TITUS
Old Georgian Hagiographical Texts, vol. I
Part No. 10
Previous part

Chapter: X  
Line of ed.: 20        10. მაშინ გამოვიდა ციხით. და მესამესა კჳრიაკესა მოუწოდა მცველსა
Line of ed.: 21     ერთსა, ჰკითხა მას და ჰრქუა: "აქამომდე ცოცხალ-ღა არს-ა საწყალობელი
Line of ed.: 22     იგი?" ხოლო მან ჰრქუა: "უფალო, სიკუდილდ კერძო უფრო საგონებელ
Line of ed.: 23     არს ვიდრე სიცოცხლით, რამეთუ შიმშილითა უფროჲს ხოლო მოკუდების,
Line of ed.: 24     რამეთუ არარას მიიღებს საზრდელსა". ხოლო მან ჰრქუა: ნურარაჲ
Line of ed.: 25     გგლიან, უტე, -- მოკუდეს".

Page of ed.: 22  
Line of ed.: 1        ხოლო მე მრავლითა ვედრებითა ვარქუ მცველსა მას და უქადე ჭურჭერი
Line of ed.: 2     ერთი სამისოჲ. და ძნიად თავს-იდვა შეტევებაჲ ჩემი და მრქუა მე:
Line of ed.: 3     "რაჟამს დაღამდეს, მოვედ შენ ხოლო მარტოჲ". და ვითარ შემიყვანა
Line of ed.: 4     მცველმან მან, და ვიხილე ტარიგი იგი ქრისტჱსი შუენიერად, ვითარცა
Line of ed.: 5     სძალი, შემკული საკრველთა მათგან*, და მე, ვითარ ვერ დამითმო გულმან,
Line of ed.: 6     ვტიროდე ფრიად. ხოლო წმიდამან შუშანიკ მრქუა მე: Ms. page: A_359r  "კეთილისა
Line of ed.: 7     ამისთჳს სტირ-ა, ხუცეს?" ხოლო მცველმან მან მრქუა მე: "ესე-ღა თუ-მცა
Line of ed.: 8     მეცნა, არა-მცა შემოგიტევე შენ". ხოლო მე ვიწყე სიტყუად და განმტკიცებად
Line of ed.: 9     მისა, რავდენი ღმერთმან მო-მცა მე სიტყუად. და ვიჯმენ მისგან
Line of ed.: 10     და წარვედ სწრაფით ვანად ჩემდა.

Line of ed.: 11        ხოლო პიტიახში ჩორდ წარემართა და ჯოჯიკ, ძმაჲ მისი, არა დახუდა,
Line of ed.: 12     ოდეს საქმჱ ესე იქმნა წმიდისა შუშანიკის ზედა. და ვითარ მოიწია
Line of ed.: 13     ჯოჯიკ, უკუანა სდევდა პიტიახშსა. და მიეწია მას საზღვართა ჰერეთისათა
Line of ed.: 14     და ევედრებოდა მას ფრიად, რაჲთა-მცა ბრძანა საკრველთა მათგან
Line of ed.: 15     განტევებაჲ მისი. და ვითარ ფრიად აწყინა, ბრძანა განტევებაჲ საკრველთაგან
Line of ed.: 16     ოდენ. და ვითარ მოვიდა ჯოჯიკ, აღჰჴადა ჯაჭჳ იგი ქედსა
Line of ed.: 17     მისსა, ხოლო ბორკილთაჲ არა თავს-იდვა წმიდამან შუშანიკ ვიდრე აღსასრულამდე
Line of ed.: 18     მითურთ. რამეთუ ექუსი წელი ციხესა მას შინა აღასრულა და
Line of ed.: 19     წესიერებითა საღმრთოჲთა ყუაოდა: მარხვითა, მარადის მღჳძარებითა,
Line of ed.: 20     ზე-დგომითა, თაყუანის-ცემითა უწყინოდ და კითხვითა წიგნთაჲთა მოუწყინებელად.
Line of ed.: 21     განაბრწყინა და განაშუენა ყოველი იგი ციხე სულიერითა
Line of ed.: 22     მით ქნარითა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.