TITUS
The Shatberd Codex
Part No. 333
Previous part

Chapter: 47  
Page of ed.: 399  
Line of ed.: 38  
ფსალმუნი მ̂ზ
Line of ed.: 39  
კურთხევისაჲ, ძეთა კორესთაჲ


Line of ed.: 40        ესე-ცა ფსალმუნი მისა-ვე მსგავსად მიუთხრობს, დიდ არს ღმერთი და ძლიერ
Line of ed.: 41     და მძლე ბრძოლათა: "დიდ არს უფალი, ქებულ ფრიად ქალაქსა ღმრთისასა
Line of ed.: 42     და მთასა წმიდასა მისსა"*. ესერა მრავალგზის ვთქუთ, თუ ქალაქად და
Page of ed.: 400   Line of ed.: 1     მთად საღმრთონი წიგნნი თქუნა. არა თუ შენებულსა რას-მე ერთსა სახელ-სდებს,
Line of ed.: 2     არამედ საქმესა სახიერებისასა და კაცთა წმიდათა სარწმუნოვებასა
Line of ed.: 3     უწოდს. აწ ესერა თქუა ჟამსა მას დიდებით უფლისაჲ და რამეთუ მისგან და
Line of ed.: 4     მის მიერ მაღალ და მტკიცე აღეშენა ქალაქი, ესე იგი არს ღმრთის მეცნიერებაჲ
Line of ed.: 5     სარწმუნოვებით უფროჲს ყოველთა მთათა მაღალ და მთა იქმნა და დაეშენნეს
Line of ed.: 6     ყოველნი მართალნი მას ზედა, ვითარცა ქალაქსა საჩინოსა და განცხადებულსა.
Line of ed.: 7     ესე უფალმან განჰმარტა სახარებასა შინა, თუ: "ვერ შესაძლებელ არს დაფარვად
Line of ed.: 8     ქალაქი, რომელი მთასა ზედა დაშენებულ არს"*. "ძირმტკიცედ უხაროდენ
Line of ed.: 9     ყოველსა ქუეყანასა"*, რამეთუ ეკლესიაჲ საღმრთოჲთა საქმითა არა ხოლო
Line of ed.: 10     თუ შენებულსა ამას უწოდა, არამედ საფუძველ-მტკიცედ და სულიერად კლდედ
Line of ed.: 11     და ეკლესიად უწოდა მოძღუართა და კრებულსა მართალთასა, რომელნი აღეშენნეს
Line of ed.: 12     ზედა მართალსა სარწმუნოვებასა საღმრთოსა მხოლოდ-შობილისა ძისა
Line of ed.: 13     ღმრთისასა. რომელსა პავლე ეწამების და იტყჳს: "რომელნი აღშენებულ ხართ
Line of ed.: 14     საფუძველსა ზედა მოციქულთასა და წინაჲსწარმეტყუელთასა, რომელ არს
Line of ed.: 15     საფუძველ, და თავ კიდეთა. უფალი ჩუენი იესუ ქრისტე"* და თჳთ თავადმან
Line of ed.: 16     უფალმან პირველად ნეტარ-ყო პეტრე და ჰრქუა: "შენ ხარ კლდე და ზედა
Line of ed.: 17     მაგას კლდესა აღვაშენო ეკლესიაჲ ჩემი და ბჭენი ჯოჯოხეთისანი არა ერეოდიან"*
Line of ed.: 18     ესე არს, რომელსა იტყჳს ძირ-მტკიცედ, ესე იგი არს შეუძრველად
Line of ed.: 19     და უძლეველად უკუნისამდე.

Line of ed.: 20        "მთანი სიონისანი -- გუერდნი ჩრდილოჲსანი, ქალაქი მეუფისა დიდისაჲ"*.
Line of ed.: 21     მთანი მაღალნი გარე-მოიცვნეს სიონსა, რაჲთა საფარველად იყვნენ
Line of ed.: 22     ყინელისა მისგან ჩრდილოჲსა, Ms. page: 275r  ესე იგი არს განსაცდელისაგან დაიცვა
Line of ed.: 23     იგი, რამეთუ იყოს უვნებელ ყოვლისაგან უღმრთოვებისა პირ[ი]საგან ჩრდილოჲსა.
Line of ed.: 24     იტყჳს წინაჲსწარმეტყუელი აღტყინებად ბოროტისა ზედა ქუეყანასა და
Line of ed.: 25     კუალად იტყჳს: გდევნიდენ თქუენ პირისაგან ჩრდილოჲსა. ხოლო სიონსა საღმრთომან
Line of ed.: 26     პავლე სულიერად მთად სახელ-სდვა და თქუა: "მოვედით მთასა სიონსა
Line of ed.: 27     და ქალაქსა ღმრთისა ცხოველისსა, ზეცისა იერუსალჱმსა"*. მთანი ძლიერნი
Line of ed.: 28     მოსხნა გარემოჲს და ჩრდილოჲ განდევნა და დაიცვა ქალაქი თჳსი სულიერითა
Line of ed.: 29     სიმტკიცითა მოციქულთაჲთა და წმიდათა და მართალთა ერთობით
Line of ed.: 30     მის თანა დაცვითა ზეგარდამო სასძლოჲსაჲთა, რამეთუ იტყჳს ესრეთ: "ბანაკი ანგელოზთა
Line of ed.: 31     უფლისათაჲ გარე-მოადგს მოშიშთა მისთა და დაიცვნეს იგინი"*
Line of ed.: 32     "ღმერთი ტაძარსა წმიდასა მისსა განცხადნეს ჟამსა მას, რომელსა-ცა შემწე-ეყოს
Line of ed.: 33     მათ"*. ერთად სახელ-ედების კათოლიკე ეკლესიასა ყოველსა შინა ზღუასა
Line of ed.: 34     და ჴმელსა, რომლისათჳს-ცა ლოცვათა ჩუენთა ვიტყჳთ ზედა წმიდისა და მხოლოჲსა
Line of ed.: 35     კათოლიკე ეკლესიისა კიდითგან კიდედმდე ქუეყანისა, რამეთუ ჯერ-არს.
Line of ed.: 36     მრავალთა ადგილთა და ქალაქთა შინა, დაბათა და აგარაკთა შინა აღშენებულ
Line of ed.: 37     არს ეკლესიაჲ, ვითარცა ქალაქსა შინა ერთსა მრავალნი საყოფელნი და სახლნი
Line of ed.: 38     აღშენებულ არიან, და მას ყოველსა ერთ ქალაქ სახელ-ედების, ეგრეთ-ვე
Line of ed.: 39     თუ ჯერ-არს, ბევრნი ბევრთანი, აურაცხელნი და აღურაცხნი ეკლესიანი
Line of ed.: 40     აღშენებულ არიან, ერთ სიტყუა და ერთ ეკლესია სახელ-ედების, რომელნი
Line of ed.: 41     ჭეშმარიტებით და მართლ-მადიდებლობით შესწირვენ ღმრთისა ამას ტაძარსა.
Line of ed.: 42     ყოველთა ღმრთის წყალობათა თჳსთა განაცხადა შეწევნაჲ, მიჰმადლა.
Page of ed.: 401   Line of ed.: 1     ესე არს, რომელსა იტყჳს: "ღმერთი ტაძარსა წმიდასა მისსა განცხადებულ არს
Line of ed.: 2     ჟამსა მას, რომელსა შეეწიოს მათ"*. ესერა ბრძოლათაგან და მეფეთა აღდგომისაგან
Line of ed.: 3     ზედა წინაჲსწარმეტყუელთა აჰა ესერა იტყჳს: "მეფენი ქუეყანისანი
Line of ed.: 4     შეკრბეს და მოვიდეს ერთად. მათ იხილეს ესე და დაუკჳრდა"*. მიავლინეს
Line of ed.: 5     ბრძოლად და იხილეს დიდი ძლევაჲ და შესულბეს და განცჳბრდეს და შეეშინა და
Line of ed.: 6     შეირყინეს. "და ძრწოლამან შეიპყრნა იგინი; მუნ -- სალმობაჲ, ვითარცა შობადისაჲ.
Line of ed.: 7     ქარითა სასტიკითა შემუსრნენ ნავნი თარშისანი"*. იხილეს შეუძრველი
Line of ed.: 8     და დამტკიცებული ეკლესიისა საფუძველი. წინაჲსწარმეტყუელნი
Line of ed.: 9     განმართლებულად და აღსრულებულად და ძრწოლით და შიშით განკჳრვებულნი,
Line of ed.: 10     ვითარცა შობადისა სალმობითა, გინა თუ ვითარცა ნავი შორის უფსკრულსა
Line of ed.: 11     ღელვათა, ესრეთ აღდგეს ზედა ეკლესიათა დაცემად, მიახლებულნი სიკუდილდ
Line of ed.: 12     ესრეთ ღაღადებით იტყოდეს: "ვითარცა გუესმა, ეგრე-ცა ვიხილეთ
Line of ed.: 13     ქალაქსა უფლისა ძალთაჲსა, ქალაქსა ღმრთისა ჩუენისასა"*, ესე არს, რომელი
Line of ed.: 14     გუესმა ურჩულოვებასა შინა ჩუენსა სიტყუაჲ, აწ ესერა თუალითა ჩუენითა
Line of ed.: 15     ვიხილეთ ქალაქსა უფლისა ცათაჲსა და ქალაქსა ღმრთისა ჩუენისა, ესე-იგი
Line of ed.: 16     არს დასი წმიდათა მორწმუნეთა ღმრთისათაჲ.

Line of ed.: 17        "ღმერთმან დააფუძნნა იგინი უკუნისამდე"*, თავადსა უფალსა ჴმითა
Line of ed.: 18     იტყჳს ზედა კლდესა ამას აღშენებად ეკლესიისა და "ბჭენი ჯოჯოხეთისანი მას
Line of ed.: 19     არა ერეოდიან"*. ფსალმუნი აღუღებიეს, ჴმითა დიდითა გალობს წინაჲსწარმეტყუელი
Line of ed.: 20     და იტყჳს: რომელნი ჴსნილ ხართ ჴსნითა მისითა, ფსალმუნებდით
Line of ed.: 21     და მიუთხრობდით ყოველსა ჟამსა, იტყოდეთ: "შეიწყნარენ Ms. page: 275v  წყალობანი
Line of ed.: 22     შენნი შორის ერსა შენსა!"* და განმართლდა სიტყუაჲ წინაჲსწარმეტყუელისაჲ,
Line of ed.: 23     სრულ იქმნა და აღესრულა, რამეთუ ესრე ეტყჳს მჴსნელი ჩუენი
Line of ed.: 24     ეკლესიასა თჳსსა: "შენ თანა ვარ ყოველთა დღეთა და ვიდრე აღსასრულამდე
Line of ed.: 25     სოფლისა"*.

Line of ed.: 26        "ვითარცა სახელი შენი, ღმერთო, ეგრე-ცა ქებაჲ შენი ყოველსა ქუეყანასა
Line of ed.: 27     ზედა"*. რომელნი ტყუვილისა ღმერთთა ჰმსახურებნ ცუდად და რომელნი
Line of ed.: 28     კერპნი, შექმნულნი მათნი, მოისრნეს და აღიჴოცნეს და წარწყმდეს მათ
Line of ed.: 29     შორის, რამეთუ მტყუვარ და ამაო იყვნეს, გალობამან ჭეშმარიტისა ღმრთისამან
Line of ed.: 30     აღავსნა ყოველნი კიდენი. "სიმართლითა სავსე არს მარჯუენე შენი"*,
Line of ed.: 31     უფალო, სიმართლისა საშჯელითა ძლიერ არს მარჯუენე შენი და შემუსრნა
Line of ed.: 32     მტერნი შენნი. "იხარებდინ მთაჲ სიონი და იშუებდედ ასულნი იუდაჲსნი სამართალთა
Line of ed.: 33     შენთაგან, უფალო"*; სიონისა სიმაღლედ ღმრთის მეცნიერებასა
Line of ed.: 34     უწოდს, ასულად იუდაჲსად -- ყოვლისა სოფლისა ეკლესიათა, რომელნი ჴელითა
Line of ed.: 35     მოციქულთაჲთა, რომელნი იყვნეს ნათესავისაგან ჰურიათაჲსა, რომელთაგან
Line of ed.: 36     ჰრწმენა. და სიხარულით იშუებენ ყოველნი წარმართნი, რამეთუ განცხადნა
Line of ed.: 37     უფალი სიმართლისაჲ და გულარძნილობაჲ განაქარვა. "მოადეგით
Line of ed.: 38     სიონსა და მოიცევით იგი და მიუთხრობდით გოდლებსა მისსა. დასხენით გულნი
Line of ed.: 39     თქუენნი ძალსა შინა მისა და განიყავთ გოდლები მისი!" სიონად კუალად
Line of ed.: 40     ღმრთის-მსახურებისა სახიერებასა უწოდს. ესე იგი არს, ღმრთისა შეწევნითა
Line of ed.: 41     განმტკიცნა და ანგელოზებრივი მოწესეობაჲ უჩუენა ქუეყანასა და გოდოლი
Page of ed.: 402   Line of ed.: 1     სამართლისა თჳსისაჲ მცველად გარე-მოადგა თავით თჳსით, რომელ მოჰმადლა
Line of ed.: 2     სულმან წმიდამან გამოჴსნაჲ ყოვლისა სოფლისაჲ და ბევრნი გოდოლნი ძლიერნი
Line of ed.: 3     დაამტკიცნა მოძღურებითა თჳსითა, რამეთუ იტყჳს: "გამოირჩიენით და
Line of ed.: 4     განიყვენით გოდლები მისი". ესე. იგინი არიან, რომელნი ეკლესიათა
Line of ed.: 5     ზედა წინამძღუარნი და მოძღუარნი, და კაცად-კაცადმან ჟამსა თჳსსა წილით
Line of ed.: 6     იხუედრა და მიიწია და ესე არა თუ ერთგზის ანუ ორგზის, არამედ მრავალსა
Line of ed.: 7     ნათესავსა ნათესავთაჲსა უბრძანა ღმერთმან წინამძღურებად და მცველებად:
Line of ed.: 8     "რაჲთა მითხრობად შეუძლოთ თქუენ ნათესავსა სხუასა-ო, რამეთუ ესე არს
Line of ed.: 9     ღმერთი, ღმერთი ჩუენი უკუნისამდე და უკუნითი უკუნისამდე და ამან და[მ]მწყსნეს
Line of ed.: 10     ჩუენ უკუნისამდე"*. ჯერ არს ესე-ო ნათესავისაგან ნათესავსა მითხრობად
Line of ed.: 11     ურჩულოთა და ურწმუნოთა. და ვითარცა გუაქუნდა ავანდი იგი პირველი,
Line of ed.: 12     ეგრეთ-ვე სარწმუნოვებასა ნათესავსა ნათესავნი მიუთხრობენ, და ჴსნილნი.
Line of ed.: 13     ქადაგებასა ყოვლისა კაცისასა და ნათესავსა სხუასა ასწავეთ მეცნიერებაჲ,
Line of ed.: 14     თუ ესე არს ღმერთი, ღმერთი ჩუენი და უფალი და მწყემსი კეთილი უკუნითი
Line of ed.: 15     უკუნისამდე. რამეთუ იტყჳს, თუ: "განიყავთ გოდლები მისი"* და
Line of ed.: 16     წინამძღურებით და მოძღურებით გჳჩუენებს, თუ ერთი არს მწყემსთ-მთავარი,
Line of ed.: 17     რომელი არს მწყემსი კეთილი და სული თჳსი დადვა ცხოვართა თჳსთა ზედა*
Line of ed.: 18     და მწყსის არა ხოლო ერთითა სიტყჳთა, ერთითა ოდენ, ცხოვართა, არამედ
Line of ed.: 19     ყოველთა დაბადებულთა დაიცავს, რომელნი სიტყჳერთათჳს საჴმარად შეიქმნეს.



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.