TITUS
Mikael Modrekili, Hymnography
Part No. 45
Previous part

Part: 01_13  
Line of ed.: 8    თ̃ა იანვარსა ი̃გ განცხადებისა მსგავსი და ჴსენებაჲ ღმერთშემოსილთა მამათა
Line of ed.: 9    სინელთაჲ : უფალო ღაღატვყავსა : ჴმაჲ დ გ̃ი : უფალო პირველ საუკუნეთა სიტყუაჲ :
Line of ed.: 10    უფალო დაღაცათუ ვითარცა კაცი წინაშე იოვანესსა სდეგ, არამედ დაუკლებელ იყავ მარჯუენით მამისა ჯდო\მასა
Line of ed.: 11    და ნათელს იღე ჩუენთჳს და განმათავისუფლენ ჩუენ მონებისაგან და მაცხოვნენ ჩ̃ნ ღ̃ო ჩ :
Line of ed.: 12    უფალო დაღაცათუ ვითარცა კაცმან ნათელს იღე იორდანესა, არამედ ზეცით იწამე დღეს მამისა მიერითა ჴმითა :
Line of ed.: 13    და სულისა წმიდისა გარდამოსლვითა შენ ზედა დასთრგუნე მტერი და მაცხოვნენ ჩ̃ნ ღ̃ ჩ :
Line of ed.: 14    უფალო საჭურველად მტერთა წყობისა მომეც მოსავთა შენთა წმიდაჲ ნათლისღებაჲ, რომლისა მიერ ზარგანჴდილ\ნი
Line of ed.: 15    ივლტიან ჩუენგან, რომელი განანათლებს სულთა და დაჰჴსნის საცთურსა, ამისთჳს ჩ̃ნცა ვ̃ა ღ̃თ ხარ თაყ̃ნს გც̃მთ მძლავ :
Line of ed.: 16    უფალო დაღაცათუ მსახურთა შენთა დაუტევეს სოფელი ესე და მოიძულეს სოფელი ესე, არამედ შენ მხო\ლოჲ
Line of ed.: 17    მოგიგეს საფასეჲ წარუვალი და შენთჳს დასთხინეს სისხლნი და მოიგეს შენგან გჳრგჳნი,
Line of ed.: 18    ღმერთო ჩუენო მრავალმოწყალე : უფალო დაღაცათუ ქალწულისაგან შობაჲ : სხუანი :
Line of ed.: 19    მოვედით მორწმუნენო განწმედილითა გულითა და ვდღესასწაულობდეთ, რამეთუ დღეს იოვანე წინა\მორბედი
Line of ed.: 20    ქრისტეჲსი სრბასა თჳსსა აღასრულებს, რომელი ღირს იქმნა თუალით ხილვად რომელსაცა ვერ იკად\რებენ
Line of ed.: 21    თუალთა მათთა შედგომად ქერაბინ სერაბინნი : ამან ქქადაგმან ღელვათა შინა თავსა
Line of ed.: 22    მისსა საღმრთოსა ჴელი შეახო, რომელმან დასხნა საუნჯენი იგი მთათანი და აღმოაცენნა მდინარენი :
Line of ed.: 23    ამას უგალობდეთ, რომელი განსცხადენ იორდანეს ღმერთო ჩუენო, დიდებაჲ შენდა :
Line of ed.: 24    მოვედით მორწმუნენო განწმედილითა სულითა და ქრისტე შევიმოსოთ, რომელი დღეს წყალთა მიერ
Line of ed.: 25    მეორედ შობაჲ მოგუეცა, რომელ იგი ნოვესზე უშვილო იყვნეს ყოველნი წყალნი მდინარენი, ამან დაჰჴს\ნა
Line of ed.: 26    პირველი იგი ყოველთა შეცოდებაჲ, ხოლო აქა დღეს წყალთა მათ შინა შემუსრა თავები ვეშაპისაჲ
Line of ed.: 27    და მისცა ერსა მას ჰინდოელისასა ესე არს ნათელი ნათლისაგანი ნათლისღებად ჩუენთჳს მოს\რული :
Line of ed.: 28    ამას უგალობდეთ, რომელი იორდანეს განსცხადენ, ღმერთო ჩუენო, დიდებაჲ შენდა :
Line of ed.: 29    რომელი განჰმზადებდა გზათა მაცხოვრისათა დიდი წინამორბედი დღეს გჳჩვენებს ჩუენ ყოველთა მზესა მას
Line of ed.: 30    სიმართლისასა იორდანეს აღმომავალსა, ვითარცა თქუა ღმრთისმგალობელმან მან ებნითა ფსალმუნისაჲ\თა
Line of ed.: 31    საღმრთომან დავით : მთანი იშუებენ წინაშე ღმრთისა, რომელი მოვალს და ბორცუნი ვითარცა კრავნ იმღე\რიან,
Line of ed.: 32    რომელნი უფალსა თჳსსა ჴორცითა ჰხედვენ ნათელსღებულსა : ამას უგალობდეთ, რომელი იორდანეს განსცხადნა :
Line of ed.: 33    მოვედით მორწმუნენო ყოვლად ქებულთა მამათა ერთობით შევასხმიდეთ, რომელთა ცხოველსმყოფელი :
Line of ed.: 34    მცნებაჲ ღმრთისაჲ აღასრულეს, დაუტევეს ყოველივე, აღიღეს ჯუარი და შეუდგეს მას : მძლედ გამოჩნდეს ღელ\ვათა
Line of ed.: 35    და შფოთთა სოფლისათა ნავთსაყუდელითა მით უდაბნოჲსაჲთა და კუალად სიმჴნით აჩუე\ნეს
Line of ed.: 36    ღუაწლი მოწამებისაჲ და ზეცას მოიგეს ორი გჳრგჳნი მონაზონებისა და წამებისაჲ და მის
Line of ed.: 37    წინაშე სუფევენ : ამათ უგალობდეთ : ღმერთშემოსილნო მამანო, მეოხ გ მ̃ვდით მორწ ოხ̃თჲ :
Line of ed.: 38    საცნაური მადლი სულისაჲ, რომელი გარდამოჴდა იორდანესა, სახითა ტრედისაჲთა ნათლისღებასა ქეს\სა
Line of ed.: 39    შეიწყნარეთ თქუენ ყოვლად ქებულნო მჴნენო უდაბნოჲსა სამკაულნო, ღირსნო მამანო და მის მ̃რ
Line of ed.: 40    გამოჰბრწყინდით ყოვლით კერძოვე უდაბნოჲ გაქუნდა საშუებელად : სანატრელნო და ყ̃ი დიდებაჲ
Page of ed.: 202   Line of ed.: 1    საწუთროჲსაჲ შეჰრაცხეთ საუცრად და ნაგევად და ქრისტესთჳს დასთხიენით სისხლნი თქ̃ნნი :
Line of ed.: 2    და აწ ევედრენით ქრისტესა მოცემად ჩუენდა დღს დიდი წყალობაჲ : უგალობდითსა : უგალობდეთ უფალსა მორწ :
Line of ed.: 3    დასწუენ იორდანისა მდინარითა ცოდვანი კაცთანი ღმერთო და მიჴსნენ ბნელისაგან, ამისთჳს განწმედილნი
Line of ed.: 4    გიგალობთ, რომელიცა დიდებულ ხარ : ყოველნი ბუნებანი კაცობრივნი იორდანისა წყალთა განაახლნა მაცხოვარ\მან :
Line of ed.: 5    ამისთჳს მორწმუნენი უგალობთ, რომელიცა დიდებულ არს : მოღუაწებაჲ წმიდათაჲ შეიწყნარე ქ̃ჱ, რ̃ჟს
Line of ed.: 6    დაჰბეჭდეს ღუაწლსა სისხლთა დათხევითა და ნათელს იღეს მჴნეთა და იშვნეს მეორედ სულითა :
Line of ed.: 7    უსხეულოთა ბუნება :

Type: moix.  
         მოიხილესა : მოსე დიდმან წინასწარმეტყუელმენ : მოიხილე მაღლით წმიდით მოწ\ყალე
Line of ed.: 8    შეწევნად ჩუენდა მორწუნეთა შენთა, შეწუენ ცოდვანი ჩუენნი საღმრთოჲთა ცეცხლითა
Line of ed.: 9    უსხეულოჲთა, რომელი შეჰზავე წყალთა იორდანისათა, რომლითა განიბანე მჴსნელო :
Line of ed.: 10    მორწმუნენო აღვიაროთ ძეჲ ღმრთისაჲ, მხოლოჲ ორითა ბუნებითა, ღმერთი და კაცი სრული იორდანეს
Line of ed.: 11    ჴორცითა განბანით და ზეცისა ძალთაგან წმიდა არსობით ქებული, მამით და სულით წმიდითურთ :
Line of ed.: 12    განბანილნი წყლითა და სულითა ისხურენით სისხლითა თქუენითა და ზეცისა ტაბლასა
Line of ed.: 13    შეიწირენით სულად სულნელად საკუერთხად მეუფისა ღმერთშემოსილნო მა\მანო
Line of ed.: 14    და ჰსუფევთ სასუფეველსა : სიბრძნე ბრ :

Type: gandzl.  
         განძლიერდასა : შენ ხარ დამამტკიცე
Line of ed.: 15    შენ უფალო მოხუედი აჰჴოცად ცოდვათა პირველთა იორდანეს ნათლისღბითა დღეს ადამ მამისა
Line of ed.: 16    ჩუენისათა : შენ რომემან თავს იდევ შთაცუმად ბუნებაჲ კაცობრივი გიხილა რაჲ იოვანე ჴმაყო აჰა ძეჲ
Line of ed.: 17    და კრავი ღმრთისაჲ, ცრემლითა და სისხლითა ნებისმყოფელთა მათ ღმრთისათა განიბანეს ცოდვაჲ კაცო\ბრივი
Line of ed.: 18    და ღირს იქმნნეს სასუფეველსა : ჩუენ ყოველნი მოგიგებთ : უფალო მესამსა : მესმა პირვე :
Line of ed.: 19    რაჟამს ინებე ქრისტე განჴორციელებაჲ ქალწულისაგან და ნათელ იღე იორდანეს, განჰბანენ ცოდვანი და\ბადებულთანი
Line of ed.: 20    რომელი მოხუედ ცხოვრებისათჳს სულთა ჩუენთაჲსა : ძჱ ღმრთისაჲ მხოლოჲ განჴორციე\ლებულ
Line of ed.: 21    იქმენ ქალწულისაგან და ზეცით მამამან გწამა შენ მოსლვითა სულისა წმიდისაჲთა
Line of ed.: 22    მაღლით დღეს იორდანეს ცხოვრებისათჳს სულთა ჩუენთაჲსა : ცანი იშუებენ და ქუეყანაჲ იხარე\ბს
Line of ed.: 23    დღეს და ზღუაჲ განსცხრების და მდინარენი გამოსცემენ ოხრასა, რამეთუ მათ შინა შთავიდა მჴს\ნელი
Line of ed.: 24    ჩუენი ცხოვრებისათჳს სულთა ჩუენთაჲსა : ღმერთშემოსილნო განიძარცუეთ ძუელი კაცი
Line of ed.: 25    საქმითურთ მისით და ქრისტე ღმერთი შეიმოსეთ და მიემსგავსენით სისხლთა დათხევითა და ბარბაროზთაგან
Line of ed.: 26    მოჰსრენით ღირსნო მამანო : ყოველთა მზრდელსა : ღამითგანსა : განგუანათლენ ჩ̃ნ ნათ :
Line of ed.: 27    აცურიეს ცუარი ღრუბელთა სიხარულით ქრისტე მოსლვისა შენისაჲ, რაჟამს გიხილეს ზეცით მოსრული :
Line of ed.: 28    ცხოვრებად კაცთა იორდანეს : შენ მჴსნელო წყლითა ნათელს გცა დღეს წინამორბედმან, ხ̃ რ̃ჟს
Line of ed.: 29    დაგდვა მარჯუენე თავსა, ნათელს იღო მან განცხადებულად შენ ღმრთისაგან :
Line of ed.: 30    მსხუპერლად ქრისტესა შეწირულ იქმნენით ნეტარნო, რამეთუ პირველ დაკლვისა თქუენისა შემკულ იყვენით : სათ\ნოვებითა
Line of ed.: 31    კეთილითა : მეოხ გუეყავ ჩუენ ძისა შენისა : ღაღატვყავსა : მომეც სამოსელი ბრწ
Line of ed.: 32    გამოშჩნდი დღეს იორდანეს მჴსნელო, რაჲთა განჰბანნე კაცნი ცოდვათა მათთაგან და მოეც სული
Line of ed.: 33    წმიდაჲ დაბადებულთა : განმეხუნეს ჩუენ ბჭენი ცათანი დღს შენ მიერ ქრისტჱ, მჴსნელო, რომელნი დამეჴშ\ნეს
Line of ed.: 34    ურჩებითა მამისა პირველისაჲთა : შეგშურდა თქუენ მსხუერპლი აბელისი, მამანო სა\ნატრელნო
Line of ed.: 35    და წარუდგინენით სულნი და ჴორცნი თქუენნი მსხუპერლად ქრისტესა : სამკჳდრე :

Type: kurtx.  
         კხ̃რსსა :
Line of ed.: 36    ყრმათა ღმრთისმსახურთა : ნათლისღებასა შენსა იორდანეს ქრისტე, დაიჴსნა მტერობაჲ პირველი და :
Line of ed.: 37    განიდევნა ბნელი იგი ჩუენთა ცოდვათაჲ და განათელბულნი გიღაღადებთ : კხ̃რ ო̃ო უკ̃ე :
Line of ed.: 38    იხილა რაჲ იოვანე მაცხოვარ სიმდაბლეჲ შენი აღმამაღლებელი ბუნებასა კაცთასა ჴმაყო : აჰა ესერა
Line of ed.: 39    კრავი ღმრთისაჲ მომავალი, რომემან აღიხუნეს ცოდვანი სოფლისანი : ზეცით მამაჲ წამებდა შენთჳს ქ̃ჱ და
Line of ed.: 40    სული წმიდაჲ თანასწორი ბუნებითა სახედ ტრედისა გარდამოჴდა და მორწმუნენი ესრეთ ღაღადებდეს და იტ\ყოდეს :
Page of ed.: 203   Line of ed.: 1    სარწმუნოთა მსახურთა შენთა ქრისტჱ აღიღეს შური ნათლისღებისაჲ დღეს და სისხლთა მათთა და\თხევითა
Line of ed.: 2    კუალად ღირს იქმნნეს მეორედ შობასა და იტყოდეს : კუ მოვედით ყ

Type: akurtx.  
         აკხ̃სა : მთასა ზ̃ა მო :
Line of ed.: 3    მჴსნელსა ჩუენსა განჴორციელებულსა მუცლისაგან ცეცხლსა ღმრთეებისასა, რომელმან ყო იორდანე საჴუმილ
Line of ed.: 4    შემწუველ, ყოველნი ვაკურთხევთ და აღვამაღლებთ უკუნისამდე : ღმერთსა ჩუენსა გარეშეუწერელსა, უხილავსა ძალთაგან
Line of ed.: 5    ზეცისათა და დღეს იორდანეს ნათელსღებულსა ჩუენთჳს ყოველნი ვადიდებდეთ : ღმრთის მსახურთა მამათა სანატ\რელთა
Line of ed.: 6    საშუებელი სოფლისაჲ მოიძულეს, აღიღეს ჯუარი და შეუდგეს ქრისტესა, რომელსა ვაკურთხევთ : და აღ
Line of ed.: 7    რომელნიცა ანგელოზისაგან : ადიდებდითსა : შენ რომელი უქორწინებელ ხარ : შენ რომელი კაც იქმენ ქალწულისაგან
Line of ed.: 8    ქრისტე ღმერთო, შენ როემლმან დღეს მოუდრიკე თავი ნათლისმცემელსა და შეჰმუსრე თავი მტერისაჲ იორდანეს გალო
Line of ed.: 9    შენ რომემან ინებე წყალთაგან აღჴოცაჲ ცოდვათაჲ, შენ რომელმან დღეს გარდამოსლვითა სულისა წმიდისაჲთა იორ\დანეს
Line of ed.: 10    დაანთქ ბრალთა ჩუენთა პატიჟი, გალობითა დაუდუმებელითა გადიდებთ : წყლისაგან და სულისა ნათელს იღეთ ღირსნო
Line of ed.: 11    პირველად და დღეს შესძინეთ განბანაჲ სისხლითა უბიწოჲთა და ღირს იქმნენით თქუენ წამებისა გჳრ\გვჳნსა :
Line of ed.: 12    გალობითა დაუდუმებელითა გადიდებთ : შენ უქორწინებელო : აქებდითსა : უფალო დაუსაბამოჲ სიტყუაჲ :
Line of ed.: 13    უფალო აღსრულებად ინებე საიდუმლოჲ განგებულად რაჟამს მონისაგან ითხოვდ ნათლისღებასა შემოქ\მედი
Line of ed.: 14    წყალთაჲ, რაჲთა ბუნებაჲ კაცობრივი ცოდვითა მომწყდარი აღადგინო სულისა წმიდისა მოსლვითა
Line of ed.: 15    წყალთა მათ ზედა იორდანისათა, რომლითა მიერ წარჰრღუენ პირველი შეცოდებაჲ მჴსნელო სულთა ჩუენთაო :
Line of ed.: 16    უფალო, რაჟამს სათნო იჩინე მოძიებაჲ წარწყმედულთაჲ ჟამთა მათ უკუანაჲსკნელთა უჟამოჲ ღმერთი დღეს
Line of ed.: 17    ქუეყანად მოხუედ ანგელოზთაგან ქებული მონისაგან ნატლისღებად, რომლისა ვერ შემძლებელ არიან
Line of ed.: 18    თუალთა შედგმად ქერაბინ სერაბინნი, იორდანისა წყალთა განბანაჲ ჯერ იჩინე მჴსნელო სულთა ჩ̃თო :
Line of ed.: 19    ჰხჳდოდეთ სათნოდ უფლისა ღირსნო და სიმჴნით ემსგავსენით ღუაწლსა მას მოწამეთასა განიწმი\დენით
Line of ed.: 20    სულნი და ჴორცნი და შეურაც ჰყავთ მახჳლი და სურვიელად დასთხიენით სისხლნი თქ̃ნ\ნი
Line of ed.: 21    ქრისტეს ღმრთისათჳს და დაიდგთ თქუენ გჳრგჳნი წამებისაჲ, ჩუენთჳსცა ნუ დასცხრებით ვედრებად ღ̃თისა
Line of ed.: 22    მიმართ ცხოვრებისათჳს სულთა ჩუენთათჳს : უფალო, რაჟამს სათნო იჩინე : სხუანი დასდებელნი პირველ ქმნული ადამ :
Line of ed.: 23    იყო იორდანე ოდესმე შემწყნარებელ კიდობანსა შჯულსა ღმრთისასა, ხოლო აწ შეიწყნარა შჯულისა : მომ\ცემელი
Line of ed.: 24    უფალი, მოსრული მისა ნათლისღებად სიმდაბლით განმწმედელად ცოდვათა, რომელსა უღაღადებთ
Line of ed.: 25    აღსარებით : მომიჴსენე მჴსნელო სასუფეველსა შენსა : მოხუედ იორდანეს ქრისტე მოტევებისა წყაროო და შე\იმოსენ
Line of ed.: 26    წყალნი, რომელმან სეჰმოსენ ცანი ღრუბლითა და მწინკული ცოდვათა ჩუენთაჲ განჰბანე წყლითა
Line of ed.: 27    კაცთმოყუარეო და წმიდა ჰყვენ სულითა წმიდითა სულნი ჩუენნი მოწყალე და გიღაღადებთ : მომჴ
Line of ed.: 28    გუეუწყა მორწმუნეთა ნათლისღებითა შენითა ქრისტჱ სამებისა ერთარსებაჲ, რამეთუ მამაჲ ზეცით წა\მებდა :
Line of ed.: 29    ეგე არს საყუარელი ჩემი ბუნებით განუყოფელი და სული წმიდაჲ სახედ ტრედისა გარდა\მოჴდა
Line of ed.: 30    შენ ზედა, ამისთჳს ვიტყჳთ : მომიხსენენ ჩუენ : მსხუერპლად სულიერად შეიწირენით ღირსნო მა\მანო
Line of ed.: 31    და ზეცისა შუებასა მიიწიენით ღმერთშემოსილნო, გუემაჲ ჴორცთაჲ დაითმინეთ მისთჳს, რ̃ი
Line of ed.: 32    ჯუარსეცუა ჩუენთჳს და სულითა ცხოველნი ჰნათობთ წინაშე მისსა და ესრეთ ჰგალობთ : მომიჴსე
Line of ed.: 33    დედასა შენსა ქრისტე, რომელმან ჴორცითა : სხუანი ა გ̃ი : უფალო, რომემან პირველ დასაბამსა დაჰბა :
Line of ed.: 34    უფალო, რაჟამს ინებე შენ ძიებაჲ წარწყმედულთაჲ უხილავი ღმერთი იხილვე ჴორცითა კაცთმოყუარებისათჳს
Line of ed.: 35    ვითარცა კაცი და ინებე უცოდველმან განბანაჲ, მოვედით ყოველნი ნათესავნი ამას თაყუანისვსცემ\დეთ,
Line of ed.: 36    რომელმანცა შემუსრა წყალთა შინა ნათლისღებითა თავი იგი ბოროტისა მის მაცთურისა გუე\ლისაჲ
Line of ed.: 37    და განბანო ჩუენ გესლი იგი კბილთა მისთაჲ, რომლისათჳსცა გამოჴსნილნი ვადიდებთ : და
Line of ed.: 38    ესრეთ უღარადებთ : მომეც ჩუენ სიხარული გევედრებით და დიდი წყალობაჲ : დიდებაჲ შენდა :
Line of ed.: 39    უფალო, რაჟამს ნათელს იღე ჴორცითა წყალთა შინა, მაშინ ეუწყა კაცთა ღმრთეებაჲ შენი, რაჟამს ჴმითა ოხრი\საჲთა
Line of ed.: 40    გწამებდა მამაჲ ზეცით ძედ საყუარელად, რომელიცა თანა მოსაყდრე ხარ საუკუნითგან სიტყუაჲ
Line of ed.: 41    Ⴔ204|Ⴇნ16
Line of ed.: 42    უჟამოჲ ღმერთი ღმრთისაგან შობილი, ჟამთა აღსასრულსა განჰკაცენ უქცეველად და დღეს წინა\მორბედსა
Line of ed.: 43    მოუდრიკე უხრწნელი თავი ნათლისღებად, რაჲთა სახითა სიმდაბლისაჲთა ზეშთა
Line of ed.: 44    აღამაღლო შენ ბუნებაჲ კაცობრივი, დიდ არს განგებულებაჲ საიდუმლოთა შენთაჲ მოწყალე დ̃ბჲ შ̃ა :
Line of ed.: 45    უზეშთაეს ბუნებისა საკჳრველებაჲ ღმრთეებისა შენისაჲ ვინმე მიუთხრას საშინელი და
Line of ed.: 46    დიდებული საიდუმლოჲ სიბრძნისა შენისაჲ, რამეთუ კაც იქმენ, ვითარცა ინებე, ხოლო ძალი ღმრთეებისა შენისაჲ
Line of ed.: 47    გამოაჩინე, რაჟამს მოუდრიკე მონასა თავი უცოდველმან და აღჰჴოცენ ცოდვანი სოფლისანი
Line of ed.: 48    ვითარცა ღმერთ ხარ და ნათელი უკუდავებისაჲ კაცთა მოჰმადლე სახიერ კაცთმოყუარე, ამის\თჳს
Line of ed.: 49    გიღაღდებთ : მომეც ჩუენ სიხარული გევედრებით და დიდი წყალობაჲ : დიდებაჲ შენდა :
Line of ed.: 50    უფალო სარწმუნოთა მსახურთა შენთა სიყუარული სოფლისაჲ მტერობად შეჰრაცხეს : და ს̃დ შე\ყუარებულნი
Line of ed.: 51    შენნი ტრფიალ იქმნნეს საღმრთოსა შენსა სიყურულსა, ღ̃თისა სიტყუაო :
Line of ed.: 52    პირველ ჟამისა ცნობილთა შენგან გიცნეს ღმერთი ყოველთაჲ შენთანა ივნეს ახოვანთა და შენთა\ნა
Line of ed.: 53    ღირსად იდიდნეს სასუფეველსა აღთქუმისა მისებრ და სიფევენ წინაშე შენსა ღირსნი
Line of ed.: 54    მამანი, მათ მიერ გევედრებით და ესრეთ ვღაღადებთ : მომეც ჩუენ სი : უფალო რაჟამს მოიწია ჟა :
Line of ed.: 55    დასდებელნი წმიდისა ნათლისღებისა და მამათა სინელთანივე : უფალო ღაღატვყავსა : ჴმაჲ დ გ̃ი : მთასა თაბო :
Line of ed.: 56    უპირატეჲსი ყოველთა საუკუნეთაჲ სიტყუაჲ მხოლოჲ და სიბრძნეჲ ღმრთისა მამისაჲ შობილი და
Line of ed.: 57    არა ქმნული, მთავარი მფლობელი ზეცისა მთავრობათაჲ, შემოქმედი საუკუნეთაჲ, უწი\ნარეს
Line of ed.: 58    მზისა შობილი წინა საუკუნეთა ყოვლადვე ყოფილი თჳთ მნათობი ნათელი დაუსაბამოჲ
Line of ed.: 59    გამოჩნდა ღრუბლისაგან სულმცირისა უბიწოჲსა სიჩრდოჲსა მარნართაჲსა ქალწუ\ლისა
Line of ed.: 60    საშოჲსა და დღეს გალილეაჲთ მოვიდა იორდანეს ნათლისღებად და საღმრთოჲთა
Line of ed.: 61    ნათლითა განანათლნა სულნი ჩუენნი :
Line of ed.: 62    ფრთეთა მათ ზ̃ა ქერობინთასა მჯდომარეჲ : უხილავი : შეუწერელი ღ̃ი : რ̃ი პირველ იხილა :
Line of ed.: 63    ჩუენებით ქადაგმან საღმრთომან ესაია, დაიმდაბლა მან თავი თჳსი და ხატი მონებისაჲ მიიღო :
Line of ed.: 64    იპოვა ხატითა ადამისითა ხატი და ბრწყინვალებაჲ ღმრთისა მამისაჲ და თანამფლობელი
Line of ed.: 65    სულისა წმიდისაჲ მიიღო ბუნებაჲ ჩემი და ღმერთ ღმერთყო შეზავებითა და დღეს ჴორცითა მოვიდა გ̃ნ\ბანად
Line of ed.: 66    უცოდველი, რომელმან აღიხუნა ცოდვანი სოფლისანჲსი :
Line of ed.: 67    ლმობიერად დამარხვითა მცნებათა მჴსნელისათა დაუტევეთ მამანო დიდებაჲ წარმა\ვალი
Line of ed.: 68    და შუებაჲ სოფლისაჲ საუცრად შეჰრაცხეთ ძიებისათჳს მერმისა მის წარუვალისა
Line of ed.: 69    დიდებისა აღიღეთ შური მოსეჲსი ღმერთშემოსილნო და მსგავსად მისა მოისწრაფეთ მთასა მას წ̃სა
Line of ed.: 70    სინასა ნეტარნო, ვინაცა ჰზრახევდით ღმერთსა სულითა განწმედილითა და ფიცართა მათ წილ ქვი\სათა :
Line of ed.: 71    გამოიწერენით გინებასა საღმრთონი მცნებანი მისნი და სსრულებით აღასრულენით :
Line of ed.: 72    იხილეთ ღმერთი მთასა მას ქორებისასა და ვითარცა ელია თეზბიტელი ნიავ წულილითა ჰზრახევდით :
Line of ed.: 73    საღმრთოსაჲ სწადოდა წინაწარმეტყუელთა და მამათმთავართა ხილვაჲ, შეუდეგით მცნება\თა
Line of ed.: 74    მისთა და მის მიერ პატივცემულ იქმნენით მამანო და ეტლთა წილ ცეცხლისათა აღჰმაღლდით :
Line of ed.: 75    ღუაწლითა თქუენითა ყოვლად სანატრელნო, რომელთა შიშით გზასაცა ქერაბინმან მოტყინარე\მან
Line of ed.: 76    და უოხჭნოსა ცხოვრებასა შეხუედით და დაემკჳდრენით და აწ მეოხ გუეყვენით ცხოვ\რებად
Line of ed.: 77    სულთა ჩუენთათჳს : სიბრძნით სოლომონ : უგალობდითსა სიღრმეჲ მეწამულისაჲ :
Line of ed.: 78    სუო ცხოველსმყოფელო, ორთა მათ ცხოველთა თანამფლობელო ღმრთეებითა, რ̃იცა გარდამოჰ\ჴედ :
Line of ed.: 79    ხილვითა ტრედისაჲთა იორდანისა წყალთა და კუალად საღმრთოთა ქადაგთა შენთა ზ̃ა :
Line of ed.: 80    მოვედ ჩუენ და მასწავე სიტყუაჲ სიბრძნისაჲ, რაჲთა გაქებდეთ მამით და ძითურთ სამებასა :
Line of ed.: 81    არსებით უხილავო, გამოუკულეველო, გარეშეუწერელო ღ̃ო დაუსაბამოო მამაო : ძეო მხო\ლოდშობილო
Page of ed.: 205   Line of ed.: 1    მხოლოჲსაგან მამისა სულო ცხოველსმყოფელო, რომელი იორდანეს განსცხადენ :
Line of ed.: 2    გიცანთ სამებაჲ ერთარსებით ქებული და ღმრთეებაჲ საუკუნეთაგან დიდებული :
Line of ed.: 3    ნათელი თჳთ მნათობი უხილავი ღმერთი უხილავთა მფლობელი, ყოველთა დამბადებელი ქრისტე მზე სიმართ\ლისაჲ
Line of ed.: 4    მოვიდა იორდანეს იოვანეს მიერ ნათლისღებად უცოდველი კრავი ღმრთისა მაღლისაჲ
Line of ed.: 5    ტარიგი უბიწოჲ, რომელმან აღიხუნა ცოდვანი სოფლისანი :
Line of ed.: 6    ახოვანთა კრებული საღმრთოჲთა ნათლითა ზეგარდამო განბრწყინვებული, ქრისტეს მიერ განათ\ლებული
Line of ed.: 7    ღმრთისა სიყუარულითა, ერთად შემტკიცებული და შეერთებული გამობრწყინდა მობაძა\ვად
Line of ed.: 8    ჴორცითა სწორად ზეცისა უჴორცოთა ღირსად იღუაწეს მამათა და სუფევენ საუკუ\ნოდ :
Line of ed.: 9    ღირსად და ჭეშმარიტად შენ მხოლოჲ :

Type: moix.  
         მოიხილესა : უდაბნოსა მას სიცხისასა : ღრუ :
Line of ed.: 10    თანასწორი და თანაარსი თანა განმგებელი თანა მფლობელი თანა დაუსაბამოჲ, თანა მთავარი და
Line of ed.: 11    თანა მეუფეჲ, თანა დამბადებელი მამისა და სულისაჲ არსებაჲ მხოლოჲ უხილავი უცვალებელი
Line of ed.: 12    უქცეველად შეეზავა შეურწყმელად არსებისა მიწისაგანსა უვაღრეს ბუნებათა ბუნებათა
Line of ed.: 13    შემოქმედი, ისვა მხოლოჲ ორითა ბუნებითა, ღმერთი და კაცი სრული და სიმდაბლით მოვიდა იორდ̃ნეს ნთლის̃ღბდ :
Line of ed.: 14    ლმობიერითა გონებითა სულისა ეტლითა აღვიმაღლოთ დღეს ერნო ღმერთშემოსილნო და მოვიწინეთ მახლო\ბელად
Line of ed.: 15    იერუსალიმსა, რაჲთა ვიხილოთ სასწაული საკჳრველთაჲ ქრისტე იორდანეს სიმდაბლით მოსრული მდგო\მარე
Line of ed.: 16    მას შინა განშიშულებული, შემმოსელი ცათაჲ ღრუბლითა საუკუნეთა ღმერთი და ნათელს იღებს
Line of ed.: 17    ჴორცითა, რომელი მყოფ არს თუალთ შეუდგამსა ნათელსა, თჳთ მნათობი მზეჲ სიმართლისაჲ, ამას შ̃შთ : ყ̃ნი : ერთ̃ბთ თყ̃ნის ვსცემდეთ :
Line of ed.: 18    იქმნენით სუეტად სიმტკიცისა საფუძველ მადლისა და ხარისხად სარწმუნოვებისა და მნათობად სოფლისა
Line of ed.: 19    გამოშჩნდით მსგავსად მზისა სამაროსა ღირსნო მამანო და აღმაღლდით მთასა მას სათნოვებათასა : და
Line of ed.: 20    ვითარცა მოსე შეხუედით ნისლსა ღმრთისმეცნიერებისასა და შჯულისა ახლისა მცნებანი ისწავენით და სრულე\ბით
Line of ed.: 21    აღსრულენით ნეტარნო, ამისთჳს გიცნობთ მოძღურად და წინამძღურად სამწყსოჲსა თქ̃ნისა ღ̃თ შ̃სლნო :
Line of ed.: 22    სიყუარული სოფლისაჲ ამის მტერობა არს ღმრთისა და შუებაჲ საწუთროჲსაჲ წარმავალი : და\მაბნელებელი
Line of ed.: 23    სულისა თუალთა ესრეთ ჰჴმობდით ღმერთშემოსილნო ღირსნო მამანო, არაჲ ღირს
Line of ed.: 24    არიან ვნებანი ამის ჟამისანი მერმისა მის თანა დიდებისა, რომელი გამოცხადებად არს ჩუენდა, ამისთჳს ქ̃ეს\თანა
Line of ed.: 25    ივნეთ და დასთხიენით სისხლნი მისთჳს, რომელი ნეფსიტ ჯუარს ეცუა ჩუენთჳს და მისთანაცა ჰს̃ფევთ :
Line of ed.: 26    და იხარებთ წინაშე მისსა აწდა უკუნისამდე : უზეშთაესი ბუნებათა :

Type: gandzl.  
         განძლიერდასა : ძლიერებითა შენითა :
Line of ed.: 27    ღმერთი ღმრთისაგან შობილი, ნათელი ნათლისაგან უპირატეჲსი დაწყებასა ჟამთასა ჟამთა აღსასრულსა :
Line of ed.: 28    ქალწულისაგან იშევ ჴორცითა ღმრთისა სიტყუაო და ნათელს იღე ჩუენთჳს :
Line of ed.: 29    ეჰა სიმდაბლეჲ მაღლისაჲ სავსეჲ სახიერებითა, რამეთუ შეუწერელი ღმერთი იხილვა ჴორცითა იორდანი\სა
Line of ed.: 30    წყალთა განშიშულებულიმდგომარე ნათლისღებად იოვანესგან :
Line of ed.: 31    ბრწყინვალებითა სულისა წმიდისაჲთა განათლდა სული და გონებაჲ თქუენი და მის მიერ ჰნათობ\დით
Line of ed.: 32    სოფელსა სავსებითურთ და მთავარი იგი ბნელისაჲ განსევნეთ ღირსნო მამანო :
Line of ed.: 33    აღივსენით თქუენ მადლითა, ვითარცა ღრუბელნი ცუარითა და გუაცურიეთ მაღლით წყალი ცხოველი :
Line of ed.: 34    და მით დაათრვენით სულნი წყურიელნი და უქმსა მას უდაბნოსა მსგავსად მზისა გამოჰ\ბრწყინდით :
Line of ed.: 35    ტაკუკი იგი ოქროჲ : უფალო მესმასა : საყდარნი ქერობინთაჲ : არაჲ :
Line of ed.: 36    საიდუმლოჲ ახალი მიზეზი ჴსნისა ჩუენისაჲ იხილა ამბაკომ ღმრთის მხილველმან და ღაღდყო : ღ̃თისა ჴო\რცითა
Line of ed.: 37    მოსლვაჲ და იტყოდა ღმერთი სამხრით მოვიდეს განკაცებული კაცთა ჴსნისათჳს ქალწული\საგან
Line of ed.: 38    რომელნი ღაღადებენ : დიდებაჲ ძალსა შენსა უფალო :
Line of ed.: 39    აჰა მოახლოებულ არს მოლოდებაჲ იგი წარმართთაჲ აჰა ქრისტე კრავი ღმრთისა მაღლისა რ̃ნ აღიჴუ\ნა
Line of ed.: 40    ცოდვანი სოფლისანი, როემლსაცა ქადაგებს წინამორბედი იოვ̃ნე : მოვიდა იორდანეს რ̃ლსა უღღდებთ დ̃ბ...თ
Page of ed.: 206   Line of ed.: 1    დასასრული შჯულისაჲ და დასაბამი მადლისაჲ იოვანე წინამორბედი უდაბნოს აღმოსცენდა :
Line of ed.: 2    და გჳქადაგა სინანული ცხოვრებისაჲ, ხოლო თქუენ ემსგავსენით შურსა მისსა ღირსნო მ̃მნო : ჰქდ̃გეთ ს̃მბჲ წ̃ჲ და ჰღა :
Line of ed.: 3    აღსრულეს სრულებით მცნებაჲ შენი ღმრთისა სიტყუაო, მოიგეს ურთიერთას სიყუარული უზა\კუვეთი
Line of ed.: 4    და ერთობით შეიჭურნეს ახოვანნი ბარბაროზთა წყობასა ღმერთშემოსილნი ღირსნი მ̃მნი :
Line of ed.: 5    დასცეს სოლისა მპყრობელი მაცთური და ჴმა ყვეს : დიდებაჲ ძალსა შენსა უფალო : სათნო იყავ :

Type: gham.  
         ღმი̃გნსა რაჲსათჳს გ̃ნ :
Line of ed.: 6    მთასა მაღალსა აღვედ ესაია ქადაგო ხარებად სიონისა, მოვიდა მჴსნელი ჩუენი სიონით მოქცევად
Line of ed.: 7    ტყუეჲ ერისა თჳსისაჲ, რომელი მსხდომარეთა ბნელსა იხილეს ნათელი ნათლისღებითა მაცხოვრისაჲთა :
Line of ed.: 8    აღივსო დღეს მადლითა იორდანეჲ და განათლდა იოვანეჲ იხარებს გალილეაჲ და დღესასწაულობს
Line of ed.: 9    ჰურიასტანი, რამეთუ ქრისტე დაუსაბამოჲ იგი ნათელი მოვიდა ნათლისღებად იორდანესა :
Line of ed.: 10    მკჳდრნო უდაბნოჲსანო გიხაროდენ მამანო ღმერთშემოსილნო, რომელნი ემსგავსენით ვნებითა უვნებელისა
Line of ed.: 11    ვნებათა და მისთჳს დასთხიენით სისხლნი ღუაწლისა მძლენო და იხარებთ გჳრგჳნშემოსილნი :
Line of ed.: 12    აწ არაჲთუ სარკისა სახითა ჰხედავთ სასურველსა და საწადელსა, არამედ პირისპირ განიცდით ნე\ტარსა
Line of ed.: 13    სამებასა, მამანო, რომლისათჳს იღუაწეთ სულიერად და აწ იხარებთ წ̃ე მისსა :
Line of ed.: 14    კადნიერებაჲ დედობრივი : ღაღატვყავსა : ზღჳსა მჴეცისა მუცელსა იყო რაჲ :
Line of ed.: 15    თანა_არსი არსებითა და თანა განმგებელი ღმრთეებისა ბუნებითა მამისა და სულისაჲ უხილავი ს̃ტყჲ
Line of ed.: 16    იხილვა ჴორცითა განკაცებული კაცთა ცხოვრებისათჳს და დღეს იორდანეს ვიცანთ გამოუთქუმელი ღ̃თე\ებაჲ
Line of ed.: 17    მისი მამისა მაღლით წამებითა და სულისა მოსლვითა :
Line of ed.: 18    აწ განქარდების აჩრდილი პირველი შჯულისა მოსეს მიერ მოცემულისაჲ არა იგუემების ეგჳპტე
Line of ed.: 19    ბნელითა, არამედ ნათლითა საღმრთოჲთა განათლდების წარმართთა ერი, რომელნი სხდეს ბნელსა და აჩრ\დილთა
Line of ed.: 20    სიკუდილისათა იხილეს ნათელი უკუდავებისაჲ ქრისტეს ნათლისღებითა :
Line of ed.: 21    ჴსენებაჲ მართალთაჲ ქებიტ აღესრულების წმიდასა შინა ეკლესიასა და პატიოსან არს წ̃ე ო̃ლისა მა\თისა
Line of ed.: 22    სიკუდილი წმიდათაჲ, სავსეჲ სასოვებითა უკუდავებისაჲთა, ამისთჳს მიიღეს ღირსთა მამათა
Line of ed.: 23    სასუმელი სიკუდილისაჲ მიზეზი უკუდავებისაჲ და ზეცას იხარებენ :
Line of ed.: 24    საბანელსა ღუაწლისასა შთაჰჴედით ვითარცა მჴსნელი ჩუენი იორდანესა და ნაცვალად წყლისა ისხურენით
Line of ed.: 25    სისხლითა თქუენითა მამანო და შეიმოსეთ ძოწეული მეწამული წყლითა და სისხლითა და შეხუედით
Line of ed.: 26    წმიდასა შინა წმიდათასა და მას შინა შესწირენით თავნი მსხუერპლად ქ̃ა : ძუელი და ახა :

Type: kurtx.  
         კხრ̃სსა ღ̃თისა გარდა :
Line of ed.: 27    ელვარეჲ ხატითა ღმერთი გიხილა რაჲ მძლავრმან სამთა შორის მეოთხედ აღგზებულსა საჴუმილსა მაცურე\ველად
Line of ed.: 28    ცუარისა და ნიავისა ძედ ღმრთისად გქადაგა, ხოლო აქა იორდანეს ჭეშმარიტად გამოშჩნდი განბანად უცოდველო :
Line of ed.: 29    ნივთი ცოდვათა ჩუენთაჲ და ეკლოვანებაჲ გულის სიტყუათა მწინკულთაჲ შეწუენ ღმრთისა სიტყუაო უნივთოჲთა
Line of ed.: 30    მით ცეცხლითა ღმრთეებისაჲთა და წმიდა ყვენ სულნი ჩუენნი წყლითა სიწმიდისაჲთა, რომელთა შინა განიბანე უცოდვ̃ლო :
Line of ed.: 31    ემბაზ გუექმნა წყალი საღმრთოჲ რომელსაცა შინა განიბანა მჴსნელი, რომლითაცა ისხურნეს ღმერთშემოსილნი ღირს\ნი
Line of ed.: 32    მამანი და კუალად სისხლითა განბანნეს გუამნი მათნი და გჳრგჳნითა უხრწნელითა შეიმკვნეს :
Line of ed.: 33    ბარბაროზთა წყობასა ახოვნად გამოშჩნდით და მთავარი ბნელისაჲ მოაუძლურეთ მჴნენო უძლევე\ლითა
Line of ed.: 34    ძალითა მაღლისაჲთა, რომელი შეგემოსა ამისთჳს ძლევაშემოსილნი იხარებთ საუკუნოდ : მამა\ნო
Line of ed.: 35    სანატრელნო : სახე გექმნა ქალწულო : აკურთხევდითსა : რომემან დაჰრთენ წყალნი ზ̃ა ზესკ :
Line of ed.: 36    აღივსებიან სამყარონი ბრწყინვლებითა და ქუეყანაჲ სიხარულითა განშუენდებიან მნათობნი ნათლითა
Line of ed.: 37    ოხრიან ზღუანი და იმღერიან მთანი და ბორცუნი მათთანა იხარებენ მოსლვასა მას : შ̃ა ჴორცითა ქ̃ე ღ̃ო იორდ̃ნს :
Line of ed.: 38    იხარებდიტ მართლმადიდებელნი ნათელღებულნი ერნი ადამეანნი, რამეთუ ქრისტე ორითა ბუნებითა შეურწ\ყმელად
Line of ed.: 39    იორდანეს იცნობა ღმერთი და კაცი სრული :
Page of ed.: 207   Line of ed.: 1    აღსრულეთ სრბაჲ და დაიმარხეთ მტკიცედ სარწმუნოვებაჲ, მოიღუაწეთ ღუაწლი კეთილი და მიიღეთ გჳრგჳნი ძლვ̃სჲ
Line of ed.: 2    ღირსნო, რომელი მოგცა მაღალმან მეუფემან და იხარებთ წინაშე მისსა და სულითა ბრწყინვალენი ჰნათობთ სასუფეველსა მამანო :
Line of ed.: 3    ვინ არაჲ ჰნატრის ჟამთა თქუენთა ღირსნო მამანო, რომლითაცა დააჯერეთ ღმერთი მარხვითა და შრომითა მით :
Line of ed.: 4    წმიდითა, მღჳძარებითა, ლოცვითა უბიწოჲთა ღუაწლითა და მოთმინებითა და დაჰბეჭდეთ ამათ ყოველთა
Line of ed.: 5    დათხევითა სისხლისაჲთა მჴნენო : სამ სახეობით თავ : ადიდებდითსა : გიხაროდენ სასანთლეო ბრწ :
Line of ed.: 6    აჰა ღირსად გნატრიან ღმრტისა დედაო ყოველნი ერნი, ტომნი და ენანი და ღირსად გაქებენ მეტყუელებანი : ნა\თესავნი
Line of ed.: 7    ადამეანნი, ვითარცა სთქუ, რომელმან გჳშევ ღმერთი ღმრთისაგან შობილი ჴორცშემოსილი, რომელი იორდანეს მოვიდა ნათლისღებად :
Line of ed.: 8    ქუეყანისა მეფენო შარავანდედნო მთავარნო მღდელთა თანა უგალობდით და მღდელთ მოძღუარნო ანგელოზთა თანა : ერ\თობით
Line of ed.: 9    ადიდებდით სიხარულით მთავარსა მას ზეცისა მთავარობათა უმთვრესსა უფალსა, რომელმან იორდანეს განანათლნა ნ̃თლისღებითა :
Line of ed.: 10    ერთა თანა უჴორცოთასა იხარებთ ღმერთშემოსილნო ნეტარნო მამანო, რომელ ქრისტესჳს მოჰკუედით მჴნენო : და
Line of ed.: 11    უკუდავსა სუფევასა ჰსუფევთ ღირსნო, რომლისაცა გსუროდა და გამოუთქმელსა ანთელსა ხედავთ თქუენ თუა\ლითა
Line of ed.: 12    სულისაჲთა დაფარულთა მხედველითა :
Line of ed.: 13    ბაგეთგან უღირსთა უძლური შესხმაჲ ღმრთეებისა შენისაჲ შეიწირე ქრისტჱ და წყალობა ყავ ჩ̃ნთჳს
Line of ed.: 14    მოწყალე მეოხებითა მოღუაწეთა მამათაჲთა განწმიდენ სულნი ჩუენნი წყლითა და სულითა წ̃დითა
Line of ed.: 15    სახიერ და წარუმართე ფერჴთა ჩუენთა გზასა მშჳდობისასა : სამებაო სამ : აქებდითსა პირველ ჯუარს :
Line of ed.: 16    დაჰჴსნდა პირველი აჩრდილი შჯულისაჲ და დასცხრეს სხურებანი სისხლისა აღთქუმისანი პირ\ველნი :
Line of ed.: 17    სიბნელეჲ საცთურთაჲ მოისპო და მაცთური გუელი მოიშთო, რაჟამს საცთური : განქარდა და
Line of ed.: 18    ცთომაჲ განიკურნა სუეტისა მის წილ და ღრუბლისა ნათლისა ქრისტე გამოჩნდა, მზეჲ იგი სიმართლისაჲ :
Line of ed.: 19    ხატი და ბრწყინვალებაჲ მამისაჲ, ნათელი შეუქმნელი თჳთ შემოქმედი უფალი დამბადებელი არსებით :
Line of ed.: 20    უქცეველი ნათელს იღებს იორდანეს დღეს იოვანესგან :
Line of ed.: 21    ერთ არს წმიდაჲ და წმიდა მყოფელი ჩუენი ძეჲ ღმრთისაჲ თანა_არსი მამისა და სულისა წ̃ისაჲ, არსებით დაუსაბამოჲ :
Line of ed.: 22    სუფევით დაუსრულებელი, დღეს იორდანეს ვიცანთ სოფლისა მჴსნელად მოსრული ღმერთი და კაცი :
Line of ed.: 23    რომლისა მოდრკების ყოველი მუჴლი ზეცისა და ქუეყანისაჲ : ესე არს მაღალი და ძლიერი, მაღალთა ცათა მფ\ლობელი
Line of ed.: 24    დაუბადებელი ღმრთეებით მიუწდომელი, ესე არს ენმანუველ კრავი ღ̃თისა მაღლი\საჲ
Line of ed.: 25    რომელმან მაცხოვნნა :
Line of ed.: 26    თანა ხატ ექმნნეს ნეტარნი მამანი ჴორცითა უბიწოსა წმიდასა ნათლისღებასა შენსა : ქ̃ე სიტყუაო
Line of ed.: 27    ღმრთისა, რაჟამს ისხურნეს სისხლითა პირველგანბანილნი წყლითა და სულითა წმიდითა და კუალად
Line of ed.: 28    ვნებათა შენთა ეზიარნეს ნეფსით ვნებითა და შენთჳს სიკუდილითა მოიღეს ნიჭი უკუდავებისაჲ :
Line of ed.: 29    და სუფევენ ზეცისა განწყობილთა შორის, მათ მიერ გევედრებით მოგუმადლე მოტევებაჲ ცოდვათა
Line of ed.: 30    ჩუენთა ურიცხუთაჲ და დიდი წყალობაჲ : სიბრძნით სოლომონ : ბრძენთმთავარმან წინაჲსწარ :
Line of ed.: 31    დაესრულა ყოველი წესი განცხადებისაჲ : კურთხეულ არს ღმერთი, მიზეზი ყოვლისა ყოველისაჲ
Line of ed.: 32    აწ და მერმეთა მათ ს̃კნეთა :
Line of ed.: 33    საყუარელნო სხუანიცა გალობანი ნათლისღებისანი მრავალნი მქონდეს სიტყუად, არა კეთილ
Line of ed.: 34    იყვნეს და ამისთჳს არა დავწერენ :


Next part


This text is part of the TITUS edition of Mikael Modrekili, Hymnography.

Copyright TITUS Project, Frankfurt a/M, 19.11.2017. No parts of this document may be republished in any form without prior permission by the copyright holder.