TITUS
Old Georgian Hagiographical Texts, vol. I
Part No. 8
Previous part

Chapter: VIII  
Line of ed.: 10        8. და ვითარცა მოიწინეს დიდნი იგი მარხვანი, მივიდა ნეტარი
Line of ed.: 11     იგი შუშანიკ მახლობელად წმიდასა ეკლესიასა და იძია მცირჱ სენაკი
Line of ed.: 12     და მუნ დაეყუდა. და იყო სენაკსა მას მცირჱ სარკუმელი და დაყო
Line of ed.: 13     იგი. და იყო იგი ბნელსა მას შინა მარხვით და ლოცვით და
Line of ed.: 14     ტირილით.

Line of ed.: 15        და ჰრქუა ვინმე პიტიახშსა საკუთარმან მისმან, ვითარმედ: "ამათ Ms. page: A_357v 
Line of ed.: 16     წმიდათა მარხვათა ნურას ეტყჳ მას".

Line of ed.: 17        და ვითარ მოიწია აღვსებისა ორშაბათი და მოვიდა პიტიახში
Line of ed.: 18     ბრძოლისა მისგან ჰონთაჲსა, ეშმაკი თხრიდა გულსა მისსა. და აღდგა და
Line of ed.: 19     მივიდა ეკლესიად და ეტყოდა ეპისკოპოსსა მას აფუცას: "გამომეც
Line of ed.: 20     ცოლი ჩემი, რად განმაშორებ ჩემგან?" და იწყო გინებად და გმობად ღმრთისა
Line of ed.: 21     სასტიკად. ხოლო ხუცესმან ერთმან ჰრქუა მას: "უფალო, რაჲსა ეგრე იქმ
Line of ed.: 22     და იტყჳ ეგრეთ ბოროტსა და აგინებ ეპისკოპოსსა და წმიდასა შუშანიკს
Line of ed.: 23     რისხვით ეტყჳ? ხოლო მან უხეთქნა კუერთხითა ხუცესსა მას ზურგსა, და მან ვერღარა იკადრა სიტყუად.

Line of ed.: 24        და ეგრეთ წმიდაჲ შუშანიკ თრევით მოითრია თიჴათა შიგან და
Line of ed.: 25     ეკალთა ზედა ეკლესიით ვიდრე ტაძრადმდე, ვითარცა მკუდარი მიეთრია. და
Line of ed.: 26     ადგილდ-ადგილდ ქუე ძეძჳ დაეფინა. და თჳთ ფერჴნი დაიდგნის ძეძუსა
Page of ed.: 20   Line of ed.: 1     მას ზედა, და კუბასტნი შუშანიკისნი და ჴორცნი წულილ-წულილად
Line of ed.: 2     დაებძარნეს ძეძუსა მას. და ეგრეთ მოიყვანეს იგი ტაძრად, და უბრძანა შეკრვაჲ
Line of ed.: 3     მისი და ცემაჲ; ბოროტებდა და იტყოდა: "აჰა ეგერა არა გერგო
Line of ed.: 4     შენ ეკლესიაჲ შენი და არცა ზურგნი ეგე შენნი ქრისტიანენი და
Line of ed.: 5     უფალი იგი მათი. და ვითარცა სცეს კუერთხითა სამას ოდენ, არარაჲ აღმოჴდა
Line of ed.: 6     პირსა მისსა ვაჲებაჲ, არცა კუნესაჲ. მაშინ-ღა ჰრქუა წმიდამან შუშანიკ
Line of ed.: 7     ურჩულოსა ვარსქენს: "უბადოო, შენ-ღა თავი თჳსი არა შეიწყალე და
Line of ed.: 8     განსდეგ ღმრთისაგან, შენ მე-მცა შემიწყალე-ა?"

Line of ed.: 9        და ვითარცა იხილა დიდძალი იგი სისხლი, რომელ დამოსდიოდა
Line of ed.: 10     ჩჩჳლთა მათ ჴორცთა მისთა, მაშინ უბრძანა დადებად ჯაჭჳ ქედსა მისსა.
Line of ed.: 11     და უბრძანა Ms. page: A_358r  სენაკაპანსა ერთსა, რაჲთა წარიყვანონ წმიდაჲ შუშანიკ
Line of ed.: 12     ციხედ, და საპყრობილესა ბნელსა შეაყენონ იგი და მოკუდეს.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.