ესე წიგნი არს ბრძანებათა ღმრთისათაჲ, და შჯული, რომელი ჰგიეს, ცხორება არს.ხოლო რომელთა დაუტეონ იგი, ჰრცხუენეს
მოიქეც, იააკობ, და შეიკრძალე იგი და ვიდოდე წინაშე ბრწყინვალებასა ნათლისა მისისასა.
ნუ მისცემ სხუასა დიდებასა შენსა და უმჯობჱსსა შენსა - ნათესავსა უცხოსა.
ნეტარ ვართ ჩუენ, ისრაჱლ, რამეთუ სათნოჲ ღმრთისაჲ ცხად არს ჩუენ შორის.
Page of ms. P: 335v ნუ გეშინინ, ერო ჩემო, ჴსენებაო ისრაჱლისაო!
განიყიდე წარმართთა შორის არა წარსაწყმედელად, განრისხები\სათჳს Page of ms. P: 336r ღმრთისა თქუნ მიეცემით მტერთა ჩემთა,
რამეთუ განარისხეთ შემოქმედი თქუენი, უგებდით ეშმაკთა და არა ღმერთსა.
დაივიწყეთ გამომზრდელი თქუენი ღმერთი საუკუნოჲ და შეაწუხეთ მზრდელიცა თქუენი იერუსალჱმი,
რამეთუ იხილა თქუენ ზედა მოწევნული რისხვაჲ ღმრთისაჲ ღმრთისა მიერ და თქუა: ისმინეთ, მკჳდრნო სიონისანო, მოაწია ჩემ ზედა ღმერთმან გლოაჲ დიდი,
რამეთუ ვიხილე ტყუეობაჲ ძეთა და ასულთა ჩემთაჲ, რომელი მოავლინა მათ ზედა საუკუნემან.
რამეთუ განვზარდენ იგინი სიხარულით და განვავლინენ იგინი ტირილითა და გლოით.
ნუმცა ვის მოვსცხრები ქურუვი ესე და დაშთომილი მრავალთაგან მოოჴრდი ცოდვათათჳს შვილთა ჩემთაჲსა. რამეთუ მიაქციეს შჯულისაგან ღმრთისა მათისა
და სამართალნი მისნი არა დაიცვნეს, არა ვიდოდეს გზასა მცნებათა მისთასა, არცა ალაგთა სწავლულებიათა, სიმართლით ვიდოდეს.
მოედით, მწირნი სიონისანი, და მოვიჴსენოთ ტყუეობაჲ ძეთას ჩუენთაჲ, რომელი მიავლინა მათ ზედა საუკუნემან.
რამეთუ მოაწია მათ ზედა შორით ნათესავი უცხოჲ და ურცხჳნოჲ. რამეთუ არა შეირცხჳნა მოხუცებულისაჲ და არცა ყრმაჲ შეიწყალეს.
და წარიყვანნეს საყუარელნი ქურივისანი და ასულთაგან მარტო მოაოჴრეს.
მე რაჲ შემძლებელ ვარ შეწევნად თქუენდა?
რომელმან-იგი მოაწია თქუენ ზედა ბოროტი, განგარინნეს თქუენ ჴელთაგან მტერთა თქუენთაჲსა.
Page of ms. P: 336r ვიდოდეთ, შვილნო, ვიდოდეთ, რამეთუ მე დაშთომილ ვარ ოჴერი.
განვიძუარცე სამოსელი მშჳდობისაჲ და შევიმოსე Page of ms. P: 334v ძაძაჲ ვედრებისა ჩემსაჲ და ვღაღადებ საუკუნისა მიმართ დღეთა ჩემთა.
ნუ გეშინინ, შვილნო, ღადადებდით ღმრთისა და განგარინნეს თქუენ მძლავრებისაგან ჴელისა მტერთაჲსა.
რამეთუ მე ვესავ საუკუნესა მას ცხოვრებისათჳს თქუენისა, რამეთუ მოვიდა ჩემ ზედა სიხარული წმიდისა მიერ წყალობისათჳს, რომელი მოვიდეს თქუენ ზედა ადრე საუკუნოჲსა.
განგავლინნე თქუენ გლოით და ტირილით და კუალად მომცნეს მე ღმერთმან სიხარულით და მხიარულებით უკუნისადმდე.
ვითარცა იხილეს აწ მწირთა სიონისათა თქუენი ტყუეობაჲ, ეგრეთ იხილონ ადრე ღმრთისა მიერ თქუენი ცხორებაჲ, რომელი მოიწიოს თქუენ ზედა დიდებითა და ბრწყინვალებითა საუკუნოჲსაჲთა.
შვილნო, სულგრძელ იქმნენით უფლისა მიერ მოწევნულსა თქუენ ზედა რიხვასა; გდევნა შენ მტერმან შენმან, ხოლო შენ იხილო წარწყმედაჲ მათი და ქედსა მათსა ზედა ხჳდოდი.
ფუფუნეულნი ჩემნი განვიდეს გზასა ფიცხელსა, წარიყვანნეს ვითარცა სამწყსოჲ, წარტაცებული მტერისაგან.
ნუ გეშინინ, შვილნო ჩემნო, და ღაღადებდით ღმრთისა მიმართ, რამეთუ იყოს თქუენდა ჴსნა მის მიერ, რომელან-იგი მოაწია თქუენ ზედა.
ვითარცა-იგი იყო გუემაჲ თქუენი ცთომად ღმრთისაგან, ეგრევე ათწილად აქციეთ მოქცევად და ეძიებდით მას..
რამეთუ რომელმან-იგი მოგჴადა თქუენ ზედა ძჳრი, მანვე მოავლინოს თქუენ ზედა საუკუნოჲ სიხარული ცხორებასა თქუენსა.
Page of ms. P: 336v ნუ გეშინინ, იერუსალჱმ, ნუგეშინის-გცეს შენ, რომელმან-იგი სახელ-გდვა შენ.
უბადრუკ არიან, რომელთა ბოროტი გიყვეს შენ და რომელთა განი\ხარეს Page of ms. P: 337r დაცემაჲ შენი
უბადრუკ არიან ქალაქნი იგი, რთმელთა ჰმონებდეს შვილნი შენნი.
ვითარცა-იგი მოსცხრა დაცემასა შენსა და განიხარა დამდაბლებასა შენსა, ეგრევე შეწუხნეს მოოჴრებასა ზედა თჳსსა.
მოვსპო სიხარული ერმრავლობისაჲ და ზახებაჲ მისი გლოად მივაქციო.
რამეთუ ცეცხლი გარდამოჴდა მის ზედა საუკუნოჲსა მისგან დღეთამდე გრძელთა, და დაემკჳდრნენ მას შინა ეშმაკნი მრავალთა ჟამთა.
მოიხილე აღმოსავალად, იერუსალჱმ, და იხილე სიხარული მომავალთაგან შენდა.
აჰა, ესერა, მოვლენან შენდა, რომელნი განივლინნეს შენგან, მოვიდენ შეკრებულნი აღმოსავალითგან ვიდრე დასავალადმდე, სიტყუათა წმიდისაჲთა უხაროდის ღმრთისა დიდებითა.
Page of ms. P: 159r მიხედე აღმოსავალად, იერუსალჱმ, და იხილე შენდა მოსრული სიხარული ღმრთისამიერი.
აჰა, ესერა, მოვლენან შენდა ძენი შენნი, რომელნი განივლინნეს. მოვლენან შეკრებულნი აღმოსავალითგან ვიდრე დასავალადმდე სიტყჳთა წმიდისაჲთა; უხარის ღმრთისა დიდებითა.
