TITUS
Old Georgian Hagiographical Texts, vol. I
Part No. 129
Previous part

Chapter: 28  
Line of ed.: 25        კ^ჱ. ამისა შემდგომად მამისა გრიგოლისთჳს ზრახვა-ყვეს ეპისკოპოსისა
Line of ed.: 26     მის თანა წმიდათა მამათა, რაჲთა დაადგინონ გრიგოლ არქიმანდრიტად ყოველთა
Line of ed.: 27     კლარჯეთისა Ms. page: J_186r  უდაბნოთა ზედა და მოაჴსენეს ჴელმწიფეთა მათ.
Line of ed.: 28     ხოლო მათ ფრიად განიხარეს და ერთობით დიდითა დაპატიჟებითა მოღუაწებისა
Line of ed.: 29     მის საქმედ დაადგინეს. და მრავალთა წელიწადთა ვიდრე გარდაცვალებადმდე
Line of ed.: 30     განაგებდა წმიდათა მათ მამათა წესსა კეთილად.

Line of ed.: 31        ხოლო ჴელმწიფეთა მათ მოილოცნეს მიძნაძოროჲ, წყაროჲს თავი, და
Line of ed.: 32     ბარეთელთაჲ და ადგილნი მათნი, და მუნ-ცა მისცეს შესაწირავი და მიიღეს
Line of ed.: 33     მადლი წმიდათა მათ ეკლესიათაგან და ნეტართა მამათა ღირსთა და წმიდათა
Line of ed.: 34     მოღუაწეთაგან. და ყოველთა მათ უდაბნოთა ზღვარნი-ცა გან-ვე-უთჳსნეს.

Line of ed.: 35        და წარსლვასა მათსა თანა წარიყვანეს ნეტარი გრიგოლ. და ადარნერსე
Line of ed.: 36     ჴელმწიფემან ძჱ თჳსი გურგენ ნათლითა მისცა მას, და რამეთუ ბაგრატ
Line of ed.: 37     კურაპალატისა ძე, დავით კურაპალატი, ნეტარისა მამისა გრიგოლის-ვე
Line of ed.: 38     აქუმული იყო, ორნი ესე ჴელმწიფენი: დავით კურაპალატი და გურგენ კურაპალატი;
Line of ed.: 39     რომლისათჳს-ცა გარდაცვალებისა ჟამსა ანდერძი უყო გურგენ
Line of ed.: 40     კურაპალატსა, ვითარმედ: "ნათლის-მამისა ჩემისა ძუალთა მახლობელად დამდევით
Line of ed.: 41     ფერჴთა თანა მისთა და სხუათა მათ მამათა ძუალნი ჩემ ზედა დაუსუენენით",
Line of ed.: 42     რომელ ყვეს-ცა ესრეთ. Ms. page: J_186v  არამედ შემდგომად გურგენ კურაპალატისა,
Page of ed.: 277   Line of ed.: 1     ძემან მისმან, აშოტ ერის-თავთა ერის-თავმან, ხანცთის ახალი ეკლესიაჲ
Line of ed.: 2     დაიწყო წადიერად და ურიცხჳ შესაწირავი გარდაჰმატა მას.

Line of ed.: 3        ხოლო იყო ჟამსა მას ხანცთას წინამძღურად მამაჲ არსენი, ნათესავით
Line of ed.: 4     აზნაური. ამისითა განზრახვითა იქმნა დაწყებაჲ ახლისა მის და შუენიერისა
Line of ed.: 5     ეკლესიისაჲ ფიცხელსა მას კლდესა ზედა, რომელი-ცა ფრიადითა შრომითა
Line of ed.: 6     და ქვითკირითა მყარითა მრავალთა ჟამთა დაავაკეს და ესრეთ შეჰრაცხეს
Line of ed.: 7     შემზადებაჲ ადგილისაჲ მის, ვითარ-მცა სრულიად აღეშენა. არამედ აკურთხენ
Line of ed.: 8     ქრისტემან ამონა, სიბრძნით სრულიად მაშენებელი, და შემწენი ყოველნი,
Line of ed.: 9     რომელთაგან კეთილად განემარჯუებოდა შენებაჲ ეკლესიისაჲ მის. ხოლო
Line of ed.: 10     ქვაჲ და კირი ფრიად შორით მოაქუნდა ძნელთა მათ გზათა კაცთა ზურგითა,
Line of ed.: 11     და ყოველი სასწორითა იწონებოდა, რამეთუ იყიდდეს მაშენებელნი იგი.

Line of ed.: 12        მას ჟამსა გარდაიცვალა ღმრთის მსახური იგი ჴელმწიფე, წმიდათა ეკლესიათა
Line of ed.: 13     მაშენებელი და მონაგებთა შემწირველი და გლახაკთა მოღუაწე, და
Line of ed.: 14     დაემარხა ხანცთას არსენის გზითა და ძისა მისისა მცხუედისაჲთა. არამედ
Line of ed.: 15     მამაჲ არსენი და ჯიბრილისა ძმაჲ, სანატრელი იოვანე, ახლისა ეკლესიისა
Line of ed.: 16     განმასრულებელი, ორნი-ვე ესე ხანცთას Ms. page: J_187r  მამობასა შინა აღესრულნეს.

Line of ed.: 17        ქრისტემან განსუენებაჲ მიეცინ მათ!
Line of ed.: 18     ხოლო გურგენ, ძმის-წული აშოტისი, დიდი იგი ჴელმწიფჱ ფრიადთა
Line of ed.: 19     ნათესავთაჲ, ღმრთისა მიერ დაჯდა ერის-თავთა ერის-თვად. და მან განასრულა
Line of ed.: 20     ეკლესიაჲ იგი ახალი ხანცთისაჲ და მის თანა ყოველთა დადებულთა ჴელმწიფეთა
Line of ed.: 21     და აზნაურთა და ყოველმან ერმან მორწმუნეთამან და უფალმან კეთილი
Line of ed.: 22     მოუკლებელი მიეცინ ყოველთა-ვე!

Next part


This text is part of the TITUS edition of Old Georgian Hagiographical Texts, vol. I.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.