TITUS Texts: Corpus of Published Udi Texts

TITUS
Corpus of Published Udi Texts
Part No. 27

Part: 4_Arzuman
4_Arzuman

Page: 70
Sentence: 1     sa išune bake, sa čubux, ṗa͑al aiel, sa ġar, sa xinär;
   Sa išù-ne bakՙè, sa čubùx, pȧ̱-al ai̯èl, sa γar, sa xinär;

Sentence: 2     ġari c̣i Arzumanne bake.
   γarì ci Arzumàn-ne bakՙè.

Sentence: 3     ič nanan azarune bake, pene ič išex te:
   Ič nanàn azaru-ne bakՙè, pՙenè ič išèx tՙe:

Sentence: 4     "eq̇za buqsa."
   "èq-za buqsa".

Sentence: 5     pene:
   Pՙène:

Sentence: 6     "eṭa eq̇va buqsa?"
   "età èq-va buqsà?"

Sentence: 7     šeṭinal pene te:
   Ṡetin-al pՙene tՙe:

Sentence: 8     "Arzumani eq̇nuxoza buqsa."
   "Arzumanì eqnùxo-za buqsa".

Sentence: 9     ośa baban taci ečerì šamnepe Arzumanax.
   Óša babàn tՙacì ečerì šàmnepՙe Arzumanàx.

Sentence: 10     śampi ič čubġo tanede, kene.
   Ṡampՙì ič čubγò tՙànede, kՙene.

Sentence: 11     ṭe xinär arene, pene:
   Te xinär arène, pՙène:

Sentence: 12     "ai nana, busaz."
   "ai̯ nanà, busà-z".

Sentence: 13     pene:
   Pՙene:

Sentence: 14     "me dükäni vi bar xašane bu, take, eča, uka."
   "me dükՙänì vi bar xašà-ne bu, tՙàkՙe, èča, ùkՙa".

Sentence: 15     taci, ečeri be͑ġsane te ič boš sa ḳilin ḳašane bu, exne:
   Tՙacì, ečerì bẹγsàne tՙe ič-boš sa kilìn kašà-ne bu, èxne:

Sentence: 16     "meno bez Arzumani ḳašane."
   "mèno bez Arzumanì kašà-ne".

Sentence: 17     Sa bisin boš bač̣urexane, taššane, gergec̣un boš laxsa.
   Sa bisìn-boš bač՚urexàne, tՙašsàne (tՙaššàne), gergecùn-boš laxsà.

Sentence: 18     ośa Arzuman (ḳilin ḳaša) melan q̇ušne baksa, č̣eri taisa.
   Òša Arzumàn (kilìn kašà) mèlan quš-ne bakՙsà, č՚erì tՙai̯sà.

Sentence: 19     taisane sa qəc togdalun ṭo͑ġo͑l, exne:
   Tՙai̯sàne sa qəc tՙogdalùn-tȯγȯl, èxne:

Sentence: 20     "eḳan tasṭa venḳena sa ma͑ġ uḳaz?"
   "ekà-n tՙastà vènkena sa mȧγ ùkaz?"

Sentence: 21     pene:
   Pՙène:

Sentence: 22     "sa top tafṭaz tadal."
   "sa tՙopՙ tՙaftà-z tՙadàl".

Sentence: 23     pene:
   Pՙene:

Sentence: 24        "C̣iṗiḳzu, hai c̣iṗiḳzu
      "C՚ipìk-zu, hai̯ c՚ipik-zu

Sentence: 25        civili viṭiḳzu.
      civilì vitìk-zu.

Sentence: 26        baban śampi
      babà-n šampՙi

Sentence: 27        nanan ḳei
      nana-n kei

Sentence: 28        xunčen purdi
      xunče-n pՙurdì

Sentence: 29        c̣iṗiḳzu!
      c՚ipik-zu!"

Page: 71
Sentence: 30     tafṭina aq̇i tanesa bi͑q̇ togdalun ṭo͑ġo͑l, exne:
   Tՙaftinà aqì tՙànesa bịq tՙogdalùn-tȯγȯl, èxne:

Sentence: 31     "eḳan tasṭa venḳ sa ma͑ġ uḳaz?"
   "ekà-n tՙastà venk sa mȧγ ùkaz?"

Sentence: 32     pene:
   Pՙène:

Sentence: 33     "sa top bi͑q̇zu tado."
   "sa tՙopՙ bịq-zu tՙado".

Sentence: 34     pene:
   Pՙène:

Sentence: 35        "c̣iṗiḳzu, hai c̣iṗiḳzu..."
      C՚ipik-zu, hai̯ c՚ipik-zu

Sentence: 36        bi͑q̇nu tanesṭa.
   Bịqnù tՙànestȧ.

Sentence: 37     taisane, sa lalaqan i͑balṭa ṭo͑ġo͑l, exne.
   Tՙai̯sàne, sa lalaqàn ịbàlta-tȯγȯl, èxne.

Sentence: 38     "eḳan tado za venḳ sa ma͑ġ uḳaz?"
   "ekà-n tՙadò za venk sa mȧγ ùkaz?"

Sentence: 39     exne:
   Èxne:

Sentence: 40     "sa čüt lalaqanzu tado."
   "sa čütՙ lalaqàn-zu tՙado".

Sentence: 41     pene:
   Pՙene:

Sentence: 42        "c̣iṗiḳzu..."
      "c՚ipik-zu..."

Sentence: 43     lalaqana tanesṭa.
   Lalaqanà tՙanesta.

Sentence: 44     ośa tanesa sa sanǯaġ togdalun ṭo͑ġo͑l, ṗuran exne:
   Oša tՙànesa sa sanǰàγ tՙogdalùn-tȯγȯl, pùran èxne:

Sentence: 45     "za eḳan tado venḳ sa ma͑ġ uḳaz?"
   "za ekà-n tՙadò venk sa mȧγ ùkaz?"

Sentence: 46     exne:
   Exne:

Sentence: 47     "sa top sanǯaġ,"
   "sa tՙopՙ sanǰàγ",

Sentence: 48     pene:
   pՙene:

Sentence: 49        "c̣iṗiḳzu..."
      C՚ipik-zu...

Sentence: 50     melin tanesa, ičġo ḳoǯin boxariḳun-bel arcesa, exne:
   Mèlin tՙànesa, ìčγo koǰìn boxarikùn-bel arcesà, exne:

Sentence: 51     "ai baba, sa ala be͑ġa!"
   "Ai̯ babà, sa alà bịγà!"

Sentence: 52     baban exne:
   Babàn èxne:

Sentence: 53     "baba va neyś q̇i͑zabsa."
   "Babà va neìš, qị-zabsa".

Sentence: 54     šeṭin exne:
   Ṡètin èxne:

Sentence: 55     "maq̇avaq̇i͑bi, gullu vi ćoe biqa, ala be͑ġa!"
   "màqavaqịbi, gullù vi čoe bìqa, alà bịγa!"

Sentence: 56     bi͑q̇nu bonessa, baba pie ḳać̣inebsa.
   Bịqnù bònessa, babà pՙiè kač՚ìnebsa.

Sentence: 57     ośa nanaxne exa:
   Oša nanàx-ne exà:

Sentence: 58     "ai nana, sa ala be͑ġa!"
   "Ai̯ nanà, sa alà bịγa!"

Sentence: 59     Nanan exne:
   Nanàn èxne:

Sentence: 60     "nana va neyś, q̇i͑zabsa."
   "Nanà va neiš, qịzabsa".

Sentence: 61     exne:
   Èxne:

Sentence: 62     "maq̇avaq̇i͑bi, gullu vi ćoe biq̇a, ala be͑ġa!"
   "Màqavaqịbi, gullù vi čoe bìqa, alà bịγa!"

Sentence: 63     sanǯaġax bonessa, nana pie ḳać̣inebsa.
   Sanǰaγàx bònessa, nanà pՙiè kač՚ìnebsa.

Sentence: 64     ośa ič xunčexne exa:
   Oša ič xunčèx-ne èxa:

Sentence: 65     "ai xunči, sa ala be͑ġa!"
   "Ai̯ xunči, sa alà bịγa!"

Sentence: 66     xunčen exne:
   Xunčèn èxne:

Sentence: 67     "xunči va neyś, q̇i͑zabza."
   "xunčì va neìš, qịzabza".

Sentence: 68     exne:
   Exne:

Sentence: 69     "vi da͑ma͑nex biq̇a, ala be͑ġa!"
   "vi dȧmȧnèx bíqa, alà bịγa!"

Sentence: 70     ṭe sa top tafṭinaxal, lalaq̇anaxal basaneksa xunče da͑ma͑ne, ičal purpi tanesa.
   Te sa tՙopՙ tՙaftinàx-al, lalaqanàx-al basànekՙsa xunčè dȧmȧnè, ič-al pՙurpՙi tՙànesa.

This text is part of the TITUS edition of Corpus of Published Udi Texts.

Copyright TITUS Project, Frankfurt a/M, 17.12.2016. No parts of this document may be republished in any form without prior permission by the copyright holder.