TITUS
Movses Xorenaci, Patmowtiwn Hayoc
Part No. 14
Previous part

Chapter: 13  
Ժ՜Գ
Page: 43  
Line: 2 
Յաղագս ընդ արեւելեայս պատերազմին եւ յաղթութեանն, եւ մահուան
Line: 3 
Նիւքարն Մադրսայ։


Line: 4    Sentence: 1   Եւ վասն զի հաճոյ թուեցաւ մեզ զաշխատութիւնն, որ ի վերայ քոյ
Line: 5    հրամանիդ, համարել հեշտութիւն, քան զառ ի յայլոցն որ ի կերակրոց
Line: 6    եւ յըմպելեաց լինին խրախճանութիւնք՝ հաւանեցաք անցանել սակաւուք
Line: 7    եւ ընդ կարգ բանից պատերազմացն որ ի Հայկեանն Արամայ։ Sentence: 2   Սա այր
Line: 8    աշխատասէր եւ հայրենասէր եղեալ, որպէս ցուցանէ նոյն պատմագիր,
Line: 9    լաւ համարէր զմեռանելն ի վերայ հայրենեացն, քան թէ տեսանել
Line: 10    զորդիս օտարածնաց կոխելով զսահմանս հայրենեացն եւ հարազատից
Line: 11    արեան նորա տիրել արանց օտարաց։

Line: 12    Sentence: 3   Այս Արամ, սակաւուք ամօք յառաջ քան զտիրելն Նինոսի Ասորեստանեայց
Line: 13    եւ Նինուէի, նեղեալ յազգացն որ շուրջ զիւրեաւ՝ ժողովէ
Line: 14    զբազմութիւն ընտանի արանց քաջանց եւ աղեղնաւորաց, եւ որք ի տէգ
Line: 15    նիզակի կամակարողք, նորատիք եւ հարուստք յոյժ եւ յաջողաձեռնութիւն
Line: 16    իսկ, եւ երեսաւորք ի սիրտ եւ ի պատրաստութիւն պատերազմի, իբր թէ
Line: 17    բիերս հինգ։ Sentence: 4   Պատահէ Մեդացւոցն երիտասարդաց, որոց առաջնորդէր
Line: 18    Նիւքար ոմն ասացեալ Մադէս, այր հպարտ եւ պատերազմասէր, որպէս
Page: 44   Line: 1    ցուցանէ նոյն ինքն պատմագիրն, յեզերս սահմանացն Հայոց։ Sentence: 5   որոց
Line: 2    միանգամ քուշանաբար հինիւ սմբակակոխ արարեալ զսահմանս Հայոց՝
Line: 3    ծառայեցոյց ամս երկուս։ Sentence: 6   Որում յանակրծծօրէն ի վերայ հասեալ Արամ
Line: 4    յառաջ քան զծագել արեգական՝ սատակեաց զբազմութիւն ամբոխիցն,
Line: 5    եւ զնոյն ինքն զՆիւքարն զկոչեցեալն Մադէս ձերբակալ արարեալ ածէ
Line: 6    յԱրմաւիր, եւ անդ ուրեմն ի ծայրս աշտարակի պարսպին ցից վարեալ
Line: 7    երկաթի ընդ ճակատն, յորմն վարսել հրամայէ, ի տեսիլ անցաւորաց եւ
Line: 8    ամենայն եկելոց անդր. Sentence: 7   եւ զաշխարհն նորա մինչեւ ի լեառնն անուանեալ
Line: 9    Զարասպ՝ ի ծառայութեան հարկի կալաւ մինչեւ ցթագաւորութիւնն
Line: 10    Նինոսի ի վերայ Ասորեստանի եւ Նինուէի։

Line: 11    Sentence: 8   Իսկ Նինոս թագաւորեալ ի Նինուէ՝ յիշատակ քինու զնախնւոյն
Line: 12    իւրոյ զԲելայ ունէր ի մտի, ի զրուցաց ուսեալ. Sentence: 9   եւ զայս խորհէր հատուցանել
Line: 13    յամս ձիգս, նկատել որսալ զյաջողութիւն աւուրց, բառնալ
Line: 14    ջնջել զամենայն ճետ սերմանեալ յարանց քաջին Հայկայ։ Sentence: 10   Այլ երկիւղ
Line: 15    կասկածանաց խարդաւանակ լինելոյ իւրոյ թագաւորութեանն զայսպիսիս
Line: 16    համարեալ իրագործութիւնս՝ ծածկէ զչարութիւնն, եւ հրամայէ նմա
Line: 17    զնոյն իշխանութիւն անկասկածաբար ունել. Sentence: 11   եւ համարձակութիւն տայ
Line: 18    նմա վարսակալ ածել մարգարտեայ, եւ երկրորդ նորա կոչել։ Sentence: 12   Այլ այս
Line: 19    շատասցի ասել այսչափ. Sentence: 13   քանզի չթողացուցանէ զմեզ որ առաջիկայս
Line: 20    է իր՝ յեզերումն յամել այսր պատմութեան։



Next part


This text is part of the TITUS edition of Movses Xorenaci, Patmowtiwn Hayoc.

Copyright TITUS Project, Frankfurt a/M, 9.12.2008. No parts of this document may be republished in any form without prior permission by the copyright holder.