TITUS
Old Georgian Hagiographical Texts, vol. I
Part No. 106
Previous part

Chapter: 5  
Line of ed.: 18        ე^. და ესევითარსა კეთილსა განზრახვასა და გზავნასა მისსა პოვნა მოყუასნი
Line of ed.: 19     კეთილნი შეწევნითა ქრისტჱს მადლისაჲთა: საბა, რომელსა ეწოდა
Line of ed.: 20     საბან, დედის დის-წული მისი, იშხნისა მეორედ მაშენებელი და ებისკოპოსი
Line of ed.: 21     მისი. და თევდორე ნეძჳსა მაშენებელი და მამაჲ; და ქრისტეფორე კჳრიკეთისა
Line of ed.: 22     მაშენებელი და მამაჲ. ესე ოთხნი შეანაწევრნა სარწმუმოებამან, და საღმრთომან
Line of ed.: 23     სიყუარულმან შეამტკიცნა ერთ [ზრახ]ვად შეკრებულნი, ვითარცა სული
Line of ed.: 24     ერთი ოთხთა გუამთა შინა დამტკიცებული. მაშინ ნეტარმან გრიგოლ თქუა
Line of ed.: 25     სიტყუაჲ იგი დავითისი, Ms. page: J_161r  ვითარმედ: "რაჲ-მე კეთილ ანუ რაჲ-მე შუენიერ,
Line of ed.: 26     არამედ დამკჳდრებაჲ ძმათაჲ ერთად*?" რამეთუ ვითარცა თქუა ქრისტემან
Line of ed.: 27     სახელისა მისისათჳს შეკრებულთა შორის დამკჳდრებაჲ თჳსი, ეგრეთ-ვე
Line of ed.: 28     იყავნ ჩუენ შორის თავადი უფალი, რაჲთა სათნო-იყოს სულიერი ესე საგრობაჲ
Line of ed.: 29     ჩუენი უცხოებასა შინა და რაჲთა შეწირულ იყოს მსახურებაჲ ჩუენი
Line of ed.: 30     სათნოდ მის წინაშე". ხოლო მათ თქუეს: "იყავნ ქრისტჱ ღმერთი ჩუენ შორის
Line of ed.: 31     სულიერად ძმობასა და გზავნასა ჩუენსა და უძლურსა გულს-მოდგინებასა
Line of ed.: 32     სიტყუათაებრ შენთა, ბრძენო გრიგოლ, რაჲთა ძალი საღმრთოჲ დაემკჳდროს
Line of ed.: 33     ჩუენ შორის".

Line of ed.: 34        მაშინ ერთითა მით ერთობითა აღიბეჭდნეს თავნი თჳსნი ძლიერებისა
Line of ed.: 35     ბეჭდითა მით ნიშისა საუფლოჲსა პატიოსნისა ჯუარისაჲთა და სიხარულით
Line of ed.: 36     წარემართნეს გზასა მას, რომელი არა უწყოდეს, არამედ არა უმეცარ იყვნეს,
Line of ed.: 37     რამეთუ უფალი მხოლოჲ უძღოდა მათ, ხედვიდა რაჲ გულსა მათსა წმიდასა
Line of ed.: 38     და წყაროებრ დაუწყუედელსა ლოცვასა და ცრემლთა მათთა ნაკადულსა. და
Line of ed.: 39     მოიყვანნა იგინი ქართლით ოპიზას პირველად.

Line of ed.: 40        ხოლო იყვნეს ოპიზას ძმანი მცირედნი შეკრებულ ქრისტჱს სიყუარულისათჳს,
Line of ed.: 41     ვინაჲთგან პოვნილ იყო წმიდაჲ იგი მცირე ეკლესიაჲ წმიდისა
Page of ed.: 253   Line of ed.: 1     ნათლის-მცემელისაჲ, და იყო წინამძღურისა მათისა სახელი ამბა გიორგი,
Line of ed.: 2     რამეთუ მესამე მამაჲ იყო ოპიზისაჲ, რაჲთგან სამოელ და ანდრია გარდაცვალებულ
Line of ed.: 3     იყვნეს. ამან ნეტარმან ამბა გიორგი, ვითარცა იხილნა სანატრელი
Line of ed.: 4     მამაჲ გიორგი და მოყუასნი მისი, გულისჴმა-ყო საღმრთოჲთა ცნობითა
Line of ed.: 5     ღირებისა მათისა მადლი და შეიწყნარნა იგინი სიხარულით, არა ვითარცა
Line of ed.: 6     მოწაფენი, არამედ ვითარცა უზეშთაესნი მისა. უწყოდა სულითა, რამეთუ
Line of ed.: 7     პატივი ზეგარდამო[ჲ] Ms. page: J_161v  ღმრთისა მიერ მონიჭებად იყო მათდა. და ორისა
Line of ed.: 8     წელიწდისა ჟამთა იყუნეს ოპიზას მამაჲ გრიგოლ და მოყუასნი მისნი ღუაწლითა
Line of ed.: 9     ფიცხლითა მონაზონებისა შრომისაჲთა, ვითარცა იყო წესი მის ჟამისა
Line of ed.: 10     მონაზონთაჲ.

Line of ed.: 11        ხოლო მამასა გრიგოლს სწადოდა მარტოდ დაყუდებაჲ, რამეთუ ესმოდა
Line of ed.: 12     ანგელოზებრივი ცხორებაჲ მარტოდ მყოფთაჲ მათ სივრცესა მას შინა უდაბნოჲსასა,
Line of ed.: 13     რომელნი-იგი იზარდებოდეს მთავართა სახედ მწუანვილითა და ხილითა,
Line of ed.: 14     ხოლო რომელნი-მე მცირედითა პურითა და რომელთაჲ-მე ესმოდა სახელი
Line of ed.: 15     და რომელნი-მე ფარულად იყვნეს ყოველთა მათ ნეტართა მოიხილავნ
Line of ed.: 16     წმიდაჲ გრიგოლ და კეთილთა ქცევათა მათთა ისწავებნ, რომელთაგან-მე --
Line of ed.: 17     ლოცვასა და მარხვასა, რომელთაგან-მე -- სიმდაბლესა და სიყუარულსა, რომელთაგან-მე --
Line of ed.: 18     სიმშჳდესა და განურისხველობასა, რომელთაგან-მე -- უპოვარებასა
Line of ed.: 19     და ქუეყანასა ზედა წოლასა, გინა თუ ზე-ჯდომით ძილსა, რომელთაგან-მე -- უძლურებასა
Line of ed.: 20     და ჴელთ-საქმარსა დუმილით და მსგავსთა ამათთა სათნოებათა,
Line of ed.: 21     და ესრეთ სწავლათაგან სულიერთა აღსავსემან მიაქციის საყოფლად-ვე თჳსა,
Line of ed.: 22     რამეთუ ესმინ წმიდათა მათგან, ვითარმედ: "ჰრცხუენისმცა სოფელსა ქცევათაგან
Line of ed.: 23     ჩუენთა კეთილთა".

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.