TITUS
The Shatberd Codex
Part No. 316
Previous part

Chapter: 12  
Page of ed.: 346  
Line of ed.: 21  
თავი ი̂ბ
Line of ed.: 22  
რომელი თქუა აბიათარ, რომელი იყო პირველ მღდელი ბაგინსა
Line of ed.: 23  
შინა ჰურიათასა მცხეთას და ნათელ-იღო ჴელსა შინა ნინოჲსსა.


Line of ed.: 24        მე, აბიათარ, მღდელი ვიყავ წილით ხუედრებული სამღდელოსა ზედა მის
Line of ed.: 25     წელიწდისასა, Ms. page: 239v   ოდეს ესე ნეტარი დედაკაცი ნინო მოვიდა მცხეთად.
Line of ed.: 26     მას ჟამსა ჩემ თანა წიგნები მოსრულ იყო ჰრომით და ეგჳპტით და ბაბილოვნით
Line of ed.: 27     ჰურიათაჲ, მღდელთაჲ და მწიგნობართაჲ, რომელსა წერილ იყო ესრეთ, ვითარმედ:
Line of ed.: 28     "განხეთქა ღმერთმან მეფობაჲ ჰურიათაჲ, აჰა ესერა წინაჲსწარმეტყუელნი
Line of ed.: 29     დასცხრეს, რამეთუ რომელსა სული აწუევდა, ყოველი აღესრულა, და
Line of ed.: 30     განვიბნიენით ჩუენ ყოველსა ქუეყანასა, და ჰრომთა დაიპყრეს მეფობით ქუეყანაჲ
Line of ed.: 31     ჩუენი, რამეთუ ვცოდეთ ყოვლითურთ* და განვარისხეთ შემოქმედი
Line of ed.: 32     ღმერთი. აწ იხილენ წიგნნი მოსესნი, რომელმან დამიწერა ჩუენ ესე ყოველი:
Line of ed.: 33     "რომელი იტყჳს ქუეყანასა ზედა ღმრთად თავსა თჳსსა, ძელსა დამოეკიდოს".
Line of ed.: 34     ანუ უკუე შე-ვიდრემე-ვსცეთით ნაზარეველისა მის იესუჲს სიკუდილსა, რამეთუ
Line of ed.: 35     ჰხედავ პირველ, ოდეს მამათა ჩუენთა შესცოდიან ღმერთსა და ყოვლად-ვე
Line of ed.: 36     დაივიწყიან იგი, მისცნის ჴელმწიფესა ძლიერსა და ტყუეობასა. ხოლო
Line of ed.: 37     ოდეს მოიქციან და Page of sec. ed.: 145  ღაღად-ყვიან, მწრაფლ განარინნის იგინი ჭირისაგან. და
Line of ed.: 38     ესე შჳდგზის ვიცით წერილთაგან. ხოლო ვინაჲთგან ჴელნი შეასხნეს ძესა მას
Line of ed.: 39     დედაკაცისა მწირისასა და მოკლეს, აღიღო ღმერთმან ჴელი მისი ჩუენ ზედა,
Page of ed.: 347   Line of ed.: 1     განხეთქა მეფობაჲ და განგუაშორნა ტაძარსა ღმრთისასა, და უგულებელს-ყო
Line of ed.: 2     ნათესავი ჩუენი სრულიად.

Line of ed.: 3        ხოლო აწ არს სამასი წელი, ვინაჲთგან არცა-ღა ყოვლად-ვე ისმინა ვედრებაჲ
Line of ed.: 4     ჩუენი, არცა ყო ლხინებაჲ. საგონებელ მიჩს, ვითარმედ ზეცით იყო კაცი
Line of ed.: 5     იგი". და ესე განემრავლა მოწერილი. ხოლო მე, ვითარცა მესმა ესე, ვიწყე
Line of ed.: 6     კითხვად დედაკაცისა მის ნინოჲსა ქრისტესთჳს, თუ ვინაჲ იყო იგი, ანუ რომლისა
Line of ed.: 7     მიზეზი\სათჳს Ms. page: 240r   იქმნა ღმერთი კაც. მაშინ ნეტარმან მან აღაღო პირი
Line of ed.: 8     თჳსი, ვითარცა ჯურღუმულმან აღმომდინარემან და ვითარცა წყარომან დაუწყუედელმან.
Line of ed.: 9     იწყო საუკუნითგანთა, ჩემთა წიგნთა ზეპირით წარმოიტყოდა და
Line of ed.: 10     განმიმატებდა და ვითარცა მძინარესა განმაღჳძებდა და ვითარცა დასულებულსა
Line of ed.: 11     განმანათლებდა და მამათა ჩემთა შემაწყალებდა და შჯულისა ცვალებასა
Line of ed.: 12     შემაჯერებდა, ვიდრემდის მრწმენა სიტყჳთა მისითა ქრისტე, ძჱ ღმრთისაჲ,
Line of ed.: 13     და ვნებაჲ მისი და აღდგომაჲ დიდებით, და მეორედ მოსლვაჲ მისი საშინელებით,
Line of ed.: 14     და Page of sec. ed.: 146  ჭეშმარიტად იგი არს მოლოდებაჲ წარმართთაჲ.

Line of ed.: 15        მას ჟამსა მე [და] ასული ჩემი ღირს ვიქმნენით საპკურებელსა და განსაწმედელსა
Line of ed.: 16     ცოდვათასა, ემბაზსა, წყალსა მას წმიდასა, რომელსა-ცა ინატრიდა
Line of ed.: 17     დავით წინაჲსწარმეტყუელი და ვერ ეწიფა. და კუალად მესმა მე ჴმაჲ ახლისა
Line of ed.: 18     შჯულისა მგალობელთაჲ, რომელსა ინატრიდა იგი-ვე დავით და ვერ მიემთხჳა
Line of ed.: 19     და ღირს ვიქმენ ზიარებად ჭეშმარიტსა ჴორცსა და სისხლსა კრავისა მის
Line of ed.: 20     ღმრთისასა სოფლისა ცოდვათათჳს შეწირულისა, რომლისა ტკბილ არს მისი
Line of ed.: 21     გემოჲს-ხილვაჲ და ამას ზედა ყავნ უფალმან განსლვაჲ ჩემი ჴორცთაგან, რამეთუ
Line of ed.: 22     მრავალნი სასწაულნი იხილნეს თუალთა ჩემთა ნინოჲს მიერ მცხეთას შინა
Line of ed.: 23     დღეთა ჩემთა.

Line of ed.: 24        ხოლო სახლი ელიოზისი იყო ქალაქსა შინა დასავალითსა, იყო კარსა მოგუეთისასა,
Line of ed.: 25     მტკუარსა ზედა. და იყო მცირჱ ბაგინი, სამარხვოჲ მათი, რომელსა
Line of ed.: 26     ზედა აღჰმართა წმიდამან ნინო ჯუარი ქრისტესი. და ერთი ერთსა ნათელ-სცემდა
Line of ed.: 27     მუნ შინა ჴელითა იაკობ მღდელისაჲთა და პროსილა მთავარდიაკონისაჲთა,
Line of ed.: 28     მთავართა Ms. page: 240v   შვილებსა, წიაღთა ქალაქისათა. და ერქუა ადგილსა
Line of ed.: 29     მას მთავართა სანათლოჲ. და ფრიად დიდებულ იყო ადგილი იგი დღეთა ჩუენთა,
Line of ed.: 30     რამეთუ დგა იგი ველსა თჳნიერ ნაშენებსა. და მათ დღეთა შემეშურვნეს
Line of ed.: 31     ფრიად ჰურიანი მცხეთელნი ჩემ ზედა და დასცეს ხჱ იგი კილამოჲ, რომელი
Line of ed.: 32     დგა კარსა ზედა ბაგინისასა, რომელი განაშუენებდა ადგილსა მას, რამეთუ
Line of ed.: 33     გარდაერთხნეს რტონი მისნი ყოველსა მას სტოვასა ბაგინისასა და იწყეს სადაჲთ-ვე
Line of ed.: 34     წარსლვად Page of sec. ed.: 147  თჳნიერ ხოლო ბარაბეანთასა, რომელნი-ცა მოინათლნეს ორმეოც
Line of ed.: 35     და ათი სული სახლისა მათისაჲ. და მკჳდრ იქმნეს მცხეთას შინა. და
Line of ed.: 36     მიუბოძა მირეან მეფემან დაბაჲ ერთი, რომელსა ჰრქვან ციხე-დიდი, და იყვნეს
Line of ed.: 37     დიდ წინაშე მეფისა და ქრისტეანეთასა მადლითა ნეტარისა ნინოჲსითა და მოძღურებითა
Line of ed.: 38     მისითა.

Line of ed.: 39        და მათ დღეთა შინა მოიწია წიგნები ჰრომით წმიდისა პატრეაქისაჲ ნეტარისა
Line of ed.: 40     ნინოჲსა და მირეან მეფისა და ყოვლისა ერისა ქართველისა. და მოევლინა
Line of ed.: 41     ბრაჯი მთავარდიაკონი ქებისა შესხმად და კურთხევისა მოცემად, და
Line of ed.: 42     წმიდისა და ნეტარისა ნინოჲს ლოცვისა წარღებად და მადლისა ზიარებად. და
Page of ed.: 348   Line of ed.: 1     ჰქონდა წიგნი ბრაჯთა მეფისაჲ ნეტარისა ნინოჲსა, რამეთუ მოენათლნეს იგინი მამასა
Line of ed.: 2     მისსა ზაბილოვნს. და ესე ყოველი მისმენილ იყო მათა იერუსალჱმით,
Line of ed.: 3     ჰრომით, კოსტანტინეპოვლით, ვითარმედ ქუეყანასა მას ჩრდილოჲსასა.
Line of ed.: 4     მიფენილ არს მზჱ იგი სიმართლისაჲ, ნათელი, მამისა მიერ მოსრული -- ქრისტე
Line of ed.: 5     და ამისთჳს სანატრელი წიგნი მოეწერა, რაჲთა-მცა ეუწყნეს საქმენი იგი
Line of ed.: 6     და სასწაულნი და სუეტისაჲ Ms. page: 241r   მის და მაყულოვანისაჲ მის საკჳრველებანი
Line of ed.: 7     და ძალი იგი კურნებათაჲ, რომელი იხილა მთავარდიაკონმან და განკჳრვებით
Line of ed.: 8     ადიდებდა ღმერთსა. და წარიღო წიგნები და წარვიდა.



Line of ed.: 9  
თავი ი̂გ
Line of ed.: 10  
პატიოსნისა ჯუარისათჳს, რომელი აღწერა იაკობ


Line of ed.: 11        და იყო რაჟამს მოეკუეთა ხჱ იგი პატიოსნისა და ძლევის-მყოფელისა პატიოსნისა Page of sec. ed.: 148 
Line of ed.: 12     ჯუარისაჲ, და მოაქუნდა იგი ათსა ათეულსა კაცსა ზე-ზე რტოჲთურთ,
Line of ed.: 13     და ფურცლით შემოაქუნდა ქალაქად. და მისტყდებოდა ერი იგი მწუანის-ფერობასა
Line of ed.: 14     მას და ფურცლიანობასა დღეთა ზაფხულის პირისათა, ოდეს სხუაჲ
Line of ed.: 15     ყოველი ხჱ ჴმელ იყო, ხოლო იგი ყოვლად-ვე ფურცელდაუცჳვნებელ და სულჰამო
Line of ed.: 16     და ხედვად შუენიერ იყო. მაშინ ძირსა ზედა აღჰმართეს, კარსა ეკლესიისასა
Line of ed.: 17     სამხრითსა. და ჰბერვიდა წყალთაგან ნიავი და შალვიდა ფურცელსა ხისა
Line of ed.: 18     მისგან და აძრევდა რტოთა მისთა. და იყო ხილვაჲ მისი შუენიერ და სულჰამო,
Line of ed.: 19     ვითარცა სმენით ვიცით ხისა მისთჳს ალვისა. და ესე მოვჰკუეთეთ თუესა
Line of ed.: 20     მარტსა კ̂ე-სა, დღესა პარასკევსა. და დაადგრა ხჱ იგი ოც და ათჩჳდმეტ
Line of ed.: 21     დღედმდე, და არა შეიცვალა ფურცელი მისი, ვითარცა ძირსა ზედა მდგომარისაჲ
Line of ed.: 22     თავსა წყაროჲსასა, ვიდრემდის ყოველნი ხენი მაღნარისანი შეიმოსნეს
Line of ed.: 23     ფურცლითა და ხენი ნაყოფიერნი შეიმკვნეს ყუავილითა. მაშინ თთუესა მაისსა
Line of ed.: 24     ერთსა შეიქმნნეს ჯუარნი ესე და შჳდსა მის თჳსასა აღემართნეს ჴელის დადებითა
Line of ed.: 25     მეფისაჲთა, სიხარულითა და დიდითა წადიერებითა ყოვლისა ქალაქისაჲთა,
Line of ed.: 26     იყვნეს რაჲ ყოველნი იგი ეკლესიასა შინა. და იხილეს სიმრავლემან
Line of ed.: 27     ქალაქისამან ბნელთა Ms. page: 241v   მათ ღამეთა, და აჰა ჩამოვიდის ჯუარი ცეცხლისაჲ
Line of ed.: 28     დაგჳრგჳნებული ვარსკულავითა და დაადგრის ზედა ეკლესიასა ვიდრე განთიადმდე,
Line of ed.: 29     და ყოველნი ადიდებდეს ღმერთსა ამას ზედა. და განთიად, რიჟურაჟუს
Line of ed.: 30     ოდენ, გამოვიდის მისგან ორი Page of sec. ed.: 149  ვარსკულავი: ერთი იგი წარვიდის აღმოსავალით,
Line of ed.: 31     და ერთი დასავალით, და იგი თავადი ეგრე-ვე დგან მბრწყინვალედ,
Line of ed.: 32     და ნელიად-ნელიად განდგის მიერ კერძო არაგუსა და დადგის ბორცუსა ზედა
Line of ed.: 33     კლდისასა, ზემო კერძო, ახლოს წყაროსა მას, რომელი-იგი აღმოადინეს
Line of ed.: 34     ცრემლთა წმიდისა ნინოჲსთა, და მუნით აღმაღლდის ზეცად. ესე მრავალგზის
Line of ed.: 35     იხილა ყოველმან სიმრავლემან ერისამან მაცხოვარებაჲ ღმრთისა ჩუენისაჲ.

Line of ed.: 36        მაშინ-ღა ვიწყეთ ნეტარისა ნინოჲსა კითხვად, ვითარმედ: "რაჲ-მე არს, რამეთუ
Line of ed.: 37     გამოვიდის ნაბერწყალი და წარვიდის აღმოსავალით და დასავალით?"

Line of ed.: 38        ხოლო წმიდამან მან ჰრქუა მეფესა და ყოველსა ერსა: Page of sec. ed.: 150  "განავლინენით
Line of ed.: 39     კაცნი მთათა ზედა მაღალთა აღმოსავალად ვიდრე კახეთისა მთადმდე, და
Line of ed.: 40     დასავალით, ვიდრე მიაწევდეს სამეუფოჲ შენი. და ოდეს მთიებნი იგი
Page of ed.: 349   Line of ed.: 1     გამობრწყინდენ, იხილონ, თუ სადა დადგენ და მუნ-ცა აღჰმართენით ორნი ესე
Line of ed.: 2     ჯუარნი საცოდ ყოველთა ქრისტეანეთა და დასამჴობელად მტერისა".

Line of ed.: 3        ხოლო მეფემან ყო ეგრეთ და შეიცვნა თავნი მთათანი მიწყებით ათ დღე,
Line of ed.: 4     ესე იყო პარასკევსა, შაბათად-ღა განთენებოდა, და იყო სასწაული იგი-ვე, იქმნა
Line of ed.: 5     ეგრე-ვე, ვითარცა ყოვლად-ვე იქმნის.

Line of ed.: 6        ხვალის დღე მოვიდეს დასავალითნი იგი, რომელნი-იგი დგეს მთათა ზედა,
Line of ed.: 7     რომელ არს მთაჲ ქუაბთა-თავისაჲ, და უთხრეს მეფესა, ვითარმედ დაადგრა
Line of ed.: 8     ვარსკულავი იგი მთათა თხოთისათა და შთავიდა Ms. page: 242r   ერგჳს [!] კასპისასა
Line of ed.: 9     და დაადგრა ადგილსა ერთსა და ნელად უჩინო იქმნა.

Line of ed.: 10        ეგრე-ვე მოვიდეს აღმოსავალით და თქუეს: "ვიხილეთ ვარსკულავი იგი
Line of ed.: 11     აქაჲთ მომავალი და დაადგრა დაბასა ბოდს კახეთისა ქუეყანასა". მაშინ
Line of ed.: 12     ბრძანა ნეტარმან ნინო, რაჲთა წარიხუნენ ორნი ესე ჯუარნი და აღჰმართნენ
Line of ed.: 13     ერთი თხოთს, სადა-იგი ამხილა ღმერთმან მეფესა ძალი თჳსი, "და ერთი
Line of ed.: 14     იგი მიეც სალომეს უჟარმელსა, ჭეშმარიტსა მჴევალსა ქრისტესსა, და აღჰმართოს
Line of ed.: 15     იგი უჟარმას ქალაქსა. და დაბაჲ ბოდისი არა წინა-აღუდგეს ქალაქსა მეფეთასა,
Line of ed.: 16     რამეთუ ერისა Page of sec. ed.: 151  სიმრავლჱ არს მუნ. დაბაჲ კულა ბოდისი თჳთ ვიხილოთ
Line of ed.: 17     სათნოჲ იგი ადგილი ღმრთისაჲ". და ვყავთ ეგრეთ, ვითარცა გჳბრძანა
Line of ed.: 18     ჩუენ წმიდამან ნინო.

Line of ed.: 19        ხოლო ესე სასწაულთაგან ზეცისათა ჩუენებული პატიოსანი ჯუარი მცხეთისაჲ
Line of ed.: 20     აღვიპყართ ჴელითა კაცობრივითა და მივედით ბორცუსა მას ქუეშე,
Line of ed.: 21     წყაროსა მას ზედა და ვათიეთ ღამჱ და ვილოცევდით ღმრთისა მიმართ. ხოლო
Line of ed.: 22     ნეტარი წმიდაჲ ნინო ცრემლითა განჰზავებდა წყაროსა მას, და იქმნებოდეს
Line of ed.: 23     კურნებანი და სასწაულნი დიდ-დიდნი.

Line of ed.: 24        და ხვალის დღე აღვედით კლდესა მას ზედა. და მივიდა ნეტარი ნინო და
Line of ed.: 25     დავარდა ქვათა მათ ზედა ბორცჳსათა, და ტიროდა იგი და მეფჱ და ყოველნი
Line of ed.: 26     მთავარნი და ყოველი იგი სიმრავლჱ ერისაჲ, მამათაჲ და დედათაჲ, და
Line of ed.: 27     [იყო] ყრმათა ჩჩჳლთა ჟივილი, ვიდრემდის მთანიცა ჴმა-სცემდეს. და დასდვა
Line of ed.: 28     ჴელი წმიდამან ნინო ერთსა ქვასა და მრქუა მე: "მოვედ, შენდა ჯერ-არს,
Line of ed.: 29     დასწერე ჯუარი ქვასა ამას". და მე ვყავ ეგრეთ. და მუნ აღჰმართეს ჯუარი
Line of ed.: 30     იგი დიდებული მეფეთა. და მოდრკა მეფჱ მუჴლთა თჳსთა ზედა და ყოველნი
Line of ed.: 31     მთავარნი, და Ms. page: 242v   ყოველი სიმრავლჱ ერისაჲ და თავყუანის-სცეს ძლევით
Line of ed.: 32     შემოსილსა ჯუარსა, და აღიარეს ჯუარ-ცუმული იესუ ქრისტე ჭეშმარიტად
Line of ed.: 33     ღმრთად და ძედ ღმრთისა ცხოველისად და ჰრწმენა სამებით დიდებული
Line of ed.: 34     ღმერთი ყოველთა, რომელსა შუენის დიდებაჲ უკუნითი უკუნისამდე, ამენ. Page of sec. ed.: 152 

Line of ed.: 35        ხოლო დედანი იგი მთავარნი არასადა განეშორებოდეს წმიდასა ეკლესიასა
Line of ed.: 36     და სუეტსა ნათლისასა და ჯუარსა ცხოველსა, რამეთუ ჰხედვიდეს სასწაულთა
Line of ed.: 37     მათ უზომოთა და კურნებათა მიუთხრობელთა.

Line of ed.: 38        მაშინ დაუტევა წმიდამან ნინო მცხეთაჲ ქალაქი და წარვიდა მთეულთა ხარებად
Line of ed.: 39     პირუტყუთ-სახეთა მათ კაცთა და შემუსრვად კერპთა მა[თ].

Line of ed.: 40        ხოლო აქა შინა დაუტევა აბიათარ, ჰურია-ყოფილი იგი მღდელი, რომელი
Line of ed.: 41     იყო მეორჱ პავლე, რომელი არა დასცხრებოდა ღამე და დღე ქადაგებასა
Line of ed.: 42     ქრისტესსა, დიდებასა მისსა, ვიდრემდის სივლტოლად იწყეს ჰურიათა
Page of ed.: 350   Line of ed.: 1     ხოლო ბაგინისათჳს [ა]იძულებდა მეფესა, რაჲთა არა შეძრან ნაშენები იგი
Line of ed.: 2     მისი, არამედ რაჲთა შესძინოს აღშენებაჲ. რამეთუ ვიდრე არღა გამოჩინებულ
Line of ed.: 3     იყო ახალი მადლი ქუეყანასა ამას, მუნ შინა იყო დიდებული სახელი საუკუნოჲსაჲ
Line of ed.: 4     მის ღმრთისაჲ. და ერჩდა მეფჱ მისთა დღეთა, და იყვნეს მუნ
Line of ed.: 5     შინა ელიოზის ნათესავნი მღდელად ჰურიათა ზედა. Page of sec. ed.: 153 



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.