TITUS Texts: Corpus of Published Udi Texts

TITUS
Corpus of Published Udi Texts
Part No. 25

Part: 2_The_Imprisoned_King
2_The _Imprisoned _King

Page: 67
Sentence: 1     sa pasč̣aġen sa pasč̣aġax č̣axpi
   Sa pՙasčaγèn sa pՙasč՚aγàx č՚axpՙi

Sentence: 2     yesirreaq̇sa, enesča ič ölkina,
   jesìr-re aqsà, ènesča ič ölkՙinà,

Sentence: 3     ič ḳua enefsa, šeṭa pasč̣aġluġaxal zafṭebsa.
   ič ku̯a ènefsa, šeta pՙasčaγluγàx-al zàftebsa.

Sentence: 4     q̇a usenaxo ośa yesir pasč̣aġen xoiśnebsa me pasč̣aġax te: "vatanbez ixbafṭe, barta bez ölkinax taġa furuḳaz."
   Qa usenàxo-ośa jesìr pՙasčaγèn xòi̯śnebsa me pՙasčaγàx tՙe: "vatՙàn bez ìxbafte, bàrtՙà bez ölkՙinàx tՙaγà furùkaz".

Sentence: 5     me pasč̣aġun sa haq̇ullu q̇oǯa maslahatčiṭa bui, doġrine meṭin q̇ulluġ tene besai, amma pasč̣aġen šeṭux gölö hörmätenne efsa, ič dolluġaxal tanesṭa.
   Me pՙasčaγùn sa haqullù qoǰà maslahatՙči-ta bui̯, doγrì-ne metìn qulluγ-tՙè-ne besai̯, àmma pՙasč՚aγèn šetùx gölö hörmätՙèn-ne efsà, ič dolluγàx-al tՙànesta.

Sentence: 6     pasč̣aġen xabarreaq̇sa meṭuxo te: "yesir pasč̣aġa buṭuq̇sa ič ölkinä taġane furuḳsan, un eḳan maslahatbesa?"
   Pՙasčaγèn xabàr-re aqsa metuxò tՙe: "jesìr pasčaγà bùtuqsa ič ölkՙinä̀ tՙaγàne furuksàn, un ekà-n maslahàtՙ-besà?"

Sentence: 7     me maslahatč̣inen exne:
   Me maslahatՙčinèn exne:

Sentence: 8     "ma barta taisan.
   "mà bartՙa tՙai̯sàn.

Sentence: 9     ägänä buvaq̇sa sinämišba; meṭa ölkinaxo ḳul ečesṭa, cipa paki;
   Ägänä̀ bùvaqsa sinämìšba; metà ölkՙinàxo kul èčesta, cìpՙa pՙakՙì;

Sentence: 10     ġenax va͑n furuḳal ganu ägänä ič ḳulla laxo furuḳaxun badallebaki, bartes bakaltene."
   γennàx wȧn furukal ganù ägänä̀ ič kullà-laxo furukaxùn badàl-le bakՙi, bartՙès-bakՙal-tՙene".

Sentence: 11     me pasč̣aġen ečesnesṭa yesir pasč̣aġun ölkinaxo ḳul, cipesnesṭa paki, maate ġenax ṗa͑len saganu furuq̇unexa.
   Me pՙasčaγèn ečèsnesta jesìr pՙasčaγùn ölkՙinàxo kul, cipՙèsnesta pՙakՙì, màa-tՙe γennàx pȧlen saganù furùqunexa.

Sentence: 12     ḳul cipiṭuxo ośa ṗa͑lenal furuq̇unexa;
   Kul cipՙìtuxo ośa pȧlenal furùqunexa;

Page: 68
Sentence: 13     yesir pasč̣aġen ari ča͑xḳaxun ič ḳullul, burreqsa ṭesahat ič bex tiḳ biq̇sax, osṭavar osṭavar aitpesax, uḳan te ič źomoxo aruxne barsa;
   jèsir pՙasčaγèn arì čȧxkaxùn ič kullùl, burrek̯sa tèsahatՙ ič bex tՙik biqsax, ostavàr ostavàr ai̯tՙpՙesàx, ukàntՙe ič źȯmȯ̀xo arùx-ne barsa;

Sentence: 14     burreqsa pasč̣aġaxol höǯätbesax.
   bùrrek̯sa pՙasčaγàxol höǰä̀tՙbesax.

Sentence: 15     pasč̣aġen fikirrebsa te meṭin ič ölkin ḳullul metärrebsa, ägänä ič ölkina taġain, dava burqalle.
   Pՙasčaγèn fikՙirrebsa tՙe metìn ič ölkՙin kullùl mètՙär-re-bsa, ägänä ič ölkՙinä̀ tՙaγài̯n, davà burk̯àlle.

Sentence: 16     meṭabaxṭin tene barexa yesir pasč̣aġax taġane ič ölkinä.
   Metà-baxtìn tՙe-ne barexà jesir pՙasčaγàx tՙàγane ič ölkՙinä̀.

This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.