TITUS
Kartlis Cxovreba
Part No. 31
Previous part

Part: II  
Page of ed.: 95  
Line of ed.: 16  
თქუმული აბიათარ მღდელისა
Line of ed.: 17  
რომელი დაემოწაფა წმიდასა და ნეტარსა ნინოს


Line of ed.: 18        მე, აბიათარ მღდელი, ვიყავ წილით ხუედრებული მის წელიწადისა, ოდეს
Line of ed.: 19     წმიდა ესე და ნეტარი ნინო მოვიდა მცხეთად. და მას-ვე ჟამსა მოწევნულ იქმნა ჩემდა
Line of ed.: 20     წიგნი ანტიოქიით ჰურიათაგან მღდელთა, რომელსა შინა წერილ იყო ესრეთ, ვითარმედ:
Line of ed.: 21     "სამად განხეთქა ღმერთმან მეფობა ისრაელისა. აჰა ესე-რა, წინასწარმეტყუელნი
Line of ed.: 22     ჩუენნი დასცხრეს, და რომელსა სული აწუევდა, აღესრუ/ლა ყოველი და განვიბნიენით
Page of ed.: 96   Line of ed.: 1     ჩუენ ყოველსა ქუეყანასა, და ჰრომთა დაიპყრეს ქუეყანა ჩუენი; ვტიროდით ჩუენ
Line of ed.: 2     ე/რით-ურთ, რამეთუ განვარისხეთ შემოქმედი ღმერთი. აწ განიხილენ წიგნნი მოსესნი
Line of ed.: 3     და სიტყუა იგი, რომელი დამიწერა ჩუენ ესე ყოველი, ვითარმედ: "რომელი იტყოდა
Line of ed.: 4     ქუეყანასა ზედა / თავსა თჳსსა ძედ ღმრთისად, მოკუედინ-ო". ანუ-მე უკუე შევსცეთით
Line of ed.: 5     ნაზარეველისა იესოს სიკუდილისა. რამეთუ ვხედავთ, ოდეს პირველ მამათა ჩუენთა
Line of ed.: 6     შესცოდიან ღმერთსა და ყოვლად დაივიწყიან იგი, და მისცნის იგინი ჴელმწიფესა
Line of ed.: 7     ძნელსა და ტყუეობასა; და ოდეს მოიქციან და ღაღად-ყვიან, მსწრაფლ განარინნის
Line of ed.: 8     იგინი ჭირისაგან.

Line of ed.: 9        "ესე შჳდ-გზის ვიცით წერილისაგან. ხოლო აწ ვინათგან ჴელი შეახეს მამათა
Line of ed.: 10     მათ ჩუენთა ძესა მას დედა-კაცისა მწირისასა და მოკლეს იგი, აღიღო ღმერთმან ჴელი
Line of ed.: 11     წყალობისა მისისა ჩუენ ზედა და განხეთქა მეფობა ჩუენი, განმაშორნა ტაძარსა მისსა
Line of ed.: 12     წმიდასა და უგულებელს-ყო ნათესავი ჩუენი სრულიად. და არს მით ჟამითგან სამასი
Line of ed.: 13     წელი და უმეტეს-ცა, რომელ არა ისმინა ვედრება ჩუენი და არ-ცა-ღა ყო ლხინება ჩ/უენი.
Line of ed.: 14     რომლისათჳს საგონებელ გჳჩნს, ვითარმედ ნუ უკუე და ზეცით იყო განგება ესევითარი".
Line of ed.: 15     განმრავ/ლდა მოწერილი.

Line of ed.: 16        ხოლო მე, ვითარცა მესმა ესე, ვიწყე კითხვად დედა-კაცისა მის ნინოსგან ქრისტესთჳს,
Line of ed.: 17     თუ ვინა იყო იგი, ანუ რომლისა მიზეზისათჳს იქმნა კაც ძე ღმრთისა. მაშინ
Line of ed.: 18     აღაღო პირი თჳსი წმიდამან ნინო, ვითარცა ჯურღმულმან აღმომდინარემან, და იწყო
Page of ed.: 97   Line of ed.: 1     სიტყუად საუკუნითგან, და წიგნთა ჩუენთა ზეპირით აღმოიტყოდა / და განმიმარტებდა,
Line of ed.: 2     და ვითარცა მძინარესა განმაღჳძებდა და ვითარცა დასულებულსა გონიერ-მყოფდა, და
Line of ed.: 3     მამათა ჩუენთა შემაწყალებდა, და სჯულისა ცვალებასა დამაჯერებდა, ვიდრემდის მრწმენა
Line of ed.: 4     სიტყუათა მისთა: იესო ქრისტე ძე ღმრთისა, ვნება მისი და აღდგომა, მეორედ მოსლვა
Line of ed.: 5     მისი საშინელი და სადა-იგი არს მოლოდება წარმართთა. მე და შვილი ჩემი ღირს
Line of ed.: 6     ვიქმნენით მოღებად საპკურებელსა მას განსაწმედელსა ცოდვ/ათაგან, ემბაზისა წყალსა,
Line of ed.: 7     რომელსა ინატრიდა დავით და ვერ ეწიფა. და მესმა ჴმა ახლისა სჯულისა, ეჰა საგალობელთა,
Line of ed.: 8     რომელსა ინატრიდა დავით. და ღირს ვიქმნენით ზია/რებად ჴორცსა და
Line of ed.: 9     სისხლსა ქრისტეს ძისა ღმრთისასა, და კრავსა ცოდვათათჳს სოფლისათა შეწირულსა,
Line of ed.: 10     რომლისა ტკბილ არს გემოს-ხილვა მისი. და ამას. ზედა, უფალო, ყავ განსლვა ჩემი
Line of ed.: 11     ჴორცთაგან ჩემთა. და კუალად მრავალნი სასწაულნი იხილნა თუალმან ჩემმან მცხეთას,
Line of ed.: 12     წმიდისა ნინოს მიერ აღსრულებული დღეთა ჩუენთა".



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.