TITUS
Kartlis Cxovreba
Part No. 30
Previous part

Text: L.Mr._Vita_Nin.  
Part: I  
Page of ed.: 72  
Line of ed.: 1  
ლეონტი მროველი
Line of ed.: 2  
[ნაწილი მეორე: ნინოს მიერ ქართლის მოქცევა]


Line of ed.: 3  
მოქცევა მირიან მეფისა და მის თანა ყოვლისა ქართლისა წმიდისა
Line of ed.: 4  
და ნეტარისა დედისა ჩუენისა ნინო მოციქულისა მიერ


Line of ed.: 5        პირველად ვაჴსენოთ ცხოვრება / წმიდისა და ნეტარისა დედისა ჩუენისა და ყოვლისა
Line of ed.: 6     ქართლისა განმანათლებელისა ნინო მოციქულისა, რომელი-ესე თჳთ მან-ვე
Line of ed.: 7     ნეტარმან მოგჳთხრა ჟამსა აღსრულებისა მისისასა, რომელი აღწერა მორწმუნემან
Line of ed.: 8     დედოფალმან სალომე უჯარმელმან, ძის ცოლმან მირიან მეფისამან, ასულმან თრდატ
Line of ed.: 9     სომეხთა მეფისამან.

Line of ed.: 10        და იყო მათ ჟამთა შინა, ოდეს წმიდა გიორგი კაბადუკელი იწამა ქრისტესთჳს,
Line of ed.: 11     იყო კაბადუკიათ ქალაქით კაცი ვინ-მე, მთავართა შესაბამი მონა ღმრთისა, სახელით
Line of ed.: 12     ზაბილონ, და ესე წარვიდა ჰრომედ წინაშე მეფისა მსახურებად / და ნიჭისა მოღებად
Line of ed.: 13     მისგან. და მათ-ვე დღეთა შინა კაცი ვინ-მე იყო კოლასტრას შინა, და ეს/ხნეს მას ორ
Line of ed.: 14     შვილ, ძე და ასული: და სახელი ძისა მისისა იობენალი, ხოლო ასულისა სოსანა.
Line of ed.: 15     და აღესრულნეს მეუღლენი იგი, და დარჩეს და-ძმანი იგი ობლად, და აღდგეს და
Line of ed.: 16     წარვიდეს იგინი .ქალაქად წმიდად იერუსალემად. და იმედ ყვეს იმედი იგი ყოველთა
Line of ed.: 17     ქრისტიანეთა წმიდა აღდგომა, და მიევედრნეს მუნ. ვინა-ცა ძმა ესე იობენალი მიემთხჳა
Line of ed.: 18     დევტალარობასა, ხოლო დაჲ იგი მისი სოსანა მსახურებდა ნიაფორსა სარა ბეთლემელსა.

Page of ed.: 73  
Line of ed.: 1        ხოლო ესე ჭაბუკი კაბადუკელი, სახელით ზაბილონ, რომელი ვაჴსენეთ, მიიწია
Line of ed.: 2     ჰრომედ წინაშე მეფისა. და აღდგომილ იყვნეს მას ჟამსა ბრანჯნი ბრძოლად ჰრომთა,
Line of ed.: 3     ველსა ზედა პატალანისასა. და მოსცა / უფალმან ძალი ზაბილონს, ჭაბუკსა მას კაბადუკელსა,
Line of ed.: 4     უძლეველი, და ქმნა წინა-აღდგომა მტერთა მიმართ უზომოთა, და აოტნა
Line of ed.: 5     ბრანჯნი, და შეიპყრა მეფე ბრანჯთა და ყოველნი იგი მთავარნი მათნი, და / მიიყვანნა
Line of ed.: 6     იგინი წინაშე მეფისა. ხოლო მეფემან განაწესა სიკუდილი მათი. მაშინ იწყეს ტირილად
Line of ed.: 7     ბრანჯთა მათ, და ევედრებოდეს ზაბილონს: "მოგუეც პირველად სჯული თქუენი
Line of ed.: 8     და შეგჳყვანენ ტაძარსა ღმრთისა თქუენისასა, და მაშინ-ღა / იყავნ სიკუდილი ჩუენი.
Line of ed.: 9     რამეთუ შენ-ვე გჳპყრენ და შენ-ვე ყავ ესე ჩუენ ზედა, და უბრალო იქმნე სისხლისა
Line of ed.: 10     ჩუენისაგან, ახოვანო".

Line of ed.: 11        ხოლო ზაბილონს ვითარცა ესმა ესე, მსწრაფლ აუწყა მეფესა და პატრიაქსა
Line of ed.: 12     სიტყუა მათი. და მოსცეს ნათელი ჴელსა ქუეშე ზაბილონისსა. და შეიყვანნეს ტაძარსა
Line of ed.: 13     შინა ღმრთისასა, აზიარნეს წმიდათა საიდუმლოთა, ჴორცსა და სისხლსა ქრისტესსა,
Line of ed.: 14     და უჩუენნეს მათ დიდებანი იგი მოციქულთანი.

Line of ed.: 15        და დილეულ ადრე ადგეს ბრანჯნი იგი, და შეიმოსეს სამოსელი სამკუდრო, და
Line of ed.: 16     განვიდეს ადგილსა მას კაცის სამკლველოსა და სისხლის დასათხეველსა, ილოცვიდეს
Line of ed.: 17     და ჰმადლობდეს ღმერთსა ნათლის-ღებისათჳს და იტყოდეს: "ჩუენ სიკუდილსა / შინა
Line of ed.: 18     უ/კუდავ ვართ, რამეთუ ღირს გუყვნა ღმერთმან ესე-ვითარსა დიდებასა მიღებად
Page of ed.: 74   Line of ed.: 1     საგზალსა მას დაულევნელსა, ჴორცსა და სისხლსა ქრისტეს ძისა ღმრთისა უკუდავისასა,
Line of ed.: 2     რომელი უმაღლეს არს ყოველთა მთათა და უქუესკნელეს ყოველთა უფსკრულთა,
Line of ed.: 3     რომელი-იგი არს კურთხეულ უკუნისამდე. ხოლო ვაი ნაშობთა ჩუენთა, ნაყოფთა სიმწარისათა
Line of ed.: 4     და მკჳდრთა ბნელისათა". და ჴმობდეს: "მოვედინ მეჴრმლე / და აღიხუენ
Line of ed.: 5     თავნი ჩუენნი ჩუენგან".

Line of ed.: 6        ამას რა ხედვიდა ზაბილონ, აღიძრა გონებითა და ტიროდა მწარედ, რამეთუ
Line of ed.: 7     ვითარცა ცხოვართა თავნი მათნი წარკუეთად მოიდრიკნეს, და მოსიკუდიდ მიეპყრნეს,
Line of ed.: 8     და ვითარცა კრავთა შვილთა მათთა საწყალობელად იგლოვდეს.

Line of ed.: 9        მაშინ მოწყალე ქმნული მათთჳს შევიდა ზაბილონ წინაშე მეფისა და გამოითხოვნა
Line of ed.: 10     იგინი მეფისაგან სამკუდროდ შეკაზმულნი, და მიმადლნა მეფემან და რქუა: "მიმინიჭებია
Line of ed.: 11     იგინი შენდა, და რაჲ-ცა გნებავს უყავ მათ". და განუტევნა იგინი.

Line of ed.: 12        ხოლო იგინი ევედრებოდეს ზაბილონს, რათა წარყვეს ქუეყანასა მათსა და მისცეს.
Line of ed.: 13     / სჯული ქრისტესი, ნათლის-ღება წყლითა ყოველსა ერსა მათსა. ხოლო მან ისმინა
Line of ed.: 14     ვედრება მათი, და მოითხოვა მღდელი პატრიაქისაგან; და ბრძანება მოიღო მეფისაგან.
Line of ed.: 15     და წარვიდეს სიხარულით.

Line of ed.: 16        და ვითარ მიეახლნეს დღისა ერთისა სავალსა, მივიდა წინა / ამბავი, ვითარმედ:
Line of ed.: 17     "მეფე ცოცხალი არს, მოვალს, და ყოველნი მთავარნი მის თანა". მაშინ შეიძრნეს
Line of ed.: 18     ათნი საერისთაონი: ხოზამა, ხოზა, გაახილაჯა, ტენებაგა, ხინგარაგი, ზიჯა, ზაგა,
Page of ed.: 75   Line of ed.: 1     ზადა, ზარმა და თმონიდი სამეფო. და მიეგებვოდეს ესე ყოველნი მდინარესა ზედა
Line of ed.: 2     დიდსა და ღრმასა.

Line of ed.: 3        და განყო მეფემან ერი იგი და დაადგინა წყალსა იმიერ და ამიერ. და აკურთხეს
Line of ed.: 4     მღდელთა მათ წყალი იგი, და შთაჴდა ყოველი ერი იგი წყალსა მას, განიბანნეს და
Line of ed.: 5     აღმოვიდეს აღმოსავალსა ერთსა, და დასდებდა ზაბილონ ჴელსა თჳსსა ყოველ/სა მას
Line of ed.: 6     ერსა..და იყო მუნ ათ დღე. და აზიარნა ერნი იგი ყოველნი საიდუმლოსა ქრისტესსა,
Line of ed.: 7     დაუტ/ევნა მღდელნი და განუწესა ყოველი წესი ქრისტიანობისა.

Line of ed.: 8        ამისა შემდგომად იჯმნა მათგან, დაუტევა მშჳდობა ყოველთა და წარვიდა, ნიჭითა
Line of ed.: 9     დიდითა, ჰრომედ, და განიზრახა გონებასა თჳსსა: "წარვიდე იერუსალემად და ვამსახურო
Line of ed.: 10     ნიჭი ესე ჩემი ადგილთა ღმრთისათა". წარვიდა იერუსალემს და, ვითარ მიიწია
Line of ed.: 11     იერუსალემად, განუყო ყოველი იგი მონაგები თჳსი გლახაკთა, მცნებისათჳს ღმრთისა.
Line of ed.: 12     და იხილა, რამეთუ პირველ ჴსენებული იგი დევტალარი პატრიაქ ქმნილ იყო; და
Line of ed.: 13     ფრიად დაიმეგობრნეს ურთიერთას ზაბილონ და პატრიაქი იგი.

Line of ed.: 14        მაშინ რქუა სარა ნიაფორმან პატრიაქსა ესრეთ, ვითარმედ: "ესე ზაბილონ, მამა
Line of ed.: 15     და ემბაზი ბრანჯთა, კაცი სრული ღმრთის-მოშიშობითა და სიბრძნითა არს ყოვლად-ვე:
Line of ed.: 16     მიეც უ/კუე დაჲ შენი სოსანა ცოლად მისდა. ვინა-ცა სთნდა წმიდასა პატრიაქსა
Page of ed.: 76   Line of ed.: 1     განზრახვა ესე სარა ნიაფორისა, და მისცა სოსანა ცოლად ზაბილონს, და წარვიდა
Line of ed.: 2     ზაბილონ თჳსად ქალაქად კოლასტრად.

Line of ed.: 3        ესე წმიდა ნინო, მოძღუარი ქართლისა, მათგან იშვა ოდენ მხოლოდ, თჳნიერ
Line of ed.: 4     სხჳსა შვილისა. და აღზარდა დედამან მისმან სოსანა მსახურებასა შინა გლახაკთ/ასა.

Line of ed.: 5        ხოლო ვითარ იქმნა ნინო თორმეტისა წლისა, მაშინ განყიდეს მშობელთა მისთა
Line of ed.: 6     ყოველი-ვე, რა-ცა აქუნდა, და წარვიდეს იერუსალემად და განუყვეს გლახაკთა. ხოლო
Line of ed.: 7     მი-რა-იწივნეს იერუსალემად (!), მაშინ ზაბილონ დაიწერა / ჯუარი პატრიაქისაგან და იჯმნა
Line of ed.: 8     ცოლისაგან თჳსისა, და შეიტკბო მკერდსა თჳსსა ასული თჳსი წმიდა ესე ნინო, და
Line of ed.: 9     დაყარნა, ვითარცა წყარონი, ცრემლნი თუალთაგან პირსა მისსა და რქუა: "შენ მხოლოო
Line of ed.: 10     ასულო ჩემო, ესე-რა დაგიტეობ ობლად ჩემგან და მიგათუალავ შენ მამასა ზეცათასა
Line of ed.: 11     და ყოველთა მზრდელსა ღმერთსა. რამეთუ იგი არს მამა ობოლთა და მსაჯული
Line of ed.: 12     ქურივთა. ნუ გეშინინ, შვილო ჩემო, ხოლო შენ მარიამ მაგდანელისა შური აღიღე
Line of ed.: 13     ქრისტეს სიყუარულისათჳს და დათა მათ ლაზარესთა. და უკეთუ შენ ეგრეთ შეიყუარო
Line of ed.: 14     იგი, ვითარცა მათ შეიყუარეს, მან ეგრეთ-ვე მოგცეს შენ ყოველი-ვე, რა-ცა ითხოვო
Line of ed.: 15     მისგან.

Line of ed.: 16        ხოლო ესე-რა თქუა, დაუტევა ამბორის-ყოფა საუკუნო და წარვი/და წიაღ იორდანესა
Line of ed.: 17     კაცთა მათ თანა / ველურთა, სადა-იგი ყოფა მისი უწყის ღმერთმან, ყოვლისა
Line of ed.: 18     მეცნიერად დამბადებელმან.

Page of ed.: 77  
Line of ed.: 1        ხოლო დედა იგი წმიდისა ნინოსი მისცა პატრიაქმან მსახურად გლახაკთა დედათა
Line of ed.: 2     და უძლურთა. და წმიდა ნინო მსახურებდა ნიაფორსა სომეხსა დვინელსა ორ წელ,
Line of ed.: 3     და ჰკითხვიდა ყოვლად-ვე ვნებათა მათთჳს ქრისტესთა: ჯუარ-ცმისა, დაფლვისა და აღდგომისა
Line of ed.: 4     მისისა, და სამოსლისა მის და ტილოთა და სუდარისა, და ჯუარისა და სხჳსა
Line of ed.: 5     ყოვ/ლისა-ვე შემდგომითი-შემდგომად გამოეძიებდა, რამეთუ არა-ვინ ყოფილ-იყო და არ-ცა-ვინ
Line of ed.: 6     იყო შორის იერუსალემისა სწორ მისსა მეცნიერებითა სჯულისა, ძუელისა და
Line of ed.: 7     ახლისათა, ყოველსა-ვე ზედა-მიწევნით. ხოლო იწყო უწყებად მისა და რქუა: "ვხედავ,
Line of ed.: 8     შვილო ჩემო, ძალსა შენსა ვითარცა ძალსა ლომისა ძუისასა, რომელი იზახებნ ყოველთა
Line of ed.: 9     ზედა ოთხფერჴთა, გინა ვითარცა ორბი დედალი, რომელი აღვიდის სიმაღლესა
Line of ed.: 10     ჰაერთასა უფროს მა/მლისა, და ყოველი ჴმელი გუგასა შინა თუალისა მისისასა მცირისა
Line of ed.: 11     მარგალიტისა სწორად შეიყვანის, განიხილის და განიცადის საჭმელი მისი
Line of ed.: 12     ცეცხლებრ. ხოლო იხილის რა, მიუტევნის ფრთენი და მიეტევის მას ზედა. ეგრეთ-ვე
Line of ed.: 13     სახედ იყოს ცხოვრება შენი წინამძღურებითა სულისა წმიდისათა.

Line of ed.: 14        ხოლო აწ ვიწყო და მიგითხრა ყოველი-ვე. რამეთუ ოდეს იხილეს ღმერთი იგი
Line of ed.: 15     უკუდავი კაცთა მოკუდავთა ქუეყანასა ზედა, რომელი მოსრულ იყო / მოწოდებად წარმართთა,
Line of ed.: 16     ვითარცა თჳთ უნდა ჴსნა სოფლისა, იწყო კეთილის ყოფად ჰურიათა: მკუდართა
Line of ed.: 17     აღდგინებად, ბრმათა ახილვად, სნეულთა განკურნებად. რომელი-ესე შეიშურვეს და
Line of ed.: 18     შეიზრახნეს, და წარავლინეს სტრატიოტნი ყოველსა ქუეყანასა მსწრაფლ მოსლვად
Page of ed.: 78   Line of ed.: 1     ჰურიათა და თქუეს, რამეთუ: "აჰა, ესე-რა წარვწყმდებით, მოვედით და შემო/კერბით
Line of ed.: 2     ყოველნი".

Line of ed.: 3        მაშინ მოიწივნეს ყოვლით ქუეყანით კაცნი ურიცხუნი, სწავლულნი სჯულსა
Line of ed.: 4     მოსესსა, რომელნი-იგი / წინააღუდგეს სულსა წმიდასა, და რა-იგი ჯერ იყო ყოფად
Line of ed.: 5     ქრისტესსა, მათ აღასრულეს: რამეთუ ჯუარს აცუეს და სამოსელსა მისსა ზედა წილი
Line of ed.: 6     იგდეს, და ხუდა წილითა მით ჩრდილოელთა მცხეთელთა მოქალაქეთა. ხოლო დაფლეს
Line of ed.: 7     რა მათ ჰურიათა ქრისტე, და დაკრძალეს და დაბეჭდეს საფლავი იგი მისი. არამედ იგი
Line of ed.: 8     აღდგა, ვითარცა თქუა პირველად, და ტილონი იგი პოვნეს საფლავსა მას შინა. ვითარ
Line of ed.: 9     განთენა, ესე ყოველი წარმოიცა. და მოვიდა პილატე-ცა და ცოლი პილატესი ქრისტეს
Line of ed.: 10     საფლავად. და ტილონი იგი, ვითარ პოვნეს, მოიხუნა ცოლმან პილატესმან და წარვიდა
Line of ed.: 11     მსწრაფლ პონტოდ, სახლად თჳსად, და იქმნა მორწმუნე ქრისტესა.

Line of ed.: 12        ხოლო შემდგომად ჟამთა რა-ოდენთა-მე მივიდეს წელთა ლუკა მახარებლისათა, და
Line of ed.: 13     დასხნა მან იგინი სადა-ცა თჳთ უწ/ყის. ხოლო სუდარი არა იპოვა, დაღაცათუ თქუეს
Line of ed.: 14     ვიეთ-მე პეტრესთჳს, ვითარმედ: "ჴელ-ეწიფა ახუმად-ო და აქუნდეს მას-ო". არამედ განცხადებულად
Line of ed.: 15     არა გჳ/თ/ხრეს, ვითარ სხუა იგი. ხოლო ჯუარნი იგი ამას-ვე ქალაქსა
Line of ed.: 16     შინა იერუსალემსა დამარხულ არიან, გარნა ადგილი მათი არა-ვინ უწყის; ოდეს ინებოს
Line of ed.: 17     ღმერთმან, გამოჩნდეს იგინი-ცა. ვითარცა ესმა ესე ყოველი წმიდასა ნინოს სარა
Page of ed.: 79   Line of ed.: 1     ნიაფორისაგან, მაშინ შეწირა ღმრთისა მადლობა და აკურთხა. და კუალად ჰკითხა მას,
Line of ed.: 2     თუ "სადა არს ჩრდილოსა. იგი ქუეყანა, სადათ-იგი მოსრულთა მათ ჰურიათა წილ
Line of ed.: 3     ხუდა და წარიღეს სამოსელი იგი უფლისა ჩუენისა იესო ქრისტესი". მიუგო და რქუა
Line of ed.: 4     სარა ნიაფორმან, ვითარმედ: "არს აღმოსავლეთით ქალაქი სახელით მცხეთა, ქუეყანა
Line of ed.: 5     ქართლისა და სომხითისა -- მთეულეთი საწარმართო, არამედ ჟამსა ამას უჟიკთა საჴელმწიფოდ
Line of ed.: 6     შექმნილ არს იგი".

Line of ed.: 7        ხოლო მათ დღეთა შინა მოვიდა დედა-კაცი ვინ-მე ეფესოთ თაყუანის-ცემად წმიდისა
Line of ed.: 8     აღდგომისა, და ჰკითხვიდა დედა-კაცსა მას სარა ნიაფორი, ვითარმედ: "ელენე დედოფალი
Line of ed.: 9     ეგრეთსა-ვე ცთომილებასა და ბნელსა შინა არს-ა"? ხ/ოლო მან რქუა ესრეთ,
Line of ed.: 10     ვითარმედ: "მე ვარ მჴევალი მათი და მეცნიერი განზრახვასა მათსა ყოველსა, ცხადსა
Line of ed.: 11     და დაფარულსა, და უწყი მე მისი, რამეთუ აქუს მას დიდი წადიერება ქრისტეს სჯულისა
Line of ed.: 12     და ნათლის-ღებისათჳს".

Line of ed.: 13        ხოლო ესმა რა ესე დედა-კაცისა მისგან წმიდასა ნინოს, რქუა ნიაფორსა ესრეთ,
Line of ed.: 14     ვითარმედ: "წარმგზავნე მე და მივიდე წინაშე დედოფლისა ელენესსა, ნუ უკუე მივიახლო
Line of ed.: 15     მის წინაშე სიტყჳს-გებად ქრისტესთჳს. ხოლო / ნიაფორმან აუწყა პატრიაქსა
Line of ed.: 16     წადიერება ესე და საქმე ნინოსი. ხოლო დედის-ძმამან მოუწოდა წმიდასა ამას ნინოს,
Line of ed.: 17     დის-წულსა თჳსსა, და დაადგინა იგი აღსავალსა წმიდისა საკურთხევლისასა; და დასხნა
Line of ed.: 18     ჴელნი მისნი წმიდანი მჴართა მისთა ზედა, სულთ-ითქუნა ცად მიმართ სიღრმითა
Line of ed.: 19     გულისა მისისათა და თქუა: "უფალო, ღმერთო საუკუნეთაო, ჴელთა შენთა შევვედრებ
Page of ed.: 80   Line of ed.: 1     ობოლსა ამას შვილსა დისა ჩემისასა, და წარვავლინებ ქადაგებად ღმრთეებისა შენისა,
Line of ed.: 2     რათა ახაროს აღდგომა შენი; სადა-ცა სათნო იყო სრბა მისი, ექმენ, ქრისტე ღმერთო,
Line of ed.: 3     ამას მოგ/ზაურ, ნავთ-სადგურ, მოძღუარ და ენა-მეცნიერ, ვითარცა-იგი წინათა მათ
Line of ed.: 4     მოშიშთა სახელისა შენისათა".

Line of ed.: 5        და უჯმნა დედისაგან თჳსისა ამბორის-ყოფითა განშორებისათა და გამოსახა მას
Line of ed.: 6     ზედა სასწაული ჯუარისა; და ესრეთ ლოცვითა ღმრთისა მიმართ და კურთხევითა
Line of ed.: 7     განუტევა.

Line of ed.: 8        და წარემართა წმიდა ნინო დედა-კაცისა მის თანა, ეფესოთ მოსრულისა, და ვითარ
Line of ed.: 9     მიიწივნეს სამეფოსა ჰრომს სახიდ დედა-კაცისა, რომლისა-იგი თანა-მოგზაურ იქმნა,
Line of ed.: 10     პოვეს მუნ დედოფალი ვინ-მე მეფეთა ნათესავი, სახელით რიფსიმე, და დედა-მძუძე მისი
Line of ed.: 11     გაიანე, მონასტერსა შინა ქალწულთასა, რომელთა ქრისტეს აღსარებისათჳს სუროდა
Line of ed.: 12     და ელოდეს იერუსალემით ნათლის-ღებასა.

Line of ed.: 13        მაშინ დედა-კაცმან მან მოიყვა/ნა წმიდა ნინო და მისცა წმიდასა რიფსიმეს, და
Line of ed.: 14     აუწყა საქმე მისი, რომელი-იგი იხილა რა / ქრისტეს მოყუარემან რიფსიმე, სიხარულით
Line of ed.: 15     შეიტკბო და შეიწყნარა სახიდ თჳსად, წინაშე მისსა, წმიდა ნინო ჴელითგან მის
Line of ed.: 16     დედა-კაცისა / თანა-მოგზაურისა.

Line of ed.: 17        და ესრეთ იყოფვოდა რა მის თანა წმიდა ნინო, მას-ვე შინა წელიწადსა ნათელ-იღო
Line of ed.: 18     რიფსიმე, რომლისათჳს იგი სურვიელ იყო; მის თანა გაიანე-ცა დედა-მძუძემან
Line of ed.: 19     მისმან და სხუათა მათ სახლეულთა მისთა, რიცხჳთა ორმოცდაათმან სულმან სხუამან;
Page of ed.: 81   Line of ed.: 1     და უმრავლესთა მათგანთა ჴელსა ქუეშე წმიდისა ნინოსსა ნათელ-იღეს. და წარვიდეს
Line of ed.: 2     ესე ყოველნი მონასტერსა თჳსსა. და იყო მათ თანა წმიდა ნინო ორ წელ.

Line of ed.: 3        მათ დღეთა შინა გამოგზავნნა კეისარმან ძებნად ქალისა ქმნულ-კეთილისა და
Line of ed.: 4     შუენიერისა, რათა-მცა უპოვეს ღირსი ცოლად მისა. და ვითარ მოიწივნეს მონასტერსა
Line of ed.: 5     მას ქალწულთასა მეძიებელნი იგი, და იხილეს რიფსიმე, და განიცადეს ხატი მისი
Line of ed.: 6     და გამოიკითხეს გუარი მისი, რამეთუ არა-ვინ იყო მსგავსი რიფსიმესი სახითა. და
Line of ed.: 7     გამოსახეს ხატი მისი ფიცარსა ზედა, და წარგზავნეს წინაშე კეისრისა. სთნდა კეისარსა და
Line of ed.: 8     აღივსო სიხარულითა, და განაწესა აღსრულება / ქორწილისა. მრავლითა
Line of ed.: 9     სიხარულითა, რომლისთჳს-ცა მსწრაფლ წარავლინნა მოციქულნი და განმგებელნი
Line of ed.: 10     ყოველთა შინა საბრძანებელთა მისთა, რათა ყოველნი ძღუნითა შემოკრბენ და დიდითა
Line of ed.: 11     სიხ/არულითა მოვიდენ ბრძანებასა / მეფისასა და ქორწილსა სამეუფოსა.

Line of ed.: 12        ხოლო იხილეს რა ყოვლად წმიდათა მათ დაფარული იგი მანქანება მტერისა
Line of ed.: 13     და ისარნი მისნი განჴურვებულნი, რომლითა-იგი ისწრაფდა სისრად წმიდათა ქალწულთა,
Line of ed.: 14     იურვოდეს, რამეთუ ჭური რისხჳსა იპოვა მეფე, ვითარცა გუელი რომელ
Line of ed.: 15     სამოთხესა შინა მსახრველ ექმნა, ეგრეთ-ვე აქა მსგავსად მისსა უსჯულო ესე, რომელსა
Line of ed.: 16     აქუნდა შეგინებული თაყუანის-ცემა ბილწთა და საძაგელთა კერპთა.

Line of ed.: 17        ხოლო იხილეს რა ნეტარმან რიფსიმე, გაიანე და სხუათა მათ წმიდათა და ყოვლად
Line of ed.: 18     ქებულთა დედათა განსაცდელი ესე მათ ზედა მოწევნულად, მაშინ მოიჴსენეს მათ
Page of ed.: 82   Line of ed.: 1     უბიწო იგი აღთქმა და ღირსი ქებისა მარტოებით ცხოვრება, რომელსა-იგი იყვნეს
Line of ed.: 2     განსწავლულ, და გოდებით ტიროდეს გამოხატვით შესწავებისა მისთჳს წინაშე მეფისა
Line of ed.: 3     უ/სჯულოსა შუენიერებისა წმიდისა რიფსიმესა, რომელი-იგი გამოეხატათ და წარგზავნეს.
Line of ed.: 4     ილოცვიდეს დაუცხრომელად და უფიცხელესთა კანონთა შეაყენნეს თავნი მათნი,
Line of ed.: 5     ევედრებოდეს ღმერთსა ყოვლად მოწყალესა მრავლითა ვედრებითა. და ერთობით განზრახვითა
Line of ed.: 6     ურთიერთას ყოველთა-ვე დაუტევეს ქუეყანა იგი ფარულად ორმ/ოცდაცამეტმან
Line of ed.: 7     სულმან.

Line of ed.: 8        და მოვიდეს ლტოლვილნი არეთა სომხითისათა, ადგილსა მას, რომელსა ჰქჳან
Line of ed.: 9     ახალქალაქი, უალერეს შენებულსა, რომელ არს დვინი, საყოფელი სომეხთა მეფისა.
Line of ed.: 10     და შევიდეს მუნ საწნეხელთა ვენაჴისათა, რომელი შენებულ არს ჩრდილოთ-კერძ და
Line of ed.: 11     აღმოსავალით, და იზარდებოდეს მუნ შინა ჴელთ-საქმრისაგან ვაჭრობით.

Line of ed.: 12        ხოლო კეისარი აღივსო / მწუხარებითა და წარავლინნა კაცნი ყოველთა ადგილთა
Line of ed.: 13     მოძიებად მათდა. მაშინ მოიწივნეს მოციქულნი კეისრისანი წინაშე თრდატ სომეხთა
Line of ed.: 14     მეფისა და მოართუეს წიგნი კეისრისა, რომელსა წერილ იყო ესრეთ:

Line of ed.: 15        "თჳთ-მპყრობელი კეისარი საყუარელსა ძმასა და მეგობარსა და თანა-მოსაყდრესა
Line of ed.: 16     ჩემსა თრდატს გიკითხავ. უწყებულ იყავნ ძმობა შენი და თანა შემწეობა, რომლისათჳს-იგი
Line of ed.: 17     ყოვლად-ვე გუევნების შეცთომილისა მისგან ქრისტიანეთა ნათესავისა. რამეთუ
Line of ed.: 18     ყოვლად-ვე შეურაცხ იქმნების ჩუენი უფლება მათისაგან კრებულისა, და საწუნელ არს
Page of ed.: 83   Line of ed.: 1     ჩუენი ჴელმწიფება მათგან. რამეთუ იგინი ჯუარ-ცმულსა ვის-მე მომკუდარსა მსახურებენ
Line of ed.: 2     და ძელსა თაყუანის-ცემენ, და ძუალებსა კაცთასა პატივ-სცემენ, და თავისა მათისა
Line of ed.: 3     სიკუ/დილი უფ/ლისა მათისათჳს დიდებად შეურაცხიეს და არა ეშინის ჰურიათაგან და
Line of ed.: 4     ჰურიათა ჯუარ-ცმულისაგან ეშინიან და შეცდომილ არიან; მეფეთა-ც აგინებენ, / ღმერთთა
Line of ed.: 5     შეურაცხ ჰყოფენ, და ძალსა-ცა ნათლისა მზისა და მთოვარისასა და ვარსკულავთასა
Line of ed.: 6     არად შერაცხენ, არამედ შექმნულად იტყჳან მათ ჯუარ-ცმულისა მის მიერ. და ესრეთ
Line of ed.: 7     მიაქციეს ქუეყანა, ვიდრემდის მამანი დედათაგან და დედანი მამათაგან ცოცხლივ
Line of ed.: 8     განეშორნეს. დაღაცათუ დიდითა ქადებითა და ფრიადითა სატანჯველითა მოვსწყჳდენით,
Line of ed.: 9     არამედ კუალად-ცა უფროსად განმრავლდეს. ხოლო აწ შემემთხჳა მე ხილვად
Line of ed.: 10     ნათესავისა მათისაგან ჭაბუკი ერთი ქალი, და განვიზრახე მოყვანება მისი ცოლად
Line of ed.: 11     ჩემდა. ხოლო მას არა თუ ვითარცა მეფისა გული უთქმიდა სურვილად ჩემდა, არამედ
Line of ed.: 12     საძულელად-ცა და არა-წმიდად შემრაცხეს. რომლითა-ცა მეოტ იქმნნეს ფარულად ჩემგან,
Line of ed.: 13     და კერძოთა ქუეყანისა შენისათა წარმოსრულ არიან. უწყებულ იყავნ შენდა, ძმაო
Line of ed.: 14     ჩემო, მოიძიენ იგინი და, პოვნე რა მისთანანი იგი, სიკუდილით მოაკუდინენ. ხოლო
Line of ed.: 15     რომელი-იგი შეაცთუნნეს, შუენიერი ხატითა / და სახელით რიფსიმე, ჩემდა წარმოავლინე.
Line of ed.: 16     და უკეთუ შენ გთნდეს, თავისა შენისათჳს იგულე, რამეთუ არა-ვინ იპოვა
Line of ed.: 17     სხუა, / მსგავსი მისი, / იონთა სოფელსა შინა. და ცოცხლებით იყავნ ღმერთთა
Line of ed.: 18     მსახურებით".

Page of ed.: 84  
Line of ed.: 1        ხოლო ვითარ/ცა წარიკითხა თრდატ ბრძანება ესე კეისრისა, მსწრაფლ იწყო
Line of ed.: 2     ძიებად მათდა, და პოვნა იგინი საწნეხელთა მათ შინა პირველ ჴსენებულთა.

Line of ed.: 3        და იხილა რა რიფსიმე, აღივსო გულის-თქმითა და განიხარა სიხარულითა
Line of ed.: 4     დიდითა, და განიზრახა ცოლად მოყვანება მისი. ხოლო არა ერჩდა წმიდა რიფსიმე.
Line of ed.: 5     მაშინ იწამა იგი, დედა-მძუძე მისი გაიანე და სხუანი მრავალნი მათთანანი, ვითარცა
Line of ed.: 6     წერილ არს წამება მათი და სასწაული მოქცევასა შინა სომეხთასა. (რამეთუ მადლითა
Line of ed.: 7     ღმრთისათა იქმნა მეფე თრდატ ეშუად). ხოლო რომელნი-მე / მათ წმიდათაგანნი დაიმალნეს
Line of ed.: 8     და ივლტოდეს.

Line of ed.: 9        მაშინ ესე წმიდა ნინო დაიმალა ეკალთა შორის ვარდისათა, რომელი-იგი ჯერეთ
Line of ed.: 10     არა ყუაოდა მას ჟამსა. და ოდეს-იგი აღმოვიდოდეს სულნი წმიდათა მათ მოწამეთანი,
Line of ed.: 11     იხილა წმიდამან ნინო სტეფანეს მსგავსი დიაკონი, ჩამომავალი ოლარითა ნათლისათა;
Line of ed.: 12     და ჴელთა მისთა აქუნდა სასაკუმევლე, რომლისაგან გამოვიდოდა კუამლი სულნელებისა, რომელი
Line of ed.: 13     ცათა დაფარ/ვიდა, და მის თანა სიმრავლე ერთა ზეცისათა. და მათ
Line of ed.: 14     შეერთნეს სულ/ნი წმიდათა მოწამეთანი.

Line of ed.: 15        რომელი-ესე იხილა რა ესრეთ წმიდამან ნინო, ღაღად-ყო ესრეთ: "უფალო,
Line of ed.: 16     უფალო, რად დამიტეობ მე შორის ასპიტთა და იქედნეთა". მაშინ ჴმა ესმა ზეგარდამო,
Page of ed.: 85   Line of ed.: 1     რომელი ეტყოდა, ვითარმედ: "ესრეთ-ვე იყოს წარყვანება შენი, ოდეს ეგე / ეკალი,
Line of ed.: 2     რომელი არს გარემოს შენსა, ყოველი იქმნეს ვარდის ფურცელ სულნელ. აღდეგ და
Line of ed.: 3     ვიდოდე ჩრდილოთ-კერძო, სადა-იგი არს სამკალი ფრიად და მუშაკი არა".

Line of ed.: 4        და წარმოვიდა მუნით წმიდა ნინო და მოვიდა ორბანთად, საზღვართა სომხითისათა,
Line of ed.: 5     და მუნ დაიზამთრა ჭირთა შინა მრავალთა. და თუესა მეოთხესა, რომელ არს
Line of ed.: 6     ივნისი, წარმოემართა და მოიწია მთათა ჯავახეთისათა, სადა-იგი მიემთხჳა ტბასა
Line of ed.: 7     დიდსა გარდამდინარესა, რომელსა ჰქჳან ფარავნა. ხოლო მიხედნა რა მუნით, და
Line of ed.: 8     იხილნა მთანი ჩრდილოსანი; რამეთუ დღეთა მათ ზაფხულისათა იყვნეს სავსენი თოვლითა
Line of ed.: 9     და ჰაერითა სასტიკითა. და შეძრწუნდა წმიდა ნინო და თქუა: "უფალო, უფალო,
Line of ed.: 10     მიიღე სული ჩემი ჩემგან".

Line of ed.: 11        და დაყო მუნ ორი დღე და ითხოვა საზრდელი მეთევზურთაგან, ტბასა მას შინა
Line of ed.: 12     მონადირეთასა. და მწყემსნი-ცა იყვნეს / მას-ვე ადგილსა და ჴუმილვიდეს საჴუმილავსა
Line of ed.: 13     ღამისასა სამწყსოსა მათსა ზედა; და ხადოდეს / ღმერთთა მათთა არმაზს და ზადენ/ს,
Line of ed.: 14     და აღუთქმიდეს მათ შესაწირავთა: "ოდეს მოვიდეთ მშჳდობით-ო".

Line of ed.: 15        ხოლო წმიდა ნინო მეცნიერ იყო მცირედ ენასა სომხურსა, რამეთუ პირველ
Line of ed.: 16     ესწავლა ნიაფორისგან, და პოვა მწყემსთა მათ შორის სომხურად მზრახველი და
Line of ed.: 17     ჰკითხა მას, ვითარმედ: "რომლისა სოფლისანი ხართ?" ხოლო მან მიუგო და რქუა,
Line of ed.: 18     ვითარმედ: "დაბით ელარბინით და საფურცლით, და ქინძარელნი, რაბატელნი დიდისა
Page of ed.: 86   Line of ed.: 1     ქალაქისა მცხეთისანი, სადა ღმერთნი ღმერთობენ და მეფენი მეფობენ". და ჰკითხა,
Line of ed.: 2     თუ "სადათ არს მცხეთა?" ხოლო მწყემსმან მან ესრეთ ოდენ აუწყა, რომელ მდინარე
Line of ed.: 3     გასდის ტბასა ამას მცხეთას მისლვად.

Line of ed.: 4        ხოლო წმიდამან ნინო დაიდვა ლოდი სასთუნალ, დაწვა და დაიძინა გარდასადინელსა მის
Line of ed.: 5     ტბისასა. და ვითარ-იგი ეძინა, მოვიდა კაცი ერთი ჩუენებით, ასაკითა
Line of ed.: 6     ზომი და თმითა ნახევარ-თმოსანი. და მოსცა მან წიგნი დაბეჭდული წმიდასა ნინო/ს
Line of ed.: 7     და რქუა: "მიართუ ესე მცხეთას მეფესა მას წარმართთასა". ხოლო წმიდამან ნინო
Line of ed.: 8     იწყო ტირილად და ვედრებად მისა: "უფალო, მე დედა-კაცი ვარ უცხო და უმეცარი,
Line of ed.: 9     და არ-ცა ვიცი ენა, ვითარ მი/ვიდე უცხოსა ქუეყანასა და უცხოთა ნათესავთა თანა".

Line of ed.: 10        მაშინ კაცმან განუჴსნა წიგნი იგი, და მისცა კითხვად, და წერილ იყო ჰრომაელებრ
Line of ed.: 11     და ბეჭედი / იყო იესოსი. დაწერილ იყვნეს წიგნსა მას შინა ათნი სიტყუანი.

Line of ed.: 12        ა^. სადა-ცა იქადაგოს სახარება ესე, მუნ-ცა ითქუას დედა-კაცი ესე.

Line of ed.: 13        ბ^. არ-ცა მამაკაცება არს, არ-ცა დედაკაცება, არამედ თქუენ ყოველნი ერთ ხართ.

Line of ed.: 14        გ^. წარვედით და მოიმოწაფენით ყოველნი წარმართნი და ნათელს-ცემდით
Line of ed.: 15     მათ სახელითა მამისათა, და ძისათა, და სულისა წმიდისათა

Line of ed.: 16        დ^. ნათელი გამობრწყინდა წარმართთა ზედა დიდებად ერისა შენისა ისრაელისა.

Line of ed.: 17        ე^. სადა-ცა იქადაგოს სახ/არება ესე სასუფეველისა, მუნ-ცა ითქმოდის ყოველსა
Line of ed.: 18     სოფელსა.

Page of ed.: 87  
Line of ed.: 1        ვ^. რომელმან თქუენი ისმინოს და შეგიწყნარნეს მე შემიწყნარა. და რომელმან
Line of ed.: 2     მე შემიწყნაროს, შეიწყნაროს მომავლინებელი ჩემი.

Line of ed.: 3        ზ^. რამეთუ ფრიად უყუარდა მარიამ უფალსა, რამეთუ მარადის ისმენდა მისსა
Line of ed.: 4     სიტყუასა ჭეშმარიტსა.

Line of ed.: 5        ჱ^. ნუ გეშინინ მათგან, რომელთა მოგწყჳდნენ ჴორცნი თქუენნი, ხოლო სულისა
Line of ed.: 6     ვერ შემძლებელ არიან მოწყუედად.

Line of ed.: 7        თ^. რქუა მარიამ მაგდანელსა იესო: "წარვედ, დედა-კაცო, და ახარე დათა და
Line of ed.: 8     ძმათა ჩემთა.

Line of ed.: 9        ი^. სადა-ცა ქადაგებდეთ სახელითა მამი/სათა, და ძისათა, და სულისა წმიდისათა.

Line of ed.: 10        ვითარცა წარიკითხნა სიტყუანი ესე წმიდამან ნინო, იწყო ვედრებად ღმრთისა
Line of ed.: 11     მიმართ და გულის-ხმა ყო, ვითარმედ ზეცით იყო ჩუენება იგი. / და აღიხილნა
Line of ed.: 12     თუალნი ზეცად და ხვალისაგან ითხოვა შეწევნა მისი.

Line of ed.: 13        და შემდგომად ამისსა წარემართა მდინარესა მას ტბისასა, და იყო დინება მისი
Line of ed.: 14     დასავლეთით-კერძო. და მიუდგა გზათა / ძნელთა და ფიცხელთა, ნახნა ჭირნი დიდნი
Line of ed.: 15     გზათაგან და შიში დიდი მჴეცთაგან, ვიდრე-ღა მიიწია ადგილსა მას, სადა წყალმან
Line of ed.: 16     აღმოსავლით იწყო დინება. და მიერითგან იქმნა ლხინება მისი, რამეთუ პოვნა მუნ
Line of ed.: 17     მოგზაურნი, რომელთა თანა მიიწია სანახებსა ქართლისასა, ქალაქსა მას, რომელსა
Line of ed.: 18     ეწოდების ურბნისი, სადა-იგი იხილა ერი უცხოთა თესლთა ღმერთთა მსახური; რამეთუ
Line of ed.: 19     ცეცხლსა, ქვათა და ძელთა ღმერთად თაყუანის-ცემდეს. რომლისათჳს-ცა შეეურვა სულსა
Page of ed.: 88   Line of ed.: 1     ამის წმიდისასა და შევიდა ბაგინსა ჰურიათასა ენისათჳს ებრაულისა, და დაყო მუნ თუე
Line of ed.: 2     ერთი, და განიცდიდა ძალსა ამის ქუეყანისასა.

Line of ed.: 3        მაშინ დღესა ერთსა აღიძრნეს ერნი დიდნი მით ქალაქით, წარმავალნი დიდად
Line of ed.: 4     ქალაქად სამეუფოდ, მცხეთად, მოვაჭრებად საჴმართა რათამე და ზორვად წინაშე არმაზ
Line of ed.: 5     ღმრთისა მათისა. და წარჰყვა წმიდა იგი მათ / თანა. ხოლო ვითარ-იგი მიიწივნეს
Line of ed.: 6     ქალაქად მცხეთად, წიაღ / მოგუთასა ჴიდსა ზედა, და დადგეს მუნ. და / ხედვიდა წმიდა
Line of ed.: 7     ნინო ცეცხლის მსახურთა მათ ერთა მოგუებასა და ცთომასა; და ტიროდა წმიდა ნინო
Line of ed.: 8     წარწყმედასა მას ზედა მათსა, და იგლოვდა უცხოებასა თჳსსა.

Line of ed.: 9        და აჰა ესერა, ხვალისა დღე იყო ჴმა ოხრისა და საყჳრისა; გამოვიდა ერი
Line of ed.: 10     ურიცხჳ, ვითარცა ყუავილნი ველისანი, და ზარი საშინელი გამოვიდოდა, და ჯერეთ
Line of ed.: 11     მეფე არღა გამოსრულ იყო. და ვითარ მოიწია ჟამი, იწყო სივლტოლა და მიდამომალვა
Line of ed.: 12     ყოვლისა კაცისა, შიშითა საფარველსა თჳსსა შეივლტოდა. და აჰა, მყის
Line of ed.: 13     გამოვიდა დედოფალი ნანა, და ნელიად მოვიდოდა ერი. და შეამკუნეს ყოველნი
Line of ed.: 14     ფოლოცნი თჳთოფერითა სამოსლებითა და ფურცლითა. და იწყო ყოველმან ერმან ქებად მეფისა. მაშინ გამოვიდა მირიან მეფე საზარელითა და
Line of ed.: 15     თუალ-შეუდგამითა ხილვითა.

Page of ed.: 89  
Line of ed.: 1        და ჰკითხა წმიდამან ნინო დედაკაცსა ვისმე ჰურიასა, ვითარმედ: "რა არს ესე?"
Line of ed.: 2     ხოლო მან რქუა: "ღმერთი ღმერთთა არმაზ მიუწესს, რომელ არა არს მისსა გარეშე
Line of ed.: 3     სხუა კერპი" მაშინ მყის უკუე წარვიდა წმიდა ნინო ხილვად არმაზისსა. და აღივსნეს
Line of ed.: 4     მთანი იგი დროშებითა და ერითა, ვითარცა ველნი ყუავილითა.

Line of ed.: 5        ხოლო წმიდამან ნინო შეუსწრო ციხედ არმაზად, და დადგა იგი მახლობელად
Line of ed.: 6     კერპისა მის ნაპრალსა ზღუდისასა. და ხედვიდა საკჳრველებასა მიუწდომელსა და ენითა
Line of ed.: 7     გამოუთქმელსა, ვითარღა იყო ზარის აღსაჴდელი იგი შიში მეფეთა, მთავართა და
Line of ed.: 8     და ყოვლისა ერისა წინაშე კერპთა მათ წარმოდგომილთა. და იხილა წმიდამან ნინო,
Line of ed.: 9     რამეთუ დგა კაცი ერთი სპილენძისა, და ტანსა მისსა ეცუა ჯაჭჳ ოქროსი, და თავსა
Line of ed.: 10     მისსა ჩაბალახი მყარი, და თუალნი ესხნეს ზურმუხტი და ბივრილი, და ჴელთა მისთა
Line of ed.: 11     აქუნდა ჴრმალი ბრწყინვალე, ვითარცა ელვა, და იქცეოდა ჴელთა შინა. უკეთუ ვინმე
Line of ed.: 12     შეეხებინ, თავი თჳსი სიკუდილად განწირის და იტყჳნ: "ჵ ჩემდა, ნუ უკუე და-სამე-
Line of ed.: 13     -ვაკლე დიდებასა დიდისა ამის ღმრთისა არმაზისსა, ანუ შე-სამე-ვსცეთ სიტყუად ებრაელთა
Line of ed.: 14     თანა, გინა მოგუთა თანა სმენისა; და რომელ იტყჳან უცებნი უცხოსა ვისთჳსმე
Line of ed.: 15     ღმრთისა, ნუ უკუე პოოს რამე ბიწი და მცეს მე მახჳლი იგი მისი, რომლისაგან
Line of ed.: 16     ეშინის ყოველსა". და შიშით თაყუანის-ცემენ მას.

Line of ed.: 17        და კუალად იყო მარჯუენით მისსა კაცი ოქროსი და სახელი მისი გაცი; და
Page of ed.: 90   Line of ed.: 1     მარცხენით მისსა უდგა კაცი ვეცხლისა, და სახელი მისი გაიმ, რომელნი-იგი ღმერთად
Line of ed.: 2     უჩნდეს ერსა მას ქართლისასა.

Line of ed.: 3        მაშინ ტიროდა და სულთ-ითქუმიდა ნეტარი ნინო ღმრთისა მიმართ ცთომათა
Line of ed.: 4     მათთათჳს ქუეყანისა ჩრდილოსა, მიფარვასა მათგან ნათლისასა და უფლებასა მათ
Line of ed.: 5     ზედა ბნელისასა: რამეთუ მიხედნა მეფეთა მათ დიდ-ძალთა და ყოველთა მთავართა,
Line of ed.: 6     რომელნი ცოცხლებით შთაენთქნეს ჯოჯოხეთსა, დაეტევა დამბადებელი, და ქუათა და
Line of ed.: 7     ძელთა, სპილენძსა და რვალსა განჭედილსა ღმერთად თაყუანის-ცემდეს, და ესენი
Line of ed.: 8     იცოდეს ყოვლისა შემოქმედად. მაშინ მოეჴსენა სიტყუა იგი, რომელი ამცნო იობენალ
Line of ed.: 9     პატრიაქმან, წმიდამან მამამან, ვითარმედ: "მამაკაცსა სრულსა წარგავლინებ, და მიწევნად
Line of ed.: 10     ხარ ქუეყანასა უცხოსა და ნათესავთა დარაგეველ ზეფელ ბაკადულ, რომელ არს
Line of ed.: 11     ბრანჯულად: "კაცთა ღმრთის მჴდომთა".

Line of ed.: 12        მაშინ აღიხილნა ზეცად და თქუა: "უფალო, მრავლითა ძალითა შენითა გეცრუვნეს
Line of ed.: 13     მტერნი შენნი და მრავლითა სულგრძელებითა შენითა იქმენ, რასაც იქმან და მოიგონებენ
Line of ed.: 14     მტუერნი ესე ქუეყანასა ზედა. არამედ ნუ უგულებელს-ჰყოფ, რამეთუ ხატი
Line of ed.: 15     შენი არს კაცი, რომლისათჳსცა ერთი წმიდისა სამებისაგანი კაც იქმენ და აცხოვნე
Line of ed.: 16     ყოველი სოფელი, და მოხედენ წყალობით ამათ-ცა ზედა ნათესავთა, და შერისხენ სულთა
Line of ed.: 17     ამათ ურჩთა სოფლის მპყრობელთა და მთავართა ბნელისათა, და შთაჴადენ ადგილთა
Line of ed.: 18     ძნელთა. და მიჩუენე მე, უფალო, ღმერთო მამისა და დედისა ჩემისაო, მჴევალსა ამას
Page of ed.: 91   Line of ed.: 1     შენსა და ნაშობსა მათსა, რათა იხილონ ყოველთა კიდეთა ქუეყანისათა მაცხოვარება
Line of ed.: 2     შენი და რათა ჩრდილო ბღუარსა თანა იხარებდეს და ყოველმან ენამან მხოლოსა
Line of ed.: 3     ღმერთსა თაყუანის-გცეს ქრისტეს იესოს მიერ, ძისა შენისა, რომელსა შუენის მადლობა
Line of ed.: 4     და დიდების მეტყუელება".

Line of ed.: 5        და ვითარცა დაასრულა ლოცვა ესე წმიდამან ნინო, და წამის-ყოფა იყო ოდენ
Line of ed.: 6     თუალისა -- აღდგეს დასავლით ქარნი და ჰაერნი, და ჴმა სცეს ქუხილითა, ჴმითა საზარელითა, და
Line of ed.: 7     გამოჩნდეს ღრუბელნი მოსწრაფედ ნიშნითა საშინელითა. და მოიღო
Line of ed.: 8     ნიავმან დასავალისა მზისამან სული ჯერკულისა მწარისა და ნავღლისა მყრალისა.
Line of ed.: 9     რომელი-ესე იხილა რა სიმრავლემან ერისამან მათ ზედა მომავალად, მაშინ ივლტოდა
Line of ed.: 10     ყოველი კაცი ქალაქად და სოფლად. მიეცა დრო, ვიდრემდის შეესწრნეს კაცნი საყოფელთა
Line of ed.: 11     მათთა შინა. და მეყსეულად მოიწია რისხვისა იგი ღრუბელი, მწარედ სასტიკი
Line of ed.: 12     და მოიღო სეტყუა ლიტრისა სწორი ადგილსა მას ოდენ ზედა, საყოფელსა კერპთასა.
Line of ed.: 13     და დააწულილნა კერპნი იგი და დამუსრნა, დაარღვივნა ზღუდენი ქარმან სასტიკმან
Line of ed.: 14     და შთააბნივნა კლდეთა ნაპრალსა. ხოლო წმიდა ნინო დარჩა მშჳდობით ადგილსა
Line of ed.: 15     მას, სადა პირველ შესრულ იყო.

Line of ed.: 16        ხოლო დღესა მეორესა გამოვიდა მირიან მეფე და ყოველი იგი ერი, ეძიებდეს
Line of ed.: 17     ღმერთთა მათთა და არა ჰპოვებდეს. რომლისათჳს-იგი დაეცა მათ შიში და ძრწოლა.
Line of ed.: 18     და იგლოვდეს გულ-ფიცხელი ერი იგი და იტყოდეს, ვითარმედ: "ქალდეველთა ღმერთი
Page of ed.: 92   Line of ed.: 1     ითრუჯან და ჩუენი ესე ღმერთი არმაზ ყოვლადვე მტერ არიან: ამან სამე მას ზედა
Line of ed.: 2     ზღუა მოაქცია, და აწ მან შური იძია და მის მიერ მოიწია ესე". ხოლო რომელნიმე
Line of ed.: 3     იტყოდეს: "რომლისა ღმრთისა ძალითა თრდატ მეფე ეშუად იქმნა და მისვე ღმრთისა
Line of ed.: 4     ძალითა კაცად იქმნა, და მან უკუე ღმერთმან მოაწია ესე. რამეთუ სხუა ღმერთი ვერ
Line of ed.: 5     შემძლებელ არს ესევითარისა ქმნად". ესევითარსა ამას იტყოდეს, რამეთუ ვინათგან
Line of ed.: 6     თრდატ მეფე ქრისტეს ძალითა ეშუად ქმნილ იყო, და ქრისტეს ძალით-ვე კუალად
Line of ed.: 7     კაცად მოქცეულ იყო. მიერითგან ქება-დიდება ქრისტესი არღარა ფარულად ითქმოდა
Line of ed.: 8     ქართლს შინა, რამეთუ მადლსა ღმრთისასა ეწყო მიფენად აღმოსავლეთს.

Line of ed.: 9        ხოლო მასვე დღესა რისხვისასა, ოდეს დასცხრა სეტყუა იგი და ქარი სასტიკი,
Line of ed.: 10     მაშინ გამოვიდა წმიდა ნინო კლდისა მისგან ნაპრალისა და პოვა თუალი იგი ბივრილი,
Line of ed.: 11     აღიღო და წარმოვიდა წინა-კერძო დასასრულსა მის კლდისა ცხჳრისასა, სადა
Line of ed.: 12     ყოფილ იყო ძუელი ციხე, და მუნ დგა ხე ერთი ბრინჯისა, შუენიერი, მაღალი და
Line of ed.: 13     რტო-მრავალი, სადა-იგი ყოფილ-იყო ბარტამ მეფისა საგრილი და განსასუენებელი.
Line of ed.: 14     და მივიდა ხესა მას ქუეშე, გამონიშნა ნიში ქრისტეს ჯუარისა და ილოცვიდა მუნ ექუს
Line of ed.: 15     დღე. და მადლობდა ღმერთსა და ევედრებოდა, რათა მოხედნეს წყალობით ერსა მას
Line of ed.: 16     შეცთომილსა და იჴსნეს ეშმაკისაგან. ხოლო ოდეს იქმნა ესე, ჟამი იყო მეექუსე, და
Line of ed.: 17     დღე მეექუსე და თჳსა მის, ოდეს იგი ევმანოელ თაბორს მამისა ხატი უჩუენა თავთა
Line of ed.: 18     მათ მოწაფეთა და თავთა მათ წინასწარმეტყუელთა.

Page of ed.: 93  
Line of ed.: 1        მაშინ მოვიდა სეფექალი ერთი, სახელით შროშანა და იხილა იგი ხესა მას
Line of ed.: 2     ქუეშე; განკჳრდა და მოიყვანა ბერძულად მეტყუელი დედაკაცი, და ჰკითხა გზა მისი.
Line of ed.: 3     ხოლო წმიდამან ნინო აუწყა და უთხრა ყოველი გზა და საქმე მისი, თჳნიერ ხოლო
Line of ed.: 4     დედა-ძმათა მისთა არა აუწყა, რამეთუ ტყუედ უთხრა თავი თჳსი. მაშინ შეეწყალა შროშანას
Line of ed.: 5     უცხოებისა მისთჳს, აღევსნეს თუალნი ცრემლითა და აიძულებდა მას, რათამცა
Line of ed.: 6     წარჰყვა სახიდ სამეუფოდ. ხოლო წმიდამან ნინო არა ინება წარსლვა მის თანა, და
Line of ed.: 7     წარვიდა შროშანა.

Line of ed.: 8        შემდგომად ამისსა მესამესა დღესა ჩამოვიდა ქართლად, გამოვლო მტკუარი და
Line of ed.: 9     მიმართა სამოთხესა მას მეფისასა, სადა-იგი აწ არს სუეტი იგი ღმრთივ აღმართებული
Line of ed.: 10     და ეკლესია საკათალიკოზო, და მი-რა-ვიდა კარსა მას სამოთხისასა, იხილა სახლი
Line of ed.: 11     მცირე სამოთხისა მცველისა. შევიდა წმიდა ნინო, და ჯდა მას შინა დედაკაცი,
Line of ed.: 12     რომლისა სახელი ანასტო. და ვითარცა იხილა დედაკაცმან მან, აღდგა, მოეხჳა და
Line of ed.: 13     შეიტკბო ვითარცა მეცნიერმან, დაჰბანნა ჴელნი და სცხო ზეთი, მოართუა პური და
Line of ed.: 14     ღჳნო, და დაყო მის თანა წმიდამან ნინო ცხრა თუე.

Line of ed.: 15        ხოლო იყვნეს ესე ანასტო და ქმარი მისი უშვილო და ზრუნვიდეს ფრიად
Line of ed.: 16     უშვილოებისათჳს. მაშინ იხილა წმიდამან ნინო ჩუენებასა შინა: მოვიდა კაცი ნათლის
Line of ed.: 17     ფერი და რქუა, ვითარმედ: "შევედ სამოთხესა მაგას, ბაბილო არს მცირე ნაძუთა ქუეშე,
Page of ed.: 94   Line of ed.: 1     საუფლო შეზავებული, მიწა აღიღე მის ადგილისაგან, შეაჭამე კაცთა მაგათ და აესუს
Line of ed.: 2     შვილი. ყო ეგრეთ წმიდამან ნინო და რქუა მათ: "ძალითა ქრისტეს ძისა ღმრთისათა
Line of ed.: 3     დაუსაბამოსათა, რომელი თანა-მოსაყდრე არს მამისა და სულისა წმიდისა და ჴსნისათჳს
Line of ed.: 4     ჩუენისა განკაცნა, ჯუარს ეცუა, დაეფლა და აღდგა მესამესა დღესა, და ამაღლდა ზეცად
Line of ed.: 5     და დაჯდა მარჯუენით მამისა და კუალად მოვალს დიდებითა განსჯად ცხოველთა და
Line of ed.: 6     მკუდართა, მან მოგცეს გულის-ხმის ყოფა". და აუწყა ყოველი გზა ჭეშმარიტი.

Line of ed.: 7        მაშინ ცოლ-ქმართა მათ აღიარეს ქრისტე და დაემოწაფნეს ფარულად. მაშინ
Line of ed.: 8     წმი/დამან ნინო ქალაქისა ზღუდეთა გარეგნით პოვა ქოჩი ერთი ბრწამი მაყულისა,
Line of ed.: 9     სადა აწ არს საკურთხეველი ზემოსა ეკლესიისა საეპისკოპოსო, და იგი შექმნა საყოფლად
Line of ed.: 10     თჳსა. და შექმნა ჯუარი ნასხლევისა და აღმართა ქოჩსა მას ქუეშე, / და მარადის
Line of ed.: 11     ილოცავნ დღე და ღამე დაუცხრომელად. და მსახურებდეს ცოლ-ქმარნი იგი, და იყვნეს
Line of ed.: 12     დაკჳრვებულ ღუაწლთა მისთა, მარხვასა, და ლოცვასა, [და] მღჳძარებასა.

Page of ed.: 95  
Line of ed.: 1        და მრავალ-გზის მოვიდის უბანსა ურიათასა ენისათჳს ებრაულისა და გამოძიებისათჳს
Line of ed.: 2     კუართისა უფლისა, რომელ ასმიოდა იერუსალემს ნიაფორისგან, ვითარმედ:
Line of ed.: 3     "კუართი უფლისა მცხეთელთ ჰურიათა წარუღია-ო". ამისთჳს გამოეძიებდა ჰურიათა
Line of ed.: 4     მათ თანა, რათა-მცა ცნა რა-მე საქმე კუართისა მის.

Line of ed.: 5        და პოვა ჰურია ერთი მღდელი, სახელით აბიათარ, და უქადაგა მას და ასულსა
Line of ed.: 6     მისსა სიდონიას სახარება უფლისა ჩუენისა იესო ქრისტესი. ხოლო მათ რწმენა და
Line of ed.: 7     დაემოწაფნეს, იგინი და ექუსნი დედანი სხუანი ჰურიანი. და აღიღეს უღელი სწავლისა
Line of ed.: 8     წმიდისა ნინოსი თჳნიერ ნათლის-ღებისა, რამეთუ არა / იპოვებოდა მღდელი, რომელმან-მცა
Line of ed.: 9     ნათელ-სცა, და ფარულად იყვნეს მოწაფე მისი. და ჰყოფდა კურნებათა და
Line of ed.: 10     საკჳრველებათა ძალითა ქრისტესითა: მრავალნი განრღუეულნი განკურნნა რე-ცა
Line of ed.: 11     მიზეზითა / წამლისათა.

Line of ed.: 12        და ესრეთ იქცეოდა მცხეთას ქალაქსა შინა / სამ წელ ოდენ; და მათ ჟამთა შინა
Line of ed.: 13     იყო შესლვა მირიან მეფისა და ძმის-წულისა მისისა, დიდისა სპარსთა მეფისა, საბერძნეთად,
Line of ed.: 14     ოდეს კოსტანტინე ბერძენთა მეფემან ძალითა ქრისტესითა და წინამძღურებითა
Line of ed.: 15     ჯუარისათა იოტნა მეფენი და სპანი მათნი ურიცხუნი მოსრნა.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.