TITUS
Corpus of Published Udi Texts
Part No. 14
Previous part

Part: XIII_The_Udis  
XIII: The Udis


Page: 57 
Sentence: 1     Vartašenun adamarġon exq̇un bez babanal exne, te Udiġo pasč̣axluġ baneke, ṭaxṭun šähäral Bärdänei.
   Wartՙaṡenun adamarġon exqun bez babanal exne, tՙe Udiġo pՙadṡaxluġ banekՙe, taxtun ṡạhạral Bạrdạnei.

Sentence: 2     Bärdä baneke Gänǯun q̇an Q̣arabaġun q̇ati, ama isa pasbaḳine, ič bošal sa ṗa͑ Tatarun ḳoǯne bu.
   Bạrdạ banekՙe Gạnʒ̇unqan Qarabaġun q̇atՙi, ama isa pՙạsbakine, iċ boṡal sa pՙạ Tՙatՙarun koʒ̇ne bu.

Sentence: 3     etära are etära tace etära puč̣bake Udin pasč̣axluġ šeṭugox Udiġo teq̇o aba.
   Etՙạrạ are, etՙạrạ tՙace, etՙạrạ pՙuċbakՙe Udin pՙadṡaxluġ ṡetugox Udiġo tՙeq̇ọ aba.

Sentence: 4     Ärmeinun Čamčiin isṭoriin boš exneesa Udiġo pasč̣axluġ; ṭe isṭoriin boš camne etärq̇un Udiġoi pasč̣axġon Ärmeinun pasč̣axġoxol davabe, caxece, xarǯ tade, etärq̇un ṗuran ini aizere Ärmeinġox caxne, ičuġoi baxṭin dinǯbake.
   Armeinun Čamċiin istoriin boṡ exneesa Udiġo pՙadṡaxluġ; te istoriin boṡ camne etՙạrqun Udiġoi pՙadṡaxġon Armeinun pՙadṡaxġoxol dawabe, caxece, xarʒ̇ tՙade, etՙạrqun puran ini aizere Armeinġox caxne, iċuġoi baxtin dinʒ̇bakՙe.

Sentence: 5     moṭuġoxo ǯoḳ za azaḳe Ärmeinun pasč̣axluġun ḳarṭṭa boš Udin pasč̣axluġun sährätax; ṭe ḳarṭṭa boš camne ema Udin šähärux, maṭuġoi c̣iurġox teza aba, ama moṭux abaza, te ṭia Bärdäal bunei.
   Motuġoxo ʒ̇ok za azakՙe Armeinun pՙadṡaxluġun kartta boṡ Udin pՙadṡaxluġun sạhrạtՙax; te kartta boṡ camne ema Udin ṡạhạrux, matuġoi c̣iurġox tՙeza aba, ama motux abaza, tՙe tia Bạrdạal bunei.

Sentence: 6     evaxṭṭa bake teya aba, Udin pasč̣axluġ binete; isa Udiġoxo ṗa͑ aizne mande, so Vartašen soal Niź.
   Ewaxtta bakՙe tՙeja aba, Udin pՙadṡaxluġ binetՙe; isa Udiġoxo pՙạ aizne mande, so Wartՙaṡen soal Niż.
Page: 58 
Sentence: 7     be͑ś Udiġoi boš Ärmeinal baneke Gürǯial; mano paite Udin pasč̣axluġun iśanebake Ärmenisṭana armeinluġq̇unbe, mano paite iśanebake Gürǯisṭana gürǯiluġ.
   Beṩ Udiġoi boṡ Armeinal banekՙe Gụrʒ̇ial; mano pՙai tՙe Udin pՙadṡaxluġun iṩanebakՙe Armenistana armeinluġq̇unbe, mano pՙai tՙe iṩanebakՙe Gụrʒ̇istana Gụrʒ̇iluġ.

Sentence: 8     isa beš aizun Vartašenun boš Gürǯial bune, ama Niźnai Gürǯiux tene bu.
   Isa beṡ aizun Wartՙaṡenun boṡ Gụrʒ̇ial bune, ama Niżnai Gụrʒ̇iux tՙene bu.

Sentence: 9     Vartašenun Gürǯiġon burq̇unqe gürǯiluġbesun hazar muġ bać q̇a usenexo maġa.
   Wartՙaṡenun Gụrʒ̇iġon burqunqe Gụrʒ̇iluġbesun hạzạr muġ bạc qa usenexo maġa.

Sentence: 10     Ärmeinal Gürǯinal teq̇o aba ya Ärmeinun muz ya Gürǯinun muz.
   Armeinal Gụrʒ̇inal tՙeq̇o aba ja Armeinun muz ja Gụrʒ̇inun muz.

Sentence: 11     bez baban zax ukanei etärte iču iṭubake ič babaġoxo, te beš aizun boš väznebesai sa Ivan arkeren;
   Bez baban zax ukՙanei etՙạrtՙe iċu itubakՙe iċ babaġoxo, tՙe beṡ aizun boṡ wạznebesai sa Iwan arkՙeren;

Sentence: 12     me arkeren gölö Vartašenun Udiġox xašnedi Gürǯin dinnul serrebi gergec̣, mano haisal xarabbaki čurpine č̣älägun boš,
   me arkՙeren gölö Wartՙaṡenun Udiġox xaṡnedi Gụrʒ̇in dinnul serrebi gergec, mano haisal xarabbakՙi ċurpՙine ċ̣ạlạġụn boṡ,

Sentence: 13     ṗuran šeṭin väznebe Ḳüngüṭa, Zazgiṭa, Muxaza q̇eiri gamġoxal;
   puran ṡetin wạznebe Kụngụta, Zazgita, Muxaza qeiri gamġoxal;

Sentence: 14     här ganu xašnedi, serrebi gergec̣ux, manor haisal pasbakiq̇un; ama me aizurġox isa Tatarluġne;
   hạr ganu xaṡnedi, serrebi gergec̣ux, manor haisal pạsbakՙiqun; ama me aizurġox isa Tՙatՙarluġne;

Sentence: 15     me arker Ivan gäräḳ Mangliisun Ivan Eṗisḳoṗ bakane, maṭin etärte zu ḳalzupe [ḳalzune!] Gürǯin kaġuzġo boš, doġrine väznebe Dagesṭana, beš gamġox q̇eiri gamġoxal.
   me arkՙer Iwan gäräk Mangliisun Iwan Episkop bakՙane, matin etՙạrtՙe zu kalzune [!] Gụrʒ̇in kՙaġuzġo boṡ, doġrine wạznebe Dagesṭana, beṡ gamġox qeiri gamġoxal.




Next part


This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.