TITUS Texts: Corpus of Published Udi Texts

TITUS
Corpus of Published Udi Texts
Part No. 23

Part: 2_Shahzadan_and_Shahvalad
2_Shahzadan _and _Shahvalad

Page: 88
Sentence: 1     sa käsibun xib xinärre bui.
   Са қа̇сібу̀н хіб хінӓ̀р-ре буі.

Sentence: 2     śum tene bui, te tadane.
   Ш̆ум ҭѐ-не буі, ҭе ҭа̀дане.

Sentence: 3     taci, sa galaxo ṗa͑ e͑śne ečeri, ič ṗa͑ xinärane tade.
   Ҭаці̀, са галахо̀ пʿа̇ ѐш̆-не ечері, іч пʿа̇ хінӓра̇-не ҭаде.

Sentence: 4     ṗa͑ xinärmoġon piq̇un:
   Пʿа̇ хінӓрмоҕо̀н п̓і̀qун:

Sentence: 5     "baba, e͑śna ga maa?"
   "Bа̀ба, еш̆на га ма̀а?"

Sentence: 6     baban pine: "č̣älägi."
   Bаба̀н п̓іне: "Ч̓ӓлӓгі̀." --

Sentence: 7     baba, yaxal taša č̣älägi.
   "Ба̀ба, јах-ал ҭа̀ша ч̓ӓлӓгі̀!" --

Sentence: 8     "śel," pine baban.
   "ш̆ел!" п̓і̀не баба̀н.

Sentence: 9     baba uḳesṭa bunei, te ṭe ṗa͑ xinärax aćesbanei.
   Баба укеста̀ бу̀неі, ҭе те пʿа̇ хінӓра̀х ачѐсбанеі.

Sentence: 10     ama ṗa͑ xinär taġaṭan, ḳic̣ḳe xinären o͑nenexa te zaxal tašanan.
   Ама пʿа̇ хінӓр ҭа̀ҕатан, кіц̓ке хінӓрѐн ʿо̇ненеха ҭе зах-ал ҭа̀шанан.

Sentence: 11     baban tene tašša, monor te taq̇unsa, ḳic̣ḳe xinäral qošṭan tanesa.
   Баба̀н ҭѐ-не ҭашша, моно̀р-ҭе ҭа̀qунса, кіц̓ке хінӓр-ал ҟошта̀н ҭа̀неса.

Sentence: 12     taci, baq̇unṗesa č̣älägi.
   Ҭаці̀, ба̀qунпеса ч̓ӓлӓгі̀.

Sentence: 13     baban exne:
   Баба̀н ехне:

Sentence: 14     "takenan č̣älägi e͑ś boq̇anan, zual ezġo."
   "Ҭа̀қенан ч̓ӓлӓгі̀ еш̆ бо̇qанан, зу̀-ал ѐзҕо."

Sentence: 15     baba tanesa ḳua.
   Баба ҭа̀неса куа̀.

Sentence: 16     taq̇unsa, taq̇unsa, be͑q̇unġesa e͑ś tene bu.
   Ҭа̀qунса, ҭа̀qунса, бѐqунҕеса еш̆ ҭѐ-не бу.

Sentence: 17     beinq̇ne baksa, ḳic̣ḳe [89] xinäral enesa meṭoġo ṭo͑ġo͑l.
   Беі̀ңq-не бақса, кіц̓ке [89] хінӓр-ал ѐнеса метоҕо̀-то̇ҕо̇л;

Page: 89
Sentence: 18     monor vu͑ġ ġi me č̣älägi manq̇undesa; busaq̇unbaksa.
   мыно̀р ву̇ҕ ҕі ме ч̓ӓлӓгі̀ ма̀нqундеса; буса̀qунбақса.

Sentence: 19     ṗa͑ xinären aitaxsabi exq̇un ḳic̣ḳe xinära:
   Пʿа̇ хінӓрѐн аіҭа̀хсабі ехqун кіц̓ке хінӓра̇:

Sentence: 20     "eke pišiben;
   "Ѐқе, п̓іш̆ібен;

Sentence: 21     ši piši ka͑fe͑nne bako, šeṭux uken."
   ш̆і п̓іш̆і̀ қа̇фѐн-небақо, шету̀х у̀қен!"

Sentence: 22     ḳic̣ḳe xinären exne:
   Кіц̓ке хінӓрен ехне:

Sentence: 23     "Baq̇anki!"
   "Ба̀qанқі!"

Sentence: 24     Burq̇unqesa pišibsax:
   Бу̀рqунqеса п̓іш̆ібса̀х:

Sentence: 25     ḳic̣ḳe xinären pišibaxun, piši ka͑fe͑nne baksa.
   кіц̓ке хінӓрѐн п̓іш̆ібаху̀н, п̓іш̆і қа̇фѐн-небақса;

Sentence: 26     ṭe ṗa͑ xinären pišibaxun ḳulq̇un baixa, piši ka͑fe͑n tene baksa.
   те пʿа̇ хінӓрен п̓іш̆ібахун кул-qун баeха (баіха), п̓іш̆і қа̇фѐн ҭѐ-не бақса.

Sentence: 27     exq̇un: "gäräg vax ukayan."
   Ехqун: "Гӓрӓг вах у̀қајан."

Sentence: 28     ḳic̣ḳe xinären exne: "gäräg ukanan, ama bartanan, zu saḳic̣i taġa taġaz, ṗuran eġaz."
   Кіц̓ке хінӓрен ехне: гӓрӓг у̀қанан, ама ба̀рҭанан, зу са кіц̓і ҭаҕа ҭа̀ҕаз, пу̀ран еҕа̀з.

Sentence: 29     xinär taci, bainesa č̣älägi.
   Хінӓр ҭаці̀, ба̀інеса ч̓ӓлӓгі.

Sentence: 30     saḳic̣i te tanesa, bafnesṭa sa kurra boš.
   Са кіц̓і̀ ҭе ҭа̀неса, ба̀фнеста са қурра̀-бош.

Sentence: 31     ṭema tanesa, baneṗesa sa ḳua.
   Тема ҭа̀неса, ба̀непеса са куа.

Sentence: 32     ḳoǯin boš xib e͑k ġać̣nei, e͑kurġo bešal ġariṭulle, qaisine.
   Коџін-бош хіб еқ ҕачнеі, еқурҕо беш-ал ҕаріту̀л-ле, qаісі̀-не.

Sentence: 33     meṭoġoxo girbi, buinebesa ič ǯeburġo, ṗuran enesa ič gala.
   Метоҕохо гірбі̀, бу̀інебеса іч џебурҕо, пу̀ран ѐнеса іч гала̀.

Sentence: 34     ečeri cinexa ič xunčimuġo be͑ś.
   Ечері̀ цінеха іч хунчy̆муҕо-быш.

Sentence: 35     šoṭoġon burq̇unqesa uksax.
   Шытоҕо̀н бурqунqеса уқса̀х.

Sentence: 36     ḳic̣ke xinären har ġi taci, ṭelin enečesa.
   Кіц̓қе хінӓрен һар ҕі ҭаці̀, телі̀н ѐнечеса.

Sentence: 37     me e͑kurux sa pasč̣aġunne baksa.
   Ме еқуру̀х са п̓ачшаҕу̀н-не бақса.

Sentence: 38     sa ġi pasč̣aġun mähṭären me xinärax bineq̇esa.
   Са ҕі п̓ачшаҕун мӓһта̇рѐн ме хінӓра̀х бі̀неqеса.

Page: 90
Sentence: 39     "gäräg," [90] exne, "vax tašaz pasč̣aġun ṭo͑ġo͑l.
   "Гӓрӓг", [90] ехне, "вах ҭаша̀з п̓ачшаҕун-то̇ҕо̇л."

Sentence: 40     xinären exne: "bezi ṗa͑ xunči bezbu."
   Хінӓрен ехне: "Безі пʿа̇ хунчі без-бу;"

Sentence: 41     taci, ṭe ṗa͑ xunčexal enečesa.
   ҭаці, те пʿа̇ хунчѐх-ал ѐнечеса.

Sentence: 42     ośa taq̇unsa pasč̣aġun ṭo͑ġo͑l.
   О̇ш̆а̇ ҭа̀qунса п̓ачшаҕу̀н то̇ҕо̇л.

Sentence: 43     mia ḳic̣ḳe xinären bütün ašlax naġəllebsa.
   Міа кіц̓ке хінӓрен бӱҭӱн аш̆лах наҕы̀ллебса.

Sentence: 44     pasč̣aġal, migila, qoc̣se usenne, xinärre čursa.
   п̓ачша̀ҕ-ал, мі̀гі̆ла̇, ҟоц̓се усен-не, хінӓр-ре чурса.

Sentence: 45     me xinärax te aṭuḳsa, exne: "un eḳava ba?"
   Ме хінӓра̀х ҭе а̀тукса, ехне: "Ун ека̀ ваба?"

Sentence: 46     kala xinären exne: "zu sa xalčaz serbo, vi q̇ošin bütün ič laxo arreco."
   Қала хінӓрен ехне: "Зу са халча-з сербо, ві qошін бӱҭӱн іч-лахо а̀ррецо."

Sentence: 47     ṗa͑umǯi xinären exne: "zu sa qoxlin boš xuczu boxo, bütün vi q̇ošinen uneko."
   Пʿа̇умџі хінӓрен ехне: "Зу са ҟохлін-бош ху̀ц-зу бохо̀, бӱҭӱн ві qошінѐн у̀неқо."

Sentence: 48     ḳic̣ḳe xinären exne: "zu ṗa͑ aielzu ečo, sa ġar, sa xinär.
   Кіц̓ке хінӓрен ехне: "Зу пʿа̇ аіѐл-зу ечо, са ҕар, са хінӓр;

Sentence: 49     ġari bexo q̇əzəlle baro, xinäri bexo gümüš."
   ҕарі̀ бехо qызы̀л-ле баро, хінӓрі̀ бехо гӱмӱш.

Sentence: 50     pasč̣aġen ḳic̣ḳe xinärax aneq̇i.
   п̓ачшаҕѐн кіц̓ке хінӓра̇х а̀неqі.

Sentence: 51     vui xaš, vui ġi tamanbakaxun baneksa sa ġar, sa xinär.
   Вуі хаш, вуі ҕі ҭаманбақахун банеқса са ҕар, са хінӓр.

Sentence: 52     ġari bexo q̇əzəlle barsa, xinäri bexo gümüš.
   Ҕарі̀ бехо qызы̀л-ле барса, хінӓрі бехо гӱмӱш.

Sentence: 53     xunčimux tängäq̇un tadi ṭaṭmera, ailuġo bosesq̇undi.
   Хунчімух ҭӓнгӓ-qун ҭаді̀ татмера̀, ʿаілуҕо босѐсqунді.

Sentence: 54     ailun gala laq̇unxi xa͑e-bala.
   Аілун гала ла̀qунхі ха̇е-бала.

Sentence: 55     pasč̣aġ ari, aṭuḳi me ašlax.
   п̓ачшаҕ арі̀, а̀тукі ме аш̆лах.

Sentence: 56     beihaburrebi xinärax, pine:
   Беіһабу̀рребі хінӓра̇х, п̓іне:

Sentence: 57     "isa avaḳo, zu va eḳaz bo.
   "Іса авако̀, зу ва ека̀-з бо.

Sentence: 58     ečeri xinärax darvazinaxo-ṭoš, [91] bošnedi q̇ə͑oṭoxo oq̇a sa kurra boš, te bütünṭin čurq̇anpi ič čo͑el.
   Ечері хіна̀ра̇х дарвазіна̀хо-тош, [91] бошнеді qʿӱотохо оqа са қурра-бош, ҭе бӱҭӱнтін чуqанп̓і іч чо̇ел.

Page: 91
Sentence: 59     ṭe ailax te boq̇unsi sa na͑vna boš lamanedi.
   Те аілах ҭе бо̀qунсі са на̇вна-бош лама̇неді.

Sentence: 60     deyirmanǯinen xenax boti, ailax činečesa, tanešesa ič ḳua.
   Дејірманџінѐн хенах боті̀, аілах чінечеса, ҭанешеса іч куа.

Sentence: 61     deyirmanǯin čubġon burreqi ailoġox efsan.
   Дејірманџін чубўҕон бурреqі аілоҕо̀х ефсан.

Sentence: 62     Ailux kalaq̇un baki, burq̇unqi ailoġoxolan ačipsun.
   Аілух қала̀-qун бақі, бурqунqі аілоҕо́холан ачіп̓сун.

Sentence: 63     me ailoġon xabarq̇unaq̇i: "va͑n ši ailuxnan?"
   Ме аілоҕон хаба̀рqунаqі: "Wа̇н ш̆і аілух-на̇н?" --

Sentence: 64     Yan deyirmanǯin."
   "Јан дејірманџі̀(н)."

Sentence: 65     piq̇un: "te, efan deyirmančin ailux tenan, efax bo͑ġa͑q̇unbe."
   п̓і̀qун: "Ҭе, ефан дејірманџін аілух ҭѐ-на̇н, ефах бо̇ҕа̀qунбе."

Sentence: 66     me ašlax te ailoġon abaq̇obaksa, ḳuaxo ṭiṭeri taq̇unsa; taq̇unsa sa č̣älägi.
   Ме аш̆лах ҭе аілоҕон аба̀qобақса̀, куа̀хо тітері̀ ҭа̀qунса; ҭа̀qунса са ч̓ӓлӓгі̀.

Sentence: 67     xinären ič bexo baral gümüšax girbi, tanedi ič viče, pine:
   Хінӓрен іч бехо барал гӱмӱша̀х гірбі̀, ҭа̀неді іч вічѐ, п̓і̀не:

Sentence: 68     "taša šähärä, saḳic̣i śum aq̇a, eča."
   "Ҭаша шӓһӓрӓ, са кіц̓і ш̆ум аqа, ѐча!"

Sentence: 69     ġar tanesa, śumne aq̇sa, sa leveṭṭe aq̇sa, malaḳane aq̇sa.
   Ҕар ҭа̀неса, ш̆у̀м-не аqса, са левѐт-те аqса, малака̀-не аqса;

Sentence: 70     har aš aq̇i, ečeri, ḳuax buinebesa.
   һар аш̆ аqі̀, ечері, куах бу̀інебеса.

Sentence: 71     sa ġi aizeri, tanesa ṗuran śum aq̇san.
   Са ҕі аізері̀, ҭа̀неса пу̀ран ш̆ум аqсан;

Sentence: 72     be͑neġsa te mia e͑kal arci ġarmuxne bu, ičoġo laxoal yarax.
   бы̀неҕса ҭе міа̀ еқал арці̀ ҕарму̀х-не бу, ічоҕо-ла̀хо-ал јарах.

Sentence: 73     tängä tadi, me e͑kaxo soo, yaraġaxoal har sa [92] aš ič baxṭin aneq̇esa.
   Ҭӓңгӓ ҭаді̀, ме еқахо со̀о, јараҕахо-ал һар са [92] аш̆ іч-бахтін а̀неqеса.

Page: 92
Sentence: 74     sa ġial ṗuran šähärä taġaṭan laineci ič aq̇i e͑kal, č̣inegi šähärä, burreqi ṭe ġarmoġoxolan e͑k č̣igsax.
   Са ҕі̀-ал пу̀ран шӓһӓрӓ ҭа̀ҕатан ла̀інеці іч аqі̀ еқа̀л, ч̓інегі шӓһӓрӓ, бурреqі те ҕармоҕо̀холан еқ ч̓ігсах;

Sentence: 75     e͑kax č̣igaxun ġari ḳoin binesta.
   еқах ч̓ігахун ҕарі коін бінест̓а.

Sentence: 76     me ġari nana-xunčimux miaq̇un baksa, ṭesahaṭ čalq̇unxesa me ġarax.
   Ме ҕарі̀ нана-хунчімух міа̀-qун бақса, тѐсаһат ча̀лqунхеса ме ҕара̀х;

Sentence: 77     ṭiṭeri, taq̇unsa ṭaṭmerun ṭo͑ġo͑l, me ašlax bütün naġəlq̇un besa šeṭu.
   тітері̀, ҭаqунса татмерун-то̇ҕо̇л, ме аш̆лах бӱҭӱн наҕы̀л-qун беса шету̀.

Sentence: 78     ṭaṭmeren exne: "šel, za abaza eḳaz bo."
   Татмерѐн ѐхне: "ш̆ел, за аба̀за ека̀з бо."

Sentence: 79     taci, yaq̇na boš arci, be͑neġsa me ġara.
   Ҭаці̀, јаqна-бош арці̀, бы̀неҕса ме ҕара̀.

Sentence: 80     ġar ari, kalin č̣ebakaxun, ṭaṭmeren o͑nenexa te:
   Ҕар арі̀, қалін ч̓ебақахун, татмерѐн ʿо̇ненеха ҭе:

Sentence: 81     "A, bez ġar, zu q̇oǯa čubuxzu, zaxal taša ef ḳua!"
   "А! без ҕар, зу qоџа чубу̀х-зу, зах-ал ҭаша еф куа!"

Sentence: 82     ġaren lanexsa meṭux e͑ka, tanešesa ičġo ḳua.
   Ҕар(ен) ланехса мету(х) еқа, ҭанешеса ічҕо куа.

Sentence: 83     xunčen irazi tene baksa, exne:
   Хунчен іразі̀ ҭѐ-не бақса, ехне:

Sentence: 84     "eḳaluġnu ečere me čubġox?"
   "Ека̀луҕ-ну ечерѐ ме чубҕох?"

Sentence: 85     čubġon burreqi o͑nepsax.
   Чубҕон бурреqі ʿо̇неп̓сах.

Sentence: 86     ġaren pine: "eḳaz bo, ai xunči!
   Ҕарѐн п̓і̀не: "Ека̀-з бо, аі хунчі!

Sentence: 87     q̇oǯa čubuxne, barta manq̇andi!"
   qоџа чубух-не, ба̀рҭа, ма̀нqанді!"

Sentence: 88     sa ġi me čubġon pine xinära:
   Са ҕі ме чубҕо̀н п̓іне хінӓра̇:

Sentence: 89     eṭe ten vi viče baxṭin čubux ečša?
   "Етѐ ҭѐ-н ві вічѐ бахтін чубух ѐчша?

Sentence: 90     un sapsanu."
   ун сап̓са-ну."

Sentence: 91     xinären pine: "bez vičen čubux teṭubuq̇sa."
   Хінӓрен п̓іне: "Без вічѐн чубух ҭѐтубуqса." --

Sentence: 92     ägän teṭubuq̇sa, upa vi vičex, taci, eq̇anč̣eri ṭe sälbin xodax.
   "Ӓгӓн ҭѐтубуqса, уп̓а ві вічѐх, ҭаці, ѐqанч̓ері те са̇лбін хода̀х.

Page: 93
Sentence: 93     ṭe xoden vaxolan aitṭeḳo."
   Те ходен вахолан аі̀ҭтеко."

Sentence: 94     viči evaxṭte biasun arine ḳua, xunčen pine:
   Вічі евахт(ҭе) біас(ун) арі̀не куа, хунчѐн п̓і̀не:

Sentence: 95     "viči, take, sa sälbin xodde bu;
   "Ві̀чі, ҭақѐ, (са) са̇лбін ходде бу;

Sentence: 96     ṭe xodax zenḳ eča!"
   те хода̀х зеңк ѐча!"

Sentence: 97     vičen pine: "bez pin laxo! taci, šeṭux ečšo!"
   Вічен п̓і̀не: "Без п̓ін лахо! ҭаці̀, шету̀х ечшо!"

Sentence: 98     taneci ġar šähärä, xabarreaq̇i sa q̇oǯa iśexo sälbin xodin galax.
   Ҭа̀неці ҕар шӓһӓрӓ, хаба̀р-ре аqі̀ са qоџа іш̆ехо са̇лбін ходін гала̀х.

Sentence: 99     q̇oǯa iśen pine: "bala, sälbin xodin yaq̇ gölö pisne;
   qоџа іш̆ѐн п̓і̀не: "Ба̀ла, са̇лбі̀н ході̀н јаq гӧлӧ п̓і̀с-не;

Sentence: 100     gölö dövüruxne bu.
   гӧлӧ дӧвӱру̀х-не бу.

Sentence: 101     Yaq̇e bel sa dövne bu, vu͑ġ bulla;
   Јаqе бел са дӧв-не бу, ву̇ҕ булла;

Sentence: 102     šeṭa kexo adamar tene čixarḳesa."
   шета қехо̀ адамар ҭѐ-не чіха̀ркеса."

Sentence: 103     ġaren pine: "eḳa bakain, zu taġalzu."
   Ҕарѐн п̓і̀не: "Ѐка бақаі̀н, зу ҭаҕа̀лзу."

Sentence: 104     šähäraxo č̣eri, taneci.
   Шӓһӓра̀хо ч̓ері̀, ҭа̀неці.

Sentence: 105     taci, baneṗi be͑neġi te ṭe vu͑ġ bullaṭa turel sa cacne bafṭe, čičal tene bu.
   Ҭаці̀, ба̀непі бы̀неҕі ҭе те ву̇ҕ булла(та) ҭурѐл са ца̀ц-не бафте, чіча̀л ҭѐ-не бу̇.

Sentence: 106     baṗi sahatṭa, viče pine döven:
   Бапі̀ саһаҭта̀, вічѐ п̓і̀не дӧвен:

Sentence: 107     "aman, bez turexo čiča me cacnux!"
   "А̀ман, без ҭурѐхо чіча̀ ме цацну̀х!"

Sentence: 108     ġaren činečeri, döven pine:
   Ҕарѐн чінечері, дӧвен п̓іне:

Sentence: 109     "e šelluġ buvaq̇sa baz, upa!"
   "Ѐ ш̆еллуҕ бу̀ваqса баз, уп̓а!"

Sentence: 110     zu sälbin xodaxza buq̇sa," pine ġaren.
   Зу са̇лбін ходах за̀буqса," п̓іне ҕарен.

Sentence: 111     "ox," pine döven, "ṭe yaq̇al gölö dövne bu šeṭoġo kexo un čixarḳal ten."
   "о̀х," п̓і̀не дӧвен, "те јаqал гӧлӧ дӧв-не бу, шетоҕо̀ қехо̀ ун чыхаркал ҭѐ-н."

Sentence: 112     ośa döven sa niśanne tasṭa ġara, exne:
   ʿО̇ш̆а̇ дӧвен са ніша̀н-не ҭаста ҕара̀, ехне:

Sentence: 113     take, ma döv bakain, me niśanax aḳesṭa, [94] ṭevaxṭ sälbin xodaxal te anq̇i, qoš ma be͑ġa, düs eke."
   "Ҭақе, ма дӧв бақаі̀н, ме нішанах акѐста, [94] тѐвахт са̇лбін хода̀х-ал ҭе анqі, ҟош ма̀ быҕа, дӱс еқе."

Page: 94
Sentence: 114     ġar taneci, dövürġo aḳesnedi ṭe niśana(x), banepi sälbin xoda(x).
   Ҕар ҭа̀неці, дӧвӱрҕо акѐснеді те нішана̀(х), ба̀неп̓і са̇лбін хода̀(х).

Sentence: 115     xodax čuneki, baineci yaq̇a.
   Ходах чунеқі, баінеці јаqа̀.

Sentence: 116     koǯluġen ari, baneṗi ič gala, sälbin xodax tanedi ič xunče.
   Қоџлуҕѐн арі̀, банепі іч гала, са̇лбін ходах ҭа̀неді іч хунче.

Sentence: 117     saema ġenaxo ośa, ġar tanesa ṗuran šähärä.
   Са ема ҕенахо ʿо̇ш̆а̇, ҕар ҭанеса пу̀ран шӓһӓрӓ.

Sentence: 118     ič nanaxunčimux ṗuran taq̇unsa ṭaṭmerun ṭo͑ġo͑l.
   Іч нанахунчімух пу̀ран ҭа̀qунса татмерун-то̇ҕо̇л.

Sentence: 119     ṭaṭmer ṗuran burreqsa me xinärax aš zombesan.
   Татмер пуран бу̀рреqса ме хінӓра̀х аш̆-зомбесан.

Sentence: 120     pine xinära: "eṭe ten vi viče baxṭin Šaxsa͑namax čubux ečša?"
   п̓іне хінӓра̇: "Ете ҭе-н ві вічѐ-бахтін Шахса̇намах чубух ечша?"

Sentence: 121     xinären exne ič vičex.
   Хінӓрен ехне іч вічѐх.

Sentence: 122     viči ṗuran yaq̇a baici tanesa.
   Вічі̀ пуран јаqа баіці ҭанеса.

Sentence: 123     ṭe döven ṗuran zomnebesa me ġarax, exne:
   Те дӧвен пуран зо̀мнебеса ме ҕарах, ехне:

Sentence: 124     "tanġo Šaxsa͑nami ḳoǯin ṭo͑ġo͑l, ḳalluḳo:
   "Ҭанҕо Шахса̇намі̀ коџін-то̇ҕо̇л, каллуко:

Sentence: 125     "Šaxsa͑nam, sa be͑ġa bez laxo!"
   "Шахса̇нам, са быҕа̀ без-лахо!"

Sentence: 126     Šaxsa͑nam vax be͑ġi, uḳalle:
   Шахса̇нам вах быҕі̀, ука̀лле:

Sentence: 127     "meno e šel ġar-a?
   "Мено ѐ ш̆ел ҕар-а?"

Sentence: 128     ari, vax aq̇i, tašalle ič ṭo͑ġo͑l.
   арі̀, вах аqі̀, ҭашалле іч-то̇ҕо̇л."

Sentence: 129     ġar taneci, Šaxsa͑nami ḳua baṗaxun, döven uḳalo-ḳena ḳallepi:
   Ҕар ҭа̀неці, Шахса̇намі̀ куа ба̀пахун, дӧвен ука̀ло-кена каллеп̓і:

Sentence: 130     Šaxsa͑nam, be͑ġa bez laxo!"
   "Шахса̇нам, бы̀ҕа без-лахо!"

Sentence: 131     Šaxsa͑nam(en) be͑ġi sahatṭa, enesa ġari ṭo͑ġo͑l, tanešša šeṭux ič ṭo͑ġo͑l.
   Шахса̇нам(ен) быҕі̀ саһаҭта, ѐнеса ҕарі̀-то̇ҕо̇л, ҭанешша шетух іч-то̇ҕо̇л.

Sentence: 132     ośa ġaraxol sa gala girq̇unbesa bütün šeyürġox.
   ʿО̇ш̆а̇ ҕара̀хол са гала гірqунбеса бӱҭӱн шејӱрҕо̀х;

Sentence: 133     eq̇unsa ġari [95] ḳua.
   ѐqунса ҕарі̀ [95] куа.

Page: 95
Sentence: 134     xinär(en) be͑neġsa, te gölö šavaṭ čubuxne.
   Хінӓр(ен) бы̀неҕса, ҭе гӧлӧ шават чубух-не.

Sentence: 135     vu͑ġ ġi, vu͑ġ šu laśḳoq̇un besa.
   Ву̇ҕ ҕі, ву̇ҕ ш̆у лашко̀-qун беса.

Sentence: 136     ġar ṗuran tanesa sa ġi šähärä.
   Ҕар пу̀ран ҭанеса са ҕі шӓһӓрӓ.

Sentence: 137     xinärun nana-xunčimux ṗuran aq̇oḳsa ġarax.
   Хінӓрун нана-хунчімух пу̀ран а̀qокса ҕарах.

Sentence: 138     taci, exq̇un ṭaṭmera.
   Ҭаці̀, ѐхqун татмера.

Sentence: 139     ṭaṭmer tanesa pasč̣aġina ṭo͑ġo͑l, exne:
   Татмер ҭанеса п̓ачшаҕіна-то̇ҕо̇л, ехне:

Sentence: 140     "pasč̣ax, mia sa gala sa xinärre bu, sa šavaṭ nutaḳeci xinär, take, šeṭux eča venḳ."
   "п̓а̀чшах, міа̀ са гала са хінӓр-ре бу, са шава̀т нуҭакеці̀ хінӓр, ҭақѐ, шетух ѐча веңк."

Sentence: 141     pasč̣aġen q̇ošinne yaq̇absa, ṭe xinärmoġox ečesnedesa.
   п̓ачшаҕен qоші̀н-не јаqабса, те хінӓрмоҕох ечѐснедеса.

Sentence: 142     ġaral xinärmoġoxolan enesa.
   Ҕа̀р-ал хінӓрмоҕо̀холан ѐнеса.

Sentence: 143     me ġar Šaxzadanei, ič xunče c̣i Šaxvalad, ič čubuġo c̣i Šaxsa͑nam.
   Ме ҕар Шахзада̀неі, іч хунчѐ ц̓і Шахвалад, іч чубуҕо̀ ц̓і Шахса̇нам.

Sentence: 144     Šaxzada ari pasč̣aġun därväzinä baṗaxun, be͑ġsane te därväzin be͑ś sa bošṭi čubuxne bu.
   Шахзада арі̀ п̓ачшаҕун да̇рва̇зіна̇ бапахун, быҕса̀не ҭе да̇рва̇зін-беш са бошті чубу̀х-не бу.

Sentence: 145     baṗi sahatṭa, e͑kaxo cirine, me čubġo kex muneči.
   Бапі саһаҭта, еқа̀хо ціріне, ме чубҕо қех му̀нечі.

Sentence: 146     me säs taci, pasč̣aġa baneṗi.
   Ме са̇с ҭаці̀, п̓ачшаҕа ба̀непі.

Sentence: 147     pasč̣aġen aǯoġonnebaki.
   п̓ачшаҕѐн аџоҕо̀нне бақі̀.

Sentence: 148     pasč̣aġen ġari baxṭin ćomo be͑ś kurre kačṗesṭei, biane.
   п̓ачшаҕен ҕарі̀-бахтін чо̇мо̇-быш қур-ре қачпестѐі, бі̀ане.

Sentence: 149     ama ġar(en) me ašlax abaṭui, ćomo baṗaxun, ǯupi, baineci ḳua.
   Ама ҕар(ен) ме аш̆лах аба̀туі, чо̇мо̇ бапахун, џуп̓і̀, баінеці куа.

Sentence: 150     ġaren pine pasč̣aġa:
   Ҕарѐн п̓іне п̓ачшаҕа:

Sentence: 151     "pasč̣aġ, baneko te [96] adamaraxo xa͑ bakane?"
   "п̓ачшаҕ, ба̀неқо ҭе [96] адамара̀хо ха̇ бақане?"

Page: 96
Sentence: 152     pasč̣aġen pine: "kano tene bako."
   п̓ачшаҕен п̓і̀не: "Қано̀ ҭе-не бақо."

Sentence: 153     ġaren pine: "kano te tene bako, pesunne,
   Ҕарѐн п̓іне: "Қано̀ ҭе ҭѐ-не бақо, п̓есун-не,

Sentence: 154     zu vi ġarzu."
   зу ві ҕа̀р-зу."

Sentence: 155     aš qaineci.
   Аш̆ ҟаінеці.

Sentence: 156     pasč̣aġ(en) gölö muq̇ne baki.
   п̓ачшаҕ(ен) гӧлӧ муq-не бақі;

Sentence: 157     ṭesahat ṭe ġaren nanax kurruxo čičesnedi, oc̣ḳalpesnedi, lapesnedi šel partalġox.
   тесаһаҭ те ҕарен нанах қурру̀хо чічѐснеді, оц̓калп̓ѐснеді, лап̓ѐснеді ш̆ел п̓арҭалҕох.

Sentence: 158     ośa ḳalpi ṗa͑ xunčimoġox, banedi ṭaṭmeraxo(l) sa gala q̇alina, ṭesahat Šaxsa͑namaxal Šaxvaladaxal ečesnedi.
   ʿО̇ш̆а̇ калп̓і̀ пʿа̇ хунчімо̆ҕох, ба̀неді татмера̀хо(л) са гала qаліна, тесаһаҭ Шахса̇намах-ал Шахвалада̀х-ал ечѐснеді.

Sentence: 159     Šaxsanamax q̇an ič ġarax vu͑ġ ġi, vu͑ġ šu lašḳone bi.
   Шахсанама̀х-qан іч ҕара̀х ву̇ҕ ҕі, ву̇ҕ ш̆у лашко-не бі.

Sentence: 160     ośa ečesnedi gölö e͑kurġux ṭe ṗa͑ xunčex saal ṭaṭmerax ġać̣nepi e͑kurġo oǯilaxo, ǯigesnedi, šeṭoġox besnedi.
   ʿО̇ш̆а̇ ечѐснеді гӧлӧ еқурҕух те пʿа̇ хунчѐх саал татмерах ҕачнеп̓і еқурҕо оџіла̀хо, џігѐснеді, шетоҕо̀х бѐснеді.

This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.