TITUS Texts: Corpus of Published Udi Texts

TITUS
Corpus of Published Udi Texts
Part No. 13

Page: 55
Sentence: 1     Zu udin övlädaxozu, manorte manq̇undesa ṗa͑ aizun boš, Vartašenun q̇an Niźnai.
   Zu udin öwlädaxozu, manortՙe manq̇undeza pՙạ aizun boṡ: Wartՙaṡenunqan Niżnai.

Sentence: 2     zu Vartašenun Udiġoxozu;
   Zu Wartՙaṡenun Udiġoxozu;

Sentence: 3     bez baban zax vuġ usenun vaxṭṭa tanedi ḳalpesṭesan Ärmeinun muzen.
   bez baban zax wuġusenun waxtta tՙanedi kalpՙestesan Armeinun muzen.

Page: 56
Sentence: 4     Ärmeinun muzen bavat zombakiṭuxo ośa šeṭin zax tanešeri Gürǯin be͑inśun ṭo͑ġo͑l,
   Armeinun muzen bawatՙ zombakՙituxo ọṩạ, ṡetin zax tՙaneṡeri Gụrʒ̇in beinṩun tọġọl,

Sentence: 5     Gürǯin muzexal bavat zombazki.
   Gụrʒ̇in muzexal bawatՙ zombazkՙi.

Sentence: 6     ama bez baban be͑ġine, te isa urusluġne;
   Ama bez baban beġine, tՙe isa ruzluġne;

Sentence: 7     urusin muz gölö lazumne; meṭabaxṭin šeṭin zax Nuxina ečeri tapšurmišnebi Nuxin šḳolun smoṭriṭela.
   Ruzin muz gölö lazumne; meta baxtin ṡetin zax Nuxina eċeri tՙapՙṡurmiṡnebi Nuxin ṡkolun smotritela.

Sentence: 8     mia sa usen manzudi; bixaʒ́uġo šükür bez faham šellei.
   Mia sa usen manzudi; Byxạʒụġo ṡükՙür bez fạhạm ṡellei.

Sentence: 9     čünki ġenaxun išoun o͑nezexai, te baba zax taša Tifliza, šeṭinal zax yaq̇anebi;
   Čụnkՙi ġenaxun iṡoun ọnezexai, tՙe baba zax tՙaṡa Tՙifliza, ṡetinal zax jaq̇anebi;

Sentence: 10     Tiflizun boš vuġ usen ḳalzupi, muġ ḳlasax tamzubi,
   Tՙiflizun boṡ wuġ usen kalzupՙi, muġ klasax tՙamzubi,

Sentence: 11     ośa arzaz tadi bez kalaṭu, te zax učiṭelq̇aq̇un bi;
   ọṩạ ạrzạz tՙadi bez kՙalatu, tՙe zax uċitel q̇aq̇unbi;

Sentence: 12     isa zu Nuxin uyezdun šḳolun učiṭelzu migi sanq̇ə͑ usenne.
   isa zu Nuxin ujezdun ṡkolun uċitelzu migi sanqy usenne.

Sentence: 13     saq̇aral bez baba-nana baxṭin duazubesa, čünḳi šeṭuġon zax kalaq̇unbe, ḳalṗesq̇unde, adamarq̇unbe.
   Saqaral bez baba nana baxtin duazubesa, ċụnkՙi ṡetuġon zax kՙalaq̇unbe, kalpesq̇unde, adamarq̇unbe.

Sentence: 14     beš Udiġoi bošṭan me čaġal ciriḳ sa adamar tene č̣ere, te Urusin muzen ḳalpesun, campesun ababaq̇aq̇o;
   Beṡ Udiġoi boṡtan me ċaġal cirik sa adamar tՙene ċ̣ere, tՙe Ruzin muzen kalpՙesun, campՙesun ababaqaqo;

Sentence: 15     ama za abaza Urusin muzexo ǯoḳ Gürǯin, Ärmeinun ḳic̣ḳic̣ial Tatarun muz.
   ama za abaza Ruzin muzexo ʒ̇ok Gụrʒ̇in, Armeinun kic̣kic̣ial Tՙatՙarun muz.

Sentence: 16     hazar muġ bać ṗa͑q̇o biṗec̣c̣e usena Hunvarun muġec̣c̣eṭu beš kalaṭuxo kaġzne ari, te zu usin taġaz Tifliza;
   Hạzạr muġ bạc pՙạq̇ọ bipec̣c̣e usena Hunwarun muġec̣c̣etu beṡ kՙalatuxo kՙaġzne ari, tՙe zu usin tՙaġaz Tՙifliza;

Sentence: 17     za ṭevaxṭ taes teza baki, ama sa šamaṭaxo ośa bez ašlax šelgär be͑ġi, bixaʒ́uġo c̣iax ḳalpi, xibšamaṭ ġena biasćoel yaq̇azu baici.
   za tewaxt tՙaes tՙezabakՙi, ama sa ṡamataxo ọṩạ bez aṡlax ṡelgạr beġi, Byxạʒụġo c̣iax kalpՙi, xibṡamat ġena biascọel jaq̇azu baici.

Sentence: 18     xibšamaṭ, biṗšamaṭ, qošamaṭ yaq̇alzu mandi, parasḳi ġena biläzärün ari bazṗi Tifliza.
   Xibṡamat, bipṡamat, x̣oṡamat jaq̇alzu mandi, pՙaraski ġena biläzärün ari bazpi Tՙifliza.

Sentence: 19     yaq̇ur gölö oćinei, šeṭabaxṭin metär č̣agizubaki.
   Jaqur gölö ọc̣inei, ṡeta baxtin metՙạr ċ̣ạgizubakՙi.

Sentence: 20     zax Nuxinaxo Tifliza ḳalq̇unpei Udin muzei baxṭin.
   Zax Nuxinaxo Tՙifliza kalqunpՙei Udin muzei baxtin.

Sentence: 21     parasḳi ġenaxo burq̇i biṗšamaṭal ciriḳ har ašlax čixaryanxi, bixaʒ́uġon barḳain, damnun tazġo.
   Pՙaraski ġenaxo burqi bipṡamatal cirik har aṡlax ċixarjanxi, Byxạʒụġon barkain, damnun tՙazġo.

This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.