TITUS
Old Georgian Hagiographical Texts, vol. I
Part No. 110
Previous part

Chapter: 9  
Line of ed.: 26        თ^. და მათ ჟამთა მფლობელი იყო ამათ ქუეყანათა ღმრთის-მსახური
Line of ed.: 27     ჴელმწიფჱ დიდი ბაგრატუნიანი აშოტ კურაპალატი, კეთილად მორწმუნჱ,
Line of ed.: 28     რომლისა გამო დაემტკიცა ქართველთა ზედა მთავრობაჲ მისი და შვილთა
Line of ed.: 29     მისთაჲ ვიდრე უკუნისამდე ჟამთა. და ჴელმწიფისა მის წინაშე და შვილთა
Line of ed.: 30     მისთა დიდებულთა მათ ჴელმწიფეთა წინაშე შეუსწავლელ იყო წმიდაჲ გრიგოლ.
Line of ed.: 31     ხოლო იყო ვინმე აზნაური დიდებული წინაშე აშოტ Ms. page: J_166v  კურაპალატისა,
Line of ed.: 32     და ერქუა მას სახელი გაბრიელ დაფანჩული, და აწ ნათესავთა მისთა
Line of ed.: 33     ჰრქჳან დაფანჩულნი. ესე აზნაური შემკულ იყო ყოვლითა სისრულითა და
Line of ed.: 34     სიმდიდრითა, სიბრძნითა, ჰასაკითა და ახოვნებითა, და ყოველსა ზედა საქმესა
Line of ed.: 35     განმარჯუებითა და კეთილად მორწმუნეობითა ქებულ იყო.

Line of ed.: 36        ამას აქუნდეს ზოგნი სოფელნი მახლობელად ვანსა ნეტარისა გრიგოლისსა,
Line of ed.: 37     რომელმან-ცა მოწაფეთა თჳსთა უპოვარებაჲ იხილა რაჲ, მიიწია ნებითა
Line of ed.: 38     ღმრთისაჲთა სახლსა გაბრიელ დაფანჩულისასა. ხოლო იგი შინა არა დახუდა,
Line of ed.: 39     არამედ ღმრთის-მოყუარჱ მეუღლჱ მისი მარიამ სარწმუნოებით მოეგება
Line of ed.: 40     მამასა ჩუენსა გრიგოლს და ჯეროვნად პატივ-სცა და მრავლითა კეთილითა
Page of ed.: 259   Line of ed.: 1     განუტევა. და თანა კაცნი წარმოაყვანნა შესასწავლელად და ჰრქუა:
Line of ed.: 2     "წმიდაო მამაო, ამათ კაცთა ასწავე გზაჲ მონასტრისა შენისაჲ და საღუაწი
Line of ed.: 3     სულიერთა შვილთა შენთაჲ უზრუნველ იყოს შენგან, რამეთუ არა დაგაკლდეს
Line of ed.: 4     სახლისაგან ჩუენისა, არამედ წმიდათა შინა ლოცვათა თქუენთა ჴსენებულ
Line of ed.: 5     გუყვენით უფალი ჩემი გაბრიელ და მე, მჴევალი შენი, და შვილნი ჩუენნი".
Line of ed.: 6     და ესრეთ სიხარულით მოვიდა მონასტრად თჳსა მამაჲ გრიგოლ [!], და განიხარეს
Line of ed.: 7     ძმათა მათ ფრიად, რამეთუ ღმერთმან პატივ-სცის მადიდებელთა თჳსთა.

Line of ed.: 8        ხოლო რაჟამს მოიწია სახიდ თჳსა გაბრიელ მთავარი, მაშინ აუწყა
Line of ed.: 9     ღმრთის-მოყუარემან მეუღლემან მისმან ნეტარისა მამისა გრიგოლის მოსლვაჲ,
Line of ed.: 10     და ვითარ-იგი მან სიხარულით განუტევა და ვითარცა ესმა ესე დიდებულსა
Line of ed.: 11     მას აზნაურსა, მადლი შეწირა ღმრთისა წმიდისა მის შესლვისათჳს
Line of ed.: 12     სახლსა თჳსსა, და აკურთხა მეუღლჱ თჳსი, და მწრაფლ ხოლო დაწერა წიგნი
Line of ed.: 13     ვედრებისაჲ და წარავლინნა Ms. page: J_167r  კაცნი კეთილნი, რაჲთა კუალად-ცა ბრძანოს
Line of ed.: 14     სახლსა მისსა. ხოლო მამაჲ ჩუენი ნეტარი გრიგოლ მორჩილ იქმნა სიტყუათა
Line of ed.: 15     მისთა და წარჰყვა კაცთა მათ მოვლინებულთა.

Line of ed.: 16        და ვითარცა ესმა მისლვაჲ ამის ნეტარისაჲ, აღდგა და მიეგება წინა
Line of ed.: 17     გაბრიელ, აზნაური მეფისაჲ, და თაყუანის-სცა სიხარულით და ამბორს-უყოფდა
Line of ed.: 18     წადიერად ჴელთა მისთა წმიდასა მას და წარიყვანა პატივით სახედ თჳსა
Line of ed.: 19     და მრავალთა დღეთა განუსუენა. და წარმოუდგინნა წინაშე მისსა ოთხნი
Line of ed.: 20     იგი ძენი თჳსნი, ყოლად კეთილნი და ყოვლითა-ვე მსგავსნი გაბრიელ მამისა
Line of ed.: 21     მათისანი: პატრიკ, გუარამ, არშუშა და აბულ-ასათ. და ჰრქუა ნეტარსა
Line of ed.: 22     გრიგოლს: "წმიდაო ღმრთისაო, აკურთხენ ესენი წმიდათა ჴელთა შენთა დასხმითა.
Line of ed.: 23     ვითარცა ისრაჱლ იოსების ძენი აკურთხნა, ეგრეთ-ვე შენ ყოველნი
Line of ed.: 24     შვილნი ჩუენნი აკურთხენ ჩუენ, მშობელთა მათთა თანა!"

Line of ed.: 25        და ვითარცა იხილა წმიდამან მან ფრიადი სარწმუნოებაჲ კურთხეულთა
Line of ed.: 26     მათ მეუღლეთა და შვილთა მათთა, მაშინ აღდგა სიხარულისა ცრემლითა
Line of ed.: 27     სავსჱ და აღიპყრნა წმიდანი ჴელნი თჳსნი [ღმრთისა] მიმართ და ჰრქუა:
Line of ed.: 28     "უფალო, საუკუნითგანთა წმიდათა შენთა მორწმუნენი შენნი, რომელნი-ცა
Line of ed.: 29     იკურთხნიან, სიტყუაჲ მათი საქმით აღასრული, აწ-ცა, უფალო, მოხედე ლოცვასა
Line of ed.: 30     ჩემსა, გლახაკისა მონისა შენისასა, და ლოცვითა ყოველთა წმიდათა
Line of ed.: 31     შენთაჲთა აკურთხენ მშობელნი შვილითურთ და შვილნი მშობელთა თანა.
Line of ed.: 32     კეთილად მორწმუნენი ესე და მადიდებელნი წმიდისა სახელისა შენისანი.
Line of ed.: 33     ვითარცა აკურთხე სახლი ნოვე მართლისაჲ და აბრაჰამ მამათ-მთავრისაჲ და
Line of ed.: 34     ყოველთა ნების-მყოფელთა შენთაჲ, ღმერთო დიდებისაო, იგი-ვე კურთხევაჲ
Line of ed.: 35     საუკუნოჲ დაამკჳდრე ამათ შორის და უხუად მიანიჭე კეთილი ქუეყანისაჲ
Line of ed.: 36     დღე-გრძელებასა შინა და კეთილი ზეცისაჲ დაუსრულებელი და Ms. page: J_167v  ჩუენთჳს
Line of ed.: 37     წყალობა ყავ, ამენ".

Line of ed.: 38        და ჯუარი დასწერა ყოველთა და დაჯდა. მაშინ გაბრიელ ჰრქუა წმიდასა
Line of ed.: 39     მას: "ქრისტემან საქმით დაამტკიცენ სიტყუაჲ ბაგეთა შენთაჲ, ღირსო
Line of ed.: 40     მამაო, და ჩუენ მოგუეცინ უფალმან გულს-მოდგინედ მსახურებაჲ სიწმიდისა
Page of ed.: 260   Line of ed.: 1     შენისაჲ, რაჲთა სიტყუაჲ იგი მოციქულისაჲ ჩუენ შორის აღესრულოს, ვითარმედ --
Line of ed.: 2     თქუენი ნამეტნავი მათისა ნაკლულევანებისა და მათი ნამეტნავი
Line of ed.: 3     თქუენისა ნაკლულევანებისა"*.

Line of ed.: 4        აწ ჩუენ თანა არს ჴორციელი კეთილი და თქუენ თანა არს სულიერი
Line of ed.: 5     კეთილი, და ესე შევზავნეთ ურთიერთას, თქუენ მონაწილე გუყვენით წმიდათა
Line of ed.: 6     ლოცვათა თქუენთა ცხორებასა ამას და შემდგომად სიკუდილისა, და
Line of ed.: 7     ძუალნი ჩუენნი ღირს ყვენით დასხმად წმიდათა თანა ძუალთა თქუენთა, და
Line of ed.: 8     ლოცვაჲ ჩუენთჳს უკუნისამდე განაწესეთ მონასტერსა თქუენსა, და ჩუენ
Line of ed.: 9     აღგითქუამთ ცხორებასა ჩუენსა და ცხორებასა შვილთა ჩუენთასა.

Line of ed.: 10        "შვილითი-შვილადმდე თანა-გუაც თქუენი ღუწაჲ და მონასტრისა თქუენისაჲ
Line of ed.: 11     ჟამთა უკუნისამდე. არამედ, წმიდაო მამაო, სავანე კეთილი ადგილი
Line of ed.: 12     დედათათჳს სამკჳდრებელად გამონახეთ, რაჲთა ესე მცნებაჲ იყოს ჩუენ შორის:
Line of ed.: 13     ნათესავისა ჩემისა უკუეთუ მოწესე მამაკაცი იყოს, სამკჳდრებელად მისა
Line of ed.: 14     ხანცთაჲ იყოს, და უკუეთუ ერისა ჩემისა მოწესჱ დედაკაცი იყოს, მუნ
Line of ed.: 15     დაემკჳდროს, რომელი-ცა შენ გამოაჩინო ქუეყანასა ამას ადგილი, შენ მიერ
Line of ed.: 16     კურთხეული. და ვითარცა მიცვალებულთა მამათათჳს ხანცთაჲ გამიწესებია,
Line of ed.: 17     ეგრეთ-ვე იყოს სამარხავი მიცვალებულთა დედათაჲ აწ შენებულსა მას".

Line of ed.: 18        ხოლო ნეტარმან მამამან გრიგოლ ძიება ყო გულს-მოდგინედ და პოვა
Line of ed.: 19     ადგილი კეთილი გუნათლეს მახლობელად. Ms. page: J_168r  ჯუარი დასწერა და მუნ აღაშენეს
Line of ed.: 20     მონასტერი დედათაჲ, რომელსა აწ ჰრქჳან გუნათლის ვანი. და ჟამის
Line of ed.: 21     მწირველი მღდელი ვანისა მისთჳს ხანცთით განაწესა ნეტარმან გრიგოლ
Line of ed.: 22     ვედრებითა გაბრიელისითა. ამისთჳს-ცა მსგავსად აღთქუმისა ხანცთას შინა
Line of ed.: 23     ელოცვების ყოველთა დაფანჩულთა ვიდრე დღენდელად დღემდე.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.