TITUS
The Shatberd Codex
Part No. 327
Previous part

Chapter: 5  
Page of ed.: 380  
Page of sec. ed.: 160 
Line of ed.: 1  
ე̂ ფსალმუნი
Line of ed.: 2  
დავითისი, აღსასრულთაჲ, მკჳდრისათჳს


Line of ed.: 3        ყოველთა, რომელთა ზედა-დაწერილი განჰმარტეს და თარგმანეს, განაცხადეს
Line of ed.: 4     მას შინა, [. . . . . .] რად [. . . .] სიტყუასა ღმრთისასა, ესე იგი
Line of ed.: 5     არს მხოლოდ-შობილი ძჱ მისი, შეაერ[თა] მის თანა ეკლესიაჲ მისა და უწოდა
Line of ed.: 6     მკჳდრად, რამეთუ თავ მისა არს ქრისტე და ასონი [მი]სნი -- (ესე) თჳს-თჳსად
Line of ed.: 7     თითოვეული თჳსი, რომელნი ღმრთის-მსახურებით ვლენან ცხორებად
Line of ed.: 8     სიწმიდითა სლვისა თჳსისაჲთა, რამეთუ იტყჳს ესევითარისათჳს უფალი პატიოსანსა
Line of ed.: 9     სახარებასა შინა თჳსსა: "მოვედით, კურთხეულნო მამისა ჩემისანო, და
Line of ed.: 10     დაიმკჳდრეთ სასუფეველი განმზადებული დასაბამითგან სოფლისაჲთ"*. და
Line of ed.: 11     რჩეული მონაჲ ღმრთისაჲ პავლე Ms. page: 264r   იტყჳს: "სული ღმრთისაჲ ეწამების
Line of ed.: 12     სულსა ჩუენსა, ვითარმედ შვილნი ღმრთისანი ვართ. უკუეთუ შვილ, მკჳდრ-ცა
Line of ed.: 13     ღმრთისა თანა და მკჳდრობის-მოდგამ ქრისტეს თანა"*. და კუალად, ვითარმედ:
Line of ed.: 14     "არა ვართ მონა, არამედ შვილ, უკუეთუ Page of sec. ed.: 161  შვილ, მკჳდრ-ცა ქრისტეს მიერ." აწ
Line of ed.: 15     მკჳდრობისათჳს მრავალნი სხუასა-ცა ვჰპოვებთ საღმრთოთაგან წიგნთა. ესე არს
Line of ed.: 16     ძალი და ბუნებაჲ ფსალმუნისაჲ, რამეთუ რაოდენ ზედა-მიწევნით მოვედით
Line of ed.: 17     შესლვად სიტყუათა ფსალმუნისათა. "სიტყუათა ჩემთაჲ ისმინე, უფალო,
Line of ed.: 18     და გულისხმა-ყავ ღაღადებაჲ ჩემი, მომხედენ ჴმასა ლოცვისა ჩემისასა"*.
Line of ed.: 19     მრავალგზის და მრავლით კერძო აღდგეს და მოიწინეს განსაცდელნი და ღელვანი
Line of ed.: 20     ზედა ეკლესიასა, არა ხოლო თუ ერთსა ეკლესიასა, არამედ ყოველთა
Line of ed.: 21     სულთა, რომელნი სიწმიდით სახელ-დებულ არიან, მოივლინნეს მათ ზედა
Line of ed.: 22     ჭირნი და შეძრწუნებანი, არამედ ძლევაჲ პოვა ეკლესიამან და წმიდათა მისთა
Line of ed.: 23     უფროჲს ყოველთა მტერთა მისთასა. დაღაცათუ შეიძრნეს განსაცდელნი
Line of ed.: 24     დაცემად ლოდსა ზედა, ბჭენი ჯოჯოხეთისანი მას არა ერევიან.

Line of ed.: 25        არამედ იყო ესე ყოველი, რაჲთა უფროჲსად გამოჩნდეს სიმჴნე ჩუენი და
Line of ed.: 26     ღმრთისა მიმართ ვედრებანი ჩუენნი შევწირნეთ, ვითარცა აწ მოძღურებაჲ
Line of ed.: 27     გუასწავებს ჩუენ, თუ ვითარ ჯერ-არს ყოველთა ღმრთისა და მეუფისა ვედრებაჲ
Line of ed.: 28     და სულთქუმათა შეწირვაჲ. გუასწავებს ჩუენ ესრჱთ: "სიტყუათა ჩემთაჲ
Line of ed.: 29     ისმინე, უფალო, და გულისხმა-ყავ ღაღადებაჲ ჩემი, მომხედენ ჴმასა ლოცვისა
Line of ed.: 30     ჩემისასა, მეუფეო ჩემო და ღმერთო ჩემო"*. აწ არა თუ ღაღადებასა
Line of ed.: 31     ღაღადებითა გულისხმა-ჰყოს, რამეთუ არა თუ ყურნი ასხენ სასმენელად, რამეთუ
Line of ed.: 32     ღმრთისათჳს რაოდენი Page of sec. ed.: 162  რაჲ ჴორციელებაჲ თქუან წიგნთა, სწავლისა ჩუენისათჳს
Line of ed.: 33     არს და არა თუ ბუნებისათჳს ღმრთეებისა. აწ რაოდენი რაჲ თქუან
Line of ed.: 34     ჴორციელებრი რაჲმე ურვაჲ, მსგავსად ასოთა მათებრ იქმნების, ვითარცა
Line of ed.: 35     ელია[ს] მრავლითა კადნიერებითა ღმრთისათჳს შური აქუნდა, რომელმან
Line of ed.: 36     თქუა ესრეთ: "ცხოველ არს უფალი, რომლისა ვდგა მე წინაშე მისა* დღეს".

Line of ed.: 37        "რამეთუ შენ უფალი არა ეგრე ხარ, ვითარ-მცა გინდა ურჩულოვებაჲ არა
Line of ed.: 38     დაიმკჳდრონ შენ წინაშე უკეთურთა, არცა დადგენ უშჯულონი წინაშე თუალთა
Line of ed.: 39     შენთა"*. შეისმინე თხოვისა ჩემისაჲ და განმაშორენ ჩემგან შეძრწუნებანი,
Page of ed.: 381   Line of ed.: 1     ჭირნი უღმრთოვებისანი უწყი, რამეთუ ბილწ არიან წინაშე შენსა
Line of ed.: 2     ყოველნი სლვანი და საქმენი უწესოვებისანი და რომელნი მოვიდენ, ნუ უღმრთოვებით
Line of ed.: 3     ავლინებენ სლვათა თჳსთა.

Line of ed.: 4        ესე გალობად აღუღებიეს დავითს და განცხადებულად ფსალმუნსა შინა Page of sec. ed.: 163  თჳსსა იტყჳს:
Line of ed.: 5     "მოიძულენ შენ ყოველნი, რომელნი იქმან უშჯულოვებასა,
Line of ed.: 6     წარწყმიდენ, რომელნი იტყჳან სიცრუვესა; კაცი მოსისხლჱ და მზაკუვარი
Line of ed.: 7     სძაგს უფალსა"*. უკეთურებისა საქმენი და რომელთა წინა-აღდგომაჲ ღმრთისაჲ
Line of ed.: 8     ენება და ცილობისა საქმენი მათნი არა ხოლო თუ ერთგზის მოიძაგნა და
Line of ed.: 9     განიშორნა. არამედ დაღაცათუ მრავალნი ჭირნი მიაწინეს ზედა წმიდათა, ვერ
Line of ed.: 10     შეუძლეს ძლევად მათა, არამედ იგინი-ვე თავით თჳსით უფროჲს-ღა შორის
Line of ed.: 11     წარწყმდეს, რამეთუ დაღაცათუ ჟამითი ჟამად წარმდებ იქმნნეს, ვერ-ვე შეუძლეს
Line of ed.: 12     ზედა მისლვად Ms. page: 264v   და წინა-აღდგომად სიტყუასა უფლისა ღმრთისა
Line of ed.: 13     ჩუენისა იესუ ქრისტესსა, რამეთუ იტყჳს: "ბჭენი ჯოჯოხეთისანი მას არა ერეოდიან"*.
Line of ed.: 14     ამას-ვე ფსალმუნსა ესე განცხადებულად იტყჳს: "ხოლო მე მრავლითა
Line of ed.: 15     მოწყალებითა შენითა შევიდე სახლსა შენსა, თავყუანის-ვსცე ტაძარსა წმიდასა
Line of ed.: 16     შენსა შიშითა შენითა"*. რომელნი იტყჳან: მიჴსენ მე ყოველთაგან
Line of ed.: 17     განსაცდელთა და მარჯუენითა შენითა დამიფარე მე ყოველთა მოვლინებულთა
Line of ed.: 18     გასაცდელთაგან, რომელნი სახელ-დებულ არიან, ესე იგი არს "ბჭეთაგან
Line of ed.: 19     ჯოჯოხეთისათა" და რამეთუ ყოველსა ჟამსა შევსწირავთ თავყუანის-ცემასა ტაძარსა
Line of ed.: 20     შინა დიდებისა შენისასა, რამეთუ ვერ შემძლებელ ვარ მე დავიწყებად
Line of ed.: 21     კაცთ-მოყუარებისა, რომლითა მომმადლე მე კადნიერებაჲ.
Page of sec. ed.:  

Line of ed.: 22        "უფალო, მიძეღუ მე სიმართლითა შენითა და მტერთა ჩემთათჳს წარმართე
Line of ed.: 23     წინაშე ჩემსა გზაჲ შენი"*, რამეთუ ყოველსა ჟამსა გზანი შენნი გამოწერილ
Line of ed.: 24     არიან წინაშე თუალთა ჩემთა. თითოვეულისა მათგანისაგან ვიხილავ
Line of ed.: 25     ამას, რამეთუ გზად წრფელთა იტყჳს და კუალად მათთჳს უფროჲს-ღა დაცვად
Line of ed.: 26     ღმრთისაგან. აწ უკუეთუ საქმეთა ჩემთაგან საფარველსა ფრთეთა შენთასა დამიფარო და
Line of ed.: 27     მიძღოდი და წარმიმართო, განაგნე გზანი ჩემნი.

Line of ed.: 28        სჳმაქოს თქუა: წრფელ-ყავ და წარჰმართე გზაჲ ჩემი, უფალო". ამას-ვე
Line of ed.: 29     წამებს ესაია და იტყჳს, ვითარმედ: "იყოს ძნელოვანი იგი ველად და ღირღუაროვანი
Line of ed.: 30     -- გზად წრფელად"*. და კუალად სხუასა ადგილსა იტყჳს დავით:
Line of ed.: 31     "უფლისა მიერ არს სლვაჲ წრფელთაჲ და გზანი მისნი ჰნებვენ ფრიად". დიდითა სიმდაბლითა
Line of ed.: 32     სავსე არიან სიტყუანი უხუთანი, სამკჳდრებელსა აღითქუმენ,
Line of ed.: 33     რომელნი ევედრებიან ღმერთსა მტერთა მათთათჳს, სადა არა იყოს ბრძოლაჲ,
Line of ed.: 34     ითხოვენ მართალსა და წრფელსა და ადვილსა გზასა და ურთიერთას განცხადებულად
Line of ed.: 35     მიუთხრობენ და ამხილებენ უღმრთოთა გმობასა; და უწესოვებისა
Line of ed.: 36     მათისა, და ბილწთა სიტყუათა მათთა ამისთჳს იტყჳს "არა არს პირსა მათსა
Line of ed.: 37     ჭეშმარიტებაჲ-ო, ტყუვილითა-ო ყოველსა ჟამსა ენითა თჳსითა შეიბილწვიან-ო,
Line of ed.: 38     გული მათი ამაო-ქმნული, რამეთუ ყოველსა ჟამსა ცუდსა ზრახვასა ზრახვენ
Line of ed.: 39     და ურჩულოვებთა სავსე-ა [!] გონებაჲ და პირი მათი, ვითარცა სამარჱ აღაღიან
Line of ed.: 40     ჴორცი მათი"*, რამეთუ დაბურვილნი სამარენი დაბურვილ არიან მყრალობითა
Line of ed.: 41     სულისა მათისაჲთა, ხოლო ზე-აღებულთა სამარეთა მრავალგზის
Page of ed.: 382   Line of ed.: 1     ზე-აღმოუტევიან სიმყრალისა იგი სული მათი. ესრჱთ-ვე იგინი მეძვობითა, ყოვლითა
Line of ed.: 2     შებილწებითა და სიმყრალითა, პირითა მათითა სიტყუათა გმობისათა
Line of ed.: 3     იტყჳან და ზრახვენ, ესე იგი არს უწესონი ზრახვანი მათნი და მგმობარი ენაჲ
Line of ed.: 4     მათი, რომელნი ღმრთისა თანა და წმიდათა მისთა თანა ყოველსა ჟამსა წარმდებებით
Line of ed.: 5     მიავლინებენ ენასა თჳსსა. იტყჳს, ვითარმედ "ენითა მათითა ზაკუვენ*.
Line of ed.: 6     რამეთუ ყოვლითა მზაკუვარებითა და დრკუვებითა არიან ზრახვანი მათნი.

Line of ed.: 7        ესე უფროჲსად ბოროტ არიან მათსა, რომელნი მდუმრიად თავით თჳსით
Line of ed.: 8     ზაკუვენ დაფარულად. უკუეთუ აღაღონ პირი მათი, სიმყრალჱ და სული გმობისაჲ
Line of ed.: 9     მიავლინიან ღმრთისა თანა, და თუ მდუმრიად ზაკუვასა იტყოდიან. "საჯნეს
Line of ed.: 10     იგინი ღმერთმან, Ms. page: 265r  დაეცნენ იგინი ზრახვათა მათთაგან, დიდძალისა
Line of ed.: 11     უღმრთოვებისა მათისაჲთა განიშორნეს იგინი"* და მოიყვანნეს იგინი საშჯელად
Line of ed.: 12     და იყვნენ იგინი დაშჯილ, აღდგენ განსაცდელად საქმეთა თჳსთაგან, რომელნი
Line of ed.: 13     ქუსვიდეს ვითარცა ქსელსა დედაზარდლისასა*, დაეცნენ იგინი ამაოვებითა
Line of ed.: 14     ზრახვათა მათთაჲთა* და აღდგომასა გუემად ღირს არიან წარმდებებითა
Line of ed.: 15     თჳსითა. ამისთჳს, "რამეთუ განგამწარეს შენ, უფალი"*, რამეთუ წარმდებებითა
Line of ed.: 16     თჳსითა ვიდრე შენდამდე ენება ბრძოლაჲ. აწ აჩუენე ძალი შენი და განკუეთე
Line of ed.: 17     წარმდებებაჲ მათი და ახარე, რომელნი გესვენ შენ, რამეთუ იტყჳს ესერა
Line of ed.: 18     ფსალმუნი ესე ესრეთ: "იხარებდენ შენდამი ყოველნი, რომელნი გესვენ შენ
Line of ed.: 19     უკუნისამდე, იშუებდენ და შენ დაიმკჳდრო მათ შორის"*, იგინი, რომელნი
Line of ed.: 20     შენ გესვიდეს მორწმუნენი, სიხარულითა აღივსნეს და მიიღეს შუებაჲ საუკუნოჲ.
Line of ed.: 21     წარვიდეს იგინი და დაემკჳდრნეს ესენი. "იქადოდიან შენდამი ყოველნი,
Line of ed.: 22     რომელთა უყუარს სახელი შენი, რამეთუ შენ აკურთხე მართალი"*. შენმიერითა
Line of ed.: 23     კურთხევითა და შენითა წყალობითა ჭირთაგან მისთა განსუენებაჲ და
Line of ed.: 24     ფართოვებაჲ პოვა, შენდა მიმართ იქადის და იტყჳს მსგავსად სიტყჳსა მის
Line of ed.: 25     პავლესისა: "რომელი იქადოდის, უფლისა მიერ იქადოდენ"*.

Line of ed.: 26        "უფალო, ვითარცა ჭურითა სათნოვებისაჲთა გჳრგჳნოსან-მყვენ ჩუენ"*.
Line of ed.: 27     სათნოვებად უწოდს წმიდათა წიგნთა კეთილად საღმრთოდ ნებასა მათსა, რომლითა
Line of ed.: 28     განგუამტკიცნა ჩუენ, ვითარცა ჭურითა დაიფარნა წმიდანი თჳსნი, რამეთუ
Line of ed.: 29     სხუასა ადგილსა იტყჳს: "გთნდა, უფალო, ქუეყანაჲ შენი"*. ითქუმის, ვითარმედ
Line of ed.: 30     კეთილი ინებე სამკჳდრებელსა შენსა მოშიშთა შენთა. აწ აქა ამას
Line of ed.: 31     იტყჳს, ვითარმედ სათნოვებითა და კეთილითა ნებისა შენისაჲთა და მრავლითა
Line of ed.: 32     ჩუენდა მომართ კაცთ-მოყუარებითა მოწყალებისა შენისაჲთა მეყავ ჩუენ
Line of ed.: 33     ჭურ შესავედრებელ სრულიად ძლევად მტერთა ყოველთა ძლევითა ძლიერებისა
Line of ed.: 34     შენისაჲთა, დამადგ თავთა ჩუენთა გჳრგჳნი სიხარულისაჲ, ესე იგი არს რომელსა
Line of ed.: 35     იტყჳს "ვითარცა ჭურითა სათნოვებისა შენისაჲთა გჳრგჳნოსან-მყვენ
Line of ed.: 36     ჩუენ"*.



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.