განიძარცუე, იერუსალჱმ, სამოსელი გლოისაჲ და ძჳრის-ხილვისა შენისაჲ და შეიმოსე შუჱნიერებაჲ ღმრთისა მიერ დიდებისაჲ საუკუნოდ.
შეიმოსე სამკაული ღმრთისა მიერ სიმართლისაჲ და დაიდგ თავსა შენსა ხჳრი დიდებისა საუკუნოჲსაჲ.
რამეთუ ღმერთმან აჩნუენა ყოველთა ცათა ქუეშე ბრწყინვალებაჲ შენი.
რამეთუ იწოდის სახელი შენი ღმრთისა მიერ უკუნისამდე: "მშჳდობაჲ სიმართლისაჲ და მშჳდობაჲ ღმრთის მსახურებისაჲ."
აღდეგ, იერუსალჱმ, და დადეგ მაღალთა ზედა და მიიხილე მზის აღმოსავალით და იხილენ შემოკრებულნი შვილნი შენნი მზის აღმოსავალითგან ვიდრე დასავალამდე სიტყჳთა წმიდისაჲთა, სიხარულით ღმრთისა მოჴსენებითა.
რამეთუ განვიდეს მკჳრცხლნი, წარყვანებულნი მტერთაგან და შემოყვანნეეს იგინი შენდა ღმერთმან მომავალნი დიდებითა, ვითარცა საყდარი სამეუფოჲ.
რამეთუ უბრძანა ღმერთმან ყოველთა მთათა მაღალთა დამდაბლებაჲ და ბორცუთა სამარადისოთა და ჴევთა აღმოვსებად და მოწრფელებად ქუეყანასა, რაჲთა ვიდოდის იერუსალჱმი კრძალულად ღმრთისა დიდებითა.
აგრილობდეს მას მაღნარი და ყოველი ხე სულნელი იერუსალჱმსა ბრძანებითა ღმრთსაჲთა.
რამეთუ უძღოდის ღმერთი იერსალჱმსა სიხარულით ნათლითა დიდებისა მისისაჲთა და წყალობასა თანა და სიმართლესა, რომელ არს მის მიერ.
