TITUS
Old Georgian Hagiographical Texts, vol. I
Part No. 9
Previous part

Chapter: IX  
Line of ed.: 13        9. დიაკონი ვინმე ერთი მის ეპისკოპოსისაჲ დგა წმიდისა შუშანიკის
Line of ed.: 14     თანა მას ჟამსა, რომელსა გამოჰყვანდა იგი ტაძრით, და უნდა,
Line of ed.: 15     რაჲთა-მცა ჰრქუა, თუ "მტკიცედ დეგ!" და თუალი ჰკიდა პიტიახშმან,
Line of ed.: 16     სხუაჲ ვერღარაჲ სცალდა სიტყუად, ესთენ ოდენ ჰრქუა: "მტკი"... და
Line of ed.: 17     დადუმნა ხოლო და სივლტოლად იწყო სწრაფით.

Line of ed.: 18        მაშინ წარმოიყვანეს, და მიჰყვანდა წმიდაჲ შუშანიკ უჴამური და თმა-გარდატევებული,
Line of ed.: 19     ვითარცა ერთი ვინმე შეურაცხთაგანი, და ვერვინ იკადრა
Line of ed.: 20     თავსა მისსა დაბურვად, რამეთუ პიტიახში იგი მჴედრ შეუდგა უკუანა
Line of ed.: 21     კუალსა მისსა და აგინებდა მას მრავლითა გინებითა.

Line of ed.: 22        და მივიდოდა წმიდისა მის თანა ამბოხი მრავალი დედებისა და მამებისაჲ,
Line of ed.: 23     სიმრავლჱ ურიცხჳ, რამეთუ უკუანა შეუდგეს, ჴმაჲ აღემაღლა და ტიროდეს
Line of ed.: 24     და იჴაჴდეს ღაწუთა მათთა და საწყალობელად დასთხევდეს
Line of ed.: 25     ცრემლთა მათთა წმიდისა შუშანიკისთჳს. ხოლო წმიდამან შუშანიკ უკ-მოჰხედნა
Line of ed.: 26     ერსა მას და ჰრქუა მათ: "ნუ სტირთ, ძმანო ჩემნო და დანო
Page of ed.: 21   Line of ed.: 1     ჩემნო და შვილნო ჩემნო, არამედ ლოცვასა მომიჴსენეთ. და ჯმნულ-მცა
Line of ed.: 2     ვარ მე თქუენგან ამიერითგან, რამეთუ არღარა მიხილოთ ცოცხალი გამოსრული
Line of ed.: 3     ციხით". და ვითარცა იხილა პიტიახშმან ამბოხი იგი და ტირილი
Line of ed.: 4     მამათაჲ და დედათაჲ, მოხუცებულთა და ყრმათაჲ, მჴედრ მიმოდასდევნის
Line of ed.: 5     და მეოტ ჰყოფნ მათ ყოველთა. და ვითარცა მიიწინეს ჴიდსა მას ციხისასა,
Line of ed.: 6     ჰრქუა პიტიახშმან წმიდასა შუშანიკს: "შენდა ეგდენ ყოფად არს
Line of ed.: 7     ფერჴითა Ms. page: A_358v  შენითა სლვაჲ, რამეთუ ცოცხალი არღარა გამოსლვად ხარ,
Line of ed.: 8     გარნა თუ ოთხთა გამოგიღონ".

Line of ed.: 9        და ვითარცა შევიდეს ციხედ, პოვეს სახლაკი ერთი ჩრდილოჲთ კერძო,
Line of ed.: 10     მცირჱ და ბნელი, და მუნ შეაყენეს წმიდაჲ იგი. და ჯაჭჳ იგი, რომელ ედვა
Line of ed.: 11     ქედსა მისსა ზედა, ეგრეთ-ვე ედვა, და დაჰბეჭდა ურჩულ[ო]მან ვარსქენ
Line of ed.: 12     ბეჭდითა თჳსითა. ხოლო წმიდამან შუშანიკ თქუა: "მე ამას მხიარულ ვარ,
Line of ed.: 13     რაჲთა აქა ვიტანჯო და მუნ განვისუენო". ხოლო პიტიახშმან ჰრქუა მას:
Line of ed.: 14     "ჰე, ჰე, განისუენე!"

Line of ed.: 15        მაშინ დაადგინნა მცველნი მას ზედა და ამცნო მათ, რაჲთა სიყმილითა
Line of ed.: 16     მოკლან იგი. და ესრეთ ეტყოდა მათ: "გეტყჳ თქუენ, უკუეთუ
Line of ed.: 17     ვინმე შევიდეს მისა, მამაკაცი გინა დედაკაცი, იხილენით თავნი თქუენნი,
Line of ed.: 18     და ცოლნი და შვილნი და სახლნი თქუენნი, უბრალო-მცა ვარ, რაჲ
Line of ed.: 19     გიყო თქუენ".

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.