TITUS Texts: Corpus of Published Udi Texts

TITUS
Corpus of Published Udi Texts
Part No. 16

Part: XV_Ivan_Moroz
XV: Ivan Moroz

Page: 59
Sentence: 1     sa ḳoǯin boš ṗa͑ xinärq̇un karxesai,
   Sa koʒ̇in boṡ pՙạ xinärqun kՙarxesai,

Sentence: 2     kinbalo q̇an taralo, šeṭuġo ṭo͑ġo͑l kalabalo.
   kՙinbaloqan tՙaralo, ṡetuġo tọġọlạl kՙalabalo.

Sentence: 3     kinbalo haq̇ullu xinärrei,
   Kՙinbalo haqullu xinärrei,

Sentence: 4     damurġinaxo ainezsai,
   damurġinaxo ainezsai,

Sentence: 5     ičen kalabalonut lanexai,
   iċen kՙalabalonutՙ lanexai,

Sentence: 6     ganuxo aizeri gena ašnux burreqsai,
   ganuxo aizeri gena aṡnux burreqsai,

Sentence: 7     buxariḳa aruxne saksai,
   buxarika aruxne sakՙsai,

Sentence: 8     śumax ć̣uć̣unexai,
   ṩumax c̣ục̣ụnexai,

Sentence: 9     ḳuax ṭośamnexai,
   kuax toṩamnexai,

Sentence: 10     dadalux uksenesṭai,
   dadalux ukՙsenestai,

Sentence: 11     ośaal xene kurru xenenḳne taisa;
   ọṩạal xene kՙurru xenenkne tՙaisa;

Sentence: 12     taralen gena me q̇ati gane boš basneksai;
   tՙaralen gena me qatՙi gane boṡ basnekՙsai;

Sentence: 13     damaxo ṗaṭaraḳun zängnux duq̇unġesa,
   damaxo patarakun zängnux duq̇unġesa,

Sentence: 14     šono gena hala [60] č̣urum-č̣urumnesa,
   ṡono gena hạlạ [60] ċ̣urum-ċ̣urumnesa,

Page: 60
Sentence: 15     ṭo͑ḳmaśinaxo ṭo͑ḳmaśinal taraneexa;
   tọkmạṩinaxo tọkmạṩinal tՙaraneexa;

Sentence: 16     evaxṭte basḳesunaxo bonešo uneḳo mer neṗezamar:
   ewaxttՙe baskesunaxo boneṡo uneko mer nepezamar:

Sentence: 17     kalabalo, zu c̣indaḳġox lapesṭa;
   kՙalabalo, zu c̣indakġox lapՙesta;

Sentence: 18     kalabalo, papučġox ġać̣pa;
   kՙalabalo, pՙapՙuċġox ġạc̣pՙa;

Sentence: 19     ośa gena uneḳo:
   ọṩạ gena uneko:

Sentence: 20     bulḳi tene bua?
   bulki tՙene bu-a?

Sentence: 21     ainezo, c̣uṗcuṗneḳo, aralleco pänǯärinač̣
   Ainezo, ċ̣upċ̣upneko aralleco, pՙänʒ̇ärinaċ̣

Sentence: 22     ṭaṭ zoq̇albesan,
   tat zoqalbesan,

Sentence: 23     ema purpi are, emaal purpi tace;
   ema pՙurpՙi are, emaal pՙurpՙi tՙace;

Sentence: 24     orte bütünṭux zoq̇allebo taralen,
   ortՙe bitՙuntux zoqallebo tՙaralen,

Sentence: 25     ene teṭu aba eḳaq̇an aq̇i eḳaq̇anal bi;
   ene tՙetu aba ekaqan aqi ekaqanalbi;

Sentence: 26     šeṭu gane bošṭu buq̇oi,
   ṡetu gane boṡ tu buqoi,

Sentence: 27     basḳesun gena teṭu buq̇sa;
   baskesun gena tՙetu buqsa;

Sentence: 28     šeṭu pänǯärinač̣ ṭaṭ zoq̇albesunṭu buq̇oi,
   ṡetu pՙänʒ̇ärinaċ̣ tat zoqalbesun tu buqoi,

Sentence: 29     šeṭinal zahlinax tanešere;
   ṡetinal zahlinax tՙaneṡere;

Sentence: 30     arcine, faq̇ir, o͑neallexa, bütünṭa laxoal näräziluġnebsa,
   arcine, faqir, ọneallexa, bitՙunta laxoal nạrạsiluġ nebsa,

Sentence: 31     te šeṭu beikefluġne,
   tՙe ṡetu beikՙefluġne,

Sentence: 32     orte uḳan meṭa boš q̇eirior taxsirluq̇un.
   ortՙe ukan meta boṡ qeirior tՙaxsirluqun.

Sentence: 33     meṭa q̇ati kinbalo ḳuane qaibaksa;
   Meta qatՙi kՙinbalo kuane qaibakՙsa;

Sentence: 34     xenax c̣oronebsa,
   xenax c̣oronebsa,

Sentence: 35     širängun boš banexa;
   ṡirạngun boṡ banexa;

Sentence: 36     ṗuranal etär č̣urumeġaloa, or xe ać̣ar tene,
   puranal etՙạr ċ̣urumeġaloa, or xe ạc̣ạr tՙene,

Sentence: 37     tabaġ kaġuzax ḳa͑nḳa͑llebo,
   tՙabaġ kՙaġuzax kạnkạllebo,

Sentence: 38     šeṭa laxo lanexo kömür,
   ṡeta laxo lanexo kՙömür,

Sentence: 39     šaal kalkalaṭuġoxo,
   ṩạal kՙalkՙalatuġoxo,

Sentence: 40     ṭe kaġuzax lanexo širängun boš,
   te kՙaġuzax lanexo ṡirạngun boṡ,

Sentence: 41     baalleḳo šeṭa laxo xe,
   baalleko ṡeta laxo xe,

Sentence: 42     xe gena, abaq̇avabaki, šae q̇atixo č̣enebaksa,
   xe gena, abaqawabakՙi, ṩạe qatՙixo ċ̣enebakՙsa,

Sentence: 43     kömürün q̇atixoal,
   kՙömürün qatՙixo-al,

Sentence: 44     ać̣aral širängun boš c̣orenesa,
   ạc̣ạr-al ṡirạngun boṡ c̣orenesa,

Sentence: 45     aiten xrusṭallai;
   aitՙen xrustallai;

Sentence: 46     ośa gena kinbalṭin aneq̇o c̣indaḳ a͑ldane
   ọṩạ gena kՙinbaltin aneqo c̣indak ạldane

Sentence: 47     ya partal śarḳane,
   ja pՙartՙal ṩarkane,

Sentence: 48     kano ṭe gena gurat botane, ealbane,
   kՙano te gena guratՙ botՙane, ealbane,

Sentence: 49     ṗuranal burreqo kinbala mäġnux;
   puranal burreqo kՙinbala mäġnux;

Sentence: 50     saal šeṭu beikefluġ tene baksai,
   saal ṡetu beikՙefluġ tՙene bakՙsai,

Sentence: 51     šeṭe te beikefluġa šeṭu vaxṭal tene bui,
   ṡete tՙe beikՙefluġa ṡetu waxtal tՙene bui,

Sentence: 52     gäh šeṭa qošṭan, gäh ǯoḳ ašla qošṭan, ṭia gena benġesa biasalle,
   gäh ṡeta qoṡtan, gäh ʒ̇ok aṡla qoṡtan, tia gena benġesa biasalle,

Sentence: 53     ġi č̣enebake.
   ġi ċ̣enebakՙe.

Sentence: 54     sa kärän kinbalṭuxol xatane lamandi:
   Sa kՙärän kՙinbaltuxol xatՙane lamandi:

Sentence: 55     tacine šono xenenḳ xene kurru,
   tՙacine ṡono xenenk xene kՙurru,

Sentence: 56     čaen suruḳnebi leḳerax,
   ċ̣aen suruknebi lekerax,

Sentence: 57     ča gena ḳac̣neci,
   ċ̣a gena kac̣neci,

Sentence: 58     leḳer bineti xene kurra boš;
   leker binetՙi xene kՙurra boṡ;

Sentence: 59     mia orq̇an baki?
   mia orq̇an bakՙi?

Sentence: 60     o͑nenepi fuġara kinbalṭin,
   ọnenepՙi fuġara kՙinbaltin,

Sentence: 61     taalleci kalabalṭuč̣
   tՙaalleci kՙalabaltuċ̣

Page: 61
Sentence: 62     ič xatinaxq̇an kambaxṭluġax uḳane.
   iċ xatՙinaxqan kՙạmbaxtluġax ukane.

Sentence: 63     Proskovya kalabalo šor tünd aǯuġonnei;
   Proskՙowja kՙalabalo ṡor tՙünd aʒ̇uġonnei;

Sentence: 64     exne: xatinal unnu be,
   exne: xatՙinal unnube,

Sentence: 65     unal düz ba;
   unal dụzba;

Sentence: 66     unnu leḳerax basake, unal bapesba!
   unnu lekerax basakՙe, unal bapՙesba!

Sentence: 67     eḳal tene bui bane.
   Ekal tՙene bui bane.

Sentence: 68     fuġara kinbalo ṗuran taneci xene kurruč̣,
   Fuġara kՙinbalo puran tՙaneci xene kՙurruċ̣,

Sentence: 69     čaax ḳanepi,
   ċ̣aax kanepՙi,

Sentence: 70     šeṭin oq̇a cirine tumel ciriḳ.
   ṡetin oq̇a cirine tՙumel cirik.

Sentence: 71     mia šeṭul mat ašne lamandi;
   Mia ṡetul matՙ aṡne lamandi;

Sentence: 72     anǯaġnei cire, be͑neġsa ič beš tarna,
   anʒ̇aġnei cire, beneġsa iċ beṡ tՙarna,

Sentence: 73     tarnin boš gena arcine ṗirog,
   tՙarnin boṡ gena arcine pirog,

Sentence: 74     šor ć̣oć̣a baki, aṗesbaki, arcine,
   ṡor c̣ọc̣abakՙi, apesbakՙi, arcine,

Sentence: 75     taġa maġane be͑ġsa, exalle:
   tՙaġa maġa nebeġsa, exalle:

Sentence: 76     zu lap hazirzu ć̣oć̣a bazke, aṗesbazke šäkären q̇an q̇ari ṭulen;
   "zu lapՙ ḥazirzu, c̣ọc̣abazkՙe, apesbazkՙe ṡạkՙạren-qan qari tulen;

Sentence: 77     šin zax tarninaxo aneq̇o,
   ṡin zax tՙarninaxo aneqo,

Sentence: 78     šonoal zaxol taneġo,
   ṡonoal zaxol tՙaneġo."

Sentence: 79     kinbalṭin ḳic̣iq̇an ć̣aginut bi,
   Kՙinbaltin kic̣iqan ċ̣ạginutՙ bi,

Sentence: 80     aneq̇i ḳodinax, ṗirogax činečeri laallexi šeṭux q̇oltuġun oq̇a.
   aneqi kodinax, pirogax ċineċeri laallexi ṡetux qoltՙuġun oqa. -

Sentence: 81     šono tanesa taġa:
   Ṡono tՙanesa tՙaġa:

Sentence: 82     ič beš pak, pakna bošal čurpine xod,
   iċ beṡ pՙakՙ, pՙakՙna boṡal ċurpՙine xod,

Sentence: 83     xodin laxo gena q̇uzulun e͑śurġon xazalmuġon šaġaq̇unexa,
   xodin laxo gena quzulun eṩurġon xazalmuġon ṡaġaqunexa,

Sentence: 84     ičuġo bošal exq̇un:
   iċuġo boṡal exqun:

Sentence: 85     yan xeba aṗi e͑śuryan, xodin tumen yan ukesṭe yax,
   jan xeba, api eṩurjan, xodin tՙumen jan ukՙestejax,

Sentence: 86     čax xoen yan oc̣ḳalpe;
   ċax xoen jan oc̣kalpՙe;

Sentence: 87     šin yax xodduxo zəḳnedo, šeṭinal yax ičenḳ aneq̇o.
   ṡin jax xodduxo zyknedo, ṡetinal jax iċenkՙ aneqo. -

Sentence: 88     kinbalo iśane ari xodač̣
   Kՙinbalo iṩane ari xodac̣,

Sentence: 89     č̣iḳnuxo šeṭux zəḳnedi,
   ċ̣iknuxo ṡetux zyknedi,

Sentence: 90     q̇uzulun e͑śurux gena šor šeṭuč̣ damanun boš bariq̇un.
   quzulun eṩurux gena ṡor ṡetuċ̣ dạmạnun boṡ bariqun.

Sentence: 91     kinbalo tanesa taġa;
   Kՙinbalo tՙanesa tՙaġa;

Sentence: 92     be͑neġsa, ič beś arcine q̇oǯa Moroz Ivanin ġar, čalčal;
   beneġsa, iċ beṩ arcine qoʒ̇a Moroz Iwanin ġar, ċalċal;

Sentence: 93     arcine šono čaxnai dukanun laxo;
   arcine ṡono ċaxnai dukՙạnụn laxo;

Sentence: 94     i͑źnai q̇uruc̣axal uneksa,
   yẓ̇nai quruc̣axal unekՙsa,

Sentence: 95     bex capnesṭa,
   bex capՙnesta,

Sentence: 96     popurġoxo kane barsa;
   pՙopՙurġoxo kՙạne barsa;

Sentence: 97     adduxo q̇aq̇anesa, boću buġ barresa.
   adduxo qạqạnesa, bọcụ buġ barresa.

Sentence: 98     a, pine šeṭin dürüsṭluġen kinbalo;
   A, pՙine ṡetin, dụrụstlụġen kՙinbalo;

Sentence: 99     razizu te un zenḳ ṗirognu č̣eri;
   rạzizu, tՙe un zenk pirognu ċ̣eri;

Sentence: 100     damaxo zu eḳal gam tez ke.
   damaxo zu ekal gam tՙez kՙe.

Sentence: 101     mia šeṭin kinbalṭux arcesnedi ič ṭo͑ġo͑l,
   Mia ṡetin kՙinbaltux arcesnedi iċ tọġọl,

Sentence: 102     šeṭuġonal nac̣ilq̇un bi saganu ṗirogaxo q̇uzulun e͑śenal čäräzq̇unbi.
   ṡetuġonal nac̣ilqunbi saganu pirogaxo quzulun eṩenal ċäräzqunbi. -

Sentence: 103     abaza za, un eṭenḳnu are, pine Moroz Ivanin [62] ġaren;
   Abaza za, un etenknu are, pՙine Moroz Iwanin [62] ġaren;

Page: 62
Sentence: 104     un bez čax xene kurra boš saken xene leḳerax;
   un bez ċax xene kՙurra boṡ sakՙen xene lekerax;

Sentence: 105     tasṭuna va leḳer tazdo, sa te un za kaṭenḳ xib ġi q̇ulluġba;
   tՙastuna wa leker tՙazdo, sa tՙe un za kՙatenk xib ġi qulluġba;

Sentence: 106     haq̇ullun bako venḳne šel;
   haqullun bakՙo wenkne ṡel;

Sentence: 107     tarallu bako, venḳne oran.
   tՙarallu bakՙo, wenkne ọrạn.

Sentence: 108     isa gena, Moroz Ivanin ġaren abuzbine,
   Isa gena, Moroz Iwanin ġaren abuzbine,

Sentence: 109     zenḳ a͑hilenḳ vaxṭte mandaḳluġ aq̇sun;
   zenk ạhilenk waxtte mandakluġ aqsun;

Sentence: 110     take zenḳ ganux hazirba;
   tՙakՙe zenk ganux ḥazirba;

Sentence: 111     saal be͑ġa, šelgär bitalax taptaṗpa.
   saal beġa, ṡelgär bitՙalax tՙapՙtՙappՙa."

Sentence: 112     kinbalṭin imuxne laxi;
   Kՙinbaltin imuxne laxi;

Sentence: 113     šonor taq̇unci ḳua.
   ṡonor tՙaq̇unci kua.

Sentence: 114     Moroz Ivanin ġarra ḳoǯ bütün serecinei čaxnuxo.
   Moroz Iwanin ġarra koʒ̇ bitՙun serecinei ċaxnuxo.

Sentence: 115     ćomxoxal, pänǯäräuxal ṗolal čaxnai,
   cọmxọxạl, pՙänʒ̇äräuxal polal ċaxnai,

Sentence: 116     baruġo laxo gena zerevḳecene i͑źnai xabunurġon;
   baruġo laxo gena zerewkecene yẓ̇nai xabunurġon;

Sentence: 117     šeṭuġoi laxo be͑ġen xašnesṭai,
   ṡetuġoi laxo beġen xaṡnestai,

Sentence: 118     bütünṭinal ḳoǯin boš c̣avnesṭai brillianṭġon ḳena.
   bitՙuntinal koʒ̇in boṡ c̣awnestai brilliantġon kena.

Sentence: 119     Moroz Ivanin ġarra gane laxo bitalun gala bitinei poplu i͑ź;
   Moroz Iwanin ġarra gane laxo bitՙalun gala bitՙinei pՙopՙlu yẓ̇;

Sentence: 120     mine, eḳan gena bo!"
   mine, ekan gena bo!"

Sentence: 121     kinbalṭin aneq̇i taṗtaṗḳane i͑źnux,
   Kՙinbaltin aneqi tՙaptՙapkane yẓ̇nux,

Sentence: 122     te a͑hila yuvuq̇an baki basḳesun,
   tՙe ạhila juwuqan bakՙi baskesun,

Sentence: 123     meṭa q̇ati gena šeṭai, fuġarin kulur o͑q̇o͑nalle č̣ureci;
   meta q̇atՙi gena ṡetai, fuġarin kՙulur ọqọnalle ċ̣ureci;

Sentence: 124     ḳašimuxal mac̣ine baki fuġara adamarġoi ḳena,
   kaṡimuxal mac̣inebakՙi fuġara adamarġoi kena,

Sentence: 125     maṭinte i͑źena oc̣ḳalḳala parṭalq̇un la͑ġa͑ldesa;
   matin tՙe yẓ̇ena oc̣kalkala pՙartalqun lạġạldesa;

Sentence: 126     mialle, mušenal ćoelle duġsa,
   mialle, muṡenal cọelle duġsa,

Sentence: 127     oc̣ḳal partalal čaxneeġo maqḳena čurpine,
   oc̣kal pՙartՙalal čaxneeġo max̣kena ċurpՙine,

Sentence: 128     eḳan gena bo, ašq̇unbesa, fuġara adamarġon.
   ekan gena bo, aṡqunbesa, fuġara adamarġon.

Sentence: 129     eḳal tenebu, pine Moroz Ivanin ġaren, ḳašimuġox i͑źen śarpa,
   Ekal tՙenebu, pՙine Moroz Iwanin ġaren, kaṡimuġox yẓ̇en ṩarpՙa,

Sentence: 130     hašor č̣enebako;
   haṡor ċ̣enebakՙo;

Sentence: 131     čaxnuxo ten q̇aribako.
   ċaxnuxo tՙen qaribakՙo.

Sentence: 132     zu, xo, šel a͑hilzu,
   Zu, xo, ṡel ạhilzu,

Sentence: 133     be͑ġa te etär matmandala ašura bu zasṭa.
   beġa tՙe etՙạr matՙmandala aṡura bu zasta.

Sentence: 134     mia šeṭin alanebi ič i͑źnai bitalax la͑ifaxol;
   Mia ṡetin alanebi iċ yẓ̇nai bitՙalax lạifaxol;

Sentence: 135     kinbalṭual aṭuḳi te bitalun oq̇axo gogin one č̣esa.
   kՙinbaltual atukՙi tՙe bitՙalun oqaxo gogin one ċ̣esa.

Sentence: 136     kinbalṭu fuġara o ha͑ifne ari. --
   Kՙinbaltu fuġara o hạifne ari. --

Sentence: 137     aha, un exnu, pine šeṭin, te zu šel a͑hilzu,
   Aha, un exnu, pՙine ṡetin, tՙe zu ṡel ạhilzu,

Sentence: 138     eṭenḳ gena un gogin oax i͑źna bitalun oq̇a efsa;
   etenk gena un gogin oax yẓ̇na bitՙalun oqa efsa;

Sentence: 139     bixaʒ́uġo xašix [63] ten barexa.
   Byxạʒụġo xaṡiḥ [63] tՙen barexa.

Page: 63
Sentence: 140     tez barexa, šeṭete hala vaxṭ tene;
   Tՙez barexa, ṡete tՙe hạlạ waxt tՙene;

Sentence: 141     hala o zorru tene baice.
   hạlạ o zorru tՙene baice.

Sentence: 142     šel irähäten šeṭux paizaxo binete,
   Ṡel irạhatՙen ṡetux pՙaizaxo binetՙe,

Sentence: 143     šonoal č̣erene,
   ṡonoal ċ̣erene,

Sentence: 144     ägär šono č̣eġalalginoi, i͑źen šeṭux bineq̇oi, źoġulal o tene aṗoi.
   ägär ṡono ċ̣eġalalginoi, yẓ̇en ṡetux bineqoi, zọġụlạl o tՙene apoi.

Sentence: 145     migi zu, boxonebi aitax Moroz Ivanin ġaren, buṭzuḳi ǯähil goginax bez i͑źna bitalen,
   Migi zu, boxonebi aitՙax Moroz Iwanin ġaren, butzuki ʒ̇ahil goginax bez yẓ̇na bitՙalen,

Sentence: 146     hala šeṭa laxo baszuḳi, te mušen i͑źnux maq̇an pasbi.
   hạlạ ṡeta laxo baszuki, tՙe muṡen yẓ̇nux maqan pՙạsbi.

Sentence: 147     migi däyzoġul eneġo, bez i͑źna bital xenebako,
   Migi däi zọġụl eneġo, bez yẓ̇na bitՙal xenebakՙo,

Sentence: 148     oen bul činečo, ṭia gena, benġo, daninenal be͑neġo,
   oen bul ċineċo, tia gena, benġo, dạninenal beneġo,

Sentence: 149     daninax gena irähäten girrebo źomoal tanešo,
   dạninax gena irạhatՙen girrebo zọmọal tՙaneṡo,

Sentence: 150     źomoxbe͑ġalṭin berrexo, baalleko xari;
   zọmọxbeġaltin berrexo, baallekՙo ḥari;

Sentence: 151     un gena, kinbalo, xarinoxo śumnu bado.
   un gena, kՙinbalo, ḥarinoxo ṩumnu bado. --

Sentence: 152     ṗoi, za upa, Moroz Ivanin ġar, pine kinbalṭin, eṭenḳnu un xene kurra boš arce?
   Poi, za upՙa, Moroz Iwanin ġar, pՙine kՙinbaltin, etenknu un xene kՙurra boṡ arce? --

Sentence: 153     šeṭenḳzu xene kurra boš arcesa zu, te däyźoġul iśa enesa, pine Moroz Ivanin ġaren;
   Ṡetenkzu xene kՙurra boṡ arcesa zu, tՙe däi zọġụl iṩa enesa, pՙine Moroz Iwanin ġaren;

Sentence: 154     za iġarix baksa, va gena avvax, te źoġulal xene kurra boš mine baksa;
   za iġarix bakՙsa, wa gena awwax, tՙe zọġụlal xene kՙurra boṡ mine bakՙsa;

Sentence: 155     šeṭuxo xene kurra boš xeal čaxne, buvaq̇sa gölö ingän iġarix źoġulun q̇ati bakane.
   ṡetuxo xene kՙurra boṡ xeal čaxne, buwaqsa gölö ingän iġarix zọġụlun q̇atՙi bakՙane. --

Sentence: 156     eṭenḳnu un gena, Moroz Ivanin ġar, kinbalṭin xabarre aq̇i,
   Etenknu un gena, Moroz Iwanin ġar, kՙinbaltin xabarre aq̇i,

Sentence: 157     i͑źena yaq̇urmuġon čursa,
   yẓ̇ena jaqurmuġon ċursa,

Sentence: 158     pänǯärinaxal traq̇indesa?
   pՙänʒ̇ärinaxal tՙraqindesa? --

Sentence: 159     šeṭenḳzu pänǯärinax traq̇isṭa, ǯuġabnebi Moroz Ivanin ġaren,
   Ṡetenkzu pՙänʒ̇ärinax tՙraqista, ʒ̇uġabnebi Moroz Iwanin ġaren,

Sentence: 160     te ixomaq̇aq̇oč̣eri buxariḳa arux baq̇un,
   tՙe ixomaqaqo ċ̣eri buxarika arux baqun,

Sentence: 161     buxariḳun dešiḳaxal vaxṭel buṭḳaq̇un,
   buxarikun deṡikaxal waxtel butkaqun,

Sentence: 162     kor te gena, xo, za abaza buq̇un šetär bać̣anq̇ariux,
   kՙor tՙe gena, xo, za abaza buqun ṡetՙạr bạcạnqariux,

Sentence: 163     te buxariḳa arux saksuna saq̇unko,
   tՙe buxarika arux sakՙsuna saqunkՙo,

Sentence: 164     dešiḳax buṭḳesuna gena teq̇un buṭḳo,
   deṡikax butkesuna gena tՙeq̇un butko,

Sentence: 165     ye buṭalq̇unḳo, ama ič vaxṭṭu te;
   ja butalqunko, ama iċ waxttu tՙe;

Sentence: 166     ṭevaxṭ hala bütün kömür boḳi tene bako;
   tewaxt hạlạ bitՙun kՙömür boki tՙenebakՙo;

Sentence: 167     kaṭuxo gena otaġun boš kömürün addebako,
   kՙatuxo gena otՙaġun boṡ kՙömürün addebakՙo,

Sentence: 168     adamari bul q̇aćnexa, pul goginne baksa, lap kömürün adduxo biesan baneko.
   adamari bul qạc̣nexa, pՙul goginne bakՙsa, lapՙ kՙömürün adduxo biesan banekՙo.

Sentence: 169     ṗuran šeṭenḳ zu pänǯärinax traq̇isṭa, te adamarġon ixomaq̇aq̇unč̣evḳi,
   Puran ṡetenk zu pՙänʒ̇ärinax tՙraqista, tՙe adamarġon ixomaqaqun ċ̣ewki,

Page: 64
Sentence: 170     te [64] šonor gam otaġġo boš arcesq̇un ye gam kürkq̇un laexa,
   tՙe [64] ṡonor gam otՙaġġo boṡ arcesqun ja gam kՙürkՙqun laexa,

Sentence: 171     ama dünianix besaline bu (käsibne bu),
   ama dụnianiḥ besaline bu (kՙạsibne bu),

Sentence: 172     maṭuġo i͑źena mine,
   matuġo yẓ̇ena mine,

Sentence: 173     maṭuġoi kürk tenebu,
   matuġoi kՙürkՙ tՙenebu,

Sentence: 174     eṭinq̇aq̇unal uśax aq̇i;
   etin qaqunal uṩax aqi;

Sentence: 175     migi eṭenḳzu zu pänǯärinax traq̇isṭa,
   migi etenkzu zu pՙänʒ̇ärinax tՙraqista,

Sentence: 176     te adamarġon käsibġo kömök baksuna ixomaq̇aq̇unč̣evḳi.
   tՙe adamarġon kՙạsibġo kՙömökՙ bakՙsuna ixo maqaqun ċ̣ewki. --

Sentence: 177     mia šel Moroz Ivanin ġaren kinbalṭai bex lanedi kin,
   Mia ṡel Moroz Iwanin ġaren kՙinbaltai bex lanedi kՙin,

Sentence: 178     basalleḳi nepax esan ič i͑źna gane laxo.
   basalleki nepՙax esan iċ yẓ̇na gane laxo. --

Sentence: 179     kinbalṭin meṭa q̇ati bütün ḳoǯe boš girrebi,
   Kՙinbaltin meta qatՙi bitՙun kՙoʒ̇e boṡ girrebi,

Sentence: 180     taneci ašbazxanina,
   tՙaneci aṡbazxanina,

Sentence: 181     o͑xa͑llax hazirrebi,
   ọxạllax ḥazirrebi,

Sentence: 182     a͑hilun partalax yamaluġnebi oc̣eci partalaxal ḳaṗnedi.
   ạhilun pՙartՙalax jamaluġnebi oc̣eci pՙartՙalaxal kapnedi.

Sentence: 183     a͑hil moġorrebaki, bütünṭuxo ingän ṗoinebaki,
   Ạ̣hil moġorrebakՙi, bitՙuntuxo ingän poinebakՙi,

Sentence: 184     kinbalṭuxal raziluġnebi,
   kՙinbaltuxal rạziluġnebi,

Sentence: 185     ośa šonor arq̇unci biläzärun śumal;
   ọṩạ ṩonor arqunci biläzärün ṩumal;

Sentence: 186     supra śavaṭṭei,
   supՙra ṡawattei,

Sentence: 187     abuz šellei marožina,
   abuz ṡellei marożina,

Sentence: 188     maṭux a͑hilen ičenne hazirbei.
   matux ạhilen iċenne ḥazirbei. --

Sentence: 189     mer kinbalo Moroz Ivanin ġaren ṭo͑ġo͑l karrexi tamam xib ġi.
   Mer kՙinbalo Moroz Iwanin ġaren tọġọl kՙarrexi tՙamam xib ġi.

Sentence: 190     biṗ uḳal ġi Moroz Ivanin ġaren kinbalṭux pine raziluġ;
   Bip ukal ġi Moroz Iwanin ġaren kՙinbaltux pՙine rạziluġ;

Sentence: 191     un haq̇illu xinär, un zax a͑hilax šellu uḳ tasṭai,
   un haqillu xinär, un zax ạhilax ṡellu uk tՙastai,

Sentence: 192     a zual vi ṭo͑ġo͑l borǯna boš mandal tez.
   a zual wi tọġọl borʒ̇na boṡ mandal tՙez.

Sentence: 193     va abavax, adamarġon kin ašbesunun baxṭin tängäq̇un aq̇sa.
   Wa abawax, adamarġon kՙin aṡbesunun baxtin tՙängäqun aqsa.

Sentence: 194     mer migi va vi xene leḳer,
   Mer migi wa wi xene leker,

Sentence: 195     leḳerun boš gena zu tamam muč̣a gümišün qoq̇ilinluġ zu bape;
   lekerun boṡ gena zu tՙamam mụċ̣ạ gümiṡün x̣oqilinluġ zu bapՙe;

Sentence: 196     meṭuxoal ǯoḳ migi va ixbafṭesunenḳ brillianṭ do͑šluġa ćuxṭesan.
   metuxoal ʒ̇ok migi wa ix baftesunenk brilliant dọṡlụġạ cụxtesan. --

Sentence: 197     kinbalṭin raziluġnebi, brillianṭax ćuxnedi, leḳerax aneq̇i,
   Kՙinbaltin rạziluġnebi, brilliantax cụxnedi, lekerax aneqi,

Sentence: 198     ṗuran taneci xene kurruč̣,
   puran tՙaneci xene kՙurruċ̣,

Sentence: 199     č̣aax bineq̇i č̣erialle bixaʒ́uġo xašnul.
   č̣aax bineqi ċ̣erialle Byxạʒụġo xaṡnul.

Sentence: 200     anǯaġte šono ḳua iśa bakalane baki,
   Anʒ̇aġ tՙe ṡono kua iṩabakՙalanebakՙi,

Sentence: 201     or dadalen, maṭux šeṭin hamaša ukesnesṭai, šeṭux aḳi, mu͑q̇nebaki,
   or dadalen, matux ṡetin hamaṡa ukՙesnestai, ṡetux akՙi, mụq̇nebakՙi,

Sentence: 202     purrepi čalla laxo.
   pՙurrepՙi ċalla laxo.

Sentence: 203     c̣ə͑ġi͑allepi: q̇iq̇iliq̇i! q̇iq̇iliq̇i!
   c̣yġiallepՙi: qiqiliqi! qiqiliqi!

Sentence: 204     kinbalṭai leḳerun boš qoq̇ilinluġuxne bu.
   Kՙinbaltai lekerun boṡ x̣oqilinluġuxne bu. --

Sentence: 205     evaxt kinbalo ḳuane ari, pialle eḳa šeṭuxol banekei,
   Ewaxtՙ kՙinbalo kuane ari, pՙialle eka ṡetuxol banekՙei,

Sentence: 206     kalabalo ingän matṭe mandi, ośaal pine:
   kՙalabalo ingän matՙtemandi, ọṩaal pՙine:

Sentence: 207     migi be͑ġsan un, taral, adamarġon kin besunenḳ eḳaq̇un aq̇sa.
   Migi beġsan un, tՙaral, adamarġon kՙin besunenk ekaqun aqsa.

Sentence: 208     take aie išen ṭo͑ġo͑l,
   Tՙakՙe aje iṡen tọġọl,

Sentence: 209     q̇ulluġal ba šeṭu, ašba, šeṭa otaġun boš girba, ašbazxanina [65] hazirba,
   qulluġalba ṡetu, aṡba, ṡeta otՙaġun boṡ girba, aṡbazxanina [65] ḥazirba,

Page: 65
Sentence: 210     partalax yamaluġba, oc̣eci partalaxal ḳaṗṭa,
   pՙartՙalax jamaluġba, oc̣eci pՙartՙalaxal kapta,

Sentence: 211     šor unal muč̣a qoq̇ilinluġuxnu aq̇o,
   ṡor unal mụċ̣ạ xoqilinluġuxnu aqo,

Sentence: 212     šono gena ganune bako, yasṭa äziz ġenenḳ tängä malle.
   ṡono gena ganune bakՙo, jasta ạziz ġenenk tՙängä malle."

Sentence: 213     tarala ingän tamen tene baki taġanei a͑hilun ṭo͑ġo͑l ašbesan,
   Tՙarala ingän tamen tՙenebakՙi tՙaġanei ạhilun tọġọl aṡbesan,

Sentence: 214     a šeṭu buṭuq̇sai aq̇anei qoq̇ilinluġux šoral brilianṭun sanǯaġax.
   a ṡetu butuqsai aqanei x̣oqilinluġux ṡoral briliantun sanʒ̇aġax.

Sentence: 215     migi kinbalo ḳena taral taneci xene kurruč̣,
   Migi kՙinbalo kena tՙaral tՙaneci xene kՙurruċ̣,

Sentence: 216     čaax bineq̇i, saal trr-rp tum tumel.
   čaax bineqi, saal tՙrr-rpՙ tՙum tՙumel. --

Sentence: 217     be͑neġsa šeṭa beśal tarna, tarnin boš gena arcine ṗirog,
   Beneġsa ṡeta beṩal tՙarna, tՙarnin boṡ gena arcine pirog,

Sentence: 218     šor ć̣oć̣a baki,
   ṡor c̣ọc̣ạ bakՙi,

Sentence: 219     aṗesbaki, arcine, ṭaġa maġane be͑ġsa exalle:
   apesbakՙi, arcine, taġa maġa nebeġsa, exalle:

Sentence: 220     zu lap hazirzu,
   zu lapՙ ḥazirzu,

Sentence: 221     ć̣oć̣a bazke, aṗesbazke šäkären q̇an q̇ari ṭulen;
   c̣ọc̣ạbazkՙe, apesbazke ṡạkՙạrenqan qari tulen;

Sentence: 222     šin zax tarninaxo aneq̇o, šonoal zaxol taneġo.
   ṡin zax tՙarninaxo aneqo, ṡonoal zaxol tՙaneġo.

Sentence: 223     taralen gena ǯuġabnebsa:
   Tՙaralen gena ʒ̇uġabnebsa:

Sentence: 224     xo, balik kor tea;
   ho, bạlikՙ kՙor tՙea;

Sentence: 225     zu zax mandaḳbaz,
   zu zax mandakbaz,

Sentence: 226     ḳodinax alabaz, saal buxariḳa boxobakaz:
   kodinax alabaz, saal buxarika boxobakՙaz:

Sentence: 227     buvaq̇o, ič č̣uṗpi č̣enġo.
   buwaqo, iċ ċ̣uppՙi ċ̣enġo. --

Sentence: 228     šono tanesa ṭaġa, šeṭa beś pak, pakna bošal čurpine xod,
   Ṡono tՙanesa taġa, ṡeta beṩ pՙakՙ, pՙakՙna boṡal ċurpՙine xod,

Sentence: 229     xodin laxo gena q̇uzulun eśurġon xazalmuġon šaġaq̇unexa,
   xodin laxo gena quzalun eṩurġon xazalmuġon ṡaġaqunexa,

Sentence: 230     ičuġo bošal exq̇un:
   iċuġo boṡal exqun:

Sentence: 231     yan xeba, aṗi e͑śur yan,
   jan xeba, api ẹṩur jan,

Sentence: 232     xodin tumen yan ukesṭe yax, čax xoen yan oc̣ḳalpe;
   xodin tՙumen jan ukՙestejax, ċax xoen jan oc̣kalpՙe;

Sentence: 233     šin yax xodduxo zəḳnedo, šeṭinal yax ičenḳ aneq̇o.
   ṡin jax xodduxo zyknedo, ṡetinal jax iċenk aneqo. --

Sentence: 234     xo balik kor tea,
   Ho, bạlikՙ kՙor tՙea,

Sentence: 235     ǯuġabnebi taralen;
   ʒ̇uġabnebi tՙaralen;

Sentence: 236     zu zax mandaḳbaz, kulurġox alabaz, č̣iḳurġoč̣ boxobakaz, girbes bazako or ičuġon baroq̇un.
   zu zax mandakbaz, kՙulurġox alabaz, č̣ikurġoċ̣ boxobakՙaz, girbes bazakՙo or iċuġon baroq̇un."

Sentence: 237     č̣enebaki taral šeṭuġo ṭo͑ġo͑xo.
   Č̣enebakՙi tՙaral ṡetuġo tọġọxọ.

Sentence: 238     aha šono banepi Moroz Ivanin ġarel ciriḳ.
   Aha ṡono banepՙi Moroz Iwanin ġarel cirik.

Sentence: 239     a͑hil beśun ḳena arcinei čaxnai kürsin laxo,
   Ạhil beṩun kena arcinei čaxnai kՙürsin laxo,

Sentence: 240     i͑źna q̇uruc̣axal q̇aśq̇aśnexai.
   yẓ̇na quruc̣axal qaṩqaṩnexai. --

Sentence: 241     eḳa va lazum, xinär, xabarre aq̇i šeṭin.
   Eka wa lazum, xinär, xabarre aqi ṡetin. --

Sentence: 242     vi ṭo͑ġo͑l zu are, ǯuġabnebi taralen,
   Wi tọġọl zu are, ʒ̇uġabnebi tՙaralen,

Sentence: 243     qulluġbaz, ašna galaal aqaz.
   qulluġbaz, aṡna galaal aqaz. --

Sentence: 244     ganun pi un, xinär, ǯuġabnebi a͑hilen,
   Ganun pՙi un, xinär, ʒ̇uġabnebi ạhilen,

Sentence: 245     ašna baxṭin tängä banepo, anǯaġ be͑ġen;
   aṡna baxtin tՙängä banepՙo, anʒ̇aġ beġen;

Sentence: 246     etära bako hala vi aš.
   etՙạra bakՙo hạlạ wi aṡ.

Sentence: 247     take tapṭa bez bitalax, ośa o͑xa͑l hazirba, bez partalaxal yamaluġba, oc̣eci partalaxal [66] ḳaṗḳaṗṭa.
   Tՙakՙe tՙapՙta bez bitՙalax, ọṩạ ọxạl ḥazirba, bez pՙartՙalaxal jamaluġba, oc̣eci pՙartՙalaxal [66] kapkapta." --

Page: 66
Sentence: 248     taral taneci, yaq̇alal xiallebsa:
    Tՙaral tՙaneci, jaq̇alal xiallebsa:

Sentence: 249     burzuqo zu zax mandaḳbaz, ḳašimuġoxal čaxevḳaz!
   burzuqo zu zax mandakbaz, kaṡimuġoxal čaxewkaz!

Sentence: 250     balik a͑hilen tene mahlumbi,
   bạlikՙ ạhilen tՙene mahlumbi,

Sentence: 251     nuttapṭi bitalun laxoal neṗaxeci!
   nutՙtՙapՙti bitՙalun laxoal nepax eci!" --

Sentence: 252     a͑hilen serseri tene mahlumbi ya ičux nutmahlumbala ganune laxi,
   Ạhilen serseri tՙene mahlumbi ja iċux nutՙmahlumbala ganune laxi,

Sentence: 253     basneḳi gane boš neṗaxneeci;
   basneki gane boṡ nepaxneeci;

Sentence: 254     taral gena taneci ašbazxanina.
   tՙaral gena tՙaneci aṡbazxanina. -

Sentence: 255     arine ašbazxanina ama teṭu aba eḳaq̇an bi.
   Arine aṡbazxanina ama tՙetu aba ekaqan bi.

Sentence: 256     šeṭu uksun buṭuq̇sa,
   Ṡetu ukՙsun butuqsa,

Sentence: 257     ama fikirbane, etära o͑xa͑l hazirbaksa šono šeṭa bexal tene bafte,
   ama fikՙirbane, etՙạra ọxạl ḥazirbakՙsa ṡono ṡeta bexal tՙene baftՙe,

Sentence: 258     taralluġallei šeṭu baksa be͑ġanei.
   tՙaralluġallei ṡetu bakՙsa beġanei.

Sentence: 259     migi šeṭin pex q̇ainepi, laxne šeta beś goginal,
   Migi ṡetin pՙex qainepՙi, laxne ṡetՙa beṩ goginal,

Sentence: 260     eq̇al, čalial, oq̇oal gorčicaal keǯeal bütün hesaben.
   eqal, ċalial, oqoal gorċicaal kՙeʒ̇eal, bitՙun ḥesaben.

Sentence: 261     migi šeṭin xiallebi, xiallebi, or bune goginax tämüznebi,
   Migi ṡetin xiallebi, xiallebi, or bune goginax tՙämüznebi,

Sentence: 262     eq̇nuxq̇an čalinax ḳac̣ḳac̣nepi,
   eqnuxqan ċalinax kac̣kac̣nepՙi,

Sentence: 263     ama te iču kala ǯapa nut tadane, šeṭe etär bütün bunei oc̣ecio,
   ama tՙe iċu kՙala ʒ̇apՙa nutՙtՙadane, ṡete etՙạr bitՙun bunei oc̣ecio,

Sentence: 264     nut oc̣ecio šor lanexi ḳotavarun boš goginaxal, eq̇axal, čalinaxal, gorčicaxal,
   nutՙoc̣ecio ṡor lanexi kotՙawarun boṡ goginaxal, eqaxal, ċalinaxal, gorċicaxal,

Sentence: 265     ṗuran keǯeal banepi;
   puran kՙeʒ̇eal banepՙi;

Sentence: 266     ičen gena fikirrebsa:
   iċen gena fikՙirrebsa:

Sentence: 267     eṭez za ǯapa tasṭa,
   etez za ʒ̇apՙa tՙasta,

Sentence: 268     har ašlax ǯoḳ boxaz;
   har aṡlax ʒ̇ok boxaz;

Sentence: 269     bukunix, xo, bütün saganu bakalle.
   bukՙuniḥ, xo, bitՙun saganu bakՙalle. --

Sentence: 270     migi a͑hil moġorrebaki, buṭuq̇i biläzärün śum ukane.
   Migi ạhil moġorrebakՙi, butuqi biläzärün ṩum ukՙane.

Sentence: 271     taralen xorrebi ḳotavarax or bunei,
   Tՙaralen xorrebi kotՙawarax or bunei,

Sentence: 272     suprinaxal hala tene sake.
   supՙrinaxal hạlạ tՙene sakՙe.

Sentence: 273     Moroz Ivanin ġaren tamnux be͑neġi,
   Moroz Iwanin ġaren tamnux beneġi,

Sentence: 274     ḳoduġox cinepi,
   koduġox cinepՙi,

Sentence: 275     śaen gena šor xrṗ-xrṗallepi šeṭa uluxġo boš.
   ṩaen gena ṡor xrp-xrpallepՙi ṡeta uluxġo boṡ.

Sentence: 276     śellu un hazirbesa, gəzgəzpi mahlumnebi šeṭin;
   "Ṡellu un ḥazirbesa, gyzgyzpՙi mahlumnebi ṡetin;

Sentence: 277     be͑ġen etära bako vi ǯoḳ aš.
   beġen etՙạra bakՙo wi ʒ̇ok aṡ." --

Sentence: 278     taralen tamnux be͑neġi, ama ṭe sahatṭa ćuallepi,
   Tՙaralen tamnux beneġi, ama te sahatՙta cụallepՙi,

Sentence: 279     a͑hilen gena letṭepi, letṭepi, aneq̇i ičen o͑xallax hazirbane,
   ạhilen gena letՙtepՙi, letՙtepՙi, aneqi iċen ọxạllax ḥazirbane,

Sentence: 280     biläzärun śumax šor šel serrebi,
   biläzärün ṩumax ṡor ṡel serrebi,

Sentence: 281     te taralen, q̇eiriṭa serbiṭux kai, ḳašimuġox lamneexai.
   tՙe tՙaralen, q̇eirita serbitux kՙại, kaṡimuġox lamneexai.

Sentence: 282     biläzärun śumaxo ośa, a͑hil ṗuran mandaḳ aq̇suna basneḳi ababakesalledi tarala,
   Biläzärün ṩumaxo ọṩạ, ạhil puran mandakaqsuna basneki ababakՙesalledi tՙarala,

Page: 67
Sentence: 283     te šeṭu partal yamaluġtenebake
   tՙe ṡetu pՙartՙal jamaluġtՙenebakՙe

Sentence: 284     oc̣eci partalal ḳaṗḳaṗteneece.
   oc̣eci pՙartՙalal kapkaptՙeneece.

Sentence: 285     taral puśneeci, ama eḳaq̇an ba;
   Tՙaral pՙụṩneeci, ama ekaqan ba;

Sentence: 286     aneq̇i č̣aḳḳane partalaxq̇an oc̣eġal partalax;
   aneqi ċ̣akkane pՙartՙalaxqan oc̣eġal pՙartՙalax;

Sentence: 287     mial xatane, partal bisi taralen yamaluġbene;
   mial xatՙane, pՙartՙal bisi tՙaralen jamaluġbene;

Sentence: 288     ama orq̇un šeṭux ebsa,
   ama orqun ṡetux ebsa,

Sentence: 289     meṭa baxṭin xabaral tene aq̇e,
   meta baxtin xabaral tՙene aqe,

Sentence: 290     aq̇alanebaki beknux,
   aqalanebakՙi bekՙnux,

Sentence: 291     zomnutluġaxo gena ṭaq̇neeci,
   zomnutՙluġaxo gena tạqneeci,

Sentence: 292     šoral eṭux bonesi.
   ṡoral etux bonesi. --

Sentence: 293     a͑hilen gena ṗuran šorte eḳal mahlum tenebi;
   Ạhilen gena puran ṡortՙe ekal mahlum tՙenebi;

Sentence: 294     taralax ḳallepi biasunun śumax uksan,
   tՙaralax kallepՙi biasunun ṩụmax ukՙsan,

Sentence: 295     ṗuran neṗaxesanal šeṭux lanexi.
   puran nepaxesanal ṡetux lanexi.

Sentence: 296     tarala gena šono kefenalle, xialle ičen;
   Tՙarala gena ṡono kՙefenalle, xialle iċen;

Sentence: 297     balikal meral č̣enebako;
   bạlikՙạl meral ċ̣enebakՙo;

Sentence: 298     ičbenġinanei xunčen ič laxo ǯafa aq̇ane;
   iċbenġinanei xunċen iċ laxo ʒ̇afa aqane;

Sentence: 299     a͑hil šelle, šeṭin za šetäräl nüftä qoq̇ilinluġmuġox baġišlamišnebo.
   ạhil ṡelle, ṡetin za ṡetՙạrạl nụftՙạ qoqilinluġmuġox baġiṡlamiṡnebo. --

Sentence: 300     xib uḳal ġina taral enesa,
   Xib ukal ġina tՙaral enesa,

Sentence: 301     Moroz Ivanin ġaraxoal benessa šeṭux ḳuaq̇an barti;
   Moroz Iwanin ġaraxoal benessa ṡetux kuaqan bartՙi;

Sentence: 302     ašna baxṭin baġišlamišq̇anbi.
   aṡna baxtin baġiṡlamiṡqanbi.

Sentence: 303     eḳaa vi aš, xabarre aq̇i a͑hilen,
   Ekaa wi aṡ, xabarre aqi ạhilen,

Sentence: 304     ägär aš serinalle taci,
   ägär aṡ serinalle tՙaci,

Sentence: 305     šor buq̇un un za tadan,
   ṡor buqun un za tՙadan,

Sentence: 306     šeṭete un ten zenḳ ašbe, ama zuz va q̇ulluġbe.
   ṡete tՙe un tՙen zenk aṡbe, ama zuz wa qulluġbe. --

Sentence: 307     ho etär ǯugabnebi taralen;
   Ho, etՙạr, ʒ̇ugabnebi tՙaralen;

Sentence: 308     zu, xo, vi ṭo͑ġo͑l saġ xib ġiz karxe.
   zu, xo, wi tọġọl saġ xib ġiz kՙarxe. --

Sentence: 309     abavax, gögär, q̇axnepi a͑hilen, zu va eḳaz uḳo:
   Abawax, gögär, qaxnepՙi ạhilen, zu wa ekaz uko:

Sentence: 310     karxesun q̇an q̇ulluġbesun ǯoḳne,
   kՙarxesunqan qulluġbesun ʒ̇okne,

Sentence: 311     ašal ašnuxo ǯoḳne.
   aṡal aṡnuxo ʒ̇okne.

Sentence: 312     moṭux mahlumba;
   Motux mahlumba;

Sentence: 313     beś lazumne bako;
   beṩ lazumne bakՙo;

Sentence: 314     ama, q̇eiriḳe, ägär, namusen oṭbeṭesṭain, zu va baġišlamišzubo,
   ama, qeirike, ägär, namusen otbetestain, zu wa baġiṡlamiṡzubo,

Sentence: 315     etäral vi ašnei šetäral bakalle va peškäš.
   etՙạrạl wi aṡnei, ṡetՙạrạl bakՙalle wa pՙeṡkՙäṡ. --

Sentence: 316     me aiturmuġo boš Moroz Ivanin ġaren tarala kala gümišün ġürdümne tadi,
   Me aitՙurmuġo boṡ Moroz Iwanin ġaren tՙarala kՙala gümiṡün ġürdümne tՙadi,

Sentence: 317     saki gena kala brillianṭ.
   sakՙi gena kՙala brilliant.

Sentence: 318     taral šorre meṭu mu͑q̇baki,
   Tՙaral ṡorre metu mụqbakՙi,

Sentence: 319     te ḳapnepi šeṭuxal ṭesunṭuxal,
   tՙe kapՙnepՙi ṡetuxal te suntuxal,

Sentence: 320     saal te a͑hila raziluġbi, ṭineṭeri ḳua.
   saal tՙe ạhila rạziluġbi, tՙineteri kua. --

Sentence: 321     ḳua arine ögmišallebaksa:
   Kua arine ögmiṡallebakՙsa:

Sentence: 322     migi, pine, eḳaz zu ašbi aq̇e; xunče täk [68] tez, muč̣a qoq̇ilinluġuxurġo te;
   Migi, pՙine, ekaz zu aṡbi aqe; xunċe tՙäkՙ [68] tՙez, mụċ̣ạ xoq̇ilinluġuxurġo tՙe;

Page: 68
Sentence: 323     ḳic̣ial brillianṭ te, ama saġ gümišün ġürdümne;
   kic̣ial brilliant tՙe, ama saġ gümiṡün ġürdümne;

Sentence: 324     oh etär bi͑a, brillianṭal mušṭin äziz ġimxoenḳ aq̇al ini.
   oh etՙạr bya, brilliantal muṡtin ạziz ġimxoenk aqal ini." --

Sentence: 325     ama aitpi tene čixarxi šeṭin,
   Ama aitՙpՙi tՙene ċixarxi ṡetin,

Sentence: 326     or gümišün gürdüm xenebaki;
   or gümiṡün gürdüm xenebakՙi;

Sentence: 327     barialle oćalal;
   barialle ọc̣ạlạl;

Sentence: 328     šono eḳal tenei, or ǯüä, mano čaxneecei osṭavar minaxo;
   ṡono ekal tՙenei, or ʒ̇üä, mano ċaxneecei ostawar minaxo;

Sentence: 329     ṭe vaxṭal burreqi brillianṭ xebakane;
   te waxtal burreqi brilliant xebakՙane;

Sentence: 330     dadal gena purpi čalla laxo, osṭavaral c̣əġənepi: q̇iq̇iliq̇i, q̇iq̇iliq̇i;
   dadal gena pՙurpՙi ċalla laxo, ostawaral c̣yġynepՙi: qiqiliqi, qiqiliqi;

Sentence: 331     taralun kexurġox čaxna buzurne.
   tՙaralun kՙexurġox ċaxna buzurne.

This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.