TITUS Texts: Corpus of Published Udi Texts

TITUS
Corpus of Published Udi Texts
Part No. 18

Part: XVII_Little_thieves
XVII: Little thieves

Page: 71
Sentence: 1     Iliin a͑ilumuġon varavurdbiq̇uni te šeṭuġo Leonṭi q̇onšin pakix ṗa͑ arra xodde bu šel šavaṭ yemišurmuġon.
   Iliin ạilụmụġon wạrạwụrdbiquni tՙe ṡetuġo Leonti qonṡin pՙakՙiḥ pՙạ arra xodde bu ṡel ṡawat jemiṡurmuġon.

Sentence: 2     šeṭuġo fikira arine čalla laxo laisun, saemaal ičuġenḳ ar boq̇aq̇un.
   Ṡetuġo fikՙira arine ċalla laxo laisun, sa emaal iċuġenk ar bọqạqun.

Sentence: 3     mono eḳa fikirai?
   Mono eka fikՙirai?

Sentence: 4     q̇onšinen bašq̇esunax varavurddebi,
   Qonṡinen baṡqesunax wạrạwụrddebi,

Sentence: 5     sa käränal begavaxṭa ič pakna boš č̣aṗnebaki, te abazaḳax biq̇ane.
   sa kՙäränal begawaxta iċ pՙakՙna boṡ ċ̣apnebakՙi, tՙe abazakax biqane.

Sentence: 6     saema vaxṭuxo ośa aṭuḳi Iliin a͑ilux orq̇un čalla laxo laici, q̇i͑en šeṭuġon ičuġoi biṗćo beq̇unġesai, šuḳalax pakna boš nutvaravurdbi, diribašluġen ciriq̇un, tiq̇unṭeri xodač̣.
   Sa ema waxtuxo ọṩạ atukՙi Iliin ạilụx orqun ċalla laxo laici, qyen ṡetuġon iċuġoi bipcọ bequnġesai, ṡukalax pՙakՙna boṡ nutՙwạrạwụrdbi, diribaṡluġen ciriqun, tՙiqunteri xodaċ.

Sentence: 7     anǯaġ te šeṭuġo buq̇oq̇sai farpi ašen qaibakaq̇uni,
   Anʒ̇aġ tՙe ṡetuġo buqoqsai farpՙi aṡen qaibakՙaquni,

Sentence: 8     orte pakna ḳonʒ́ux šeṭuġo be͑śne č̣eri.
   ortՙe pՙakՙna kọnʒụx ṡetuġo beṩne ċ̣eri.

Sentence: 9     etär oṭen, q̇i͑en čurpiq̇uni šeṭa be͑ś xuru abazaḳux.
   Etՙạr oten, qyen ċurpՙiquni ṡeta beṩ xuru abazakux.

Sentence: 10     or aġu o͑neq̇unexai, xoiśalq̇unbesai Leonṭinax, te šeṭin šeṭuġo o͑ran biq̇i ašlax baġišlamišq̇anbi, babaal šikiyat maq̇anbi šeṭuġo laxo.
   Or aġu ọnequnexai, xoiṩalqunbesai Leontinax, tՙe ṡetin ṡetuġo ọrạn biqi aṡlax baġiṡlamiṡqanbi, babaal ṡikijatՙ maqanbi ṡetuġo laxo.

Sentence: 11     Leonṭi taranepi šeṭuġo xoiśač̣, eṭete šeṭuġon šeṭu aitq̇un tadei saal be͑ś eḳal [72] lari aš nutbaq̇un.
   Leonti tՙaranepՙi ṡetuġo xoiṩaċ̣, ete tՙe ṡetuġon ṡetu aitՙqun tՙadei saal beṩ ekal [72] lari aṡ nutՙbaqun.

Page: 72
Sentence: 12     ama me o͑ran a͑iluġon ičuġo aitax teq̇un efi:
   Ama me ọrạn ạilụġọn iċuġo aitՙax tՙequn efi:

Sentence: 13     saema šamaṭ č̣enebaki, Leonṭinen sakärän damdam be͑ġine, te šeṭa bütün aṗi ṭul ćupinei.
   saema ṡamat ċ̣enebakՙi, Leontinen sakՙärän damdam beġine, tՙe ṡeta bitՙun api tul cụpՙinei.

Sentence: 14     ṭevaxṭ šono taneci ič q̇onšin ṭo͑ġo͑l xoiśbine šeṭux a͑iluġox tänbähq̇anbi šeṭuġo ṗa͑araxun abazaluġun baxṭin.
   Tewaxt ṡono tՙaneci iċ qonṡin tọġọl, xoiṩbine ṡetux ạilụġox tՙänbäh qanbi ṡetuġo pՙạaraxun abazaluġun baxtin.

Sentence: 15     ama a͑ilux osṭavar čurq̇unpi šeṭa ośaxo, te šeṭuġon ṭul teq̇un bašq̇e,
   Ama ạilụx ostawar ċurqunpՙi ṡeta ọṩạxọ, tՙe ṡetuġon tul tՙequn baṡqe,

Sentence: 16     babaal šeṭuġo va͑nebaki.
   babaal ṡetuġo wạnebakՙi.

Sentence: 17     Leonṭi därden šeṭuġoxo taneci, taġaṭanal pine:
   Leonti dạrden ṡetuġoxo tՙaneci, tՙaġatanal pՙine:

Sentence: 18     a͑ilux o͑ranne bako va͑a dünianil,
   ạilụx ọrạnne bakՙo wạạ dụnianil,

Sentence: 19     bez aitax ix efanan.
   bez aitՙax ix efanan.

Sentence: 20     me be͑śpesun serseri baneki.
   Me beṩpՙesun serseri banekՙi.

Sentence: 21     xuru abazaḳux manq̇undi ičuġo aćesbala varǯisal,
   Xuru abazakux manqundi iċuġo ạcesbala wạrʒ̇isal,

Sentence: 22     baq̇unki haramzadaux, ičuġo karxesunaxal aġu tähärenq̇un čixarxi.
   baqunkՙi ḥaramzadaux, iċuġo kՙarxesunaxal aġu tՙạhạrenqun ċixarxi.

This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.