TITUS
The Shatberd Codex
Part No. 332
Previous part

Chapter: 46  
Page of ed.: 397  
Line of ed.: 26  
ფსალმუნი მ̂ვ
Line of ed.: 27  
აღსასრულსა, ძეთა კორესთაჲ


Line of ed.: 28        მრავალგზის ვთქჳთ, თუ რაჲ არს აღსასრული და ვაჩინეთ, თუ რაჲ აღსასრულსა
Line of ed.: 29     ჟამთასა იქმნა და ეკლესიად ეწოდა, რამეთუ პავლე იტყჳს: "მრავლით
Line of ed.: 30     კერძო და მრავლით სახით მაშინ-ვე იტყოდა წინაჲსწარმეტყუელთა მიერ
Line of ed.: 31     თჳსთა, ხოლო აღსასრულსა ჟამთასა მეტყოდა ჩუენ ძისა მიერ თჳსისა"*; ესე
Line of ed.: 32     არს, რომელსა იტყჳს "აღსასრულსაო", რამეთუ აღსასრულსა სოფლისა ამის მოვიდა
Line of ed.: 33     ძჱ ეკლესიასა თჳსსა და დაამტკიცა. ხოლო ძენი კორესნი, რამეთუ იყვნეს
Line of ed.: 34     იგინი და ასაფ და ედითომ და სხუანი-ცა ჴმა-შუენიერნი და დასის-თავნი შემასხმელნი,
Line of ed.: 35     რომელთა აღიღიან ჴმაჲ დავითის თანა და შეჴმობით ჴმასა მისსა
Line of ed.: 36     განჰკაზმვიდეს და ასწავებდეს დასსა, რამეთუ იყვნეს სულ-შეზავებულნი მადლითა
Line of ed.: 37     მისითა და ნებიერად და შუენიერად შემსგავსებულად გალობდეს ესე
Line of ed.: 38     არს, რომელსა იტყჳს, თუ "ძეთა ზედა კორესთა-ო", და ასაფს და ედითომს. აწ
Line of ed.: 39     ვთქ[უ]ათ ძალი და პირი ფსალმუნისაჲ, რამეთუ თქუმულ არს ფსალმუნი ესე
Line of ed.: 40     გამოჴსნისათჳს ყოველთა წარმართთაჲსა, და ვითარ ძლევით დაინთქა ყოველი
Page of ed.: 398   Line of ed.: 1     უღმრთოვებაჲ და ქმნა დიდი მშჳდობაჲ ეკლესიისა თჳსისათჳს მხოლოდ-შობილმან
Line of ed.: 2     ძემან ღმრთისამან. "აღიტყუელენით ჴელნი თქუენნი ყოველთა
Line of ed.: 3     წარმართთა და ღაღადებდით ღმრთისა მიმართ ჴმითა სიხარულისაჲთა, რამეთუ
Line of ed.: 4     უფალი მაღალ და საშინელ არს და მეუფჱ დიდ არს ყოველსა ქუეყანასა ზედა"*.
Line of ed.: 5     საწინაჲსწარმეტყუელოჲ სიტყუაჲ წარმოიღებს ამას და იტყჳს: რომელ
Line of ed.: 6     არს მოციქულთა დასი და კრებულნი ყოველთა წარმართთანი, გალობად ღმრთისა
Line of ed.: 7     იწოდნეს. ესე არს ძლევისა მხიარულებაჲ და სიხარული. იტყჳს:
Line of ed.: 8     "აღიტყუელენით ჴელნი თქუენნი ყოველთა წარმართთა და ღაღადებდით ღმრთისა
Line of ed.: 9     მიმართ ჴმითა სიხარულისაჲთა"*. ერთ-სიტყუა იქმნა ძალი ფსალმუნისაჲ
Line of ed.: 10     ამის მის თანა. რომელ-იგი პირველ ფსალმუნისა მის ვთქუთ, რამეთუ მუნ
Line of ed.: 11     აჴსენა ამბოხი და შეძრწუნებაჲ და იტყოდა მერმე ძლევასა და მშჳდობასა
Line of ed.: 12     ეკლესიისასა. ესრე სახედ ფსალმუნი ესე იხილა, ძლევაჲ, რომელი მის მიერ
Line of ed.: 13     იქმნა, და უბრძანებს ყოველთა მორწმუნეთა დასსა, კრებულსა აღტყუელვად
Line of ed.: 14     ჴელთა, ქებისა აღებად და გალობად და თქუმად: "შენ, უფალო, მაღალ და საშინელ
Line of ed.: 15     ხარ და მეუფე დიდ არს ყოველსა ქუეყანასა ზედა". გჳჩუენა და განაცხადა
Line of ed.: 16     და "დაგუამორჩილნა ერნი ჩუენ ქუეშე და წარმართნი ქუეშე ფერჴთა ჩუენთა
Line of ed.: 17     და გამოგჳრჩინა ჩუენ სამკჳდრებელად თჳსა, და შუენიერებაჲ იაკობისი, რომელ
Line of ed.: 18     შეიყუარა"*. სჳმაქოს კრებულისა თანა თქუა და იტყჳს: "მეუფისა თანა
Line of ed.: 19     შუენიერებაჲ იაკობისიო, შუენიერებაჲ წმიდათა მისთაჲ".

Line of ed.: 20        აკჳლას მოციქულთა დასად იტყჳს. ესე გამოაჩინებს თქუმითა, თუ მართალთა
Line of ed.: 21     და წმიდათა და მორწმუნეთა განძლიერებად და ძლევად განწყობილნი
Line of ed.: 22     აღტყუელვით გალობენ. ესე იხილვა ჟამსა მას, რომელი თუალითა წინაჲსწარმეტყუელმან
Line of ed.: 23     უწინარეს თქუა სიტყჳთა. აწ ესერა სრულ იქმნა და აღესრულა
Line of ed.: 24     მოსლვაჲ მხოლოდ-შობილისა ძისა ღმრთისაჲ და Ms. page: 273r  მოციქულთა
Line of ed.: 25     მისთა რწმუნებად ყოველთა წარმართთა. და მცირედ-ღა დაემორჩილნეს კრებულნი
Line of ed.: 26     და მეფენი და ნათესავნი და ასწავეს მათ ფსალმუნი და გალობაჲ ჭეშმარიტისა
Line of ed.: 27     ღმრთისა მიცემად დიდებით გალობაჲ და შუენიერებაჲ იაკობისი,
Line of ed.: 28     რომელ აღუთქუა შვილთა მართალთაჲსა კურთხევად მათგან წარმართნი, მხოლოდ-შობილისაგან
Line of ed.: 29     ძისა ღმრთისა იქმნა და აღესრულა, რამეთუ რომელსა ჟამსა
Line of ed.: 30     დაამორჩილა თავი თჳსი მათთჳს, წარმართნი და უღმრთონი სასოვებად მშჳდობისა
Line of ed.: 31     მოიყვანნა და სარწმუნოვებად და დიდების-მეტყუელებად. და მერმე
Line of ed.: 32     იტყჳს: "აღმაღლდა ღმერთი კურთხევითა და უფალი ჴმითა სტჳრისაჲთა"*.
Line of ed.: 33     რომელი ამას ყოველსა იტყჳს, ძლევასა წარჰმართებს და დაწყნარებასა, იგი არს
Line of ed.: 34     ჭეშმარიტი მხოლოდ-შობილი ძჱ ღმრთისაჲ, რომელი განკაცნა და დაჰჴსნა
Line of ed.: 35     ბუნებაჲ სიკუდილისაჲ და ეშმაკისაჲ და გამოგჳჴსნნა და უკუდავებაჲ მოგუმადლა
Line of ed.: 36     ყოველთა კაცთა.

Line of ed.: 37        ესე არს ღმერთი ჭეშმარიტი, მხოლოდ-შობილი ძჱ ღმრთისაჲ, რომელი
Line of ed.: 38     დიდითა ძლევითა აღმაღლდა ზეცად და მოუვლინა ანგელოზი წმიდათა მოციქულთა
Line of ed.: 39     თჳსთა. და კუალად ერთგზის დიდებით მოსლვისა მისისათჳს ახარა
Line of ed.: 40     მათ და ჰრქუა ესე იესუ, რომელი წინაშე თქუენსა აღმაღლდა ზეცად. ეგრეთ-ვე
Line of ed.: 41     კუალად ერთგზის დიდებითა მამისაჲთა მოვიდეს, ვითარცა იხილეთ, იგი,
Line of ed.: 42     აღმაღლებული ზეცად.

Line of ed.: 43        ვითარ აღმაღლდა უფალი ზეცად, წინა-მიეგებვოდეს მას ანგელოზთ-მთავარნი
Page of ed.: 399   Line of ed.: 1     და ძალნი და მთავრობანი, უფლებანი და ჴელმწიფებანი და ბევრნი ბევრთანი.
Line of ed.: 2     დასნი ღაღადებით იტყოდეს: "აღიხუენით ბჭენი თქუენნი, მთავარნო, ზე და
Line of ed.: 3     აღიხუნენ ბჭენი საუკუნენი და შევიდეს მეუფჱ დიდებისაჲ"*. ამას პირად-პირადად,
Line of ed.: 4     შუენიერად და დიდებულად იტყოდეს: "აღმაღლდა ღმერთი ღაღადებითა
Line of ed.: 5     და უფალი ჴმითა სტჳრისაჲთა"* აჴდა მაღალსა ესევითარითა გალობითა.
Line of ed.: 6     ამისა შემდგომად იქმნა შეერთებაჲ ზეცისათაჲ და ქუეყანისათაჲ, მოვიდა
Line of ed.: 7     სიმრავლჱ ანგელოზთაჲ, თანა-იტყჳან: "უგალობდით ღმერთსა ჩუენსა,
Line of ed.: 8     უგალობდით მეუფესა ჩუენსა, უგალობდით, რამეთუ მეუფე დიდ არს ყოველსა
Line of ed.: 9     ქუეყანასა ზედა ღმერთი, უგალობდით მას მეცნიერებით. სუფევს ღმერთი
Line of ed.: 10     წარმართთა ზედა, ღმერთი ზის საყდართა ზედა სიწმიდისა მისისათა"*. ესერა
Line of ed.: 11     ერთითა ჴმითა ზეცისანი და ქუეყანისანი სულიერსა დიდების-მეტყუელებასა
Line of ed.: 12     ყოვლად ძლიერისა მეუფისა შესწირვენ, რამეთუ ყოველსა კაცსა ჭეშმარიტმან
Line of ed.: 13     ღმერთმან მოსცა დიდებულებაჲ და ძედ ღმრთისა ყოფად მიჰმადლა მორწმუნეთა
Line of ed.: 14     თჳსთა და ადიდნა იგინი, რამეთუ ყოველთა წარმართთა გულისხმა-ყვეს*,
Line of ed.: 15     ვითარმედ იგი არს ღმერთი ჭეშმარიტი, ღმერთი და მეუფჱ დიდი ზედა
Line of ed.: 16     ყოველსა ქუეყანასა და დიდებით დაჯდა მარჯუენით მამისა მაღალთა შინა. ესე
Line of ed.: 17     არს, რომელსა იტყჳს, თუ "ღმერთი დაჯდა საყდართა ზედა სიწმიდისა მისისათა"*,
Line of ed.: 18     რამეთუ მისნი იყვნეს და არა თუ ჟამსა მას დაიპყრნა. ამისა მსგავსად
Line of ed.: 19     ჴმობს პავლე. და იტყჳს: "დაჯდა მარჯუენით დიდებისა მაღალთა შინა"*, რომელსა
Line of ed.: 20     იტყჳს, თუ: "უგალობდით მას სიბრძნითა. არა ხოლო თუ იტყჳს ჴმისა
Line of ed.: 21     ამობერვითა ოდენ და პირითა მღაღადებელითა, Ms. page: 274v  არამედ გულისხმის-ყოფით
Line of ed.: 22     და სიბრძნით და გამოკითხვით და განგონებით და მადლობით უფლებასა
Line of ed.: 23     მისსა. "მთავარნი შეუკრბეს ღმერთსა აბრაჰამისსა, რამეთუ ღმრთისა ძლიერნი
Line of ed.: 24     ქუეყანით ფრიად აღმაღლდეს"*, რამეთუ ყოველთა მთავართა წარმართთაჲსა
Line of ed.: 25     დაუტევნეს მამულნი ღმერთნი მათნი და შერთვად მოვიდეს ღმრთისა თანა
Line of ed.: 26     აბრაჰამისა, იქმნეს განმართლებულ და შვილ აბრაჰამისა. იქმნა აბრაჰამ მამად
Line of ed.: 27     მართალთა მრავალთა, რამეთუ ნაშობისა მისისაგან იკურთხნეს ნათესავნი
Line of ed.: 28     წარმართთანი.

Line of ed.: 29        რომელთა იცნეს ჭეშმარიტი ღმერთი, შემოქმედი თჳსი, მოვიდეს ღმრთის
Line of ed.: 30     მეცნიერებად ყოველნი, ადიდებდეს ღმერთსა. გალობაჲ ქუეყანით აღმაღლდა,
Line of ed.: 31     რამეთუ ძალითა ღმრთისაჲთა სიბრძნით შემუსრ[ნ]ეს ბჭენი ჯოჯოხეთისანი და
Line of ed.: 32     სიკუდილისანი. და აღიღო მძლავრებაჲ ეშმაკისაჲ და მიჰმადლა ყოველთა-ვე
Line of ed.: 33     ცხორებაჲ და სასუფეველი და აღაღო პირი ჩუენი. და ყოველნი ჴმითა სიხარულისაჲთა
Line of ed.: 34     გალობად ღმრთისა. ესე არს, რომელსა იტყჳს, თუ "აღიტყუელენით
Line of ed.: 35     ჴელნი ყოველთა წარმართთა, ღაღადებდით ღმრთისა მიმართ ჴმითა სიხარულისაჲთა,
Line of ed.: 36     რამეთუ მაღალ და საშინელ არს და მეუფე დიდ არს ყოველსა ქუეყანასა
Line of ed.: 37     ზედა"*.



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.