TITUS Texts: Corpus of Published Udi Texts

TITUS
Corpus of Published Udi Texts
Part No. 17

Part: XVI_The_Beehive
XVI: The Beehive

Sentence: 1     burovun biṗ a͑ielle bui: Ḳarṗ, Boris, P̣araša, Annušḳa.
   Burowun bip ạielle bui: Ḳarp, Boris, Paraṡa, Annuṡka.

Sentence: 2     sakärän šeṭin šeṭuġox pine: imux laxanan a͑ilux,
   Sakՙärän ṡetin ṡetuġox pՙine: imux laxanan ạilụx,

Sentence: 3     šu va͑xo aḳuč̣a damdam u͑q sahatal ainezo, šor te šeṭux moġorbesun teṭu buq̇o, šeṭu be͑inġne bako.
   ṡu wạx̣o akuċ̣a damdam ụx̣ sahatՙal ainezo, ṡor, tՙe ṡetux moġorbesun tՙetubuq̇o, ṡetu beinġne bakՙo.

Sentence: 4     a͑iluġon matluġen imuxq̇un laxi.
   Ạilụxġon matՙluġen imuxqun laxi.

Sentence: 5     e be͑inġa baba, xabarre aq̇i Parašan.
   E beinġa baba, xabarre aqi Paraṡan.

Sentence: 6     vaxṭṭu aiza, pine baban, iču abavako e be͑inġa.
   Waxttu aiza, pՙine baban, iċu abawakՙo e beinġa.

Sentence: 7     hälbätte zu hala u͑q sahatal ciriḳ aizuzo ef kömäknut cəġənepi P̣arašan.
   Hạlbạtՙtՙe zu hạlạ ụx̣ sahatՙal cirik aizuzo ef kՙömökՙnutՙ cyġynepՙi Paraṡan.

Sentence: 8     zual kor, zual kor, c̣əġəq̇unpi bütünṭuġon.
   Zual kՙor, zual kՙor, c̣yġyqunpՙi bitՙuntuġon. --

Sentence: 9     vic̣ sahaten duneġi.
   Wic̣ sahatՙen duneġi.

Sentence: 10     neṗax esunun taġala vaxṭ arine,
   Nepax esunun tՙaġala waxt arine,

Sentence: 11     šeṭugon bütünṭin baba buq̇oq̇i šel šu,
   ṡetugon bitՙuntin baba buqoqi ṡel ṡu,

Sentence: 12     a͑iluġoxo harṭinal ṗuran piq̇un šeṭu:
   ạilụġọxo hartinal puran pՙiqun ṡetu:

Sentence: 13     avaḳo, baba, te aḳuč̣a damdamun u͑q sahatal turmuġo laxo bakalzu.
   awako, baba, tՙe akuċ̣a damdamun ụx̣ sahatՙal tՙurmuġo laxo bakՙalzu.

Sentence: 14     a͑ilux bütün basq̇unḳi neṗax esan, harṭinal neṗax esunaxo be͑ś exq̇uni ičuġoč̣a:
   Ạilụx bitՙun basqunki nepax esan, hartinal nepax esunaxo beṩ exquni iċuġoċ̣a:

Sentence: 15     u͑qṭai q̇i͑o, u͑qṭai q̇i͑o.
   ụx̣tai qio, ụx̣tai qịo.

Sentence: 16     Borisen camallepe ič ṭaxṭa laxo mac̣a kulen:
   Borisen camallepՙe iċ taxta laxo mac̣a kՙulen:

Sentence: 17     aḳuč̣a damdamun u͑q sahatun q̇i͑oṭu [69] Boris ainezo.
   akuċ̣a damdamun ụx̣ sahatՙun qiotu [69] Boris ainezo.

Page: 69
Sentence: 18     migi šahatlama, te adamaren eḳa boṭeci buq̇aiṭu, baṭuko bütün besun.
   Migi ṡahatՙlama, tՙe adamaren eka boteci buqaitu, batukՙo bitՙun besun.

Sentence: 19     ṭesa damdam anǯaġ u͑q sahatun uruben duneġi, or alaq̇unbaki a͑ilux.
   Te sa damdam anʒ̇ag ụx̣ sahatՙun uruben duneġi, or alaqunbakՙi ạilụx.

Sentence: 20     šeṭuġoxo har, ainezeri, lanepi, uq̇ufenġaral otaġaxo č̣erine, eṭe harṭin xiallebsai, te šono saone aizere.
   Ṡetuġoxo har, ainezeri, lanepՙi, uqufengạral otՙaġaxo ċ̣erine, ete hartin xiallebsai, tՙe ṡono saone aizere. --

Sentence: 21     ama bütün šor be͑ġan te sa vaxṭṭuq̇un girece ǯemiluġun otaġa.
   Ama bitՙun ṡor beġan tՙe sa waxttuqun girece ʒ̇emiluġun otՙaġa.

Sentence: 22     buq̇uni mu͑q̇luġen šeṭuġon cəġəq̇unpi sunsuna:
   Buquni mụqlụġen ṡetuġon cyġyqunpՙi sun suna:

Sentence: 23     ṗoi isayan be͑ġen, e be͑inġa baban ya hazirbe.
   poi isa jan beġen, e beinġa baban ja hazirbe.

Sentence: 24     šonor taq̇unci baba ṭo͑ġo͑l.
   Ṡonor tՙaqunci baba tọġọl.

Sentence: 25     ha! šeṭin pine, aḳnesa, baban evaxṭ aitṭe tasṭa be͑inġne, ṭevaxṭ a͑iluġo damurġin aizesun koʒ́ tene.
   Ha! ṡetin pՙine, akՙnesa, baban ewaxt aitՙte tՙasta beinġne, tewaxtՙ ạilụġọ damurġin aizesun kՙọʒ̇ tՙene.

Sentence: 26     ṗoi, zual bez aitax ezfo.
   Poi, zual bez aitՙax ezfo.

Sentence: 27     ama a͑ilux, be͑ś banan šeṭux, maṭux, ganuxo aizeri, besaq̇un bütün šel a͑iluġon.
   Ama ạilụx, bẹṩ banan ṡetux, matux, ganuxo aizeri, besaqun bitՙun ṡel ạilụġọn.

Sentence: 28     šeṭuġon ćoex oc̣q̇unq̇i, źomox ać̣ar ini xenen lägälq̇undi, bex oxq̇unḳi, bixaʒ́uġo duaq̇unbi, ṗuranal taq̇unci baba ṭo͑ġo͑l.
   Ṡetuġon c̣ọex oc̣qunqi, zọmọx ạc̣ạr ini xenen lägälqundi, bex oxqunki, Byxạʒụġo duaqunbi, puranal tՙaqunci baba tọġọl.

Sentence: 29     Annušḳan nutportbesunen xabarre aq̇sai, evaxṭ ya be͑inġ bakala?
   Annuṡkan nutՙpՙortՙbesunen xabarre aqsai, ewaxt ja beinġ bakՙala?

Sentence: 30     migi šono, c̣əġənepi baban, šeṭuġoxo harṭa bel buṭṭeḳi ḳo͑in mäfṭülün čärčöaxol, maṭin buṭṭeḳsai pulmurġox, bo͑q̇mo͑ġox, źomox, tamam bütün ćoex;
   Migi ṡono, c̣yġynepՙi baban, ṡetuġoxo harta bel butteki kọin mäftülün ċärċöaxol, matin butteksai pՙulmurġox, bọqmọġox, zọmọx, tՙamam bitՙun cọex;

Sentence: 31     bin mandi bar buṭṭeesai mahuden.
   bin mandi bar butteesai mahuden.

Sentence: 32     andax besanan va͑! pine Borisen q̇eiriṭux, zu fikirzubsa, te ġe baba čiččunṭu čeč buq̇sa.
   Andax besanan wạ! pՙine Borisen qeiritux, zu fikՙirzubsa, tՙe ġe baba ċiċċuntu ċeċ buq̇sa.

Sentence: 33     seri korre, pine baban, va͑n gena meṭa baxṭin eḳanan fikirbesa.
   Seri kՙorre, pՙine baban, wạn gena meta baxtin ekanan fikՙirbesa. --

Sentence: 34     ax, or mu͑qluġen, cəġəq̇unpi bütünṭuġon, ṭialq̇unṭeri baba qošṭan;
   Ax, or mụqluġen, cyġyqunpՙi bitՙuntuġon, tialqunteri baba qoṡtan;

Sentence: 35     maṭinteal lanexei ič bel ḳo͑in čärčönen, a͑iluġoxo harṭual eḳabakain tanedei tašsan:
   matin tՙeal lanexei iċ bel kọin ċärċönen, ạilụġoxo hartual ekabakՙain tՙanedei tՙaṡsan:

Sentence: 36     Borisa aruxun leḳer c̣il kömürġon, Ḳarṗa sa ġać̣ ṗolənalaaxo, xinärmuġo boxo meur, šeṭuġo qošṭanal taša-taša gul, emaal sini, taq̇unci baba q̇an nana.
   Borisa aruxun leker c̣il kՙömürġon, Karpa sa ġaċ̣ polynalaaxo, xinärmuġo boxo meur, ṡetuġo qoṡtanal tՙaṡa-tՙaṡa gul, emaal sini, tՙaqunci babaqan nana.

Sentence: 37     bütün top axiri ariq̇un [70] pakix, buralleqeci be͑inġ.
   Bitՙun tՙopՙ axiri ariqun [70] pՙakՙiḥ, buralleqeci beinġ.

Page: 70
Sentence: 38     baban qainepi čalla čomox, maṭuxo qošq̇uni uć̣e ṭaṭur, aalleq̇i ganuxo har uć̣e taṗanax,
   Baban qainepՙi ċalla cọmọx, matuxo qoṡquni ục̣e tatur, aalleqi ganuxo har ục̣e tՙapanax,

Sentence: 39     ośa aneq̇i ġać̣ ṗolənax, lanexi c̣il kömürün laxo, šeṭuxoal ḳuinax tumnebi har uć̣e taṗanun boš.
   ọṩạ aneqi ġạċ̣ polynax, lanexi c̣il kՙömürün laxo, ṡetuxoal kuinax tՙumnebi har ục̣e tՙapanun boṡ.

Sentence: 40     evaxṭ ḳuinaxo uć̣e ṭaṭur purpi taq̇unci, baban be͑ś mumiux boṭi čičeri, laneexai šeṭul gulla boš,
   Ewaxt kuinaxo ục̣e tatur pՙurpՙi tՙaqunci, baban bẹṩ mumiux boti ċiċeri, laneexai ṡetul gulla boṡ,

Sentence: 41     ośa gena uć̣nux kalkala q̇urucmuġon.
   ọṩạ gena ục̣nux kՙalkՙala qurucmuġon.

Sentence: 42     e mu͑qluġa?
   E mụqlụġa?

Sentence: 43     čečurġox taq̇unšeri otaġa, a͑iluxal taq̇unci ṭia,
   ċeċurġox tՙaq̇unṡeri otՙaġa, ạilụxạl tՙaq̇unci tia,

Sentence: 44     nanan gena enečeri bulḳnux, ḳac̣nepi šeṭux zilaġ zilaġ, a͑iluġo baxṭin laalledi šeṭuġox uć̣en.
   nanan gena eneċeri bulknux, kac̣nepՙi ṡetux zilaġ zilaġ, ạilụġo baxtin laalledi ṡetuġox ục̣en.

Sentence: 45     babaal korgär arine, pine:
   Babaal kՙorgạr arine, pՙine:

Sentence: 46     isa a͑ilux v͑a ṗuran bakalle be͑inġ,
   isa ạilụx wạ puran bakՙalle beinġ,

Sentence: 47     ladanan efenḳ uć̣nux bulḳna laxo,
   ladanan efenk ục̣nux bulkna laxo,

Sentence: 48     ama šuḳalen va͑xo kul maq̇andi čečurġox.
   ama ṡukalen wạxọ kՙul ma qandi ċeċurġox. --

Sentence: 49     bütün a͑iluġon imuxq̇un laxi, Annusḳina ǯoḳ:
   Bitՙun ạilụġon imuxqun laxi, Annuskina ʒ̇ok:

Sentence: 50     šeṭu ingän buṭuq̇sai čečna ṭamnax be͑ġanei;
   ṡetu ingän butuqsai ċeċna tamnax beġanei;

Sentence: 51     šono čuṗnepi sṭolač̣, aneq̇i sininaxo čečna q̇e, laalleexi źomo.
   ṡono ċupnepՙi stolaċ̣, aneqi sininaxo ċeċna qe, laalleexi zọmọ.

Sentence: 52     birdän šeṭin šor osṭavar c̣əġəpine, te bütün ḳua buinebaki.
   Birdän ṡetin ṡor ostawar c̣yġypՙine, tՙe bitՙun kua buinebakՙi.

Sentence: 53     vičimuxq̇an xunčimux ǯafinen ṭaġa maġaq̇un baksai šeṭa ṭo͑ġo͑l xabaral aq̇sai:
   Wiċimuxqan xunċimux ʒ̇afinen taġa maġaqun bakՙsai ṡeta tọġọl xabaral aqsai:

Sentence: 54     vaal eḳa bake.
   waal eka bakՙe.

Sentence: 55     baba q̇an nana ṭiq̇unṭeri hašoral xabarq̇un aq̇i:
   Babaqan nana tiqunteri ha ṡoral xabarqun aq̇i:

Sentence: 56     vaal eḳa bake.
   waal eka bakՙe.

Sentence: 57     ama Annušḳan ič źomox buṭṭeḳei;
   Ama Annuṡkan iċ zọmọx buttekei;

Sentence: 58     c̣əġənexai aital teṭu baksai uḳanei.
   c̣yġynexai aitՙal tՙetu bakՙsai ukanei.

Sentence: 59     nanan be͑neġi šeṭa źomo boš, eḳaṭu aḳi:
   Nanan beneġi ṡeta zọmọ boṡ, eka tu akՙi:

Sentence: 60     šeṭa muze laxo arcinei ḳic̣iluḳ uć̣e ṭaṭ, ič sisenal šeṭa boš ćuxecenei.
   ṡeta muze laxo arcinei kic̣iluk ục̣e tat, iċ sisenal ṡeta boṡ cụxecenei.

Sentence: 61     nanal uć̣e ṭaṭṭux čualkinge, ama fuġara xinärun muz šor bexecenei, te Annušḳa dürüsṭ ġi q̇ixmuġal źomo aq̇es teṭu baki.
   Nanal ục̣e tattux čualkՙinge, ama fuġara xinärụn muz ṡor bexecenei, tՙe Annuṡka dụrụst ġi qixmuġal zọmọ aqestՙetubakՙi.

Sentence: 62     q̇eiri a͑iluġon uć̣axol käiq̇un ičuġo bulḳnux;
   Qeiri ạilụġon ục̣ạxọl kՙạiqun iċuġo bulknux;

Sentence: 63     šono šeṭuġo ingän ṭamen muć̣ane aḳeci, Ḳarṗenal be͑ġine, te me be͑inġ šeṭu ingän a͑melle ari.
   ṡono ṡetuġo ingän tamen mục̣ạne akՙeci, Karpenal beġine, tՙe me beinġ ṡetu ingän ạmelle ari.

Sentence: 64     P̣arašan be͑ġine pänǯärinaxo, aṭuḳi, te šeṭuġoi q̇onšin xinär Maša ṭo͑ġo͑xo tanesai:
   Paraṡan beġine pՙänʒ̇ärinaxo, atukՙi, tՙe ṡetuġoi qonṡin xinär Maṡa tọġọxo tՙanesai:

Page: 71
Sentence: 65     fuġara Maša, pine šeṭin, šeṭa babai uć̣e ṭaṭ teṭa bu,
   fuġara Maṡa, pՙine ṡetin, ṡeta babai ục̣e tat tՙeta bu,

Sentence: 66     šeṭual uć̣en ladeci bulḳ bakal teṭu šeṭu tades.
   ṡetual ục̣en ladeci bulk bakՙal tՙetu ṡetu tՙades.

Sentence: 67     nana! nana! tene baksa uć̣en ladeci bulḳ Mašaa taden.
   Nana! nana! tՙenebakՙsa ục̣en ladeci bulk Maṡaa tՙaden.

Sentence: 68     ingän iräziluġen bez a͑iel, pine nanan.
   Ingän irạziluġen bez ạjel, pՙine nanan. --

Sentence: 69     šeṭu taq̇undi uć̣en bulḳ, P̣arašan gena šeṭux Mašinenḳ.
   Ṡetu tՙaqundi ục̣en bulk, Paraṡan gena ṡetux Maṡinenk.

Sentence: 70     ora mu͑qṭi šeṭin me xinärax!
   Ora mụqti ṡetin me xinärạx!

Sentence: 71     ora šeṭin me räziluġbi P̣arašaa!
   Ora ṡetin me rạziluġbi Paraṡaa!

Sentence: 72     ṭevaxṭ P̣arašaa uć̣ ṗuran ṭamenne aḳeci.
   Tewaxt Paraṡaa ục̣ puran tamenne akՙeci.

This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.