TITUS
Old Georgian Hagiographical Texts, vol. I
Part No. 105
Previous part

Chapter: 4  
Page of ed.: 252  
Line of ed.: 1     დ^. ხოლო ნეტარმან გრიგოლ, ვითარცა იხილა თავი თჳსი ჴორციელად
Line of ed.: 2     დიდებასა შინა, ფრიად წუხდა გული მისი და განიზრახა ფარულად სივლტოლაჲ
Line of ed.: 3     თჳსით ქუეყანით საღმრთოჲთა წოდებითა, რომელი-ცა უძღოდა მას მამათ\-მთავრისაMs. page: J_160v 
Line of ed.: 4     აბრაჰამის სახედ, და ვითარცა ისრაჱლნი უდაბნოდ. არამედ
Line of ed.: 5     აბრაჰამ ქუეყანისა მისგან ურწმუნოთა ნათესავთაჲსა განაშორა ღმერთმან,
Line of ed.: 6     ხოლო ესე მორწმუნისა და კეთილად მსახურისა ქუეყანისაგან გამოიყვანა
Line of ed.: 7     ამის მიზეზისათჳს, რაჲთა უქმთა მათ უდაბნოთა შინა გამობრწყინდეს სანთელი
Line of ed.: 8     ესე დაუვსებელი, ბრწყინვალჱ ზედა სასანთლესა მას მაღალსა ზეთითა
Line of ed.: 9     მით განუპარველითა, რაჲთა ჴმასა მას და ოხრასა საყჳრისასა აღეტყინოს და
Line of ed.: 10     განბრწყინდეს სულითა ძლიერითა, და მიუძღუეს საქორწინესა მას კრებულსა
Line of ed.: 11     თანა მოწაფეთა მისთა წმიდათასა და რამეთუ მადლითა მით [ღმრთის]
Line of ed.: 12     მხილველითა, გონიერითა და უბიწოჲთა, გულისჴმა-[ე]ყო შეუცვალებელი იგი
Line of ed.: 13     სუფევაჲ, ზეცისა მთავრობაჲ და მათ თანა მოდასეობისა წადიერებითა დაუტევა
Line of ed.: 14     შეცვალებადი [პატივი] ქუეყანისა მოკუდავთა კაცთა სუფევისაჲ და
Line of ed.: 15     მოჰრიდა ჟამიერთა და ნივთიერთა ბუნებათა, რაჲთა უჟამოჲ იგი ნათელი
Line of ed.: 16     უძღოდის უ[ნივთო]სა მას [სა]მკჳდრებელსა და უცვალებელსა დიდებასა სასუფეველსა
Line of ed.: 17     ცათასა.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.