TITUS
Old Georgian Hagiographical Texts, vol. I
Part No. 119
Previous part

Chapter: 18  
Line of ed.: 37        ი^ჱ. არამედ პირველთა მათ დღეთა ნეტარისა მამისა ჩუენისა გრიგოლისთა
Line of ed.: 38     ფიცხელ იყო ფრიად კანონი მოწაფეთა მისთაჲ. რამეთუ სენაკთა
Line of ed.: 39     მათთა შინა იყო მცირე სარეცელი და შეურაცხი საგებელი და თითოჲ სარწყული
Line of ed.: 40     წყლისათჳს. ხოლო სხუაჲ ნუგეშინის-საცემელი ჴორცთაჲ არაჲ აქუნდა
Page of ed.: 267   Line of ed.: 1     და საჭამადისაჲ და სასუამადისაჲ ყოლად-ვე, არამედ რომელი ტრაპეზსა ზედა
Line of ed.: 2     ერთბამად ჭამიან, მით იყო ცხორებაჲ მათი. და მრავალნი მათგანნი არა სუმიდეს
Line of ed.: 3     ღჳნოსა ყოლად-ვე. და რომელნი-ცა მიიღებდეს, მცირედ იჴუმევდეს
Line of ed.: 4     და სენაკებსა მათსა საკუამი არა აქუნდა, რამეთუ ცეცხლი არა აღეგზებოდა,
Line of ed.: 5     და არცა ღამჱ Ms. page: J_174v  სანთელი აღანთიან, არამედ ღამე იყო ფსალმუნებაჲ და
Line of ed.: 6     დღისი წიგნის კითხვაჲ და ლოცვაჲ მარადის, ვითარცა იტყჳს დავით: "დღისი
Line of ed.: 7     ამცნო უფალმან წყალობაჲ მისი და ღამჱ გალობაჲ მისი"*.

Line of ed.: 8        ხოლო ნეტარმან მამამან გრიგოლ თავადნი დიდნი მარხვანი გარდავლნის
Line of ed.: 9     მცირედითა კალნაბითა უმგბვრითა. ხოლო მრჩობლად საზრდელად მისა იყო
Line of ed.: 10     ყოველთა დღეთა მისთა პური, ნაკლულევანებით დღესა შინა ერთ ჭამის და
Line of ed.: 11     წყალი წონით-ვე მცირედი, ღჳნოჲ კულა სიყრმითგან-ვე არა ესუა და უმრავლესნი
Line of ed.: 12     სათნოებანი მისნი და მოწაფეთა მისთანი ღმერთმან მხოლომან უწყნის.

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.