :
Line of ed.: 12    არცხჳნე ნეტარო ნაშობთა მათ მჴევლისათა უღმრთოთა და დაუყვენ პირნი მათნი მგმო\ბარნი
Line of ed.: 13    საღმრთოჲთა მით სიბრძნითა ზეგარდამოჲთა, რაჟამს ჰქადაგე სამებაჲ ერთ ღმრთეებაჲ
Line of ed.: 14    და განსწმიდე ქართლი სისხლისა შენისა დათხევიტა მოწამეო, საღმრთოსავე :

Type: gandzl.  
         განძლიერდასა :
Line of ed.: 15    იხარებს ეკლესიაჲ, იხარებს ეკლესიაჲ შვილთა თანა დღეს სხურებული წყლითა სიწმი\დისაჲთა
Line of ed.: 16    და მძლე ჰყოფს ღუაწლსა მოწამეთასა : ნათლისღებასა შენსა თანა სიხარუ\ლით
Line of ed.: 17    ნათელს იღო, ყოვლად საგალობელმან აბო და მით გჳრგჳნოსან იქმნა :
Line of ed.: 18    მჴსნელო დღეს დაემტკიცა თქუმული იგი პირველი, ვითარმედ აღმოსავალით ბღუარით
Line of ed.: 19    მოვიდენ წიაღად აბრაჰამისა : შენ მხოლოჲ ხარ მიზეზი : უფალო მესმასა : სიტყუამან ჴორცთნი შეისხნა :
Line of ed.: 20    სიყუარულისა საკრველმან შეკრა გონებაჲ მოწამისაჲ მოთმინებად სატანჯვეთა ურიცხუ\თა,
Line of ed.: 21    რომლითაცა დაამჴუა სიქადული უღმრთოჲთა : შფოტი დაუტევე ღირსო მამულთა მათ
Line of ed.: 22    მედგრობათაჲ და ქრისტესა სუდეგი წმიდაო და ვნებათა თავსდებიტა ემსგავსე მას ნეტარეულო :
Line of ed.: 23    უცხო იყავ და სტუმარ შჯულითა საღმრთოჲთა მჴნეო მოწამეო, არამედ მოისწრაფე და სახლეულ
Line of ed.: 24    იქმენი მცნებათა მისთა ღირსო, მარხვითა განიკაფე შენ დიდისა ანტონის მსგავსად სანატ\რელო
Line of ed.: 25    და მოიკუდინენ ჴორცნი და ღირსი ქმენ ნეტარო წამებისა გჳრგჳნსა : საშინელ და დიდებულ :
Line of ed.: 26    ღამითგანსა : შენ უფალო ნათელი ხარ : შენ უფალო იორდანეს განაქიქე მაცთური, შენვე განამტკიცე
Line of ed.: 27    გული მოწამისა ჰაბოჲსი, რომელმანცა აღგიარა : პყრობილ იქმენ ძჳრის მოქმედებრ სანატრელო :
Line of ed.: 28    არამედ გამოიჴსნიდი სულთა მიმძლავრებულთ მტერისაგან ბოროტისა : ნათლისღებაჲ სამი
Line of ed.: 29    მოიგე მოწამეო წყლითა, სულითა და სისხლითა და შემდგომად ცეცხლითა გამობრწყინდა
Line of ed.: 30    ღუაწლი შენი : შენ საჭურველი ხარ : ღაღატვყავსა : ღაღდებდა წინასწარმეტყუელი :
Line of ed.: 31    ღაღდებდა კადნიერად სანატრელი აბო და ეტყოდა უშჯულოთა ისმაიტელთა : განმეშოვრე\ნით
Line of ed.: 32    მე ჵ უკეთურნო და გამოვიძინე ღმრთისა მცნებანი : განშიშულდი შენ სათნოვებათა მო\გებითა
Line of ed.: 33    ღირსო და ჰყუაოდე გჳრგჳნითა მოღუაწებისაჲთა სრულითა და ესრეთ ჴმა ჰყავ
Line of ed.: 34    სასო ჩემდა არს ქრისტე ღმერთი : ღუაწლსა სრულსა მჴნედ გამოჩნდა მოწამე ჰაბო და აღავსო
Line of ed.: 35    ეკლესიაჲ სულნელებითა ნელსაცხებელთაჲთა და წმიდა-ყო ერი მადლითა საღმრთოჲთა გა\მორჩეული
Page of ed.: 181   Line of ed.: 1    უმეტეს ხარ ყოველთა და : კურთხეულარსა საჴუმილსა შინა აბრამეანნი ყრმანი :
Line of ed.: 2    მოიძულე შენ სიცრუვით შეთხზული იგი ისმაიტელთა მოძღურებაჲ და შეიყუარე ქრისტეს მცნებაჲ
Line of ed.: 3    და სიხარულით ჰღაღადებდი : კურთხეულ არს : იყავ ნეტარო კეთილად შემზავებელ ნელსაცხებელთა
Line of ed.: 4    სულნელთა და დაუტევე მსწრაფლ და მიხუედ სურვილით ქრისტეს ნელსაცხებელთა კუალსა და ჰრ\ბიოდე
Line of ed.: 5    მსგავსებითა ვნებათა მათ მისთაჲთა : გეტყოდა მძლავრი ლიქნით : რაჲსა დაუტევე
Line of ed.: 6    შჯული ჩუენი და წინა აღუდგები შენ შჯულითა მით, რომელი არა ვისწავეთ ჩუენ და აწ განიკაფოს გუა\მი
Line of ed.: 7    შენი მრავლითა სატანჯველითა : გიხაროდენ შენ ღმრთისმშობელო : აკურთხევდითსა : მჴსნელო ყოველთაო ძლიერ :
Line of ed.: 8    მოსლვაჲ შენი მჴსნელო იორდანესა გზა გუექმნა ჩუენ ჴსნისა და განაქარვა ძალი მტერისაჲ და
Line of ed.: 9    მოსცა ძლევაჲ მტერთაჲ და ვღაღდებთ : აკურთხევდით ღმერთსა საქმენი მისნი :
Line of ed.: 10    სოფლისა დიდებაჲ და საშუებელი შეურაცხჰყავ მჴნეო ღუაწლისა მძლეო და შეიყუარე შენ ქრისტჱ :
Line of ed.: 11    და აწ მისთანა მკჳდრ ხარ, მეოხ გუეყავ, რომელნი გევედრებით სანატრელო :
Line of ed.: 12    გაქუნდა საჭურველად ჯუარი ქრისტეჲსი, მტკიცე სასოვებაჲ და სიყუარული და სარწმუნოვებითა
Line of ed.: 13    მით განსძლიერდი და ჴმა ჰყავ აკურთხევდიტ : მორწმუნეთა ერი : ადიდებდითსა : შობაჲ შენი უხრწნელ :
Line of ed.: 14    ჴმითა მამისაჲთა წყალთა ზედა და განბანითა ძისაჲთა მათ შინა და სულისა წმიდისა სახედ ტრედისა
Line of ed.: 15    გარდამოსლვითა მათ ზედა განწმიდნეს წყალნი და გუექმნნეს ჩუენ მეორედ მშობელ :
Line of ed.: 16    განჰბრწყინდი შენ სულითა მჴნეო აღანთენ სანტელნი და ჰგალობდი, ვითარცა შემწირველი საკუე\რთხთა
Line of ed.: 17    უბიწოჲთაჲ მღდელი და თავსა თჳსსა სიხარულიტ მოგზაურ ექმენ :
Line of ed.: 18    დავიტის ჴმასა ჰღაღდებდი აბო და ნეტარისა მის ავაზაკისა თანა ჰჴმობდი ძლიერად : მომიჴსენე
Line of ed.: 19    მჴსნელო სასუფეველსა : აწ მეოხ გუეყავ მადიდებელთა შენთა წმიდაო :
Line of ed.: 20    განწყობილსა შორის ანგელოზთასა და დასსა წმიადთა მოწამეთასა განბრწყინვებული იხარებ სანატრელო
Line of ed.: 21    ჰაბო, აწ ევედრე ქრისტესა, რაჲთა ძლევაჲ მოჰმადლოს მეფესა ჩუენსა : არსებისა ხატსა : აქებდითსა :
Line of ed.: 22    პირველ ქმნული ადამ : ღმერთი უხილავი იხილვე ჴორცითა იორდანეს ნათელი თჳთ მნათობი, მოხუედ
Line of ed.: 23    ნათლისღებად უცოდველო, შეიწყნარე განწმედაჲ, რომელი განსწმედ ცოდვისა მწინკულსა, ამისთჳს
Line of ed.: 24    მორწმუნენი ნათლისღბასა შენსა სარწმუნოვებით თაყვანისვსცემთ და ერთობით უგალობთ :
Line of ed.: 25    შემდგომად ნათლითა განბრწყინვებულისა ამის დღისა საუფლოჲსა კრებისა ქრისტეს უფლისა ნათ\ლისღებისა,
Line of ed.: 26    მოიწია მოწამისა აბოჲს ბრწყინვალე საჴსენებელი : ამბორს უყოთ სურვილით
Line of ed.: 27    ღუაწლთა მისთა სიმჴნესა და სევამკობდეთ საჴსენებელსა მისსა წმიდასა :
Line of ed.: 28    მოუძლურდა ენაჲ მითხორბად ღუაწლთა შენთა ნეტარო, რომელ უკუანაჲსკნელ დაბეჭდვასა დევ\ნულებისასა
Line of ed.: 29    იპოვე სწორად პირველთა მოწამეთა სისხლთა დათხევითა მჴნეო და მათთანა
Line of ed.: 30    იხარებ სასუფეველსა ღირსო, მეოხ გუეყავ ჩუენ მადიდებელთა შენთა ნეტარო ჰაბო : დედასა შენსა : ქ :
Line of ed.: 31    დასდებელნი ნათლისღებისა და წმიდისა მოწამისა ჰაბოისნივე : უფალო ღაღატვყავსა : ჴმაჲ ა გ̃ი :
Line of ed.: 32    გიხაროდენ წინამორბედო და საღმრთოჲსა მოსლვისა მქადაგებელო, აჰა დღეს მოვიდა გალილეაჲთ იორ\დანედ
Line of ed.: 33    ქრისტე, კრავი ღმრთისაჲ, ტარიგი წმიდაჲ ჩუენთჳს განმზადებული მოსიკუდიდ ნეფსით ჯუარითა, რომელმანცა :
Line of ed.: 34    აღიხუნა სოფლისა ცოდვანი : განემზადე აწ იორდანეო განბანად უბიწოთა ჴორცთა მისთა :
Line of ed.: 35    როემლსა არა უჴმდა საბანელი განწმედად, არამედ ჰნებავს განწმედაჲ წყალთაჲ : ამას თაყუანის\ვსცეთ
Line of ed.: 36    რომლისაგან პოვა სოფელმან დღეს დიდი წყალობაჲ :
Line of ed.: 37    გამოშჩნდი ვარკსულავად მნათობად განამანათლებელად ქათლისა ნეტარო და ღუაწლი შენი
Line of ed.: 38    უფროჲს ნათელისა მზისასა ბრწყინვალედ გამოჩნდა სახედ ელვისა, ბრძენო, საცნაურად სამყა\როთა
Line of ed.: 39    ზესკნელისათა სახილველად ყოველთა კიდეთა ცისათა, რაჟამს ხატ ექმენ უფლისა ნათლისღებასა
Line of ed.: 40    და განშიშულებული შთაჰჴედ ემბაზსა ღუაწლისასა და ორგზის ნათელს იღე წყლითა და სისხ\ლითა
Page of ed.: 182   Line of ed.: 1    მჴნეო ჰაბო, ღმერთსა ევედრე აწ მონიჭებად სულთა ჩუენთა დღეს დიდი წყალობაჲ :
Line of ed.: 2    მკჳდრად აღთქუმისა გამოჰბრწყინდი და ძედ ზეცისა ჩინებისად იწოდე ნაშობად აბრაჰამისა იქ\მენ
Line of ed.: 3    ნეტარო ისაკ მეორე ნეფსით მოგურილი დაკლვად შესაწირავად უფლისა სულად სულნე\ლად
Line of ed.: 4    გიცნა ღირსო ეკლესიამან და ენითა შვილთა თჳსთაჲთა ჴმობს ღუაწლთა შენთა სიმჴნესა,
Line of ed.: 5    რომელიცა შეიმკო სახედ ძოწეულისა და განშუენდა ბრწყინვალედ სისხლითა შენითა მოწამეო :
Line of ed.: 6    ღმერთსა ევედრე აწ მონიჭებად : გიხაროდენ შენ უმეტესო : უგალობდითსა : ეტლთა სიმრავლეჲ მჴედ :
Line of ed.: 7    დაღცათუ დამბადებელმან სიტყუამან ღმრთისამან შეიმოსა კაცებაჲ : და მით ნათელ იღო ჩუენთჳს ხოლო
Line of ed.: 8    არაითუ ბუნებით შეირწყუნეს : ღმთეებაჲ და კაცებაჲ : არამედ შეიყვნეს :
Line of ed.: 9    დაღაცათუ ვითარცა ტრედი იხილვა გუამითა დღეს სული უხილავი ნათლისღებასა ქრისტესსა, არამედ არა
Line of ed.: 10    ბუნებით აქუნდა გუამოვნებისა იგი ხატი, გარნა მსგავსებით :
Line of ed.: 11    შემდგომად დიდისა მის დღისა დღესასწაულისა განმანათლებელისა ნათლისღებისა უფლისა შე\ვამკოთ
Line of ed.: 12    ერნო მოღუაწისაცა ახლისა მოწამისა ჴსენებაჲ აბოჲსი :
Line of ed.: 13    რაჟამს მიიწია ბაბილონად მთავარი ქართლისაჲ, მაშინ ნეტარი ჰაბო შჯულითა ისმაიტელი შეიწყ\ნარა
Line of ed.: 14    განგებითა ღმრთისაჲთა და მის მიერ გულისხმაყო ძალი ქრისტეჲსი :
Line of ed.: 15    განიზრახა გულისხმისყოფითა მედგრობაჲ შჯულისა თჳსისა მამულისაჲ ქრისტეს მოყუარემან აბო
Line of ed.: 16    და მყის დაუტევა სიცბილი პირველი და აღიარა ღმრთეებაჲ : დაჰჴსენ : მოიხილე მივსცეთ ერნო :
Line of ed.: 17    მოიწია ჟამი ჩუენი წარმართთა ბნელთა განათლებისაჲ წყუდიადსა შინა მყოფთაჲ, რომელი მოვიდა უ\ხილავი
Line of ed.: 18    ნათელი ჴორცშესხმული, გალილეაჲთ იორდანესა და მიიღო დღეს ნათლისღებაჲ იორ\დანეს,
Line of ed.: 19    ვითარცა კაცმან ჴელითა წინამორბედისაჲთა : ვითარცა იხილა იოვანე უფალი ნათლისღებად : ეს\რეთ
Line of ed.: 20    ეტყოდა ერსა : ესერა მდომარე არს თქუენ შორის კრავი ღმრთისა მაღლისაჲ აღმხუმელი სოფლი\სა
Line of ed.: 21    ცოდვათაჲ : ესე არს მუშაკი კეთილი, ნაყოფიერ მყოფელი სულთაჲ და წმიდა მყოფელი ყოველთაჲ :
Line of ed.: 22    მორაჲ იწია სანატრელი ჰაბო, არეთა ქართლისათა, იწყო ვედრებად ღმრთისა მოყვანებისათჳს უმ\ჯობესად
Line of ed.: 23    და მოჰხედა უფალმან, შეიწყნარა თხოვაჲ მისი გულისხმა უყო შიში და სიყუარული
Line of ed.: 24    და ტრფიალ ჰყო მცნებათა მისთა ცხოველსმყოფელთა : მიერულა გონებისა სიბრმითა აგარეან\თა
Line of ed.: 25    ერსა, რომელთაგან გამოჩნდა, ვითარცა რაჲ ვარდი ეკალთაგან, დაუტევა შჯული უნდოჲ და შეიყუა\რა
Line of ed.: 26    სარწმუნოვებაჲ ქადაგებული მოციქულთაჲ ღუაწლით შემოსილმან აბო და იწოდა მსახურ სამებისა :
Line of ed.: 27    ვითარცა ესმა სანატრელსა ჰაბოს წიგნთაგან სულიერთა ახოვნებაჲ წმიდათაჲ, რომელი აჩუენეს სიმჴნით ქრისტეჲს\თჳს,
Line of ed.: 28    განიცადნეს ტანჯვითა, აღაგზნა საღმრთოჲთა შურითა და ისწრაფდა მსგავსყოფად მა\თა,
Line of ed.: 29    რაჲთა დასთხინეს უბიწონი სისხლნი თჳსნი ქრისტესჳს : გაკურთხე :

Type: gandzl.  
         განძლიერდასა : როემლმან დააფუძნა :
Line of ed.: 30    ღმრთად იცნა ქრისტე იორდანემან და შეძრწუნდა ძალისა მისგან შეუძრველისა, დასცხრა ოხრისაგან
Line of ed.: 31    დუმილით ისწავა კრძალულებით განბანად საუფლოთა მათ ჴორცთა შემოქმედისა ყოველთა ღმრთისა :
Line of ed.: 32    მსახურნი სამებისანი უხილავნი თანადგეს მაცხოვრისა ნათლისღებასა გარემოჲს საღმრთოსა სა\ბანელსა
Line of ed.: 33    წმიდა არსობით აქებდეს მხოლოდშობილსა ძესა ჴორცითა ჩუენთჳს ნათელღებულსა :
Line of ed.: 34    ბნელთა მათ აერთა ღრუბელთაგან უნაყოფოთა, ვითარცა ვარსკულავი გამობრწყინდა ქრისტჱს მო\წამე
Line of ed.: 35    და არეთა შინა ჩრდილოჲსათა მზეებრ გამობრწყინდა ნეტარი აბო და ჰნათობს ქართლისა მკჳდრთა :
Line of ed.: 36    ყუავილი სულნელი ძირთაგან უნაყოფოთა გამოჩნდა ფერითა მით მეწამულითა და სულმან წმიდამან
Line of ed.: 37    აღიტაცა ზეცად გონებითა და მუნ უჩუენა შუებაჲ წმიდატაჲ ყუავილოვანსა სამოთხისასა :
Line of ed.: 38    მჴეცთა მათ მძჳნვარეთა სისხლის მჭამელთა, მარადის მტერთა სულისა წმიდისათა, რაჟამს გულისხმაყვეს
Line of ed.: 39    სარწმუნოვებაჲ უქცეველი, რომელი აქუნდა ნეტარსა აბოს განიზრახეს მათ წარწყმედა მისი :
Line of ed.: 40    დედაო ძისა ღმრთისაო, უფალო მესმასა : ესმა მოსლვაჲ შენი დიდებული და დაუკჳრდა :
Page of ed.: 182   Line of ed.: 1    კბილთა მათ გუელისათა გესლოვან ყვეს პირველქმნული ხატად ღმრთისა დაბადებული, ხოლო ქრისტემან იორ\დანეს
Line of ed.: 2    განბანითა კუალად განასპეტაკა : ვითარცა ნათლისმცემელმან დაუსაბამოჲ ნათელი ნათ\ლისღებად
Line of ed.: 3    მომავალი ქრისტე ღმრთად იცნა და კრავად სახელი სდვა, რომელი დაკლვად იყო სოფლისათჳს :
Line of ed.: 4    ეძიებდეს შეპყრობად მოწამესა ქრისტესსა უშჯულონი, ხოლო იგი ნეფსით მიეცა ჴელთა მათთა, ვითარცა მჴსნელი :
Line of ed.: 5    მოსიკუდიდ ჴელთა ჰურიათასა : რამეთუ ცხოვრებაჲ ჩემი ქრისტე არს და სიკუდილი შესაძინელ არს, ესრეთ
Line of ed.: 6    ჰჴმობდი მოწამეო წინაშე უშჯულოთა მძლავრთა და მისთჳს დასთხიენ სისხლნი შენნი :
Line of ed.: 7    ისწავებდა წიგნთაგან და მოძღუართა ღრისად სარწმუნოვებასა და წესისა შჯულსა ნეტარო ჰაბო :
Line of ed.: 8    და სიხარულით ადიდებდა მამასა ძით და სულით წმიდითურთ : განუხრწნელი : ღამითგანსა, რომელმან შეიმოსე :
Line of ed.: 9    რომელმან განახუნა საქანელნი ცისანი და წყალნი იგი ზესკნელისანი და მოადინნა ქუეყანად დღეს განიბანების
Line of ed.: 10    ჴორცითა იორდანისა წყალთა : რომელმან შექმნა ზღუაჲ ესე დიდი და ვრცელი და ჴმელი ჴელთა მისთა
Line of ed.: 11    დაჰბადეს : დღეს ნათელს იღებს დაუღამებელი ნათელი თჳთ მნათობი არსებაჲ :
Line of ed.: 12    ეტყოდა რაჲ აბო ნათესავა თჳსთა კეთილ არს დატევებაჲ ბნელისაჲ და მოსწრაფებაჲ ნათელსა ღმრთის\მეცნიერებისასა
Line of ed.: 13    მონებად სამებისა : ესმა რაჲ ერსა ისმაიტელთასა, აღეგზნნეს ცეცხლებრ გულის\წყრომითა
Line of ed.: 14    და მჴეცებრ იღრჭენდეს კბილთა, რაჲთა მისცენ მოსიკუდიდ, აბო ქრისტეს მოწამეჲ :
Line of ed.: 15    არად შეჰრაცხა განრისხებაჲ უშჯულოთაჲ, არცა ყოვლად ზარ განჴდილ იქმნა, რამეთუ უყუარდა ქრისტჱ
Line of ed.: 16    და არაჲ დასცხრებოდა კითხვად წიგნთა მათ საღმრთოთა : დაჰჴსნდეს მ : ღაღტვყავსა შთავრდომილი სული :
Line of ed.: 17    ზეცით ჰხადა უფსკრულსა იორდანესა ზედა უფსკრულსა მას სიბრძნისასა მამამან ძესა ჴორც\შესხმულსა
Line of ed.: 18    და ესე ესმა იოვანეს, ვითარმედ ეგე არს ბუნებით ძეჲ ჩემი და თანასწორი არსებაჲ დაუსაბამოჲ :
Line of ed.: 19    დღეს დუმან მდინარენი და ოხრიან აერნი ღრუბელნი სამყაროთანი, აცურევენ ცუარსა საღმრთოსა,
Line of ed.: 20    შეითქუნეს მეტყუელი და უტყჳ იოვანე და იორდანე და შიშით განბანეს ჴორცნი მჴსნელისანი ყოვლად უცოდველნი :
Line of ed.: 21    მოიწია რაჲ აბოჲს ჟამი მოღუაწებისაჲ მყის მოიწინეს მსახურნი უშჯულოჲსა მსაჯულისანი, შეი\პყრეს
Line of ed.: 22    მოწამე ქრისტეჲსი და შეკრული საკრველითა სამშჯავროდ მისცეს უმშჯავროდ და ჰგუემდეს სმბსდ მჴსლისა :
Line of ed.: 23    განიხარა ნეტარმან უმშჯავროდ გუემაჲ ქრისტესთჳს იწყო დაუცადებელად საპყრობილესა მას შინა სულ\თქუმითა
Line of ed.: 24    ჴმობდა ქრისტეს მიმართ : აჰა ესერა სიხარულით დავსდებ შენთჳს სულსა ჩემსა, შეივედრე მჴსნელო :
Line of ed.: 25    აუწყა მას ქრისტემან ჟამი აღსრულებისაჲ მოსცა სიმჴნე გულსა მისსადა სიმტკიცეჲ გონებასა მისსა :
Line of ed.: 26    მას ჟამსა ჰრქუა მისთანათა მათ არღარა სადა მიხილოთ, რამეთუ მსურის მე განსლვად და ქრისტეს
Line of ed.: 27    თანა ყოფად : ტაკუკი ხარ მრმ : კურთხეულარსსა : უფროჲსად აღმაღელბულმან :
Line of ed.: 28    შეინანა დაბადებაჲ კაცისაჲ დამბადებელმან და რისხვით აღჴოცნა წყლითა ნოვესზე ნათესავნი
Line of ed.: 29    აწ მიტვე წყლითა მჴსნელმან აღჴოცნა ცოდვანი ჩუენნი : ღმრთეებისა სამჭედურმან შთაიცუა
Line of ed.: 30    ვითარცა მატლი მიწისაგანი ბუნებაჲ და მით მოინადირა წყალთა შინა ვეშაპი მომზირალი ბრჭალთა ჩუენთაჲ :
Line of ed.: 31    აღეგზნეს გულისწყრომითა უღმრთონი ისმაიტელნი ჰაბოისთჳს მოღუაწისა და ეტყოდეს მსაჯულ\სა
Line of ed.: 32    წარწყმიდე მაცთური ესე დამჴდომი შჯულისა ჩუენისაჲ : მოჰყვანდა ვითარცა კრავი ნეფსით თვისით
Line of ed.: 33    დაკლვად ქრისტეთჳს გზასა მას წამებისასა განსცხრებოდა სიხარულით მოუდრიკა თავი მახჳლსა და შეჰ\ვედრა
Line of ed.: 34    სული უფალსა, რომლისა აღმსარებელი მამისა მადიდებელი მაქებელი სულისაჲ უშჯულოთა
Line of ed.: 35    ჴელითა დაიკლა ვითარცა კრავი და შეიწირა მსხუერპლად ღმრთისა : ერთი გუამი : აკურთხევდითსა : შენ მხოლოსა :
Line of ed.: 36    იორდანესა ვითარცა უზეშთაესსა ყოველთა მდინარეთასა მაქებელ ვექმნნეთ, რომელი განწმიდა დღეს სულმან წმიდამან
Line of ed.: 37    და ემბაზ ექმნა საღმრთოთა ჴორცთა ქირსტესთა : დაჰბადე ქრისტჱ ადამ ხატად ბრწყინვალედ, რამეთუ მაც\თურმან
Line of ed.: 38    აცთუნა და დააბნელა, არამედ მოხუედ და კუალად ბრწყინვალე ჰყავ ნათლისღებითა და მაცთუ\რი
Line of ed.: 39    დააბნელე : შიში უღმრთოთაჲ განაგდეს მორწმუნეთა და სურვილით ამბორს უყოფდეს უ\ბიწოსა
Line of ed.: 40    ქრისტეს მოწამესა, რაჟამს იხილეს აღსრულებული ქრისტესთჳს კეთილითა აღსარებითა :
Page of ed.: 184   Line of ed.: 1    გამოჩნდა ზეცით ვარსკულავი მოტყინარეჲ ღამესა ბნელსა მზეებრ ბრწყინვალედ გუამსა ზედა ქრისტეს მო\წამისასა
Line of ed.: 2    პატივად ღუაწლთა აბო მჴნედ მოღუაწისათა : შეკრიბნეს ძუალნი ახოვნისა აბოჲ\სნი
Line of ed.: 3    და შთაყარნეს დიდსა მას მდინარესა, ხოლო იგინი ბრწყინვიდეს წყალთა შინა, ვითარცა მთიებნი ყოვლად მნათო\ბითიერნი :
Line of ed.: 4    შენ ხარ სამებაჲ გარეშე : ადიდებდიტსა : ესაია მხიარულ იყავ, ქალწულ
Line of ed.: 5    რომელმან შეკრიბნა წყალნი შესაკრებელსა ერთსა საღმრთოჲთა ბრძანებითა და დაადგინნა, ვითარცა თხიერთა უ\ფსკრულისა
Line of ed.: 6    საუნჯეთა ღმრთისა სიტყუამან წყლითა ნათელსცა წინამორბედმან
Line of ed.: 7    დაუსაბამოჲსა მზისა ნათლისა ნათლისღებითა დამბდაბლებულ არიან და დაბნელებულ უკუნისამდე მავ\ნებელნი
Line of ed.: 8    სულნი ბოროტნი და მზეებრ ნათობენ ნათელღებულნი ადამეანნი :
Line of ed.: 9    ზეგარდამო წოდებული სარწმუნოჲ ქრისტეს მოწამეჲ სანთელი განბრწყინვებული, ნეტარი ჰაბო : და\ფარეს
Line of ed.: 10    აქა ჴორცითა ისმაიტელთა, ხოლო ქრისტეს მიერ ნათობს სულითა სასუფეველსა :
Line of ed.: 11    უვარისმყოფელნი შენნი მომსრველნი მართალთანი სიცრუვისა მოქმედნი ურწმუნონო ისმაიტელნი :
Line of ed.: 12    ქრისტე მისცენ მწარესა მას საუკუნესა სატანჯველსა დაუსრულებელსა :
Line of ed.: 13    უძლეველო მოწამეო, სრბაჲ კეთილად აღასრულე და აწ მკჳდრ ხარ ნათელსა გამოუთქუმელსა :
Line of ed.: 14    ევედრე ქრისტესა, რაჲთა დაამჴუნეს მტერნი ჩუენნი აგარეანნი და ძლევაჲ მოსცეს მეფესა ჩუენსა : არაჲთუ აქებსა :
Line of ed.: 15    რაჟამს იხილნა დაბადებულთა : განწმიდნა წყალნი წყალთა დამბადებელმან განიბანა რაჲ, მათ შინა ორითა ბუ\ნებითა
Line of ed.: 16    აკურთხნა სულისა მიერ წმიდისა და ჩუენ მოგუანიჭა მომრ მჴსნელმან ნათელღებულთა სასუფეველი :
Line of ed.: 17    მდინარეჲ ღმრთისაჲ აღივსო საღმრთოჲთა წყლითა ცხოველითა დღეს იორდანე რაჟამს შეეზავა წყაროჲ უ\ხრწნელებისაჲ
Line of ed.: 18    სიტყუაჲ ღმრთისაჲ, რომლისა ცუარითა იხარებს ჯეჯილი სულთა მართალთა ნათელღებულთაჲ :
Line of ed.: 19    ვითარცა ესმა ჴმაჲ ზეცით იოვანეს ოხრაჲ მამისაჲ, მას ჟამსა ჰრქუა ერსა აჰა ესერა, მდგომარე არს თქუენ
Line of ed.: 20    შორის კრავი ღმრთისაჲ, მე ნათელს გცემ წყლითა იგი ნათელს გცემს სულითა წმიდითა და ცეცხლითა :
Line of ed.: 21    რაჟამს შეჰვედრა აბო სული ღმერთსა, ზეცისა გუნდნი წინა უძღოდეს მას სიხარულით აღიყვანეს გა\ლობითა
Line of ed.: 22    ზეცად და მამაჲ აბრაჰამ მიეგებვოდა და შეიწყნარა წიაღთა თჳსთა :
Line of ed.: 23    რაჟამს მიუპყრა მოწამემან ქრისტესმან ღუაწლისა მძლემან მახჳლსა ქედი თჳსი ქრისტესთჳს, მას
Line of ed.: 24    ჟამსა ჴმა ყვეს მაღლით უჴორცოთა, აღმოვედ ჩუენთანა გიწესს უფალი და იხარებდი წინაშე მისსა :
Line of ed.: 25    რომელთა მოკლეს უმშჯავროდ ნეტარი ჰაბო დაესაჯა მათ საშჯელი საუკუნოჲ ჯოჯოხეთი
Line of ed.: 26    და ბნელი იგი გარესკნელისაჲ, ხოლო იგი ბრწყინავს წინაშე ღმრთისა ნათელსა შინა უკუნისამდე :
Line of ed.: 27    რაჟამს მოვიდეს მსაჯული სახიერი და დაჯდეს განკითხვად საყდართა სუფევისა თჳსისათა :
Line of ed.: 28    მაშინ მეოხ გუეყავ ნეტარო ჰაბო წინაშე ღმრთისა სულთა ჩუენთათჳს :
Line of ed.: 29    უზეშთაეს ხარ ქერობინთასა ღირსო უშუენიერეს ყოველთა სამკაულთა ღმრთისმშობელო უნათ\ლეს
Line of ed.: 30    მნათობთა სამყაროჲსათა, რომელმან საღმრთოჲთა მადლითა სავსეჲ ჰნათობს მარადის წინაშე ღმრთისა : შენ სიქა\დული :


Next part


This text is part of the TITUS edition of Mikael Modrekili, Hymnography.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.