TITUS
Old Georgian Hagiographical Texts, vol. I
Part No. 109
Previous part

Chapter: 8  
Line of ed.: 35        ჱ^. მას ჟამსა ნეტარი იგი ბერი ჴუედიოს მოხუცებულ იყო ფრიად და
Line of ed.: 36     მიახლებულ ჴორცთაგან განსლვად. მაშინ მივიდა მამაჲ ჩუენი წმიდაჲ
Line of ed.: 37     გრიგოლ და ძმანი-ცა, რომელნი იყვნეს მის თანა, ხილვად ბერისა. და ვითარცა
Line of ed.: 38     მოიკითხეს, ჰრქუეს: "გუაკურთხენ, წმიდაო მამაო, რამეთუ აწ მიხუალ უფლისა".
Line of ed.: 39     ხოლო მან ჰრქუა: "ღმერთი მშჳდობისა, სიყუარულისა და კაცთ-მოყუარებისაჲ
Page of ed.: 258   Line of ed.: 1     იყავნ თქუენ თანა ყოლად-ვე, არამედ ჩემთჳს ლოცვა-ყავთ, წმიდანო
Line of ed.: 2     მამანო, რამეთუ მივალ დღეს ბანაკსა უცხოსა და ღმრთისა საყდართა
Line of ed.: 3     საშინელთა". ხოლო მათ ჰრქუეს: "არა ხარ უცხო ბანაკსა მას წმიდათა ანგელოზთასა,
Line of ed.: 4     რომელთა თანა სულითა მარადის იხარებ წინაშე ქრისტჱსა,
Line of ed.: 5     არამედ ნუ დამივიწყებ ჩუენ, ადგილისა შენისა წმიდისა მკჳდრთა და ნერგთა
Line of ed.: 6     მადლისა შენისათა". და მან ჰრქუა მათ: "ჴელთა ღმრთისათა შევჰვედრებ
Line of ed.: 7     სულსა ჩემსა და ჴელთა თქუენთა -- ჴორცთა ჩემთა, ხოლო ნებითა ღმრთისაჲთა
Line of ed.: 8     ერთად იყოს სიხარული ჩუენი საუკუნოდ".

Line of ed.: 9        და დაიძინა ნეტარმან ბერმან და ტკბილ ეყო მას ჰრული მისი. და ადგილი
Line of ed.: 10     Ms. page: J_166r  იგი აღივსო სულნელებითა და ანგელოზთა წმიდათა გალობითა,
Line of ed.: 11     რომელთა წარიყვანეს იგი სიხარულით წინაშე ქრისტჱსა. ხოლო მამამან
Line of ed.: 12     გრიგოლ და ძმათა წარმოიყვანეს ძლევით შემოსილი გუამი მისი და გალობითა
Line of ed.: 13     წმიდითა დაჰმარხეს იგი საფლავსა შინა, და მადლი მისცეს ქრისტესა
Line of ed.: 14     ნების-მყოფელთა მისთა ძლევისა მომცემელსა და გჳრგჳნოსან მყოფელსა. მაშინ
Line of ed.: 15     ნებითა ღმრთისაჲთა განმრავლდებოდეს ძმანი ქრისტჱს მსახურნი.

Line of ed.: 16        ხოლო მამაჲ გრიგოლ არავის უდებთაგანსა შეიწყნარებდა, არამედ პირველად
Line of ed.: 17     გამოცადის ყოველსა ზედა კეთილისა საქმესა, და უკუეთუ იპოვის გულითა
Line of ed.: 18     უმანკოჲ, უზაკუველი და უდრტჳნველად სიმდაბლით მორჩილი წადიერად
Line of ed.: 19     ყოველსა ზედა კეთილისა საქმესა, იგი შეიწყნარის სიხარულით, ამისთჳს-ცა
Line of ed.: 20     ყოველნი მოწაფენი მისნი კეთილ იყვნეს ფრიად და ღირსად შემწყნარებელ
Line of ed.: 21     სათნოებათა მისთა წმიდათა. და ემსგავსებოდეს მოძღუარსა კეთილსა,
Line of ed.: 22     ვითარცა მოძღუარი მათი ემსგავსებოდა ქრისტესა, რომელი-ცა იტყჳს: "კმა
Line of ed.: 23     არს მოწაფისა მის, იყოს თუ ვითარცა მოძღუარი თჳსი"*. და ესრეთ კეთილად
Line of ed.: 24     ცხონდებოდეს იგინი სულიერად, ხოლო ჴორციელად დიდსა იწროებასა
Line of ed.: 25     იყვნეს.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.